സങ്കീർത്തനം
അഞ്ചാം പുസ്‌തകം
(സങ്കീർത്തനങ്ങൾ 107-150)
107 യഹോവയോടു നന്ദി പറയുവിൻ; ദൈവം നല്ലവനല്ലോ;+
ദൈവത്തിന്റെ അചഞ്ചലസ്‌നേഹം എന്നും നിലനിൽക്കുന്നത്‌.+
3 കിഴക്കുനിന്നും പടിഞ്ഞാറുനിന്നും*
വടക്കുനിന്നും തെക്കുനിന്നും+
അങ്ങനെ, പല ദേശങ്ങളിൽനിന്ന്‌ ദൈവം കൂട്ടിച്ചേർത്തവർ,+ അതു പറയട്ടെ.
4 വിജനഭൂമിയിൽ, മരുഭൂമിയിൽ, അവർ അലഞ്ഞുനടന്നു;
വാസയോഗ്യമായ ഒരു നഗരത്തിലേക്കുള്ള വഴി അവർക്കു കണ്ടെത്താനായില്ല.
5 വിശപ്പും ദാഹവും കൊണ്ട്‌ അവർ വലഞ്ഞു;
വാടിത്തളർന്ന്‌ അവരുടെ ബോധം മറയാറായി.
6 കഷ്ടതയിൽ അവർ വീണ്ടുംവീണ്ടും യഹോവയെ വിളിച്ചപേക്ഷിച്ചു;+
ദുരവസ്ഥയിൽനിന്ന്‌ ദൈവം അവരെ വിടുവിച്ചു.+
8 യഹോവയുടെ അചഞ്ചലസ്‌നേഹത്തിനും
മനുഷ്യമക്കൾക്കുവേണ്ടി ദൈവം ചെയ്‌ത അത്ഭുതകാര്യങ്ങൾക്കും+
ജനം ദൈവത്തോടു നന്ദി പറയട്ടെ.+
9 കാരണം, ദാഹിച്ചിരുന്നവന്റെ ദാഹം ദൈവം ശമിപ്പിച്ചു;
വിശന്നിരുന്നവനെ വിശിഷ്ടവിഭവങ്ങൾകൊണ്ട്‌ തൃപ്‌തനാക്കി.+
10 ചിലർ കുറ്റാക്കുറ്റിരുട്ടിലായിരുന്നു,
വിലങ്ങുകൾ അണിഞ്ഞ്‌ ദുരവസ്ഥയിൽ കഴിയുന്ന തടവുകാർ.
12 അതുകൊണ്ട്‌, ക്ലേശങ്ങളാൽ ദൈവം അവരുടെ ഹൃദയങ്ങളെ താഴ്‌മ പഠിപ്പിച്ചു;+
അവർ വീണു, സഹായിക്കാൻ ആരുമുണ്ടായിരുന്നില്ല.
13 കഷ്ടതയിൽ അവർ സഹായത്തിനായി യഹോവയെ വിളിച്ചു;
ദുരവസ്ഥയിൽനിന്ന്‌ ദൈവം അവരെ രക്ഷിച്ചു.
14 കുറ്റാക്കുറ്റിരുട്ടിൽനിന്ന്‌ ദൈവം അവരെ പുറത്ത്‌ കൊണ്ടുവന്നു,
അവരുടെ വിലങ്ങുകൾ പൊട്ടിച്ചെറിഞ്ഞു.+
15 യഹോവയുടെ അചഞ്ചലസ്‌നേഹത്തിനും+
മനുഷ്യമക്കൾക്കുവേണ്ടി ദൈവം ചെയ്‌ത അത്ഭുതകാര്യങ്ങൾക്കും
ജനം ദൈവത്തോടു നന്ദി പറയട്ടെ.
18 അവർക്ക്‌ ഒരു ഭക്ഷണത്തോടും താത്‌പര്യമില്ലാതായി;
അവർ മരണകവാടങ്ങളുടെ പടിക്കലെത്തി.
19 കഷ്ടതയിൽ അവർ സഹായത്തിനായി യഹോവയെ വിളിച്ചു;
അപ്പോഴെല്ലാം ദുരവസ്ഥയിൽനിന്ന്‌ ദൈവം അവരെ രക്ഷിച്ചു.
21 യഹോവയുടെ അചഞ്ചലസ്‌നേഹത്തിനും
മനുഷ്യമക്കൾക്കുവേണ്ടി ദൈവം ചെയ്‌ത അത്ഭുതകാര്യങ്ങൾക്കും
ജനം ദൈവത്തോടു നന്ദി പറയട്ടെ.
22 അവർ നന്ദിപ്രകാശനബലികൾ അർപ്പിക്കട്ടെ,+
സന്തോഷാരവങ്ങളോടെ ദൈവത്തിന്റെ പ്രവൃത്തികൾ വർണിക്കട്ടെ.
23 കപ്പലിൽ സമുദ്രയാത്ര നടത്തുന്നവർ,
വ്യാപാരത്തിനു പതിവായി കടലിലൂടെ സഞ്ചരിക്കുന്നവർ,+
24 യഹോവയുടെ പ്രവൃത്തികൾ കണ്ടിട്ടുണ്ട്‌;
ആഴക്കടലിൽ ദൈവത്തിന്റെ അത്ഭുതസൃഷ്ടികളും അവർ കണ്ടിരിക്കുന്നു.+
25 ദൈവം കല്‌പിക്കുമ്പോൾ കൊടുങ്കാറ്റ്‌ ആഞ്ഞടിക്കുന്നതും+
തിരമാലകൾ ഉയർന്നുപൊങ്ങുന്നതും അവർ നേരിൽ കാണുന്നു.
26 അവർ ആകാശത്തേക്ക്‌ ഉയരുന്നു,
ആഴങ്ങളിലേക്കു കൂപ്പുകുത്തുന്നു.
വിപത്തു മുന്നിൽ കണ്ട്‌ അവരുടെ ധൈര്യം ചോർന്നുപോകുന്നു.
30 അവ ശാന്തമാകുമ്പോൾ അവർ ആഹ്ലാദിക്കുന്നു;
അവർ ആഗ്രഹിച്ച തുറമുഖത്തേക്കു ദൈവം അവരെ വഴിനയിക്കുന്നു.
31 യഹോവയുടെ അചഞ്ചലസ്‌നേഹത്തിനും
മനുഷ്യമക്കൾക്കുവേണ്ടി ദൈവം ചെയ്‌ത അത്ഭുതകാര്യങ്ങൾക്കും
ജനം ദൈവത്തോടു നന്ദി പറയട്ടെ.+
33 ദൈവം നദികളെ മരുഭൂമിയും
നീരുറവകളെ ഉണങ്ങിവരണ്ട നിലവും+
34 ഫലപുഷ്ടിയുള്ള നിലത്തെ ഉപ്പുരസമുള്ള പാഴ്‌നിലവും ആക്കുന്നു;+
അവിടെ താമസിക്കുന്നവരുടെ ദുഷ്ടതതന്നെ കാരണം.
37 അവർ വയലിൽ വിതയ്‌ക്കുന്നു, മുന്തിരിത്തോട്ടങ്ങൾ നട്ടുണ്ടാക്കുന്നു.+
അവ സമൃദ്ധമായ വിളവ്‌ തരുന്നു.+
38 ദൈവത്തിന്റെ അനുഗ്രഹത്താൽ അവരുടെ സംഖ്യ വർധിക്കുന്നു;
അവരുടെ കന്നുകാലികൾ കുറഞ്ഞുപോകാൻ ദൈവം അനുവദിക്കുന്നില്ല.+
39 എന്നാൽ, അടിച്ചമർത്തലും ദുരന്തവും ക്ലേശവും കാരണം
അവർ വീണ്ടും എണ്ണത്തിൽ കുറയുന്നു, അവർ നിന്ദിതരായി കഴിയുന്നു.
40 ദൈവം പ്രധാനികളുടെ മേൽ നിന്ദ ചൊരിയുന്നു;
വഴിയില്ലാത്ത പാഴ്‌നിലങ്ങളിലൂടെ അവർക്ക്‌ അലഞ്ഞുതിരിയേണ്ടിവരുന്നു.+
41 എന്നാൽ, ദരിദ്രരെ മർദകരിൽനിന്ന്‌ ദൈവം സംരക്ഷിക്കുന്നു;*+
അവരുടെ കുടുംബങ്ങളെ ആട്ടിൻപറ്റംപോലെ അസംഖ്യമാക്കുന്നു.