Изреки

5 Сине мој, обрни внимание на моите мудри поуки

и слушај внимателно* што ќе ти кажам за проникливоста

 2 за да ја зачуваш способноста за расудување

и од твоите усни да извира знаење.

 3 Од усните на блудница* капе мед како од саќе

и нејзините зборови* се попријатни од масло.

 4 Но, на крајот, таа ќе ти остави горчина како пелин

и болка како да те прободел меч со две сечила.

 5 Нејзините нозе слегуваат во смрт,

нејзините чекори водат право во гробот.*

 7 Затоа, слушај ме, сине мој,*

и не отстапувај од моите зборови.

 8 Бегај подалеку од неа

и не приближувај се до вратата од нејзината куќа

 9 за да не си го изгубиш доброто име кај другите

и да не страдаш до крајот на животот,

10 за да не ти го одземат туѓинци твојот имот*

и твојот труд да не заврши во туѓа куќа,

11 за да не офкаш од болка на крајот,

кога силата и телото ќе те издадат,

12 па да речеш: „Како можев да ја мразам поуката?*

13 Не ги слушав оние што ме поучуваа

и не им обрнував внимание на оние што ме учеа.

14 Сега сум на работ на пропаста

пред очите на целиот народ“.*

15 Пиј вода од својот бунар,

вода* што тече од твојот извор.

17 Тие нека бидат само твои,

немој да ги делиш со други.

18 Нека биде благословен твојот извор

и радувај се со жената со која си во брак уште од младоста,

19 која ти е мила како срна и занесна како кошута.*

20 Зошто, сине мој, да бидеш занесен од блудница*

или да прегрнуваш неморална жена?*

21 Зашто Јехова гледа што прави човекот,

внимателно ги набљудува сите негови патишта.

22 На злобниот ќе му бидат замка сопствените престапи,

тој ќе се фати во мрежата* на својот грев.

23 Ќе умре бидејќи не прифаќал поука*

и ќе застрани бидејќи бил многу безумен.