Yisaya
14 Mpo Yehova akoyokela Yakobo mawa+ mpe akopona lisusu Yisraele;+ akofandisa bango* na mokili na bango,+ mpe bato oyo bafandi bapaya bakosangana na bango mpe bakokangana na bato ya libota ya Yakobo.+ 2 Bato ya bikólo bakozwa bango, bakomema bango na bisika na bango moko, bato ya Yisraele bakozwa bango bázala basaleli ya mibali mpe ya basi+ na mabele ya Yehova, mpe bakokanga baoyo bakangaki bango bakangami, mpe bakozala na bokonzi likoló ya baoyo bazalaki kosalisa bango mosala makasi.
3 Na mokolo oyo Yehova akopemisa yo na mpasi na yo mpe na yikiyiki na yo mpe na boombo ya makasi oyo batyaki yo,+ 4 okozongela liloba oyo ya matumoli epai ya mokonzi ya Babilone:
“Talá ndenge moto oyo azalaki kotinda basusu na makasi básala mosala asuki!
Talá ndenge monyoko esuki!+
5 Yehova abuki lingenda ya bato mabe,
Lingenda ya bayangeli,+
6 Moto oyo azalaki ntango nyonso kobɛta bato ya bikólo na nkanda makasi,+
Moto oyo azalaki kotika te kotya bikólo na nse na ye na nkanda mpenza mpe na monyoko.+
7 Sikoyo mabele mobimba epemi, ekómi kimya.
Bato bazali koganga na esengo.+
8 Ata banzete ya jenevriye,
Ná banzete ya sɛdrɛ ya Liban esepeli mpo na yo,
Elobi: ‘Banda okweá,
Mokati-nzete ata moko te ayaka kokata biso.’
Mpo na yo, elamwisi baoyo bazangi makasi kati na liwa,
Bakambi nyonso oyo banyokolaka bato* na mabele.
Etɛlɛmisaka bakonzi nyonso ya bikólo na bakiti na bango ya bokonzi.
10 Bango nyonso bazali koloba mpe koyebisa yo boye:
‘Yo mpe olɛmbi lokola biso?
Okómi lokola biso?
Mpe misɔpi nde elamba na yo ya kozipa nzoto.’
12 Ee talá ndenge okwei uta na likoló,
Yo monzoto ya kongɛnga, mwana ya kotana ya ntɔngɔ!
Talá ndenge bakati yo, okwei na mabele,
Yo oyo olongaki bikólo!+
13 Olobaki na motema na yo ete: ‘Nakomata likoló.+
Nakotombola kiti na ngai ya bokonzi likoló ya minzoto ya Nzambe,+
Mpe nakofanda na ngomba ya kokutana,
Na bisika eleki mosika ya nɔrdi.+
14 Nakomata likoló ya bisika oyo etombwaná ya mapata;
Nakomikokanisa na Oyo-Aleki-Likoló.’
16 Baoyo bakomona yo bakotalatala yo;
Bakotala yo na likebi mpe bakoloba:
‘Oyo nde mobali oyo azalaki koningisa mabele,
Oyo azalaki kolɛngisa makonzi,+
17 Oyo akómisaki mabele oyo bato bafandi lokola esobe
Mpe akweisaki bingumba na yango,+
Oyo aboyaki kotika bato na ye ya bolɔkɔ bázonga epai na bango?’+
19 Kasi yo, obwakami, ozali na lilita te,
Lokola mwa nzete ya sika* oyo eyinamá,
Olati bato oyo babomami, oyo batɔbɔlami na mopanga,
Baoyo babwakami tii na libulu oyo etondi na mabanga,
Lokola ebembe oyo banyatinyati.
Bana ya basali-mabe bakotángama nkombo ata moke te.
21 Bóbongisa esika ya koboma bana na ye,
Mpo na ngambo ya bankɔkɔ na bango,
Mpo bátɛlɛma te mpo na kozwa mabele
Mpe bátondisa mokili na bingumba na bango.”
22 “Nakotɛmɛla bango,”+ yango nde liloba ya Yehova ya mampinga.
“Mpe nakolongola na Babilone nkombo ná bato oyo batikali, bana ná libota,”+ yango nde liloba ya Yehova.
23 “Mpe nakokómisa yango esika ya nziko mpe ya etúká ya maimai, mpe nakokɔmba yango na nkɔmbɔ oyo esilisaka nyɛɛ,”+ yango nde liloba ya Yehova ya mampinga.
24 Yehova ya mampinga alapi ndai ete:
“Ekosalema kaka ndenge nakanaki,
Mpe ekokokisama kaka ndenge nazwaki ekateli.
Ekanganeli na ye ekolongwa epai na bango
Mpe mokumba na ye ekolongwa na lipeka na bango.”+
26 Yango nde ekateli oyo ezwamaki* mpo na* mabele mobimba,
Mpe yango nde lobɔkɔ oyo esembolami epai ya bikólo nyonso.
Lobɔkɔ na ye esembolami,
Mpe nani akoki kozongisa yango nsima?+
28 Na mbula oyo Mokonzi Ahaze akufaki,+ liyebisi oyo epesamaki:
29 “Filistia, moto moko te kati na bato na yo asepela,
Kaka mpo lingenda ya moto oyo azalaki kobɛta yo ebukani.
Mpo uta na mosisa ya nyoka,+ nyoka moko ya ngɛngɛ ekobima,+
Mpe libota na yango ekozala nyoka ya mɔtɔ oyo epumbwaka.*
30 Ntango bana ya liboso ya bato mpamba bakolya,
Mpe babola bakolala na kimya,
Nakoboma mosisa na yo na nzala,
Mpe oyo ekotikala epai na yo ekobomama.+
31 Ee porte, gangá na kolela! Ee engumba, belelá!
Ee Filistia, bato na yo nyonso bakolɛmba nzoto!
Mpo milinga ezali kouta na nɔrdi,
Mpe na milɔngɔ ya banguna moto moko te oyo alɛmbi azangi.”
32 Eyano nini bakopesa na bamemi-nsango ya ekólo?
Ete Yehova atye moboko na Siona,+
Mpe bato na ye oyo bazali bato mpamba bakokima mpo na kozwa libateli epai na ye.