Yisaya
19 Nsango ya kotɛmɛla Ezipito:+
Talá! Yehova amati likoló ya lipata oyo ezali kokende mbangu mpe azali koya na Ezipito.
Banzambe ya Ezipito oyo bazangá ntina bakolɛnga liboso na ye,+
Mpe motema ya Ezipito ekonyangwa na katikati na yango.
2 “Nakotinda Baezipito bándongwana bango na bango,
Mpe bakobunda bango na bango,
Moto na moto na ndeko na ye mpe na mozalani na ye,
Engumba na engumba, bokonzi na bokonzi.
Bakoluka lisalisi epai ya banzambe oyo bazangá ntina,
Epai ya balengoli, bato oyo basololaka na bilimo ná bato oyo basakolaka makambo oyo ekoya.+
4 Nakokaba Ezipito na lobɔkɔ ya nkolo moko ya makambo makasi,
Mpe mokonzi moko ya nko akoyangela bango,”+ yango nde liloba ya Nkolo ya solo, Yehova ya mampinga.
6 Mpe bibale ekolumba nsolo mabe;
Banzela ya mai ya Nile ya Ezipito ekokita mpe ekokauka makasi.
Matiti ya ebale ná nkɛkɛlɛ ekopɔla.+
7 Banzete oyo ezali pene na Ebale Nile, na monɔkɔ ya Ebale Nile,
Mpe mabele nyonso oyo baloni mboto penepene ya Ebale Nile+ ekokauka.+
Ekomemama na mopɛpɛ, mpe ekozala lisusu te.
8 Mpe babomi-mbisi bakolela,
Mpe baoyo nyonso babwakaka ndɔbɔ na Ebale Nile bakomilelalela,
Mpe baoyo batandaka minyama na mai bakozala lisusu mingi te.
10 Bato na ye oyo basalaka mayemi na bilamba bakotungisama;
Basali nyonso oyo bazwaka lifuti bakoyoka mawa.*
11 Bankumu ya Zoane+ bazali bazoba.
Bapesi-toli ya Farao oyo baleki na bwanya bapesi toli oyo ezangi mayele.+
Ndenge nini bokoloba na Farao ete:
“Nazali mwana ya bato ya bwanya,
Mwana ya bakonzi ya ntango ya kala”?
12 Bongo bato na yo ya bwanya+ bazali wapi?
Báyebisa yo oyo Yehova ya mampinga akani kosala na Ezipito.
13 Bankumu ya Zoane basali na bozoba;
Bakonzi ya mabota na ye babungisi Ezipito nzela.
14 Yehova asali ete Ezipito ebulungana;+
Mpe babungisi Ezipito nzela ata soki esali nini,
Ndenge moto oyo alangwe amibalolaka na biloko oyo asanzi.
16 Na mokolo yango, Ezipito ekokóma lokola basi mpe ekolɛnga, mpe ekozala na nsɔmɔ mpo na koningisama ya lobɔkɔ oyo Yehova ya mampinga azali koningisela yango.+ 17 Mpe mabele ya Yuda ekokóma eloko oyo ezali kopesa Ezipito nsɔmɔ. Soki kaka batángeli bango yango, bakozala na nsɔmɔ, mpo na ekateli oyo Yehova ya mampinga azwi mpo na bango.+
18 Na mokolo yango, ekozala na bingumba mitano na mokili ya Ezipito oyo ekoloba monɔkɔ ya Kanana+ mpe oyo ekolapela Yehova ya mampinga ndai na bosembo. Engumba moko ekobengama Engumba ya Kobuka.
19 Na mokolo yango, etumbelo moko ekozala mpo na Yehova na katikati ya mokili ya Ezipito, mpe likonzí moko mpo na Yehova na ndelo na yango. 20 Mpe yango ekozala elembo mpe litatoli mpo na Yehova ya mampinga na mokili ya Ezipito; mpo bakobelela Yehova mpo na banyokoli, mpe akotindela bango mobikisi, mobikisi moko monene, oyo akobikisa bango. 21 Yehova akoyebana epai ya Baezipito, mpe Baezipito bakoyeba Yehova na mokolo yango, bakopesa bambeka, ná makabo mpe bakosalela Yehova elako mpe bakokokisa yango. 22 Yehova akobɛta Ezipito,+ akobɛta mpe akobikisa yango; mpe bakozongela Yehova, akoyanola na mabondeli na bango mpe akobikisa bango.
23 Na mokolo yango, balabala moko monene ekozala+ banda na Ezipito tii na Asiri, Asiri akoya na Ezipito, mpe Ezipito na Asiri, mpe Ezipito ná Asiri bakosalela Nzambe elongo. 24 Na mokolo yango, Yisraele akozala moto ya misato elongo na Ezipito mpe Asiri,+ lipamboli na katikati ya mabele, 25 mpo Yehova ya mampinga akopambola yango boye: “Ezipito, bato na ngai, mpe Asiri, mosala ya mabɔkɔ na ngai, mpe Yisraele, libula na ngai, bápambwama.”+