സങ്കീർത്ത​നം

145 രാജാ​വായ എന്റെ ദൈവമേ, ഞാൻ അങ്ങയെ വാഴ്‌ത്തും;+

എന്നുമെന്നേക്കും അങ്ങയുടെ പേര്‌ സ്‌തു​തി​ക്കും.+

 2 ദിവസം മുഴുവൻ ഞാൻ അങ്ങയെ വാഴ്‌ത്തും;+

എന്നുമെന്നേക്കും അങ്ങയുടെ പേര്‌ സ്‌തു​തി​ക്കും.+

 3 യഹോവ മഹാൻ, സ്‌തു​തിക്ക്‌ ഏറ്റവും യോഗ്യൻ;+

ദൈവമാഹാത്മ്യം ഗ്രാഹ്യ​ത്തിന്‌ അതീതം.+

 4 വരുംതലമുറകളെല്ലാം അങ്ങയുടെ പ്രവൃ​ത്തി​കൾ സ്‌തു​തി​ക്കും,

അങ്ങയുടെ അത്ഭുതങ്ങൾ വർണി​ക്കും.+

 5 അങ്ങയുടെ പ്രതാ​പ​ത്തി​ന്റെ മഹദ്‌ഗാം​ഭീ​ര്യ​ത്തെ​ക്കു​റിച്ച്‌ അവർ സംസാ​രി​ക്കും;+

ഞാൻ അങ്ങയുടെ അത്ഭുത​പ്ര​വൃ​ത്തി​കൾ ധ്യാനി​ക്കും.

 6 അങ്ങയുടെ ഭയാദ​രവ്‌ ഉണർത്തുന്ന പ്രവൃത്തികളെക്കുറിച്ച്‌* അവർ സംസാ​രി​ക്കും;

ഞാൻ അങ്ങയുടെ മാഹാ​ത്മ്യം വിവരി​ക്കും.

 7 അങ്ങയുടെ സമൃദ്ധ​മായ നന്മ ഓർക്കുമ്പോൾ* അവർ മതിമ​റന്ന്‌ സന്തോ​ഷി​ക്കും;+

അങ്ങയുടെ നീതി നിമിത്തം അവർ ആനന്ദി​ച്ചാർക്കും.+

 8 യഹോവ അനുക​മ്പ​യു​ള്ളവൻ,* കരുണാ​മയൻ;+

പെട്ടെന്നു കോപി​ക്കാ​ത്തവൻ, അചഞ്ചല​സ്‌നേഹം നിറഞ്ഞവൻ.+

 9 യഹോവ എല്ലാവർക്കും നല്ലവൻ;+

ദൈവത്തിന്റെ പ്രവൃ​ത്തി​ക​ളി​ലെ​ല്ലാം കരുണ കാണാം.

10 യഹോവേ, അങ്ങയുടെ പ്രവൃ​ത്തി​ക​ളെ​ല്ലാം അങ്ങയ്‌ക്കു മഹത്ത്വ​മേ​കും;+

അങ്ങയുടെ വിശ്വ​സ്‌തർ അങ്ങയെ സ്‌തു​തി​ക്കും.+

11 അവർ അങ്ങയുടെ രാജാ​ധി​കാ​ര​ത്തി​ന്റെ മഹത്ത്വം ഘോഷി​ക്കും;+

അങ്ങയുടെ പ്രതാ​പ​ത്തെ​ക്കു​റിച്ച്‌ വിവരി​ക്കും;+

ל (ലാമെദ്‌)

12 അങ്ങനെ അവർ, അങ്ങയുടെ അത്ഭുതങ്ങളെക്കുറിച്ചും+

അങ്ങയുടെ രാജാ​ധി​കാ​ര​ത്തി​ന്റെ മഹനീ​യ​പ്ര​താ​പ​ത്തെ​ക്കു​റി​ച്ചും സകല​രെ​യും അറിയി​ക്കും.+

13 അങ്ങയുടെ രാജാ​ധി​കാ​രം നിത്യ​മാ​യത്‌;

അങ്ങയുടെ ആധിപ​ത്യം എല്ലാ തലമു​റ​ക​ളി​ലും നിലനിൽക്കു​ന്നത്‌.+

14 വീണുപോകുന്നവരെയെല്ലാം യഹോവ താങ്ങുന്നു,+

കുനിഞ്ഞുപോയവരെ പിടി​ച്ചെ​ഴു​ന്നേൽപ്പി​ക്കു​ന്നു.+

15 എല്ലാ കണ്ണുക​ളും പ്രതീ​ക്ഷ​യോ​ടെ അങ്ങയെ നോക്കു​ന്നു;

അങ്ങ്‌ തക്ക കാലത്ത്‌ അവർക്ക്‌ ആഹാരം നൽകുന്നു.+

16 അങ്ങ്‌ കൈ തുറന്ന്‌

ജീവനുള്ളതിന്റെയെല്ലാം ആഗ്രഹം തൃപ്‌തി​പ്പെ​ടു​ത്തു​ന്നു.+

17 യഹോവ തന്റെ വഴിക​ളി​ലെ​ല്ലാം നീതി​മാൻ;+

താൻ ചെയ്യു​ന്ന​തി​ലെ​ല്ലാം വിശ്വ​സ്‌തൻ.+

18 തന്നെ വിളി​ച്ച​പേ​ക്ഷി​ക്കുന്ന എല്ലാവർക്കും,

അതെ, ആത്മാർഥതയോടെ* തന്നെ വിളി​ച്ച​പേ​ക്ഷി​ക്കുന്ന സകലർക്കും,+ യഹോവ സമീപസ്ഥൻ.+

19 തന്നെ ഭയപ്പെ​ടു​ന്ന​വ​രു​ടെ ആഗ്രഹം ദൈവം സാധി​ച്ചു​കൊ​ടു​ക്കു​ന്നു;+

സഹായത്തിനായുള്ള അവരുടെ നിലവി​ളി കേട്ട്‌ അവരെ വിടു​വി​ക്കു​ന്നു.+

20 തന്നെ സ്‌നേ​ഹി​ക്കു​ന്ന​വ​രെ​യെ​ല്ലാം യഹോവ കാത്തു​ര​ക്ഷി​ക്കു​ന്നു;+

എന്നാൽ, ദുഷ്ടന്മാ​രെ​യോ ദൈവം നിശ്ശേഷം നശിപ്പി​ക്കും.+

21 എന്റെ വായ്‌ യഹോ​വ​യു​ടെ സ്‌തുതി ഘോഷി​ക്കും;+

ജീവനുള്ളവയെല്ലാം ദൈവ​ത്തി​ന്റെ വിശു​ദ്ധ​നാ​മം എന്നു​മെ​ന്നേ​ക്കും സ്‌തു​തി​ക്കട്ടെ.+