ആവർത്തനം
32 “ആകാശമേ, ചെവി തരുക; ഞാൻ സംസാരിക്കട്ടെ,
ഭൂമി എന്റെ വാമൊഴികൾ കേൾക്കട്ടെ.
2 എന്റെ ഉപദേശം മഴപോലെ പെയ്യും;
എന്റെ വാക്കുകൾ മഞ്ഞുപോലെ പൊഴിയും.
അവ പുല്ലിന്മേൽ വീഴുന്ന ചാറ്റൽമഴപോലെയും
സസ്യങ്ങളുടെ മേൽ ചൊരിയുന്ന സമൃദ്ധമായ മഴപോലെയും ആയിരിക്കും.
3 ഞാൻ യഹോവയുടെ പേര്‌ പ്രസിദ്ധമാക്കും.+
നമ്മുടെ ദൈവത്തിന്റെ മാഹാത്മ്യം പ്രകീർത്തിക്കുവിൻ!+
5 അവരാണു വഷളത്തം കാണിച്ചത്‌;+
അവർ ദൈവത്തിന്റെ മക്കളല്ല, കുറ്റം അവരുടേതു മാത്രം;+
വക്രതയും കോട്ടവും ഉള്ള ഒരു തലമുറ!+
ദൈവമല്ലേ നിനക്കു ജന്മം നൽകിയ പിതാവ്‌?+
നിന്നെ മനഞ്ഞതും നിന്നെ സുസ്ഥിരമായി സ്ഥാപിച്ചതും ദൈവമല്ലോ.
7 കഴിഞ്ഞുപോയ കാലങ്ങൾ ഓർക്കുക;
മുൻതലമുറകളുടെ നാളുകളെക്കുറിച്ച്‌ ചിന്തിക്കുക.
നിന്റെ അപ്പനോടു ചോദിക്കുക, അപ്പൻ പറഞ്ഞുതരും;+
പ്രായംചെന്നവരോട്‌ ആരായുക, അവർ വിവരിച്ചുതരും.
8 അത്യുന്നതൻ ജനതകൾക്ക്‌ അവരുടെ അവകാശം നൽകിയപ്പോൾ,+
ആദാമിന്റെ മക്കളെ* വേർതിരിച്ചപ്പോൾ,+
ഇസ്രായേൽമക്കളുടെ എണ്ണത്തിനനുസരിച്ച്‌+
ദൈവം ജനങ്ങളുടെ അതിർത്തി നിർണയിച്ചു.+
11 ഒരു കഴുകൻ അതിന്റെ കൂട്‌ ഇളക്കി
കുഞ്ഞുങ്ങളുടെ മീതെ വട്ടമിട്ട്‌ പറക്കുന്നതുപോലെ,
ചിറകു വിരിച്ച്‌ അവയെ
തന്റെ ചിറകുകളിൽ വഹിക്കുന്നതുപോലെ,+
12 യഹോവ തനിയെ യാക്കോബിനെ നയിച്ചു;+
അന്യദൈവങ്ങളൊന്നും ഒപ്പമില്ലായിരുന്നു.+
പാറയിൽനിന്ന്‌ തേനും
തീക്കൽപ്പാറയിൽനിന്ന്‌ എണ്ണയും
14 കന്നുകാലികളുടെ വെണ്ണയും ആട്ടിൻപറ്റത്തിന്റെ പാലും
മേന്മയേറിയ ഗോതമ്പും+ നൽകി ദൈവം യാക്കോബിനെ പോഷിപ്പിച്ചു;
മേത്തരമായ ചെമ്മരിയാടുകളെയും*
ബാശാനിലെ ആൺചെമ്മരിയാടുകളെയും ആൺകോലാടുകളെയും നൽകി.
മുന്തിരിച്ചാറിൽനിന്നുള്ള* വീഞ്ഞും നീ കുടിച്ചു.
15 പുഷ്ടിവെച്ചപ്പോൾ യശുരൂൻ* ധിക്കാരപൂർവം തൊഴിച്ചു.
നീ തടിച്ചുകൊഴുത്തിരിക്കുന്നു, പുഷ്ടിവെച്ച്‌ മിനുത്തിരിക്കുന്നു.+
അങ്ങനെ, അവനെ ഉണ്ടാക്കിയ ദൈവത്തെ അവൻ ഉപേക്ഷിച്ചു,+
രക്ഷയുടെ പാറയെ പുച്ഛിച്ചുതള്ളി.
17 അവർ ദൈവത്തിനല്ല, ഭൂതങ്ങൾക്ക്‌,
അവർ അറിഞ്ഞിട്ടില്ലാത്ത ദൈവങ്ങൾക്ക്‌, ബലി അർപ്പിച്ചു;+
ഈയിടെ വന്ന പുതുദൈവങ്ങൾക്ക്‌,
അവരുടെ പിതാക്കന്മാർ അറിഞ്ഞിട്ടില്ലാത്ത ദൈവങ്ങൾക്ക്‌, ബലി അർപ്പിച്ചു.
19 അതു കണ്ടപ്പോൾ യഹോവ അവരെ തള്ളിക്കളഞ്ഞു;+
ദൈവത്തിന്റെ പുത്രീപുത്രന്മാർ ദൈവത്തെ കോപിപ്പിച്ചല്ലോ.
21 ദൈവമല്ലാത്തവയെക്കൊണ്ട്‌ അവർ എന്നിൽ ക്രോധം ജനിപ്പിച്ചു;+
ഒരു ഗുണവുമില്ലാത്ത വിഗ്രഹങ്ങളാൽ അവർ എന്നെ കോപിപ്പിച്ചു.+
നിസ്സാരരായ ഒരു ജനത്തെക്കൊണ്ട്‌ ഞാനും അവരിൽ രോഷം ജനിപ്പിക്കും;+
ബുദ്ധിഹീനരായ ജനതയാൽ അവരെ കോപിപ്പിക്കും.+
22 എന്റെ കോപം അഗ്നിയായിത്തീർന്നിരിക്കുന്നു,+
അതു ശവക്കുഴിയുടെ* ആഴങ്ങളെപ്പോലും ദഹിപ്പിക്കും.+
അതു ഭൂമിയെയും അതിലുള്ളതിനെയും വിഴുങ്ങിക്കളയും,
പർവതങ്ങളുടെ അടിസ്ഥാനങ്ങളെ അതു ചുട്ടുചാമ്പലാക്കും.
23 അവരുടെ കഷ്ടതകൾ ഞാൻ വർധിപ്പിക്കും;
എന്റെ അമ്പുകളെല്ലാം ഞാൻ അവർക്കു നേരെ തൊടുത്തുവിടും.
കടിച്ചുകീറുന്ന കാട്ടുമൃഗങ്ങളെയും
പൊടിയിൽ ഇഴയുന്ന വിഷജന്തുക്കളെയും ഞാൻ അവർക്കു നേരെ അയയ്‌ക്കും.+
25 പുറത്ത്‌, വാൾ അവരെ സംഹരിക്കും;+
അകത്ത്‌, ഭീതി അവരെ വിഴുങ്ങും.+
അതിൽനിന്ന്‌ യുവാവും കന്യകയും രക്ഷപ്പെടില്ല;
കൊച്ചുകുട്ടിയും തല നരച്ചവനും ഒഴിവാകില്ല.+
26 “ഞാൻ അവരെ ചിതറിക്കും;
അവരുടെ ഓർമപോലും മനുഷ്യകുലത്തിൽനിന്ന്‌ മായ്‌ച്ചുകളയും” എന്നു ഞാൻ പറഞ്ഞേനേ.
ഇതൊന്നും ചെയ്‌തത്‌ യഹോവയല്ല” എന്നു പറഞ്ഞ്‌
എന്റെ എതിരാളികൾ അതു തെറ്റായി വ്യാഖ്യാനിക്കുമോ+ എന്നു ഞാൻ ഭയപ്പെട്ടു.
29 അവർക്കു ജ്ഞാനമുണ്ടായിരുന്നെങ്കിൽ!+ എങ്കിൽ അവർ ഇതു ധ്യാനിക്കുമായിരുന്നു;+
തങ്ങളുടെ പ്രവൃത്തികളുടെ ഭവിഷ്യത്തിനെക്കുറിച്ച്‌ അവർ ചിന്തിക്കുമായിരുന്നു.+
30 അവരുടെ പാറ അവരെ വിറ്റുകളയുകയും+
യഹോവ അവരെ ശത്രുക്കൾക്ക്‌ ഏൽപ്പിച്ചുകൊടുക്കുകയും ചെയ്‌തല്ലോ.
അല്ലായിരുന്നെങ്കിൽ ഒരുവന്‌ 1,000 പേരെ പിന്തുടരാനാകുമോ?
ഇരുവർക്ക്‌ 10,000 പേരെ തുരത്താനാകുമോ?+
32 അവരുടെ മുന്തിരിവള്ളി സൊദോമിൽനിന്നുള്ളതും
ഗൊമോറയുടെ മലഞ്ചെരിവുകളിൽനിന്നുള്ളതും ആകുന്നു.+
അവരുടെ മുന്തിരിപ്പഴങ്ങൾ വിഷപ്പഴങ്ങൾ;
അവരുടെ മുന്തിരിക്കുലകൾ കയ്‌പുള്ളവ.+
33 അവരുടെ വീഞ്ഞു പാമ്പിൻവിഷം;
മൂർഖന്റെ കൊടിയ വിഷം.
34 അവരുടെ പ്രവൃത്തികളെല്ലാം ഞാൻ മുദ്രയിട്ട്‌
എന്റെ സംഭരണശാലയിൽ സൂക്ഷിച്ചിരിക്കുന്നല്ലോ!+
35 പ്രതികാരം എനിക്കുള്ളത്‌; ഞാൻ ശിക്ഷ നടപ്പാക്കും.+
കൃത്യസമയത്ത്‌ അവരുടെ കാൽ വഴുതും.+
അവരുടെ വിനാശകാലം അടുത്തിരിക്കുന്നല്ലോ,
അവർക്കു സംഭവിക്കാനുള്ളതു പെട്ടെന്നു വരും.’
36 യഹോവ തന്റെ ജനത്തെ വിധിക്കും,+
തന്റെ ദാസരുടെ ശക്തി ക്ഷയിച്ചിരിക്കുന്നെന്നും
നിസ്സഹായരും ബലഹീനരും മാത്രം ശേഷിച്ചിരിക്കുന്നെന്നും കാണുമ്പോൾ
37 അപ്പോൾ ദൈവം പറയും: ‘അവരുടെ ദൈവങ്ങൾ എവിടെ?+
അവർ അഭയം പ്രാപിച്ചിരുന്ന പാറ എവിടെ?
38 അവരുടെ ബലികളുടെ കൊഴുപ്പു* ഭക്ഷിക്കുകയും
അവരുടെ പാനീയയാഗങ്ങളുടെ വീഞ്ഞു കുടിക്കുകയും ചെയ്‌തിരുന്നവർ എവിടെ?+
അവർ എഴുന്നേറ്റ്‌ നിങ്ങളെ സഹായിക്കട്ടെ,
അവർ നിങ്ങളുടെ അഭയസ്ഥാനമായിരിക്കട്ടെ.
കൊല്ലുന്നതും ജീവിപ്പിക്കുന്നതും ഞാനാണ്‌,+
41 ഞാൻ എന്റെ മിന്നുന്ന വാളിനു മൂർച്ച കൂട്ടിയാൽ,
ന്യായവിധിക്കായി ഒരുങ്ങിയാൽ,+
എന്റെ എതിരാളികളോടു ഞാൻ പ്രതികാരം ചെയ്യും;+
എന്നെ വെറുക്കുന്നവരോടു ഞാൻ പകരം വീട്ടും.
42 എന്റെ അസ്‌ത്രങ്ങളെ ഞാൻ രക്തം കുടിപ്പിക്കും,
കൊല്ലപ്പെട്ടവരുടെയും ബന്ദികളുടെയും രക്തംതന്നെ!
എന്റെ വാൾ മാംസം തിന്നും,
ശത്രുനിരയിലെ നായകന്മാരുടെ ശിരസ്സുകൾതന്നെ.’
43 ജനതകളേ, ദൈവത്തിന്റെ ജനത്തോടൊപ്പം ആനന്ദിക്കുവിൻ,+
തന്റെ ദാസന്മാരുടെ രക്തത്തിനു ദൈവം പ്രതികാരം ചെയ്യുമല്ലോ;+
തന്റെ എതിരാളികളോടു ദൈവം പകരം വീട്ടും,+
തന്റെ ജനത്തിന്റെ ദേശത്തിനു പാപപരിഹാരം വരുത്തും.”*
44 മോശയും നൂന്റെ മകനായ ഹോശയയും*+ വന്ന്‌ ഈ പാട്ടു മുഴുവനും ജനത്തെ ചൊല്ലിക്കേൾപ്പിച്ചു.+ 45 ഈ വാക്കുകൾ മോശ ഇസ്രായേലിനെ മുഴുവൻ അറിയിച്ചു. 46 പിന്നെ മോശ പറഞ്ഞു: “ഈ നിയമത്തിലെ വാക്കുകളെല്ലാം ശ്രദ്ധാപൂർവം പാലിക്കാൻ നിങ്ങളുടെ മക്കളെ പഠിപ്പിക്കേണ്ടതിന്‌+ ഇന്നു ഞാൻ നിങ്ങളെ അറിയിച്ച എല്ലാ മുന്നറിയിപ്പുകളും ഹൃദയത്തിൽ സൂക്ഷിക്കുക.+ 47 ഇവ അർഥശൂന്യമായ വാക്കുകളല്ല; നിങ്ങളുടെ ജീവൻതന്നെയാണ്‌.+ ഇവ അനുസരിക്കുന്നെങ്കിൽ യോർദാൻ കടന്ന്‌ കൈവശമാക്കാൻപോകുന്ന ദേശത്ത്‌ നിങ്ങൾ ദീർഘകാലം ജീവിച്ചിരിക്കും.”
48 അന്നേ ദിവസംതന്നെ യഹോവ മോശയോടു പറഞ്ഞു: 49 “അബാരീം പ്രദേശത്തെ ഈ മലയിലേക്ക്‌,+ യരീഹൊയുടെ എതിർവശത്തുള്ള മോവാബ്‌ ദേശത്തെ നെബോ പർവതത്തിലേക്ക്‌,+ കയറിച്ചെന്ന്‌ ഇസ്രായേല്യർക്കു ഞാൻ അവകാശമായി കൊടുക്കാൻപോകുന്ന കനാൻ ദേശം കണ്ടുകൊള്ളുക.+ 50 നിന്റെ സഹോദരനായ അഹരോൻ ഹോർ പർവതത്തിൽവെച്ച്‌ മരിച്ച്‌ തന്റെ ജനത്തോടു ചേർന്നതുപോലെ* നീ കയറിച്ചെല്ലുന്ന മലയിൽവെച്ച്‌ നീ മരിക്കുകയും+ നിന്റെ ജനത്തോടു ചേരുകയും ചെയ്യും. 51 കാരണം, നിങ്ങൾ ഇരുവരും സീൻ വിജനഭൂമിയിലെ കാദേശിലുള്ള മെരീബയിലെ നീരുറവിൽവെച്ച്‌+ ഇസ്രായേല്യരുടെ മധ്യേ എന്നോട്‌ അവിശ്വസ്‌തത കാണിച്ചു; ഇസ്രായേൽ ജനത്തിനു മുമ്പാകെ നിങ്ങൾ എന്നെ വിശുദ്ധീകരിച്ചില്ല.+ 52 നീ ദൂരെനിന്ന്‌ ആ ദേശം കാണും; എന്നാൽ ഞാൻ ഇസ്രായേൽ ജനത്തിനു കൊടുക്കുന്ന ദേശത്ത്‌ നീ കടക്കില്ല.”+