രാജാ​ക്ക​ന്മാർ ഒന്നാം ഭാഗം

9 ശലോ​മോൻ യഹോ​വ​യു​ടെ ഭവനവും രാജാ​വി​ന്റെ ഭവനവും*+ താൻ ആഗ്രഹിച്ചതൊക്കെയും+ പണിതു​പൂർത്തി​യാ​ക്കി. 2 അപ്പോൾ, ഗിബെ​യോ​നിൽവെച്ച്‌ പ്രത്യക്ഷനായതുപോലെ+ യഹോവ രണ്ടാം പ്രാവ​ശ്യ​വും ശലോ​മോ​നു പ്രത്യ​ക്ഷ​നാ​യി. 3 യഹോവ ശലോ​മോ​നോ​ടു പറഞ്ഞു: “നീ എന്റെ മുമ്പാകെ നടത്തിയ പ്രാർഥ​ന​യും കരുണ​യ്‌ക്കു​വേ​ണ്ടി​യുള്ള അപേക്ഷ​യും ഞാൻ കേട്ടി​രി​ക്കു​ന്നു. നീ നിർമിച്ച ഈ ഭവനത്തിൽ എന്റെ പേര്‌ എന്നേക്കു​മാ​യി സ്ഥാപിച്ചുകൊണ്ട്‌+ ഞാൻ ഇതിനെ വിശു​ദ്ധീ​ക​രി​ച്ചി​രി​ക്കു​ന്നു. എന്റെ കണ്ണും ഹൃദയ​വും എപ്പോ​ഴും ഇവി​ടെ​യു​ണ്ടാ​യി​രി​ക്കും.+ 4 നീ നിന്റെ അപ്പനായ ദാവീദിനെപ്പോലെ+ ഞാൻ കല്‌പി​ച്ച​തെ​ല്ലാം പാലിച്ചുകൊണ്ട്‌+ എന്റെ മുമ്പാകെ നിഷ്‌കളങ്കമായ* ഹൃദയത്തോടും+ നേരോടും+ കൂടെ നടക്കു​ക​യും എന്റെ ചട്ടങ്ങളും ന്യായ​വി​ധി​ക​ളും അനുസരിക്കുകയും+ ചെയ്‌താൽ 5 നിന്റെ രാജ്യ​ത്തി​ന്റെ സിംഹാ​സനം ഞാൻ ഇസ്രാ​യേ​ലിൽ എന്നേക്കു​മാ​യി ഉറപ്പി​ക്കും. അങ്ങനെ, ‘ഇസ്രാ​യേ​ലി​ന്റെ സിംഹാ​സ​ന​ത്തിൽ ഇരിക്കാൻ നിന്റെ വംശത്തിൽ ഒരു പുരു​ഷ​നി​ല്ലാ​തെ​പോ​കില്ല’ എന്നു നിന്റെ അപ്പനായ ദാവീ​ദി​നോ​ടു വാഗ്‌ദാ​നം ചെയ്‌തതു ഞാൻ നിവർത്തി​ക്കും.+ 6 എന്നാൽ നീയും നിന്റെ മക്കളും എന്നെ അനുഗ​മി​ക്കു​ന്നതു നിറു​ത്തു​ക​യും ഞാൻ ഇന്നു നിന്റെ മുമ്പാകെ വെച്ചി​രി​ക്കുന്ന എന്റെ കല്‌പ​ന​ക​ളും നിയമ​ങ്ങ​ളും പാലി​ക്കാ​തെ അന്യ​ദൈ​വ​ങ്ങളെ സേവിച്ച്‌ അവയുടെ മുമ്പാകെ കുമ്പി​ടു​ക​യും ചെയ്‌താൽ+ 7 ഇസ്രായേലിനു കൊടുത്ത ദേശത്തു​നിന്ന്‌ ഞാൻ അവരെ ഇല്ലാതാ​ക്കും.+ എന്റെ നാമത്തി​നു​വേണ്ടി ഞാൻ വിശു​ദ്ധീ​ക​രിച്ച ഈ ഭവനം എന്റെ കൺമു​ന്നിൽനിന്ന്‌ നീക്കി​ക്ക​ള​യു​ക​യും ചെയ്യും.+ അങ്ങനെ എല്ലാ ജനങ്ങൾക്കു​മി​ട​യിൽ ഇസ്രാ​യേൽ നിന്ദയ്‌ക്കും* പരിഹാ​സ​ത്തി​നും പാത്ര​മാ​കും.+ 8 ഈ ഭവനം നാശകൂ​മ്പാ​ര​മാ​യി​ത്തീ​രും.+ അതിന്‌ അടുത്തു​കൂ​ടി പോകു​ന്നവർ അത്ഭുത​സ്‌ത​ബ്ധ​രാ​കു​ക​യും അതിശ​യ​ത്തോ​ടെ തല കുലു​ക്കി​ക്കൊണ്ട്‌,* ‘യഹോവ എന്തിനാ​ണ്‌ ഈ ദേശ​ത്തോ​ടും ഈ ഭവന​ത്തോ​ടും ഇങ്ങനെ ചെയ്‌തത്‌’ എന്നു ചോദി​ക്കു​ക​യും ചെയ്യും.+ 9 പിന്നെ അവർ പറയും: ‘അവരുടെ പൂർവി​കരെ ഈജി​പ്‌ത്‌ ദേശത്തു​നിന്ന്‌ കൊണ്ടു​വന്ന അവരുടെ ദൈവ​മായ യഹോ​വയെ അവർ ഉപേക്ഷി​ക്കു​ക​യും അന്യ​ദൈ​വ​ങ്ങ​ളു​ടെ പിന്നാലെ പോയി അവയുടെ മുന്നിൽ കുമ്പിട്ട്‌ അവയെ സേവി​ക്കു​ക​യും ചെയ്‌തു. അതു​കൊ​ണ്ടാണ്‌ യഹോവ ഈ ദുരന്ത​മെ​ല്ലാം അവരുടെ മേൽ വരുത്തി​യത്‌.’”+

10 ശലോമോൻ 20 വർഷം​കൊണ്ട്‌ രണ്ടു ഭവനങ്ങൾ, യഹോ​വ​യു​ടെ ഭവനവും രാജാ​വി​ന്റെ ഭവനവും, പണിത്‌ പൂർത്തി​യാ​ക്കി.+ 11 സോരിലെ രാജാ​വായ ഹീരാം+ ശലോ​മോ​നു ദേവദാ​രു​ത്ത​ടി​യും ജൂനി​പ്പർത്ത​ടി​യും ശലോ​മോന്‌ ഇഷ്ടമു​ള്ളത്ര സ്വർണ​വും കൊടുത്തതിനാൽ+ ശലോ​മോൻ രാജാവ്‌ ഹീരാ​മി​നു ഗലീലാ​ദേ​ശത്ത്‌ 20 നഗരങ്ങൾ കൊടു​ത്തു. 12 ശലോമോൻ കൊടുത്ത നഗരങ്ങൾ കാണാൻ ഹീരാം സോരിൽനി​ന്ന്‌ വന്നു. എന്നാൽ അദ്ദേഹ​ത്തിന്‌ അവ ഇഷ്ടപ്പെ​ട്ടില്ല. 13 ഹീരാം ചോദി​ച്ചു: “എന്റെ സഹോ​ദരാ, ഈ നഗരങ്ങ​ളാ​ണോ താങ്കൾ എനിക്കു തന്നിരി​ക്കു​ന്നത്‌?” അതു​കൊണ്ട്‌ അവ ഇന്നുവരെ കാബൂൽ ദേശം* എന്ന്‌ അറിയ​പ്പെ​ടു​ന്നു. 14 ഇതിനിടെ ഹീരാം ശലോ​മോന്‌ 120 താലന്തു* സ്വർണം+ കൊടു​ത്ത​യച്ചു.

15 യഹോവയുടെ ഭവനവും+ സ്വന്തം ഭവനവും മില്ലോയും*+ യരുശ​ലേ​മി​ന്റെ മതിലും ഹാസോരും+ മെഗിദ്ദോയും+ ഗേസെരും+ പണിയാൻവേണ്ടി ശലോ​മോൻ രാജാവ്‌ നിർബന്ധിതസേവനം+ ചെയ്യി​ച്ച​വ​രെ​ക്കു​റി​ച്ചുള്ള വിവരങ്ങൾ: 16 (ഈജി​പ്‌തി​ലെ രാജാ​വായ ഫറവോൻ ഗേസെ​രി​ലേക്കു വന്ന്‌ ആ നഗരം പിടി​ച്ചെ​ടുത്ത്‌ അതിനു തീയിട്ടു. ആ നഗരത്തിൽ താമസി​ച്ചി​രുന്ന കനാന്യരെ+ കൊന്നു​ക​ള​യു​ക​യും ചെയ്‌തു. ഫറവോൻ ആ നഗരം ശലോ​മോ​ന്റെ ഭാര്യ​യായ തന്റെ മകൾക്കു+ സമ്മാനമായി* കൊടു​ത്തു.) 17 ശലോമോൻ രാജാവ്‌ ഗേസെർ, കീഴേ-ബേത്ത്‌-ഹോ​രോൻ,+ 18 ബാലാത്ത്‌,+ ദേശത്തെ വിജന​ഭൂ​മി​യി​ലുള്ള താമാർ, 19 ശലോമോന്റെ സംഭര​ണ​ന​ഗ​രങ്ങൾ, രഥനഗ​രങ്ങൾ,+ കുതി​ര​പ്പ​ട​യാ​ളി​കൾക്കു​വേ​ണ്ടി​യുള്ള നഗരങ്ങൾ എന്നിവ പണിതു. യരുശ​ലേ​മി​ലും ലബാ​നോ​നി​ലും തന്റെ അധീന​ത​യി​ലുള്ള എല്ലാ പ്രദേ​ശ​ങ്ങ​ളി​ലും താൻ ആഗ്രഹി​ച്ച​തെ​ല്ലാം ശലോ​മോൻ പണിതു.* 20 ഇസ്രായേൽ ജനത്തിന്റെ ഭാഗമല്ലാത്ത+ അമോ​ര്യർ, ഹിത്യർ, പെരി​സ്യർ, ഹിവ്യർ, യബൂസ്യർ+ എന്നിവ​രിൽ 21 ഇസ്രായേല്യർക്കു നശിപ്പി​ക്കാൻ കഴിയാ​തെ ദേശത്ത്‌ ബാക്കി​വ​ന്ന​വ​രു​ടെ വംശജരെ ശലോ​മോൻ അടിമ​ക​ളാ​യി നിർബ​ന്ധി​ത​വേ​ല​യ്‌ക്ക്‌ എടുത്തു. അത്‌ ഇന്നും അങ്ങനെ​ത​ന്നെ​യാണ്‌.+ 22 എന്നാൽ ഇസ്രാ​യേ​ല്യ​രിൽ ആരെയും ശലോ​മോൻ അടിമ​യാ​ക്കി​യില്ല.+ അവർ ശലോ​മോ​ന്റെ യോദ്ധാ​ക്ക​ളും ഭൃത്യ​ന്മാ​രും പ്രഭു​ക്ക​ന്മാ​രും ഉപസേ​നാ​ധി​പ​ന്മാ​രും, തേരാ​ളി​ക​ളു​ടെ​യും കുതി​ര​പ്പ​ട​യാ​ളി​ക​ളു​ടെ​യും പ്രമാ​ണി​മാ​രും ആയിരു​ന്നു. 23 ശലോമോന്റെ ജോലി​കൾക്കു മേൽനോ​ട്ടം വഹിക്കാൻ കാര്യ​സ്ഥ​ന്മാ​രു​ടെ പ്രമാണിമാരായി+ 550 പേരു​ണ്ടാ​യി​രു​ന്നു. ജോലി​ക്കാ​രു​ടെ ചുമതല അവർക്കാ​യി​രു​ന്നു.

24 ഫറവോന്റെ മകൾ+ ദാവീ​ദി​ന്റെ നഗരത്തിൽനിന്ന്‌+ ശലോ​മോൻ അവൾക്കു​വേണ്ടി പണിത കൊട്ടാ​ര​ത്തി​ലേക്കു വന്നു. അതിനു ശേഷം രാജാവ്‌ മില്ലോ*+ പണിതു.

25 ശലോമോൻ വർഷത്തിൽ മൂന്നു പ്രാവ​ശ്യം,+ താൻ യഹോ​വ​യ്‌ക്കു പണിത യാഗപീ​ഠ​ത്തിൽ ദഹനബലികളും+ സഹഭോ​ജ​ന​ബ​ലി​ക​ളും അർപ്പി​ക്കു​മാ​യി​രു​ന്നു. യഹോ​വ​യു​ടെ മുമ്പാ​കെ​യുള്ള യാഗപീ​ഠ​ത്തിൽ യാഗവ​സ്‌തു​ക്കൾ ദഹിപ്പിക്കുകയും* ചെയ്‌തു. അങ്ങനെ ശലോ​മോൻ ഭവനത്തി​ന്റെ നിർമാ​ണം പൂർത്തി​യാ​ക്കി.+

26 ശലോമോൻ രാജാവ്‌ ഏദോം ദേശത്തെ ചെങ്കട​ലി​ന്റെ തീരത്ത്‌, ഏലോത്തിന്‌+ അടുത്ത്‌ എസ്യോൻ-ഗേബരിൽ+ ഒരു കപ്പൽവ്യൂ​ഹം ഉണ്ടാക്കി. 27 ഹീരാം തന്റെ പരിച​യ​സ​മ്പ​ന്ന​രായ നാവി​കരെ ശലോ​മോ​ന്റെ ദാസന്മാ​രോ​ടു​കൂ​ടെ ആ കപ്പലു​ക​ളിൽ അയച്ചു.+ 28 അവർ ഓഫീരിൽ+ പോയി അവി​ടെ​നിന്ന്‌ 420 താലന്തു സ്വർണം കൊണ്ടു​വന്ന്‌ ശലോ​മോൻ രാജാ​വി​നു കൊടു​ത്തു.