ദൈവ​ത്തി​ന്റെ നൻമ നിങ്ങളെ ആകർഷി​ക്കു​ന്നു​വോ?

നിങ്ങൾക്ക്‌ വളരെ അടുപ്പ​മുള്ള ഒരു സുഹൃ​ത്തു​ണ്ടോ? ഉണ്ടെങ്കിൽ, ആ ആളി​ലേക്കു നിങ്ങളെ ആകർഷി​ച്ച​തെ​ന്താ​ണെന്ന്‌ നിങ്ങൾ എന്നെങ്കി​ലും ചിന്തി​ച്ചി​ട്ടു​ണ്ടോ? അത്‌ അയാളു​ടെ (അല്ലെങ്കിൽ അവളുടെ) സൗന്ദര്യ​മാ​യി​രു​ന്നോ? നിങ്ങൾ ഒരേ കാര്യ​ങ്ങ​ളിൽ താത്‌പ​ര്യ​മു​ള്ള​വ​രാ​യി​രു​ന്നു​വെന്ന വസ്‌തു​ത​യാ​യി​രു​ന്നോ അത്‌? അതോ, അത്‌ ദയയോ ജ്ഞാനമോ പോലെ ആഴമേ​റിയ ഗുണങ്ങ​ളാ​യി​രു​ന്നോ? നിങ്ങളു​ടെ സൗഹൃ​ദത്തെ അരക്കി​ട്ടു​റ​പ്പിച്ച ഗുണം നൻമയാ​യി​രു​ന്നു​വെ​ങ്കിൽ, അപ്പോൾ നിങ്ങൾക്ക്‌ തീർച്ച​യാ​യും സമ്പന്നമായ ഒരു ബന്ധമാ​ണു​ള്ളത്‌. യഥാർത്ഥ നൻമ ഇന്ന്‌ വിരള​മാ​യേ കാണ​പ്പെ​ടു​ന്നു​ള്ളു, കാരണം ആളുകൾ ഏറിയ കൂറും “നൻമ​പ്രി​യം ഇല്ലാത്ത​വ​രാണ്‌.”—2 തിമൊ​ഥെ​യോസ്‌ 3:3.

ഒരു ക്രിസ്‌ത്യാ​നി​യെ സംബന്ധി​ച്ചി​ട​ത്തോ​ളം, ജീവി​ത​ത്തി​ലെ ഏററം പ്രധാ​ന​പ്പെട്ട ബന്ധം മറെറാ​രു മനുഷ്യ​നു​മാ​യി​ട്ടല്ല, പിന്നെ​യോ ദൈവ​വു​മാ​യി​ട്ടാ​ണു​ള്ളത്‌. അതു​കൊണ്ട്‌ നിങ്ങൾ ഈ ബന്ധത്തെ​ക്കു​റി​ച്ചു ചിന്തി​ക്കു​മ്പോൾ, ‘ദൈവ​ത്തി​ന്റെ ഗുണങ്ങ​ളിൽ ഏതാണ്‌ എന്നെ ദൈവ​ത്തി​ലേക്ക്‌ അടുപ്പി​ക്കു​ന്നത്‌?’ എന്നു നിങ്ങൾ എന്നെങ്കി​ലും പരിചി​ന്തി​ച്ചി​ട്ടു​ണ്ടോ?

ദൈവ​ത്തി​ന്റെ മുഖ്യ ഗുണവി​ശേ​ഷ​ങ്ങൾ

യഥാർത്ഥ​ത്തിൽ, ബൈബിൾ ദൈവ​ത്തി​ന്റെ അനേകം പ്രമുഖ ഗുണങ്ങളെ വർണ്ണി​ക്കു​ന്നുണ്ട്‌. സാധാ​ര​ണ​യാ​യി പ്രദീ​പ്‌ത​മാ​ക്ക​പ്പെ​ടുന്ന നാലെണ്ണം അവന്റെ സ്‌നേ​ഹ​വും നീതി​യും ജ്ഞാനവും സർവശ​ക്തി​യു​മാണ്‌. (ആവർത്തനം 32:4; ഇയ്യോബ്‌ 12:13; സങ്കീർത്തനം 147:5; 1 യോഹ​ന്നാൻ 4:8) ഈ മുന്തിയ ഗുണങ്ങ​ളി​ലൊന്ന്‌ നാം തെര​ഞ്ഞെ​ടു​ക്കേ​ണ്ട​തു​ണ്ടെ​ങ്കിൽ, ഒരുപക്ഷേ ദൈവ​ത്തി​ന്റെ സ്‌നേ​ഹ​മാണ്‌ നമ്മെ ഏററവു​മ​ധി​കം ആകർഷി​ച്ച​തെന്ന്‌ നാം പറഞ്ഞേ​ക്കാം. ഏതായാ​ലും, അവന്റെ സ്‌നേ​ഹ​ത്തോട്‌ അടുത്തു ബന്ധപ്പെ​ട്ടി​രി​ക്കു​ന്ന​താണ്‌ അവന്റെ മികച്ച​തായ നൻമ. ബൈബി​ളെ​ഴു​ത്തു​കാർ ഇതി​നെ​ക്കു​റിച്ച്‌ വാചാ​ല​മാ​യി എഴുതി​യി​ട്ടുണ്ട്‌. അങ്ങനെ​യുള്ള നൻമക്ക്‌ മനുഷ്യ​രെ അവരുടെ സ്രഷ്‌ടാ​വു​മാ​യുള്ള ആരോ​ഗ്യ​പ്ര​ദ​വും ഉല്ലാസ​പ്ര​ദ​വു​മായ ഒരു ബന്ധത്തി​ലേക്ക്‌ ആകർഷി​ക്കാൻ കഴിയും.

ദൃഷ്ടാ​ന്ത​ത്തിന്‌, ക്രി.മു. ആറാം നൂററാ​ണ്ടി​ന്റെ ഒടുവിൽ, പ്രവാ​ച​ക​നായ സെഖര്യാവ്‌ യഹോ​വയെ സംബന്ധിച്ച്‌ ഇങ്ങനെ ഉദ്‌ഘോ​ഷി​ച്ചു: “അവന്റെ നൻമ എത്ര വലുതാ​കു​ന്നു, അവന്റെ സൗന്ദര്യം എത്ര വലുതാ​കു​ന്നു!” (സെഖര്യാവ്‌ 9:17) സെഖര്യാ​വിന്‌ അനേകം വർഷങ്ങൾക്കു മുമ്പ്‌, പിൻവ​രു​ന്ന​പ്ര​കാ​രം എഴുതി​യ​പ്പോൾ യെശയ്യാവ്‌ സമാന​മാ​യി യഹോ​വയെ സ്‌തു​തി​ച്ചു: “ഞാൻ യഹോ​വ​യു​ടെ സ്‌നേ​ഹ​ദ​യ​യെ​ക്കു​റി​ച്ചു പറയും, . . . അവൻ ഇസ്രാ​യേൽ ഗൃഹ​ത്തോ​ടു കാട്ടി​യി​രി​ക്കുന്ന സമൃദ്ധ​മായ നൻമ​യെ​ക്കു​റി​ച്ചു​തന്നെ.—യെശയ്യാവ്‌ 63:7.

മൂന്നു നൂററാ​ണ്ടു​കൾക്കു മുമ്പ്‌ ദാവീ​ദ്‌രാ​ജാവ്‌ ദൈവ​ത്തി​ന്റെ നൻമ​യെ​ക്കു​റിച്ച്‌ വളരെ വികാ​ര​സ്‌പർശി​യാ​യി എഴുതി​യി​രു​ന്നു. ദാവീദ്‌ തന്റെ ജീവി​ത​ത്തി​ലു​ട​നീ​ളം ആസ്വദിച്ച നൻമയു​ടെ അനുഭ​വ​ത്തിൽനി​ന്നാണ്‌ എഴുതി​യത്‌. ദൈവം ദാവീ​ദി​നോട്‌ അങ്ങേയ​ററം നല്ലവനാ​യി​രു​ന്നു, വിശേ​ഷിച്ച്‌ ബേത്‌ശേ​ബ​യോ​ടും അവളുടെ ഭർത്താ​വാ​യി​രുന്ന ഊരി​യാ​വി​നോ​ടു​മുള്ള ബന്ധത്തിലെ അവന്റെ ഗുരു​ത​ര​മായ പാപങ്ങൾക്കു​ശേഷം. അന്ന്‌ ദൈവം അവനോ​ടു കരുണ കാണിച്ചു. (2 ശമുവേൽ 12:9, 13) സങ്കീർത്തനം 31:19-ൽ ദാവീദ്‌ വിലമ​തി​പ്പോ​ടെ ഇങ്ങനെ പ്രഖ്യാ​പി​ച്ചു: “നിന്നെ ഭയപ്പെ​ടു​ന്ന​വർക്കു​വേണ്ടി നീ കരുതി​യി​രി​ക്കുന്ന നിന്റെ നൻമ എത്ര സമൃദ്ധം!”

ആ പുരാതന ആരാധ​ക​രെ​പ്പോ​ലെ അത്രയ​ധി​ക​മാ​യി നിങ്ങൾ ദൈവ​ത്തി​ന്റെ നൻമയെ വിലമ​തി​ക്കു​ന്നു​വോ? എങ്കിൽ, നിങ്ങൾ “സകല ചിന്ത​യേ​യും കവിയുന്ന” യഥാർത്ഥ “സമാധാ​നം” അനുഭ​വി​ക്കു​ക​യും എല്ലാ സമയങ്ങ​ളി​ലും ദൈ​വേഷ്ടം ചെയ്യാൻ ആഴമായി പ്രേരി​ത​നാ​കു​ക​യും ചെയ്യും. (ഫിലി​പ്പി​യർ 4:7) ഇപ്പോൾ ചുരുക്കം ചില നിമി​ഷ​ങ്ങ​ളിൽ ദൈവ​ത്തി​ന്റെ നൻമയിൽ എന്തുൾപ്പെ​ട്ടി​രി​ക്കു​ന്നു​വെ​ന്നും അതിന്റെ വ്യാപ്‌തി എത്ര അത്ഭുത​ക​ര​മെ​ന്നും പരിചി​ന്തി​ക്കാം. ഇതു തീർച്ച​യാ​യും നമ്മുടെ സ്‌നേ​ഹ​വാ​നായ സ്വർഗ്ഗീ​യ​പി​താ​വി​നോ​ടുള്ള നമ്മുടെ വിലമ​തി​പ്പി​നെ ആഴമേറിയതാക്കും.(w89 12⁄1)