Nzembo
71 Ee Yehova, nakimi epai na yo.
Nayoka nsɔni ata moke te.+
2 Na bosembo na yo, bikisá ngai mpe sikolá ngai.
Tyá litoi na yo epai na ngai* mpe bikisá ngai.+
3 Kómá mpo na ngai libanga mpo ezala ndako na ngai ya makasi
Epai nakoki kokɔta ntango nyonso.
Pesá mitindo mpo na kobikisa ngai,
Mpo ozali libanga na ngai mpe esika makasi na ngai ya libateli.+
5 Mpo ozali elikya na ngai, Ee Yehova Nkolo Mokonzi-Oyo-Aleki-Nyonso;
Nasanzolaka yo ntango nyonso.
7 Nakómi lokola likamwisi na miso ya bato mingi,
Kasi yo ozali esika na ngai ya makasi ya kobombana.
9 Kobwaka ngai te na ntango ya bobange na ngai;+
Kosundola ngai mpe te ntango makasi na ngai ezali kosila.+
10 Banguna na ngai balobi mabe mpo na ngai,
Mpe baoyo bazali koluka koboma ngai* bango nyonso bayokani,+
11 Balobi: “Nzambe asundoli ye.
Bólanda ye mpe bókanga ye, mpo moto ya kobikisa ye azali te.”+
12 Ee Nzambe, kozala mosika na ngai te.
Ee Nzambe na ngai, salá noki osalisa ngai.+
Baoyo bazali kolukela ngai likama
Bámizipa na nsɔni mpe básambwa.+
14 Kasi ngai nakokoba kozela;
Nakosanzola yo lisusu koleka.
16 Nakoya mpe nakolobela misala na yo ya nguya,
Ee Yehova Nkolo Mokonzi-Oyo-Aleki-Nyonso;
Nakolobela bosembo na yo, kaka oyo ya yo moko.
17 Ee Nzambe, oteyi ngai banda bolenge na ngai,+
Mpe tii sikoyo nazali koyebisa misala na yo ya kokamwa.+
18 Ee Nzambe, kosundola ngai te ata na bobange mpe na nsuki mpɛmbɛ na ngai.+
Tiká nayebisa nguya* na yo na libota oyo ekoya
Mpe makasi na yo epai ya baoyo nyonso bakoya na nsima.+
19 Ee Nzambe, bosembo na yo ekei tii na bisika etombwaná;+
Osali makambo minene;
Ee Nzambe, nani azali lokola yo?+
21 Matisá lokumu na ngai,
Mpe zingá ngai mpe bɔndisá ngai.
Nakoyemba na nzɛnzɛ mpo na kosanzola yo,*
Ee, Mosantu ya Yisraele.