ബൈബി​ളി​ന്റെ വീക്ഷണം

ദൂതൻമാ​രെ​ക്കു​റി​ച്ചു നിങ്ങൾ അറിഞ്ഞി​രി​ക്കേ​ണ്ടത്‌

“പ്രഭാ​ഷ​ണ​ങ്ങ​ളി​ലെ തമാശ​യു​ടെ പങ്കുമു​തൽ പെന്തെ​ക്കോ​സ്‌തു​കാർ കർമ്മാ​നു​ഷ്‌ഠാ​ന​ത്തി​നു കൊടു​ക്കുന്ന പ്രാധാ​ന്യം​വ​രെ​യുള്ള വിഷയങ്ങൾ സംബന്ധിച്ച 500-ൽ പരം റിപ്പോർട്ടു​കൾ കേൾക്കാൻ ഏതാണ്ട്‌ 3,000 മതപണ്ഡി​തൻമാർ ന്യൂ​യോർക്കിൽ കഴിഞ്ഞ വാരത്തിൽ നാലു ദിവസം കൂടി​വന്നു. ആരും ദൂതൻമാ​രെ​ക്കു​റി​ച്ചു പറഞ്ഞില്ല.”—ഡയിലി ന്യൂസ്‌, 1982 ഡിസംബർ 26.

എട്ടു വർഷം കഴിഞ്ഞി​രി​ക്കുന്ന ഇന്നും വൈദി​കർ ദൂതൻമാ​രെ​ക്കു​റിച്ച്‌ അധിക​മൊ​ന്നും പറയു​ന്നില്ല. എന്തു​കൊണ്ട്‌? ഈ സ്വർഗ്ഗീയ സന്ദേശ​വാ​ഹകർ കേവലം ഒരു പുരാതന കെട്ടു​ക​ഥ​യു​ടെ ഭാഗമാ​യി​മാ​ത്രം വീക്ഷി​ക്ക​പ്പെ​ടു​ക​യാ​യി​രി​ക്കു​മോ? അല്ലെങ്കിൽ അവർ യഥാർത്ഥ​ത്തിൽ സ്ഥിതി​ചെ​യ്യു​ന്നു​വോ? അങ്ങനെ​യെ​ങ്കിൽ, നിങ്ങൾ അവരെ​ക്കു​റിച്ച്‌ അറിഞ്ഞി​രി​ക്കേ​ണ്ട​തെ​ന്താണ്‌?

അവർ സ്ഥിതി​ചെ​യ്യു​ന്നു​വോ?

ചില തത്വശാ​സ്‌ത്ര​ജ്ഞൻമാർ അവകാ​ശ​പ്പെ​ടു​ന്ന​തു​പോ​ലെ ദൂതൻമാർ കേവലം “ശക്തിക​ളോ” “പ്രപഞ്ച​ച​ല​ന​ങ്ങ​ളോ” അല്ല. ദൈവ​വ​ച​ന​ത്തിൽ ശതക്കണ​ക്കി​നു പ്രാവ​ശ്യം പറയ​പ്പെ​ട​ത്ത​ക്ക​വണ്ണം അവർ യഥാർത്ഥം​ത​ന്നെ​യാണ്‌. മൂല ബൈബിൾ ഭാഷക​ളിൽ “ദൂതൻ” (എബ്രായ, മലഖ; ഗ്രീക്ക്‌, ആഗെ​ലോസ) എന്നു വിവർത്ത​നം​ചെ​യ്‌തി​രി​ക്കുന്ന പദങ്ങൾ അക്ഷരീ​യ​മാ​യി “ഒരു സന്ദേശം കൊണ്ടു​വ​രു​ന്ന​യാ​ളെ” അല്ലെങ്കിൽ കേവലം “ഒരു സന്ദേശ​വാ​ഹ​കനെ” അർത്ഥമാ​ക്കു​ന്നു. ഈ വാക്കുകൾ 400ഓളം പ്രാവ​ശ്യം ബൈബി​ളി​ലു​ട​നീ​ളം കാണ​പ്പെ​ടു​ന്നുണ്ട്‌, ചില​പ്പോൾ മനുഷ്യ​രെ പരാമർശി​ക്കു​ന്നു​വെ​ങ്കി​ലും സാധാ​ര​ണ​യാ​യി ആത്‌മ​രൂ​പി​ക​ളായ സന്ദേശ​വാ​ഹ​ക​രെ​ത്തന്നെ പരാമർശി​ക്കു​ന്നു.

മാനോ​ഹ​യു​ടെ മച്ചിയായ ഭാര്യ​യു​ടെ പുത്ര​നായ ശിം​ശോ​നെ ഗർഭം ധരിക്കു​ന്ന​തി​നെ​ക്കു​റി​ച്ചു പ്രഖ്യാ​പി​ച്ചു​കൊണ്ട്‌ അവൾക്കു പ്രത്യ​ക്ഷ​പ്പെട്ട ദൂതൻ അവൾക്ക്‌ യഥാർത്ഥ​മാ​യി​രു​ന്നു. അബ്രാ​ഹാ​മി​നും അവന്റെ ഭാര്യ​യായ സാറാ​യി​ക്കും പ്രത്യ​ക്ഷ​പ്പെട്ട മൂന്നു ദൂതൻമാ​രും ലോത്തി​നെ അന്വേ​ഷിച്ച രണ്ടു പേരും ഒരു അത്തിവൃ​ക്ഷ​ത്തിൻകീ​ഴി​ലി​രുന്ന്‌ ഗിദ​യോ​നോ​ടു സംസാ​രി​ച്ച​യാ​ളും അങ്ങനെ​യാ​യി​രു​ന്നു. (ഉല്‌പത്തി 18:1-15; 19:1-5; ന്യായാ​ധി​പൻമാർ 6:11-22; 13:3-21) യേശു​വി​ന്റെ ജനനസ​മ​യത്ത്‌ വെട്ടി​ത്തി​ള​ങ്ങുന്ന ഒരു പ്രകാ​ശ​ത്തിൻമ​ദ്ധ്യേ ഒരു ദൂതൻ ഒരു കൂട്ടം ഇടയൻമാർക്കു പെട്ടെന്നു പ്രത്യ​ക്ഷ​പ്പെട്ടു.—ലൂക്കോസ്‌ 2:8, 9.

ആ ദൂതൻമാർ യഥാർത്ഥ​മാ​യി​രു​ന്നു. അവർ ഒരു ഭാവനാ​സൃ​ഷ്‌ടി​യോ ഒരു അമൂർത്ത​ശ​ക്തി​യോ ആയിരു​ന്നില്ല. ദൈവ​ത്തിൽനി​ന്നുള്ള സന്ദേശ​വാ​ഹ​ക​രെ​ന്ന​നി​ല​യിൽ അവർ ഒരു നിശ്ചിത ഉദ്ദേശ്യം നിറ​വേ​ററി, ഇന്നത്തെ നമ്മുടെ പ്രയോ​ജ​ന​ത്തി​നു​വേണ്ടി ആ വിവര​ണങ്ങൾ ഉചിത​മാ​യി ബൈബി​ളിൽ രേഖ​പ്പെ​ടു​ത്ത​പ്പെട്ടു. (2 തിമൊ​ഥെ​യോസ്‌ 3:16) അങ്ങനെ ബൈബിൾ ദൂതൻമാ​രെ​ക്കു​റിച്ച്‌ പ്രധാ​ന​പ്പെട്ട വിശദാം​ശങ്ങൾ വെളി​പ്പെ​ടു​ത്തു​ന്നു, നിങ്ങൾ അവ അറി​യേ​ണ്ട​തുണ്ട്‌. അവയിൽ ചിലത്‌ പരമ്പരാ​ഗത ധാരണ​കൾക്കു വിരു​ദ്ധ​മാണ്‌.

അവരുടെ ആകാര​മെ​ങ്ങ​നെ​യാണ്‌?

ഒരുപക്ഷേ നിങ്ങൾ ദൂതൻമാ​രെ സുന്ദരി​ക​ളായ സ്‌ത്രീ​ക​ളാ​യോ ചിറകു​ക​ളോ​ടെ വെള്ളയങ്കി ധരിച്ചു ചിരി​ക്കുന്ന തടിച്ച ശിശു​ക്ക​ളേ​പ്പോ​ലെ വായു​വിൽ തങ്ങിനിന്ന്‌ ചെറിയ കിന്നരം വായി​ക്കുന്ന ജീവി​ക​ളാ​യോ ചിത്രീ​ക​രി​ച്ചേ​ക്കാം. അങ്ങനെ​യെ​ങ്കിൽ, ഇവ ഗ്രീക്ക്‌ പുരാണം പോ​ലെ​യുള്ള പുറജാ​തീയ ആശയങ്ങ​ളിൽനിന്ന്‌ എടുത്ത തെററായ സങ്കല്‌പ​ന​ങ്ങ​ളാ​ണെന്ന്‌ നിങ്ങൾ അറിയണം. അല്ലെങ്കിൽ ഈ ആശയങ്ങൾ ബൈബി​ളെ​ഴു​ത്തു പൂർത്തി​യാ​ക്കി​യ​ശേഷം സ്വീക​രി​ക്ക​പ്പെട്ട ആശയങ്ങ​ളാണ്‌. ബൈബിൾപ​ര​മായ പ്രതീ​കാ​ത്മക ദർശന​ങ്ങ​ളിൽ, സെറാ​ഫു​ക​ളും കെരൂ​ബു​ക​ളും പോ​ലെ​യുള്ള ആത്മരൂ​പി​കൾക്ക്‌ ചിറകു​ക​ളുണ്ട്‌.—യെശയ്യാവ്‌ 6:2; യെഹെ​സ്‌ക്കേൽ 10:5; വെളി​പ്പാട്‌ 14:6.

ദൈവ​വ​ച​നം ദൂതൻമാ​രെ വർണ്ണി​ക്കു​ന്നത്‌ വളരെ ശക്തരായ ആത്‌മ​രൂ​പി​ക​ളാ​യി​ട്ടാണ്‌. ആത്‌മാവ്‌ അദൃശ്യ​മാണ്‌. (1 രാജാ​ക്കൻമാർ 22:21; സങ്കീർത്തനം 34:7; 91:11) ഇസ്രാ​യേ​ലി​ന്റെ ശത്രു​പാ​ള​യ​ത്തി​ലെ 1,85,000 അസ്സീറി​യ​ക്കാ​രെ ഒററ രാത്രി​കൊണ്ട്‌ വീഴ്‌ത്തി​യത്‌ “യഹോ​വ​യു​ടെ ദൂതൻ” ആയിരു​ന്നു! (യെശയ്യാവ്‌ 37:36) ദൂതൻമാർ മനുഷ്യർക്കു പ്രത്യ​ക്ഷ​പ്പെ​ട്ട​പ്പോൾ, അവർ എല്ലായ്‌പ്പോ​ഴും പൂർണ്ണ വേഷധാ​രി​ക​ളായ പുരു​ഷൻമാ​രാ​യി​ട്ടാണ്‌ പ്രത്യ​ക്ഷ​പ്പെ​ട്ടത്‌, സ്‌ത്രീ​ക​ളോ കുട്ടി​ക​ളൊ ആയിട്ട​ല്ലാ​യി​രു​ന്നു. മനുഷ്യ​രിൽ താണ രൂപത്തിൽ ഒരിക്ക​ലും പ്രത്യ​ക്ഷ​പ്പെ​ട്ടി​രു​ന്നില്ല.

ഈ ശക്തരായ ആത്മജീ​വി​കൾ എവി​ടെ​നി​ന്നാണ്‌ വന്നത്‌? “അവൻ [യേശു] മുഖാ​ന്തരം സ്വർഗ്ഗ​ങ്ങ​ളി​ലും ഭൂമി​യി​ലു​മുള്ള മറെറ​ല്ലാ​വ​രും, ദൃശ്യ​രാ​യ​വ​രും അദൃശ്യ​രാ​യ​വ​രും സൃഷ്ടി​ക്ക​പ്പെട്ടു”വെന്ന്‌ ബൈബിൾ പറയുന്നു. (കൊ​ലോ​സ്യർ 1:16) യഹോ​വ​യായ ദൈവം ഈ ആദ്യജാ​ത​പു​ത്രൻ മുഖാ​ന്തരം മനുഷ്യർക്കു ദീർഘ​നാൾമു​മ്പേ ദൂതൻമാ​രെ സൃഷ്ടി​ച്ചു​വെ​ന്നു​മാ​ത്രമല്ല, മനുഷ്യ​രെ​ക്കാൾ ഉയർന്ന ഒരു ജീവരൂ​പ​മാ​യി അവരെ നിർമ്മി​ക്കു​ക​യും ചെയ്‌തു.—ഇയ്യോബ്‌ 38:4, 7; 2 പത്രോസ്‌ 2:11.

അവർക്കു വ്യക്തി​ത്വ​ങ്ങ​ളു​ണ്ടോ?

ദൂതൻമാർക്ക്‌ മനുഷ്യ​രെ​പ്പോ​ലെ, വികാ​ര​ങ്ങ​ളുണ്ട്‌. ഭൂമി​യു​ടെ സൃഷ്ടിക്കു സാക്ഷി​ക​ളാ​യ​ശേഷം ദൂതൻമാർ “ഒന്നിച്ച്‌ സന്തോ​ഷി​ച്ചാർത്തു”വെന്നും, “പുകഴ്‌ത്തി ആർത്തു”വെന്നു​പോ​ലും, നമ്മോടു പറയ​പ്പെ​ട്ടി​രി​ക്കു​ന്നു. (ഇയ്യോബ്‌ 38:7) “അനുത​പി​ക്കുന്ന ഒരു പാപി​യെ​പ്രതി ദൈവ​ത്തി​ന്റെ ദൂതൻമാ​രു​ടെ ഇടയിൽ സന്തോഷം ഉയരുന്നു”വെന്നും ബൈബിൾ വെളി​പ്പെ​ടു​ത്തു​ന്നു. (ലൂക്കോസ്‌ 15:10) തീർച്ച​യാ​യും, യാതൊ​രു അമൂർത്ത “ശക്തി”ക്കും ആ വാക്കു​ക​ളിൽ വർണ്ണി​ക്ക​പ്പെ​ട്ടി​രി​ക്കുന്ന വമ്പിച്ച സന്തോ​ഷ​മ​നു​ഭ​വി​ക്കാൻ കഴിയു​മാ​യി​രു​ന്നില്ല.

ദൂതൻമാർക്ക്‌ പരിമി​തി​ക​ളു​മുണ്ട്‌. ക്രിസ്‌തു​വി​നെ​യും ഭാവി​യെ​യും കുറി​ച്ചുള്ള ചില വസ്‌തു​തകൾ മനുഷ്യ​പ്ര​വാ​ച​കൻമാർക്കു വെളി​പ്പെ​ടു​ത്ത​പ്പെ​ട്ടു​വെ​ങ്കി​ലും ദൂതൻമാർക്കു വെളി​പ്പെ​ടു​ത്ത​പ്പെ​ട്ടില്ല. “ഈ കാര്യ​ങ്ങ​ളി​ലേ​ക്കു​തന്നെ ദൂതൻമാർ ഉററു​നോ​ക്കാൻ ആഗ്രഹി​ക്കു​ന്നു”വെന്ന്‌ ദൈവ​വ​ചനം നമ്മോടു പറയുന്നു. (1 പത്രോസ്‌ 1:10-12) കർത്താ​വി​ന്റെ വരവി​നു​വേണ്ടി ദൈവ​ത്താൽ തെര​ഞ്ഞെ​ടു​ക്ക​പ്പെട്ട കൃത്യ​മായ സമയം​സം​ബ​ന്ധിച്ച്‌ യേശു ഇങ്ങനെ പറഞ്ഞു: “ആ ദിവസ​വും മണിക്കൂ​റും സംബന്ധിച്ച്‌ പിതാ​വി​ന​ല്ലാ​തെ ആർക്കും, സ്വർഗ്ഗ​ത്തി​ലെ ദൂതൻമാർക്കും പുത്ര​നും​കൂ​ടെ, അറിയാൻ പാടില്ല.”—മത്തായി 24:36.

കൂടാതെ, രണ്ടു ദൂതൻമാ​രു​ടെ പേരുകൾ ബൈബി​ളിൽ കാണ​പ്പെ​ടു​ന്നുണ്ട്‌, മീഖാ​യേ​ലും ഗബ്രി​യേ​ലും. (ദാനി​യേൽ 12:1; ലൂക്കോസ്‌ 1:26) ഇത്‌ അവരുടെ വൈയ​ക്തി​ക​ത​യു​ടെ തെളിവു വർദ്ധി​പ്പി​ക്കു​ന്നി​ല്ലേ? ദൂതൻമാ​രെന്ന നിലയിൽ, അവർ ഒരു കമ്പ്യൂ​ട്ട​റോ യന്ത്രമ​നു​ഷ്യ​നോ പോലെ ഒരു പ്രത്യേക വിധത്തിൽ പ്രവർത്തി​ക്കാൻ ആസൂ​ത്രണം ചെയ്യ​പ്പെ​ട്ടി​രി​ക്കു​കയല്ല. പകരം, ദൂതൻമാർക്ക്‌ ചിന്താ​ശ​ക്തി​യു​ടെ വരം കൊടു​ക്ക​പ്പെ​ട്ടി​ട്ടുണ്ട്‌, വ്യക്തി​പ​ര​മായ ധാർമ്മിക തീരു​മാ​നങ്ങൾ ചെയ്യാ​നുള്ള സ്വാത​ന്ത്ര്യ​വു​മുണ്ട്‌. അങ്ങനെ, സ്വതന്ത്ര ധാർമ്മി​ക​കാ​ര്യ​സ്ഥ​രെന്ന നിലയിൽ ചില ദൂതൻമാർ ദൈവ​ത്തോ​ടു മത്സരി​ക്കാൻ തീരു​മാ​നി​ക്കു​ക​യും സാത്താ​നും അവന്റെ ഭൂതങ്ങ​ളു​മാ​യി​ത്തീ​രു​ക​യും ചെയ്‌തു.—ഉല്‌പത്തി 6:1-4; യൂദാ 6; വെളി​പ്പാട്‌ 12:7-9.

അവരെ ആരാധി​ക്ക​ണ​മോ?

ദൂതൻമാ​രു​ടെ അസ്‌തി​ത്വ​ത്തെ നാം കെട്ടു​ക​ഥ​യാ​യി​ട്ടല്ല, വസ്‌തു​ത​യാ​യി അംഗീ​ക​രി​ക്ക​ണ​മെ​ന്നി​രി​ക്കെ, നാം അമിത​ത്വ​ങ്ങൾ ഒഴിവാ​ക്കണം. ചില മതസ്ഥാ​പ​നങ്ങൾ ദൂതൻമാർക്ക്‌ അനുചി​ത​മായ പ്രാമു​ഖ്യം കൊടു​ത്തി​രി​ക്കു​ക​യാണ്‌, എന്നാൽ ദൂതാ​രാ​ധന ബൈബി​ളിൽ കുററം വിധി​ക്ക​പ്പെ​ട്ടി​രി​ക്കു​ന്നു. (കൊ​ലോ​സ്യർ 2:18; വെളി​പ്പാട്‌ 22:8, 9) കത്തോ​ലി​ക്കാ സഭ മീഖാ​യേ​ലി​നെ​യും ഗബ്രി​യേ​ലി​നെ​യും ആരാധ​നാ​ല​ക്ഷ്യ​ങ്ങ​ളാ​ക്കി മാററി​യി​രി​ക്കു​ക​യാണ്‌. പൗരസ്‌ത്യ ഓർത്ത​ഡോ​ക്‌സ്‌ സഭകളിൽ ദൂതൻമാർ പ്രായ​ശ്ചി​ത്ത​പ്രാർത്ഥ​ന​ക​ളിൽ അങ്ങേയ​റ​റത്തെ പ്രാധാ​ന്യ​മു​ള്ള​വ​രാണ്‌. അപ്പോ​സ്‌ത​ല​നായ യോഹ​ന്നാൻ തന്റെ പാദത്തി​ങ്കൽ വീണ​പ്പോൾ യഹോ​വ​യു​ടെ ദൂതൻ കൊടുത്ത മുന്നറി​യി​പ്പിൽനിന്ന്‌ എത്ര വ്യത്യ​സ്‌തം: “സൂക്തിക്കൂ! അതു ചെയ്യരുത്‌! ഞാൻ ഒരു സഹയടിമ മാത്ര​മാണ്‌.”—വെളി​പ്പാട്‌ 19:10.

ദൂതൻമാ​രെ​ക്കു​റിച്ച്‌ ഇത്രയ​ധി​കം കുഴച്ചി​ലു​ള്ള​തെ​ന്തു​കൊണ്ട്‌? ഒരു “വെളി​ച്ച​ദൂ​ത​നാ​യി” പൊയ്‌മു​ഖം കാട്ടുന്ന സാത്താൻ “അവിശ്വാ​സി​ക​ളു​ടെ മനസ്സു​കളെ കുരു​ടാ​ക്കി​യി​രി​ക്കു​ന്നു.” (2 കൊരി​ന്ത്യർ 4:4; 11:14) അങ്ങനെ, ഇന്ന്‌ അനേകർ ദൂതൻമാ​രു​ടെ അസ്‌തി​ത്വ​വും പ്രകൃ​തി​യും സംബന്ധിച്ച്‌ ദൈവ​വ​ച​ന​ത്തി​നു പറയാ​നു​ള്ളതു സ്വീക​രി​ക്കു​ന്ന​തി​നു പകരം സ്വന്തം അഭി​പ്രാ​യ​ങ്ങ​ളോ​ടു പററി​നിൽക്കു​മെന്നു പ്രതീ​ക്ഷി​ക്കു​ന്നത്‌ ന്യായ​മാ​യി​രി​ക്കു​ക​യി​ല്ലേ? അതെ, ഇന്ന്‌ വൈദി​കർ ദൂതൻമാ​രെ​ക്കു​റിച്ച്‌ അധിക​മൊ​ന്നും പറയാ​തി​രു​ന്നേ​ക്കാ​മെ​ങ്കി​ലും അവർ യഥാർത്ഥ​ത്തിൽ സ്ഥിതി​ചെ​യ്യു​ന്നു​ണ്ടെ​ന്നും യഹോ​വ​യു​ടെ സന്ദേശ​വാ​ഹ​ക​രെന്ന നിലയിൽ മാന്യ​മായ ഒരു സേവന​മ​നു​ഷ്‌ഠി​ക്കു​ന്നു​ണ്ടെ​ന്നും ബൈബിൾരേ​ഖ​യി​ലൂ​ടെ​യുള്ള ദൈവ​ത്തി​ന്റെ ഉറപ്പു നമുക്കു ലഭിച്ചി​ട്ടുണ്ട്‌.—എബ്രായർ 1:7, 14; 6:18. (g90 3⁄8)

[24-ാം പേജിലെ ചിത്രം]

ചിറകുകളോടുകൂടിയ ശിശു​ക്ക​ളെ​പ്പോ​ലെ​യുള്ള ജീവി​ക​ളാ​യുള്ള ദൂതൻമാ​രു​ടെ ചിത്രീ​ക​രണം പുറജാ​തീയ ആശയങ്ങ​ളിൽനി​ന്നു വന്നിട്ടു​ള്ള​താണ്‌

[കടപ്പാട്‌]

Cupid a Captive by François Boucher, c. 1754