Salamo

 2 Hoy aho tamin’i Jehovah: “Ianao no Jehovah. Tsy misy tombony ho anao ny hatsaran-toetrako,+

 3 Fa misy tombony kosa izany, ho an’ny olona masina etỳ an-tany.

Izy ireo, eny, ireo be voninahitra, no tena mahafinaritra ahy.”+

 4 Ho be ny fahorian’izay maika hanaraka andriamani-kafa.+

Tsy handraraka ny ra ataony fanatitra zava-pisotro+ aho,

Ary ny molotro tsy hanonona ny anarany.+

 5 I Jehovah no anjara+ nomena ahy ary nofenoiny ny kaopiko.+

Hazoninao ho ahy ny anjara lovako.

 6 Toerana mahafinaritra no voafaritra ho ahy tamin’ny tady fandrefesana,+

Ary tena tiako ny fananako.

 7 Hisaorako i Jehovah, izay manome torohevitra ahy.+

Mananatra ahy mandritra ny alina ny voako.+

 8 Nataoko teo anatrehako mandrakariva i Jehovah.+

Tsy hangozohozo aho satria izy eo ankavanako.+

 9 Koa faly ny foko, ary ravoravo avokoa izay rehetra misy voninahitra ato anatiko.+

Handry feizay koa ny nofoko.+

10 Fa tsy ho foinao hijanona ao amin’ny Fasana* aho.*+

Tsy havelanao hahita ny lavaka ilay mpanomponao tsy mivadika.+

11 Hampahafantarinao ahy ny lalan’ny fiainana.+

Fifaliana tsy omby tratra no eo anatrehanao,+

Ary fahafinaretana no eo ankavananao, mandrakizay.+