നമ്മുടെ ഉത്തമ സുഹൃത്ത്‌ ആത്മമണ്ഡ​ല​ത്തി​ലാണ്‌

ആത്മമണ്ഡ​ല​ത്തിൽ ജീവി​ക്കു​ന്ന​വരെ സംബന്ധി​ച്ചു ബൈബിൾ വ്യക്തമായ ഒരു ചിത്രം നൽകുന്നു. യഹോ​വ​യാം ദൈവം സ്വർഗ​ത്തിൽ പരമോ​ന്ന​ത​നാണ്‌. ശക്തിയി​ലും അധികാ​ര​ത്തി​ലും യഹോവ കഴിഞ്ഞാൽ അടുത്ത സ്ഥാനം യേശു​ക്രി​സ്‌തു​വി​നാണ്‌. ദൈവ​ത്തോ​ടു വിശ്വ​സ്‌ത​രായ ദൂതന്മാർ ദൈവ​ത്തി​ന്റെ​യും ഭൂമി​യി​ലെ അവന്റെ ജനത്തി​ന്റെ​യും ശുശ്രൂ​ഷ​ക​രാ​യി സേവി​ക്കു​ന്നു. സാത്താ​നും അവന്റെ ഭൂതങ്ങ​ളും ദൈവത്തെ എതിർക്കു​ക​യും മനുഷ്യ​രെ വഴി​തെ​റ്റി​ക്കു​ക​യും ചെയ്യുന്നു. ദൈവം മരിച്ച​വരെ ഉയിർപ്പി​ക്കു​ന്ന​തു​വരെ അവർ മരണത്തിൽ നിദ്ര​കൊ​ള്ളു​ന്നു.

ഭൂതങ്ങൾ നമ്മുടെ ആരാധന ആഗ്രഹി​ക്കു​ന്നു

മരിച്ചവർ നിർജീ​വ​രാ​യ​തു​കൊണ്ട്‌, അവരെ ആരാധി​ക്കു​ന്ന​തി​നാൽ യാതൊ​ന്നും നേടാ​നില്ല. മരിച്ച​വർക്കു ബലിക​ളർപ്പി​ക്കു​ന്നതു സാത്താ​ന്റെ​യും അവന്റെ ഭൂതങ്ങ​ളു​ടെ​യും ഭോഷ്‌ക്കു​കളെ പ്രോ​ത്സാ​ഹി​പ്പി​ക്കു​ക​യേ​യു​ള്ളൂ.

ദൈവ​ദൂ​ത​ന്മാർ നമ്മുടെ ആരാധന ആഗ്രഹി​ക്കു​ന്നു​വോ? തീർച്ച​യാ​യും ഇല്ല! വിശ്വസ്‌ത ദൂതന്മാർ ദൈവ​ത്തി​നു മഹത്ത്വം നൽകു​ക​യും അതുതന്നെ ചെയ്യാൻ മനുഷ്യ​രെ പ്രോ​ത്സാ​ഹി​പ്പി​ക്കു​ക​യും ചെയ്യുന്നു. അപ്പോ​സ്‌ത​ല​നായ യോഹ​ന്നാൻ രണ്ടുതവണ ദൂതന്മാ​രെ ആരാധി​ക്കാൻ ശ്രമിച്ചു. എന്നാൽ, “അതരുതു: . . . ദൈവത്തെ നമസ്‌ക​രിക്ക” എന്നു പറഞ്ഞു​കൊണ്ട്‌ അവർ അവനെ ഭർത്സിച്ചു.—വെളി​പ്പാ​ടു 19:10; 22:8, 9.

വിശ്വ​സ്‌ത ദൂതന്മാ​രിൽനി​ന്നു വ്യത്യ​സ്‌ത​രാ​യി, സാത്താ​നും അവന്റെ ഭൂതങ്ങ​ളും ആരാധി​ക്ക​പ്പെ​ടാ​നും മഹത്ത്വീ​ക​രി​ക്ക​പ്പെ​ടാ​നും ആഗ്രഹി​ക്കു​ന്നു. മനുഷ്യ​നെ​ന്ന​നി​ല​യിൽ യേശു ഭൂമി​യി​ലാ​യി​രുന്ന സമയത്തു സാത്താൻ അവനെ പ്രലോ​ഭി​പ്പി​ച്ച​പ്പോൾ ഇതു പ്രകട​മാ​യി​രു​ന്നു. ബൈബിൾ വിവരി​ക്കു​ന്നു: “പിന്നെ പിശാചു അവനെ [യേശു​വി​നെ] ഏററവും ഉയർന്നോ​രു മലമേൽ കൂട്ടി​ക്കൊ​ണ്ടു​പോ​യി ലോക​ത്തി​ലുള്ള സകല രാജ്യ​ങ്ങ​ളെ​യും അവയുടെ മഹത്വ​ത്തെ​യും കാണിച്ചു: വീണു എന്നെ നമസ്‌ക​രി​ച്ചാൽ ഇതൊ​ക്കെ​യും നിനക്കു തരാം എന്നു അവനോ​ടു പറഞ്ഞു.”—മത്തായി 4:8, 9.

“സാത്താനേ, എന്നെ വിട്ടു​പോ; ‘നിന്റെ ദൈവ​മായ കർത്താ​വി​നെ നമസ്‌ക​രി​ച്ചു അവനെ മാത്രമേ ആരാധി​ക്കാ​വു’ എന്നു എഴുതി​യി​രി​ക്കു​ന്നു”വെന്നു യേശു മറുപടി നൽകി. (മത്തായി 4:10) യേശു​വി​നു യഹോ​വ​യു​ടെ ന്യായ​പ്ര​മാ​ണം അറിയാ​മാ​യി​രു​ന്നു. അതു ലംഘി​ക്കാൻ അവൻ വിസമ്മ​തി​ച്ചു.—ആവർത്ത​ന​പു​സ്‌തകം 6:13.

യേശു​വി​ന്റെ ആരാധന പിടി​ച്ചു​പ​റ്റാൻ സാത്താനു കഴിഞ്ഞി​ല്ലെ​ങ്കി​ലും, മറ്റുചി​ല​രു​ടെ ആരാധന നേടു​ന്ന​തിൽ അവൻ വിജയി​ച്ചി​രി​ക്കു​ന്നു. തീർച്ച​യാ​യും ആരും​തന്നെ സാത്താനെ മനപ്പൂർവം ആരാധി​ക്കു​ക​യില്ല. എന്നാൽ, സൂത്രം, വഞ്ചന, ഭോഷ്‌ക്കു​കൾ, ഭയം എന്നിവ​യി​ലൂ​ടെ സാത്താ​നും അവന്റെ ഭൂതങ്ങ​ളും അനേക​മാ​ളു​കളെ യഹോ​വ​യു​ടെ നിർമ​ലാ​രാ​ധ​ന​യിൽനി​ന്നു വ്യതി​ച​ലി​പ്പി​ച്ചി​രി​ക്കു​ന്ന​തി​നാൽ അപ്പോ​സ്‌ത​ല​നായ യോഹ​ന്നാൻ എഴുതി: “സർവ്വ​ലോ​ക​വും ദുഷ്ടന്റെ അധീന​ത​യിൽ കിടക്കു​ന്നു.” (1 യോഹ​ന്നാൻ 5:19) ദൈവ​വ​ച​ന​ത്തി​നു വിരു​ദ്ധ​മായ വിധങ്ങ​ളിൽ ആരാധി​ക്കു​ന്നവർ യഹോ​വയെ അല്ല, സാത്താ​നെ​യാ​ണു ബഹുമാ​നി​ക്കു​ന്നത്‌. “ജാതികൾ ബലിക​ഴി​ക്കു​ന്നതു ദൈവ​ത്തി​ന്നല്ല ഭൂതങ്ങൾക്കു കഴിക്കു​ന്നു” എന്ന്‌ ബൈബിൾ മുന്നറി​യി​പ്പു നൽകുന്നു.—1 കൊരി​ന്ത്യർ 10:20.

ആരാധന യഹോ​വ​യ്‌ക്കു​ള്ളത്‌

നമ്മുടെ ആരാധന ദൈവ​ത്തി​ലേക്കു മാത്രം തിരി​ച്ചു​വി​ടേ​ണ്ട​താണ്‌. യഹോവ മോശ​യോ​ടു പറഞ്ഞു: “ഞാനല്ലാ​തെ അന്യ​ദൈ​വങ്ങൾ നിനക്കു ഉണ്ടാക​രു​തു. ഒരു വിഗ്രഹം ഉണ്ടാക്ക​രു​തു; മീതെ സ്വർഗ്ഗ​ത്തിൽ എങ്കിലും താഴെ ഭൂമി​യിൽ എങ്കിലും ഭൂമിക്കു കീഴെ വെള്ളത്തിൽ എങ്കിലും ഉള്ള യാതൊ​ന്നി​ന്റെ പ്രതി​മ​യും അരുതു. അവയെ നമസ്‌ക​രി​ക്ക​യോ സേവി​ക്ക​യോ ചെയ്യരു​തു. നിന്റെ ദൈവ​മായ യഹോ​വ​യായ ഞാൻ തീക്ഷ്‌ണ​ത​യുള്ള [“അനന്യ​ഭക്തി നിഷ്‌കർഷി​ക്കുന്ന,” NW] ദൈവം ആകുന്നു.”—പുറപ്പാ​ടു 20:3-5.

യഹോവ മാഹാ​ത്മ്യ​ത്തിൽ ഭയഗം​ഭീ​ര​നാ​ണെ​ങ്കി​ലും, സമീപി​ക്കാ​വു​ന്ന​വ​നാണ്‌. ശിഷ്യ​നായ യാക്കോബ്‌ എഴുതി: “ദൈവ​ത്തോ​ടു അടുത്തു ചെല്ലു​വിൻ; എന്നാൽ അവൻ നിങ്ങ​ളോ​ടു അടുത്തു​വ​രും.” (യാക്കോബ്‌ 4:8) അപ്പോ​സ്‌ത​ല​നായ പൗലൊസ്‌ പറഞ്ഞു: “അവൻ [ദൈവം] നമ്മിൽ ആർക്കും അകന്നി​രി​ക്കു​ന്ന​വനല്ല.” (പ്രവൃ​ത്തി​കൾ 17:27) കൂടാതെ അപ്പോ​സ്‌ത​ല​നായ യോഹ​ന്നാൻ എഴുതി: “അവന്റെ [യഹോ​വ​യു​ടെ] ഇഷ്ടപ്ര​കാ​രം നാം എന്തെങ്കി​ലും അപേക്ഷി​ച്ചാൽ അവൻ നമ്മുടെ അപേക്ഷ കേൾക്കു​ന്നു എന്നുള്ളതു നമുക്കു അവനോ​ടുള്ള ധൈര്യം ആകുന്നു. നാം എന്തു അപേക്ഷി​ച്ചാ​ലും അവൻ നമ്മുടെ അപേക്ഷ കേൾക്കു​ന്നു എന്നറി​യു​ന്നു​വെ​ങ്കിൽ അവനോ​ടു കഴിച്ച അപേക്ഷ നമുക്കു ലഭിച്ചു എന്നും അറിയു​ന്നു.”—1 യോഹ​ന്നാൻ 5:14, 15.

“അവന്റെ [യഹോ​വ​യു​ടെ] ഇഷ്ടപ്ര​കാ​രം” നാം ചോദി​ച്ചാൽ, യഹോവ നമ്മുടെ അപേക്ഷകൾ കേൾക്കു​മെ​ന്നാ​ണു യോഹ​ന്നാൻ എഴുതി​യ​തെന്നു ശ്രദ്ധി​ക്കുക. ദൈവ​ത്തി​ന്റെ ഇഷ്ടമെ​ന്താ​ണെന്ന്‌ അറിയു​ന്ന​തിന്‌, ബൈബിൾ പഠിപ്പി​ക്കു​ന്നതു നാം പഠിക്കണം. ബൈബിൾ മനസ്സി​ലാ​ക്കാൻ നിങ്ങളെ സഹായി​ക്കു​ന്ന​തിന്‌ യഹോ​വ​യു​ടെ സാക്ഷികൾ സന്തോ​ഷ​മു​ള്ള​വ​രാ​യി​രി​ക്കും.

നിങ്ങൾ യഹോ​വ​യെ​ക്കു​റി​ച്ചു കൂടുതൽ പഠിക്കവേ, ആത്മമണ്ഡ​ല​ത്തിൽ ജീവി​ക്കു​ന്ന​വ​രെ​ക്കു​റി​ച്ചുള്ള കൂടുതൽ അറിവു നിങ്ങൾക്കു ലഭിക്കും. ആളുകളെ ഭയത്തി​ലും അടിമ​ത്ത​ത്തി​ലും പിടി​ച്ചു​വെ​ക്കാ​നാ​യി സാത്താൻ ഉപയോ​ഗി​ക്കുന്ന അന്ധവി​ശ്വാ​സങ്ങൾ, ധാരണകൾ, പാരമ്പ​ര്യ​ങ്ങൾ എന്നിവ​യിൽനിന്ന്‌ ഈ പരിജ്ഞാ​നം സ്വാത​ന്ത്ര്യം കൈവ​രു​ത്തു​ന്നു. ജീവി​ത​ത്തി​ലെ അനുദിന പ്രശ്‌നങ്ങൾ ഒഴിവാ​ക്കാ​നോ തരണം ചെയ്യാ​നോ സഹായി​ക്കു​ന്ന​തി​നു ദൈവ​ത്തിൽ ആശ്രയി​ക്കാൻ ദൈവ​ത്തെ​ക്കു​റി​ച്ചുള്ള സൂക്ഷ്‌മ​പ​രി​ജ്ഞാ​ന​ത്തി​ലൂ​ടെ നിങ്ങൾ പഠിക്കും. നിങ്ങൾക്കു ദൈവ​ത്തി​ന്റെ ഒരു സ്‌നേ​ഹി​ത​നാ​യി​ത്തീ​രാൻ കഴിയും. ദൈവം നിങ്ങൾക്ക്‌ ഒരു ‘സങ്കേത​വും ബലവും കഷ്ടങ്ങളിൽ ഏറ്റവും അടുത്ത തുണയും’ ആണെന്നു തെളി​യും.—സങ്കീർത്തനം 46:1.

ദുഷ്ട​സേ​നകൾ നീക്കം​ചെ​യ്യ​പ്പെ​ടും

നന്മയുടെ ആത്മസേ​നകൾ തിന്മയു​ടെ ആത്മസേ​ന​ക​ളു​ടെ​മേൽ വിജയം​വ​രി​ക്കു​മെ​ന്ന​തി​നെ ഒരിക്ക​ലും സംശയി​ക്ക​രുത്‌. സാത്താ​നിൽനി​ന്നും അവന്റെ ദുഷ്ടസ​ഹ​കാ​രി​ക​ളിൽനി​ന്നും സ്വർഗത്തെ ശുദ്ധീ​ക​രിച്ച ഒരു യുദ്ധം ആത്മമണ്ഡ​ല​ത്തിൽ നടന്നു​ക​ഴി​ഞ്ഞി​രി​ക്കു​ന്നു. വെളി​പ്പാ​ടു പുസ്‌തകം പറയുന്നു: “പിന്നെ സ്വർഗ്ഗ​ത്തിൽ യുദ്ധം ഉണ്ടായി; മീഖാ​യേ​ലും [പുനരു​ത്ഥാ​നം പ്രാപിച്ച യേശു​ക്രി​സ്‌തു] അവന്റെ ദൂതന്മാ​രും മഹാസർപ്പ​ത്തോ​ടു പടവെട്ടി; തന്റെ ദൂതന്മാ​രു​മാ​യി മഹാസർപ്പ​വും പടവെട്ടി ജയിച്ചി​ല്ല​താ​നും. സ്വർഗ്ഗ​ത്തിൽ അവരുടെ സ്ഥലം പിന്നെ കണ്ടതു​മില്ല. ഭൂതലത്തെ മുഴുവൻ തെററി​ച്ചു​ക​ള​യുന്ന പിശാ​ചും സാത്താ​നും എന്ന മഹാസർപ്പ​മായ പഴയ പാമ്പിനെ ഭൂമി​യി​ലേക്കു തള്ളിക്ക​ളഞ്ഞു; അവന്റെ ദൂതന്മാ​രെ​യും അവനോ​ടു​കൂ​ടെ തള്ളിക്ക​ളഞ്ഞു.”—വെളി​പ്പാ​ടു 12:7-9.

ആ യുദ്ധത്തി​ന്റെ ഫലമെ​ന്താ​യി​രു​ന്നു? റിപ്പോർട്ടു തുടരു​ന്നു: “ആകയാൽ സ്വർഗ്ഗ​വും അതിൽ വസിക്കു​ന്ന​വ​രു​മാ​യു​ള്ളോ​രേ, ആനന്ദി​പ്പിൻ; ഭൂമി​ക്കും സമു​ദ്ര​ത്തി​ന്നും അയ്യോ കഷ്ടം; പിശാചു തനിക്കു അല്‌പ​കാ​ല​മേ​യു​ള്ളു എന്നു അറിഞ്ഞു മഹാ​ക്രോ​ധ​ത്തോ​ടെ നിങ്ങളു​ടെ അടുക്കൽ ഇറങ്ങി​വ​ന്നി​രി​ക്കു​ന്നു.” (വെളി​പ്പാ​ടു 12:12) പ്രശ്‌ന​ങ്ങൾക്കി​ട​യാ​ക്കാൻ സാത്താ​നും അവന്റെ ഭൂതങ്ങ​ളും മേലാൽ സ്വർഗ​ത്തി​ലി​ല്ലാ​ത്ത​തി​നാൽ അവി​ടെ​യു​ള്ള​വർക്കു സന്തോ​ഷി​ക്കാൻ കഴിഞ്ഞു. എന്നാൽ, സ്വർഗ​ത്തിൽനിന്ന്‌ അവൻ എറിയ​പ്പെ​ട്ടത്‌, ഭൂമി​യി​ലു​ള്ള​വർക്കു വളരെ​യ​ധി​കം കഷ്ടം, വലിയ പ്രശ്‌ങ്ങൾ, കൈവ​രു​ത്തി​യി​രി​ക്കു​ന്നു. ആ കഷ്ടത്തിന്റെ സമയത്താ​ണു നാം ഇപ്പോൾ ജീവി​ക്കു​ന്നത്‌.—2 തിമൊ​ഥെ​യൊസ്‌ 3:1-5.

ദുഷ്ടത​യി​ല്ലാത്ത ഒരു ഭാവി

എന്നാൽ, ബൈബിൾ പ്രത്യാ​ശ​യും വെച്ചു​നീ​ട്ടു​ന്നു. പ്രവർത്ത​ന​ര​ഹി​ത​നാ​ക്ക​പ്പെ​ടു​ന്ന​തി​നു മുമ്പു പിശാ​ചിന്‌ “അല്‌പ​കാ​ല​മേ​യു​ള്ളു”വെന്ന്‌ അതു നമുക്ക്‌ ഉറപ്പു​നൽകു​ന്നു. അതു സംഭവി​ക്കു​മ്പോൾ, ഭൂമി​യിൽ തന്റെ സൗഹൃദം തേടുന്ന എല്ലാവർക്കും യഹോവ വിസ്‌മ​യാ​വ​ഹ​മായ അനു​ഗ്ര​ഹങ്ങൾ കൈവ​രു​ത്തും. ഭാവി​യി​ലേ​ക്കുള്ള അവന്റെ ഏതാനും വാഗ്‌ദാ​നങ്ങൾ പരിഗ​ണി​ക്കുക:

“ദേശത്തു പർവ്വത​ങ്ങ​ളു​ടെ മുകളിൽ ധാന്യ​സ​മൃ​ദ്ധി​യു​ണ്ടാ​കും; അതിന്റെ വിളവു ലെബാ​നോ​നെ​പ്പോ​ലെ ഉലയും.”—സങ്കീർത്തനം 72:16.

“എന്റെ വൃതന്മാർ [“തിര​ഞ്ഞെ​ടു​ക്ക​പ്പെ​ട്ടവർ,” NW] തന്നേ തങ്ങളുടെ അദ്ധ്വാ​ന​ഫലം അനുഭ​വി​ക്കും. അവർ വൃഥാ അദ്ധ്വാ​നി​ക്ക​യില്ല.”—യെശയ്യാ​വു 65:22, 23.

“എനിക്കു ദീനം എന്നു യാതൊ​രു നിവാ​സി​യും പറകയില്ല.”—യെശയ്യാ​വു 33:24.

“അന്നു കുരു​ട​ന്മാ​രു​ടെ കണ്ണു തുറന്നു​വ​രും; ചെകി​ട​ന്മാ​രു​ടെ ചെവി അടഞ്ഞി​രി​ക്ക​യു​മില്ല. അന്നു മുടന്തൻ മാനി​നെ​പ്പോ​ലെ ചാടും; ഊമന്റെ നാവും ഉല്ലസിച്ചു ഘോഷി​ക്കും.”—യെശയ്യാ​വു 35:5, 6.

“അവൻ [ദൈവം] അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.”—വെളി​പ്പാ​ടു 21:4, 5.

“നീതി​മാ​ന്മാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.”—സങ്കീർത്തനം 37:29.

സത്യ​ദൈ​വ​മായ യഹോ​വ​യ്‌ക്കു മാത്രമേ മഹത്തായ അത്തരം വാഗ്‌ദാ​നങ്ങൾ നിവർത്തി​ക്കാൻ കഴിയൂ. തന്റെ ഉദ്ദേശ്യ​ങ്ങൾ നിവർത്തി​ക്കു​ന്ന​തിൽനി​ന്നു യാതൊ​ന്നും അവനെ തടയു​ക​യില്ല. “ദൈവ​ത്തി​ന്നു ഒരു കാര്യ​വും അസാദ്ധ്യ​മ​ല്ല​ല്ലോ.”—ലൂക്കൊസ്‌ 1:37.

[9-ാം പേജിലെ ചിത്രങ്ങൾ]

നിങ്ങൾ ദൈവ​ത്തി​ന്റെ സുഹൃ​ത്താ​കു​മ്പോൾ ജീവിത പ്രശ്‌ന​ങ്ങളെ നേരി​ടാൻ അവൻ നിങ്ങളെ സഹായി​ക്കും