ബൈബിൾ—സകല മനുഷ്യ​വർഗ്ഗ​ത്തി​നും വേണ്ടി​യുള്ള പുസ്‌ത​കം

“നോക്കൂ! സകല രാഷ്‌ട്ര​ങ്ങ​ളിൽ നിന്നും ഗോ​ത്ര​ങ്ങ​ളിൽ നിന്നും ജനതക​ളിൽ നിന്നും ഭാഷക​ളിൽ നിന്നു​മാ​യി ഒരു മനുഷ്യ​നും എണ്ണാൻ കഴിയാത്ത ഒരു മഹാപു​രു​ഷാ​രം സിംഹാ​സ​ന​ത്തിൻ മുമ്പാകെ നിൽക്കു​ന്നു.”

അതെങ്ങ​നെ​യു​ള്ള ഒരു സമൂഹ​മാണ്‌? അവർ എന്താണ്‌ ചെയ്യു​ന്നത്‌?

“അവരുടെ കൈക​ളിൽ കുരു​ത്തോ​ലകൾ ഉണ്ടായി​രു​ന്നു”വെന്ന്‌ വൃത്താന്തം തുടർന്നു പറയുന്നു. “അവർ ഉറക്കെ ഇങ്ങനെ പറഞ്ഞ്‌ ആർപ്പി​ട്ടു​കൊ​ണ്ടി​രു​ന്നു: ‘രക്ഷക്ക്‌ ഞങ്ങൾ സിംഹാ​സ​ന​ത്തിൽ ഇരിക്കുന്ന ദൈവ​ത്തോ​ടും കുഞ്ഞാ​ടി​നോ​ടും കടപ്പെ​ട്ടി​രി​ക്കു​ന്നു.’”അല്ല, എന്തെങ്കി​ലും ആവശ്യ​പ്പെ​ടു​ക​യോ ഏതെങ്കി​ലും ആദർശ​ല​ക്ഷ്യ​ത്തി​നു​വേണ്ടി പ്രകടനം നടത്തു​ക​യോ ചെയ്യുന്ന ഒരു ആക്രമാ​സ​ക്ത​മായ ജനകൂട്ടം ആയിരു​ന്നില്ല അത്‌. പിന്നെ​യോ, ഏററവും ആനന്ദനിർഭ​ര​മായ ഒരു അനുഭ​വ​ത്തി​ലൂ​ടെ കടന്നു പോന്ന സന്തുഷ്ട​രും ആനന്ദഭ​രി​ത​രും ആയ ഒരു ജനസമൂ​ഹം ആയിരു​ന്നു അത്‌. “മഹോ​പ​ദ്ര​വ​ത്തിൽ നിന്ന്‌ വന്നിട്ടു​ള്ളവർ ഇവരാ​കു​ന്നു . . . ഇവർക്കി​നി വിശക്കു​ക​യോ ദാഹി​ക്കു​ക​യോ ഇല്ല . . . ദൈവം ഇവരുടെ കണ്ണുക​ളിൽ നിന്ന്‌ കണ്ണുനീർ എല്ലാം തുടച്ചു കളയു​ക​യും ചെയ്യും.”

സകല മനുഷ്യ​വർഗ്ഗ​ത്തി​നും ഒരു സന്ദേശം

ആ അന്തർദ്ദേ​ശീയ “മഹാപു​രു​ഷാര”ത്തിന്റെ വർണ്ണന ബൈബി​ളി​ന്റെ അവസാ​ന​പു​സ്‌ത​ക​മായ വെളി​പ്പാ​ടി​ന്റെ 7-ാം അദ്ധ്യായം 9-17 വരെയുള്ള വാക്യ​ങ്ങ​ളിൽ കാണുന്നു. വർഗ്ഗം, ദേശീയത തുടങ്ങിയ കാര്യങ്ങൾ കൊണ്ട്‌ മനുഷ്യ​വർഗ്ഗം മേലാൽ വിഭജി​ക്ക​പ്പെ​ട്ടി​രി​ക്കാ​തെ ശാന്തി​യി​ലും യോജി​പ്പി​ലും ഒരുമ​ന​പ്പെ​ട്ടി​രി​ക്കുന്ന, ഭയത്തിൽനി​ന്നും ഇല്ലായ്‌മ​യിൽനി​ന്നും യഥാർത്ഥ​വി​മു​ക്തി അനുഭ​വി​ക്കുന്ന ഒരു കാലത്തി​ന്റെ ഭാവി​ദൃ​ശ്യം ചിത്രീ​കരണ രൂപത്തിൽ അത്‌ നമുക്ക്‌ നൽകുന്നു. മുഴു മനുഷ്യ​വർഗ്ഗ​ത്തി​നു​മാ​യി ബൈബിൾ വച്ചുനീ​ട്ടുന്ന അനന്യ​മായ സന്ദേശ​ത്തി​ന്റെ കാതൽ അതാണ്‌.

‘പക്ഷേ ആ സന്ദേശം ഏതു തരത്തി​ലാണ്‌ അനന്യ​മാ​യി​രി​ക്കു​ന്നത്‌?’ സമാധാ​ന​ത്തെ​യും ഐക്യ​ത്തെ​യും കുറിച്ച്‌ ലോക​ത്തി​നു​ചു​റ​റു​മുള്ള എല്ലാ ആളുക​ളും സംസാ​രി​ച്ചു​കൊ​ണ്ടല്ലേ ഇരുന്നി​ട്ടു​ള്ളത്‌? തീർച്ച​യാ​യും അവർ അങ്ങനെ ചെയ്‌തു​കൊ​ണ്ടാ​ണി​രു​ന്നി​ട്ടു​ള്ളത്‌. രാഷ്‌ട്രീ​യ​വും വംശീ​യ​വും സാമ്പത്തി​ക​വും മതപര​വു​മായ പോരാ​ട്ട​ങ്ങ​ളി​ലൂ​ടെ വഷളാ​യി​ത്തീർന്നി​രി​ക്കുന്ന അന്തർദ്ദേ​ശീയ സംഘർഷ​ത്തി​ന്റെ ഈ യുഗത്തിൽ ലോക​സ​മാ​ധാ​ന​ത്തെ​ക്കു​റിച്ച്‌ സുബോ​ധ​മുള്ള ആരാണ്‌ ബോധ​വാ​ന​ല്ലാ​ത്തത്‌? പക്ഷേ അത്തരം ദേശാന്തര പോരാ​ട്ടങ്ങൾ ഉണ്ടാവു​ന്ന​തി​നും മമനു​ഷ്യ​ന്റെ അതിജീ​വനം തന്നെ ഒരു പ്രശ്‌ന​മാ​യി​ത്തീ​രു​ന്ന​തി​നും മുമ്പ്‌ ദൈവ​രാ​ജ്യം എന്ന ഏക ഗവൺമെൻറി​ന്റെ കീഴിൽ മനുഷ്യ​വർഗ്ഗം മുഴുവൻ സമാധാ​ന​വും ഐക്യ​വും ആസ്വദി​ക്കാ​നി​രി​ക്കുന്ന ഒരു കാല​ത്തെ​ക്കു​റിച്ച്‌ ബൈബിൾ പറഞ്ഞി​രു​ന്നു.

തുടക്കം മുതൽക്കേ ഒരു ലോ​കൈക വീക്ഷണം

പ്രാരം​ഭ​കാ​ലം മുതൽക്ക്‌ തന്നെ മനുഷ്യ​വർഗ്ഗ​ത്തി​ന്റെ ഭാവി​യു​ടെ കാര്യ​ത്തിൽ ബൈബിൾ ഒരു ലോ​കൈക വീക്ഷണ​മാണ്‌ അവതരി​പ്പി​ച്ചു​പോ​ന്നി​ട്ടു​ള്ളത്‌. “നിങ്ങൾ സന്താന​പു​ഷ്ടി​യു​ള്ള​വ​രാ​യി പെരുകി ഭൂമി​യിൽ നിറഞ്ഞ്‌ അതിനെ അടക്കി വാഴു​വിൻ,” എന്നായി​രു​ന്നു ആദാമി​നും ഹവ്വക്കും അവരുടെ സ്രഷ്ടാ​വായ യഹോ​വ​യാം ദൈവം നൽകിയ ആദ്യകൽപ്പന. (ഉൽപത്തി 1:28) ആദാമും ഹവ്വയും ഏതെങ്കി​ലും പ്രത്യേക വംശത്തി​ന്റെ​യോ ജനതയു​ടെ​യോ പൂർവ്വീ​ക​രാ​യി​ത്തീ​രാ​ന​ല്ലി​രു​ന്നത്‌. പിന്നെ​യോ അവർ മാനവ​രാ​ശി​യു​ടെ ജനയി​താ​ക്കൾ ആയിത്തീ​രാ​നി​രു​ന്നു. ബൈബി​ളി​ന്റെ ദൂത്‌ ഏതെൻസി​ലെ ഗ്രീക്കു​കാ​രോട്‌ അറിയി​ച്ച​പ്പോൾ പൗലോസ്‌ അപ്പോ​സ്‌തലൻ ഈ വസ്‌തു​തക്ക്‌ സാക്ഷ്യം വഹിച്ചു. “ഭൂതല​ത്തിൽ എങ്ങും അധിവ​സി​ക്കാൻ അവൻ ഒരു മനുഷ്യ​നിൽനിന്ന്‌ സകല മനുഷ്യ​ജാ​തി​ക​ളെ​യും ഉളവാക്കി” എന്ന്‌ അവൻ അവരോട്‌ പറഞ്ഞു.—പ്രവൃ​ത്തി​കൾ 17:26.

സകല മാനവ​രാ​ശി​യും സഹോ​ദ​രീ​സ​ഹോ​ദ​രങ്ങൾ ആണെന്നുള്ള ആശയം സാമാ​ന്യ​ജ​ന​ങ്ങ​ളു​ടെ ചിന്ത​യെ​ക്കാൾ ബഹുദൂ​രം അപ്പുറം ചെല്ലുന്ന ഒന്നാ​ണെന്ന്‌ നാം സമ്മതി​ക്കേ​ണ്ട​തുണ്ട്‌. ലോക​സ​മാ​ധാ​ന​ത്തെ​യും സാഹോ​ദ​ര്യ​ത്തെ​യും കുറിച്ച്‌ ഇത്ര​യൊ​ക്കെ സംസാ​ര​മു​ണ്ടാ​യി​രു​ന്നി​ട്ടും വംശവി​ദ്വേ​ഷ​വും ദേശീ​യ​ത​യും മനുഷ്യ​വർഗ്ഗത്തെ മഥിച്ചു​കൊ​ണ്ടി​രി​ക്കുന്ന ഏററവും വലിയ വിഭാ​ഗീയ ശക്തിക​ളാ​യി ഇന്നും തുടരു​ന്നി​ല്ലേ? പക്ഷേ ബൈബിൾ ഈ വേലി​ക്കെ​ട്ടു​കളെ എല്ലാം മറിക​ടന്നു ചെല്ലുന്നു. അത്‌ സകല ജാതി​ക​ളോ​ടും ഒരു വലിയ കുടും​ബ​ത്തി​ലെ അംഗങ്ങ​ളോ​ടെ​ന്ന​പോ​ലെ​യും ഭൂമി​യെ​ക്കു​റിച്ച്‌ സകല മനുഷ്യ​വർഗ്ഗ​ത്തി​നും വേണ്ടി​യുള്ള ഒരു വലിയ ഭവനം എന്ന പോ​ലെ​യും സംസാ​രി​ക്കു​ന്നു. ഈ അർത്ഥത്തിൽ അത്‌ സത്യമാ​യും സകല മനുഷ്യ​വർഗ്ഗ​ത്തി​നും വേണ്ടി​യുള്ള ഒരു പുസ്‌തകം ആണ്‌.

ആദാമും ഹവ്വയും യഹോ​വ​യാം ദൈവ​ത്തോട്‌ അനുസ​ര​ണ​മു​ള്ള​വ​രാ​യി​ക്ക​ഴി​ഞ്ഞി​രു​ന്നു​വെ​ങ്കിൽ ലോക​വി​സ്‌തൃ​ത​മാ​യി ഒരു സന്തുഷ്ട​കു​ടും​ബം എന്ന നിലയിൽ മുഴു മനുഷ്യ​വർഗ്ഗ​ത്തി​നും ജീവി​ക്കാ​നുള്ള പ്രത്യാശ സാക്ഷാ​ത്‌ക്ക​രി​ക്ക​പ്പെ​ടു​മാ​യി​രു​ന്നു. പക്ഷെ അത്‌ അപ്രകാ​രം സംഭവി​ച്ചില്ല. “ഏക മനുഷ്യ​നാൽ പാപവും പാപത്താൽ മരണവും ലോക​ത്തിൽ പ്രവേ​ശി​ച്ചു. അങ്ങനെ എല്ലാവ​രും പാപം ചെയ്യു​ക​യാൽ മരണം സകല മനുഷ്യ​രി​ലേ​ക്കും വ്യാപി​ച്ചു” എന്ന്‌ ബൈബിൾ പറയുന്നു.—റോമർ 5:12.

ഇതിന്റെ വെളി​ച്ച​ത്തിൽ യാതൊ​രു ജനതയോ വർഗ്ഗമോ മറേറ​തെ​ങ്കി​ലും ജനത​യെ​ക്കാ​ളോ വർഗ്ഗ​ത്തെ​ക്കാ​ളോ കുറഞ്ഞ​വരല്ല. ഇവി​ടെ​യും ബൈബിൾ എല്ലാ മനുഷ്യ​വർഗ്ഗ​ത്തെ​യും മുൻവി​ധി​യോ പക്ഷപാ​ത​മോ കൂടാതെ സംബോ​ധന ചെയ്യുന്നു. “എല്ലാവ​രും പാപം ചെയ്‌തു ദൈവ​തേ​ജ​സ്സിൽ കുറവു​ള്ള​വ​രാ​യി​ത്തീർന്നി​രി​ക്കു​ന്നു”വെന്ന്‌ ലളിത​മായ ഭാഷയിൽ കാണി​ക്കു​ക​മാ​ത്രം ചെയ്യുന്നു. (റോമർ 3:23) ചില പ്രദേ​ശ​ങ്ങ​ളി​ലുള്ള ആളുകൾ ഭൗതി​ക​മാ​യി മെച്ച​പ്പെ​ട്ട​വ​രും മികച്ച വിദ്യാ​ഭ്യാ​സം ലഭിച്ച​വ​രും ആണെങ്കി​ലും നാം നോക്കുന്ന എല്ലായി​ട​ത്തും രോഗം, വാർദ്ധ​ക്യം, അപൂർണ്ണത, മരണം എന്നീ അടിസ്ഥാന പ്രശ്‌നങ്ങൾ അവരെ​ല്ലാം നേരി​ടു​ന്നു എന്ന്‌ നിങ്ങൾ കാണു​ന്നി​ല്ലേ?

സകല മനുഷ്യ​വർഗ്ഗ​ത്തി​നും പ്രയോ​ജനം ചെയ്യുന്ന ഒരു വാഗ്‌ദ​ത്തം

മനുഷ്യാ​വസ്ഥ ശോച​നീ​യ​മാ​യി​ത്തീർന്നി​രി​ക്കു​ന്നു​വെ​ങ്കി​ലും മനുഷ്യ​നെ പ്രത്യാ​ശ​യി​ല്ലാ​തെ വിട്ടി​ട്ടില്ല. ഒരു നിർണ്ണാ​യക ഘട്ടത്തിൽ യഹോ​വ​യാം ദൈവം ഒരു വാഗ്‌ദ​ത്ത​വു​മാ​യി രംഗ​പ്ര​വേശം ചെയ്‌തു. അബ്രഹാ​മി​നോട്‌ അവൻ ഇങ്ങനെ പറഞ്ഞു: “നിന്റെ സന്തതി മുഖാ​ന്തരം ഭൂമി​യി​ലെ സകല ജനതക​ളും സ്വയമേ അനു​ഗ്ര​ഹി​ക്ക​പ്പെ​ടും.” (ഉൽപത്തി 22:18) സന്ദർഭോ​ചി​ത​മാ​യി, തങ്ങളുടെ വിശ്വാ​സ​ത്തി​ന്റെ ഭാഗ​മെ​ന്ന​നി​ല​യിൽ ലോക​ത്തി​ലെ മൂന്നു പ്രമു​ഖ​മ​തങ്ങൾ—യഹൂദ​മതം, ക്രിസ്‌ത്യാ​നി​ത്വം, ഇസ്ലാം—ഈ വാഗ്‌ദ​ത്തത്തെ സ്വീക​രി​ച്ചി​രി​ക്കു​ന്നു എന്ന്‌ കുറി​ക്കൊ​ള്ളുക. അബ്രഹാ​മും പുരാതന യിസ്രാ​യേൽ ജനം ഉൾപ്പെ​ടെ​യുള്ള—അവന്റെ സന്തതി​ക​ളു​മാ​യി യഹോ​വ​യാം ദൈവം നടത്തിയ തന്റെ ഇടപെ​ട​ലു​ക​ളെ​ക്കു​റിച്ച്‌ രേഖ​പ്പെ​ടു​ത്തി​ക്കൊണ്ട്‌ ഈ വാഗ്‌ദ​ത്ത​ത്തി​ന്റെ നിവൃ​ത്തി​യെ ബൈബിൾ മാത്ര​മാണ്‌ വെളി​പ്പെ​ടു​ത്തു​ന്നത്‌.

ഇവി​ടെ​യാണ്‌ പലയാ​ളു​ക​ളും തടസ്സവാ​ദങ്ങൾ ഉന്നയി​ച്ചൊ​ഴി​യു​ന്നത്‌. ഇതൊരു തനി ദേശീയ പക്ഷപാ​ത​ത്തി​ന്റെ​യോ മുൻവി​ധി​യു​ടെ​യോ സംഗതി ആണെന്നാണ്‌ അവർ കരുതു​ന്നത്‌. ഈ അടിസ്ഥാ​ന​ത്തിൽ അവർ ബൈബി​ളി​നെ​യോ അല്ലെങ്കിൽ എബ്രായ തിരു​വെ​ഴു​ത്തു​ക​ളി​ലെ മിക്ക ഭാഗങ്ങ​ളെ​യോ ഗോത്ര കഥകളാ​യി തള്ളിക്ക​ള​യു​ന്നു. പക്ഷേ ഇത്‌ യുക്തമായ ന്യായ​വാ​ദം ആണോ? യഹോവ അബ്രഹാ​മിൽ അത്രമാ​ത്രം വിശ്വാ​സം പ്രകടി​പ്പി​ക്കു​ക​യും അവന്‌ വാഗ്‌ദാ​നം നൽകു​ക​യും ചെയ്‌തത്‌ എന്തു​കൊ​ണ്ടാ​യി​രു​ന്നു?

ബൈബിൾ ഇങ്ങനെ വിശദീ​ക​രി​ക്കു​ന്നു: “‘അബ്രഹാം യഹോ​വ​യിൽ വിശ്വാ​സം അർപ്പിച്ചു. അത്‌ അവന്‌ നീതി​യായ്‌ കണക്കിട്ടു,’ അവൻ ‘യഹോ​വ​യു​ടെ സ്‌നേ​ഹി​തൻ എന്നു വിളി​ക്ക​പ്പെ​ടു​ക​യും ചെയ്‌തു.’” (യാക്കോബ്‌ 2:23) രസകര​മാം​വി​ധം ഇസ്ലാമിക വിശുദ്ധ ഗ്രന്ഥമായ ഖുറാ​നും ദൈവം അബ്രഹാ​മി​നെ സ്‌നേ​ഹി​തൻ എന്ന നിലയിൽ കൈ​ക്കൊ​ള്ളാ​നുള്ള കാരണ​മാ​യി വിശ്വാ​സ​ത്തി​ലേ​യ്‌ക്ക്‌ വിരൽ ചൂണ്ടുന്നു. “അല്ലാഹു​വിന്‌ സമ്പൂർണ്ണ​മായ്‌ തന്നെത്താൻ കീഴ്‌പ്പെ​ടു​ത്തു​ന്ന​വ​നെ​ക്കാൾ ആർക്കാണ്‌ ഒരു മെച്ചമായ മതം ഉള്ളത്‌? അങ്ങനെ​യു​ള്ളവൻ നേരു​ള്ള​വ​നായ അബ്രഹാ​മി​ന്റെ വിശ്വാ​സം പിന്തു​ട​രു​ന്ന​വ​നും (മററു​ള്ള​വർക്ക്‌) നൻമ ചെയ്യു​ന്ന​വ​നും ആണ്‌. അല്ലാഹു ഇബ്രാ​ഹി​മി​നെ ഒരു സ്‌നേ​ഹി​ത​നെ​പ്പോ​ലെ കൈ​ക്കൊ​ണ്ടു.”—സുരാ IV, വാക്യം 125 വിശുദ്ധ ഖുറാൻ എം. എച്ച്‌. ഷക്കീർ വിവർത്തനം ചെയ്‌തത്‌.

യിസ്രാ​യേ​ല്യ​രെ സംബന്ധി​ച്ചെന്ത്‌? ദൈവം അബ്രഹാ​മിന്‌ വാഗ്‌ദാ​നം നൽകി​യ​തി​നു 400 വർഷങ്ങൾക്കു​ശേഷം മോശെ അവരോട്‌ പറഞ്ഞു: “നിങ്ങളെ തിര​ഞ്ഞെ​ടു​ക്കാൻ തക്കവണ്ണം യഹോവ നിങ്ങ​ളോട്‌ പ്രിയം കാണി​ച്ചത്‌, നിങ്ങൾക്ക്‌ സകല ജനതക​ളി​ലും വച്ച്‌ ജനബാ​ഹു​ല്യം ഉള്ളതു​കൊ​ണ്ടല്ല, കാരണം നിങ്ങൾ ജനതക​ളി​ലെ​ല്ലാ​റ​റി​ലും കുറഞ്ഞ​വ​രാ​യി​രു​ന്നു. എന്നാൽ, അത്‌ യഹോവ നിങ്ങളെ സ്‌നേ​ഹി​ക്കു​ന്ന​തു​കൊ​ണ്ടും നിങ്ങളു​ടെ പൂർവ്വ​പി​താ​ക്കൻമാ​രോട്‌ അവൻ ആണയിട്ട പ്രതി​ജ്ഞാ​വ​ചനം പാലി​ക്കേ​ണ്ട​തു​കൊ​ണ്ടും ആയിരു​ന്നു.”—ആവർത്തനം 7:7, 8.

അതു​കൊണ്ട്‌ അബ്രഹാ​മോ യിസ്രാ​യേൽ ജനതയോ ഒരു മികച്ച ജാതി​യിൽ നിന്നു​ള്ള​വ​രോ ജനതയിൽ നിന്നു​ള്ള​വ​രോ അല്ലെങ്കിൽ മറേറ​തെ​ങ്കി​ലും വിധത്തിൽ മെച്ച​പ്പെ​ട്ട​വ​രോ ആയിരു​ന്നതു കൊണ്ടല്ല, മറിച്ച്‌ വിശ്വാ​സ​ത്തി​ന്റെ​യും നീതി​പ്ര​വൃ​ത്തി​ക​ളു​ടെ​യും അടിസ്ഥാ​ന​ത്തിൽ ദൈവം കാണിച്ച സ്‌നേ​ഹ​വും അനർഹ​ദ​യ​യും നിമിത്തം ആയിരു​ന്നു അത്‌. അപ്പോ​സ്‌ത​ല​നായ പത്രോസ്‌ ഈ സംഗതി ചൂണ്ടി​ക്കാ​ണി​ച്ചു​കൊണ്ട്‌ ഇങ്ങനെ പറഞ്ഞു: “ദൈവം മുഖപക്ഷം ഉള്ളവനല്ല പിന്നെ​യോ ഏതു ജാതി​യി​ലും അവനെ ഭയപ്പെട്ട്‌ നീതി പ്രവർത്തി​ക്കുന്ന മനുഷ്യൻ അവന്‌ സ്വീകാ​രം ഉള്ളവനാണ്‌.—പ്രവൃ​ത്തി​കൾ 10:34, 35.

അങ്ങനെ ഒരു കാലം​വ​രേ​യ്‌ക്ക്‌ യഹോ​വ​യാം ദൈവം യിസ്രാ​യേൽ ജാതി​യോട്‌ മാത്രമേ ഇടപെ​ട്ടി​രു​ന്നു​ള്ളു​വെ​ങ്കി​ലും സകല മനുഷ്യ​വർഗ്ഗ​ത്തി​ന്റെ​യും ക്ഷേമം അവന്റെ ദൃഷ്ടി​പ​ഥ​ത്തിൽ ഉണ്ടായി​രു​ന്നു. യിസ്രാ​യേ​ല്യ​രു​മാ​യുള്ള അവന്റെ ഇടപാ​ടു​ക​ളെ​പ്പ​ററി ബൈബി​ളിൽ രേഖ​പ്പെ​ടു​ത്തി​യി​രി​ക്കു​ന്നത്‌ ദേശീ​യ​ത​യു​ടെ ആത്മാവി​നെ പ്രോ​ത്സാ​ഹി​പ്പി​ക്കു​ന്ന​തി​നോ ഒരു ജനതയെ മറെറാ​ന്നിന്‌ മീതെ ഉയർത്തു​ന്ന​തി​നോ വേണ്ടി ആയിരു​ന്നില്ല. മറിച്ച്‌ “മുന്നെ​ഴു​തി​യി​രി​ക്കുന്ന എല്ലാ കാര്യ​ങ്ങ​ളും നമ്മുടെ സഹിഷ്‌ണ​ത​യി​ലൂ​ടെ​യും തിരു​വെ​ഴു​ത്തിൽനി​ന്നുള്ള ആശ്വാ​സ​ത്തി​ലൂ​ടെ​യും നമുക്ക്‌ പ്രത്യാ​ശ​യു​ണ്ടാ​കേ​ണ്ട​തിന്‌ തക്കവണ്ണം നമ്മുടെ പ്രബോ​ധ​ന​ത്തി​നു​വേ​ണ്ടി​യ​ത്രെ എഴുത​പ്പെ​ട്ടി​രി​ക്കു​ന്നത്‌.” (റോമർ 15:4) സകല മനുഷ്യ​വർഗ്ഗ​വും ഒരിക്കൽക്കൂ​ടെ ശാന്തി​യി​ലും ഐക്യ​ത്തി​ലും ഒരുമ​ന​പ്പെ​ടും എന്ന പ്രത്യാ​ശയെ അതിന്റെ സാക്ഷാ​ത്‌ക്കാ​ര​ത്തി​ലേ​യ്‌ക്ക്‌ നയിക്കു​ന്ന​തി​ലുള്ള യഹോ​വ​യു​ടെ ക്ഷമയും സ്‌നേ​ഹ​വും ഈ സംഭവങ്ങൾ ഉയർത്തി​ക്കാ​ട്ടു​ന്നു. ഈ പ്രത്യാശ സാക്ഷാ​ത്‌ക്ക​രി​ക്ക​പ്പെ​ടു​ന്നത്‌ എങ്ങനെ​യാ​യി​രി​ക്കും?

ഒരു സമാധാ​ന​ഭ​ര​ണം

“സ്വർഗ്ഗ​ങ്ങ​ളി​ലു​ള്ള​തും ഭൂമി​യി​ലു​ള്ള​തു​മായ എല്ലാ കാര്യ​ങ്ങ​ളും ക്രിസ്‌തു​വിൽ ഒന്നായി​കൂ​ട്ടി​ച്ചേർക്കണം എന്നിങ്ങനെ നിയമി​ത​കാ​ല​ങ്ങ​ളു​ടെ സമ്പൂർത്തി​യി​ങ്കലെ ഒരു ഭരണത്തി​നു​വേണ്ടി [ദൈവം] തന്നിൽ തന്നെ ഉദ്ദേശിച്ച അവന്റെ പ്രസാ​ദ​ത്തിന്‌ തക്കവണ്ണം അത്രേ അത്‌,” എന്നിങ്ങനെ പൗലോസ്‌ വർണ്ണിച്ചു. (എഫേസ്യർ 1:9, 10) ഈ “ഭരണം” എന്താണ്‌?

“ഒരു ഗൃഹഭ​രണം” എന്ന അടിസ്ഥാന അർത്ഥം വരുന്ന ഒയ്‌-ക്കോ-നോ-മിയാ എന്ന ഗ്രീക്ക്‌ പദത്തിൽ നിന്നാണ്‌ ആ പദം പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌. അതു​കൊണ്ട്‌ മനുഷ്യ​വർഗ്ഗം രാഷ്‌ട്രീ​യ​പ​ര​വും വർഗ്ഗീ​യ​വും സാമ്പത്തി​ക​വും മതപര​വും ആയി വിഭജി​ച്ചി​രി​ക്കു​ക​യാ​ണെ​ങ്കി​ലും ഈ വിഭാ​ഗീയ ശക്തികളെ എല്ലാം ഇല്ലായ്‌മ ചെയ്യു​ന്ന​തി​നും അനുസ​ര​ണ​യുള്ള മനുഷ്യ​വർഗ്ഗത്തെ മുഴുവൻ ലോക​വ്യാ​പ​ക​മാ​യി ഒരു സന്തുഷ്ട കുടും​ബം എന്ന നിലയിൽ വീണ്ടും കൂട്ടി​വ​രു​ത്തു​ന്ന​തി​നും ദൈവം ഉദ്ദേശി​ച്ചി​രി​ക്കു​ന്നു. അവർ അത്‌ എങ്ങനെ ചെയ്യും? തന്റെ പുത്ര​നായ ക്രിസ്‌തു​വി​ന്റെ കൈക​ളി​ലെ മശി​ഹൈക രാജ്യ​ത്തി​ലൂ​ടെ അവർ അത്‌ നിവർത്തി​ക്കും.—ദാനി​യേൽ 2:44; യെശയ്യാവ്‌ 9:6, 7.

ഇന്ന്‌ ആഗോള സംഘർഷ​ത്തി​നും പ്രശ്‌ന​ങ്ങൾക്കും മദ്ധ്യേ ലോക​മൊ​ട്ടാ​കെ​യുള്ള ദശലക്ഷ​ക്ക​ണ​ക്കി​നാ​ളു​കൾ സമാധാ​ന​ത്തി​നും ഐക്യ​ത്തി​നും​വേ​ണ്ടി​യുള്ള ബൈബി​ളി​ന്റെ സന്ദേശ​ത്തോട്‌ പ്രതി​ക​രി​ച്ചി​ട്ടുണ്ട്‌. വെളി​പ്പാട്‌ പുസ്‌ത​ക​ത്തിൽ പറഞ്ഞി​രി​ക്കുന്ന ആ ക്ലിപ്‌ത​പ്പെ​ടു​ത്താത്ത “മഹാപു​രു​ഷാ​രത്തെ”പ്പോലെ അവർ ചേർന്നു​വ​ന്നി​രി​ക്കു​ന്നു. പ്രതീ​കാ​ത്മ​ക​മാ​യി “സിംഹാ​സ​ന​ത്തിൽ ഇരിക്കുന്ന”വനായ യഹോ​വ​യാം ദൈവ​ത്തി​നും കുഞ്ഞാ​ടായ യേശു​ക്രി​സ്‌തു​വി​നും സ്‌തു​തി​യും വിധേ​യ​ത്വ​വും നൽകി​ക്കൊണ്ട്‌ അവർ ഇപ്പോഴെ ദൈവ​സിം​ഹാ​സ​ന​ത്തി​ന്റെ മുമ്പാകെ കുരു​ത്തോ​ലകൾ വീശീ​ക്കൊ​ണ്ടി​രി​ക്കു​ക​യാണ്‌.

ആ സന്ദേശ​ത്തോട്‌ നിങ്ങൾക്ക്‌ പ്രിയം തോന്നു​ന്നു​വോ? നിങ്ങളു​ടെ വർഗ്ഗം, ദേശം, ഭാഷ എന്നിവ ഗണ്യമാ​ക്കാ​തെ ബൈബിൾ സന്ദേശം അന്വേ​ഷിച്ച്‌ സ്വീക​രി​ക്കു​ന്ന​തി​ലൂ​ടെ നിങ്ങൾക്ക്‌ അന്തർദ്ദേ​ശീയ “മഹാപു​രു​ഷാര”ത്തോ​ടൊ​പ്പം ചേരാൻ സാധി​ക്കും. അവരോ​ടൊത്ത്‌ നിങ്ങൾക്ക്‌ ശുഭാ​പ്‌തി വിശ്വാ​സ​ത്തോ​ടെ ഇങ്ങനെ പറയാം: “ദൈവ​ത്തി​ന്റെ വാഗ്‌ദ​ത്ത​പ്ര​കാ​രം നാം കാത്തി​രി​ക്കുന്ന പുതിയ ആകാശ​ങ്ങ​ളും പുതിയ ഭൂമി​യും ഉണ്ട്‌. അവയിൽ നീതി വസിക്കാ​നി​രി​ക്കു​ന്നു.”—2 പത്രോസ്‌ 3:13.

തീർച്ച​യാ​യും ബൈബി​ളിന്‌ നിങ്ങൾക്കു​വേ​ണ്ടി​യുള്ള ഒരു ഗ്രന്ഥം ആയിരി​ക്കാ​നും കഴിയും. (w86 4/15)

[5-ാം പേജിലെ ചിത്രം]

ആദാമും ഹവ്വയും മനുഷ്യ​വർഗ്ഗ​ത്തി​ന്റെ ജനയി​താ​ക്കൾ ആയിരു​ന്നു

[7-ാം പേജിലെ ചിത്രം]

തന്റെ സ്വദേശം വിട്ടു​പോന്ന അബ്രഹാം വിശ്വാ​സ​ത്തി​ലൂ​ടെ​യും നീതി​പ്ര​വൃ​ത്തി​ക​ളി​ലൂ​ടെ​യും ദൈവ​ത്തി​ന്റെ പ്രീതി നേടി