പ്രത്യാ​ശ​യും സ്‌നേ​ഹ​വും വീണ്ടും ഉദിക്കു​മ്പോൾ

യുവജ​ന​ങ്ങ​ളു​മാ​യി ഇടപഴ​കുന്ന മാതാ​പി​താ​ക്കൾക്കും അധ്യാ​പ​കർക്കും മറ്റെല്ലാ​വർക്കും ഒരു സംഗതി വ്യക്തമാണ്‌—തങ്ങൾക്കോ യുവജ​ന​ങ്ങൾക്കോ മറ്റ്‌ ആർക്കെ​ങ്കി​ലു​മോ ഈ ലോകത്തെ മാറ്റാ​നാ​വില്ല. ആർക്കും തടുക്കാ​നാ​കാത്ത കൂറ്റൻ തിരമാ​ലകൾ പോലുള്ള ശക്തമായ സ്വാധീ​നങ്ങൾ എങ്ങും പ്രബല​മാണ്‌. എങ്കിലും, സന്തോ​ഷ​വും ആരോ​ഗ്യ​വും സത്‌പെ​രു​മാ​റ്റ​വും ഉള്ളവർ ആയിരി​ക്കു​ന്ന​തി​നു യുവജ​ന​ങ്ങളെ സഹായി​ക്കാൻ നമുക്കു വളരെ​യേറെ കാര്യങ്ങൾ ചെയ്യാ​നാ​കും.

പ്രതി​രോ​ധം പ്രതി​വി​ധി​യെ​ക്കാൾ ഉത്തമം ആയതി​നാൽ, തങ്ങളുടെ ജീവി​ത​രീ​തി​യും പ്രാമു​ഖ്യ​ത​ക​ളും മക്കളുടെ മനോ​ഭാ​വ​ങ്ങ​ളെ​യും പെരു​മാറ്റ രീതി​ക​ളെ​യും എങ്ങനെ കരുപ്പി​ടി​പ്പി​ക്കു​മെന്ന കാര്യം മാതാ​പി​താ​ക്കൾ ശ്രദ്ധാ​പൂർവം പരിചി​ന്തി​ക്കേ​ണ്ട​താണ്‌. സ്‌നേ​ഹ​വും പരിപാ​ല​ന​വും കളിയാ​ടുന്ന ഗൃഹാ​ന്ത​രീ​ക്ഷം സ്വവി​നാ​ശക പ്രവണ​തകൾ ഫലപ്ര​ദ​മാ​യി തടഞ്ഞു​നിർത്താൻ ഉതകുന്ന സുരക്ഷി​ത​ത്വം പ്രദാനം ചെയ്യും. തങ്ങൾ പറയു​ന്നതു കേൾക്കാൻ ഒരാൾ ഉണ്ടായി​രി​ക്കു​ന്ന​താ​ണു യുവജ​ന​ങ്ങൾക്ക്‌ അത്യാ​വ​ശ്യ​മാ​യി​രി​ക്കുന്ന ഒരു സംഗതി. മാതാ​പി​താ​ക്കൾ ശ്രവി​ക്കാ​ത്ത​പക്ഷം മോശം സ്വഭാ​വ​മുള്ള മറ്റാ​രോ​ടെ​ങ്കി​ലു​മൊ​ക്കെ അവർ അതു പറയു​ന്നെന്നു വരാം.

ഇന്നത്തെ മാതാ​പി​താ​ക്കളെ സംബന്ധി​ച്ചി​ട​ത്തോ​ളം അത്‌ എന്താണ്‌ അർഥമാ​ക്കു​ന്നത്‌? നിങ്ങളു​ടെ കുട്ടി​കൾക്ക്‌ ആവശ്യ​മു​ള്ള​പ്പോൾ, യുവ​പ്രാ​യ​ത്തിൽ തന്നെ, അവർക്കു​വേണ്ടി സമയം കണ്ടെത്തുക. മിക്ക കുടും​ബ​ങ്ങ​ളി​ലും ഇത്‌ അത്ര എളുപ്പമല്ല. രണ്ടറ്റവും കൂട്ടി​മു​ട്ടി​ക്കാൻ മാതാ​പി​താ​ക്കൾക്കു ജോലി ചെയ്യു​ക​യ​ല്ലാ​തെ ഗത്യന്ത​ര​മില്ല. കുട്ടി​ക​ളോ​ടൊ​പ്പം കൂടുതൽ സമയം ചെലവ​ഴി​ക്കു​ന്ന​തി​നു ത്യാഗം സഹിക്കാൻ സന്നദ്ധത​യും സാഹച​ര്യ​വും ഉള്ളവർക്ക്‌ ഒട്ടുമി​ക്ക​പ്പോ​ഴും തക്ക പ്രതി​ഫലം ലഭിച്ചി​ട്ടുണ്ട്‌. മക്കൾ വിജയ​പ്ര​ദ​മാ​യി ജീവിതം നയിക്കു​ന്നതു കാണാൻ അവർക്കു കഴിഞ്ഞി​രി​ക്കു​ന്നു. എന്നിരു​ന്നാ​ലും, നേരത്തെ പരാമർശി​ച്ച​തു​പോ​ലെ, ചില​പ്പോൾ മാതാ​പി​താ​ക്ക​ളു​ടെ എല്ലാവിധ ശ്രമങ്ങ​ളെ​യും കാറ്റിൽ പറത്തി​ക്കൊ​ണ്ടു കുട്ടി​കൾക്കി​ട​യിൽ ഗുരു​ത​ര​മായ പ്രശ്‌നങ്ങൾ തല പൊക്കി​യേ​ക്കാം.

കൂട്ടു​കാർക്കും മുതിർന്ന​വർക്കും സഹായി​ക്കാ​നാ​കും

യുദ്ധം, ബലാത്സം​ഗം, ദുഷ്‌പെ​രു​മാ​റ്റം എന്നിവ​യ്‌ക്ക്‌ ഇരയാ​കുന്ന യുവജ​ന​ങ്ങളെ സഹായി​ക്കു​ന്ന​തിന്‌ അവരെ​ക്കു​റിച്ച്‌ യഥാർഥ കരുത​ലുള്ള മുതിർന്നവർ കാര്യ​മായ ശ്രമം ചെയ്യേ​ണ്ടി​വ​രും. അത്തരം ദ്രോ​ഹ​ക​ര​മായ അനുഭ​വ​ങ്ങ​ളാൽ വൈകാ​രിക ക്ഷതം സംഭവി​ച്ചി​ട്ടുള്ള കുട്ടികൾ സഹായ ശ്രമങ്ങ​ളോ​ടു വേണ്ടവണ്ണം പ്രതി​ക​രി​ക്കു​ന്നി​ല്ലെന്നു വരാം. അതിനാ​യി നിങ്ങൾ ഒട്ടേറെ സമയം ചെലവ​ഴി​ക്കു​ക​യും ശ്രമം ചെലു​ത്തു​ക​യും ചെയ്യേണ്ടി വന്നേക്കാം. അവരെ തുച്ഛീ​ക​രി​ക്കു​ന്ന​തോ അവഗണി​ക്കു​ന്ന​തോ തീർച്ച​യാ​യും ബുദ്ധി ആയിരി​ക്കില്ല, സ്‌നേ​ഹ​നിർഭ​ര​വും ആയിരി​ക്കില്ല. നമുക്കു കുറച്ചു​കൂ​ടെ വൈകാ​രിക ബലം ആർജിച്ച്‌ വേണ്ട​പോ​ലെ ദയയും സ്‌നേ​ഹ​വും പ്രകട​മാ​ക്കി അപകട അവസ്ഥയിൽ ആയിരി​ക്കു​ന്ന​വരെ സഹായി​ക്കാൻ സാധി​ക്കു​മോ?

മാതാ​പി​താ​ക്കൾ മാത്രമല്ല കൂട്ടു​കാ​രും കൂടപ്പി​റ​പ്പു​ക​ളും യുവജ​ന​ങ്ങ​ളു​ടെ ദുർബ​ല​മായ, സമനി​ല​യി​ല്ലാത്ത വൈകാ​രിക അവസ്ഥയെ സൂചി​പ്പി​ക്കുന്ന പ്രവണ​തകൾ സംബന്ധി​ച്ചു ജാഗരൂ​കർ ആയിരി​ക്കേ​ണ്ട​തുണ്ട്‌. (8-ാം പേജി​ലുള്ള “വിദഗ്‌ധ സഹായം ആവശ്യം” എന്ന ചതുരം കാണുക.) എന്തെങ്കി​ലും സൂചനകൾ ഉള്ളപക്ഷം അവർക്കു പറയാ​നു​ള്ളത്‌ ഉടനടി ശ്രദ്ധി​ക്കുക. സാധ്യ​മെ​ങ്കിൽ, ദയാപു​ര​സ്സരം ചോദ്യ​ങ്ങൾ ചോദി​ച്ചു​കൊണ്ട്‌ ആകുല​ചി​ത്ത​രായ യുവജ​ന​ങ്ങ​ളു​ടെ ആന്തരം മനസ്സി​ലാ​ക്കാൻ ശ്രമി​ക്കുക, നിങ്ങൾ അവരെ യഥാർഥ​മാ​യും സ്‌നേ​ഹി​ക്കു​ന്നുണ്ട്‌ എന്ന്‌ ഉറപ്പേ​കുക. ദുഷ്‌ക​ര​മായ സ്ഥിതി​വി​ശേ​ഷത്തെ നേരി​ടു​ന്ന​തിന്‌ ആശ്രയ യോഗ്യ​രായ സുഹൃ​ത്തു​ക്കൾക്കും ബന്ധുക്കൾക്കും മാതാ​പി​താ​ക്കളെ സഹായി​ക്കാ​വു​ന്ന​താണ്‌. എന്നാൽ, മാതാ​പി​താ​ക്ക​ളു​ടെ സ്ഥാനം ഏറ്റെടു​ക്കാ​തി​രി​ക്കാൻ അവർ പ്രത്യേ​കം ശ്രദ്ധാ​ലു​ക്കൾ ആയിരി​ക്കണം. ഒട്ടുമി​ക്ക​പ്പോ​ഴും യുവജ​ന​ങ്ങ​ളു​ടെ ആത്മഹത്യാ പ്രവണത, ശ്രദ്ധയ്‌ക്ക്‌—മാതാ​പി​താ​ക്ക​ളു​ടെ ശ്രദ്ധയ്‌ക്ക്‌—വേണ്ടി​യുള്ള മുറവി​ളി ആണ്‌.

സന്തുഷ്ട ഭാവിയെ കുറി​ച്ചുള്ള പ്രത്യാ​ശ​യാണ്‌ യുവജ​ന​ങ്ങൾക്കു നൽകാൻ കഴിയുന്ന ഏറ്റവും നല്ല ഒരു സമ്മാനം. ജീവിതം തുടരാൻ പ്രേരി​പ്പി​ക്കുന്ന ഒരു പ്രേരക ഘടകമാണ്‌ അത്‌. അനേകം യുവജ​ന​ങ്ങ​ളും പെട്ടെന്നു വരാൻ പോകുന്ന മെച്ചപ്പെട്ട ലോകാ​വ​സ്ഥയെ കുറി​ച്ചുള്ള ബൈബിൾ വാഗ്‌ദാ​ന​ത്തി​ന്റെ സത്യത തിരി​ച്ച​റി​ഞ്ഞി​രി​ക്കു​ന്നു.

ആത്മഹത്യാ ശ്രമത്തിൽ നിന്നു രക്ഷിക്ക​പ്പെ​ട്ട​വർ

പലവട്ടം ആത്മഹത്യ​യ്‌ക്കു മുതിർന്ന, ജപ്പാനിൽ നിന്നുള്ള ഒരു യുവതി ഇങ്ങനെ എഴുതി: “പലതവണ ഞാൻ അതിനു തുനിഞ്ഞു. ഒരു കൊച്ചു​കു​ട്ടി ആയിരു​ന്ന​പ്പോൾ ഞാൻ ആശ്രയി​ച്ചി​രുന്ന ഒരു വ്യക്തി​യിൽ നിന്ന്‌ എനിക്കു ലൈം​ഗിക ദുഷ്‌പെ​രു​മാ​റ്റം അനുഭ​വി​ക്കേണ്ടി വന്നു. . . . ‘എനിക്കു മരിക്കണം’ എന്നു ഞാൻ അസംഖ്യം തവണ കുറിച്ചു വെച്ചി​ട്ടുണ്ട്‌. അതിൽപ്പി​ന്നെ ഞാൻ ഒരു യഹോ​വ​യു​ടെ സാക്ഷി​യാ​യി, ഇപ്പോൾ ഒരു മുഴു​സമയ സുവി​ശേ​ഷ​ക​യാണ്‌. എങ്കിലും ഇപ്പോ​ഴും ഇടയ്‌ക്കൊ​ക്കെ എനിക്ക്‌ ആ തോന്നൽ ഉണ്ടാകാ​റുണ്ട്‌. . . . യഹോവ എന്നെ ജീവി​ക്കാൻ അനുവ​ദി​ച്ചി​രി​ക്കു​ന്നു. അവൻ എന്നോട്‌ ആർദ്രാ​നു​ക​മ്പ​യോ​ടെ, ‘ജീവിതം അവസാ​നി​പ്പി​ക്ക​രുത്‌’ എന്നു പറയു​ന്ന​തു​പോ​ലെ എനിക്ക്‌ അനുഭ​വ​പ്പെ​ടു​ന്നു.”

റഷ്യയിൽ നിന്നുള്ള ഒരു 15 വയസ്സു​കാ​രി ഇങ്ങനെ വിശദീ​ക​രി​ക്കു​ന്നു: “എട്ടു വയസ്സു​ള്ള​പ്പോ​ഴേ, എന്നെ ആർക്കും വേണ്ടെന്ന്‌ എനിക്കു തോന്നി​ത്തു​ടങ്ങി. മാതാ​പി​താ​ക്കൾക്ക്‌ എന്നോടു സംസാ​രി​ക്കാൻ സമയമി​ല്ലാ​യി​രു​ന്നു. പ്രശ്‌ന​ങ്ങ​ളെ​ല്ലാം തനിയെ തീർക്കാൻ ഞാൻ ശ്രമിച്ചു. ഞാൻ എന്നി​ലേക്കു തന്നെ ഒതുങ്ങി​ക്കൂ​ടി. വീട്ടിൽ ഉള്ളവരു​മാ​യി ഞാൻ എപ്പോ​ഴും വഴക്കടി​ക്കു​മാ​യി​രു​ന്നു. പിന്നെ ആത്മഹത്യ​യെ കുറി​ച്ചുള്ള ചിന്തയാ​യി. യഹോ​വ​യു​ടെ സാക്ഷി​കളെ കണ്ടുമു​ട്ടാൻ സാധി​ച്ച​തിൽ ഞാൻ എത്ര സന്തുഷ്ട​യാണ്‌!”

നിരാശ തീർച്ച​യാ​യും പ്രത്യാ​ശ​യ്‌ക്കു വഴിമാ​റു​മെന്ന്‌ ഓസ്‌​ട്രേ​ലി​യ​യിൽ നിന്നുള്ള, 30-കളി​ലേക്കു കടന്ന കാതി​യു​ടെ പ്രോ​ത്സാ​ഹ​ജ​ന​ക​മായ അഭി​പ്രാ​യം വ്യക്തമാ​ക്കു​ന്നു: “ജീവിതം ഒടുക്കാ​നുള്ള വ്യത്യസ്‌ത മാർഗ​ങ്ങ​ളെ​ക്കു​റി​ച്ചു ഞാൻ സദാ ചിന്തി​ച്ചു​കൊ​ണ്ടി​രു​ന്നു. ഒടുവിൽ ആത്മഹത്യ​യ്‌ക്കു ശ്രമിച്ചു. വേദന​യും കോപ​വും ശൂന്യ​ത​യും നിറഞ്ഞ ഈ ലോക​ത്തിൽ നിന്നു രക്ഷപ്പെ​ട്ടാൽ മതി​യെന്നേ എനിക്കു​ണ്ടാ​യി​രു​ന്നു​ള്ളൂ. വിഷാദം മൂലം എനിക്ക്‌ ഞാൻ കുരു​ങ്ങി​പ്പോ​യെന്നു കരുതിയ ‘ചിലന്തി​വ​ല​യിൽ’ നിന്നു പുറത്തു കടക്കാ​നാ​യില്ല. അതു​കൊണ്ട്‌ ആത്മഹത്യ​യാണ്‌ പരിഹാ​രം എന്ന്‌ എനിക്കു തോന്നി.

“ഭൂമി സമാധാ​ന​വും സന്തുഷ്ടി​യും കളിയാ​ടുന്ന പറുദീസ ആയിത്തീ​രാ​നുള്ള സാധ്യ​തയെ കുറിച്ച്‌ ആദ്യം കേട്ട​പ്പോൾ വാസ്‌ത​വ​ത്തിൽ ഞാൻ അതിനു​വേണ്ടി ഉത്‌ക​ട​മാ​യി ആഗ്രഹി​ച്ചു. എന്നാൽ അതു വെറും സ്വപ്‌ന​മാ​ണെന്ന്‌ എനിക്കു തോന്നി. എങ്കിലും, ജീവനെ കുറി​ച്ചുള്ള യഹോ​വ​യു​ടെ വീക്ഷണ​ത്തെ​യും നാം ഓരോ​രു​ത്ത​രും അവന്റെ ദൃഷ്ടി​യിൽ എത്ര വില​യേ​റി​യ​വ​രാണ്‌ എന്നതി​നെ​യും കുറിച്ചു ഞാൻ ക്രമേണ മനസ്സി​ലാ​ക്കി തുടങ്ങി. പ്രത്യാ​ശ​യ്‌ക്കു വകയു​ണ്ടെന്ന്‌ എനിക്കു തോന്നി തുടങ്ങി. ഒടുവിൽ ഞാൻ ആ ‘ചിലന്തി​വല’യിൽ നിന്നു പുറത്തു കടക്കാ​നുള്ള വഴി കണ്ടെത്തി. അതിൽ നിന്നു പുറത്തു കടക്കു​ന്നത്‌ അത്ര എളുപ്പ​മാ​യി​രു​ന്നില്ല. ഇടയ്‌ക്കൊ​ക്കെ ഞാൻ വിഷാ​ദ​ത്തിന്‌ അടി​പ്പെ​ടും. അതോടെ എനിക്ക്‌ എന്തു ചെയ്യണ​മെന്ന്‌ ഒരു എത്തും പിടി​യും കിട്ടു​ക​യില്ല. എങ്കിലും, യഹോ​വയെ എന്റെ ജീവി​ത​ത്തി​ന്റെ കേന്ദ്ര​ബി​ന്ദു ആക്കിയി​രി​ക്കു​ന്നത്‌ അവനോട്‌ വളരെ​യ​ധി​കം അടുത്തു ചെല്ലാ​നും സുരക്ഷി​ത​ത്വം അനുഭ​വ​പ്പെ​ടാ​നും ഇടയാ​ക്കി​യി​രി​ക്കു​ന്നു. എനിക്കു​വേണ്ടി ചെയ്‌തി​ട്ടുള്ള എല്ലാറ്റി​നും ഞാൻ യഹോ​വ​യ്‌ക്കു നന്ദി​യേ​കു​ന്നു.”

മേലാൽ യുവജന മരണം ഉണ്ടായി​രി​ക്കു​ക​യില്ല

ബൈബിൾ പഠിക്കു​ന്ന​തി​ലൂ​ടെ മെച്ചപ്പെട്ട ഒന്നിനാ​യി, ക്രിസ്‌തീയ അപ്പൊ​സ്‌ത​ല​നായ പൗലൊസ്‌ വിളിച്ച ‘സാക്ഷാ​ലുള്ള ജീവനാ’യി, നോക്കി​പ്പാർത്തി​രി​ക്കാൻ സാധി​ക്കു​മെന്ന്‌ ഒരു യുവ വ്യക്തി മനസ്സി​ലാ​ക്കും. യുവാ​വാ​യി​രുന്ന തിമൊ​ഥെ​യൊ​സി​നെ പൗലൊസ്‌ ഇങ്ങനെ ബുദ്ധ്യു​പ​ദേ​ശി​ച്ചു: “ധനവാ​ന്മാ​രോ​ടു . . . നിശ്ചയ​മി​ല്ലാത്ത ധനത്തിലല്ല, നമുക്കു സകലവും ധാരാ​ള​മാ​യി അനുഭ​വി​പ്പാൻ തരുന്ന ദൈവ​ത്തിൽ ആശ വെപ്പാ​നും നന്മ ചെയ്‌വാ​നും സൽപ്ര​വൃ​ത്തി​ക​ളിൽ സമ്പന്നരാ​യി . . . സാക്ഷാ​ലുള്ള ജീവനെ പിടിച്ചു കൊ​ള്ളേ​ണ്ട​തി​ന്നു വരും​കാ​ല​ത്തേക്കു നല്ലോരു അടിസ്ഥാ​നം നിക്ഷേ​പി​ച്ചു​കൊൾവാ​നും ആജ്ഞാപിക്ക.”—1 തിമൊ​ഥെ​യൊസ്‌ 6:17-19.

മറ്റു വാക്കു​ക​ളിൽ പറഞ്ഞാൽ പൗലൊസ്‌ അർഥമാ​ക്കു​ന്നത്‌, നാം ഭാവിയെ കുറിച്ചു മറ്റുള്ള​വർക്ക്‌ ഉറച്ച പ്രത്യാശ നൽകി​ക്കൊണ്ട്‌ അവരു​മാ​യി ഇടപഴകി ജീവി​ക്കണം എന്നാണ്‌. യഹോവ വാഗ്‌ദത്തം ചെയ്‌തി​രി​ക്കുന്ന ‘നീതി വസിക്കുന്ന പുതിയ ആകാശ​ത്തി​ലും പുതിയ ഭൂമി​യി​ലും’ ഉള്ള ജീവി​ത​മാ​ണു “സാക്ഷാ​ലുള്ള ജീവിതം.”—2 പത്രൊസ്‌ 3:13.

മയക്കു​മ​രു​ന്നു ദുരു​പ​യോ​ഗ​വും അധാർമിക ജീവി​ത​രീ​തി​യും മരണത്തി​ലേ​ക്കുള്ള വളഞ്ഞു​പു​ളഞ്ഞ ദീർഘ​മായ പാതയാ​ണെ​ന്നും ആത്മഹത്യ അതി​ലേ​ക്കുള്ള കുറു​ക്കു​വ​ഴി​യാ​ണെ​ന്നും മുമ്പ്‌ പ്രതി​സ​ന്ധി​യിൽ ആയിരുന്ന നിരവധി യുവജ​നങ്ങൾ മനസ്സി​ലാ​ക്കി​യി​രി​ക്കു​ന്നു. യുദ്ധം, വിദ്വേ​ഷം, ദുഷ്‌പെ​രു​മാ​റ്റം, സ്‌നേ​ഹ​ര​ഹി​ത​മായ ഇടപെ​ട​ലു​കൾ എന്നിവ മുഖമു​ദ്ര​യാ​യുള്ള ഈ ലോകം പെട്ടെന്നു നശിപ്പി​ക്ക​പ്പെ​ടും എന്ന്‌ അവർ മനസ്സി​ലാ​ക്കി​യി​രി​ക്കു​ന്നു. ഈ ലോകത്തെ നന്നാക്കാ​നാ​കി​ല്ലെ​ന്നും അവർ മനസ്സി​ലാ​ക്കി​യി​രി​ക്കു​ന്നു. ദൈവ​രാ​ജ്യം മാത്ര​മാണ്‌ യഥാർഥ പ്രത്യാശ എന്ന്‌ അവർക്ക്‌ ഉള്ളം​കൊണ്ട്‌ അറിയാം. അത്‌ യുവജ​ന​ങ്ങൾക്കെന്നല്ല അനുസ​ര​ണ​മുള്ള മുഴു മനുഷ്യ വർഗത്തി​നും ഒരിക്ക​ലും മരി​ക്കേണ്ടി വരില്ലാത്ത ഒരു പുതിയ ലോകം ആനയി​ക്കും. അന്ന്‌ ആരും മേലാൽ മരിക്കാൻ ആഗ്രഹി​ക്കു​ക​യില്ല.—വെളി​പ്പാ​ടു 21:1-5.

[8-ാം പേജിലെ ചതുരം]

വിദഗ്‌ധ സഹായം ആവശ്യം

“90-ലധികം ശതമാനം ആത്മഹത്യ​യും മനോ​രോ​ഗ​ങ്ങ​ളു​ടെ ഫലമാണ്‌” എന്ന്‌ ദി അമേരി​ക്കൻ മെഡിക്കൽ അസോ​സി​യേഷൻ എൻ​സൈ​ക്ലോ​പീ​ഡിയ ഓഫ്‌ മെഡി​സിൻ പ്രസ്‌താ​വി​ക്കു​ന്നു. പിൻവ​രുന്ന രോഗ​ങ്ങളെ അതു പട്ടിക​പ്പെ​ടു​ത്തു​ന്നു: കടുത്ത വിഷാദം (ഏതാണ്ട്‌ 15 ശതമാനം), ശിഥില വ്യക്തി​ത്വം (ഏതാണ്ട്‌ 10 ശതമാനം), മദ്യാ​സക്തി (ഏതാണ്ട്‌ 7 ശതമാനം), സാമൂ​ഹിക വിരുദ്ധ പ്രവണ​തകൾ (ഏതാണ്ട്‌ 5 ശതമാനം), ഒരുതരം മാനസിക രോഗം (5 ശതമാ​ന​ത്തിൽ കുറവ്‌). അത്‌ ഇങ്ങനെ നിർദേ​ശി​ക്കു​ന്നു: “എല്ലാ ആത്മഹത്യാ ശ്രമങ്ങ​ളെ​യും ഗൗരവ​മാ​യി എടുക്കണം. ആത്മഹത്യ​യ്‌ക്കു ശ്രമി​ക്കുന്ന 20-30 ശതമാനം ആളുകൾ ഒരു വർഷത്തി​നകം വീണ്ടും അതിനു ശ്രമി​ക്കു​ന്നു.” “[ഐക്യ​നാ​ടു​ക​ളി​ലെ] ആത്മഹത്യ​ക​ളിൽ 50-ലധികം ശതമാ​ന​വും ഒരു മനോ​രോഗ വിദഗ്‌ധന്റെ സഹായം തേടി​യി​ട്ടി​ല്ലാ​ത്ത​വ​രു​ടേ​താണ്‌” എന്നു ഡോ. ജാൻ ഫൊസറ്റ്‌ എഴുതു​ന്നു. മറ്റൊരു ഉറവിടം പറയു​ന്ന​ത​നു​സ​രിച്ച്‌, “അന്തർലീ​ന​മായ വിഷാദം ചികി​ത്സി​ച്ചു ഭേദമാ​ക്കാൻ രോഗി എത്രയും പെട്ടെന്നു മനോ​രോഗ വിദഗ്‌ധന്റെ സഹായം തേടു​ന്ന​താ​ണു ചികി​ത്സ​യു​ടെ അതി​പ്ര​ധാന വശം.”