Salamo

141 Jehovah ô, niantso anao aho+

Ka mba valio haingana.+

Henoy re aho rehefa miantso anao e!+

 2 Enga anie ny vavaka ataoko ka ho voaomana tsara toy ny emboka manitra+ eo anatrehanao,+

Ary ny fanandratako ny tanako ho toy ny fanatitra varimbazaha fanolotra takariva!+

 3 Ambeno ny vavako,+ Jehovah ô!

Ary asio mpiambina eo amin’ny varavaran’ny molotro.+

 4 Aza avela haniry zava-dratsy ny foko+

Sao aho hivarilavo amin’ny fanaovana zavatra tena ratsy+

Miaraka amin’ny mpanao ratsy,+

Ka hihinana ny sakafo matsirony.+

 5 Raha mamely ahy ny olo-marina, dia raisiko ho hatsaram-panahy feno fitiavana izany.+

Ary raha mananatra ahy izy, dia toy ny menaka ahosotra amin’ny loha izany+

Ka tsy holavin’ny lohako.+

Fa hivavaka ho azy mihitsy aza aho raha misy loza manjo azy.+

 6 Atsipy avy eo amin’ny harambato ny mpitsara azy.+

Fa nandre ny teniko kosa izy ireo, ka mahafinaritra azy izany.+

 7 Toy ny poti-kazo miparitaka eo amin’ny tany rehefa misy mamaky sy mikapa kitay,

Dia aparitaka eo am-bavan’ny Fasana* koa ny taolanay.+

 8 Ianao anefa no andrandrain’ny masoko,+ Jehovah Tompo Fara Tampony+ ô!

Ianao no ialofako.+

Aza avela ho tapitra ny aiko.+

 9 Arovy aho mba tsy ho voaketoky ny fandrika napetrak’izy ireo,+

Sy tsy ho azon’ny vela-pandriky ny mpanao ratsy.+

10 Ho latsaka ao amin’ny fandrika harato nataony ihany ny ratsy fanahy rehetra,+

Fa izaho kosa handalo fotsiny.