ക്രിസ്‌തീയ കൂടി​വ​ര​വു​കളെ വിലമ​തി​ക്കൽ

“നമ്മുടെ കൂടി​വ​രവ്‌ ഉപേക്ഷി​ക്കാ​തെ, സ്‌നേ​ഹ​ത്തി​നും സത്‌പ്ര​വൃ​ത്തി​കൾക്കും പ്രോ​ത്സാ​ഹി​പ്പി​ക്കാൻ നമുക്ക്‌ അന്യോ​ന്യം പരിഗ​ണി​ക്കാം.”—എബ്രായർ 10:24, 25, NW.

1, 2. (എ) സത്യ​ക്രി​സ്‌ത്യാ​നി​ക​ളു​ടെ കൂടി​വ​ര​വിൽ സംബന്ധി​ക്കു​ന്നത്‌ ഒരു പദവി​യാ​യി​രി​ക്കു​ന്ന​തെ​ന്തു​കൊണ്ട്‌? (ബി) ഏതർഥ​ത്തി​ലാണ്‌ തന്റെ അനുഗാ​മി​ക​ളു​ടെ കൂടി​വ​ര​വിൽ യേശു സന്നിഹി​ത​നാ​യി​രി​ക്കു​ന്നത്‌?

യഹോ​വ​യു​ടെ ആരാധ​ക​രു​ടെ പത്തിൽ കുറഞ്ഞ കൂട്ടമാ​യാ​ലും ആയിര​ക്ക​ണ​ക്കി​നാ​ളു​ക​ളു​ടെ കൂട്ടമാ​യാ​ലും, ക്രിസ്‌തീയ കൂടി​വ​ര​വു​ക​ളിൽ സംബന്ധി​ക്കു​ന്നത്‌ എന്തൊരു പദവി​യാണ്‌. എന്തെന്നാൽ യേശു പറഞ്ഞു: “രണ്ടോ മൂന്നോ പേർ എന്റെ നാമത്തിൽ കൂടി​വ​രു​ന്നേ​ട​ത്തൊ​ക്കെ​യും ഞാൻ അവരുടെ നടുവിൽ ഉണ്ടു”! (മത്തായി 18:20) ആ വാഗ്‌ദാ​നം നടത്തി​യ​പ്പോൾ, സഭയിൽ നേതൃ​ത്വ​മെ​ടു​ക്കു​ന്നവർ ശരിയാ​യി കൈകാ​ര്യം​ചെ​യ്യേണ്ട നീതി​ന്യാ​യ​പ​ര​മായ കാര്യങ്ങൾ യേശു ചർച്ച​ചെ​യ്യു​ക​യാ​യി​രു​ന്നു​വെ​ന്നത്‌ സത്യം​തന്നെ. (മത്തായി 18:15-19) എന്നാൽ യേശു​വി​ന്റെ നാമത്തി​ലുള്ള പ്രാർഥ​ന​യോ​ടെ ആരംഭി​ക്കു​ക​യും അവസാ​നി​പ്പി​ക്കു​ക​യും ചെയ്യുന്ന എല്ലാ ക്രിസ്‌തീയ യോഗ​ങ്ങൾക്കും അവന്റെ ഈ വാക്കുകൾ തത്ത്വത്തിൽ ബാധക​മാ​ക്കാൻ കഴിയു​മോ? കഴിയും. ഓർക്കുക, തന്റെ അനുഗാ​മി​കൾക്ക്‌ ശിഷ്യ​രാ​ക്കൽവേ​ല​യ്‌ക്കുള്ള നിയോ​ഗം നൽകി​യ​പ്പോൾ യേശു ഇങ്ങനെ വാഗ്‌ദാ​നം ചെയ്‌തു: “വ്യവസ്ഥി​തി​യു​ടെ സമാപ​നം​വരെ ഞാൻ എല്ലാനാ​ളും നിങ്ങ​ളോ​ടു​കൂ​ടെ ഉണ്ട്‌.”—മത്തായി 28:20, NW.

² ക്രിസ്‌തീയ സഭയുടെ ശിരസ്സായ കർത്താ​വായ യേശു​ക്രി​സ്‌തു​വിന്‌ തന്റെ വിശ്വസ്‌ത അനുഗാ​മി​ക​ളു​ടെ എല്ലാ കൂടി​വ​ര​വു​ക​ളി​ലും അങ്ങേയറ്റം താത്‌പ​ര്യ​മു​ണ്ടാ​യി​രി​ക്കു​മെ​ന്ന​തിൽ സംശയ​മില്ല. കൂടാതെ, അവൻ ദൈവ​ത്തി​ന്റെ പരിശു​ദ്ധാ​ത്മാ​വു മുഖാ​ന്തരം അവരോ​ടൊ​പ്പം സന്നിഹി​ത​നാ​ണെന്നു നമുക്ക്‌ ഉറപ്പു​ണ്ടാ​യി​രി​ക്കാ​വു​ന്ന​താണ്‌. (പ്രവൃ​ത്തി​കൾ 2:33; വെളി​പ്പാ​ടു 5:6) നമ്മുടെ കൂടി​വ​ര​വിൽ യഹോ​വ​യാം ദൈവ​വും തത്‌പ​ര​നാണ്‌. അത്തരം യോഗ​ങ്ങ​ളു​ടെ മുഖ്യോ​ദ്ദേ​ശ്യം “സഭകളിൽ” ദൈവ​ത്തി​നു സ്‌തു​തി​കൾ അർപ്പി​ക്കു​ക​യെ​ന്ന​താണ്‌. (സങ്കീർത്തനം 26:12) സഭാ​യോ​ഗ​ങ്ങ​ളിൽ നാം സംബന്ധി​ക്കു​ന്നത്‌ അവനോ​ടുള്ള നമ്മുടെ സ്‌നേ​ഹ​ത്തി​ന്റെ തെളി​വാണ്‌.

3. ഏതു പ്രധാന കാരണ​ങ്ങ​ളാ​ലാ​ണു നാം ക്രിസ്‌തീയ യോഗങ്ങൾ വിലമ​തി​ക്കു​ന്നത്‌?

³ നാം ക്രിസ്‌തീയ കൂടി​വ​ര​വു​കളെ വിലമ​തി​ക്കു​ന്ന​തി​നു നല്ല കാരണങ്ങൾ ഇനിയു​മുണ്ട്‌. യേശു​ക്രി​സ്‌തു ഭൂമി വിട്ടു​പോ​കു​ന്ന​തി​നു​മുമ്പ്‌, വിശ്വാ​സ​ഭ​വ​ന​ത്തി​ലു​ള്ള​വർക്ക്‌ തക്കസമ​യത്തെ ആത്മീയ ഭക്ഷണം കൊടു​ക്കു​ന്ന​തിന്‌ “വിശ്വ​സ്‌ത​നും വിവേ​കി​യു​മായ അടിമ”യായി പ്രവർത്തി​ക്കാൻ അവൻ തന്റെ അഭിഷിക്ത ശിഷ്യ​ന്മാ​രെ നിയമി​ച്ചു. (മത്തായി 24:45, NW) അത്തരം ആത്മീയ പോഷി​പ്പി​ക്കൽ നടക്കുന്ന ഒരു പ്രധാന വിധം സഭാ​യോ​ഗ​ങ്ങ​ളി​ലൂ​ടെ​യു​ള്ള​താണ്‌, കൂടാതെ സമ്മേള​ന​ങ്ങ​ളും കൺ​വെൻ​ഷ​നു​ക​ളും​പോ​ലുള്ള വലിയ കൂടി​വ​ര​വു​ക​ളും. ഈ ദുഷ്ടവ്യ​വ​സ്ഥി​തി​യു​ടെ അന്ത്യത്തെ അതിജീ​വി​ക്കാ​നും ദൈവ​ത്തി​ന്റെ നീതി​നി​ഷ്‌ഠ​മായ പുതിയ ലോക​ത്തിൽ ജീവൻ നേടാ​നും ആഗ്രഹി​ക്കുന്ന എല്ലാവർക്കും അത്തരം കൂടി​വ​ര​വു​ക​ളി​ലൂ​ടെ ജീവത്‌പ്ര​ധാ​ന​മായ വിവരങ്ങൾ പ്രദാ​നം​ചെ​യ്യാൻ യേശു​ക്രി​സ്‌തു ഈ വിശ്വസ്‌ത അടിമയെ നയിക്കു​ന്നു.

4. ഏത്‌ അപകട​ക​ര​മായ “പതിവി”നെക്കു​റി​ച്ചു ബൈബി​ളിൽ പരാമർശി​ച്ചി​രി​ക്കു​ന്നു, അത്‌ ഒഴിവാ​ക്കാൻ നമ്മെ എന്തു സഹായി​ക്കും?

⁴ അതു​കൊണ്ട്‌, ഒരു ക്രിസ്‌ത്യാ​നി​ക്കും പൗലൊസ്‌ അപ്പോ​സ്‌തലൻ ശ്രദ്ധിച്ച അപകട​ക​ര​മായ പതിവ്‌ വളർത്തി​യെ​ടു​ക്കാ​നാ​വില്ല. അവൻ എഴുതി: “ചിലർക്കുള്ള പതിവു​പോ​ലെ, നമ്മുടെ കൂടി​വ​രവ്‌ ഉപേക്ഷി​ക്കാ​തെ, പരസ്‌പരം പ്രോ​ത്സാ​ഹി​പ്പി​ച്ചു​കൊണ്ട്‌, സ്‌നേ​ഹ​ത്തി​നും സത്‌പ്ര​വൃ​ത്തി​കൾക്കും പ്രചോ​ദി​പ്പി​ക്കാൻ നമുക്ക്‌ അന്യോ​ന്യം പരിഗ​ണി​ക്കാം; നാൾ അടുത്തു​വ​രു​ന്നതു നിങ്ങൾ കാണു​ന്തോ​റും അത്‌ അധിക​മ​ധി​കം ചെയ്യുക.” (എബ്രായർ 10:24, 25, NW) ക്രിസ്‌തീയ യോഗ​ങ്ങ​ളിൽ സംബന്ധി​ക്കു​ന്ന​തി​ന്റെ പദവി​യെ​യും പ്രയോ​ജ​ന​ങ്ങ​ളെ​യും കുറിച്ചു ധ്യാനി​ക്കു​ന്നത്‌ അത്തരം കൂടി​വ​ര​വു​കളെ വിശ്വ​സ്‌ത​ത​യോ​ടും മുഴു​ഹൃ​ദ​യ​ത്തോ​ടും​കൂ​ടെ പിന്തു​ണ​യ്‌ക്കാൻ നമ്മെ സഹായി​ക്കും.

കെട്ടു​പ​ണി​ചെ​യ്യുന്ന യോഗങ്ങൾ

5. (എ) യോഗ​ങ്ങ​ളിൽ നമ്മുടെ വാക്കുകൾ എന്തു ഫലമു​ണ്ടാ​ക്കണം? (ബി) താത്‌പ​ര്യ​ക്കാ​രെ യോഗ​ങ്ങൾക്കു ക്ഷണിക്കാൻ നാം വൈക​രു​താ​ത്ത​തെ​ന്തു​കൊണ്ട്‌?

⁵ ക്രിസ്‌തീയ യോഗ​ങ്ങ​ളിൽ യഹോ​വ​യു​ടെ പരിശു​ദ്ധാ​ത്മാവ്‌ പ്രവർത്ത​ന​നി​ര​ത​മാ​യി​രി​ക്കാൻ ക്രിസ്‌ത്യാ​നി​കൾ പ്രാർഥി​ക്കു​ന്ന​തു​കൊണ്ട്‌, സന്നിഹി​ത​രാ​യി​രി​ക്കുന്ന ഓരോ​രു​ത്ത​രും “പരിശു​ദ്ധാ​ത്മാ​വി​നെ ദുഃഖി​പ്പി​ക്കാ”തെ അതി​നോ​ടു യോജി​പ്പിൽ പ്രവർത്തി​ക്കാൻ തങ്ങളുടെ പരമാ​വധി ചെയ്യണം. (എഫെസ്യർ 4:30) പൗലൊസ്‌ അപ്പോ​സ്‌തലൻ ആ നിശ്വസ്‌ത വാക്കുകൾ എഴുതി​യ​പ്പോൾ, അവൻ ഉചിത​മായ സംസാ​ര​ത്തി​ന്റെ ഉപയോ​ഗ​ത്തെ​ക്കു​റി​ച്ചു ചർച്ച​ചെ​യ്യു​ക​യാ​യി​രു​ന്നു. “കേൾക്കു​ന്ന​വർക്കു കൃപ ലഭി​ക്കേ​ണ്ട​തി​ന്നു ആവശ്യം​പോ​ലെ ആത്മിക​വർദ്ധ”നക്ക്‌ ഉതകു​ന്നതേ നാം പറയാവൂ. (എഫെസ്യർ 4:29) ക്രിസ്‌തീയ യോഗ​ങ്ങ​ളിൽ ഇതു വിശേ​ഷാൽ പ്രധാ​ന​മാണ്‌. കൊരി​ന്ത്യർക്കുള്ള ലേഖന​ത്തിൽ, യോഗങ്ങൾ കെട്ടു​പ​ണി​ചെ​യ്യു​ന്ന​തും പ്രബോ​ധ​നാ​ത്മ​ക​വും പ്രോ​ത്സാ​ഹ​ജ​ന​ക​വു​മാ​യി​രി​ക്ക​ണ​മെന്ന ആവശ്യം പൗലൊസ്‌ ഊന്നി​പ്പ​റഞ്ഞു. (1 കൊരി​ന്ത്യർ 14:5, 12, 19, 26, 31) പുതി​യവർ ഉൾപ്പെടെ സന്നിഹി​ത​രാ​യി​രി​ക്കുന്ന എല്ലാവ​രും അത്തരം യോഗ​ങ്ങ​ളിൽനി​ന്നു പ്രയോ​ജനം അനുഭ​വി​ക്കും. “ദൈവം വാസ്‌ത​വ​മാ​യി നിങ്ങളു​ടെ ഇടയിൽ ഉണ്ടു” എന്ന്‌ അവർ ഉചിത​മാ​യി നിഗമനം ചെയ്‌തേ​ക്കാം. (1 കൊരി​ന്ത്യർ 14:25) ഇക്കാര​ണ​ത്താൽ, നമ്മോ​ടൊ​ത്തു യോഗ​ങ്ങ​ളിൽ കൂടി​വ​രാൻ പുതിയ താത്‌പ​ര്യ​ക്കാ​രെ ക്ഷണിക്കാൻ നാം വൈക​രുത്‌. അങ്ങനെ ചെയ്യു​ന്നത്‌ അവരുടെ ആത്മീയ പുരോ​ഗ​തി​യെ ത്വരി​ത​പ്പെ​ടു​ത്തും.

6. യോഗ​ങ്ങളെ കെട്ടു​പ​ണി​ചെ​യ്യു​ന്ന​താ​ക്കാൻ സഹായി​ക്കുന്ന ചില ഘടകങ്ങ​ളേവ?

⁶ ഒരു ക്രിസ്‌തീയ യോഗ​ത്തിൽ പ്രസം​ഗ​ങ്ങൾക്കോ അഭിമു​ഖ​ങ്ങൾക്കോ പ്രകട​ന​ങ്ങൾക്കോ നിയമനം ലഭിക്കുന്ന എല്ലാവ​രും തങ്ങളുടെ വാക്കുകൾ കെട്ടു​പ​ണി​ചെ​യ്യു​ന്ന​താ​ണെ​ന്നും ദൈവ​ത്തി​ന്റെ എഴുത​പ്പെട്ട വചനമായ ബൈബി​ളി​നോ​ടു ചേർച്ച​യി​ലാ​ണെ​ന്നും ഉറപ്പു​വ​രു​ത്താൻ ആഗ്രഹി​ക്കു​ന്നു. കൃത്യ​ത​യുള്ള വാക്കുകൾ ഉച്ചരി​ക്കു​ന്ന​തി​നു​പു​റമേ, ദൈവ​ത്തി​ന്റെ​യും ക്രിസ്‌തു​വി​ന്റെ​യും സ്‌നേ​ഹ​പു​ര​സ്സ​ര​മായ വ്യക്തി​ത്വ​ങ്ങ​ളു​മാ​യി യോജി​ക്കുന്ന വികാ​ര​വി​ചാ​രങ്ങൾ പ്രകടി​പ്പി​ക്കണം. യോഗ​പ​രി​പാ​ടി​കൾ അവതരി​പ്പി​ക്കുന്ന എല്ലാവ​രും സന്തോഷം, ദീർഘക്ഷമ, വിശ്വാ​സം എന്നിങ്ങ​നെ​യുള്ള ‘ദൈവാ​ത്മാ​വി​ന്റെ ഫലങ്ങൾ’ പ്രതി​ഫ​ലി​പ്പി​ക്കു​ന്ന​തി​നെ​ക്കു​റി​ച്ചു ബോധ​മു​ള്ള​വ​രാ​ണെ​ങ്കിൽ, സന്നിഹി​ത​രാ​യി​രി​ക്കുന്ന എല്ലാവർക്കും നിശ്ചയ​മാ​യും കെട്ടു​പ​ണി​ചെ​യ്യ​പ്പെ​ടുന്ന അനുഭ​വ​മു​ണ്ടാ​കും.—ഗലാത്യർ 5:22, 23.

7. സംബന്ധി​ക്കുന്ന എല്ലാവർക്കും കൂടി​വ​ര​വി​നെ കെട്ടു​പ​ണി​ചെ​യ്യു​ന്ന​താ​ക്കു​ന്ന​തിൽ പങ്കുവ​ഹി​ക്കാൻ കഴിയു​ന്ന​തെ​ങ്ങനെ?

⁷ സഭാ​യോ​ഗ​ങ്ങ​ളിൽ പരിപാ​ടി​കൾ നിർവ​ഹി​ക്കു​ന്നത്‌ വളരെ ചുരു​ക്കം​പേ​രാ​ണെ​ങ്കി​ലും, കൂടി​വ​ര​വി​നെ കെട്ടു​പ​ണി​ചെ​യ്യു​ന്ന​താ​ക്കു​ന്ന​തിൽ പങ്കുവ​ഹി​ക്കാൻ എല്ലാവർക്കും കഴിയും. ചോദ്യ​ങ്ങൾക്ക്‌ ഉത്തരം​പ​റ​യാൻ സദസ്സി​ലു​ള്ള​വർക്ക്‌ കൂടെ​ക്കൂ​ടെ അവസരം ലഭിക്കു​ന്നു. ഇവ നമ്മുടെ വിശ്വാ​സം പരസ്യ​മാ​യി പ്രഖ്യാ​പി​ക്കു​ന്ന​തി​നുള്ള അവസര​ങ്ങ​ളാണ്‌. (റോമർ 10:9) നാം അവയെ ഒരിക്ക​ലും നമ്മുടെ വ്യക്തി​പ​ര​മായ ആശയങ്ങൾ അവതരി​പ്പി​ക്കു​ന്ന​തി​നോ നമ്മുടെ സ്വന്തം നേട്ടങ്ങ​ളെ​ക്കു​റിച്ച്‌ വീമ്പി​ള​ക്കു​ന്ന​തി​നോ സഹവി​ശ്വാ​സി​യെ വിമർശി​ക്കു​ന്ന​തി​നോ ഉള്ള അവസര​മാ​യി ഉപയോ​ഗി​ക്ക​രുത്‌. അതു ദൈവാ​ത്മാ​വി​നെ ദുഃഖി​പ്പി​ക്കു​ക​യി​ല്ലേ? സഹവി​ശ്വാ​സി​ക​ളു​മാ​യുള്ള ഭിന്നതകൾ സ്‌നേ​ഹ​ത്തി​ന്റെ ആത്മാവിൽ സ്വകാ​ര്യ​മാ​യി കൈകാ​ര്യം​ചെ​യ്യു​ന്ന​താണ്‌ ഏറ്റവും നല്ലത്‌. ബൈബിൾ പ്രസ്‌താ​വി​ക്കു​ന്നു: “നിങ്ങൾ തമ്മിൽ ദയയും മനസ്സലി​വു​മു​ള്ള​വ​രാ​യി ദൈവം ക്രിസ്‌തു​വിൽ നിങ്ങ​ളോ​ടു ക്ഷമിച്ച​തു​പോ​ലെ അന്യോ​ന്യം ക്ഷമിപ്പിൻ.” (എഫെസ്യർ 4:32) ഈ ഉത്തമ ബുദ്ധ്യു​പ​ദേശം ബാധക​മാ​ക്കാൻ ക്രിസ്‌തീയ കൂടി​വ​ര​വു​കൾ നമുക്ക്‌ എത്ര നല്ല അവസര​മാണ്‌ പ്രദാ​നം​ചെ​യ്യു​ന്നത്‌! ആ ലക്ഷ്യത്തിൽ, അനേക​രും യോഗ​ങ്ങൾക്കു നേരത്തേ വരുക​യും യോഗാ​ന​ന്തരം കുറച്ചു​നേരം അവിടെ തങ്ങുക​യും ചെയ്യുന്നു. ഇത്‌ തങ്ങൾ സ്വാഗ​തം​ചെ​യ്യ​പ്പെ​ടു​ന്നു​വെന്നു തോന്നേണ്ട പ്രത്യേക ആവശ്യ​മുള്ള പുതിയ താത്‌പ​ര്യ​ക്കാ​രെ​യും സഹായി​ക്കു​ന്നു. അങ്ങനെ എല്ലാ സമർപ്പിത ക്രിസ്‌ത്യാ​നി​കൾക്കും ‘സ്‌നേ​ഹ​ത്തി​നും സത്‌പ്ര​വൃ​ത്തി​കൾക്കും പ്രചോ​ദി​പ്പി​ച്ചു​കൊ​ണ്ടും അന്യോ​ന്യം പരിഗണി’ച്ചുകൊ​ണ്ടും യോഗ​ങ്ങളെ കെട്ടു​പ​ണി​ചെ​യ്യു​ന്ന​താ​ക്കു​ന്ന​തിൽ പങ്കുണ്ട്‌.

നന്നായി തയ്യാറാ​കു​ക

8. (എ) യോഗ​ങ്ങ​ളിൽ സംബന്ധി​ക്കാൻ ചിലർ എന്തു പ്രശം​സ​നീയ ത്യാഗങ്ങൾ ചെയ്യുന്നു? (ബി) ഇടയനെന്ന നിലയിൽ യഹോവ എന്തു മാതൃക വെക്കുന്നു?

⁸ ക്രിസ്‌തീയ കൂടി​വ​ര​വു​ക​ളിൽ സംബന്ധി​ക്കു​ന്നത്‌ ചിലർക്കു താരത​മ്യേന എളുപ്പ​മാ​ണെ​ങ്കി​ലും, മറ്റുള്ള​വരെ സംബന്ധി​ച്ചി​ട​ത്തോ​ളം അതു നിരന്തരം ത്യാഗം ആവശ്യ​മാ​യി​വ​രുന്ന ഒരു സംഗതി​യാണ്‌. ഉദാഹ​ര​ണ​ത്തിന്‌, കുടും​ബ​ത്തി​ന്റെ അത്യാ​വശ്യ ചെലവു​കൾക്കാ​യി ലൗകിക ജോലി ചെയ്യേ​ണ്ടി​വ​രുന്ന ഒരു ക്രിസ്‌തീയ മാതാവ്‌ ജോലി കഴിഞ്ഞ്‌ വീട്ടി​ലെ​ത്തു​ന്നതു ക്ഷീണി​ച്ച​വ​ശ​യാ​യി​ട്ടാണ്‌. പിന്നെ ഭക്ഷണമു​ണ്ടാ​ക്ക​ലും യോഗ​ത്തി​നാ​യി കുട്ടി​കളെ ഒരുക്ക​ലു​മെ​ല്ലാം അവർതന്നെ ചെയ്യണം. ഇനി മറ്റു ക്രിസ്‌ത്യാ​നി​കൾ, യോഗ​സ്ഥ​ലത്ത്‌ എത്താൻ ദീർഘ​ദൂ​രം യാത്ര​ചെ​യ്യേ​ണ്ട​വ​രോ രോഗ​ത്താ​ലോ വാർധ​ക്യ​ത്താ​ലോ ബുദ്ധി​മു​ട്ടു​ന്ന​വ​രോ ആയിരി​ക്കാം. തീർച്ച​യാ​യും, സ്‌നേ​ഹ​വാ​നായ ഒരു ഇടയൻ തന്റെ ആട്ടിൻകൂ​ട്ട​ത്തി​ലെ ഓരോ​ന്നി​ന്റെ​യും ആവശ്യങ്ങൾ അറിയു​ന്ന​തു​പോ​ലെ, യോഗ​ത്തി​നു ഹാജരാ​കുന്ന ഓരോ വിശ്വസ്‌ത വ്യക്തി​യു​ടെ​യും സ്ഥിതി​വി​ശേഷം യഹോ​വ​യാം ദൈവം മനസ്സി​ലാ​ക്കു​ന്നു. ബൈബിൾ പ്രസ്‌താ​വി​ക്കു​ന്നു: “ഒരു ഇടയ​നെ​പ്പോ​ലെ [യഹോവ] തന്റെ ആട്ടിൻകൂ​ട്ടത്തെ മേയി​ക്ക​യും കുഞ്ഞാ​ടു​കളെ ഭുജത്തിൽ എടുത്തു മാർവ്വി​ട​ത്തിൽ ചേർത്തു വഹിക്ക​യും തള്ളകളെ പതുക്കെ നടത്തു​ക​യും ചെയ്യും.”—യെശയ്യാ​വു 40:11.

9, 10. യോഗ​ങ്ങ​ളിൽനിന്ന്‌ നമു​ക്കെ​ങ്ങനെ പരമാ​വധി പ്രയോ​ജനം നേടാ​നാ​കും?

⁹ യോഗ​ങ്ങ​ളിൽ ക്രമമാ​യി സംബന്ധി​ക്കു​ന്ന​തി​നു വലിയ ത്യാഗങ്ങൾ ചെയ്യേ​ണ്ടി​വ​രു​ന്ന​വർക്ക്‌ അവിടെ പരിചി​ന്തി​ക്ക​പ്പെ​ടുന്ന വിവര​ങ്ങൾക്കാ​യി തയ്യാറാ​കാൻ വേണ്ടത്ര സമയം ലഭിക്കു​ന്നി​ല്ലാ​യി​രി​ക്കും. പ്രതി​വാര ബൈബിൾ വായന ക്രമമാ​യി നടത്തു​ന്നത്‌ ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ സംബന്ധി​ക്കു​ന്ന​തി​നെ കൂടുതൽ പ്രതി​ഫ​ല​ദാ​യ​ക​മാ​ക്കു​ന്നു. സമാന​മാ​യി, വീക്ഷാ​ഗോ​പുര അധ്യയനം, സഭാപു​സ്‌ത​കാ​ധ്യ​യനം എന്നിവ​പോ​ലുള്ള മറ്റു യോഗ​ങ്ങൾക്കു​വേണ്ടി നേര​ത്തേ​തന്നെ തയ്യാറാ​കു​ന്നത്‌ അവയെ കൂടുതൽ പ്രയോ​ജ​ന​പ്ര​ദ​മാ​ക്കു​ന്നു. അധ്യയ​ന​ലേ​ഖനം മുന്നമേ വായി​ക്കു​ക​യും പരാമർശി​ച്ചി​രി​ക്കുന്ന ചില ബൈബിൾ വാക്യ​ങ്ങ​ളെ​ങ്കി​ലും പരിചി​ന്തി​ക്കു​ക​യും ചെയ്യു​ന്നെ​ങ്കിൽ, പല കുടുംബ ഉത്തരവാ​ദി​ത്വ​ങ്ങ​ളു​മാ​യി തിരക്കി​ലാ​യി​രി​ക്കു​ന്ന​വ​രും ഈ പ്രധാ​ന​പ്പെട്ട ബൈബിൾ ചർച്ചക​ളിൽ അർഥവ​ത്താ​യി പങ്കെടു​ക്കാൻ കൂടുതൽ ചായ്‌വു​ള്ള​വ​രാ​യി​രി​ക്കും.

¹⁰ അനുകൂല സാഹച​ര്യ​മു​ള്ള​വർക്ക്‌ യോഗ​ങ്ങൾക്കാ​യി തയ്യാറാ​കു​ന്ന​തിൽ കൂടുതൽ സമയം ചെലവ​ഴി​ക്കാ​നാ​കും. ഉദാഹ​ര​ണ​ത്തിന്‌, ഉദ്ധരി​ച്ചി​ട്ടി​ല്ലെ​ങ്കി​ലും പരാമർശി​ച്ചി​രി​ക്കുന്ന തിരു​വെ​ഴു​ത്തു​ക​ളെ​ക്കു​റി​ച്ചു ഗവേഷണം ചെയ്യാ​നാ​കും. അങ്ങനെ യോഗ​ങ്ങ​ളിൽനി​ന്നു പരമാ​വധി പ്രയോ​ജനം നേടാ​നും തങ്ങളുടെ പ്രസം​ഗ​ങ്ങ​ളാ​ലും അഭി​പ്രാ​യ​ങ്ങ​ളാ​ലും സഭയെ കെട്ടു​പ​ണി​ചെ​യ്യു​ന്ന​തിൽ ഒരു നല്ല പങ്കുണ്ടാ​യി​രി​ക്കാ​നും എല്ലാവർക്കും തയ്യാറാ​യി​വ​രാ​നാ​കും. നന്നായി തയ്യാറാ​യി​ക്കൊണ്ട്‌ മൂപ്പന്മാ​രും ശുശ്രൂ​ഷാ​ദാ​സ​ന്മാ​രും ഹ്രസ്വ​വും സംക്ഷി​പ്‌ത​വു​മായ ഉത്തരങ്ങൾ നൽകു​ന്ന​തിൽ നല്ല മാതൃക വെക്കും. യഹോ​വ​യു​ടെ കരുത​ലു​ക​ളോ​ടുള്ള ആദരവു​നി​മി​ത്തം, സന്നിഹി​ത​രാ​യി​രി​ക്കു​ന്നവർ യോഗം നടന്നു​കൊ​ണ്ടി​രി​ക്കു​മ്പോൾ മറ്റുള്ള​വർക്കു ശ്രദ്ധാ​ശൈ​ഥി​ല്യ​മു​ണ്ടാ​ക്കുന്ന ഏതു നടപടി​ക​ളും ഒഴിവാ​ക്കും.—1 പത്രൊസ്‌ 5:3.

11. യോഗ​ങ്ങൾക്കു തയ്യാറാ​കു​ന്ന​തിന്‌ ആത്മശി​ക്ഷണം ആവശ്യ​മാ​യി​രി​ക്കു​ന്ന​തെ​ന്തു​കൊണ്ട്‌?

¹¹ നമ്മുടെ ആത്മീയ ആരോ​ഗ്യ​ത്തി​നു മർമ​പ്ര​ധാ​ന​മ​ല്ലാത്ത പ്രവർത്ത​ന​ങ്ങ​ളും വിനോ​ദ​ങ്ങ​ളും നമ്മുടെ സമയത്തി​ന്റെ നല്ലൊരു പങ്ക്‌ അപഹരി​ക്കു​ന്നു​ണ്ടാ​കാം. എങ്കിൽ, നമ്മെത്തന്നെ പരി​ശോ​ധി​ക്കു​ക​യും സമയം ഉപയോ​ഗി​ക്കു​ന്ന​തി​നോ​ടുള്ള ബന്ധത്തിൽ “ന്യായ​ബോ​ധ​മി​ല്ലാ​താ​യി​ത്തീ​രു​ന്നത്‌ നിറു​ത്തുക”യും ചെയ്യേ​ണ്ട​തുണ്ട്‌. (എഫെസ്യർ 5:17, NW) വ്യക്തി​പ​ര​മായ ബൈബിൾപ​ഠ​ന​ത്തി​നും യോഗ​ങ്ങൾക്കാ​യുള്ള തയ്യാറാ​ക​ലി​നും രാജ്യ​സേ​വ​ന​ത്തി​നും സമയം ലഭിക്കാൻ, പ്രാധാ​ന്യം കുറഞ്ഞ സംഗതി​ക​ളിൽനി​ന്നു ‘സമയം വിലയ്‌ക്കു വാങ്ങാൻ’ നാം ലക്ഷ്യം​വെ​ക്കണം. (എഫെസ്യർ 5:16) ഇത്‌ എല്ലായ്‌പോ​ഴും എളുപ്പ​മ​ല്ലെ​ന്നും ഇതിന്‌ ആത്മശി​ക്ഷണം ആവശ്യ​മാ​ണെ​ന്നും സമ്മതി​ക്കു​ന്നു. ഇതിൽ ശ്രദ്ധി​ക്കുന്ന യുവജ​നങ്ങൾ ഭാവി പുരോ​ഗ​തി​ക്കു നല്ല അടിസ്ഥാ​ന​മി​ടു​ക​യാണ്‌. പൗലൊസ്‌ തന്റെ യുവസ​ഹ​കാ​രി​യായ തിമൊ​ഥെ​യൊ​സിന്‌ എഴുതി: “നിന്റെ അഭിവൃ​ദ്ധി എല്ലാവർക്കും പ്രസി​ദ്ധ​മാ​യി​ത്തീ​രേ​ണ്ട​തി​ന്നു ഇതു [തിമൊ​ഥെ​യൊ​സി​നുള്ള പൗലൊ​സി​ന്റെ ബുദ്ധ്യു​പ​ദേശം] കരുതുക, ഇതിൽ തന്നേ ഇരുന്നു​കൊൾക.”—1 തിമൊ​ഥെ​യൊസ്‌ 4:15.

ദൈവ​വ​ച​ന​ത്തിൽനി​ന്നുള്ള മാതൃ​ക​കൾ

12. ശമൂ​വേ​ലി​ന്റെ കുടും​ബം എന്തു മുന്തിയ മാതൃക വെച്ചു?

¹² ശമൂ​വേ​ലി​ന്റെ കുടും​ബം വെച്ച നല്ല മാതൃക പരിചി​ന്തി​ക്കുക. ദൈവ​ത്തി​ന്റെ സമാഗ​മ​ന​കൂ​ടാ​രം ശീലോ​വിൽ സ്ഥാപി​ത​മാ​യി​രു​ന്ന​പ്പോൾ സഹാരാ​ധ​ക​രോ​ടൊ​പ്പം കൂടി​വ​രു​ന്ന​തി​നുള്ള ക്രമീ​ക​ര​ണ​ങ്ങ​ളിൽ അവന്റെ കുടും​ബം ക്രമമാ​യി പങ്കെടു​ത്തി​രു​ന്നു. ഉത്സവാ​ഘോ​ഷ​ങ്ങൾക്കാ​യി പുരു​ഷ​ന്മാർമാ​ത്രമേ വാർഷിക സന്ദർശ​നങ്ങൾ നടത്തേ​ണ്ടി​യി​രു​ന്നു​ള്ളൂ. എന്നാൽ ശമൂ​വേ​ലി​ന്റെ പിതാ​വായ എല്‌ക്കാന ‘ശീലോ​വിൽ സൈന്യ​ങ്ങ​ളു​ടെ യഹോ​വയെ നമസ്‌ക​രി​പ്പാ​നും അവന്നു യാഗം കഴിപ്പാ​നും തന്റെ പട്ടണത്തിൽനി​ന്നു ആണ്ടു​തോ​റും ശീലോ​വി​ലേക്കു പതിവാ​യി പോകുന്ന’ വേളക​ളിൽ അവൻ മുഴു​കു​ടും​ബ​ത്തെ​യും കൊണ്ടു​പോ​കു​മാ​യി​രു​ന്നു. (1 ശമൂവേൽ 1:3-5) “എഫ്രയീം​മ​ല​നാ​ട്ടി”ലെ അടിവാ​ര​പ്ര​ദേ​ശത്തെ—ആധുനി​ക​നാ​ളി​ലെ റെൻറി​സ്‌തീ​ര​പ്ര​ദേ​ശത്തെ—തീരത്തി​ന​ടു​ത്താ​യി​രി​ക്കാം ശമൂ​വേ​ലി​ന്റെ ജന്മനാ​ടായ രാമാ​ഥ​യീം-സോഫീം സ്ഥിതി​ചെ​യ്‌തി​രു​ന്നത്‌. (1 ശമൂവേൽ 1:1) അങ്ങനെ ശീലോ​വി​ലേ​ക്കുള്ള യാത്ര​യിൽ അവർ ഏതാണ്ട്‌ 30 കിലോ​മീ​റ്റർ താണ്ടി​യി​രു​ന്നി​രി​ക്കാം. ആ നാളു​ക​ളിൽ അത്തര​മൊ​രു യാത്ര ക്ലേശക​രം​ത​ന്നെ​യാ​യി​രു​ന്നു. എന്നാൽ അതാണ്‌ എല്‌ക്കാ​ന​യു​ടെ കുടും​ബം “യഹോ​വ​യു​ടെ ആലയത്തി​ലേക്കു പോകുന്ന സമയ​ത്തൊ​ക്കെ​യും ആണ്ടു​തോ​റും” വിശ്വ​സ്‌ത​ത​യോ​ടെ ചെയ്‌തി​രു​ന്നത്‌.—1 ശമൂവേൽ 1:7.

13. യേശു ഭൂമി​യി​ലാ​യി​രുന്ന സമയത്ത്‌ വിശ്വസ്‌ത യഹൂദർ ഏതു മാതൃക വെച്ചു?

¹³ യേശു​വും ഒരു വലിയ കുടും​ബ​ത്തി​ലെ അംഗമാ​യാണ്‌ വളർന്നത്‌. ആണ്ടു​തോ​റും ആ കുടും​ബം യെരൂ​ശ​ലേ​മി​ലെ പെസഹാ ഉത്സവത്തിൽ സംബന്ധി​ക്കാൻ നസറെ​ത്തിൽനിന്ന്‌ ഏതാണ്ട്‌ 100 കിലോ​മീ​റ്റർ തെക്കോട്ട്‌ യാത്ര​ചെ​യ്‌തി​രു​ന്നു. അതിന്‌ അവർക്കു രണ്ടു വഴികൾ ഉണ്ടായി​രു​ന്നി​രി​ക്കാം. നേരി​ട്ടുള്ള വഴിയിൽ മെഗി​ദോ താഴ്‌വ​ര​യി​ലേ​ക്കുള്ള ഒരു ഇറക്കവും ശമര്യ പ്രദേ​ശ​ത്തേ​ക്കും പിന്നെ യെരൂ​ശ​ലേ​മി​ലേ​ക്കു​മാ​യി ഏതാണ്ട്‌ 2,000 അടി വരുന്ന ഒരു കയറ്റവും ഉണ്ടായി​രു​ന്നു. പൊ.യു. 33-ൽ യേശു യെരൂ​ശ​ലേ​മി​ലേക്ക്‌ തന്റെ അവസാന യാത്ര നടത്താൻ തിര​ഞ്ഞെ​ടുത്ത വഴിയാണ്‌ മറ്റേ വഴി. ഇതായി​രു​ന്നു ആളുകൾ സാധാരണ തിര​ഞ്ഞെ​ടു​ത്തി​രു​ന്നത്‌. യോർദാൻ താഴ്‌വ​ര​യി​ലൂ​ടെ സമു​ദ്ര​നി​ര​പ്പി​ലും താഴേക്ക്‌ “യോർദ്ദാ​ന്ന​ക്കരെ യെഹൂ​ദ്യ​ദേ​ശ​ത്തി​ന്റെ അതി​രോ​ളം” നടക്കു​ന്നത്‌ ഇതിലുൾപ്പെ​ട്ടി​രു​ന്നു. (മർക്കൊസ്‌ 10:1) ഈ സ്ഥാനം​മു​തൽ, ‘യെരൂ​ശ​ലേ​മി​ലേ​ക്കുള്ള യാത്ര’യിൽ ഏതാണ്ട്‌ 30 കിലോ​മീ​റ്റർ ദൂരമുണ്ട്‌, അതിൽ 3,700 അടിയിൽ കൂടു​തൽവ​രുന്ന ഒരു കയറ്റവു​മുണ്ട്‌. (മർക്കൊസ്‌ 10:32) ഉത്സവാ​ഘോ​ഷ​ക​രു​ടെ വിശ്വസ്‌ത കൂട്ടങ്ങൾ ഗലീല​യിൽനി​ന്നു യെരൂ​ശ​ലേ​മി​ലേ​ക്കുള്ള ശ്രമക​ര​മായ യാത്ര ക്രമമാ​യി നടത്തി​യി​രു​ന്നു. (ലൂക്കൊസ്‌ 2:44) ആധുനിക യാത്രാ​സൗ​ക​ര്യ​ങ്ങൾനി​മി​ത്തം, കാര്യ​മാ​യി ബുദ്ധി​മു​ട്ടി​ല്ലാ​തെ ക്രിസ്‌തീയ സമ്മേള​ന​ങ്ങ​ളിൽ സംബന്ധി​ക്കാൻ മിക്കവർക്കും സാധി​ക്കുന്ന ഇന്നത്തെ സമ്പന്ന രാജ്യ​ങ്ങ​ളി​ലുള്ള യഹോ​വ​യു​ടെ ദാസന്മാർക്ക്‌ ഇത്‌ എത്ര നല്ല മാതൃക!

14, 15. (എ) ഹന്നാ എന്തു മാതൃക വെച്ചു? (ബി) യോഗ​ങ്ങൾക്കു ഹാജരാ​കുന്ന ചില പുതി​യവർ പ്രകട​മാ​ക്കുന്ന നല്ല മനോ​ഭാ​വ​ത്തിൽനി​ന്നു നമു​ക്കെന്തു പഠിക്കാൻ കഴിയും?

¹⁴ മറ്റൊരു മാതൃക 84-കാരി​യായ ഹന്നാ എന്ന വിധവ​യു​ടേ​താണ്‌. അവൾ ഒരിക്ക​ലും ‘ദൈവാ​ലയം വിട്ടു​പി​രി​ഞ്ഞി​രു​ന്നി’ല്ലെന്ന്‌ ബൈബിൾ പ്രസ്‌താ​വി​ക്കു​ന്നു. (ലൂക്കൊസ്‌ 2:37) കൂടാതെ, അവൾ മറ്റുള്ള​വ​രിൽ സ്‌നേ​ഹ​പു​ര​സ്സ​ര​മായ താത്‌പ​ര്യം പ്രകട​മാ​ക്കു​ക​യും ചെയ്‌തി​രു​ന്നു. യേശു​വി​നെ കണ്ട്‌ അവൻ വാഗ്‌ദത്ത മിശി​ഹാ​യാ​ണെന്നു മനസ്സി​ലാ​ക്കി​യ​പ്പോൾ അവൾ എന്തു ചെയ്‌തു? അവൾ ദൈവ​ത്തി​നു നന്ദിപ​റ​ഞ്ഞു​കൊണ്ട്‌ “യെരൂ​ശ​ലേ​മി​ന്റെ വീണ്ടെ​ടു​പ്പി​നെ കാത്തി​രുന്ന എല്ലാവ​രോ​ടും അവനെ​ക്കു​റി​ച്ചു പ്രസ്‌താ​വി”ക്കാൻ തുടങ്ങി. (ലൂക്കൊസ്‌ 2:38) ഇത്‌ ഇന്നത്തെ ക്രിസ്‌ത്യാ​നി​കൾക്ക്‌ എത്ര നല്ല മനോ​ഭാ​വ​വും മാതൃ​ക​യു​മാണ്‌!

¹⁵ അതേ, നമ്മുടെ യോഗ​ങ്ങ​ളിൽ സംബന്ധി​ക്കു​ന്ന​തും പങ്കുപ​റ്റു​ന്ന​തും ഹന്നാ​യെ​പ്പോ​ലെ നമുക്കും ആനന്ദമാ​യി​രി​ക്കണം, മുടക്കം​വ​രു​ത്താൻ നാമൊ​രി​ക്ക​ലും ആഗ്രഹി​ക്ക​രുത്‌. നിശ്ചയ​മാ​യും പുതി​യ​വർക്ക്‌ അതേ വിലമ​തി​പ്പാ​ണു​ള്ളത്‌. അന്ധകാ​ര​ത്തിൽനി​ന്നു ദൈവ​ത്തി​ന്റെ അത്ഭുത പ്രകാ​ശ​ത്തി​ലേക്ക്‌ വന്നെത്തിയ അവർ തങ്ങളാ​ലാ​വു​ന്ന​തെ​ല്ലാം പഠിക്കാ​നാ​ഗ്ര​ഹി​ക്കു​ന്നു. അനേക​രും ക്രിസ്‌തീയ യോഗ​ങ്ങൾക്ക്‌ വലിയ ഉത്സാഹം പ്രകട​മാ​ക്കു​ന്നു. അതേസ​മയം, ദീർഘ​നാ​ളാ​യി സത്യത്തി​ലു​ള്ളവർ തങ്ങളുടെ ‘ആദ്യസ്‌നേഹം വിട്ടു​ക​ളയു’ന്നതി​നെ​തി​രെ ജാഗരി​ക്കണം. (വെളി​പ്പാ​ടു 2:4) ഗുരു​ത​ര​മായ ആരോ​ഗ്യ​പ്ര​ശ്‌ന​ങ്ങ​ളോ ഒരു വ്യക്തി​യു​ടെ നിയ​ന്ത്ര​ണ​ത്തി​ന​പ്പു​റ​മുള്ള മറ്റു സംഗതി​ക​ളോ ചില​പ്പോൾ ഒരാളു​ടെ യോഗ​ഹാ​ജ​രി​നെ പരിമി​ത​പ്പെ​ടു​ത്തി​യേ​ക്കാം. എന്നാൽ തയ്യാറാ​കാ​തെ വരിക, തണുപ്പൻ മനോ​ഭാ​വം പ്രകടി​പ്പി​ക്കുക, ഇടയ്‌ക്കി​ടെ യോഗങ്ങൾ മുടക്കുക എന്നിവ​ക്കി​ട​യാ​ക്കാൻ നാം ഭൗതി​ക​ത്വ​ചി​ന്ത​യെ​യോ വിനോ​ദ​ത്തെ​യോ താത്‌പ​ര്യ​ക്കു​റ​വി​നെ​യോ ഒരിക്ക​ലും അനുവ​ദി​ക്ക​രുത്‌.—ലൂക്കൊസ്‌ 8:14.

ഏറ്റവും നല്ല മാതൃക

16, 17. (എ) ആത്മീയ കൂടി​വ​ര​വു​ക​ളോ​ടുള്ള യേശു​വി​ന്റെ മനോ​ഭാ​വ​മെ​ന്താ​യി​രു​ന്നു? (ബി) എല്ലാ ക്രിസ്‌ത്യാ​നി​ക​ളും ഏതു നല്ല പതിവ്‌ പിൻപ​റ്റാൻ ശ്രമി​ക്കണം?

¹⁶ ആത്മീയ കൂടി​വ​ര​വു​ക​ളോ​ടു വിലമ​തി​പ്പു പ്രകടി​പ്പി​ക്കു​ന്ന​തിൽ യേശു മുന്തിയ മാതൃക വെച്ചു. 12 വയസ്സു​ള്ള​പ്പോൾ, യെരൂ​ശ​ലേ​മി​ലെ ദൈവാ​ല​യ​ത്തോ​ടുള്ള തന്റെ സ്‌നേഹം അവൻ പ്രകട​മാ​ക്കി. കൈവി​ട്ടു​പോയ മകനെ മാതാ​പി​താ​ക്കൾ അവസാനം ആലയത്തി​ലാണ്‌ കണ്ടെത്തി​യത്‌. അവിടെ അവൻ ഉപദേ​ഷ്ടാ​ക്ക​ളു​മൊത്ത്‌ ദൈവ​വ​ചനം ചർച്ച​ചെ​യ്യു​ക​യാ​യി​രു​ന്നു. ഉത്‌ക​ണ്‌ഠാ​കു​ല​രായ മാതാ​പി​താ​ക്ക​ളോട്‌ യേശു ആദര​വോ​ടെ ചോദി​ച്ചു: “ഞാൻ എന്റെ പിതാ​വി​ന്റെ ഭവനത്തി​ലാ​യി​രി​ക്ക​ണ​മെന്നു നിങ്ങൾക്ക​റി​യി​ല്ലേ?” (ലൂക്കൊസ്‌ 2:49, NW) ബാലനായ യേശു കീഴ്‌പെടൽ പ്രകട​മാ​ക്കി മാതാ​പി​താ​ക്ക​ളോ​ടു​കൂ​ടെ നസറെ​ത്തി​ലേക്കു മടങ്ങി. അവിടെ അവൻ സിന​ഗോ​ഗു​ക​ളിൽ ക്രമമാ​യി സംബന്ധി​ച്ചു​കൊണ്ട്‌ ആരാധനാ യോഗ​ങ്ങ​ളോ​ടുള്ള തന്റെ പ്രിയം പ്രകട​മാ​ക്കു​ന്ന​തിൽ തുടർന്നു. അങ്ങനെ, അവൻ തന്റെ ശുശ്രൂഷ ആരംഭി​ച്ച​പ്പോൾ “അവൻ വളർന്ന നസറെ​ത്തിൽ വന്നു: ശബ്ബത്തിൽ തന്റെ പതിവു​പോ​ലെ പള്ളിയിൽ ചെന്നു വായി​പ്പാൻ എഴു​ന്നേ​റ​റു​നി​ന്നു” എന്നു ബൈബിൾ റിപ്പോർട്ടു​ചെ​യ്യു​ന്നു. (ചെരി​ച്ചെ​ഴു​ത്തു ഞങ്ങളു​ടേത്‌.) യെശയ്യാ​വു 61:1, 2 വായിച്ച്‌ യേശു അതു വിശദ​മാ​ക്കി​യ​പ്പോൾ, സദസ്യർ “അവന്റെ വായിൽനി​ന്നു പുറപ്പെട്ട ലാവണ്യ​വാ​ക്കു​കൾനി​മി​ത്തം ആശ്ചര്യ”പ്പെട്ടു തുടങ്ങി.—ലൂക്കൊസ്‌ 4:16, 22.

¹⁷ ഇന്നത്തെ ക്രിസ്‌തീയ യോഗങ്ങൾ ഈ അടിസ്ഥാന രീതി പിൻപ​റ്റു​ന്നു. ഒരു സ്‌തു​തി​ഗീ​തം ആലപിച്ച്‌ പ്രാർഥ​ന​യോ​ടെ യോഗം ആരംഭി​ച്ചിട്ട്‌ ബൈബി​ളിൽനി​ന്നുള്ള വാക്യങ്ങൾ (അല്ലെങ്കിൽ ബൈബി​ള​ധ്യ​യന ഭാഗത്ത്‌ ഉദ്ധരി​ച്ചി​രി​ക്കുന്ന വാക്യങ്ങൾ) വായിച്ച്‌ വിശദീ​ക​രി​ക്കു​ന്നു. സത്യ​ക്രി​സ്‌ത്യാ​നി​കൾക്ക്‌ യേശു​ക്രി​സ്‌തു​വി​ന്റെ നല്ല പതിവ്‌ അനുക​രി​ക്കാ​നുള്ള കടപ്പാ​ടുണ്ട്‌. അവരുടെ സാഹച​ര്യം അനുവ​ദി​ക്കു​ന്നി​ട​ത്തോ​ളം, ക്രിസ്‌തീയ യോഗ​ങ്ങ​ളിൽ ക്രമമാ​യി സംബന്ധി​ക്കു​ന്ന​തിൽ അവർ ആനന്ദം കണ്ടെത്തു​ന്നു.

ആധുനിക നാളിലെ മാതൃ​ക​കൾ

18, 19. അധികം സമ്പത്‌സ​മൃ​ദ്ധ​മ​ല്ലാത്ത രാജ്യ​ങ്ങ​ളിൽ യോഗങ്ങൾ, സമ്മേള​നങ്ങൾ, കൺ​വെൻ​ഷ​നു​കൾ എന്നിവ​യു​ടെ കാര്യ​ത്തിൽ സഹോ​ദ​രങ്ങൾ ഏതു ശ്രേഷ്‌ഠ​മായ മാതൃ​കകൾ വെച്ചി​രി​ക്കു​ന്നു?

¹⁸ അത്ര സമ്പത്‌സ​മൃ​ദ്ധ​മ​ല്ലാത്ത രാജ്യ​ങ്ങ​ളിൽ, നമ്മുടെ അനേകം സഹോ​ദ​രീ​സ​ഹോ​ദ​ര​ന്മാർ ക്രിസ്‌തീയ കൂടി​വ​ര​വു​ക​ളോ​ടുള്ള വിലമ​തി​പ്പി​ന്റെ നല്ല മാതൃക വെക്കു​ന്നുണ്ട്‌. മൊസാ​മ്പി​ക്കിൽ, ഒരു ഡിസ്‌ട്രി​ക്‌റ്റ്‌ മേൽവി​ചാ​ര​ക​നായ ഓർലാ​ണ്ടു​വും ഭാര്യ ആമല്യ​യും ഒരു സമ്മേള​ന​ത്തിൽ സേവി​ക്കാൻ പോയത്‌ ഉയരം​കൂ​ടിയ ഒരു മലയി​ലൂ​ടെ 45 മണിക്കൂർകൊണ്ട്‌ 90 കിലോ​മീ​റ്റ​റോ​ളം നടന്നാണ്‌. അവർ അടുത്ത സമ്മേള​ന​ത്തിൽ സേവി​ക്കാൻ പോയ​തും അത്രയും ദൂരം മടക്കയാ​ത്ര ചെയ്‌തി​ട്ടു​തന്നെ. ഓർലാ​ണ്ടു താഴ്‌മ​യോ​ടെ റിപ്പോർട്ടു​ചെ​യ്‌തു: “ബാവാ സഭയിൽനി​ന്നുള്ള സഹോ​ദ​ര​ങ്ങ​ളോ​ടുള്ള താരത​മ്യ​ത്തിൽ ഞങ്ങൾ ചെയ്‌തത്‌ ഒന്നുമ​ല്ലെന്ന തോന്ന​ലാ​യി​രു​ന്നു ഞങ്ങൾക്ക്‌. സമ്മേള​ന​ത്തിൽ പങ്കെടു​ത്തു മടങ്ങു​ക​യെ​ന്നാൽ അവർ ആറുദി​വ​സം​കൊണ്ട്‌ ഏതാണ്ട്‌ 400 കിലോ​മീ​റ്റർ ദൂരം നടക്കണ​മെ​ന്നർഥം. അതി​ലൊ​രു സഹോ​ദരൻ 60 വയസ്സു​കാ​ര​നാ​യി​രു​ന്നു!”

¹⁹ പ്രതി​വാര സഭാ​യോ​ഗ​ങ്ങ​ളോ​ടുള്ള വിലമ​തി​പ്പി​ന്റെ കാര്യ​മോ? നമീബി​യ​യിൽ കഷ്‌വഷ്വ ഞമ്പ എന്നു പേരായ 70-നുമേൽ പ്രായ​മുള്ള ഒരു ദുർബ​ല​യായ സഹോ​ദ​രി​യു​ടെ കാര്യ​മെ​ടു​ക്കാം. റുണ്ടു​വി​ലുള്ള രാജ്യ​ഹാ​ളിൽനിന്ന്‌ ഏതാണ്ട്‌ അഞ്ചു കിലോ​മീ​റ്റർ അകലെ​യുള്ള ഒരു കൊച്ചു​ഗ്രാ​മ​മായ കീസോ​സോ​സി​യി​ലാണ്‌ അവരുടെ താമസം. കുറ്റി​ക്കാ​ട്ടി​ലൂ​ടെ അങ്ങോ​ട്ടു​മി​ങ്ങോ​ട്ടും 10 കിലോ​മീ​റ്റർ നടന്നാണ്‌ അവർ യോഗ​ങ്ങൾക്കു വരുന്നത്‌. ഈ വഴിയിൽ മറ്റുള്ള​വ​രു​ടെ വസ്‌തു​ക്കൾ പിടി​ച്ചു​പ​റി​ക്ക​പ്പെ​ട്ടി​ട്ടു​ണ്ടെ​ങ്കി​ലും, കഷ്‌വഷ്വ യോഗങ്ങൾ മുടക്കാ​റില്ല. യോഗ​പ​രി​പാ​ടി​കൾ മിക്കതും അവർക്കു മനസ്സി​ലാ​കാത്ത ഭാഷക​ളി​ലാണ്‌. അപ്പോൾ അവർ സംബന്ധി​ക്കു​ന്ന​തു​കൊ​ണ്ടെന്തു പ്രയോ​ജനം? “തിരു​വെ​ഴു​ത്തു​കൾ പിൻപ​റ്റി​ക്കൊണ്ട്‌ ഞാൻ പ്രസംഗം ഏറെക്കു​റെ മനസ്സി​ലാ​ക്കി​യെ​ടു​ക്കു​ന്നു” എന്ന്‌ കഷ്‌വഷ്വ പറയുന്നു. എഴുത്തും വായന​യും അറിയാത്ത അവരെ​ങ്ങനെ തിരു​വെ​ഴു​ത്തു​കൾ പിൻപ​റ്റും? അവർ മറുപടി പറയുന്നു: “എനിക്കു മനപ്പാഠം അറിയാ​വുന്ന തിരു​വെ​ഴു​ത്തു​കൾക്കാ​യി ഞാൻ ശ്രദ്ധി​ച്ചി​രി​ക്കും.” വർഷങ്ങ​ളാ​യി അവർ ഏറെ തിരു​വെ​ഴു​ത്തു​കൾ മനപ്പാ​ഠ​മാ​ക്കി​യി​ട്ടുണ്ട്‌. ബൈബിൾ മെച്ചമാ​യി ഉപയോ​ഗി​ക്കു​ന്ന​തി​നുള്ള പ്രാപ്‌തി​ക്കാ​യി അവർ സഭയുടെ സാക്ഷരതാ ക്ലാസ്സിൽ സംബന്ധി​ക്കു​ന്നു. “യോഗ​ങ്ങ​ളിൽ സംബന്ധി​ക്കാൻ ഞാൻ അതിയാ​യി ആഗ്രഹി​ക്കു​ന്നു. എന്നും പുതി​യ​തെ​ന്തെ​ങ്കി​ലും പഠിക്കാ​നു​ണ്ടാ​കും. സഹോ​ദ​രീ​സ​ഹോ​ദ​ര​ന്മാ​രോ​ടു സഹവസി​ക്കാൻ ഞാൻ ഇഷ്ടപ്പെ​ടു​ന്നു,” അവർ പറയുന്നു. “എനിക്ക്‌ അവരോ​ടെ​ല്ലാം സംസാ​രി​ക്കാൻ സാധി​ക്കി​ല്ലെ​ങ്കി​ലും, എല്ലായ്‌പോ​ഴും അവർ വന്ന്‌ എന്നോടു കുശലം പറയുന്നു. ഏറ്റവും പ്രധാ​ന​മാ​യി, യോഗ​ങ്ങൾക്കു സംബന്ധി​ക്കു​ന്ന​തു​വഴി ഞാൻ യഹോ​വ​യു​ടെ ഹൃദയത്തെ ആനന്ദി​പ്പി​ക്കു​ക​യാ​ണെന്ന്‌ എനിക്ക​റി​യാം.”

20. നാം നമ്മുടെ ക്രിസ്‌തീയ യോഗങ്ങൾ ഉപേക്ഷി​ക്ക​രു​താ​ത്ത​തെ​ന്തു​കൊണ്ട്‌?

²⁰ കഷ്‌വ​ഷ്വ​യെ​പ്പോ​ലെ, ഭൂമി​യി​ലു​ട​നീ​ളം ദശലക്ഷ​ക്ക​ണ​ക്കി​നു യഹോ​വ​യു​ടെ ആരാധകർ ക്രിസ്‌തീയ യോഗ​ങ്ങ​ളോട്‌ പ്രശം​സാർഹ​മായ വിലമ​തി​പ്പു പ്രകട​മാ​ക്കു​ന്നു. സാത്താന്റെ ലോകം നാശത്തി​ലേക്കു നീങ്ങു​മ്പോൾ, നമുക്കു നമ്മുടെ കൂടി​വ​ര​വു​കൾ ഉപേക്ഷി​ക്കാ​നാ​വില്ല. മറിച്ച്‌, നമുക്ക്‌ ആത്മീയ​മാ​യി ഉണർവോ​ടെ നില​കൊ​ള്ളു​ക​യും യോഗങ്ങൾ, സമ്മേള​നങ്ങൾ, കൺ​വെൻ​ഷ​നു​കൾ എന്നിവ​യോട്‌ ആഴമായ വിലമ​തി​പ്പു പ്രകട​മാ​ക്കു​ക​യും ചെയ്യാം. നിത്യ​ജീ​വ​നി​ലേക്കു നയിക്കുന്ന ദിവ്യ​ബോ​ധ​ന​ത്തിൽ നാം പങ്കുപ​റ്റു​മ്പോൾ, അതു യഹോ​വ​യു​ടെ ഹൃദയത്തെ സന്തോ​ഷി​പ്പി​ക്കു​ക​മാ​ത്രമല്ല നമുക്കു സമൃദ്ധ​മായ പ്രയോ​ജനം കൈവ​രു​ത്തു​ക​യും ചെയ്യും.—സദൃശ​വാ​ക്യ​ങ്ങൾ 27:11; യെശയ്യാ​വു 48:17, 18; മർക്കൊസ്‌ 13:35-37.

പുനര​വ​ലോ​കന ചോദ്യ​ങ്ങൾ

□ ക്രിസ്‌തീയ യോഗ​ങ്ങ​ളിൽ സംബന്ധി​ക്കു​ന്നത്‌ ഒരു പദവി​യാ​യി​രി​ക്കു​ന്ന​തെ​ന്തു​കൊണ്ട്‌?

□ സംബന്ധി​ക്കുന്ന എല്ലാവർക്കും യോഗം കെട്ടു​പ​ണി​ചെ​യ്യു​ന്ന​താ​ക്കു​ന്ന​തിൽ ഒരു പങ്കുണ്ടാ​യി​രി​ക്കാൻ കഴിയു​ന്ന​തെ​ങ്ങനെ?

□ യേശു​ക്രി​സ്‌തു എന്തു മുന്തിയ മാതൃക വെച്ചു?

□ അത്ര സമ്പത്‌സ​മൃ​ദ്ധ​മ​ല്ലാത്ത രാജ്യ​ങ്ങ​ളി​ലെ സഹോ​ദ​ര​ങ്ങ​ളിൽനിന്ന്‌ എന്തു പാഠം പഠിക്കാ​വു​ന്ന​താണ്‌?

[17-ാം പേജിലെ ചതുരം]

അവർ പ്രതി​വാ​ര​യോ​ഗ​ങ്ങളെ വിലമ​തി​ക്കു​ന്നു

ദശലക്ഷ​ക്ക​ണ​ക്കി​നാ​ളു​കൾ ദാരി​ദ്ര്യ​ത്താ​ലും കുറ്റകൃ​ത്യ​ങ്ങ​ളാ​ലും ബുദ്ധി​മു​ട്ടുന്ന നഗരങ്ങ​ളിൽ ജീവി​ക്കു​ന്നു. അത്തരം സാഹച​ര്യ​ങ്ങൾ ഗണ്യമാ​ക്കാ​തെ അവർക്കി​ട​യി​ലെ സത്യ​ക്രി​സ്‌ത്യാ​നി​കൾ ക്രിസ്‌തീയ കൂടി​വ​ര​വു​ക​ളോ​ടു പ്രശം​സ​നീ​യ​മായ വിലമ​തി​പ്പു പ്രകട​മാ​ക്കു​ന്നു. ദക്ഷിണാ​ഫ്രി​ക്ക​യിൽ, കൗറ്റങ്ങി​ലെ സൊ​വെ​റ്റോ സഭകളി​ലൊ​ന്നിൽ സേവി​ക്കുന്ന ഒരു മൂപ്പൻ റിപ്പോർട്ടു​ചെ​യ്യു​ന്നു: “60 സാക്ഷി​ക​ളും സ്‌നാ​പ​ന​മേൽക്കാത്ത പ്രസാ​ധ​ക​രു​മുള്ള ഞങ്ങളുടെ സഭയിലെ യോഗ​ഹാ​ജർ 70-നും 80-നും ഇടയ്‌ക്കാണ്‌, ചില​പ്പോൾ അതിൽ കൂടു​ത​ലും. സഹോ​ദ​രീ​സ​ഹോ​ദ​ര​ന്മാർക്ക്‌ ദീർഘ​ദൂ​രം യാത്ര​ചെ​യ്യേ​ണ്ട​തി​ല്ലെ​ങ്കി​ലും, സൊ​വെ​റ്റോ​യു​ടെ ഈ ഭാഗത്ത്‌ സ്ഥിതി​വി​ശേഷം ദുസ്സഹ​മാണ്‌. യോഗ​ത്തിൽ സംബന്ധി​ക്കാ​നാ​യി നടന്നു വരു​മ്പോൾ ഒരു സഹോ​ദ​രനു പിന്നിൽനി​ന്നു കുത്തേറ്റു. രണ്ടു സഹോ​ദ​രി​മാ​രു​ടെ നേർക്കെ​ങ്കി​ലും പിടി​ച്ചു​പറി ശ്രമമു​ണ്ടാ​യി. എന്നാൽ യോഗ​ങ്ങൾക്കു വരാൻ അവർക്കി​തൊ​ന്നും തടസ്സമാ​കു​ന്നില്ല. ഞായറാ​ഴ്‌ച​ക​ളിൽ യോഗ​ത്തി​ന്റെ സമാപന പ്രാർഥ​ന​യ്‌ക്കു​ശേഷം ഞങ്ങൾക്കൊ​രു ഹ്രസ്വ​മായ പാട്ടു​പ​രി​ശീ​ല​ന​മുണ്ട്‌. ചുരു​ങ്ങി​യത്‌ 95 ശതമാ​നം​പേ​രും അതിൽ ക്രമമാ​യി പങ്കെടുത്ത്‌ അടുത്ത വാരത്തി​ലെ യോഗ​ങ്ങ​ളിൽ ഉപയോ​ഗി​ക്കാ​നുള്ള പാട്ടു​ക​ളെ​ല്ലാം പരിശീ​ലി​ക്കു​ന്നു. ഇതു പുതു​താ​ത്‌പ​ര്യ​ക്കാ​രെ പാട്ടു പഠിച്ച്‌ ഒപ്പം പാടാൻ സഹായി​ക്കു​ന്നു.”

ഗ്രാമീ​ണർക്ക്‌ ആഴ്‌ച​യിൽ മൂന്നു യോഗ​ങ്ങ​ളിൽ സംബന്ധി​ക്കു​ന്ന​തി​നു ദീർഘ​ദൂ​രം യാത്ര​ചെ​യ്യേ​ണ്ട​തു​പോ​ലുള്ള ബുദ്ധി​മു​ട്ടു​ക​ളുണ്ട്‌. ബോട്‌സ്വാ​ന​യി​ലെ ലോബാ​റ്റ്‌സി​യി​ലുള്ള രാജ്യ​ഹാ​ളിൽനി​ന്നു 15 കിലോ​മീ​റ്റർ അകലെ​യാണ്‌ താത്‌പ​ര്യ​ക്കാ​രായ ഒരു ദമ്പതി​ക​ളു​ടെ താമസം. കഴിഞ്ഞ വർഷം, രണ്ടു കുട്ടി​ക​ളോ​ടൊ​പ്പം അവർ ക്രമമാ​യി യോഗ​ങ്ങൾക്കു വന്നിരി​ക്കു​ന്നു. ഭർത്താവ്‌ ചെരു​പ്പു​കൾ നന്നാക്കി കുടും​ബം പോറ്റു​ന്നു. യോഗ​ങ്ങൾക്കു പോയി​വ​രു​ന്ന​തി​നുള്ള യാത്രാ​ച്ചെ​ല​വി​നാ​യി ഭാര്യ ചെറി​യ​തോ​തി​ലുള്ള ഒരു കച്ചവടം നടത്തുന്നു.

അടുത്ത​കാ​ലത്തെ ഒരു വേനൽക്കാല സായാ​ഹ്ന​ത്തിൽ, ഈ കുടും​ബം സർക്കിട്ട്‌ മേൽവി​ചാ​ര​ക​നു​മൊ​ത്തുള്ള ഒരു യോഗ​ത്തിൽ സംബന്ധി​ച്ചു മടങ്ങവേ, രാത്രി 9 മണിക്ക്‌ ഒരു ബസ്‌ സ്റ്റോപ്പിൽ കുടു​ങ്ങി​പ്പോ​യി. മോശ​മായ കാലാ​വ​സ്ഥ​യെ​ത്തു​ടർന്ന്‌ ബസ്സുകൾ നേരത്തേ ഓട്ടം നിറു​ത്തി​യി​രു​ന്നു. അതുവ​ഴി​വന്ന ഒരു പൊലീസ്‌ ഓഫീസർ വാൻ നിറുത്തി അവരോട്‌ കാര്യം തിരക്കി. അവരുടെ ദയനീ​യാ​വ​സ്ഥ​യെ​ക്കു​റി​ച്ചു മനസ്സി​ലാ​ക്കിയ അദ്ദേഹ​ത്തി​ന്റെ മനസ്സലി​ഞ്ഞു. അയാൾ 15 കിലോ​മീ​റ്റർ വണ്ടി​യോ​ടിച്ച്‌ അവരെ വീട്ടി​ലെ​ത്തി​ച്ചു. സ്‌നാ​പ​ന​മേൽക്കാത്ത പ്രസാ​ധി​ക​യായ ഭാര്യ ഭർത്താ​വി​നോ​ടു പറഞ്ഞു: “നോക്കൂ, നാം യോഗ​ങ്ങൾക്ക്‌ ഒന്നാം സ്ഥാനം കൊടു​ക്കു​ന്നെ​ങ്കിൽ, യഹോവ എല്ലായ്‌പോ​ഴും കരുതു​ന്നു.” സുവാർത്ത​യു​ടെ ഒരു പ്രസം​ഗ​ക​നാ​യി​ത്തീ​രാ​നുള്ള ആഗ്രഹം ഇപ്പോൾ ഭർത്താ​വും പ്രകടി​പ്പി​ച്ചി​രി​ക്കു​ന്നു.

[18-ാം പേജിലെ ചിത്രം]

റൊമേനിയയിലേതുപോലുള്ള സാക്ഷികൾ ക്രിസ്‌തീയ കൂടി​വ​ര​വു​ക​ളോ​ടുള്ള വിലമ​തി​പ്പി​ന്റെ നല്ല മാതൃ​കകൾ വെക്കുന്നു