Ohabolana

 2 Inona no holazaiko aminao, anaka?

Inona no holazaiko, ry ilay naloaky ny kiboko,

Ilay zanaka azoko tamin’ny voady?+

 3 Aza mandany ny herinao amin’ny vehivavy,+

Ary aza manaraka fomba fiaina ratsy, fa izany no mahatonga ny mpanjaka ho ripaka.+

 4 Tsy tsara ho an’ny mpanjaka, ry Lemoela ô,

Tsy tsara ho an’ny mpanjaka ny misotro divay,

Na ho an’ny mpitondra ny manontany hoe: “Aiza ny toakako?”+

 5 Sao hisotro izy dia hanadino ny didy efa navoaka,

Ka hanitsakitsaka ny zon’ny madinika.

 6 Omeo toaka izay efa ho faty,+

Ary omeo divay izay kivy be.+

 7 Aleo izy hisotro dia ho hadinony ny fahantrany,

Ary aleo izy tsy hahatsiaro intsony ny fahoriany.

 8 Mitenena mba hiaro an’izay tsy afaka miteny,

Ary arovy ny zon’izay rehetra efa ho faty.+

 9 Mitenena ka mitsarà araka ny rariny.

Arovy ny zon’ny* madinika sy ny mahantra.+

11 Matoky azy amin’ny fony manontolo ny vadiny,

Sady manana an’izay rehetra ilainy.

12 Tsara ny ataon’ilay vehivavy aminy fa tsy ratsy,

Mandritra ny androm-piainany.

13 Mitady volonondry sy lamba rongony ilay vehivavy,

Ary mahafinaritra azy ny miasa amin’ny tanany.+

14 Hoatran’ny sambon’ny mpivaro-mandeha izy,+

Ka mitondra ny sakafony avy any lavitra.

15 Mifoha koa izy na dia mbola alina aza,

Ka manome sakafo ho an’ny ankohonany

Sy anjara sakafo* ho an’ny mpanompovaviny.+

16 Mandinika tsara aloha izy vao mividy saha.

Ny asa mafy nataony* no ahafahany mamboly voaloboka.

17 Miomana hiasa mafy izy,*+

Ka hatanjahiny ny sandriny.

18 Hitany fa ahazoany tombony ny varotra ataony,

Ary tsy maty jiro izy mandritra ny alina.

19 Alainy ny fitazonana kofehy mbola tsy voafoly,*

Ary tazoniny koa ny ampela.*+

20 Manatsotra ny tanany hanampy ny madinika izy,

Sady malala-tanana amin’ny mahantra.+

21 Tsy manahy ny amin’ny ankohonany izy rehefa latsaka ny lanezy,

Satria manao akanjo mafana* daholo izy mianakavy.

23 Be mpahafantatra eo am-bavahadin’ny tanàna ny vadiny,+

Eo amin’ilay toerana iarahany mipetrapetraka amin’ny anti-panahy* ao amin’ilay tany.

24 Manamboatra akanjo rongony* izy, dia mivarotra an’izany.

Mamatsy fehikibo ho an’ny mpivaro-mandeha koa izy.

25 Hery sy voninahitra no akanjony,

Ary feno toky izy miandrandra ny hoavy.*

26 Hita hoe hendry izy rehefa miteny,+

Ary ny lalàn’ny hatsaram-panahy no eo am-bavany.*

27 Manara-maso an’izay mitranga ao an-tokantranony izy,

Ary tsy mihinana ny mofon’ny hakamoana.+

28 Mitsangana ny zanany, ka milaza azy hoe sambatra.

Mitsangana koa ny vadiny, ka midera azy hoe:

29 Betsaka ny vehivavy mahay,*

Fa ianao mbola mihoatra noho izy rehetra.

30 Mety hamitaka ny hatsaram-bika, ary mety hihelina* ihany ny hatsaran-tarehy,+

Fa ny vehivavy matahotra an’i Jehovah no hoderaina.+

31 Omeo valisoa izy noho izay ataony,*+

Ary aoka hidera azy eny am-bavahadin’ny tanàna ny asany.+