മനുഷ്യ​ന്റെ മേലുള്ള മനുഷ്യ​ന്റെ മർദക ഭരണം

‘മനുഷ്യൻ മനുഷ്യ​ന്റെ മേൽ അവന്റെ ദോഷ​ത്തി​നാ​യി അധികാ​രം നടത്തി​യി​രി​ക്കു​ന്നു’ എന്ന സഭാ​പ്ര​സം​ഗി 8:9-ലെ വാക്കുകൾ എത്ര സത്യമാ​ണെന്ന്‌ ചരി​ത്ര​രേ​ഖകൾ സാക്ഷ്യ​പ്പെ​ടു​ത്തു​ന്നു. കത്തോ​ലി​ക്കാ യെരൂ​ശ​ലേം ബൈബിൾ പറയുന്ന പ്രകാ​ര​മാ​ണെ​ങ്കിൽ “മനുഷ്യൻ മനുഷ്യ​ന്റെ​മേൽ അവന്റെ ദ്രോ​ഹ​ത്തി​നാ​യി മർദക ഭരണം നടത്തുന്നു.” ദശലക്ഷ​ക്ക​ണ​ക്കിന്‌ ആളുകൾ അനീതിക്ക്‌ ഇരയാ​യി​ട്ടുണ്ട്‌. മനുഷ്യൻ പരീക്ഷി​ച്ചു നോക്കി​യി​ട്ടുള്ള എല്ലാ ഗവൺമെ​ന്റു​ക​ളു​ടെ കീഴി​ലും സ്ഥിതി ഇതുതന്നെ ആയിരു​ന്നി​ട്ടുണ്ട്‌. ഇന്ത്യൻ കാര്യാ​ദി​കൾക്കാ​യുള്ള ഓഫീ​സി​ന്റെ 175-ാം വാർഷിക ആഘോഷ വേളയിൽ യു.എസ്‌. ആഭ്യന്തര വിഭാ​ഗ​ത്തി​ലെ ഇന്ത്യൻ കാര്യ ഉപസെ​ക്ര​ട്ടറി നടത്തിയ പ്രസംഗം ഇതു സംബന്ധിച്ച ഒരു ഓർമി​പ്പി​ക്ക​ലാ​യി ഉതകി.

അത്‌ ആഘോ​ഷ​ത്തി​നുള്ള ഒരു സമയമല്ല, പകരം “ദുഃഖ​ക​ര​മായ സത്യങ്ങൾ പ്രസ്‌താ​വി​ക്കു​ന്ന​തി​നും പശ്ചാത്താ​പം പ്രകടി​പ്പി​ക്കു​ന്ന​തി​നു​മുള്ള സമയം” ആണെന്ന്‌ അദ്ദേഹം പറഞ്ഞു. 1830-കളിൽ സംഘട​ന​യു​ടെ ആദ്യ ദൗത്യം ചെറൊ​കീ, ക്രീക്ക്‌, ചോക്‌റ്റൊ, ചിക്കസൊ, സെമി​നോൾ എന്നീ തെക്കു​കി​ഴക്കൻ ഗോ​ത്ര​ജ​ന​ത​കളെ കുടി​യൊ​ഴി​പ്പി​ക്കുക എന്നതാ​യി​രു​ന്നു​വെന്ന്‌ അദ്ദേഹം സമ്മതിച്ചു പറഞ്ഞു. “ഭീഷണി​യും വഞ്ചനയും ബലവും ഉപയോ​ഗിച്ച്‌ ഈ പ്രധാന ഗോത്ര ജനതകളെ 1,600 കിലോ​മീ​റ്റർ പടിഞ്ഞാ​റേക്ക്‌ തുരത്തി. ആ കണ്ണീർ പ്രയാ​ണ​ത്തി​നി​ട​യിൽ മരിച്ചു​വീണ, വൃദ്ധരും ചെറു​പ്പ​ക്കാ​രും രോഗി​ക​ളു​മായ ആയിര​ങ്ങ​ളു​ടെ ശവശരീ​രങ്ങൾ ധൃതി​യിൽ കുഴി​ച്ചു​മൂ​ടി യാത്ര തുടരാൻ അവർ നിർബ​ന്ധി​ത​രാ​യി.”

അദ്ദേഹം തുടർന്നു പറഞ്ഞു: “എന്നാൽ കൂടുതൽ പ്രബുദ്ധത നേടി​യി​രി​ക്കുന്ന ഈ കാലത്ത്‌, രോഗങ്ങൾ പരക്കു​ന്ന​തി​നു മനഃപൂർവം ഇടയാ​ക്കു​ക​യും കൂറ്റൻ കാട്ടു​പോ​ത്തു​കളെ കൂട്ട​ത്തോ​ടെ കൊ​ന്നൊ​ടു​ക്കു​ക​യും മനസ്സി​നെ​യും ശരീര​ത്തെ​യും നശിപ്പി​ക്കാൻ മദ്യമാ​കുന്ന വിഷം ഉപയോ​ഗി​ക്കു​ക​യും ഭീരു​ക്ക​ളെ​പ്പോ​ലെ സ്‌ത്രീ​ക​ളെ​യും കുട്ടി​ക​ളെ​യും കൊല്ലു​ക​യും ചെയ്‌ത​തി​ന്റെ ഫലമായി ഉണ്ടായ വൻ ദുരന്തത്തെ കേവലം പരസ്‌പരം മത്സരി​ക്കുന്ന രണ്ടു സംസ്‌കാ​രങ്ങൾ തമ്മിലുള്ള ഒഴിവാ​ക്കാ​നാ​വാത്ത ഏറ്റുമു​ട്ട​ലാ​യി തള്ളിക്ക​ള​യാ​നാ​വില്ല എന്ന്‌ അംഗീ​ക​രി​ക്കേ​ണ്ട​തുണ്ട്‌.”a അദ്ദേഹം ഇങ്ങനെ തുറന്നു സമ്മതിച്ചു: “ഇന്ത്യാ​ക്കാ​രു​ടേ​തായ എന്തും നശിപ്പി​ക്കാൻ ഈ സംഘടന ഇറങ്ങി​പ്പു​റ​പ്പെട്ടു. ഇന്ത്യൻ ഭാഷകൾ സംസാ​രി​ക്കു​ന്ന​തി​നെ അതു വിലക്കി . . . തങ്ങൾ ഇന്ത്യക്കാ​രാ​യി​രി​ക്കു​ന്ന​തിൽ അവർക്കു നാണ​ക്കേടു തോന്നാൻ അത്‌ ഇടയാക്കി. ഇന്ത്യൻ കാര്യാ​ദി​കൾക്കാ​യുള്ള ബ്യൂറോ, അതിന്റെ ബോർഡിങ്‌ സ്‌കൂ​ളു​ക​ളി​ലെ കുട്ടി​ക​ളോട്‌ ഇത്തരത്തിൽ പെരു​മാ​റി​ക്കൊണ്ട്‌ അവരെ വൈകാ​രി​ക​വും മാനസി​ക​വും ശാരീ​രി​ക​വും ആത്മീയ​വു​മാ​യി പീഡി​പ്പി​ച്ചു എന്നതാണ്‌ ഏറ്റവും പരിതാ​പ​ക​ര​മായ സംഗതി.”

ഇപ്രകാ​രം പറഞ്ഞു​കൊണ്ട്‌ അദ്ദേഹം ഉപസം​ഹ​രി​ച്ചു: “ഈ സംഘടന ഭൂതകാ​ലത്ത്‌ ചെയ്‌തി​ട്ടു​ള്ള​തി​നെ​യെ​ല്ലാം പ്രതി​യുള്ള നമ്മുടെ ആഴമായ ദുഃഖം പ്രകടി​പ്പി​ച്ചു​കൊണ്ട്‌ നമുക്കു തുടങ്ങാം. . . . ഇനി​യൊ​രി​ക്ക​ലും ഞങ്ങൾ ഇന്ത്യൻ സ്വത്ത്‌ കൊള്ള​യ​ടി​ക്കു​ന്ന​തിൽ പങ്കെടു​ക്കു​ക​യില്ല. . . . ഇനി​യൊ​രി​ക്ക​ലും ഞങ്ങൾ നിങ്ങളു​ടെ മതങ്ങ​ളെ​യോ ഭാഷക​ളെ​യോ ആചാര​ങ്ങ​ളെ​യോ ഗോത്ര രീതി​ക​ളെ​യോ ആക്രമി​ക്കു​ക​യില്ല.” ശ്രദ്ധേ​യ​മാ​യി അദ്ദേഹം പറഞ്ഞു: “ഒരുമിച്ച്‌ നമുക്ക്‌ ഏഴു തലമു​റ​ക​ളു​ടെ കണ്ണീ​രൊ​പ്പാം. ഒരുമിച്ച്‌ നമുക്ക്‌ നമ്മുടെ തകർന്ന ഹൃദയ​ങ്ങ​ളു​ടെ മുറി​കൂ​ട്ടാം.”—അന്നത്തെ മുഖ്യ പ്രഭാ​ഷ​ണങ്ങൾ (ഇംഗ്ലീഷ്‌), ഒക്‌ടോ​ബർ 1, 2000.

മനുഷ്യൻ മനുഷ്യ​നോ​ടു കാണി​ക്കുന്ന ക്രൂര​ത​യ്‌ക്കുള്ള നിലനിൽക്കുന്ന ഏക പരിഹാ​രം ദൈവ​ത്തി​ന്റെ രാജ്യ​മാണ്‌. അത്‌ സകലർക്കും നീതി നടപ്പാ​ക്കും. അത്‌ “അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി.”—വെളി​പ്പാ​ടു 21:3-5.(g01 11/8)

[അടിക്കു​റിപ്പ്‌]

[22-ാം പേജിലെ ചിത്ര​ങ്ങൾക്ക്‌ കടപ്പാട്‌]

അമേരിക്കൻ ഇന്ത്യക്കാരൻ: Artwork based on photograph by Edward S. Curtis; Map: Mountain High Maps® Copyright © 1997 Digital Wisdom, Inc.; ഇന്ത്യൻ പാർപ്പിടങ്ങൾ: Leslie’s