സഭകൾ കുറ്റസ​മ്മതം നടത്തുന്നു

“പാപ്പാ സഭയെ വിചാ​ര​ണ​യ്‌ക്കു വിധേ​യ​മാ​ക്കു​ന്നു.” “മതവി​ചാ​ര​ണ​യും ശേമ്യ​വി​രോ​ധ​വും—സഭ അതിന്റെ മേയാ കൂൽപa തയ്യാറാ​ക്കു​ന്നു.” “നാസി​ക​ളാ​ലുള്ള കൂട്ട​ക്കൊ​ല​യെ​പ്രതി മേയാ കൂൽപ.” “പശ്ചിമ ഐക്യ​നാ​ടു​ക​ളി​ലെ അമേരി​ക്കൻ ഇന്ത്യാ​ക്കാ​രോട്‌ മെഥഡി​സ്റ്റു​കൾ ക്ഷമായാ​ചനം നടത്തുന്നു.”

ഇതു​പോ​ലുള്ള വാർത്താ ശീർഷ​കങ്ങൾ നിങ്ങൾ വായി​ച്ചി​ട്ടു​ണ്ടോ? നൂറ്റാ​ണ്ടു​ക​ളിൽ ഉടനീളം സഭകൾ ചെയ്‌തി​ട്ടുള്ള തെറ്റുകൾ അവർ കൂടുതൽ കൂടെ​ക്കൂ​ടെ സമ്മതി​ക്കു​ക​യും ക്ഷമ ചോദി​ക്കു​ക​യും ചെയ്യു​ന്ന​താ​യി തോന്നു​ന്നു. പാപ്പാ​യാ​ലുള്ള പുതിയ മേയാ കൂൽപ​കളെ മാധ്യ​മങ്ങൾ നിരന്തരം എടുത്തു​കാ​ട്ടു​ന്നു.

പാപ്പാ ക്ഷമ ചോദി​ക്കു​മ്പോൾ

ജോൺ പോൾ രണ്ടാമൻ 1980-നും 1996-നുമി​ട​യ്‌ക്ക്‌ കുറഞ്ഞത്‌ 94 പ്രാവ​ശ്യ​മെ​ങ്കി​ലും ‘സഭയുടെ ചരി​ത്ര​പ്ര​ധാ​ന​മായ തെറ്റുകൾ അംഗീ​ക​രി​ക്കു​ക​യോ ക്ഷമ ചോദി​ക്കു​ക​യോ’ ചെയ്‌ത​താ​യി ക്വാൻഡോ എൽ പാപ്പാ കിഡെ പെർഡോ​ണോ (പാപ്പാ ക്ഷമ ചോദി​ക്കു​മ്പോൾ) എന്ന തന്റെ പുസ്‌ത​ക​ത്തിൽ വത്തിക്കാൻ ഭാഷ്യ​കാ​ര​നായ ലൂയിജി അക്കാ​റ്റോ​ലി പറയുന്നു. അക്കാ​റ്റോ​ലി പറയു​ന്ന​ത​നു​സ​രിച്ച്‌, “കത്തോ​ലി​ക്കാ സഭയിൽ ഒരു മേയാ കൂൽപ നടത്താൻ ന്യായ​മാ​യും പാപ്പാ​യ്‌ക്കു മാത്രമേ സാധിക്കൂ.” കുരി​ശു​യു​ദ്ധങ്ങൾ, യുദ്ധങ്ങൾ, സ്വേച്ഛാ​ധി​പ​ത്യ​ങ്ങൾക്കുള്ള പിന്തുണ, സഭകളി​ലെ ഭിന്നിപ്പ്‌, ശേമ്യ​വി​രോ​ധം, മതവി​ചാ​ര​ണകൾ, മാഫിയ, വർഗീ​യ​വാ​ദം തുടങ്ങിയ കത്തോ​ലി​ക്കാ ചരി​ത്ര​ത്തി​ലെ വിവാ​ദാ​ത്മക ഏടുകളെ പരാമർശി​ച്ചു​കൊണ്ട്‌ അദ്ദേഹം അതു ചെയ്‌തി​രി​ക്കു​ന്നു. 1994-ൽ ജോൺ പോൾ രണ്ടാമൻ കർദി​നാൾമാർക്ക്‌ അയച്ച ഒരു മെമ്മോ​റാ​ണ്ട​ത്തിൽ (ചിലർ അതിനെ ഏറ്റവും പ്രധാ​ന​പ്പെട്ട പാപ്പാ ലേഖന​മാ​യി കരുതു​ന്നു) “രണ്ടാം സഹസ്രാ​ബ്ദ​ത്തിൽ ചെയ്‌ത പാപങ്ങ​ളു​ടെ ഒരു പൊതു​കു​റ്റ​സ​മ്മതം” നിർദേ​ശി​ച്ചു.

നിരവധി ബിഷപ്പു​മാർ പാപ്പാ​യു​ടെ ദൃഷ്ടാന്തം പിൻപ​റ്റി​യി​ട്ടുണ്ട്‌. 1994 ഡിസം​ബ​റിൽ ഇറ്റാലി​യൻ പത്രമായ എൽ ജോർനേലി ഇങ്ങനെ റിപ്പോർട്ടു ചെയ്‌തു: “അനേകം അമേരി​ക്കൻ ബിഷപ്പു​മാർ ടെലി​വി​ഷ​നിൽ പ്രത്യ​ക്ഷ​പ്പെട്ട്‌ പരസ്യ​മാ​യി ക്ഷമ ചോദി​ച്ചു.” എന്തിന്‌? ഇരകളാ​യി​ത്തീർന്ന ഒട്ടനവധി കുട്ടി​കൾക്ക്‌ ഹാനി​വ​രു​ത്തി​വെച്ച ബാലര​തി​പ്രി​യ​രായ പുരോ​ഹി​ത​ന്മാ​രാ​ലുള്ള പ്രശ്‌നത്തെ ഗൗരവം​കു​റച്ചു കണ്ടതിന്‌. “സമകാ​ലീന കത്തോ​ലി​ക്കാ മത ചരി​ത്ര​ത്തി​ലെ അഭൂത​പൂർവ​മാ​യൊ​രു നടപടി​യെ,” അതായത്‌ നാസികൾ നടത്തിയ കൂട്ട​ക്കൊ​ല​യു​ടെ കാര്യ​ത്തിൽ പയസ്‌ പന്ത്രണ്ടാ​മൻ പാപ്പാ നിശബ്ദത പാലി​ച്ച​തി​നെ, സംബന്ധിച്ച്‌ 1995 ജനുവ​രി​യിൽ ലാ റിപ്പബ്ലി​ക്കാ എന്ന പത്രം റിപ്പോർട്ടു ചെയ്‌തു. നാസി​ക​ളു​ടെ കുറ്റകൃ​ത്യ​ങ്ങളെ പിന്തുണച്ച റോമൻ കത്തോ​ലി​ക്ക​രു​ടെ “അനവധി കുറ്റങ്ങൾ”ക്ക്‌ ജർമനി​യി​ലെ ബിഷപ്പു​മാ​രു​ടെ സംഘം ക്ഷമ ചോദി​ച്ച​താ​യി 1995 ജനുവ​രി​യിൽ അതേ പത്രം​തന്നെ റിപ്പോർട്ടു ചെയ്‌തു. അനേകം പ്രൊ​ട്ട​സ്റ്റൻറ്‌ സഭകളും ആത്മവി​മർശനം നടത്തി​യി​ട്ടുണ്ട്‌.

എന്തു​കൊണ്ട്‌?

തെറ്റു ചെയ്യു​മ്പോൾ ക്ഷമചോ​ദി​ക്കാൻ ബൈബിൾ നമ്മെ പ്രോ​ത്സാ​ഹി​പ്പി​ക്കു​ന്നു. സഭകൾ ആത്മവി​മർശനം നടത്തു​മ്പോൾ അനേകർ അവരെ ശ്ലാഘി​ക്കു​ന്നു. (യാക്കോബ്‌ 5:16) എന്നാൽ എന്തു​കൊ​ണ്ടാണ്‌ സഭകൾ ഇപ്രകാ​രം ചെയ്യു​ന്നത്‌? നാം അവരെ വീക്ഷി​ക്കുന്ന വിധത്തെ അതെങ്ങനെ ബാധി​ക്കണം?

[അടിക്കു​റിപ്പ്‌]