ദിനവൃ​ത്താ​ന്തം രണ്ടാം ഭാഗം

10 രഹബെ​യാം ശെഖേ​മി​ലേക്കു ചെന്നു.+ രഹബെ​യാ​മി​നെ രാജാ​വാ​ക്കാൻ എല്ലാ ഇസ്രാ​യേ​ല്യ​രും ശെഖേ​മിൽ കൂടി​വ​ന്നി​രു​ന്നു.+ 2 ഇത്‌ അറിഞ്ഞ ഉടനെ നെബാ​ത്തി​ന്റെ മകനായ യൊരോബെയാം+ ഈജി​പ്‌തിൽനിന്ന്‌ തിരി​ച്ചു​വന്നു. (യൊ​രോ​ബെ​യാം ശലോ​മോൻ രാജാ​വി​നെ പേടിച്ച്‌ ഈജി​പ്‌തി​ലേക്ക്‌ ഓടി​പ്പോ​യി​രു​ന്നു.)+ 3 അവർ ആളയച്ച്‌ അയാളെ വിളി​പ്പി​ച്ചു. യൊ​രോ​ബെ​യാ​മും എല്ലാ ഇസ്രാ​യേ​ല്യ​രും കൂടി രഹബെ​യാ​മി​ന്റെ അടുത്ത്‌ എത്തി ഇങ്ങനെ പറഞ്ഞു: 4 “അങ്ങയുടെ അപ്പൻ ഞങ്ങളുടെ നുകം കഠിന​മാ​ക്കി.+ അദ്ദേഹം ഞങ്ങളുടെ മേൽ ചുമത്തിയ കഠിന​വേല അങ്ങ്‌ ഇപ്പോൾ കുറച്ചു​ത​രു​ക​യും അങ്ങയുടെ അപ്പൻ ഞങ്ങളുടെ മേൽ വെച്ച ഭാരമുള്ള* നുകം ലഘൂക​രി​ച്ചു​ത​രു​ക​യും ചെയ്‌താൽ ഞങ്ങൾ അങ്ങയെ സേവി​ച്ചു​കൊ​ള്ളാം.”

5 അപ്പോൾ രഹബെ​യാം അവരോ​ട്‌, “പോയി മൂന്നു ദിവസം കഴിഞ്ഞ്‌ മടങ്ങി​വ​രുക” എന്നു പറഞ്ഞു. അങ്ങനെ ജനം പിരി​ഞ്ഞു​പോ​യി.+ 6 അപ്പോൾ രഹബെ​യാം രാജാവ്‌ അപ്പനായ ശലോ​മോ​ന്റെ കാലത്ത്‌ ശലോ​മോ​നെ സേവി​ച്ചി​രുന്ന പ്രായ​മുള്ള പുരുഷന്മാരുമായി* കൂടി​യാ​ലോ​ചി​ച്ചു. രാജാവ്‌ അവരോ​ടു ചോദി​ച്ചു: “ഈ ജനത്തിനു ഞാൻ എന്തു മറുപടി കൊടു​ക്കണം, എന്താണു നിങ്ങളു​ടെ അഭി​പ്രാ​യം?” 7 അവർ പറഞ്ഞു: “അങ്ങ്‌ ഇന്ന്‌ ഈ ജനത്തോ​ടു ദയയോ​ടെ പെരു​മാ​റു​ക​യും നല്ല വാക്കു പറഞ്ഞ്‌ അവരെ സന്തോ​ഷി​പ്പി​ക്കു​ക​യും ചെയ്‌താൽ അവർ എല്ലാ കാലത്തും അങ്ങയുടെ ദാസന്മാ​രാ​യി​രി​ക്കും.”

8 എന്നാൽ പ്രായ​മുള്ള പുരുഷന്മാർ* കൊടുത്ത ആ ഉപദേശം രഹബെ​യാം തള്ളിക്ക​ളഞ്ഞു. പകരം, തന്റെകൂ​ടെ വളർന്ന​വ​രും ഇപ്പോൾ തന്റെ ഭൃത്യ​രും ആയ ചെറു​പ്പ​ക്കാ​രു​മാ​യി കൂടി​യാ​ലോ​ചി​ച്ചു.+ 9 രാജാവ്‌ അവരോ​ടു ചോദി​ച്ചു: “‘അങ്ങയുടെ അപ്പൻ ഞങ്ങളുടെ മേൽ വെച്ച നുകം ലഘൂക​രി​ച്ചു​ത​രുക’ എന്ന്‌ എന്നോട്‌ ആവശ്യ​പ്പെട്ട ഈ ജനത്തോ​ട്‌ എന്താണു മറുപടി പറയേ​ണ്ടത്‌, എന്താണു നിങ്ങളു​ടെ അഭി​പ്രാ​യം?” 10 അദ്ദേഹത്തോടൊപ്പം വളർന്ന ആ ചെറു​പ്പ​ക്കാർ പറഞ്ഞു: “‘അങ്ങയുടെ അപ്പൻ ഭാരമു​ള്ള​താ​ക്കിയ ഞങ്ങളുടെ നുകം അങ്ങ്‌ ലഘൂക​രി​ച്ചു​ത​രണം’ എന്ന്‌ അങ്ങയോ​ടു പറഞ്ഞ ജനത്തോ​ട്‌ ഇങ്ങനെ പറയണം: ‘എന്റെ ചെറു​വി​രൽ എന്റെ അപ്പന്റെ അരക്കെ​ട്ടി​നെ​ക്കാൾ വണ്ണമു​ള്ള​താ​യി​രി​ക്കും. 11 എന്റെ അപ്പൻ നിങ്ങളു​ടെ മേൽ ഭാരമുള്ള നുകം വെച്ചു. എന്നാൽ ഞാൻ ആ നുകത്തി​ന്റെ ഭാരം വർധി​പ്പി​ക്കും. എന്റെ അപ്പൻ നിങ്ങളെ ചാട്ടവാ​റു​കൊണ്ട്‌ ശിക്ഷി​ച്ചെ​ങ്കിൽ ഞാൻ നിങ്ങളെ മുൾച്ചാ​ട്ട​കൊണ്ട്‌ ശിക്ഷി​ക്കും.’”

12 “മൂന്നാം ദിവസം മടങ്ങി​വ​രുക” എന്നു രാജാവ്‌ നിർദേ​ശി​ച്ച​ത​നു​സ​രിച്ച്‌, മൂന്നാം ദിവസം യൊ​രോ​ബെ​യാ​മും മറ്റെല്ലാ​വ​രും രഹബെ​യാ​മി​ന്റെ അടുത്ത്‌ എത്തി.+ 13 എന്നാൽ രാജാവ്‌ ജനത്തോ​ടു കടുത്ത ഭാഷയിൽ സംസാ​രി​ച്ചു. അങ്ങനെ പ്രായ​മുള്ള പുരുഷന്മാർ* കൊടുത്ത ഉപദേശം രഹബെ​യാം തള്ളിക്ക​ളഞ്ഞു. 14 ചെറുപ്പക്കാർ നൽകിയ നിർദേ​ശ​മ​നു​സ​രിച്ച്‌ രാജാവ്‌ ജനത്തോ​ട്‌ ഇങ്ങനെ പറഞ്ഞു: “ഞാൻ നിങ്ങളു​ടെ നുകം കഠിന​മാ​ക്കും. ഞാൻ അതിന്റെ ഭാരം വർധി​പ്പി​ക്കും. എന്റെ അപ്പൻ നിങ്ങളെ ചാട്ടവാ​റു​കൊണ്ട്‌ ശിക്ഷി​ച്ചെ​ങ്കിൽ ഞാൻ നിങ്ങളെ മുൾച്ചാ​ട്ട​കൊണ്ട്‌ ശിക്ഷി​ക്കും.” 15 അങ്ങനെ ജനത്തിന്റെ അപേക്ഷ രാജാവ്‌ തള്ളിക്ക​ളഞ്ഞു. സത്യ​ദൈവം ശീലോ​ന്യ​നായ അഹീയ​യി​ലൂ​ടെ നെബാ​ത്തി​ന്റെ മകനായ യൊ​രോ​ബെ​യാ​മി​നോ​ടു പറഞ്ഞ വാക്കുകൾ നിവർത്തി​ക്കാ​നാ​യി,+ യഹോ​വ​യാണ്‌ ഇങ്ങനെ​യെ​ല്ലാം സംഭവി​ക്കാൻ ഇടവരു​ത്തി​യത്‌.+

16 രാജാവ്‌ അപേക്ഷ തള്ളിക്ക​ള​ഞ്ഞ​തി​നാൽ ഇസ്രാ​യേൽ ജനം രാജാ​വി​നോ​ടു പറഞ്ഞു: “ദാവീ​ദിൽ ഞങ്ങൾക്ക്‌ എന്ത്‌ ഓഹരി​യാ​ണു​ള്ളത്‌? യിശ്ശാ​യി​യു​ടെ മകനിൽ ഞങ്ങൾക്ക്‌ ഒരു അവകാ​ശ​വു​മില്ല. ഇസ്രാ​യേലേ, നിങ്ങൾ ഓരോ​രു​ത്ത​രും നിങ്ങളു​ടെ ദൈവ​ങ്ങ​ളു​ടെ അടു​ത്തേക്കു മടങ്ങുക! ദാവീദേ, നീ ഇനി നിന്റെ സ്വന്തം ഭവനം നോക്കി​ക്കൊ​ള്ളുക!”+ തുടർന്ന്‌ ഇസ്രാ​യേ​ല്യർ അവരവ​രു​ടെ വീടുകളിലേക്കു* മടങ്ങി​പ്പോ​യി.+

17 എന്നാൽ രഹബെ​യാം തുടർന്നും യഹൂദ​യി​ലെ നഗരങ്ങ​ളിൽ വസിച്ചി​രുന്ന ഇസ്രാ​യേ​ല്യ​രു​ടെ മേൽ ഭരണം നടത്തി.+

18 പിന്നീട്‌ രഹബെ​യാം രാജാവ്‌, നിർബ​ന്ധി​ത​സേ​വനം ചെയ്യു​ന്ന​വ​രു​ടെ മേൽനോ​ട്ടം വഹിച്ചി​രുന്ന ഹദോരാമിനെ+ ഇസ്രാ​യേ​ല്യർക്കി​ട​യി​ലേക്ക്‌ അയച്ചു. എന്നാൽ ഇസ്രാ​യേ​ല്യർ അയാളെ കല്ലെറി​ഞ്ഞ്‌ കൊന്നു. രഹബെ​യാം രാജാവ്‌ ഒരുവി​ധ​ത്തിൽ തന്റെ രഥത്തിൽ കയറി​പ്പറ്റി യരുശ​ലേ​മി​ലേക്കു രക്ഷപ്പെട്ടു.+ 19 അങ്ങനെ ഇന്നും ഇസ്രാ​യേ​ല്യർ ദാവീ​ദു​ഗൃ​ഹത്തെ എതിർത്തു​കൊ​ണ്ടി​രി​ക്കു​ന്നു.