രാജ്യ​പ്ര​ഘോ​ഷകർ റിപ്പോർട്ടു ചെയ്യുന്നു

രാജ്യ​വർദ്ധ​ന​യ്‌ക്കു ചേരുന്ന വിപു​ല​മായ സൗകര്യ​ങ്ങൾ

കരീബി​യൻ ദ്വീപായ ജമൈ​ക്ക​യി​ലെ യഹോ​വ​യു​ടെ സാക്ഷി​ക​ളു​ടെ വിപു​ലീ​ക​രിച്ച ബ്രാഞ്ച്‌ കെട്ടി​ട​ങ്ങ​ളു​ടെ സമർപ്പ​ണ​ദി​നം വളരെ സന്തോ​ഷ​ക​ര​മായ ഒന്നായി​രു​ന്നു. ഉഷ്‌ണ​മേ​ഖ​ല​യി​ലുള്ള ഈ മനോ​ഹ​ര​മായ ദ്വീപി​ലെ സുവാർത്താ പ്രസം​ഗ​ത്തി​ലുള്ള സഹോ​ദ​രൻമാ​രു​ടെ ആത്മാർത്ഥ​മായ ശ്രമങ്ങ​ളു​ടെ​മേൽ യഹോ​വ​യു​ടെ അനു​ഗ്രഹം നിമിത്തം ഈ വികസനം ആവശ്യ​മാ​യി വന്നു.

1946-ൽ ജമൈ​ക്ക​യിൽ ഒരു മിഷനറി ഭവനം സ്ഥാപിച്ചു. മിഷന​റി​മാ​രു​ടെ പ്രവർത്തനം നിമിത്തം പ്രസാ​ധ​ക​രു​ടെ വർദ്ധനവ്‌ ത്വരി​ത​ഗ​തി​യി​ലാ​യി​രു​ന്നു. അങ്ങനെ പത്തു വർഷത്തി​നു​ള്ളിൽ പ്രതി​മാ​സം റിപ്പോർട്ടു ചെയ്യുന്ന സാക്ഷി​ക​ളു​ടെ ശരാശരി എണ്ണം 732-ൽ നിന്ന്‌ 3,216 ആയി ഉയർന്നു. ഈ വർദ്ധനവ്‌ നിമിത്തം പുതിയ സൗകര്യ​ങ്ങൾ ക്രമീ​ക​രി​ക്കേ​ണ്ട​താ​വ​ശ്യ​മാ​യി​ത്തീർന്നു.

1954-ൽ കിംഗ്‌സ്‌ററൺ നഗരത്തി​ന്റെ പ്രാന്ത​പ്ര​ദേ​ശത്ത്‌ അനു​യോ​ജ്യ​മായ ഒരു സ്ഥലം വാങ്ങി ബലിഷ്‌ഠ​മായ ഒരു പുതിയ രണ്ടുനി​ല​കെ​ട്ടി​ടം പണിതു തുടങ്ങി. അത്‌ 1958-ൽ പൂർത്തി​യാ​യി. ആ വർഷത്തെ പ്രസാ​ധ​ക​രു​ടെ അത്യുച്ചം 4,367 ആയി ഉയർന്നു.

‘നടീലും’ ‘നനയ്‌ക്ക’ലും തുടർന്നു. യഹോവ ‘അത്‌ വളരു​മാ​റാ​ക്കുക’യും ചെയ്‌തു. അതു​കൊണ്ട്‌ 1983-ൽ പ്രസാ​ധ​ക​രു​ടെ എണ്ണം 7000-ൽ കവിഞ്ഞു. അത്‌ കൂടുതൽ വികസനം ആവശ്യ​മാ​ക്കി​ത്തീർത്തു. (1 കൊരി​ന്ത്യർ 3:6) ഭരണസം​ഘ​ത്തി​ന്റെ അംഗീ​കാ​ര​ത്തോ​ടെ ബ്രാഞ്ച്‌ കമ്മിററി ഇപ്പോ​ഴത്തെ സൗകര്യ​ങ്ങൾ വികസി​പ്പി​ക്കാൻ തീരു​മാ​നി​ച്ചു. ദ്വീപി​ന്റെ എല്ലാ ഭാഗങ്ങ​ളിൽനി​ന്നു​മാ​യി 250-ലധികം സഹോ​ദ​രൻമാർ സഹായ​ത്തി​നെത്തി. വിദഗ്‌ദ്ധ​രും അല്ലാത്ത​വ​രു​മായ വേലക്കാർ കല്ലാശാ​രി​മാ​രും മരയാ​ശാ​രി​മാ​രും ഇലക്‌ട്രീ​ഷൻമാ​രും പൈപ്പു പണിക്കാ​രു​മെ​ന്ന​നി​ല​യിൽ തങ്ങളുടെ സേവനം സ്വമേ​ധയാ അർപ്പിച്ചു. 10 മുതൽ 86 വരെ വയസ്സു​ള്ളവർ അതിൽ പങ്കുപ​ററി. ചിലർ സാമ്പത്തി​ക​മാ​യി സംഭാവന ചെയ്‌തു. മററു​ചി​ലർ വേലക്കാർക്ക്‌ ഭക്ഷണം നൽകി. മററു​ള്ളവർ ദൂരത്തു​നി​ന്നു​വന്ന സ്വമേ​ധയാ സേവകർക്ക്‌ തങ്ങളുടെ ഭവനങ്ങ​ളിൽ താമസ​സൗ​ക​ര്യം നൽകി. ഒരു വർഷത്തി​നു​ള്ളിൽ അഞ്ച്‌ മുറി​ക​ളും ഒരു വിശ്ര​മ​സ്ഥാ​ന​വു​മുള്ള മൂന്നാം നിലയും രണ്ടാം നിലയിൽ മറെറാ​രു മുറി​യും 400 ചതുരശ്ര അടി (37 ചതുരശ്ര മീ.) വരുന്ന ഒരു പണ്ടകശാ​ല​യും പണിതു​തീർത്തു. അങ്ങനെ അത്‌ ബെഥേൽ കുടും​ബ​ത്തി​ലെ 11 പേർക്ക്‌ ഉപയോ​ഗി​ക്കു​ന്ന​തിന്‌ സജ്ജമായി.

1986 ഫെബ്രു​വരി 22-ന്‌ യഹോ​വ​യു​ടെ സാക്ഷി​ക​ളു​ടെ ഭരണസം​ഘ​ത്തി​ലെ ഒരംഗ​മായ മിൽററൺ ഹെൻഷൽ സമർപ്പ​ണ​പ്ര​സം​ഗം നടത്തി. അദ്ദേഹം “ജൈ​ത്ര​ഘോ​ഷ​യാ​ത്ര” എന്ന വിഷയ​ത്തെ​ക്കു​റിച്ച്‌ പ്രസം​ഗി​ച്ചു. (2 കൊരി​ന്ത്യർ 2:14) മൊത്തം 2,949 പേർ സമർപ്പണ പരിപാ​ടി ശ്രദ്ധിച്ചു. ഇവരിൽ 380 പേർ രാജ്യ​ഹോ​ളി​ലും കെട്ടി​ട​ത്തി​ന്റെ മററ്‌ ഭാഗങ്ങ​ളി​ലും മററു​ള്ളവർ ഒരു സ്‌കൂൾ ഓഡി​റേ​റാ​റി​യ​ത്തി​ലും നഗരത്തി​ലെ മററ്‌ രാജ്യ​ഹോ​ളു​ക​ളി​ലു​മാ​യി ടെലി​ഫോ​ണി​ലൂ​ടെ​യും റേഡി​യോ​യി​ലൂ​ടെ​യും പരിപാ​ടി ശ്രദ്ധിച്ചു.

ബ്രാഞ്ചി​ലെ രാജ്യ​ഹോ​ളി​ലേക്ക്‌ ക്ഷണിക്ക​പ്പെ​ട്ട​വ​രിൽ മിക്കവ​രും 30 വർഷത്തി​ല​ധി​ക​മാ​യി വിശ്വാ​സ​ത്തി​ലുള്ള സഹോ​ദ​രീ​സ​ഹോ​ദ​രൻമാ​രാ​യി​രു​ന്നു. കെട്ടി​ട​ത്തി​ന്റെ നല്ല വികസ​ന​ത്തിൽ പലരും വളരെ വിലമ​തിപ്പ്‌ പ്രകടി​പ്പി​ച്ചു. പുതിയ ബ്രാഞ്ച്‌ സൗകര്യ​ങ്ങൾ ജമൈ​ക്ക​യി​ലെ രാജ്യ വർദ്ധന​യ്‌ക്കു​വേണ്ടി ഉപയോ​ഗി​ക്കു​മ്പോൾ “വേറെ​യാ​ടു​കളു”ടെ “മഹാപു​രു​ഷാര”ത്തിൽപ്പെ​ട്ടി​രി​ക്കുന്ന നിരവ​ധി​പേർ ജൈ​ത്ര​ഘോ​ഷ​യാ​ത്ര​യിൽ പങ്കു​ചേ​രു​മെ​ന്നാണ്‌ ഞങ്ങളുടെ പ്രതീക്ഷ. (w87 3/1)