സങ്കീർത്തനം
ഒരു ഓർമിപ്പിക്കലായി* ദാവീദ്‌ രചിച്ച ശ്രുതിമധുരമായ ഗാനം.
2 കാരണം, അങ്ങയുടെ അമ്പുകൾ എന്റെ ഉള്ളിലേക്കു തുളച്ചിറങ്ങിയിരിക്കുന്നു;
അങ്ങയുടെ കൈക്കീഴിൽ ഞാൻ ഞെരിഞ്ഞമരുന്നു.+
3 അങ്ങയുടെ ഉഗ്രകോപം നിമിത്തം ഞാൻ അടിമുടി രോഗബാധിതനായിരിക്കുന്നു.
എന്റെ പാപം നിമിത്തം എന്റെ അസ്ഥികൾക്കുള്ളിൽ ഒരു സ്വസ്ഥതയുമില്ല.+
4 കാരണം, എന്റെ തെറ്റുകൾ എന്റെ തലയ്‌ക്കു മീതെ കുമിഞ്ഞുകൂടിയിരിക്കുന്നു;+
അത്‌ എനിക്കു താങ്ങാനാകാത്ത കനത്ത ഭാരമാണ്‌.
5 എന്റെ വിഡ്‌ഢിത്തം കാരണം
എന്റെ വ്രണങ്ങൾ പഴുത്ത്‌ നാറുന്നു.
6 ആകെ കഷ്ടതയിലായിരിക്കുന്ന ഞാൻ നിരാശയോടെ തല കുമ്പിട്ട്‌ ഇരിക്കുന്നു;
ദിവസം മുഴുവൻ ഞാൻ സങ്കടപ്പെട്ട്‌ അങ്ങുമിങ്ങും നടക്കുന്നു.
9 യഹോവേ, എന്റെ ആഗ്രഹങ്ങളെല്ലാം തിരുമുമ്പിലുണ്ടല്ലോ;
എന്റെ നെടുവീർപ്പ്‌ അങ്ങയിൽനിന്ന്‌ മറഞ്ഞിരിക്കുന്നില്ല.
10 എന്റെ നെഞ്ചിടിക്കുന്നു; എനിക്കു ശക്തിയില്ലാതായി;
എന്റെ കണ്ണിന്റെ പ്രകാശം മങ്ങിയിരിക്കുന്നു.+
11 എന്റെ രോഗം നിമിത്തം എന്റെ സ്‌നേഹിതരും കൂട്ടാളികളും എന്നെ ഒഴിവാക്കുന്നു;
എന്റെ അടുത്ത പരിചയക്കാർ എന്നോട്‌ അകലം പാലിക്കുന്നു.
12 എന്റെ ജീവനെടുക്കാൻ നോക്കുന്നവർ എനിക്കായി കെണി വെക്കുന്നു;
എന്നെ ദ്രോഹിക്കാൻ നോക്കുന്നവർ നാശത്തെപ്പറ്റി സംസാരിക്കുന്നു;+
അവർ ദിവസം മുഴുവൻ അടക്കം പറയുന്നതു വഞ്ചനയാണ്‌.
13 ഞാൻ പക്ഷേ, ബധിരനെപ്പോലെ ശ്രദ്ധിക്കാതിരിക്കുന്നു;+
മൂകനെപ്പോലെ വായ്‌ തുറക്കാതിരിക്കുന്നു.+
14 ഞാൻ കേൾവിശക്തിയില്ലാത്തവനെപ്പോലെയായിരിക്കുന്നു;
എന്റെ നാവിന്‌ എതിർവാദം പറയാൻ ഒന്നുമില്ല.
16 ഞാൻ പറഞ്ഞു: “അവർ എന്റെ അവസ്ഥ കണ്ട്‌ സന്തോഷിക്കരുതേ;
എന്റെ കാൽ വഴുതിയാൽ അവർ എന്നോട്‌ അഹങ്കാരം കാണിക്കരുതേ.”
19 എന്നാൽ, എന്റെ ശത്രുക്കൾ വീറുള്ളവരും* ശക്തരും ആണ്‌;*
കാരണമില്ലാതെ എന്നെ വെറുക്കുന്നവർ അനവധിയായിരിക്കുന്നു.
20 നന്മയ്‌ക്കു പകരം തിന്മയാണ്‌ അവർ എന്നോടു ചെയ്‌തത്‌;
നന്മ ചെയ്യാൻ ശ്രമിച്ചതിന്റെ പേരിൽ അവർ എന്നെ എതിർത്തു.
21 യഹോവേ, എന്നെ ഉപേക്ഷിക്കരുതേ.
ദൈവമേ, എന്നിൽനിന്ന്‌ അകന്നുനിൽക്കരുതേ.+