വിശ്വാ​സ​വും ഒരു നല്ല മനസ്സാ​ക്ഷി​യും പിടി​ച്ചു​കൊ​ള്ളുക

ഒന്നു തിമൊ​ഥെ​യോ​സിൽനി​ന്നുള്ള വിശേ​ഷാ​ശ​യ​ങ്ങൾ

അപ്പോ​സ്‌ത​ല​നായ പൗലോസ്‌ ക്രി.വ. ഏകദേശം 56-ൽ എഫേസൂസ്‌ സഭയിലെ മൂപ്പൻമാ​രു​ടെ​യി​ട​യിൽ നിന്ന്‌ “ക്രൂര ചെന്നാ​യ്‌ക്കൾ” എഴു​ന്നേൽക്കു​മെ​ന്നും “ശിഷ്യൻമാ​രെ തങ്ങളുടെ പിന്നാലെ വലിക്കു​ന്ന​തിന്‌ വളച്ചൊ​ടി​ക്ക​പ്പെട്ട കാര്യങ്ങൾ സംസാ​രി​ക്കു​മെ​ന്നും” അവർക്കു മുന്നറി​യി​പ്പു കൊടു​ത്തു. (പ്രവൃ​ത്തി​കൾ 20:29, 30) സഭയുടെ ശുദ്ധി കാത്തു​സൂ​ക്ഷി​ക്കു​ന്ന​തി​നും സഹവി​ശ്വാ​സി​കളെ വിശ്വാ​സ​ത്തിൽ നിലനിൽക്കു​ന്ന​തിന്‌ സഹായി​ക്കു​ന്ന​തി​നും​വേണ്ടി സഭക്കു​ള്ളിൽ ആത്മീയ​പോ​രാ​ട്ടം നടത്താൻ പൗലോസ്‌ തിമൊ​ഥെ​യോ​സി​നെ ഉപദേ​ശി​ക്ക​ത്ത​ക്ക​വണ്ണം ചുരു​ക്കം​ചില വർഷങ്ങൾക്കു​ള്ളിൽ വിശ്വാ​സ​ത്യാ​ഗം അത്ര ഗുരു​ത​ര​മാ​യി​ത്തീർന്നി​രു​ന്നു. ക്രി.വ. ഉദ്ദേശം 61-64-ൽ പൗലോസ്‌ മക്കദോ​ന്യ​യിൽനിന്ന്‌ തിമൊ​ഥെ​യോ​സിന്‌ തന്റെ ഒന്നാമത്തെ ലേഖനം എഴുതി​യ​തി​ന്റെ ഒരു പ്രമു​ഖ​കാ​രണം അതായി​രു​ന്നു.

ഒരു മൂപ്പന്റെ ചുമത​ലകൾ, സ്‌ത്രീ​ക​ളു​ടെ ദൈവ​നി​യ​മിത സ്ഥാനം, മൂപ്പൻമാ​രു​ടെ​യും ശുശ്രൂ​ഷാ​ദാ​സൻമാ​രു​ടെ​യും യോഗ്യ​തകൾ, മററു കാര്യങ്ങൾ എന്നിവ​സം​ബ​ന്ധിച്ച്‌ തിമൊ​ഥെ​യോസ്‌ പ്രബോ​ധി​പ്പി​ക്ക​പ്പെട്ടു. അത്തരം പ്രബോ​ധ​നങ്ങൾ ഇന്നും പ്രയോ​ജ​ന​ക​ര​ങ്ങ​ളാണ്‌.

വിശ്വാ​സം​സം​ബ​ന്ധിച്ച ഉദ്‌ബോ​ധ​നം

പൗലോസ്‌ വിശ്വാ​സ​വും ഒരു നല്ല മനസ്സാ​ക്ഷി​യും പിടി​ച്ചു​കൊ​ള്ളു​ന്ന​തിന്‌ ബുദ്ധി​യു​പ​ദേ​ശി​ച്ചു​കൊണ്ട്‌ ആരംഭി​ക്കു​ന്നു. (1 തിമൊ​ഥെ​യോസ്‌ 1:1-20) എഫേസൂ​സിൽ താമസി​ക്കാ​നും “വ്യത്യസ്‌ത ഉപദേ​ശങ്ങൾ പഠിപ്പി​ക്കാ​തി​രി​ക്കാൻ ചില​രോട്‌ ആജ്ഞാപി​ക്കാ​നും” അവൻ തിമൊ​ഥെ​യോ​സി​നെ പ്രോ​ത്സാ​ഹി​പ്പി​ച്ചു. പൗലോസ്‌ യേശു​വി​ന്റെ അനുഗാ​മി​കളെ പീഡി​പ്പി​ച്ച​പ്പോൾ അജ്ഞതയാ​ലും വിശ്വാ​സ​ക്കു​റ​വി​നാ​ലും താൻ അങ്ങനെ ചെയ്‌തു എന്ന്‌ സമ്മതി​ച്ചു​കൊണ്ട്‌ തനിക്കു നിയോ​ഗി​ക്ക​പ്പെട്ട ശുശ്രൂഷ സംബന്ധിച്ച്‌ നന്ദി​പ്ര​ക​ടി​പ്പി​ച്ചു. അപ്പോ​സ്‌ത​ല​നായ പൗലോസ്‌, “വിശ്വാ​സ​വും ഒരു നല്ല മനസ്സാ​ക്ഷി​യും പിടി​ച്ചു​കൊ​ണ്ടും” “തങ്ങളുടെ വിശ്വാ​സം സംബന്ധിച്ച്‌ കപ്പൽചേതം അനുഭ​വിച്ച”വരെ​പ്പോ​ലെ​യാ​യി​ത്തീ​രാ​തി​രു​ന്നു കൊണ്ടും ആത്മീയ പോരാ​ട്ടം നടത്തി​ക്കൊ​ണ്ടി​രി​ക്കാൻ തിമൊ​ഥെ​യോ​സി​നോട്‌ ആജ്ഞാപി​ച്ചു.

ആരാധന സംബന്ധിച്ച്‌ ബുദ്ധി​യു​പ​ദേ​ശം

അടുത്ത​താ​യി പൗലോസ്‌ “വിശ്വാ​സ​വും സത്യവും സംബന്ധിച്ച്‌ ജനതക​ളു​ടെ ഒരു ഉപദേ​ഷ്ടാവ്‌” എന്ന നിലയിൽ ബുദ്ധി​യു​പ​ദേശം കൊടു​ത്തു. (2:1-15) ക്രിസ്‌ത്യാ​നി​കൾക്ക്‌ സമാധാ​ന​പ​ര​മാ​യി ജീവി​ക്കാൻ സാധി​ക്കേ​ണ്ട​തിന്‌ ഉന്നതസ്ഥാ​ന​ങ്ങ​ളിൽ ഉള്ളവ​രെ​സം​ബ​ന്ധിച്ച്‌ പ്രാർത്ഥി​ക്കണം. സകലതരം ആളുക​ളും രക്ഷപ്പെ​ട​ണ​മെ​ന്ന​താണ്‌ ദൈവ​ത്തി​ന്റെ ഇഷ്ടം, ക്രിസ്‌തു “എല്ലാവർക്കും​വേണ്ടി തുല്യ മറുവി​ല​യാ​യി കൊടു​ത്തു” എന്നതാണ്‌ ജീവൽപ്ര​ധാ​ന​മായ ഒരു ഉപദേശം. ഒരു സ്‌ത്രീ എളിമ ധരിക്കു​ക​യും പുരു​ഷ​ന്റെ​മേൽ ആധിപ​ത്യം നടത്താ​തി​രി​ക്കു​ക​യും വേണം എന്ന്‌ പൗലോസ്‌ പ്രകട​മാ​ക്കി.

സഭ നന്നായി സംഘടി​പ്പി​ക്ക​പ്പെ​ട്ടി​രി​ക്കണം. (3:1-16) അതു​കൊണ്ട്‌ പൗലോസ്‌ മേൽവി​ചാ​ര​കൻമാ​രു​ടെ​യും ശുശ്രൂ​ഷാ​ദാ​സൻമാ​രു​ടെ​യും യോഗ്യ​തകൾ വിവരി​ച്ചു. അപ്പോ​സ്‌ത​ല​നായ പൗലോസ്‌ എഴുതിയ കാര്യ​ങ്ങ​ളിൽനിന്ന്‌ തിമൊ​ഥെ​യോസ്‌, “സത്യത്തി​ന്റെ ഒരു തൂണും താങ്ങും” ആയ സഭയിൽ പെരു​മാ​റേ​ണ്ട​തെ​ങ്ങ​നെ​യെന്ന്‌ അറിയു​മാ​യി​രു​ന്നു.

വ്യാ​ജോ​പ​ദേ​ശ​ത്തി​നെ​തി​രെ തന്നേത്തന്നെ സൂക്ഷി​ക്കു​ന്ന​തിന്‌ തിമൊ​ഥെ​യോ​സിന്‌ പൗലോസ്‌ വ്യക്തി​പ​ര​മായ ബുദ്ധി​യു​പ​ദേശം കൊടു​ത്തു. (4:1-16) പിൽക്കാ​ല​ങ്ങ​ളിൽ ചിലർ വിശ്വാ​സ​ത്തിൽനിന്ന്‌ വീണു​പോ​കും. എന്നാൽ തനിക്കു​ത​ന്നെ​യും തന്റെ ഉപദേ​ശ​ത്തി​നും സ്ഥിരമായ ശ്രദ്ധനൽകു​ന്ന​തി​നാൽ തിമൊ​ഥെ​യോസ്‌, ‘തന്നെത്ത​ന്നെ​യും തന്നെ ശ്രദ്ധി​ക്കു​ന്ന​വ​രെ​യും’ രക്ഷിക്കു​മാ​യി​രു​ന്നു.

ചെറു​പ്പ​ക്കാ​രും പ്രായ​മു​ള്ള​വ​രു​മായ വ്യക്തി​ക​ളോ​ടു ഇടപെ​ടു​ന്ന​തു​സം​ബ​ന്ധി​ച്ചും തിമൊ​ഥെ​യോ​സി​നു ബുദ്ധി​യു​പ​ദേശം ലഭിച്ചു. (5:1-25) ദൃഷ്ടാ​ന്ത​ത്തിന്‌, നല്ല ക്രിസ്‌തീ​യ​കീർത്തി​യുള്ള പ്രായ​മേ​റിയ വിധവ​മാർക്കു​വേണ്ടി അനു​യോ​ജ്യ​മായ ക്രമീ​ക​ര​ണങ്ങൾ ചെയ്യണ​മാ​യി​രു​ന്നു. ഏഷണി​പ​റ​ഞ്ഞു​ന​ട​ക്കാ​തെ പ്രായ​ക്കു​റ​വുള്ള വിധവ​മാർ വിവാ​ഹം​ചെ​യ്യു​ക​യും കുട്ടി​കളെ പ്രസവി​ക്കു​ക​യും വേണം. നല്ലരീ​തി​യിൽ ആദ്ധ്യക്ഷം​വ​ഹി​ക്കുന്ന പ്രായ​മേ​റിയ പുരു​ഷൻമാർ ഇരട്ടി മാനത്തിന്‌ യോഗ്യ​രാ​യി എണ്ണപ്പെ​ട​ണ​മാ​യി​രു​ന്നു.

സ്വയം​പ​ര്യാ​പ്‌ത​ത​യോ​ടു​കൂ​ടിയ ദൈവി​ക​ഭ​ക്തി

ദൈവി​ക​ഭക്തി സംബന്ധിച്ച ബുദ്ധി​യു​പ​ദേ​ശ​ത്തോ​ടെ പൗലോ​സി​ന്റെ ലേഖന​മ​വ​സാ​നി​ച്ചു. (6:1-21) “സ്വയം പര്യാ​പ്‌ത​ത​യോ​ടു​കൂ​ടിയ ദൈവി​ക​ഭക്തി വലിയ നേട്ടത്തി​നുള്ള ഒരു മാർഗ്ഗ​മാ​കു​ന്നു, എന്നാൽ ധനിക​നാ​കാ​നുള്ള തീരു​മാ​നം നാശത്തി​ലേ​ക്കും കെടു​തി​യി​ലേ​ക്കും നയിക്കു​ന്നു. വിശ്വാ​സ​ത്തി​ന്റെ നല്ല പോരാ​ട്ടം കഴിക്കാ​നും ‘നിത്യ​ജീ​വ​ന്റെ​മേൽ ഒരു ദൃഢമായ പിടി ലഭിക്കാ​നും’ പൗലോസ്‌ തിമൊ​ഥെ​യോ​സി​നെ ഉപദേ​ശി​ച്ചു. ആ യഥാർത്ഥ ജീവ​ന്റെ​മേൽ പിടി​ല​ഭി​ക്കു​ന്ന​തിന്‌ ധനികർ “തങ്ങളുടെ പ്രത്യാശ അനിശ്ചി​ത​മായ ധനത്തിലല്ല, പിന്നെ​യോ ദൈവ​ത്തിൽ വെക്കേണ്ടി”യിരുന്നു. (w91 1⁄15)

[27-ാം പേജിലെ ചതുരം/ചിത്രം]

പ്രസവത്തിലൂടെ രക്ഷിക്ക​പ്പെ​ടു​ന്നു: “അവർ സുബോ​ധ​ത്തോ​ടെ വിശ്വാ​സ​ത്തി​ലും സ്‌നേ​ഹ​ത്തി​ലും വിശു​ദ്ധീ​ക​ര​ണ​ത്തി​ലും തുടരു​ന്നു​വെ​ങ്കിൽ പ്രസവ​ത്തി​ലൂ​ടെ അവർ സുരക്ഷി​ത​രാ​യി സൂക്ഷി​ക്ക​പ്പെ​ടും” എന്ന്‌ പൗലോസ്‌ എഴുതി​യ​പ്പോൾ അവൻ നിത്യ​ജീ​വ​നി​ലേ​ക്കുള്ള രക്ഷയെ​ക്കു​റി​ച്ചല്ല പിന്നെ​യോ ദൈവ​ഭ​ക്തി​യുള്ള ഒരു സ്‌ത്രീ​യു​ടെ ഉചിത​മായ ധർമ്മ​ത്തെ​ക്കു​റിച്ച്‌ ചർച്ച​ചെ​യ്യു​ക​യാ​യി​രു​ന്നു. (1 തിമൊ​ഥെ​യോസ്‌ 2:11-15) പ്രസവ​ത്തി​ലൂ​ടെ​യും തന്റെ മക്കളെ പരിപാ​ലി​ക്കു​ന്ന​തി​ലൂ​ടെ​യും കുടും​ബ​കാ​ര്യം നോക്കു​ന്ന​തി​ലൂ​ടെ​യും ഒരു സ്‌ത്രീ തൊഴി​ലി​ല്ലാത്ത ഒരു ഏഷണി​ക്കാ​രി​യും മററു​ള്ള​വ​രു​ടെ കാര്യ​ങ്ങ​ളിൽ തലയി​ടു​ന്ന​വ​ളു​മാ​യി​ത്തീ​രു​ന്ന​തിൽനിന്ന്‌ “സുരക്ഷി​ത​മാ​യി സൂക്ഷി​ക്ക​പ്പെ​ടും.” (1 തിമൊ​ഥെ​യോസ്‌ 5:11-15) അവളുടെ ഗാർഹി​ക​പ്ര​വർത്ത​നങ്ങൾ യഹോ​വ​ക്കാ​യുള്ള അവളുടെ സേവന​ത്തിന്‌ പൂരക​മാ​യി​രി​ക്കും. തീർച്ച​യാ​യും, സകല ക്രിസ്‌ത്യാ​നി​ക​ളും തങ്ങളുടെ നടത്തയെ സൂക്ഷി​ക്കു​ക​യും തങ്ങളുടെ സമയത്തെ ബുദ്ധി​പൂർവം ഉപയോ​ഗി​ക്കു​ക​യും ചെയ്യണം.—എഫേസ്യർ 5:15, 16.