Изреки

27 Не фали се со тоа што ќе го правиш утре,

бидејќи не знаеш што ќе донесе денот.

 2 Друг* нека те фали, а не твојата уста,

други луѓе,* а не твоите усни.

 3 Тежок е каменот и тежок е песокот,

но уште потешко е кога те провоцира безумник.

 4 Бесот е суров и гневот е како поплава,

но љубомората е полоша и од двете.

 6 Ударите на пријателот се израз на верност,

а бакнежите на непријателот се многубројни.*

 7 Ситиот човек одбива* и мед од саќе,

а на гладниот му е слатко и она што е горчливо.

 8 Како птица што го напушта своето гнездо,

таков е оној што го напушта својот дом.

 9 Маслото и темјанот го веселат срцето,

а така и блискиот пријател кој дава искрен совет.*

10 Не оставај го својот пријател ни пријателот на татко ти,

и не оди во куќата на брат ти кога ќе те снајде несреќа;

подобар е соседот што живее близу отколку братот што живее далеку.

11 Биди мудар, сине мој, и израдувај ми го срцето

за да можам да му одговорам на оној што ми се подбива.

12 Паметниот ја гледа опасноста и се трга,

а глупавиот* оди понатаму и ги трпи последиците.*

13 Земи му ја облеката на оној што гарантирал за непознат човек,

земи залог од него ако гарантирал за туѓинка.*

14 Кога некој рано наутро го поздравува* својот ближен на сет глас,

тоа ќе му се смета за клетва.

16 Кој може да ја запре неа, може да го запре ветрот

и да фати масло со десната рака.

17 Како што железо со железо се остри,

така човек го остри својот пријател.*

18 Кој се грижи за смоква, ќе јаде од нејзините плодови,

и кој се грижи за својот господар, ќе биде почитуван.

19 Како што човек во водата си го гледа лицето,

така во срцето на друг човек си го гледа срцето.

20 Како што се ненаситни гробот* и смртната јама,*

така се ненаситни и човечките очи.

21 Среброто се пречистува во сад за претопување, златото во печка,

а пофалбата е испит за човекот.

22 Дури и да го толчиш безумникот со толчник

како што се толчат зрна во аван,

нема да ја истераш глупавоста од него.

Со сето срце грижи се за* своите овци,

24 бидејќи богатството не трае засекогаш,

ниту круната низ сите поколенија.

25 Зелената трева исчезнува, нова никнува,

и билките се собираат по планините.

26 Младите овни ти даваат облека,

а со јарците можеш да купиш нива.

27 И ќе имаш доволно козјо млеко за себе,

за своето семејство и за своите слугинки.