Iehova ese ta ena dika baine gwauatao eiava lasi abi hidina do se karaia neganai, ia ese e laloamu ḡauna na, kara dika tauna be mai dibana ia e karaiamu karana be kerere eiava lasi. Iesu ese Luka 12:​47, 48 ai una na e hahedinaraia. Bema ta na mai ena ura ida kara dikana ta baine karaia—ena be mai dibana una kara na Iehova ese e inai heniamu—una na kara dika badana. Reana Iehova na abi hidi be karamu una tau ena dika basine gwauatao. (Mar. 3:29; Ioa. 9:41) Dirava ese eda dika baine gwautao diba, a? Oibe. Iehova ese e laloamu ḡauna ma ta na, e uramu baine diba bema kara dika tauna na e helalo-kerehai momokani. Helalo-kerehai anina na “ta ese ena lalohadai, kara bona ena ura baine haidau.” Bona anina ma ta na, ta na e kara kara dikadia dainai e lalohisihisimu, eiava bema kara kara maorodia se kara dainai e lalohisihisi badamu. E helalo-kerehaimu tauna na dia e kara kara dikadia daidiai mo e lalohisihisimu, to unu kara ese ena hetura karana Iehova ida e hadikaia danu dainai. w22.06 rau 5-6 par. 15-17

Ita e inai henidamu taudia na media o intanet amo Iehova ena orea ai maduna e huamu tadikakadia e sivarailaidia koikoimu. (Sal. 31:13) Tadikaka haida na pulisi ese e abidia bona e gwauraidia idia na taravatu iutuna taudia. Kristen ginigunadia edia negai hekwakwanai unu bamona ta e vara; aposetolo Paulo na inaina ese e habadelaia koikoi bona e hadiburaia. Aposetolo Paulo na Roma ai e hadiburaia neganai haida ese ia iduruna karana na e hadokoa. (2 Tim. 1:​8, 15; 2:​8, 9) Paulo lalona na e hisihisi bada, ani? Badina ia na hekwakwanai momo e haheaukalai bona idia daidiai kahirakahira ena mauri e haboioa. (Apos. 20:​18-21; 2 Kor. 1:8) Paulo asie durua taudia heḡereḡeredia basita kara! Una dainai, namona na basita hoa Satana ese maduna e huamu tadikakadia na e hahisidia badamu. Ia na e uramu edia abidadama baine hadikaia bona ita baine hagarida. (1 Pet. 5:8) Hanaihanai tadikakamu ba durudia bona ba badinadia.—2 Tim. 1:​16-18. w22.11 rau 16-17 par. 8-11

E helalo-kerehai kara dika tauna, Iesu badinai e taua dae tauna, na reana Iuda tauna ta. Iuda taudia na Dirava tamona e tomadiho heniava, to bese idauidau taudia be dirava momo e abidia daeva. (Eso. 20:​2, 3; 1 Kor. 8:​5, 6) Bema ia na idau bese tauna ta, reana hari dina sirina ai e hetore henanadaina na, ini bema gwauraia toma, “dirava garidia so garimu a?” Danu, Iesu na dia idau besedia ediai, to “Israel besena ena dobi mamoedia mo ediai” e siaia. (Mat. 15:24) Dirava ese Israel taudia e hadibadia, ia ese mase taudia na baine hatoredia isi lou. E helalo-kerehai kara dika tauna ese reana una na e dibaia, bona ena hereva amo e hahedinaraia, ia na e laloava Iehova ese Iesu be hatorea isi loumu bena ena Basileia ai be lohiamu. Reana e ura Dirava ese ia danu baine hatorea isi lou. E helalo-kerehai kara dika tauna na Iuda tauna dainai, Adam bona Heva na mai dibana. Una dainai, mai dibana Luka 23:43 ai Iesu ese e gwauraia Paradaisona na ina tanobada ai baine vara ḡauna.—Gen. 2:15. w22.12 rau 8-9 par. 2-3