കുടും​ബ​ത്തെ​ക്കു​റി​ച്ചുള്ള ഉത്‌ക​ണ്‌ഠ

“എന്റെ ഡാഡി മരിച്ച്‌ അധികം വൈകാ​തെ, മറ്റൊരു സ്‌ത്രീ​യു​മാ​യി തനിക്ക്‌ ബന്ധമു​ണ്ടെന്ന്‌ ഭർത്താവ്‌ എന്നോട്‌ പറഞ്ഞു. പെട്ടെ​ന്നൊ​രു ദിവസം അദ്ദേഹം യാതൊ​രു മുന്നറി​യി​പ്പും ഇല്ലാതെ എന്നെയും രണ്ട്‌ കുട്ടി​ക​ളെ​യും ഉപേക്ഷിച്ച്‌ സ്വന്തം സാധന​ങ്ങ​ളും എടുത്തു​കൊണ്ട്‌ പോയി” എന്ന്‌ ജാനറ്റ്‌ പറയുന്നു. അവൾ പുതി​യൊ​രു ജോലി കണ്ടെത്തി​യെ​ങ്കി​ലും, അതിൽനി​ന്നു ലഭിക്കുന്ന വരുമാ​നം​കൊണ്ട്‌ ഭവനവായ്‌പ തിരി​ച്ച​ട​ക്കാൻപോ​ലും കഴിയു​മാ​യി​രു​ന്നില്ല. സാമ്പത്തി​ക​ബു​ദ്ധി​മു​ട്ടു​കൾ മാത്രമല്ല അവളെ അലട്ടി​യി​രു​ന്നത്‌. അവൾ തുടരു​ന്നു: “ഭർത്താവ്‌ ഇല്ലാത്ത​തി​ന്റെ പേരിൽ ഒറ്റയ്‌ക്ക്‌ ചെയ്യേ​ണ്ടി​വ​രുന്ന പുതിയ ഉത്തരവാ​ദി​ത്വ​ങ്ങ​ളെ​ക്കു​റി​ച്ചുള്ള ഉത്‌കണ്‌ഠ എനിക്ക്‌ താങ്ങാ​നാ​കു​മാ​യി​രു​ന്നില്ല. മറ്റ്‌ മാതാ​പി​താ​ക്ക​ളു​ടെ അത്രയും എന്റെ കുട്ടി​കൾക്കു​വേണ്ടി കരുതാ​നാ​കാ​ത്ത​തിൽ എനിക്ക്‌ കുറ്റ​ബോ​ധം തോന്നി. ഇപ്പോൾപ്പോ​ലും ആളുകൾ എന്നെയും കുട്ടി​ക​ളെ​യും എങ്ങനെ​യാണ്‌ കാണു​ന്നത്‌ എന്ന ഉത്‌കണ്‌ഠ എനിക്കുണ്ട്‌. ഒരുപക്ഷെ അവർ എന്നെക്കു​റിച്ച്‌ ചിന്തി​ക്കു​ന്നത്‌: ‘ഞങ്ങളുടെ വിവാ​ഹ​ബന്ധം കാത്തു​സൂ​ക്ഷി​ക്കാൻ എന്നാലാ​കു​ന്ന​തെ​ല്ലാം ഞാൻ ചെയ്‌തി​ട്ടു​ണ്ടോ’ എന്നാണോ?”

വികാ​ര​വി​ചാ​ര​ങ്ങൾക്ക്‌ കടിഞ്ഞാൺ ഇടാനും ദൈവ​വു​മാ​യുള്ള ബന്ധം നിലനിർത്താ​നും പ്രാർഥ​ന​യാണ്‌ ജാനറ്റി​നെ സഹായി​ച്ചത്‌. “നിശ്ശബ്ദ​മായ രാത്രി​ക​ളി​ലാണ്‌ ഉത്‌കണ്‌ഠ എന്നെ ഏറ്റവും അധികം വേട്ടയാ​ടി​യി​രു​ന്നത്‌. അപ്പോ​ഴൊ​ക്കെ പ്രാർഥ​ന​യും ബൈബിൾവാ​യ​ന​യും ആണ്‌ എന്നെ ഉറങ്ങാൻ സഹായി​ച്ചത്‌. എന്നെ ഏറെ ആശ്വസി​പ്പിച്ച വാക്യ​മാണ്‌ ഫിലി​പ്പി​യർ 4:6, 7. അവിടെ ഇങ്ങനെ പറയുന്നു: ‘ഒന്നി​നെ​ക്കു​റി​ച്ചും ഉത്‌ക​ണ്‌ഠ​പ്പെ​ടേണ്ട; ഏതു കാര്യ​ത്തി​ലും പ്രാർഥ​ന​യാ​ലും യാചന​യാ​ലും നിങ്ങളു​ടെ അപേക്ഷകൾ കൃതജ്ഞ​താ​സ്‌തോ​ത്ര​ങ്ങ​ളോ​ടെ ദൈവത്തെ അറിയി​ക്കുക; അപ്പോൾ മനുഷ്യ​ബു​ദ്ധിക്ക്‌ അതീത​മായ ദൈവ​സ​മാ​ധാ​നം നിങ്ങളു​ടെ ഹൃദയ​ങ്ങ​ളെ​യും നിനവു​ക​ളെ​യും ക്രിസ്‌തു​യേശു മുഖാ​ന്തരം കാത്തു​കൊ​ള്ളും.’ അനവധി രാത്രി​കൾ ഞാൻ പ്രാർഥ​ന​യിൽ മുഴു​കി​യി​ട്ടുണ്ട്‌. അപ്പോ​ഴെ​ല്ലാം യഹോ​വ​യാം ദൈവ​ത്തിൽനി​ന്നുള്ള സമാധാ​നം എന്നെ ആശ്വസി​പ്പി​ക്കു​ന്നത്‌ ഞാൻ അനുഭ​വി​ച്ച​റി​ഞ്ഞു.”

പ്രാർഥ​ന​യെ​ക്കു​റിച്ച്‌ യേശു മലയിൽവെച്ച്‌ നടത്തിയ പ്രസം​ഗ​ത്തിൽ പറഞ്ഞ വാക്കുകൾ എല്ലാത്തരം ഉത്‌ക​ണ്‌ഠ​കൾക്കും ആശ്വാ​സ​മേ​കു​ന്നു: “നിങ്ങൾക്കു വേണ്ടത്‌ എന്താ​ണെന്ന്‌ നിങ്ങൾ ചോദി​ക്കു​ന്ന​തി​നു മുമ്പു​തന്നെ നിങ്ങളു​ടെ പിതാവ്‌ അറിയു​ന്നു​വ​ല്ലോ.” (മത്തായി 6:8) അതെ, നമ്മൾ പിതാ​വി​നോട്‌ ചോദി​ക്കേ​ണ്ടത്‌ ആവശ്യ​മാണ്‌. പ്രാർഥ​ന​യാണ്‌ ‘ദൈവ​ത്തോട്‌ അടുത്ത്‌ ചെല്ലാ​നുള്ള’ പരമ​പ്ര​ധാ​ന​മായ മാർഗം. അതു​കൊ​ണ്ടുള്ള പ്രയോ​ജനം എന്താണ്‌? “അവൻ നിങ്ങ​ളോട്‌ അടുത്തു വരും.”—യാക്കോബ്‌ 4:8.

ഉത്‌ക​ണ്‌ഠ​കൾ മറ്റൊ​രാ​ളു​മാ​യി പങ്കു​വെ​ച്ച​തി​ന്റെ ആശ്വാസം മാത്രമല്ല പ്രാർഥന നമുക്ക്‌ നൽകു​ന്നത്‌. “പ്രാർത്ഥന കേൾക്കു​ന്നവ”നെന്ന നിലയിൽ വിശ്വാ​സ​ത്തോ​ടെ തന്നെ അന്വേ​ഷി​ക്കു​ന്ന​വർക്കു​വേണ്ടി പ്രവർത്തി​ക്കു​ക​യും ചെയ്യുന്ന ദൈവ​മാണ്‌ യഹോവ. (സങ്കീർത്തനം 65:2) ‘മടുത്തു​പോ​കാ​തെ എപ്പോ​ഴും പ്രാർഥി​ക്കാൻ’ യേശു ശിഷ്യ​ന്മാ​രെ പഠിപ്പി​ച്ച​തി​ന്റെ കാരണം അതാണ്‌. (ലൂക്കോസ്‌ 18:1) നമ്മുടെ വിശ്വാ​സ​ത്തിന്‌ പ്രതി​ഫലം ലഭിക്കു​മെന്ന ഉറപ്പോ​ടെ ദൈവ​ത്തി​ന്റെ മാർഗ​നിർദേ​ശ​ത്തി​നും സഹായ​ത്തി​നും ആയി നമ്മൾ ചോദി​ച്ചു​കൊ​ണ്ടേ​യി​രി​ക്കണം. നമ്മിലുള്ള ദൈവ​ത്തി​ന്റെ താത്‌പ​ര്യ​ത്തെ​ക്കു​റി​ച്ചോ പ്രവർത്തി​ക്കാ​നുള്ള ദൈവ​ത്തി​ന്റെ പ്രാപ്‌തി​യെ​ക്കു​റി​ച്ചോ ഒട്ടും സംശയി​ക്കേ​ണ്ട​തില്ല. ഇത്തരത്തിൽ “ഇടവി​ടാ​തെ പ്രാർഥി​ക്കു”ന്നതിലൂ​ടെ യഥാർഥ​വി​ശ്വാ​സം ഉണ്ടെന്ന്‌ നമ്മൾ തെളി​യി​ക്കു​ക​യാണ്‌ ചെയ്യു​ന്നത്‌.—1 തെസ്സ​ലോ​നി​ക്യർ 5:17.

എന്താണ്‌ വിശ്വാ​സം? ദൈവത്തെ ഒരു വ്യക്തി​യെ​ന്ന​നി​ല​യിൽ ‘അറിയു​ന്നത്‌’ വിശ്വാ​സ​ത്തിൽ ഉൾപ്പെ​ടു​ന്നു. (യോഹ​ന്നാൻ 17:3) ബൈബി​ളി​ലുള്ള ദൈവ​ത്തി​ന്റെ ചിന്തക​ളെ​ക്കു​റിച്ച്‌ പഠിച്ചു​കൊ​ണ്ടാണ്‌ നമ്മൾ ദൈവത്തെ അറിയാൻ തുടങ്ങു​ന്നത്‌. അതിലൂ​ടെ, ദൈവം നമ്മെ ഓരോ​രു​ത്ത​രെ​യും കാണു​ന്നു​വെ​ന്നും സഹായി​ക്കാൻ ആഗ്രഹി​ക്കു​ന്നു​വെ​ന്നും നമ്മൾ പഠിക്കു​ന്നു. എന്നിരു​ന്നാ​ലും, യഥാർഥ​വി​ശ്വാ​സ​ത്തിൽ ദൈവ​ത്തെ​ക്കു​റിച്ച്‌ കേവലം അറിയു​ന്ന​തി​ലും അധികം ഉൾപ്പെ​ടു​ന്നു. ദൈവ​വു​മാ​യുള്ള ആദരപൂർവ​മായ സുഹൃ​ദ്‌ബ​ന്ധ​ത്തെ​യും അതിന്‌ അർഥമാ​ക്കാൻ കഴിയും. മനുഷ്യ​രു​ടെ കാര്യ​ത്തിൽ എന്നപോ​ലെ ദൈവ​വു​മാ​യും പെട്ടെ​ന്നൊ​രു സുഹൃ​ദ്‌ബന്ധം സ്ഥാപി​ച്ചെ​ടു​ക്കുക സാധ്യമല്ല. ദൈവ​ത്തെ​ക്കു​റിച്ച്‌ പഠിക്കു​ക​യും “അവനു പ്രസാ​ദ​ക​ര​മാ​യതു ചെയ്യു”കയും ദൈവ​ത്തി​ന്റെ സഹായം സ്വീക​രി​ക്കു​ക​യും ചെയ്യു​മ്പോൾ ക്രമേണ നമ്മുടെ ‘വിശ്വാ​സം വർധി​ക്കും.’ (യോഹ​ന്നാൻ 8:29; 2 കൊരി​ന്ത്യർ 10:15) അത്തരത്തി​ലുള്ള വിശ്വാ​സ​മാണ്‌ ഉത്‌ക​ണ്‌ഠകൾ തരണം ചെയ്യാൻ ജാനറ്റി​നെ സഹായി​ച്ചത്‌.

“ഓരോ ചുവട്‌ വെക്കു​മ്പോ​ഴും യഹോ​വ​യു​ടെ കൈ ഞങ്ങളെ താങ്ങുന്നു എന്ന തിരി​ച്ച​റിവ്‌ ദൈവ​ത്തിൽ വിശ്വ​സി​ക്കാൻ സഹായി​ച്ചു” എന്ന്‌ ജാനറ്റ്‌ പറയുന്നു. “ഒരിക്ക​ലും പരിഹാ​രം കണ്ടെത്താൻ കഴിയി​ല്ലെന്നു തോന്നുന്ന പല അനീതി​ക​ളും ഞങ്ങൾക്ക്‌ അഭിമു​ഖീ​ക​രി​ക്കേണ്ടി വന്നിട്ടുണ്ട്‌. എന്നാൽ പ്രാർഥ​ന​യിൽ ഉറ്റിരു​ന്ന​തി​ലൂ​ടെ സ്വന്തമാ​യി പരിഹാ​രം കാണാൻ കഴിയാത്ത അത്തരം പ്രശ്‌ന​ങ്ങൾക്ക്‌ യഹോവ ഒരു പോക്കു​വഴി ഉണ്ടാക്കി​ത്തന്നു. അതി​നെ​ല്ലാം ദൈവ​ത്തിന്‌ നന്ദി പറയു​മ്പോൾ, ദൈവം എനിക്കാ​യി എത്രയ​ധി​കം കാര്യങ്ങൾ ചെയ്‌തി​രി​ക്കു​ന്നു എന്ന കാര്യം എന്റെ ഓർമ​യിൽ വരും. എല്ലാ സന്ദർഭ​ങ്ങ​ളി​ലും മിക്ക​പ്പോ​ഴും ഉചിത​മായ സമയത്ത്‌ ദൈവം ഞങ്ങളെ സഹായി​ച്ചി​ട്ടുണ്ട്‌. കൂടാതെ, ദൈവം എനിക്ക്‌ യഥാർഥ​സു​ഹൃ​ത്തു​ക്കളെ അതായത്‌ ക്രിസ്‌തീ​യ​സ​ഹോ​ദ​ര​ങ്ങളെ നൽകി​യി​രി​ക്കു​ന്നു. അവശ്യ​സ​മ​യ​ങ്ങ​ളിൽ അവർ എന്റെ അരികി​ലെ​ത്തും, കുട്ടി​കൾക്ക്‌ അവർ നല്ല മാതൃ​ക​യു​മാണ്‌.”a

“‘ഞാൻ ഉപേക്ഷണം വെറു​ക്കു​ന്നു’ എന്ന്‌ മലാഖി 2:16-ൽ യഹോവ എന്തു​കൊ​ണ്ടാണ്‌ പറഞ്ഞ​തെന്ന്‌ എനിക്ക്‌ അറിയാം. ഉപേക്ഷണം എന്നത്‌ നിരപ​രാ​ധി​യായ ഒരു ഇണയെ സംബന്ധി​ച്ചി​ട​ത്തോ​ളം ഏറ്റവും വലിയ ചതിയാണ്‌. ഭർത്താവ്‌ എന്നെ ഉപേക്ഷി​ച്ചു​പോ​യിട്ട്‌ വർഷങ്ങൾ കഴി​ഞ്ഞെ​ങ്കി​ലും ഇപ്പോ​ഴും എനിക്ക്‌ ശൂന്യത അനുഭ​വ​പ്പെ​ടു​ന്നു. അങ്ങനെ തോന്നു​മ്പോൾ മറ്റുള്ള​വരെ സഹായി​ക്കാ​നാ​യി ഞാൻ എന്തെങ്കി​ലും ചെയ്യും. അത്‌ തീർച്ച​യാ​യും എനിക്കും ഗുണം ചെയ്യും.” കൂട്ടം​വിട്ട്‌ നടക്കാ​തി​രി​ക്കുക എന്ന ബൈബിൾത​ത്ത്വം ബാധക​മാ​ക്കു​ന്ന​തി​ലൂ​ടെ ജാനറ്റിന്‌ തന്റെ ഉത്‌കണ്‌ഠ ലഘൂക​രി​ക്കാൻ കഴിയു​ന്നു.b—സദൃശ​വാ​ക്യ​ങ്ങൾ 18:1.

“‘അനാഥ​ന്മാർക്കു പിതാ​വും വിധവ​മാർക്കു ന്യായ​പാ​ല​ക​നും’ ആയ ദൈവ​ത്തിൽനി​ന്നാണ്‌ ‘ഏറ്റവും വലിയ ആശ്വാസം’ വരുന്നത്‌. എന്റെ ഭർത്താവ്‌ എന്നെ ഉപേക്ഷി​ച്ച​തു​പോ​ലെ ദൈവം ഒരിക്ക​ലും ഞങ്ങളോട്‌ ചെയ്യു​ക​യില്ല.” എന്ന്‌ ജാനറ്റ്‌ പറയുന്നു. (സങ്കീർത്തനം 68:5) “ദോഷ​ങ്ങ​ളാൽ” ദൈവം ആരെയും പരീക്ഷി​ക്കു​ന്നി​ല്ലെന്ന്‌ ജാനറ്റിന്‌ അറിയാം. പകരം ദൈവം “എല്ലാവർക്കും ഉദാര​മാ​യി” ജ്ഞാനം നൽകു​ക​യും ഉത്‌ക​ണ്‌ഠകൾ തരണം ചെയ്യു​ന്ന​തിന്‌ നമ്മെ സഹായി​ക്കാൻ “അസാമാ​ന്യ​ശക്തി” നൽകു​ക​യും ചെയ്യുന്നു.—യാക്കോബ്‌ 1:5, 13; 2 കൊരി​ന്ത്യർ 4:7.

നമ്മുടെ ജീവൻ അപകട​ത്തി​ലാ​കു​മ്പോൾ ഉണ്ടാകുന്ന ഉത്‌ക​ണ്‌ഠയെ സംബന്ധിച്ച്‌ എന്ത്‌? (w15-E 07/01)