Псалми

143 О Јехова, чуј ја мојата молитва,+

ислушај ја мојата сесрдна молба!+

Во верноста своја услиши ме според својата праведност!+

 2 Не води го својот слуга на суд,+

зашто никој жив не може да биде праведен пред тебе.+

 3 Зашто, непријателот ја прогонува мојата душа,+

го фрли мојот живот на земја.+

Поради него живеам на мрачни места, како оние што одамна се мртви.+

 4 Духот мој премале во мене,+

срцето ми замре во утробата.+

 5 Се сеќавам на дамнешните дни,+

размислувам за сите твои дела,+

се интересирам за делото на твоите раце.+

 6 Во молитва ги ширам рацете кон тебе,+

душата ми е како сува земја што жеднее по тебе.+ (Села)

 7 Поитај, услиши ме, Јехова!+

Го снемува животот* во мене.+

Не свртувај го своето лице од мене,+

за да не станам како оние што слегуваат во јамата.+

 8 Наутро објави ми ја својата милост,*+

зашто во тебе имам доверба.+

Покажи ми го патот по кој треба да одам,+

зашто кон тебе ја подигам душата.+

 9 Избави ме од моите непријатели, Јехова!+

Кај тебе барам засолниште.+

10 Научи ме да ја вршам твојата волја,+

зашто ти си мојот Бог.+

Твојот дух е добар,+

нека ме води низ земјата на справедливоста!+

11 Поради името свое,+ Јехова, зачувај ми го животот!+

Во праведноста своја+ изведи ми ја душава од маката!+

12 Во својата милост,* сотри* ги моите непријатели,+

погуби ги сите противници на мојата душа,+

зашто јас сум твој слуга.+