ദൈവ​ത്തി​ന്റെ രാജത്വ​ത്തിൻ മഹത്വ​ത്തെ​ക്കു​റി​ച്ചു സംസാ​രി​ക്കു​ക

“നിന്റെ രാജത്വ​ത്തിൻ മഹത്വ​ത്തെ​ക്കു​റിച്ച്‌ അവർ സംസാ​രി​ക്കും, നിന്റെ ബലത്തെ​ക്കു​റിച്ച്‌ അവർ പ്രസ്‌താ​വി​ക്കും.”—സങ്കീർത്തനം 145:11.

1. മുഖ്യ​മാ​യി, യഹോവ നമുക്ക്‌ സംസാ​ര​പ്രാ​പ്‌തി നൽകി​യി​രി​ക്കു​ന്ന​തെ​ന്തിന്‌?

നമുക്കു സംസാ​ര​പ്രാ​പ്‌തി നൽകി​യ​തിൽ യഹോ​വക്ക്‌ ഒരു ഉദ്ദേശ്യ​മു​ണ്ടാ​യി​രു​ന്നു. (പുറപ്പാട്‌ 4:11) മുഖ്യ​മാ​യി അത്‌ നമ്മുടെ അധരങ്ങൾ അവനു “സ്‌തുതി പ്രവഹി​പ്പി​ക്കുക” എന്നതാ​യി​രു​ന്നു. (സങ്കീർത്തനം 119:171, 172) സങ്കീർത്ത​ന​ക്കാ​ര​നായ ദാവീദു പറഞ്ഞ​പ്ര​കാ​രം: “യഹോവേ, നിന്റെ സകല പ്രവൃ​ത്തി​ക​ളും നിന്നെ പ്രകീർത്തി​ക്കും, നിന്റെ ഭക്തൻമാർ നിന്നെ വാഴ്‌ത്തും. നിന്റെ രാജത്വ​ത്തിൻ മഹത്വ​ത്തെ​ക്കു​റിച്ച്‌ അവർ സംസാ​രി​ക്കും, നിന്റെ ബലത്തെ​ക്കു​റിച്ച്‌ അവർ പ്രസ്‌താ​വി​ക്കും, അവന്റെ വീര്യ​പ്ര​വൃ​ത്തി​ക​ളും അവന്റെ രാജത്വ​ത്തിൻ പ്രതാ​പ​ത്തി​ന്റെ മഹത്വ​വും മനുഷ്യ​പു​ത്രൻമാ​രെ അറിയി​ക്കു​ന്ന​തി​നു​തന്നെ. നിന്റെ രാജത്വം സകല അനിശ്‌ചിത കാലങ്ങ​ളോ​ള​മുള്ള ഒരു രാജത്വ​മാ​കു​ന്നു, നിന്റെ ആധിപ​ത്യം തുടർച്ച​യായ സകല തലമു​റ​ക​ളി​ലും ഉടനീ​ള​മുണ്ട്‌.”—സങ്കീർത്തനം 145:10-13.

2. നാം ഏതു വിധങ്ങ​ളിൽ ദൈവ​ത്തിന്‌ “സ്‌തുതി പ്രവഹി​പ്പി​ക്കാൻ” പ്രേരി​ത​രാ​യി​ത്തീ​രു​ന്നു?

² യേശു​ക്രി​സ്‌തു​വി​ന്റെ അഭിഷി​ക്താ​നു​ഗാ​മി​ക​ളും “മഹാപു​രു​ഷാര”മാകുന്ന അവരുടെ കൂട്ടാ​ളി​ക​ളും “നിത്യ​ത​യു​ടെ രാജാ​വായ” യഹോ​വയെ സ്‌തു​തി​ക്കാൻ ആകാം​ക്ഷ​യു​ള്ള​വ​രാ​കു​ന്നു. (വെളി​പ്പാട്‌ 7:9; 15:3) സഹായ​ങ്ങ​ളെ​ന്ന​നി​ല​യിൽ വീക്താ​ഗോ​പു​ര​വും മററു ക്രിസ്‌തീയ പ്രസി​ദ്ധീ​ക​ര​ണ​ങ്ങ​ളും സഹിത​മുള്ള ബൈബി​ളി​ന്റെ ഉത്‌സാ​ഹ​പൂർവ്വ​ക​മായ പഠനത്താൽ നമുക്ക്‌ ദൈവ​ത്തെ​ക്കു​റിച്ച്‌ സൂക്ത്‌മ​പ​രി​ജ്ഞാ​നം സമ്പാദി​ക്കാൻ കഴിയും; അതു ശുദ്ധവും, ഉൻമേ​ഷ​വും ജീവനും നൽകു​ന്ന​തു​മായ, ഒരു നീരു​റ​വ​പോ​ലെ​യാ​കു​ന്നു. അങ്ങനെ, നമ്മുടെ കാര്യ​ത്തിൽ ജ്ഞാനത്തി​ന്റെ കിണർ ‘പ്രവഹി​ക്കുന്ന ഒരു കുത്തി​യൊ​ഴു​ക്കു പോ​ലെ​യാ​യി​ത്തീ​രു​ന്നു.’ (സദൃശ​വാ​ക്യ​ങ്ങൾ 18:4) നാം വീടു​തോ​റു​മുള്ള സാക്ഷീ​ക​ര​ണ​ത്തി​ലും മററു​രൂ​പ​ങ്ങ​ളി​ലുള്ള വയൽശു​ശ്രൂ​ഷ​യി​ലും “സ്‌തുതി പ്രവഹി​പ്പി​ക്കാൻ” പ്രേരി​ത​രാ​യി​ത്തീ​രു​ന്നു. എന്നാൽ അനൗപ​ചാ​രി​ക​സാ​ക്ഷീ​ക​ര​ണ​ത്തിന്‌ ഒരു തിരു​വെ​ഴു​ത്തു​കാ​ര​ണം​കൂ​ടെ​യുണ്ട്‌.

തിരു​വെ​ഴു​ത്തു​പ​ര​മായ മുൻവ​ഴ​ക്ക​ങ്ങൾ

3. യേശു​ക്രി​സ്‌തു​വി​ന്റെ ഭാഗത്തെ അനൗപ​ചാ​രി​ക​സാ​ക്ഷീ​ക​ര​ണ​ത്തി​ന്റെ ഒരു ദൃഷ്ടാന്തം നൽകുക.

³ പരിശു​ദ്ധാ​ത്മാ​വി​നാൽ അഭിഷി​ക്ത​നായ ശേഷം യേശു ആദ്യം​ന​ട​ത്തിയ പ്രസംഗം അവന്റെ താമസ​സ്ഥ​ല​ത്തു​വെ​ച്ചാ​യി​രു​ന്നു, അവൻ യോഹ​ന്നാ​നെ​യും അന്ത്ര​യോ​സി​നെ​യും, പ്രത്യ​ക്ഷ​ത്തിൽ പത്രോ​സി​നെ​യും അതി​ലേക്കു ക്ഷണിച്ചു. അവിടെ അവർ ദിവസം ചെലവ​ഴി​ച്ചു, ആ അനൗപ​ചാ​രിക രംഗ സംവി​ധാ​ന​ത്തിൽ സ്‌പഷ്ട​മാ​യി ഒരു നല്ല സാക്ഷ്യം സ്വീക​രി​ക്കു​ക​യും ചെയ്‌തു. (യോഹ​ന്നാൻ 1:35-42) യേശു അനൗപ​ചാ​രിക സാഹച​ര്യ​ങ്ങ​ളിൽ—“കടന്നു​പോ​കു​മ്പോൾ”—ആയിരു​ന്നു മത്തായി​യെ നികു​തി​യാ​പ്പീ​സിൽ കാണു​ക​യും “എന്റെ അനുഗാ​മി​യാ​കുക” എന്നു പറഞ്ഞ​പ്പോൾ ഗുണഫ​ലങ്ങൾ ലഭിക്കു​ക​യും ചെയ്‌തത്‌.—മത്തായി 9:9.

4. ശമര്യ​ക്കാ​രി​സ്‌ത്രീ​യോ​ടു സാക്ഷീ​ക​രി​ച്ച​പ്പോൾ യേശു എന്തു പറഞ്ഞു, ഇതു എന്തി​ലേക്കു നയിച്ചു?

⁴ ‘കുമി​ള​യി​ടുന്ന ജ്ഞാനത്തി​ന്റെ ഒരു കുത്തി​യൊ​ഴു​ക്കി​ന്റെ’ അത്യുത്തമ ദൃഷ്‌ടാ​ന്ത​മാ​യി​രു​ന്നു യേശു. അവൻ സുഖാ​റി​നു സമീപ​മുള്ള യാക്കോ​ബി​ന്റെ ഉറവിങ്കൽ വിശന്നും ക്ഷീണി​ച്ചും ഇരുന്നി​ട്ടും വെള്ളം കോരാൻ വന്ന ഒരു ശമര്യ​സ്‌ത്രീ​യോട്‌ അവൻ സാക്ഷീ​ക​രി​ച്ചു. “ഞാൻ കൊടു​ക്കുന്ന വെള്ളം കുടി​ക്കുന്ന ഏവനും ഒരിക്ക​ലും അശേഷം ദാഹി​ക്കു​ക​യില്ല, എന്നാൽ ഞാൻ അവനു കൊടു​ക്കുന്ന വെള്ളം അവനിൽ നിത്യ​ജീ​വൻ പ്രദാനം ചെയ്യാൻ കുമി​ളി​ച്ചു​പൊ​ന്തുന്ന ഒരു നീരുറവ ആയിത്തീ​രും.” ഈ അനൗപ​ചാ​രിക സാക്ഷീ​ക​രണം, കൂട്ടം കൂടി​വന്ന്‌ അവനു പറയാ​നു​ണ്ടാ​യി​രു​ന്നതു കേൾക്കാൻ ആ സ്‌ത്രീ ഇളക്കി​വിട്ട ഒരു സമൂഹ​ത്തോട്‌ അവൻ പ്രസം​ഗി​ക്കു​ന്ന​തി​ലേക്കു നയിച്ചു.—യോഹ​ന്നാൻ 4:6-42.

5. സുവി​ശേ​ഷ​ക​നായ ഫിലി​പ്പോ​സും അപ്പോ​സ്‌ത​ല​നായ പൗലോ​സും അനൗപ​ചാ​രി​ക​സാ​ക്ഷീ​ക​ര​ണ​ത്തി​ന്റെ എന്തു ദൃഷ്‌ടാ​ന്തങ്ങൾ നൽകുന്നു?

⁵ കടന്നു പോയ ഒരു രഥത്തിൽ സുവി​ശേ​ഷ​ക​നാ​യി​രുന്ന ഫിലി​പ്പോസ്‌ കയറു​ക​യും അതിലി​രുന്ന ആളി​നോ​ടു അനൗപ​ചാ​രി​ക​മാ​യി സാക്ഷീ​ക​രി​ക്കു​ക​യും ചെയ്‌തു, അയാൾ യെശയ്യാ​പ്ര​വ​ചനം വായി​ക്കു​ക​യാ​യി​രു​ന്നു. രഥത്തി​ലേക്കു ക്തണിക്ക​പ്പെ​ട്ട​പ്പോൾ ഫിലി​പ്പോസ്‌ ആ എത്ത്യോ​പ്യ ഷണ്ഡനോട്‌ “യേശു​വി​നെ​ക്കു​റി​ച്ചുള്ള സുവാർത്ത” വിശദീ​ക​രി​ച്ചു, അയാളു​ടെ വിലമ​തി​പ്പോ​ടു​കൂ​ടിയ പ്രതി​വർത്തനം അയാളു​ടെ സ്‌നാ​ന​ത്തിൽ കലാശി​ച്ചു. (പ്രവൃ​ത്തി​കൾ 8:26-38) ഫിലി​പ്പി​യി​ലെ ഒരു വലിയ ഭൂകമ്പ​ത്താൽ അപ്പോ​സ്‌ത​ല​നായ പൗലോ​സി​ന്റെ കാരാ​ഗൃ​ഹ​ബ​ന്ധ​നങ്ങൾ അഴിഞ്ഞ​പ്പോൾ, അവൻ ജയില​റോട്‌ അനൗപ​ചാ​രി​ക​മാ​യി സാക്ഷീ​ക​രി​ച്ചു. ഫലമെ​ന്താ​യി​രു​ന്നു? “അവനും അവനു​ള്ള​വ​രും, എല്ലാവ​രും​തന്നെ താമസം​വി​നാ സ്‌നാ​ന​മേ​ററു.”—പ്രവൃ​ത്തി​കൾ 16:19-34.

6. സ്‌തേ​ഫാ​നോസ്‌ കല്ലെറി​ഞ്ഞു​കൊ​ല്ല​പ്പെട്ട ശേഷം യേശു​വി​ന്റെ ശിഷ്യൻമാ​രു​ടെ പ്രവർത്ത​ന​ങ്ങ​ളിൽ അനൗപ​ചാ​രി​ക​സാ​ക്ഷീ​ക​രണം എന്തു പങ്കുവ​ഹി​ച്ചി​രി​ക്കാ​നി​ട​യുണ്ട്‌?

⁶ ഇക്കാലത്ത്‌, നമ്മുടെ ക്രിസ്‌തീ​യ​വേല നിയ​ന്ത്രി​ക്ക​പ്പെ​ട്ടി​രി​ക്കു​ന്ന​ടത്ത്‌ സുവാർത്ത ഘോഷി​ക്കു​ന്ന​തി​നുള്ള ഒരു മാർഗ്ഗ​മാണ്‌ അനൗപ​ചാ​രി​ക​സാ​ക്ഷീ​ക​രണം. എന്നിരു​ന്നാ​ലും, നാം പീഡി​പ്പി​ക്ക​പ്പെ​ടു​ന്നു​ണ്ടെ​ങ്കി​ലും നമ്മുടെ ഹൃദയങ്ങൾ ദൈവ​ത്തി​ന്റെ രാജത്വ​ത്തെ​ക്കു​റി​ച്ചു സംസാ​രി​ക്കാൻ നമ്മെ പ്രേരി​പ്പി​ക്കു​ന്നു. സ്‌തേ​ഫാ​നോസ്‌ കല്ലെറി​ഞ്ഞു കൊല്ല​പ്പെ​ട്ട​ശേഷം, പീഡി​പ്പി​ക്ക​പ്പെട്ട ശിഷ്യ​രിൽ അധികം​പേ​രും ചിതറി​ക്ക​പ്പെട്ടു. എന്നിട്ടും അവർ സുവാർത്ത ഘോഷി​ക്കു​ന്ന​തിൽ തുടർന്നു. അവരുടെ രാജ്യ​പ്ര​സം​ഗ​ശ്ര​മ​ങ്ങ​ളിൽ അനൗപ​ചാ​രി​ക​സാ​ക്ഷീ​ക​രണം ഉൾപ്പെ​ട്ടി​രു​ന്നു​വെ​ന്ന​തി​നു സംശയ​മില്ല.—പ്രവൃ​ത്തി​കൾ 8:4-8; 11:19-21.

7. തടവി​ലാ​ക്ക​പ്പെ​ട്ടി​രു​ന്ന​പ്പോൾ പൗലോസ്‌ എന്തു ചെയ്‌തു, ഇത്‌ എന്തു ചോദ്യം ഉദിപ്പി​ച്ചു?

⁷ നാം തടവി​ലാ​ക്ക​പ്പെ​ട്ടി​രി​ക്കു​ന്നു​വെ​ങ്കിൽ, അല്ലെങ്കിൽ രോഗ​ത്താ​ലോ ദൗർബ്ബ​ല്യ​ത്താ​ലോ വീടു​ക​ളിൽ കഴിയു​ന്നു​വെ​ങ്കിൽ ദൈവ​ത്തി​ന്റെ രാജത്വ​ത്തിൻ മഹത്വ​ത്തെ​ക്കു​റി​ച്ചു സംസാ​രി​ക്കു​ന്ന​തി​നുള്ള ഒരു മാർഗ്ഗ​മാണ്‌ അനൗപ​ചാ​രിക സാക്ഷീ​ക​രണം. പൗലോസ്‌ രണ്ടുവർഷ​ക്കാ​ലം റോമൻ കാവലിൽ തടവിൽ കിടന്നി​രു​ന്നു. എന്നാൽ ക്ഷീണിച്ചു മെലി​യു​ന്ന​തി​നു പകരം അവൻ ഒരു സദസ്സിനെ ആളയച്ചു വരുത്തു​ക​യും “തന്റെ അടുക്കൽ വന്നവ​രെ​യെ​ല്ലാം ദയാപൂർവ്വം സ്വീക​രി​ക്കു​ക​യും ഏററവും വലിയ സംസാ​ര​സ്വാ​ഗ​ത​ന്ത്ര്യ​ത്തോ​ടെ അവരോ​ടു ദൈവ​രാ​ജ്യ​ത്തെ​ക്കു​റി​ച്ചു പ്രസം​ഗി​ക്കു​ക​യും കർത്താ​വായ യേശു​ക്രി​സ്‌തു​വി​നെ​ക്കു​റി​ച്ചുള്ള കാര്യങ്ങൾ പഠിപ്പി​ക്കു​ക​യും ചെയ്‌തു.” (പ്രവൃ​ത്തി​കൾ 28:16-31) എത്ര വിശിഷ്‌ട ദൃഷ്ടാന്തം! നിങ്ങൾ ബന്തവസ്സി​ലുള്ള ഒരു യഹോ​വ​യു​ടെ സാക്ഷി​യാ​ണെ​ങ്കിൽ സമാന​മായ എന്തെങ്കി​ലും ചെയ്യാൻ നിങ്ങൾക്കു കഴിയു​മോ?

8. പൗലോ​സി​ന്റെ അനൗപ​ചാ​രി​ക​സാ​ക്ഷീ​ക​രണം എത്ര ഫലപ്ര​ദ​മാ​യി​രു​ന്നു?

⁸ പൗലോ​സി​ന്റെ കാവൽ ഭടൻമാർ മാറി​മാ​റി വന്നപ്പോൾ അവൻ ദൈവ​ത്തി​ന്റെ രാജത്വ​ത്തെ​ക്കു​റിച്ച്‌ മററു​ള്ള​വ​രോ​ടു സംസാ​രി​ക്കു​ന്നത്‌ വ്യത്യസ്‌ത വ്യക്തികൾ കേട്ടു. എന്നാൽ അവൻ ആ കാവൽ പടയാ​ളി​ക​ളോട്‌ നേരി​ട്ടും സാക്ഷീ​ക​രി​ച്ചു​വെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും. ഈ അനൗപ​ചാ​രിക സാക്ഷീ​ക​രണം വളരെ ഫലപ്ര​ദ​മാ​യി​രു​ന്ന​തു​കൊണ്ട്‌ പൗലോ​സിന്‌ ഇങ്ങനെ എഴുതാൻ കഴിഞ്ഞു: “എന്റെ കാര്യങ്ങൾ, മറിച്ചാ​യി​രി​ക്കാ​തെ, സുവാർത്ത​യു​ടെ പുരോ​ഗ​മ​ന​ത്തിൽ കലാശി​ച്ചു, തന്നിമി​ത്തം എന്റെ ബന്ധനങ്ങൾ ക്രിസ്‌തു​വി​നോ​ടുള്ള ബന്ധത്തിൽ സകല അകമ്പടി​പ്പ​ട്ടാ​ള​ത്തി​ന്റെ​യും ശേഷിച്ച സകലരു​ടെ​യും ഇടയിൽ പരസ്യ​മായ അറിവാ​യി​ത്തീർന്നി​രി​ക്കു​ന്നു; കർത്താ​വിൽ മിക്ക സഹോ​ദ​രൻമാ​രും എന്റെ കാരാ​ഗൃ​ഹ​ബ​ന്ധ​നങ്ങൾ ഹേതു​വാ​യി ധൈര്യം​പൂണ്ട്‌ ദൈവ​വ​ചനം നിർഭയം സംസാ​രി​ക്കാൻ പൂർവ്വാ​ധി​കം ധൈര്യം കാണി​ക്കു​ക​യാണ്‌.” (ഫിലി​പ്യർ 1:12-14) പൗലോ​സി​നെ​പ്പൊ​ലെ, നാം തടവി​ലാ​ക്ക​പ്പെ​ടു​ക​യും ഔപചാ​രിക സാക്ഷീ​ക​ര​ണ​ത്തി​നുള്ള അവസരങ്ങൾ നഷ്‌ട​പ്പെ​ടു​ക​യു​മാ​ണെ​ങ്കിൽ അപ്പോ​ഴും നമുക്ക്‌ ദൈവ​ത്തി​ന്റെ രാജത്വ​ത്തെ​ക്കു​റിച്ച്‌ സംസാ​രി​ക്കാൻ കഴിയും. ഇതു നമ്മുടെ സഹോ​ദ​രൻമാ​രിൽ എന്തു ധൈര്യം പകരും!

9, 10. ആദിമ​ക്രി​സ്‌ത്യാ​നി​കൾ അനൗപ​ചാ​രി​ക​മാ​യി സാക്ഷീ​ക​രി​ച്ചു​വെ​ന്ന​തിന്‌ എന്ത്‌ മതേതര തെളി​വുണ്ട്‌?

⁹ ആദിമ ക്രിസ്‌ത്യാ​നി​ക​ളു​ടെ ഇടയിൽ അനൗപ​ചാ​രിക സാക്ഷീ​ക​രണം വളരെ സാധാ​ര​ണ​മാ​യി​രു​ന്ന​തു​കൊണ്ട്‌ പിൽക്കാ​ല​വർഷ​ങ്ങ​ളെ​ക്കു​റി​ച്ചും ഇങ്ങനെ പറയാൻ കഴിയു​മാ​യി​രു​ന്നു: “ഒരുപക്ഷേ കാർത്തേ​ജിൽ, ഏതാണ്ട്‌ 200-ൽ, ഒരു ക്രിസ്‌തീ​യ​എ​ഴു​ത്തു​കാ​ര​നിൽനിന്ന്‌ നമുക്ക്‌ ഒരു ചിത്രം കിട്ടുന്നു. . . . [അത്‌] ഉന്നത വിദ്യാ​ഭ്യാ​സം ലഭിച്ച​വരെ സംബന്ധി​ച്ചാ​യി​രു​ന്നു. ഉററ സ്‌നേ​ഹി​ത​രാ​യി​രുന്ന മൂന്ന്‌ നിയമ​ജ്ഞൻമാർ കടൽത്തീ​രത്ത്‌ ഒരു ദിവസത്തെ അവധി​ക്കാ​ലം ചെലവ​ഴി​ക്കു​ന്നു. രണ്ടുപേർ ക്രിസ്‌ത്യാ​നി​ക​ളാണ്‌, മൂന്നാമൻ വിഗ്ര​ഹാ​രാ​ധി​യും. പെട്ടെന്ന്‌ അവരുടെ സംസാരം മതത്തി​ലേക്കു തിരി​യു​ന്നു . . . നീണ്ടവാ​ദ​ത്തി​ന്റെ വിവരണം അവസാ​നി​ക്കു​ന്നു, ‘ഞങ്ങൾ മൂന്നു​പേ​രും സന്തുഷ്ട​രാ​യി വീട്ടി​ലേക്കു പോയി. ഒരാൾ താൻ ക്രിസ്‌തീയ വിശ്വാ​സ​ത്തി​ലേക്കു വന്നതു​കൊ​ണ്ടാണ്‌ സന്തുഷ്‌ട​നാ​യി​രു​ന്നത്‌, മററവർ അയാളെ അതി​ലേക്കു നയിച്ച​തു​കൊ​ണ്ടും.’ ഈ എഴുത്ത്‌ യഥാർത്ഥ​ച​രി​ത്ര​മാ​ണെന്നു നടിക്കു​ന്നില്ല; അത്‌ മിനു​ഷ്യസ്‌ ഫെലി​ക്‌സി​ന്റെ ഒരു വിശദീ​ക​ര​ണ​മാണ്‌. എന്നാൽ അത്‌ കൂടുതൽ പദവി​യു​ണ്ടാ​യി​രു​ന്ന​വ​രു​ടെ ഇടയിൽ സംഭവിച്ച കാര്യ​ങ്ങളെ പ്രതി​നി​ധാ​നം ചെയ്യുന്നു.” (സഭാച​രി​ത്രം I—ആദ്യത്തെ മുന്നേ​ററ: ക്രി. വ. 29—500, ജോൺഫോ​സ്‌റ​റ​റി​നാൽ വിരചി​തം, പേജുകൾ 46,48) അതെ, അക്കാലത്ത്‌ ക്രിസ്‌ത്യാ​നി​ക​ളെ​ന്ന​വ​കാ​ശ​പ്പെ​ടു​ന്ന​വ​രു​ടെ ഇടയിൽ അനൗപ​ചാ​രിക സാക്ഷീ​ക​രണം നിലച്ചു​പോ​യി​രു​ന്നി​ല്ലെന്ന്‌ ഈ വിവരണം പ്രകട​മാ​ക്കു​ന്നു.

¹⁰ ആദിമ ക്രിസ്‌ത്യാ​നി​കളെ സംബന്ധി​ച്ചു ഇങ്ങനെ​യും പ്രസ്‌താ​വി​ക്ക​പ്പെ​ട്ടി​രു​ന്നു: “വ്യക്തി​ക​ളായ ക്രിസ്‌തീയ വിശ്വാ​സി​ക​ളു​ടെ എണ്ണം നിരന്തരം വർദ്ധി​ച്ചു​കൊ​ണ്ടി​രു​ന്നു, അവർ തങ്ങളുടെ സാധാരണ വ്യാപാ​ര​ത്തി​ലാ​യാ​ലും പീഡന​ത്താൽ ഓടി​ക്ക​പ്പെ​ട്ട​താ​യാ​ലും എവിടെ പോയോ അവി​ടെ​യെ​ല്ലാം ക്രിസ്‌തു​വി​നെ പ്രസം​ഗി​ച്ചു . . . തങ്ങളുടെ വ്യാപാ​രത്തെ, തൊഴി​ലി​നെ, തങ്ങളുടെ അനുദിന ജീവ​നോ​പാ​യത്തെ, അവ ഏതുത​ര​മാ​യാ​ലും, തങ്ങളുടെ വിശ്വാ​സത്തെ വ്യാപി​പ്പി​ക്കു​ന്ന​തി​നുള്ള മാർഗ്ഗ​മാ​ക്കി​യവർ ഒരു മഹാസ​മൂ​ഹ​മാ​യി​രു​ന്നു.” (ദി മിഷനറി എൻറർ​പ്രൈസ്‌, എഡ്‌വിൻ മുൺസെൽ ബ്ലിസ്സി​നാൽ വിരചി​തം, പേജ്‌ 14) അതെ, ആദിമ രാജ്യ​പ്ര​ഘോ​ഷകർ ഔപചാ​രി​ക​മാ​യും അനൗപ​ചാ​രി​ക​മാ​യും സാക്ഷീ​ക​രി​ച്ചു.

മുൻകൂ​ട്ടി​യുള്ള ചിന്തയും ഒരുക്ക​വു

11. ദൈവ​ത്തി​ന്റെ സത്യത്തിൻമേൽ ശ്രദ്ധ കേന്ദ്രീ​ക​രി​ക്കു​ന്നതു സംബന്ധിച്ച്‌ നമുക്ക്‌ യേശു​വിൽനിന്ന്‌ എന്തു പഠിക്കാൻ കഴിയും?

¹¹ യേശു​വി​നെ​യും അവന്റെ ആദിമ അനുഗാ​മി​ക​ളെ​യും പോലെ, നാം ഔപചാ​രി​ക​മാ​യും അനൗപ​ചാ​രി​ക​മാ​യും സാക്ഷീ​ക​രി​ക്കണം. അത്‌ ഫലകര​മാ​യി നിർവ്വ​ഹി​ക്കു​ന്ന​തിന്‌ മുൻകൂ​ട്ടി​യുള്ള ചിന്തയും തയ്യാറാ​ക​ലും ആവശ്യ​മാണ്‌. അനൗപ​ചാ​രി​ക​മാ​യി സാക്ഷീ​ക​രി​ക്കാൻ അല്ലെങ്കിൽ പ്രബോ​ധി​പ്പി​ക്കാൻ യേശു കുട്ടി​ക​ളെ​യും ആഹാര​ത്തെ​യും വസ്‌ത്ര​ത്തെ​യും പക്ഷിക​ളെ​യും പുഷ്‌പ​ങ്ങ​ളെ​യും കാലാ​വ​സ്ഥ​ക​ളെ​യും തൊഴി​ലാ​ളി​ക​ളെ​യും പരാമർശി​ച്ചു. (മത്തായി 4:18, 19; 6:25-34; 11:16-19; 13:3-8; 16:1-4)ദൈവ​ത്തി​ന്റെ സത്യത്തിൻമേൽ ശ്രദ്ധ​കേ​ന്ദ്രീ​ക​രി​ക്കു​ന്ന​തി​നുള്ള അടിസ്ഥാ​ന​മാ​യി നമുക്കും മിക്കവാ​റും ഏതു വിഷയ​വും ഉപയോ​ഗി​ക്കാൻ കഴിയും.

12. ഒരു യാത്രക്ക്‌ ആസൂ​ത്രണം ചെയ്യു​മ്പോൾ ഒരുവന്‌ അനൗപ​ചാ​രി​ക​സാ​ക്ഷീ​ക​ര​ണ​ത്തിന്‌ എങ്ങനെ ഒരുങ്ങാൻ കഴിയും?

¹² പാർക്കു​ക​ളിൽ ഇരിക്കു​ന്ന​വ​രോ​ടും ഷോപ്പിംഗ്‌ സെൻറ​റു​ക​ളിൽ ലൈനിൽ നിൽക്കു​ന്ന​വ​രോ​ടും മററും നമുക്ക്‌ അനൗപ​ചാ​രി​ക​മാ​യി സാക്ഷീ​ക​രി​ക്കാൻ കഴിയും. പൗലോസ്‌ അഥേന​യിൽ “എല്ലാ ദിവസ​വും ചന്തസ്ഥലത്ത്‌ ഉണ്ടായി​രി​ക്കാ​നി​ട​യാ​യ​വ​രോട്‌” ന്യായ​വാ​ദം ചെയ്‌തു. (പ്രവൃ​ത്തി​കൾ 17:17) എന്നാൽ നാം അനൗപ​ചാ​രി​ക​സാ​ക്ഷീ​ക​ര​ണ​ത്തിന്‌ തയ്യാറാ​കേ​ണ്ട​തുണ്ട്‌. ഉദാഹ​ര​ണ​ത്തിന്‌, നിങ്ങൾ വിമാ​ന​ത്തി​ലോ തീവണ്ടി​യി​ലോ ബസ്സിലോ ഒരു യാത്ര​ക്കു​വേണ്ടി ഒരുങ്ങു​ക​യാ​ണോ? എങ്കിൽ ഒരു ബൈബി​ളും കുറേ ലഘു​ലേ​ഖ​ക​ളും മാസി​ക​ക​ളും അല്ലെങ്കിൽ ലഘുപ​ത്രി​ക​ക​ളും എടുക്കുക. പൊതു​വാ​ഹ​ന​ങ്ങ​ളിൽവച്ച്‌ അല്ലെങ്കിൽ മറെറ​വി​ടെ​യെ​ങ്കി​ലും ക്രിസ്‌തീയ പ്രസി​ദ്ധീ​ക​ര​ണങ്ങൾ വായി​ക്കു​ന്നത്‌ മിക്ക​പ്പോ​ഴും ഒരു സംഭാ​ഷ​ണ​ത്തിന്‌ തുടക്ക​മി​ടു​ന്നു.

13. യാത്ര​ചെ​യ്യു​മ്പോൾ നിങ്ങൾക്ക്‌ പ്രായ​മുള്ള ഒരാ​ളോട്‌ എങ്ങനെ സാക്ഷീ​ക​രി​ച്ചു തുടങ്ങാ​മെന്ന്‌ ദൃഷ്ടാ​ന്തീ​ക​രി​ക്കുക.

¹³ പ്രസ്‌പ​ഷ്ട​മാ​യി സൗഹാർദ്ദ​പ​ര​മായ ഒരു പരിച​യ​പ്പെ​ടു​ത്ത​ലാണ്‌ ആദ്യം വരുന്നത്‌. തിരു​വെ​ഴു​ത്തു​ക​ളിൽനിന്ന്‌ ന്യായ​വാ​ദം ചെയ്യൽ എന്ന പുസ്‌തകം വയൽശു​ശ്രൂ​ഷ​യിൽ ഉപയോ​ഗി​ക്കാ​നുള്ള മുഖവു​രകൾ നിർദ്ദേ​ശി​ക്കു​ന്നുണ്ട്‌. എന്നാൽ ഇവയിൽ ചിലത്‌ അനൗപ​ചാ​രി​ക​മാ​യി സാക്ഷീ​ക​രി​ക്കാൻ ഉപയോ​ഗി​ക്കു​ന്ന​തിന്‌ പരിഷ്‌ക്ക​രി​ക്കാ​വു​ന്ന​താണ്‌. ദൃഷ്‌ടാ​ന്ത​ത്തിന്‌, നിങ്ങൾ യാത്ര​ചെ​യ്യു​മ്പോൾ ഒരു പ്രായ​മു​ള്ള​യാ​ളി​ന്റെ അടുത്താണ്‌ ഇരിക്കു​ന്ന​തെ​ങ്കിൽ നിങ്ങൾക്ക്‌ ഇങ്ങനെ പറയാൻ കഴിയും: “എന്റെ പേർ—എന്നാണ്‌. ഞാൻ ജീവി​ത​ത്തി​ന്റെ ഉദ്ദേശ്യ​ത്തെ​ക്കു​റിച്ച്‌ വളരെ​യ​ധി​കം ചിന്തി​ക്കു​ന്നുണ്ട്‌. ജീവി​ത​ത്തി​ന്റെ ഉദ്ദേശ്യ​ത്തെ​ക്കു​റിച്ച്‌ ചിന്തി​ക്കു​ന്ന​തിന്‌ അശേഷം സമയമി​ല്ലാ​ത്ത​വി​ധം അനേകർ അഹോ​വൃ​ത്തി​ക്കു​വേണ്ടി പണി​യെ​ടു​ക്കു​ന്ന​തിൽ തിരക്കു​ള്ള​വ​രാണ്‌. നമുക്കു പ്രായം കൂടു​മ്പോൾ ജീവിതം ഹ്രസ്വ​മാ​ണെന്നു നാം തിരി​ച്ച​റി​യു​ന്നു, ’ജീവി​ത​ത്തി​ന്റെ ഉദ്ദേശ്യം ഇത്രമാ​ത്ര​മോ?’ എന്ന്‌ നമ്മോടു തന്നെ ചോദി​ക്കു​ക​യും ചെയ്‌തേ​ക്കാം. നമ്മുടെ അസ്‌തി​ത്വം സംബന്ധി​ച്ചു ദൈവ​ത്തിന്‌ ഒരു ഉദ്ദേശ്യ​മു​ണ്ടെന്ന്‌ നിങ്ങൾ വിചാ​രി​ക്കു​ന്നു​വോ?” ഒരു മറുപടി പറയാൻ അനുവ​ദി​ക്കുക. പിന്നീട്‌ നിങ്ങൾക്ക്‌ മനുഷ്യ​വർഗ്ഗത്തെ സംബന്ധിച്ച ദൈ​വോ​ദ്ദേ​ശ്യ​ത്തെ​ക്കു​റി​ച്ചു സംസാ​രി​ക്ക​യും വെളി​പ്പാട്‌ 21:3, 4-ൽ വാഗ്‌ദത്തം ചെയ്‌തി​രി​ക്കുന്ന മഹത്തായ കാര്യ​ങ്ങ​ളെ​ക്കു​റിച്ച്‌ അഭി​പ്രാ​യം പറയു​ക​യും ചെയ്യാ​വു​ന്ന​താണ്‌. ഫലകര​മായ അനൗപ​ചാ​രിക സാക്ഷീ​ക​ര​ണ​ത്തിന്‌, സഭാമീ​റ​റിം​ഗു​ക​ളി​ലും ക്രിസ്‌തീയ പ്രസി​ദ്ധീ​ക​ര​ണ​ങ്ങ​ളിൽനി​ന്നും പഠിച്ച നല്ല പോയിൻറു​ക​ളും നിങ്ങൾക്ക്‌ ബാധക​മാ​ക്കാൻ കഴിയും.

നല്ലഫലങ്ങൾ പ്രതീ​ക്ഷി​ക്കാൻ കഴിയും

14. ഒരു സഹോ​ദ​രന്‌ ഒരു യാത്രാ​വേ​ള​യിൽ അനൗപ​ചാ​രി​ക​മാ​യി സാക്ഷീ​ക​രി​ച്ച​തിൽ എന്തു ഫലം കിട്ടി?

¹⁴ യേശു​വി​നെ​യും അവന്റെ ആദിമ അനുഗാ​മി​ക​ളെ​യും പോലെ, നമുക്ക്‌ അനൗപ​ചാ​രി​ക​സാ​ക്ഷീ​ക​ര​ണ​ത്തിൽ വിജയി​ക്കാൻ കഴിയും. ഉദാഹ​ര​ണ​ത്തിന്‌, ഒരു വിമാ​ന​യാ​ത്രാ​വേ​ള​യിൽ ഒരു സാക്ഷി 20 വർഷമാ​യി വിവാ​ഹി​ത​നാ​യി​രുന്ന ഒരു മിലി​റ​ററി ഓഫീ​സ​റോട്‌ സംസാ​രി​ച്ചു. ആ മമനു​ഷ്യ​ന്റെ ഭാര്യ മയക്കു​മ​രുന്ന്‌ ഉപയോ​ഗി​ക്കു​ന്ന​വ​ളാ​യി​രു​ന്നു, പല പ്രാവ​ശ്യം ആത്‌മ​ഹ​ത്യാ​ശ്ര​മ​വും നടത്തി​യി​രു​ന്നു. ഇപ്പോൾ ഒരു ചെറു​പ്പ​ക്കാ​രന്റെ പിന്നാലെ പോകാൻ അയാളെ ഉപേക്ഷി​ക്കാ​നി​രി​ക്കു​ക​യു​മാ​യി​രു​ന്നു. സാക്ഷി വീക്ഷാ​ഗോ​പു​ര​ത്തിൽ നിന്നും അതിന്റെ കൂട്ടു​മാ​സി​ക​യായ ഉണരുക!യിൽ നിന്നും തനിക്ക്‌ ലഭിക്കുന്ന തിരു​വെ​ഴു​ത്തു സഹായ​ത്തെ​ക്കു​റി​ച്ചു പറഞ്ഞ​പ്പോൾ ഓഫീസർ വരിസം​ഖ്യ​കൊ​ടു​ക്കു​ക​യും ഭാര്യക്ക്‌ മാസി​കകൾ അയച്ചു​കൊ​ടു​ക്കാൻ ആവശ്യ​പ്പെ​ടു​ക​യും ചെയ്‌തു. സാക്ഷി​പ​റ​ഞ്ഞത്‌ മററു യാത്ര​ക്കാർ കേട്ടു. ഫലമോ? ആ സന്ദർഭ​ത്തി​ലെ സാക്ഷീ​ക​ര​ണ​ഫ​ല​മാ​യി അയാൾക്ക്‌ 22 വരിസം​ഖ്യ​കൾ ലഭിക്കു​ക​യും 45 മാസി​ക​ക​ളും 21 പുസ്‌ത​ക​ങ്ങ​ളും സമർപ്പി​ക്കു​ക​യും ചെയ്‌തു!

15, 16. (എ) കൂട്ടു​ജോ​ലി​ക്കാ​രോ​ടുള്ള വിജയ​പ്ര​ദ​മായ അനൗപ​ചാ​രി​ക​സാ​ക്ഷീ​ക​ര​ണ​ത്തി​ന്റെ ദൃഷ്‌ടാ​ന്തങ്ങൾ നൽകുക. (ബി) ഈ ഫലങ്ങൾ നിങ്ങളെ സംബന്ധിച്ച്‌ എന്തു സൂചി​പ്പി​ക്കു​ന്നു?

¹⁵ കൂട്ടു​ജോ​ലി​ക്കാ​രോട്‌ അനൗപ​ചാ​രി​ക​മാ​യി സാക്ഷീ​ക​രി​ക്കു​ന്നതു സംബന്ധി​ച്ചെന്ത്‌? ഒരു സഹോ​ദരൻ തന്റെ ജോലി​സ്ഥ​ലത്തെ കക്കൂസ്‌മു​റി​യിൽ നമ്മുടെ മാസി​ക​ക​ളു​ടെ പ്രതികൾ വെച്ചി​രു​ന്നു. ഒരു കൂട്ടു​ജോ​ലി​ക്കാ​രൻ മാസി​കകൾ വായി​ക്കു​ക​യും സഹോ​ദ​രനെ സമീപിച്ച്‌ അവയുടെ വരിസം​ഖ്യ ഏൽപ്പി​ക്കു​ക​യും ചെയ്‌തു. ആ മനുഷ്യൻ ഒരു ബൈബിൾ അദ്ധ്യയ​ന​ത്തി​നും സമ്മതി​ക്കു​ക​യും തന്റെ അസാൻമാർഗ്ഗി​ക​ജീ​വി​തം ഉപേക്ഷി​ക്കു​ക​യും ചെയ്‌തു. എന്നാൽ അയാളു​ടെ ഭാര്യ, ദൈവ​നാ​മം പറയുന്ന ഓരോ പ്രാവ​ശ്യ​വും വീടു​വി​ട്ടു​പോ​യി. ആ മനുഷ്യൻ സ്ഥലത്തെ പള്ളിയിൽനിന്ന്‌ രാജി​വെ​ക്കാ​നാ​ഗ്ര​ഹി​ച്ച​പ്പോൾ, ഇതി​നെ​ക്കു​റി​ച്ചു ചർച്ച ചെയ്യാൻ ശുശ്രൂ​ഷകൻ വന്നു. അപ്പോൾ ഭാര്യയെ മാത്രമേ വീട്ടിൽ കണ്ടുള്ളു. ശുശ്രൂ​ഷ​കന്റെ വിശ്വാ​സ​രാ​ഹി​ത്യ​വും യഹോ​വ​യു​ടെ സാക്ഷി​ക​ളെ​ക്കു​റിച്ച്‌ അയാൾ പറഞ്ഞ വ്യാജ​ങ്ങ​ളും അവരെ ഞെട്ടിച്ചു, എന്തു​കൊ​ണ്ടെ​ന്നാൽ തന്റെ ഭർത്താവ്‌ മെച്ച​പ്പെ​ട്ട​യാ​ളാ​യി മാറു​ന്ന​താണ്‌ അവൾ കണ്ടിരു​ന്നത്‌. അവൾ ശുശ്രൂ​ഷ​ക​നോട്‌ ഇങ്ങനെ പറഞ്ഞു: “താങ്കൾക്ക്‌ എനിക്കും കുട്ടി​കൾക്കും​കൂ​ടി ഒരു രാജി സർട്ടി​ഫി​ക്ക​ററ്‌ എഴുതാ​വു​ന്ന​താണ്‌!” കാല​ക്ര​മ​ത്തിൽ ഈ മനുഷ്യ​നും ഭാര്യ​യും സ്‌നാ​ന​മേററ സാക്ഷി​ക​ളാ​യി​ത്തീർന്നു.

¹⁶ വർഷങ്ങൾക്കു മുൻപ്‌, ഇപ്പോൾ ഐക്യ​നാ​ടു​ക​ളിൽ ജീവി​ക്കുന്ന ഒരു സഹോ​ദരൻ ഇംഗ്ലണ്ടി​ലെ ഒരു കൂട്ടു​ജോ​ലി​ക്കാ​ര​നോട്‌ അനൗപ​ചാ​രി​ക​മാ​യി സാക്ഷീ​ക​രി​ക്കു​ക​യും ആ യുവാ​വി​നെ യഹോ​വ​യു​ടെ സാക്ഷികൾ ക്രമീ​ക​രിച്ച ഒരു ഫിലിം​പ്ര​ദർശ​ന​ത്തിന്‌ കൊണ്ടു​പോ​കു​ക​യും ചെയ്‌തു. മുപ്പ​ത്തൊ​ന്നു വർഷം കഴിഞ്ഞ്‌ ആ സഹോ​ദ​രന്‌ ഈ കത്തു കിട്ടി: “താങ്കൾ [ആ യുവാ​വി​നു] കൊടുത്ത സാക്ഷ്യം പ്രതി​ഫ​ല​ദാ​യ​ക​മാ​യി, എന്തു​കൊ​ണ്ടെ​ന്നാൽ ഏതാണ്ടു രണ്ടു വർഷം കഴിഞ്ഞ്‌ മറെറാ​രു സഹോ​ദരൻ അയാ​ളോ​ടു സംസാ​രി​ക്കു​ക​യും മാസി​കകൾ സമർപ്പി​ക്കു​ക​യും സ്ഥലത്തെ രാജ്യ​ഹാ​ളിൽ കൊണ്ടു​പോ​കു​ക​യും ചെയ്‌തു . . . അയാൾ 1959-ൽ സ്‌നാ​ന​മേ​ററ്‌ ഒരു സാക്ഷി​യാ​യി, ഇപ്പോൾ സഭയിലെ ഒരു മൂപ്പനാണ്‌ . . . ഏതാണ്ട്‌ 14 വർഷം കഴിഞ്ഞ്‌ അയാളു​ടെ ഭാര്യ ഒരു സാക്ഷി​യാ​യി സ്‌നാ​ന​മേ​ററു. രണ്ടുവർഷം കഴിഞ്ഞ്‌ അയാളു​ടെ പുത്രി സ്‌നാ​ന​മേ​ററു, ഇപ്പോൾ നോർത്ത്‌ ഡർബി​ഷ​യ​റിൽ ഒരു സാധാ​ര​ണ​പ​യ​ണി​യ​റാണ്‌ . . . താങ്കൾ ആഷ്‌ഫോർഡിൽ നടത്തിയ ആ അല്‌പ​മായ സാക്ഷീ​ക​ര​ണ​ത്തിൽനിന്ന്‌ ആ ആളും അയാളു​ടെ ഭാര്യ​യും പുത്രി​യും ഒരു കസിനും അവരുടെ പുത്രി​യും ഭർത്താ​വും അഞ്ചു മക്കളും കസിന്റെ വേറൊ​രു പുത്രി​യു​ടെ ഒരു കുട്ടി​യും സാക്ഷി​ക​ളാ​യി​ത്തീർന്നു. . . . റെറഡ്‌, താങ്കൾക്ക്‌ വളരെ​യ​ധി​ക​മാ​യി നന്ദി പറയാൻ ഞാൻ ആഗ്രഹി​ക്കു​ന്നു, ഞാനാണ്‌ ആ സ്‌ററീൽ പണിക്കാ​രൻ, ഞാൻ ഇപ്പോൾ പറഞ്ഞ കഥ, താങ്കൾ എന്നോടു പറഞ്ഞ സാക്ഷ്യ​ത്തി​ന്റേ​തും അതിന്റെ പരിണ​ത​ഫ​ല​ത്തി​ന്റേ​തു​മായ എന്റെ സ്വന്തം കഥത​ന്നെ​യാണ്‌.”

17. യഹോ​വ​യു​ടെ പ്രായം കുറഞ്ഞ ദാസൻമാർക്ക്‌ അനൗപ​ചാ​രി​ക​സാ​ക്ഷീ​ക​ര​ണ​ത്തിന്‌ എന്ത്‌ അവസര​ങ്ങ​ളുണ്ട്‌?

¹⁷ യഹോ​വ​യു​ടെ പ്രായം​കു​റഞ്ഞ ദാസൻമാ​രായ നിങ്ങൾക്കും ഒരു നല്ല സാക്ഷീ​ക​ര​ണ​പ്ര​ദേ​ശ​മുണ്ട്‌—നിങ്ങളു​ടെ സഹപാ​ഠി​ക​ളും അദ്ധ്യാ​പ​ക​രും. ഉപന്യാ​സ​ങ്ങ​ളി​ലും വാചിക പുനര​വ​ലോ​ക​ന​ങ്ങ​ളി​ലും മററും നിങ്ങൾ ഒരു അനൗപ​ചാ​രി​ക​സാ​ക്ഷ്യം കൊടു​ക്കു​ന്നു​വോ? ഒരു ബൈബി​ള​ദ്ധ്യ​യ​ന​ത്തിൽ സംബന്ധി​ച്ചി​രുന്ന ഒരു ഇക്വ​ഡോ​റി​യൻ ഹൈസ്‌കൂൾ വിദ്യാർത്ഥി​നി വിവര​ങ്ങ​ളു​ടെ ഉറവായി “ഹിറോ​ഷി​മാ —അതിന്റെ പാഠം നഷ്‌ട​പ്പെ​ട്ടോ?” എന്ന 1985 ഓഗസ്‌ററ്‌ 22-ലെ ഉണരുക! കവർപ​രമ്പര ഉപയോ​ഗി​ച്ചു. അവളുടെ രചനക്ക്‌ ഒരു അന്തർദ്ദേ​ശീയ മൽസര​ത്തിൽ ന്യായാ​ധി​പൻമാ​രു​ടെ അഭിന​ന്ദനം ലഭിക്കു​ക​യും അത്‌ ജപ്പാനി​ലേ​ക്കുള്ള ഒരു സൗജന്യ​യാ​ത്ര​യിൽ കലാശി​ക്കു​ക​യും ചെയ്‌തു. തീർച്ച​യാ​യും ക്രിസ്‌തീയ പ്രസി​ദ്ധീ​ക​ര​ണ​ങ്ങ​ളു​ടെ ഉദ്ദേശ്യം മൽസര​ങ്ങ​ളിൽ ജയിക്കുക എന്നതല്ല. എന്നാൽ ഇത്‌ അങ്ങനെ​യുള്ള സാഹി​ത്യ​ത്തി​ന്റെ മൂല്യ​ത്തെ​യും സ്‌കൂ​ളിൽ ദൈവ​മ​ഹ​ത്വ​ത്തി​നാ​യി ഒരു സാക്ഷ്യം കൊടു​ക്കു​ന്ന​തി​ന്റെ ഫലപ്ര​ദ​ത്വ​ത്തെ​യും ദൃഷ്ടാ​ന്തീ​ക​രി​ക്കു​ന്നു.

18. ഒരു മുറി വാടക​ക്കെ​ടു​ക്കാൻ ശ്രമിച്ച ഒരു വ്യക്തി​യോട്‌ ഹ്രസ്വ​മാ​യി സാക്ഷീ​ക​രി​ച്ച​തു​കൊണ്ട്‌ എന്തു ഫലമു​ണ്ടാ​യി?

¹⁸ സാമ്പത്തിക കാരണ​ങ്ങ​ളാൽ ഒരു സഹോ​ദ​രിക്ക്‌ ഒരു മുറി വാടകക്കു കൊടു​ക്കേ​ണ്ട​തു​ണ്ടാ​യി​രു​ന്നു. അതു സംബന്ധിച്ച്‌ ഒരു റെറലി​ഫോൺ വിളി വന്നപ്പോൾ താൻ ഒരു യഹോ​വ​യു​ടെ സാക്ഷി​യാ​ണെ​ന്നും തന്റെ വീട്ടിൽ ദുർന്നടത്ത അനുവ​ദി​ക്കു​ക​യി​ല്ലെ​ന്നും ഫോൺ വിളിച്ച സ്‌ത്രീ​യെ സഹോ​ദരി അറിയി​ച്ചു. സന്ദർശകർ നേരത്തെ സ്ഥലം വിടണ​മാ​യി​രു​ന്നു. പുരു​ഷൻമാ​രായ സന്ദർശകർ എല്ലാ സമയങ്ങ​ളി​ലും കാണാ​വു​ന്ന​തു​പോ​ലെ ഇരിക്ക​ണ​മാ​യി​രു​ന്നു. ഫോൺ വിളി​ച്ച​യാൾ വൈമ​ന​സ്യം പ്രകടി​പ്പി​ക്കു​ക​യും “ഞാൻ ഒരു കൗമാര പ്രായ​ക്കാ​രി​യാ​യി​രു​ന്ന​പ്പോൾ ഞാൻ ബൈബിൾ പഠിച്ചി​രു​ന്നു, എന്നാൽ അതു എന്നിൽ ഒരു ധാരണ ഉളവാ​ക്കി​യില്ല. അതു​കൊ​ണ്ടു ഞാൻ കോ​ളേ​ജിൽ ചേർന്നു” എന്നു പറയു​ക​യും ചെയ്‌തു. അവളുടെ ബൈബിൾ പഠനം വീണ്ടും തുടങ്ങാൻ അവൾ ആഗ്രഹി​ക്കു​ന്നു​വോ​യെന്ന്‌ ചോദി​ച്ച​പ്പോൾ “ഉവ്വ്‌”എന്ന്‌ അവൾ മറുപടി പറഞ്ഞു. കാല​ക്ര​മ​ത്തിൽ, ഫോൺ വിളി​ച്ച​വ​ളും അവളുടെ അമ്മയും അവളുടെ സഹോ​ദ​രി​യും യഹോ​വ​യു​ടെ സമർപ്പി​ത​ദാ​സ​രാ​യി​ത്തീർന്നു—എല്ലാം ഒരു സഹോ​ദരി അനൗപ​ചാ​രി​ക​മാ​യി സാക്ഷീ​ക​രി​ച്ച​തു​കൊണ്ട്‌.

19. ബഹാമാ​സി​ലെ ഒരു സ്‌ത്രീ​യു​ടെ കാര്യ​ത്തിൽ അനൗപ​ചാ​രിക സാക്ഷീ​ക​രണം എങ്ങനെ കലാശി​ച്ചു?

¹⁹ ബഹാമാ​സിൽ ഒരു കത്തോ​ലി​ക്കാ​സ്‌ത്രീ അഞ്ചു വർഷമാ​യി പള്ളിയിൽ പോകാ​ഞ്ഞ​തി​നാൽ അവരുടെ മനഃസാ​ക്ഷി അവരെ അലട്ടി. അങ്ങനെ അവൾ മഴയു​ണ്ടാ​യി​രുന്ന ഒരു ദിവസം പള്ളിയി​ലേക്കു വഴിയേ ഇറങ്ങി​ത്തി​രി​ച്ചു. അപ്പോൾ മൂന്നു സാക്ഷികൾ അതിലേ വരുക​യും അവളെ കാറിൽ കയററു​ക​യും ഒരു സാക്ഷ്യം കൊടു​ക്കു​ക​യും ചെയ്‌തു. അവർ പള്ളിയെ സമീപി​ച്ച​പ്പോൾ അവർ ഒരു ബൈബിൾ വിദ്യാർത്ഥി​യെ കയററാൻ ഓടിച്ചു പോകു​മ​ള​വിൽ ആ സ്‌ത്രീ കൂടുതൽ കേൾക്കാ​നാ​ഗ്ര​ഹി​ക്കു​ക​യും അവരോ​ടു​കൂ​ടെ കാറിൽത്തന്നെ ഇരിക്കു​ക​യും ചെയ്‌തു. വീണ്ടും അവർ പള്ളിയു​ടെ മുമ്പി​ലൂ​ടെ കടന്നു​പോ​യെ​ങ്കി​ലും അവൾ കൂടുതൽ കേൾക്കാ​നാ​ഗ്ര​ഹി​ച്ചു​കൊണ്ട്‌ രാജ്യ​ഹാ​ളി​ലേക്കു പോകു​ക​യാണ്‌ ചെയ്‌തത്‌. പബ്ലിക്ക്‌ പ്രസം​ഗ​ത്തി​ന്റെ വിഷയം അവർ കാറിൽ വച്ചു ചർച്ച​ചെ​യ്‌തതു തന്നെയാ​യി​രു​ന്നു. ആ സ്‌ത്രീ​യു​മാ​യി ഒരു ബൈബി​ള​ദ്ധ്യ​യനം തുടങ്ങി. അവൾ കൂടെ താമസി​ച്ചി​രുന്ന പുരു​ഷനെ (അവളുടെ നാലു​മ​ക്ക​ളു​ടെ പിതാ​വി​നെ) പറഞ്ഞു വിട്ടു. അവൾ 1986-ൽ നാസാ​വി​ലെ ഒരു കൺ​വെൻ​ഷ​നിൽ സ്‌നാ​ന​മേ​ററു. ഒരാൾ തന്നോട്‌ അനൗപ​ചാ​രി​ക​മാ​യി സാക്ഷീ​ക​രി​ച്ച​തിൽ അവൾ എത്ര സന്തുഷ്ട​യാ​യി​രു​ന്നു!

ദൈവ​ത്തി​ന്റെ രാജത്വ​ത്തെ​ക്കു​റിച്ച്‌ സംസാ​രി​ച്ചു​കൊ​ണ്ടി​രി​ക്കുക!

20. (എ) വയൽ ശുശ്രൂ​ഷ​യോ​ടുള്ള ബന്ധത്തിൽ അനൗപ​ചാ​രിക സാക്ഷീ​ക​ര​ണത്തെ എങ്ങനെ വീക്ഷി​ക്കണം? (ബി) ഒരുവൻ അനൗപ​ചാ​രി​ക​മാ​യി സാക്ഷീ​ക​രി​ക്കു​ന്ന​തി​നു വിമു​ഖ​നാ​ണെ​ങ്കിൽ എന്തു നിർദ്ദേ​ശി​ക്ക​പ്പെ​ടു​ന്നു?

²⁰ അനൗപ​ചാ​രി​ക​മായ സാക്ഷീ​ക​രണം യഹോ​വ​യു​ടെ സാക്ഷി​ക​ളു​ടെ വ്യവസ്ഥാ​പിത വയൽശു​ശ്രൂ​ഷക്കു പകരമാ​കു​ന്നില്ല. വീടു​തോ​റു​മുള്ള പ്രസംഗം വ്യക്തമാ​യി തിരു​വെ​ഴു​ത്തു​പ​ര​വും ഫലപ്ര​ദ​വു​മാണ്‌. (പ്രവൃ​ത്തി​കൾ 5:42; 20:20, 21) എന്നിരു​ന്നാ​ലും, അനൗപ​ചാ​രി​ക​സാ​ക്ഷീ​ക​രണം ഫലകര​മാണ്‌, യഹോ​വ​യു​ടെ സാക്ഷികൾ അതിൽ പങ്കെടു​ക്കണം. ആളുകൾ—ബന്ധുക്ക​ളും സഹപാ​ഠി​ക​ളും കൂട്ടു​ജോ​ലി​ക്കാ​രും മററു​ള്ള​വ​രും—ഉള്ളട​ത്തെ​ല്ലാം ദൈവ​ത്തി​ന്റെ രാജത്വ​ത്തിൻ മഹത്വ​ത്തെ​ക്കു​റി​ച്ചു സംസാ​രി​ക്കാ​നുള്ള അവസര​ങ്ങ​ളുണ്ട്‌. അതു​കൊണ്ട്‌ ഭയമോ ധൈര്യ​മി​ല്ലാ​യ്‌മ​യോ നിങ്ങളെ തടയരുത്‌. (സദൃശ​വാ​ക്യ​ങ്ങൾ 29:25; 2 തിമോ​ഥെ​യോസ്‌ 1:6-8) അനൗപ​ചാ​രി​ക​മാ​യി സാക്ഷീ​ക​രി​ക്കാൻ നിങ്ങൾക്കു വൈമു​ഖ്യ​മു​ണ്ടെ​ങ്കിൽ യേശു​വി​ന്റെ പീഡി​ത​ശി​ഷ്യൻമാർ പ്രാർത്ഥി​ച്ച​തു​പോ​ലെ, പ്രാർത്ഥി​ക്കാൻ പാടില്ലേ? അവർ ഇങ്ങനെ അഭ്യർത്ഥി​ച്ചു: “യഹോവേ, . . . സകല ധൈര്യ​ത്തോ​ടും കൂടെ നിന്റെ വചനം സംസാ​രി​ച്ചു​കൊ​ണ്ടി​രി​ക്കാൻ നിന്റെ അടിമ​കളെ അനുവ​ദി​ക്കേ​ണമേ.” അവരുടെ പ്രാർത്ഥ​ന​കൾക്ക്‌ ഉത്തരം ലഭിച്ചോ? ഉവ്വ്‌, എന്തെന്നാൽ “അവർ കൂടി​യി​രുന്ന സ്ഥലം കുലുങ്ങി; അവർ എല്ലാവ​രും പരിശു​ദ്ധാ​ത്‌മാ​വി​നാൽ നിറയു​ക​യും ധൈര്യ​ത്തോ​ടെ ദൈവ​വ​ചനം സംസാ​രി​ച്ചു​കൊ​ണ്ടി​രി​ക്കു​ക​യും ചെയ്‌തു.”—പ്രവൃ​ത്തി​കൾ 4:23-31.

21. എല്ലാ സാഹച​ര്യ​ങ്ങ​ളി​ലും ഒരു സാക്ഷ്യം കൊടു​ക്കാൻ എന്തു പ്രേരി​പ്പി​ക്കും?

²¹ തന്നിമി​ത്തം, അനൗപ​ചാ​രിക സാക്ഷീ​ക​രണം സംബന്ധിച്ച്‌ ഒരു ക്രിയാ​ത്‌മ​ക​മ​നോ​ഭാ​വം നട്ടുവ​ളർത്തുക. എല്ലാതരം സാഹച​ര്യ​ങ്ങ​ളി​ലും ദൈവ​ത്തോ​ടുള്ള സ്‌നേഹം ഒരു സാക്ഷ്യം കൊടു​ക്കാൻ നിങ്ങളെ പ്രേരി​പ്പി​ക്കട്ടെ. ഉത്‌സാ​ഹ​മു​ള്ള​വ​രാ​യി​രി​ക്കുക, യഥാർത്ഥ​ത്തിൽ ഓരോ അവസര​ത്തി​ലും സത്യം കുമി​ളി​ച്ചു പൊന്തട്ടെ. തീർച്ച​യാ​യും, ദൈവ​ത്തി​ന്റെ രാജത്വ​ത്തിൻ മഹത്വ​ത്തെ​ക്കു​റി​ച്ചു സംസാ​രി​ച്ചു​കൊ​ണ്ടി​രി​ക്കുക. (w87 10/15)

നിങ്ങളുടെ ഉത്തരങ്ങൾ എന്താണ്‌?

◻ അനൗപ​ചാ​രിക സാക്ഷീ​ക​ര​ണ​ത്തിന്‌ എന്തു തിരു​വെ​ഴു​ത്ത​ടി​സ്ഥാ​ന​മുണ്ട്‌?

◻ അനൗപ​ചാ​രിക സാക്ഷീ​ക​ര​ണ​ത്തിന്‌ തയ്യാറാ​കു​ന്ന​തി​നുള്ള ചില വിധങ്ങ​ളേവ?

◻ നാം അനൗപ​ചാ​രി​ക​മാ​യി സാക്ഷീ​ക​രി​ക്കു​ന്നെ​ങ്കിൽ, എന്തു ഫലങ്ങൾ നാം പ്രതീ​ക്ഷി​ച്ചേ​ക്കാം?

◻ ക്രമമായ വയൽശു​ശ്രൂ​ഷ​യോ​ടുള്ള ബന്ധത്തിൽ അനൗപ​ചാ​രിക സാക്ഷീ​ക​ര​ണത്തെ നാം എങ്ങനെ വീക്ഷി​ക്കണം?

[22-ാം പേജിലെ ചിത്രം]

നിങ്ങളെ ബന്തവസ്സി​ലാ​ക്കി​യി​രി​ക്കു​ന്നു​വെ​ങ്കിൽ തടവി​ലാ​യി​രു​ന്ന​പ്പോൾ പൗലോസ്‌ ചെയ്‌ത​തു​പോ​ലെ നിങ്ങൾ സാക്ഷീ​ക​രി​ക്കു​ന്നു​വോ?

[24-ാം പേജിലെ ചിത്രം]

മുൻകൂട്ടിയുള്ള തയ്യാറാ​കൽ ഫലകര​മായ വിധത്തിൽ അനൗപ​ചാ​രി​ക​മാ​യി സാക്ഷീ​ക​രി​ക്കാൻ നമ്മെ പ്രാപ്‌ത​രാ​ക്കും