Изреки
10 Изреки на Соломон.
Мудриот син го радува својот татко,
а безумниот син ја жалости својата мајка.
2 Од богатството стекнато со нечесност нема никаква корист,
но праведноста избавува од смрт.
3 Јехова нема да дозволи праведниот да гладува,
а желбите на злобните нема да ги исполни.
4 Мрзливите раце го осиромашуваат човекот,
а трудољубивите раце носат богатство.
5 Синот што го собира родот лете постапува мудро,
а синот што цврсто спие за време на жетвата си навлекува срам.
6 Врз главата на праведниот се излеваат благослови,
а зад зборовите на злобните се крие насилството што им е во срцето.
7 Доброто име ќе му донесе благослов на праведниот,
но споменот на злобните ќе исчезне.
9 Кој живее беспрекорно, живее без страв,
а кој постапува расипано, ќе биде разоткриен.
10 Кој лукаво намигнува, нанесува болка,
и кој зборува безумно, ќе настрада.
11 Од устата на праведниот извира живот,
а зад зборовите на злобните се крие насилството што им е во срцето.
12 Омразата предизвикува караници,
а љубовта ги покрива сите престапи.
14 Мудрите собираат знаење,
а устата на глупавите води во пропаст.
15 Богатството е утврден град за богатиот,
а сиромаштијата е пропаст за сиромашните.
16 Трудот на праведниот води во живот,
а заработката на злобниот води во грев.
17 Оној што ги прифаќа советите* ги води другите по патот на животот,*
а оној што го отфрла укорот ги наведува на погрешен пат.
19 Кој зборува многу, сигурно ќе згреши,
а кој си го контролира јазикот, постапува разборито.
20 Јазикот на праведниот е како чисто сребро,
а срцето на злобниот не вреди многу.
23 На глупавиот му е забавно да се однесува срамотно,
а проникливиот човек е мудар.
24 Злобниот ќе го снајде она од што се плаши,
а на праведниот ќе му биде исполнета желбата.
25 Кога бурата ќе помине, злобниот веќе ќе го нема,
а праведниот е како темел кој ќе остане засекогаш.
27 Стравопочитта кон Јехова го продолжува животот,
а на злобните годините ќе им бидат скратени.
28 Праведните се радуваат на она што го очекуваат,
а надежта на злобните ќе пропадне.
29 Јеховиниот пат е заштита за беспрекорните,
а пропаст за оние што прават зло.
30 Праведниот никогаш нема да падне,
а злобните веќе нема да живеат на земјата.
31 Од устата на праведниот извира мудрост,
а изопачениот јазик ќе биде замолчен засекогаш.
32 Усните на праведниот го зборуваат она што е пријатно,
а устата на злобните е полна со изопаченост.