എല്ലായ്‌പോ​ഴും നിങ്ങളു​ടെ ഭാരം യഹോ​വ​യു​ടെ​മേൽ ഇടുക

ഇന്ന്‌ അനേകർക്കു ഭാരങ്ങ​ളാൽ ഞെരുക്കം അനുഭ​വ​പ്പെ​ടു​ന്നു. സാമ്പത്തി​ക​പ്ര​യാ​സങ്ങൾ, ആകുലീ​ക​രി​ക്കുന്ന കുടും​ബ​പ്ര​ശ്‌നങ്ങൾ, ആരോ​ഗ്യ​പ്ര​ശ്‌നങ്ങൾ, പീഡന​വും ദുർഭ​ര​ണ​വും നിമി​ത്ത​മുള്ള വേദന​യും കഷ്ടപ്പാ​ടും, എന്നിവ​യും മററ​നേകം ക്ലേശങ്ങ​ളും തിരി​ക​ല്ലു​കൾപോ​ലെ അവരുടെ കഴുത്തി​നു ചുററും തൂങ്ങി​ക്കി​ട​ക്കു​ക​യാണ്‌. ഈ ബാഹ്യ​സ​മ്മർദ​ങ്ങൾക്കു പുറമേ, ചിലർക്കു സ്വന്തം അപൂർണ​തകൾ നിമി​ത്ത​മുള്ള വ്യക്തി​പ​ര​മായ അയോ​ഗ്യ​ത​യു​ടെ​യും പരാജ​യ​ത്തി​ന്റെ​യും ബോധ​ത്താ​ലും ഭാരം അനുഭ​വ​പ്പെ​ടു​ന്നു. അനേകർ മുഴു​വ​നാ​യും പോരാ​ട്ടം നിർത്തി​ക്ക​ള​യാൻ പ്രലോ​ഭി​ത​രാ​യി​ത്തീ​രു​ന്നു. ഭാരങ്ങൾ ദുർവ​ഹ​മാ​യി തോന്നു​മ്പോൾ നിങ്ങൾക്ക്‌ എങ്ങനെ അതിനെ തരണം​ചെ​യ്യാൻ കഴിയും?

ഒരു സമയത്ത്‌ ഇസ്രാ​യേ​ലി​ലെ ദാവീ​ദു​രാ​ജാ​വി​നു ഭാരം മിക്കവാ​റും ദുർവ​ഹ​മാ​യി തോന്നി. സങ്കീർത്തനം 55 അനുസ​രിച്ച്‌ അവൻ തന്റെ ശത്രു​ക്ക​ളിൽനി​ന്നുള്ള സമ്മർദ​ങ്ങ​ളാ​ലും വൈരാ​ഗ്യ​ത്താ​ലു​മുള്ള ഉത്‌ക​ണ്‌ഠ​യാൽ പതറി​പ്പോ​യി. അവനു വലിയ ഹൃദയ​വേ​ദ​ന​യും ഭയവും അനുഭ​വ​പ്പെട്ടു. അവനു ദുഃഖി​ച്ചു​ക​ര​യാൻ മാത്രമേ കഴിഞ്ഞു​ള്ളു. (സങ്കീർത്തനം 55:2, 5, 17) എന്നിരു​ന്നാ​ലും തന്റെ സകല ക്ലേശങ്ങ​ളും ഗണ്യമാ​ക്കാ​തെ അവൻ അവയെ തരണം​ചെ​യ്യു​ന്ന​തി​നുള്ള ഒരു മാർഗം കണ്ടെത്തി. എങ്ങനെ? അവൻ പിന്തു​ണ​യ്‌ക്കാ​യി തന്റെ ദൈവ​ത്തി​ലേക്കു നോക്കി. അവന്റെ​പോ​ലത്തെ അനുഭ​വ​മു​ണ്ടാ​യേ​ക്കാ​വു​ന്ന​വർക്ക്‌ അവൻ കൊടുത്ത ബുദ്ധ്യു​പ​ദേശം “നിന്റെ ഭാരം യഹോ​വ​യു​ടെ മേൽത്തന്നെ ഇട്ടു​കൊൾക” എന്നതാ​യി​രു​ന്നു.—സങ്കീർത്തനം 55:22, NW.

“നിന്റെ ഭാരം യഹോ​വ​യു​ടെ​മേൽത്തന്നെ ഇട്ടു​കൊൾക” എന്നതി​നാൽ അവൻ എന്താണർഥ​മാ​ക്കി​യത്‌? അതു പ്രാർഥ​ന​യിൽ യഹോ​വയെ സമീപി​ക്കു​ന്ന​തി​ന്റെ​യും നമ്മുടെ ഉത്‌കണ്‌ഠ പ്രകടി​പ്പി​ക്കു​ന്ന​തി​ന്റെ​യും സംഗതി മാത്ര​മാ​ണോ? അതോ, സാഹച​ര്യ​ത്തി​നു പരിഹാ​രം കാണാൻ നമുക്കു​തന്നെ എന്തെങ്കി​ലും ചെയ്യാൻ കഴിയു​മോ? യഹോ​വയെ സമീപി​ക്കു​ന്ന​തി​നു നാം തീരെ അയോ​ഗ്യ​രാ​ണെന്നു നാം വിചാ​രി​ക്കു​ന്നു​വെ​ങ്കി​ലെന്ത്‌? ദാവീദ്‌ ആ വാക്കുകൾ എഴുതി​യ​പ്പോൾ അവൻ വ്യക്തമാ​യി ഓർത്തി​രി​ക്കാ​വുന്ന ചില അനുഭ​വ​ങ്ങ​ളി​ലേക്കു നോക്കു​ന്ന​തി​നാൽ ദാവീദ്‌ അർഥമാ​ക്കി​യത്‌ എന്താ​ണെന്നു നമുക്കു കണ്ടെത്താൻ കഴിയും.

യഹോ​വ​യു​ടെ ബലത്തിൽ കാര്യങ്ങൾ ചെയ്യുക

ഗോലി​യാത്ത്‌ ഇസ്രാ​യേ​ലി​ലെ പോരാ​ളി​ക​ളു​ടെ ഹൃദയ​ത്തിൽ ഭയം ജനിപ്പി​ച്ച​തെ​ങ്ങ​നെ​യെന്നു നിങ്ങൾ ഓർക്കു​ന്നു​വോ? 2.7 മീററർ പൊക്ക​മുള്ള ഈ ഭീമകാ​യൻ അവരെ ഭയപ്പെ​ടു​ത്തി. (1 ശമൂവേൽ 17:4-11, 24) എന്നാൽ ദാവീദ്‌ ഭയപ്പെ​ട്ടില്ല. എന്തു​കൊണ്ട്‌? എന്തു​കൊ​ണ്ടെ​ന്നാൽ അവൻ ഗോലി​യാ​ത്തി​നെ സ്വന്ത ബലത്തിൽ കൈകാ​ര്യം​ചെ​യ്യാൻ ശ്രമി​ച്ചില്ല. ഇസ്രാ​യേ​ലി​ന്റെ ഭാവി രാജാ​വാ​യി താൻ അഭി​ഷേകം ചെയ്യപ്പെട്ട സമയം​മു​തൽ അവൻ ചെയ്‌ത​തി​ലെ​ല്ലാം തന്നെ നയിക്കാ​നും ബലപ്പെ​ടു​ത്താ​നും അവൻ ദൈവാ​ത്മാ​വി​നെ അനുവ​ദി​ച്ചി​രു​ന്നു. (1 ശമൂവേൽ 16:13) അതു​കൊണ്ട്‌ അവൻ ഗോലി​യാ​ത്തി​നോട്‌ ഇങ്ങനെ പറഞ്ഞു: “ഞാനോ നീ നിന്ദി​ച്ചി​ട്ടുള്ള യിസ്രാ​യേൽനി​ര​ക​ളു​ടെ ദൈവ​മായ യഹോ​വ​യു​ടെ നാമത്തിൽ നിന്റെ നേരെ വരുന്നു; യഹോവ ഇന്നു നിന്നെ എന്റെ കയ്യിൽ ഏല്‌പി​ക്കും.” (1 ശമൂവേൽ 17:45, 46) ഒരു കവിണ​ക്കാ​ര​നെന്ന നിലയിൽ ദാവീദ്‌ വിദഗ്‌ധ​നാ​യി​രു​ന്നു, എന്നാൽ അവൻ ഗോലി​യാ​ത്തി​ന്റെ നേരെ പായിച്ച കല്ലിനെ യഹോ​വ​യു​ടെ പരിശു​ദ്ധാ​ത്മാ​വു നയിക്കു​ക​യും കൂടുതൽ മാരക​മാ​ക്കു​ക​യും ചെയ്‌തി​രി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും.—1 ശമൂവേൽ 17:48-51.

ദൈവം തന്നെ പിന്തു​ണ​യ്‌ക്കു​മെ​ന്നും ബലപ്പെ​ടു​ത്തു​മെ​ന്നു​മുള്ള വിശ്വാ​സ​ത്താൽ അവൻ ഈ വലിയ വെല്ലു​വി​ളി​യെ നേരി​ടു​ക​യും വിജയ​ശ്രീ​ലാ​ളി​ത​നാ​യി​ത്തീ​രു​ക​യും ചെയ്‌തു. അവൻ ദൈവ​വു​മാ​യി നല്ല, വിശ്വാ​സ​പൂർവ​ക​മായ ബന്ധം വളർത്തി​യെ​ടു​ത്തി​രു​ന്നു. ഈ ബന്ധം യഹോവ അവനെ നേരത്തെ വിടു​വിച്ച വിധത്താൽ ബലിഷ്‌ഠ​മാ​ക്ക​പ്പെ​ട്ടി​രി​ക്കു​മെ​ന്ന​തി​നു സംശയ​മില്ല. (1 ശമൂവേൽ 17:34-37) ദാവീ​ദി​നെ​പ്പോ​ലെ, നിങ്ങൾക്കു യഹോ​വ​യു​മാ​യി ശക്തമായ ഒരു വ്യക്തി​ഗ​ത​ബന്ധം നിലനിർത്താ​നും എല്ലാ സാഹച​ര്യ​ങ്ങ​ളി​ലും നിങ്ങളെ ബലപ്പെ​ടു​ത്താ​നും പുലർത്താ​നു​മുള്ള അവന്റെ പ്രാപ്‌തി​യി​ലും സന്നദ്ധത​യി​ലും പൂർണ​മായ വിശ്വാ​സ​മു​ണ്ടാ​യി​രി​ക്കാ​നും കഴിയും.—സങ്കീർത്തനം 34:7, 8.

പ്രശ്‌നം പരിഹ​രി​ക്കാൻ നിങ്ങളാ​ലാ​വതു ചെയ്യുക

എന്നിരു​ന്നാ​ലും, സങ്കീർത്തനം 55 വ്യക്തമാ​യി പ്രകട​മാ​ക്കു​ന്ന​തു​പോ​ലെ, ശക്തമായ വേദന​യു​ടെ​യും ഉത്‌ക​ണ്‌ഠ​യു​ടെ​യും മാത്രമല്ല ഭയത്തി​ന്റെ​പോ​ലും സമയങ്ങൾ ഒരിക്ക​ലും ഉണ്ടാക​യില്ല എന്ന്‌ ഇതിനർഥ​മില്ല. ദൃഷ്ടാ​ന്ത​ത്തിന്‌, യഹോ​വ​യി​ലുള്ള വിശ്വാ​സ​ത്തി​ന്റെ ഈ നിർഭ​യ​പ്ര​ക​ട​ന​ശേഷം ഏതാനും​വർഷം കഴിഞ്ഞു ദാവീ​ദിന്‌ അവന്റെ ശത്രു​ക്ക​ളു​ടെ മുമ്പിൽ വലിയ ഭയം അനുഭ​വ​പ്പെട്ടു. അവനു ശൗൽരാ​ജാ​വി​ന്റെ പ്രീതി നഷ്ടപ്പെട്ടു, അവൻ ജീവനു​വേണ്ടി പലായ​നം​ചെ​യ്യേ​ണ്ടി​വ​രു​ക​യും ചെയ്‌തു. ഇതു ദാവീ​ദി​നു വരുത്തി​യി​രി​ക്കാ​വുന്ന വൈകാ​രിക സംഘർഷം, യഹോ​വ​യു​ടെ ഉദ്ദേശ്യ​ങ്ങൾസം​ബ​ന്ധിച്ച്‌ അവന്റെ മനസ്സിൽ ഉയർത്തി​യി​രി​ക്കാ​വുന്ന ചോദ്യ​ങ്ങൾ, ഒന്നു സങ്കൽപ്പി​ക്കാൻ ശ്രമി​ക്കുക. ഏതായാ​ലും, അവൻ ഇസ്രാ​യേ​ലി​ലെ ഭാവി​രാ​ജാ​വാ​യി അഭി​ഷേ​കം​ചെ​യ്യ​പ്പെ​ട്ടി​രു​ന്നു, എന്നിരു​ന്നാ​ലും ഇവിടെ അവൻ മരുഭൂ​മി​യിൽ ഒരു കാട്ടു​മൃ​ഗ​ത്തെ​പ്പോ​ലെ വേട്ടയാ​ട​പ്പെട്ട്‌, ഒരു അഭയാർഥി​യെ​പ്പോ​ലെ അതിജീ​വി​ക്കേണ്ടി വന്നിരി​ക്കു​ന്നു. അവൻ ഗോലി​യാ​ത്തി​ന്റെ സ്വന്ത പട്ടണമായ ഗത്ത്‌ന​ഗ​ര​ത്തിൽ അഭയം​തേ​ടാൻ ശ്രമി​ച്ച​പ്പോൾ അവൻ തിരി​ച്ച​റി​യ​പ്പെട്ടു. ഫലമെ​ന്താ​യി​രു​ന്നു? അവൻ “ഏററവും ഭയപ്പെട്ടു” എന്നു രേഖ പറയുന്നു.—1 ശമൂവേൽ 21:10-12.

എന്നാൽ സഹായ​ത്തി​നാ​യി യഹോ​വ​യി​ലേക്കു നോക്കു​ന്ന​തിൽനി​ന്നു തന്നെ തടയാൻ തന്റെ ഭയത്തെ​യും അഗാധ​മായ ഉത്‌ക​ണ്‌ഠ​യെ​യും അവൻ അനുവ​ദി​ച്ചില്ല. 34-ാം സങ്കീർത്ത​ന​മ​നു​സ​രിച്ച്‌ (ഈ അനുഭ​വ​ത്തി​ന്റെ ഫലമായി എഴുതി​യത്‌) ദാവീദ്‌ ഇങ്ങനെ പറഞ്ഞു: “ഞാൻ യഹോ​വ​യോ​ടു അപേക്ഷി​ച്ചു; അവൻ എനിക്കു ഉത്തരമ​രു​ളി എന്റെ സകല ഭയങ്ങളിൽനി​ന്നും എന്നെ വിടു​വി​ച്ചു. ഈ എളിയവൻ നിലവി​ളി​ച്ചു; യഹോവ കേട്ടു; അവന്റെ സകല കഷ്ടങ്ങളിൽനി​ന്നും അവനെ രക്ഷിച്ചു.”—സങ്കീർത്തനം 34:4, 6.

തീർച്ച​യാ​യും യഹോവ അവനെ പിന്തു​ണച്ചു. എന്നാൽ ദാവീദ്‌ വെറുതെ കുത്തി​യി​രു​ന്നു യഹോവ തന്നെ രക്ഷിക്കാൻ കാത്തി​രു​ന്നി​ല്ലെന്നു കാണുക. ഈ പ്രയാ​സ​ക​ര​മായ അവസ്ഥയിൽനി​ന്നു പുറത്തു​ക​ട​ക്കാൻ ആ സാഹച​ര്യ​ങ്ങ​ളിൽ തന്നാലാ​വതു ചെയ്യേ​ണ്ട​തി​ന്റെ ആവശ്യകത അവൻ തിരി​ച്ച​റി​ഞ്ഞു. തന്റെ വിടു​ത​ലിൽ യഹോ​വ​യു​ടെ കൈ ഉള്ളതായി അവൻ സമ്മതിച്ചു, എന്നാൽ ഗത്തിലെ രാജാവു തന്നെ കൊല്ലാ​തി​രി​ക്കാൻ ഭ്രാന്തു നടിച്ചു​കൊണ്ട്‌ അവൻതന്നെ നടപടി സ്വീക​രി​ച്ചു. (1 ശമൂവേൽ 21:14–22:1) ഭാരങ്ങളെ നേരി​ടു​ന്ന​തി​നു നാമും യഹോവ നമ്മെ രക്ഷിക്കാൻ കേവലം കാത്തി​രി​ക്കാ​തെ നമ്മാലാ​വതു ചെയ്യേ​ണ്ട​തുണ്ട്‌.—യാക്കോബ്‌ 1:5, 6; 2:26.

നിങ്ങളു​ടെ ഭാരം കൂട്ടരുത്‌

ദാവീദ്‌ പിന്നീടു തന്റെ ജീവി​ത​ത്തിൽ വേദനാ​ക​ര​മായ മറെറാ​രു പാഠം പഠിച്ചു. അതെന്താ​യി​രു​ന്നു? ചില​പ്പോൾ നാം നമ്മുടെ സ്വന്തം ഭാരം കൂട്ടു​ന്നു​വെന്ന്‌. ഫെലി​സ്‌ത്യ​രു​ടെ​മേ​ലുള്ള വിജയത്തെ തുടർന്ന്‌ ഉടമ്പടി​യു​ടെ പെട്ടകം യെരു​ശ​ലേ​മി​ലേക്കു കൊണ്ടു​വ​രു​ന്ന​തി​നു തീരു​മാ​നി​ച്ച​പ്പോൾ ദാവീ​ദി​നു കാര്യങ്ങൾ കുഴപ്പ​ത്തി​ലാ​യി. ചരിത്ര വിവരണം നമ്മോട്‌ ഇങ്ങനെ പറയുന്നു: “അനന്തരം . . . ദൈവ​ത്തി​ന്റെ പെട്ടകം ബാലേ-യെഹൂ​ദ​യിൽനി​ന്നു കൊണ്ടു​വ​രേ​ണ്ട​തി​ന്നു ദാവീ​ദും കൂടെ​യുള്ള സകല ജനവും അവി​ടേക്കു പുറ​പ്പെ​ട്ടു​പോ​യി. അവർ ദൈവ​ത്തി​ന്റെ പെട്ടകം ഒരു പുതിയ വണ്ടിയിൽ കയററി . . . അബീനാ​ദാ​ബി​ന്റെ പുത്രൻമാ​രായ ഉസ്സയും അഹ്യോ​വും ആ പുതിയ വണ്ടി തെളിച്ചു.”—2 ശമൂവേൽ 6:1-3.

പെട്ടകം കൊണ്ടു​പോ​കു​ന്ന​തിന്‌ ഒരു വണ്ടി ഉപയോ​ഗി​ച്ചത്‌ അതുസം​ബ​ന്ധി​ച്ചു യഹോവ കൊടു​ത്തി​രുന്ന സകല നിർദേ​ശ​ങ്ങ​ളു​ടെ​യും ലംഘന​മാ​യി. പെട്ടക​ത്തിൽ പണിതു ചേർത്തി​ട്ടുള്ള വളയങ്ങ​ളി​ലൂ​ടെ കടത്തി​യി​ട്ടുള്ള ദണ്ഡുകൾ ഉപയോ​ഗിച്ച്‌ അധികൃതവാഹ​ക​രായ കെഹാ​ത്യ​ലേ​വ്യർ മാത്രം തങ്ങളുടെ തോളിൽ പെട്ടകം വഹിച്ചു​കൊ​ണ്ടു പോക​ണ​മെന്നു വ്യക്തമാ​യി പറഞ്ഞി​രു​ന്നു. (പുറപ്പാ​ടു 25:13, 14; സംഖ്യാ​പു​സ്‌തകം 4:15, 19; 7:7-9) ഈ നിർദേ​ശങ്ങൾ അവഗണി​ച്ചത്‌ അനർഥം വരുത്തി​ക്കൂ​ട്ടി. വണ്ടി വലിച്ചി​രുന്ന കാള അതു മിക്കവാ​റും മറിയാ​നി​ട​യാ​ക്കി​യ​പ്പോൾ സാധ്യ​ത​യ​നു​സ​രിച്ച്‌ ലേവ്യ​നെ​ങ്കി​ലും തീർച്ച​യാ​യും പുരോ​ഹി​ത​ന​ല്ലാഞ്ഞ ഉസ്സാ പെട്ടകം നേരെ​യാ​ക്കാൻ കൈനീ​ട്ടു​ക​യും അയാളു​ടെ അനാദ​രവു നിമിത്തം യഹോ​വ​യാൽ വധിക്ക​പ്പെ​ടു​ക​യും ചെയ്‌തു.—2 ശമൂവേൽ 6:6, 7.

രാജാ​വെന്ന നിലയിൽ ദാവീദ്‌ ഇതിനു കുറേ ഉത്തരവാ​ദി​ത്വം വഹിക്ക​ണ​മാ​യി​രു​ന്നു. യഹോ​വ​യു​മാ​യി ഒരു നല്ലബന്ധം ഉള്ളവർപോ​ലും ചില​പ്പോൾ പീഡാ​ക​ര​മായ സാഹച​ര്യ​ങ്ങ​ളോ​ടു മോശ​മാ​യി പ്രതി​ക​രി​ച്ചേ​ക്കാ​മെന്ന്‌ അവന്റെ പ്രതി​ക​രണം പ്രകട​മാ​ക്കു​ന്നു. ആദ്യം ദാവീദു കോപാ​കു​ല​നാ​യി. പിന്നെ അവനു ഭയമായി. (2 ശമൂവേൽ 6:8, 9) അവനു യഹോ​വ​യു​മാ​യി ഉണ്ടായി​രുന്ന വിശ്വാ​സ​ബന്ധം കഠിന​മാ​യി പരി​ശോ​ധി​ക്ക​പ്പെട്ടു. ഇവിടെ അവൻ യഹോ​വ​യു​ടെ കൽപ്പനകൾ അനുസ​രി​ക്കു​ന്ന​തിൽ പരാജ​യ​പ്പെ​ട്ട​പ്പോൾ തന്റെ ഭാരം അവന്റെ​മേൽ ഇടുന്ന​തിൽ പരാജ​യ​പ്പെ​ട്ട​താ​യി തോന്നിയ ഒരു സന്ദർഭ​മാ​ണു​ള്ളത്‌. ചില​പ്പോൾ നമ്മുടെ സാഹച​ര്യം അതായി​രി​ക്കു​മോ? നാം യഹോ​വ​യു​ടെ നിർദേ​ശ​ങ്ങളെ അവഗണി​ക്കു​ക​നി​മി​ത്തം സംജാ​ത​മാ​കുന്ന പ്രശ്‌ന​ങ്ങൾക്കു നാം എന്നെങ്കി​ലും അവനെ പഴിക്കു​ന്നു​വോ?—സദൃശ​വാ​ക്യ​ങ്ങൾ 19:3.

കുററ​ഭാ​രത്തെ നേരിടൽ

പിൽക്കാ​ലത്ത്‌, ദാവീദ്‌ യഹോ​വ​യു​ടെ ധാർമി​ക​പ്ര​മാ​ണ​ങ്ങൾക്കെ​തി​രെ ശോച​നീ​യ​മാ​യി പാപം​ചെ​യ്‌ത​തി​നാൽ വലിയ കുററ​ഭാ​രം വരുത്തി. ഈ അവസര​ത്തിൽ തന്റെ പടയാ​ളി​കളെ യുദ്ധത്തിൽ നയിക്കാ​നുള്ള ഉത്തരവാ​ദി​ത്വ​ത്തിൽനിന്ന്‌ ദാവീദ്‌ ഒളി​ച്ചോ​ടി​യി​രു​ന്നു. അവർ യുദ്ധത്തി​നു പോയ​പ്പോൾ അവൻ യെരു​ശ​ലേ​മിൽ കഴിഞ്ഞു. ഇതു ഗൗരവ​മായ കുഴപ്പ​ത്തി​ലേക്കു നയിച്ചു.—2 ശമൂവേൽ 11:1.

സുന്ദരി​യാ​യ ബേത്‌ശേബ കുളി​ക്കു​ന്നതു ദാവീ​ദു​രാ​ജാ​വു കണ്ടു. അവൻ അവളു​മാ​യി ദുർമാർഗ​ത്തിൽ ഏർപ്പെട്ടു, അവൾ ഗർഭി​ണി​യാ​യി. (2 ശമൂവേൽ 11:2-5) ദുർന്നടത്ത മൂടി​വെ​ക്കാൻ ശ്രമി​ക്കു​ന്ന​തിന്‌, അവളുടെ ഭർത്താ​വായ ഊരി​യാവ്‌ യുദ്ധക്ക​ള​ത്തിൽനി​ന്നു യെരു​ശ​ലേ​മി​ലേക്കു മടങ്ങി​പ്പോ​കാൻ അവൻ ഏർപ്പാ​ടു​ചെ​യ്‌തു. ഇസ്രാ​യേൽ യുദ്ധത്തി​ലേർപ്പെ​ട്ടി​രി​ക്കെ തന്റെ ഭാര്യ​യു​മാ​യി ലൈം​ഗി​ക​ബ​ന്ധ​ങ്ങ​ളി​ലേർപ്പേ​ടാൻ ഊരി​യാ​വു വിസമ്മ​തി​ച്ചു. (2 ശമൂവേൽ 11:6-11) ഇപ്പോൾ ദാവീദ്‌ തന്റെ പാപം മൂടി​വെ​ക്കാൻ ദുഷ്ടവും വഞ്ചനാ​ത്മ​ക​വു​മായ മാർഗങ്ങൾ ഉപയോ​ഗി​ച്ചു. ഊരി​യാ​വു കൊല്ല​പ്പെ​ട​ത്ത​ക്ക​വണ്ണം യുദ്ധത്തിൽ ആക്രമ​ണ​വി​ധേ​യ​മായ ഒരു സ്ഥാനത്ത്‌ അവനെ നിർത്താൻ അവന്റെ സഹപോ​രാ​ളി​ക​ളു​മാ​യി അവൻ ക്രമീ​ക​ര​ണം​ചെ​യ്‌തു. ഹീനവും ദുഃഖ​ക​ര​വു​മായ ഒരു പാപം.—2 ശമൂവേൽ 11:12-17.

തീർച്ച​യാ​യും ഒടുവിൽ ദാവീ​ദി​ന്റെ പാപത്തിന്‌ അവൻ കണക്കു ബോധി​പ്പി​ക്കേ​ണ്ടി​വന്നു, അവൻ തുറന്നു കാട്ട​പ്പെട്ടു. (2 ശമൂവേൽ 12:7-12) ദാവീ​ദി​ന്റെ വികാ​ര​ത്തി​ന്റെ ഫലമായി അവൻ ചെയ്‌ത​തി​ന്റെ ഗൗരവം തിരി​ച്ച​റി​ഞ്ഞ​പ്പോൾ അവന്‌ അനുഭ​വ​പ്പെട്ട ദുഃഖ​ത്തി​ന്റെ​യും കുററ​ത്തി​ന്റെ​യും ഭാരം ഒന്നു സങ്കൽപ്പി​ക്കാൻ ശ്രമി​ക്കുക. അവൻ വിശേ​ഷാൽ ഒരു വികാ​ര​ജീ​വി​യായ മനുഷ്യ​നാ​യി​രു​ന്ന​തു​കൊണ്ട്‌ അവന്റെ സ്വന്തം പരാജ​യ​ബോ​ധ​ത്താൽ അവൻ ആകുല​ചി​ത്ത​നാ​യി​ത്തീർന്നി​രി​ക്കാം. അവൻ തികച്ചും വില​കെ​ട്ട​വ​നാ​യി​ത്തീർന്ന​താ​യി വിചാ​രി​ച്ചി​രി​ക്കാം!

എന്നിരു​ന്നാ​ലും, ദാവീദ്‌ നാഥാൻപ്ര​വാ​ച​ക​നോട്‌ “ഞാൻ യഹോ​വ​യോ​ടു പാപം ചെയ്‌തി​രി​ക്കു​ന്നു” എന്നു സമ്മതി​ച്ചു​കൊ​ണ്ടു പെട്ടെ​ന്നു​തന്നെ തന്റെ തെററ്‌ ഏററു​പ​റഞ്ഞു. (2 ശമൂവേൽ 12:13) അവന്‌ എങ്ങനെ അതനു​ഭ​വ​പ്പെ​ട്ടെ​ന്നും തന്നെ ശുദ്ധീ​ക​രി​ക്കാ​നും തന്നോടു ക്ഷമിക്കാ​നും അവൻ എങ്ങനെ യഹോ​വ​യോട്‌ അപേക്ഷി​ച്ചു​വെ​ന്നും സങ്കീർത്തനം 51 നമ്മോടു പറയുന്നു. അവൻ ഇങ്ങനെ പ്രാർഥി​ച്ചു: “എന്നെ നന്നായി കഴുകി എന്റെ അകൃത്യം പോ​ക്കേ​ണമേ; എന്റെ പാപം നീക്കി എന്നെ വെടി​പ്പാ​ക്കേ​ണമേ. എന്റെ ലംഘന​ങ്ങളെ ഞാൻ അറിയു​ന്നു; എന്റെ പാപം എപ്പോ​ഴും എന്റെ മുമ്പിൽ ഇരിക്കു​ന്നു.” (സങ്കീർത്തനം 51:2, 3) അവനു യഥാർഥ​മാ​യി അനുതാ​പ​മു​ണ്ടാ​യി​രു​ന്ന​തി​നാൽ അവനു യഹോ​വ​യു​മാ​യുള്ള അവന്റെ ശക്തമായ അടുത്ത ബന്ധം പുനഃ​സ്ഥാ​പി​ക്കാൻ കഴിഞ്ഞു. ദാവീദ്‌ ദുഃഖ​ത്തി​ന്റെ​യും അയോ​ഗ്യ​ത​യു​ടെ​യും വികാ​ര​ങ്ങ​ളെ​ക്കു​റി​ച്ചു ചിന്തി​ച്ചു​കൊ​ണ്ടേ​യി​രു​ന്നില്ല. തന്റെ കുററം വിനീ​ത​മാ​യി ഏററു​പ​റ​ഞ്ഞു​കൊ​ണ്ടും യഥാർഥ അനുതാ​പം പ്രകട​മാ​ക്കി​ക്കൊ​ണ്ടും യഹോ​വ​യു​ടെ ക്ഷമയ്‌ക്കാ​യി തീവ്ര​മാ​യി പ്രാർഥി​ച്ചു​കൊ​ണ്ടും അവൻ തന്റെ ഭാരം യഹോ​വ​യു​ടെ​മേൽ ഇട്ടു. അവൻ വീണ്ടും യഹോ​വ​യു​ടെ പ്രീതി നേടി.—സങ്കീർത്തനം 51:7-12, 15-19.

ചതിയെ നേരിടൽ

ഇത്‌ 55-ാം സങ്കീർത്തനം എഴുതാൻ ദാവീ​ദി​നെ പ്രേരി​പ്പിച്ച സംഭവ​ത്തി​ലേക്കു നമ്മെ എത്തിക്കു​ന്നു. അവൻ വലിയ വൈകാ​രി​ക​സം​ഘർഷ​ത്തി​ലാ​യി​രു​ന്നു. “എന്റെ ഹൃദയം എന്റെ ഉള്ളിൽ വേദനപ്പെട്ടി​രി​ക്കു​ന്നു; മരണഭീ​തി​യും എന്റെമേൽ വീണി​രി​ക്കു​ന്നു” എന്ന്‌ അവൻ എഴുതി. (സങ്കീർത്തനം 55:4) ഈ വേദന​യ്‌ക്കി​ട​യാ​ക്കി​യത്‌ എന്തായി​രു​ന്നു? ദാവീ​ദി​ന്റെ പുത്ര​നായ അബ്‌ശാ​ലോം രാജത്വം ദാവീ​ദിൽനിന്ന്‌ അപഹരി​ച്ചെ​ടു​ക്കാൻ ഗൂഢാ​ലോ​ചന നടത്തി​യി​രു​ന്നു. (2 ശമൂവേൽ 15:1-6) തന്റെ സ്വന്തം പുത്രന്റെ ഈ ചതി ദുസ്സഹ​മാ​യി​രു​ന്നു, എന്നാൽ അഹീ​ഥോ​ഫെൽ എന്നു​പേ​രുള്ള, ദാവീ​ദി​ന്റെ അതിവി​ശ്വസ്‌ത ഉപദേ​ശ​ക​നായ ഒരു മനുഷ്യൻ ദാവീ​ദി​നെ​തി​രായ ഗൂഢാ​ലോ​ച​ന​യിൽ ചേർന്നു എന്നതാ​യി​രു​ന്നു അതിനെ ഏറെ വഷളാ​ക്കി​യത്‌. സങ്കീർത്തനം 55:12-14-ൽ ദാവീദു വർണി​ക്കു​ന്നത്‌ അഹീ​ഥോ​ഫെ​ലി​നെ​യാണ്‌. ഗൂഢാ​ലോ​ച​ന​യു​ടെ​യും ചതിയു​ടെ​യും ഫലമായി ദാവീദ്‌ യെരു​ശ​ലേ​മിൽനിന്ന്‌ ഓടി​പ്പോ​കേ​ണ്ടി​വന്നു. (2 ശമൂവേൽ 15:13, 14) ഇത്‌ അവന്‌ എത്ര മനോ​വേദന ഉളവാ​ക്കി​യി​രി​ക്കണം!

എന്നിട്ടും തന്റെ ശക്തമായ വികാ​ര​വും ദുഃഖ​വും യഹോ​വ​യി​ലുള്ള തന്റെ ആശ്രയ​ത്തെ​യും വിശ്വാ​സ​ത്തെ​യും ദുർബ​ല​മാ​ക്കാൻ അവൻ അനുവ​ദി​ച്ചില്ല. ഗൂഢാ​ലോ​ച​ക​രു​ടെ പദ്ധതി​കളെ വിഫല​മാ​ക്കാൻ അവൻ യഹോ​വ​യോ​ടു പ്രാർഥി​ച്ചു. (2 ശമൂവേൽ 15:30, 31) വീണ്ടും സകല പ്രവൃ​ത്തി​യും യഹോവ ചെയ്യാൻ ദാവീദ്‌ കേവലം നിഷ്‌ക്രി​യ​മാ​യി കാത്തി​രു​ന്നി​ല്ലെന്നു നാം കാണുന്നു. അവസരം കൈവന്ന ഉടനെ തനി​ക്കെ​തി​രായ ഗൂഢാ​ലോ​ച​ന​യോ​ടു പൊരു​താൻ തന്നാലാ​വത്‌ അവൻ ചെയ്‌തു. ഗൂഢാ​ലോ​ച​ന​യിൽ ചേരു​ന്ന​താ​യി നടിക്കാൻ അവൻ തന്റെ ഉപദേ​ശ​ക​രിൽ മറെറാ​രാ​ളായ ഹൂശാ​യി​യെ യെരു​ശ​ലേ​മി​ലേക്ക്‌ അയച്ചു, എന്നിരു​ന്നാ​ലും യഥാർഥ​ത്തിൽ അതിനെ തുരങ്കം​വെ​ക്കാ​നാണ്‌ അയാൾ പോയത്‌. (2 ശമൂവേൽ 15:32-34) യഹോ​വ​യു​ടെ പിന്തു​ണ​യോ​ടെ ഈ പദ്ധതി പ്രാ​യോ​ഗി​ക​മാ​യി. ദാവീ​ദി​നു തന്നേത്തന്നെ സംരക്ഷി​ക്കു​ന്ന​തി​നു വീണ്ടും സൈന്യ​ത്തെ കൂട്ടു​ന്ന​തി​നും സംഘടി​ത​മാ​കു​ന്ന​തി​നും ഹൂശായി അവനു വേണ്ടത്ര സമയം ഉണ്ടാക്കി​ക്കൊ​ടു​ത്തു.—2 ശമൂവേൽ 17:14.

തന്റെ ജീവി​ത​ത്തി​ലു​ട​നീ​ളം യഹോ​വ​യു​ടെ സംരക്ഷ​ണാ​ത്മക പരിപാ​ല​ന​ത്തെ​യും അവന്റെ ക്ഷമയെ​യും കുററം ക്ഷമിക്കാ​നുള്ള അവന്റെ സന്നദ്ധത​യെ​യും ദാവീദ്‌ എത്ര വിലമ​തി​ച്ചി​രി​ക്കണം! (സങ്കീർത്തനം 34:18, 19; 51:17) ഈ പശ്ചാത്തലം മനസ്സിൽവെ​ച്ചു​കൊ​ണ്ടാ​ണു നമ്മുടെ കഷ്ടകാ​ല​ങ്ങ​ളിൽ സഹായ​ത്തി​നാ​യി യഹോ​വ​യി​ലേക്കു തിരി​യാൻ, ‘നമ്മുടെ ഭാരം യഹോ​വ​യു​ടെ​മേൽ ഇടാൻ’ ദാവീദ്‌ ധൈര്യ​പൂർവം നമ്മെ പ്രോ​ത്സാ​ഹി​പ്പി​ക്കു​ന്നത്‌.—1 പത്രൊസ്‌ 5:6, 7 താരത​മ്യം ചെയ്യുക.

യഹോ​വ​യു​മാ​യി ശക്തവും വിശ്വാ​സ​യോ​ഗ്യ​വു​മായ ഒരു ബന്ധം വളർത്തു​ക​യും നിലനിർത്തു​ക​യും ചെയ്യുക

യഹോ​വ​യോ​ടു ദാവീ​ദി​നു​ണ്ടാ​യി​രുന്ന തരം ബന്ധം, വലിയ പരി​ശോ​ധ​ന​യു​ടെ​യും ഉപദ്ര​വ​ത്തി​ന്റെ​യും സമയങ്ങ​ളിൽ അവനെ പുലർത്തിയ ഒരു ബന്ധം, നമുക്ക്‌ എങ്ങനെ നേടാം? ദൈവ​വ​ച​ന​മായ ബൈബി​ളി​ന്റെ ഉത്സുക​രായ അധ്യേ​താ​ക്ക​ളാ​യി​രി​ക്കു​ന്ന​തി​നാൽ നാം അത്തര​മൊ​രു ബന്ധം വളർത്തി​യെ​ടു​ക്കു​ന്നു. അവന്റെ നിയമ​ങ്ങ​ളും തത്ത്വങ്ങ​ളും വ്യക്തി​ത്വ​വും സംബന്ധി​ച്ചു നമ്മെ പ്രബോ​ധി​പ്പി​ക്കാൻ നാം അവനെ അനുവ​ദി​ക്കു​ന്നു. (സങ്കീർത്തനം 19:7-11) നാം ദൈവ​വ​ച​ന​ത്തെ​ക്കു​റി​ച്ചു ധ്യാനി​ക്കു​മ്പോൾ, നാം അവനോ​ടു പൂർവാ​ധി​കം അടുക്കു​ക​യും അവനെ സമ്പൂർണ​മാ​യി ആശ്രയി​ക്കാൻ പഠിക്ക​യും ചെയ്യുന്നു. (സങ്കീർത്തനം 143:1-5) നാം യഹോ​വ​യാൽ കൂടു​ത​ലാ​യി പ്രബോ​ധി​പ്പി​ക്ക​പ്പെ​ടു​ന്ന​തി​നു സഹാരാ​ധ​ക​രു​മാ​യി സഹവസി​ക്കു​മ്പോൾ ആ ബന്ധം ആഴമു​ള്ള​തും ബലിഷ്‌ഠ​വു​മാ​യി​ത്തീ​രു​ന്നു. (സങ്കീർത്തനം 122:1-4) ഹൃദയം​ഗ​മ​മായ പ്രാർഥ​ന​യി​ലൂ​ടെ നാം യഹോ​വ​യു​മാ​യുള്ള ബന്ധത്തെ ശക്തമാ​ക്കു​ന്നു.—സങ്കീർത്തനം 55:1.

യഹോ​വ​യു​മാ​യുള്ള ദാവീ​ദി​ന്റെ ബന്ധം വേണ്ടത്ര ബലിഷ്‌ഠ​മ​ല്ലാ​ഞ്ഞ​പ്പോൾ അവനു നമ്മെ​പ്പോ​ലെ വിഷാദം ഉണ്ടായി​രു​ന്നു​വെ​ന്നതു സത്യം​തന്നെ. പീഡനം നാം “ഭ്രാന്ത​മാ​യി പ്രവർത്തി​ക്കാൻ” ഇടയാ​ക്കി​യേ​ക്കാം. (സഭപ്ര​സം​ഗി 7:7, NW) എന്നാൽ എന്തു സംഭവി​ക്കു​ന്നു​വെന്നു യഹോവ കാണു​ന്നുണ്ട്‌. നമ്മുടെ ഹൃദയ​ത്തിൽ എന്താണു​ള്ള​തെന്ന്‌ അവനറി​യാം. (സഭാ​പ്ര​സം​ഗി 4:1; 5:8) യഹോ​വ​യു​മാ​യുള്ള നമ്മുടെ ബന്ധത്തെ ശക്തമാ​ക്കി​നിർത്താൻ നാം കഠിന​മാ​യി പ്രവർത്തി​ക്കേ​ണ്ട​തുണ്ട്‌. അപ്പോൾ നാം ഏതു ഭാരങ്ങൾ വഹി​ക്കേ​ണ്ട​തു​ണ്ടെ​ങ്കി​ലും സമ്മർദം ലഘൂക​രി​ക്കു​ന്ന​തിന്‌ അല്ലെങ്കിൽ നമ്മുടെ സാഹച​ര്യ​ത്തെ തരണം​ചെ​യ്യു​ന്ന​തി​നുള്ള ശക്തി നമുക്കു നൽകു​ന്ന​തിന്‌ നമുക്കു യഹോ​വയെ ആശ്രയി​ക്കാൻ കഴിയും. (ഫിലി​പ്പി​യർ 4:6, 7, 13) അതു നാം യഹോ​വ​യോട്‌ അടുത്തു​നിൽക്കു​ന്ന​തി​ന്റെ സംഗതി​യാണ്‌. ദാവീദ്‌ ഇതു ചെയ്‌ത​പ്പോൾ അവൻ തികച്ചും സുരക്ഷി​ത​നാ​യി​രു​ന്നു.

അതു​കൊണ്ട്‌, നിങ്ങളു​ടെ സാഹച​ര്യ​ങ്ങൾ എന്തുത​ന്നെ​യാ​യി​രു​ന്നാ​ലും, ദാവീദു പറയുന്നു, എല്ലായ്‌പോ​ഴും നിങ്ങളു​ടെ ഭാരങ്ങൾ യഹോ​വ​യു​ടെ​മേൽ ഇടുക. അപ്പോൾ “അവൻ നിന്നെ പുലർത്തും; നീതി​മാൻ കുലു​ങ്ങി​പ്പോ​കു​വാൻ അവൻ ഒരുനാ​ളും സമ്മതി​ക്ക​യില്ല” എന്ന വാഗ്‌ദ​ത്ത​ത്തി​ന്റെ സത്യം നമുക്ക്‌ അനുഭ​വ​വേ​ദ്യ​മാ​കും.—സങ്കീർത്തനം 55:22.