Salamo

143 Jehovah ô, henoy ny vavaka ataoko;+

Henoy ny fitalahoako fanampiana.

 2 Aza mifandahatra amin’ny mpanomponao eo amin’ny fitsarana,

Satria tsy misy olombelona azo atao hoe marina eo anatrehanao.+

 3 Fa manenjika ahy ny fahavalo;

Namotika ny fiainako izy, ka nanosihosy ahy tamin’ny tany.

 4 Rera-tsaina aho;*+

Reraka ny foko ato anatiko.+

 5 Mahatsiaro ny taloha aho;

Misaintsaina ny zava-drehetra nataonao aho,+

Ary mieritreritra lalina* momba ny asan’ny tananao.

 6 Mamelatra ny tanako mba hivavaka aminao aho;

Toy ny tany karakaina aho, ka mangetaheta anao.+ (Sela)

 7 Mba valio haingana aho, Jehovah ô!+

Efa ho lany ny heriko.+

Aza mihodina tsy hijery ahy,*+

Sao ho lasa hoatran’ireo midina any an-davaka* aho.+

 8 Ataovy maheno momba ny fitiavanao sy ny tsy fivadihanao aho amin’ny maraina,

Fa matoky anao.

Ampahafantaro ahy ny lalana tokony halehako,+

Satria ianao no ianteherako.*

10 Ampianaro hanao ny sitraponao aho,+

Fa ianao no Andriamanitro.

Tsara ny fanahinao;

Enga anie izany hitarika ahy eo amin’ny toerana tsy mikitoantoana!*

12 Aringano* ny fahavaloko,+ satria be fitiavana sy tsy mivadika ianao.

Aripaho izay rehetra mampijaly ahy,+

Fa mpanomponao+ aho.