Isaya

11 Katai+ kakamela fa lisina la Jese,+

Mi kwa mibisi yahae+ kukamela lituhela lelika beya miselo.

 2 Mi moya wa Jehova ukaina fahalimwaa hae,+

Ili moya wa butali+ ni wa kutwisiso,

Moya wa kelezo ni wa maata,+

Moya wa zibo ni wa kusaba Jehova.

Haana kuatula ka kuya ka sesibonwa ki meeto ahae,

Mi haana kufa nyazo ka kuya ka litaba feela zautwa mwa mazebe ahae.+

 4 Ukaatula babotana ka kuya ka niti ya taba,*

Mi ka kuluka, ukafa nyazo ka kuyemela babaishuwa mwa lifasi.

Ukanata lifasi ka mulamu o mwa mulomo wahae+

Ni kubulaya babamaswe ka moya ozwa mwa mulomo wahae.+

 5 Kuluka kukaba lukanda lwa mwa teka yahae,

Mi busepahali bube lukanda lwa mwa linoka zahae.+

 6 Liakanyani likaina ni ngunyana,+

Mi ngwe ikabuta hamoho ni pulinyana,

Mi namani ni tau* ni folofolo yenunile likaba hamoho;*+

Mi mushimani yomunyinyani uka lietelela.

 7 Komu ni bere likafula hamoho,

Mi manamani azona akabuta hamoho.

 8 Mwana yaanya ukabapalela fa musima wa mbumbe,

Mi mwana yakwile ukabeya lizoho lahae fa musima wa noha yenani sifanu.

 9 Habana kutahisa kozi ifi kamba ifi+

Kamba kutahisa sinyeho fa lilundu laka kaufela lelikenile,+

Kakuli lifasi likatala zibo ya Jehova

Sina mezi mwakwahelezi liwate.+

Macaba akaya ku yena kuli yena aaetelele,*+

Mi mapumulelo ahae akakutekeha.

13 Muna wa Efraimi ukafela,+

Mi babalwanisa Juda bakabulaiwa.

Efraimi haana kushwela Juda muna,

Mi Juda haana kulwanisa Efraimi.+

14 Mi bakashetumuka kapili-pili fa linjetumuko* za Mafilisita ze kwa wiko;

Kaufelaa bona baka hapa tutu ya batu ba kwa Upa.

Bakaotolola lizoho labona kulwanisa* Edomo+ ni Moabi,+

Mi Maamoni bakabusiwa ki bona.+

15 Jehova ukakauhanya* siko* sa liwate la Egepita+

Ni kuzungisa lizoho lahae fahalimwaa Nuka.*+

Ka moya ocisa wabuyela,* ukanata nuka yeo mwa linukana zayona ze 7,*

Mi ukatahisa kuli batu basile inze batinile makatulo abona.

16 Mi kukaba ni likululu+ lelizwa mwa Asiria mobaka fita bo masiyaleti ba sicaba sahae babasiyezi,+

Sina mone kubezi ku Isilaele ka lizazi lazwa mwa naha ya Egepita.