വിജയി​ക്കു​ന്ന​തി​നുള്ള സമ്മർദ്ദം

ഒരു ററിവി പരസ്യം ഒരു പ്രത്യേക മാർക്ക്‌ ററൂത്ത്‌ പെയ്‌സ്‌ററ്‌ ഉപയോ​ഗി​ച്ചു​കൊണ്ട്‌ “വിജയ​ശാ​ലി​യാ​യി​രി​ക്കുക. പ്രധാ​നി​യാ​യി​രി​ക്കുക” എന്ന്‌ നൈജീ​റി​യാ​ക്കാ​രെ പ്രോൽസാ​ഹി​പ്പി​ക്കു​ന്നു. ഒരു വ്യക്തി പ്രധാ​നി​യാ​യി​ത്തീ​രു​ന്ന​തിൽ ഒരു ററൂത്ത്‌ പെയ്‌സ്‌റ​റിന്‌ ഒന്നും ചെയ്യാ​നി​ല്ലെന്ന്‌ നമു​ക്കെ​ല്ലാം അറിയാ​മെ​ങ്കി​ലും “വിജയ​ത്തി​ന്റെ” കുറി​പ്പുള്ള വസ്‌തു​ക്ക​ളു​മാ​യി സഹവസി​ക്കാൻ ആളുകൾ ആഗ്രഹി​ക്കു​ന്ന​താ​യി തങ്ങൾ തിരി​ച്ച​റി​യു​ന്നു​ണ്ടെന്ന്‌ പരസ്യ​ക്കാർ പ്രകട​മാ​ക്കു​ക​യാണ്‌.

വിജയി​ക്കു​ന്ന​തി​നും മററു​ള്ള​വ​രാൽ അംഗീ​ക​രി​ക്ക​പ്പെ​ടു​ന്ന​തി​നു​മുള്ള ആഗ്രഹം സ്വാഭാ​വി​ക​മാണ്‌. എന്നിരു​ന്നാ​ലും, പുരു​ഷൻമാ​രും സ്‌ത്രീ​ക​ളും മിക്ക​പ്പോ​ഴും മാനു​ഷ​നേ​ട്ട​ങ്ങൾക്ക്‌ വളരെ പ്രാധാ​ന്യം കല്‌പി​ക്കു​ന്ന​തു​കൊണ്ട്‌ അവർ “മററു​ള്ള​വ​രോ​ടൊ​പ്പം നിൽക്കു​ന്ന​തിന്‌” സ്വയം സമ്മർദ്ദം വരുത്തി​ക്കൂ​ട്ടു​ന്നു. ഇത്‌ അപകട​ക​ര​മാ​യി​രി​ക്കാൻ കഴിയു​മോ? അതിന്‌ നിങ്ങളെ ബാധി​ക്കാൻ കഴിയു​മോ?

ആളുകൾ അഭിമു​ഖീ​ക​രി​ക്കുന്ന സമ്മർദ്ദങ്ങൾ

ധനവാ​നാ​കാ​നുള്ള വ്യക്തി​പ​ര​മായ അതി​മോ​ഹ​ത്തിന്‌ സമ്മർദ്ദം വരുത്തി​ക്കൂ​ട്ടാൻ കഴിയും. അനേകർ തങ്ങളുടെ “ഉപജീ​വ​ന​മാർഗ്ഗ​ത്തി​ന്റെ പ്രതാ​പ​പ്ര​ക​ടനം” നടത്താൻ, സാമൂ​ഹ്യ​മായ അന്തസ്സും പ്രാമു​ഖ്യ​ത​യും നേടാൻ, ആഗ്രഹി​ക്കു​ന്നു.—1 യോഹ​ന്നാൻ 2:16

കുടും​ബം സമ്മർദ്ദം ചെലു​ത്തി​യേ​ക്കാം. പല കുടും​ബ​ങ്ങ​ളി​ലും കുടും​ബ​ത്തി​ന്റെ സാമൂ​ഹ്യ​നില ഉയർത്താൻ തന്റെ വരുമാ​ന​വും ജോലി​സ്ഥ​ലത്തെ നിലയും മെച്ച​പ്പെ​ടു​ത്താൻ ഭർത്താവ്‌ നിരന്തരം കഠിന​യ​ത്‌നം ചെയ്യേ​ണ്ടി​യി​രി​ക്കു​ന്നു. അല്ലെങ്കിൽ ഭാര്യ വിജയ​ശാ​ലി​നി​യായ ഒരു ജോലി​ക്കാ​രി​യാ​യി​രി​ക്കാൻ കഠിന​യ​ത്‌നം ചെയ്‌തേ​ക്കാം. കുട്ടികൾ സ്‌ക്കൂ​ളിൽ അന്യാ​യ​മാ​യി ഉയർന്ന മാർക്കു​കൾ വാങ്ങാൻ നിർബ​ന്ധി​ക്ക​പ്പെ​ട്ടേ​ക്കാം. ഇത്‌ വിശേ​ഷാൽ വികസ്വര രാജ്യ​ങ്ങ​ളിൽ ഒരു പ്രശ്‌ന​മാണ്‌. അവിടെ അനേകർ വിശ്വ​സി​ക്കു​ന്നത്‌ ഒരു വ്യക്തിക്ക്‌ തന്റെ ജീവി​ത​ഭാ​ഗ​ധേയം മെച്ച​പ്പെ​ടു​ത്തു​ന്ന​തി​നുള്ള താക്കോൽ ഉന്നത വിദ്യാ​ഭ്യാ​സ​മാ​ണെ​ന്നാണ്‌.

ഉന്നത വിദ്യാ​ഭ്യാ​സ​വും ധനവും അന്തസ്സും സ്വാധീ​ന​വും ലക്ഷ്യമാ​ക്കു​ന്ന​തിന്‌ സമുദാ​യ​വും സമ്മർദ്ദം​ചെ​ലു​ത്തി​യേ​ക്കാം. സാധാ​ര​ണ​യാ​യി പണത്തിന്റെ അടിസ്ഥാ​ന​ത്തിൽ അളക്ക​പ്പെ​ടുന്ന വിജയം പ്രാമു​ഖ്യ​ത​യി​ലേ​ക്കും പ്രശം​സ​യി​ലേ​ക്കും ബഹുമാ​ന​ത്തി​ലേ​ക്കും നയി​ച്ചേ​ക്കാം. ഒരു നൈജീ​രി​യൻ ഡയിലി റൈറസ്‌ മുഖ​പ്ര​സം​ഗം ഇങ്ങനെ പ്രസ്‌താ​വി​ച്ചു: “ഒരുവന്‌ പണമി​ല്ലെ​ങ്കിൽ, അയാളു​ടെ ഗുണങ്ങൾ എത്ര മേൻമ​യു​ള്ള​വ​യും മതിപ്പു​ള​വാ​ക്കു​ന്ന​വ​യു​മാ​ണെ​ങ്കി​ലും മിക്കവ​രും അയാളെ ബഹുമാ​നി​ക്കു​ക​യോ അംഗീ​ക​രി​ക്കു​ക​യോ ചെയ്യു​ന്നില്ല.”

ഫലമെ​ന്താ​യി​രി​ക്കാം?

അങ്ങനെ​യുള്ള ലോക​വി​ജ​യ​ത്തിന്‌ കുറെ ആസ്വാ​ദനം കൈവ​രു​ത്താൻ കഴിയും, എന്നാൽ അത്‌ ഈടാ​ക്കുന്ന ഉയർന്ന വില പരിഗ​ണി​ക്കുക. വർത്തമാ​ന​പ്പത്ര പംക്തീ​കാ​രൻ അക്കിക്കെ ഒക്കാഫോ ഇങ്ങനെ എഴുതി: “ഏറെയും ഉറച്ച കുടും​ബങ്ങൾ പണവും പണം കൊടു​ത്തു വാങ്ങാൻക​ഴി​യു​ന്ന​തും നിമിത്തം . . . തകർന്നു​പോ​കു​ക​യാണ്‌. . . . ഒന്നിച്ചു​നിൽക്കാൻ ഇപ്പോ​ഴും കഴിയുന്ന ഇണകൾ പോലും മാതാ​പി​താ​ക്ക​ളു​ടേ​തായ ഉത്തരവാ​ദി​ത്ത​ങ്ങ​ളു​ടെ അടിസ്ഥാ​ന​ത്തി​ലല്ല മേലാൽ സംസാ​രി​ക്കു​ന്നത്‌ . . . എന്തു​കൊ​ണ്ടെ​ന്നാൽ ഒട്ടുമി​ക്ക​പ്പോ​ഴും അവർ ക്ഷേമത്തി​ന്റെ ഭൗതി​കാ​വ​ശ്യ​ങ്ങൾക്കാ​യുള്ള പരക്കം​പാ​ച്ചി​ലി​ലാണ്‌.” ഇതി​നോട്‌ മയക്കു​മ​രു​ന്നി​ലേ​ക്കും കുററ​കൃ​ത്യ​ങ്ങ​ളി​ലേ​ക്കും തിരി​യുന്ന അല്ലെങ്കിൽ വീട്ടിൽ നിന്ന്‌ ഓടി​പ്പോ​കുന്ന അവഗണി​ക്ക​പ്പെട്ട കുട്ടി​ക​ളു​ടെ പ്രശ്‌ന​വും കൂട്ടുക. വില വളരെ ഉയർന്ന​താ​യി​ത്തീ​രു​ന്നു.

വിജയി​ക്കാ​നു​ള്ള സമ്മർദ്ദം ചില അതി​മോ​ഹി​കളെ സത്യസ​ന്ധ​ത​യി​ല്ലാ​യ്‌മ​യി​ലേ​ക്കും ദുർമ്മാർഗ്ഗ​ത്തി​ലേ​ക്കും തള്ളിവി​ട്ടി​രി​ക്കു​ന്നു. പെൺകു​ട്ടി​കൾ നല്ല പരീക്ഷാ​ഫ​ല​ങ്ങൾക്കും തൊഴി​ലി​നും​വേണ്ടി ലൈം​ഗിക ഉപകാ​രങ്ങൾ പോലും ചെയ്‌തു​കൊ​ടു​ത്തി​ട്ടുണ്ട്‌. മാന്യ​മാ​യി വിജയം നേടു​മ്പോൾപോ​ലും അഭിവൃ​ദ്ധി​പ്രാ​പി​ക്കു​ന്നവർ അത്രതന്നെ വിജയം കിട്ടാ​ത്ത​വ​രു​ടെ നീരസ​ത്തെ​യും അല്ലെങ്കിൽ അസൂയ​യെ​യും, അതു​പോ​ലെ​തന്നെ ധനത്താ​ലും അന്തസ്സി​നാ​ലും ആകർഷി​ക്ക​പ്പെ​ടുന്ന “സുഹൃ​ത്തു​ക്ക​ളു​ടെ” കാപട്യ​ത്തെ​യും, അഭിമു​ഖീ​ക​രി​ച്ചേ​ക്കാം. (സഭാ​പ്ര​സം​ഗി 5:11) ഇത്‌ യഥാർത്ഥ​ത്തിൽ വിജയ​മാ​ണോ?

ബൈബി​ളി​ലെ സഭാ​പ്ര​സം​ഗി​യു​ടെ ജ്ഞാനി​യായ എഴുത്തു​കാ​രൻ അല്ല എന്ന്‌ ഉത്തരം നല്‌കു​ന്നു. തന്റെ വലിയ ധനത്തെ​യും അധികാ​ര​ത്തെ​യും അന്തസ്സി​നെ​യും അവ നേടി​ക്കൊ​ടുത്ത ആസ്വാ​ദ​ന​ത്തേ​യും അവലോ​ക​നം​ചെ​യ്‌ത​ശേഷം അവ “മായയും കാററി​നു പിന്നാ​ലെ​യുള്ള ഓട്ടവും” ആണെന്ന്‌ അവൻ നിഗമനം ചെയ്‌തു.—സഭാ​പ്ര​സം​ഗി 2:3-11.

ജീവി​ത​ത്തി​ലെ സകല യത്‌ന​ങ്ങ​ളും വ്യർത്ഥ​മാ​ണെ​ന്നാ​ണോ അതിന്റെ അർത്ഥം? അല്ലെങ്കിൽ ഉല്‌പാ​ദ​ക​മായ ഒരു ജീവി​ത​വൃ​ത്തി കെട്ടു​പ​ണി​ചെ​യ്യു​മ്പോൾ ആളുകൾക്ക്‌ പാലി​ക്കാൻ കഴിയുന്ന ഉചിത​മായ സമനി​ല​യു​ണ്ടോ? അവരുടെ ഏററവും പ്രയോ​ജ​ന​ക​ര​മായ ലക്ഷ്യ​മെ​ന്താ​യി​രി​ക്കാ​മെ​ന്നാണ്‌ അനുഭവം പ്രകട​മാ​ക്കു​ന്നത്‌? (w88 8/15)