യശയ്യ

35 വിജന​ഭൂ​മി​യും വരണ്ടു​ണ​ങ്ങിയ ദേശവും സന്തോ​ഷി​ച്ചു​ല്ല​സി​ക്കും,+

മരു​പ്ര​ദേ​ശം ആനന്ദിച്ച്‌ കുങ്കു​മം​പോ​ലെ പൂക്കും.+

 2 അവിടം പൂത്തു​ല​യും, നിശ്ചയം;+

അത്‌ ആഹ്ലാദ​വും സന്തോ​ഷ​വും കൊണ്ട്‌ ആർത്തു​വി​ളി​ക്കും.

അതിനു ലബാ​നോ​ന്റെ മഹത്ത്വം ലഭിക്കും,+

കർമേലിന്റെയും+ ശാരോന്റെയും+ പ്രൗഢി കൈവ​രും.

 3 തളർന്ന കൈകൾക്കു ശക്തി പകരു​വിൻ,

വിറയ്‌ക്കു​ന്ന കാൽമു​ട്ടു​കൾ ബലപ്പെ​ടു​ത്തു​വിൻ.+

നിങ്ങളു​ടെ ദൈവം പ്രതി​കാ​രം ചെയ്യാൻ വരും,

പകരം ചോദി​ക്കാൻ വരും.+

 5 അന്ന്‌ അന്ധന്റെ കണ്ണുകൾക്കു കാഴ്‌ച ലഭിക്കും,+

ബധിരന്റെ ചെവികൾ അടഞ്ഞി​രി​ക്കില്ല.+

 6 അന്നു മുടന്തൻ മാനി​നെ​പ്പോ​ലെ ചാടും,+

ഊമന്റെ നാവ്‌ ആനന്ദിച്ച്‌ ആർത്തു​വി​ളി​ക്കും.+

മരുഭൂമിയിൽ* ഉറവകൾ പൊട്ടി​പ്പു​റ​പ്പെ​ടും,

മരു​പ്ര​ദേ​ശത്ത്‌ അരുവി​കൾ ഒഴുകും.

 7 വരണ്ടുണങ്ങിയ നിലം ഈറ്റകൾ വളരുന്ന തടാക​മാ​യി മാറും,

ദാഹിച്ച്‌ വരണ്ട നിലം നീരു​റ​വ​ക​ളാ​കും.+

കുറു​ന​രി​ക​ളു​ടെ താവള​ങ്ങ​ളിൽ,+

പച്ചപ്പു​ല്ലും ഈറ്റയും പപ്പൈറസ്‌* ചെടി​യും വളരും.

 8 അവിടെ ഒരു പ്രധാ​ന​വീ​ഥി​യു​ണ്ടാ​യി​രി​ക്കും,+

വിശു​ദ്ധ​വ​ഴി എന്നായി​രി​ക്കും അതിന്റെ പേര്‌.

അതിലൂ​ടെ നടക്കു​ന്ന​വർക്കു മാത്ര​മു​ള്ള​താ​യി​രി​ക്കും ആ വഴി;

വിഡ്‌ഢി​കൾ ആരും വഴി​തെറ്റി അതി​ലേക്കു വരില്ല.

 9 സിംഹങ്ങൾ അവി​ടെ​യു​ണ്ടാ​യി​രി​ക്കില്ല,

ക്രൂര​മൃ​ഗ​ങ്ങൾ അവി​ടേക്കു വരില്ല.

അവി​ടെ​യെ​ങ്ങും അവയെ കാണില്ല;+

വീണ്ടെടുക്കപ്പെട്ടവർ* മാത്രമേ അതിൽ നടക്കൂ.+

അവർ ഉല്ലസി​ച്ചാ​ന​ന്ദി​ക്കും.

ദുഃഖ​വും നെടു​വീർപ്പും പോയ്‌മ​റ​യും.+