യുവജ​ന​ങ്ങളേ—നിങ്ങളു​ടെ ഗ്രഹണ​പ്രാ​പ്‌തി​കളെ പരിശീ​ലി​പ്പി​ക്കു​വിൻ!

“കട്ടിയായ ആഹാരം പക്വമ​തി​കൾക്ക്‌, ശരിയും തെറ്റും തിരി​ച്ച​റി​യാൻ തക്കവണ്ണം ഉപയോ​ഗ​ത്താൽ തങ്ങളുടെ ഗ്രഹണ​പ്രാ​പ്‌തി​കളെ പരിശീ​ലി​പ്പി​ച്ചി​രി​ക്കു​ന്ന​വർക്ക്‌, ഉള്ളതാണ്‌.”—എബ്രായർ 5:14, NW.

1, 2. (എ) ഇന്നത്തെ സാഹച​ര്യം പുരാതന എഫെ​സൊ​സി​ലെ ക്രിസ്‌ത്യാ​നി​ക​ളു​ടെ സാഹച​ര്യ​ത്തോ​ടു സമാന​മാ​യി​രി​ക്കു​ന്നത്‌ എങ്ങനെ? (ബി) ഏതു പ്രാപ്‌തി​കൾക്ക്‌ അപകട​ത്തിൽനി​ന്നു നിങ്ങളെ സംരക്ഷി​ക്കാ​നാ​കും, നിങ്ങൾക്ക്‌ അവ എങ്ങനെ വളർത്തി​യെ​ടു​ക്കാ​നാ​കും?

“ആകയാൽ സൂക്ഷ്‌മ​ത്തോ​ടെ, അജ്ഞാനി​ക​ളാ​യി​ട്ടല്ല ജ്ഞാനി​ക​ളാ​യി​ട്ട​ത്രേ നടപ്പാൻ നോക്കു​വിൻ. ഇതു ദുഷ്‌കാ​ല​മാ​ക​യാൽ സമയം തക്കത്തിൽ ഉപയോ​ഗി​ച്ചു​കൊൾവിൻ.” (എഫെസ്യർ 5:15, 16) ഏകദേശം രണ്ടായി​രം വർഷം മുമ്പ്‌ പൗലൊസ്‌ അപ്പൊ​സ്‌തലൻ ആ വാക്കുകൾ എഴുതി​യതു മുതൽ ‘ദുഷ്ട മനുഷ്യ​രും കാപട്യ​ക്കാ​രും അടിക്കടി അധഃപ​തി​ച്ചി​രി’ക്കുന്നു. “ഇടപെ​ടാൻ പ്രയാ​സ​മായ ദുർഘ​ട​കാ​ലങ്ങ”ളിൽ, അഥവാ ഫിലി​പ്‌സ്‌ ഭാഷാ​ന്തരം പറയു​ന്ന​തു​പോ​ലെ “അപകടം നിറഞ്ഞ” കാലത്താ​ണു നാം ജീവി​ക്കു​ന്നത്‌.—2 തിമൊ​ഥെ​യൊസ്‌ 3:1-5, 13, NW.

² എന്നാൽ, “സൂക്ഷ്‌മ​ബു​ദ്ധി​യും . . . പരിജ്ഞാ​ന​വും വകതി​രി​വും” വളർത്തി എടുക്കു​ന്ന​തി​ലൂ​ടെ നിങ്ങൾക്ക്‌, വഴിയിൽ പതിയി​രു​ന്നേ​ക്കാ​വുന്ന അപകട​ങ്ങ​ളാൽ ഹാനി തട്ടുന്നത്‌ ഒഴിവാ​ക്കാ​വു​ന്ന​താണ്‌. (സദൃശ​വാ​ക്യ​ങ്ങൾ 1:4) സദൃശ​വാ​ക്യ​ങ്ങൾ 2:10-12 പറയുന്നു: “ജ്ഞാനം നിന്റെ ഹൃദയ​ത്തിൽ പ്രവേ​ശി​ക്കും; പരിജ്ഞാ​നം നിന്റെ മനസ്സിന്നു ഇമ്പമാ​യി​രി​ക്കും. വകതി​രി​വു നിന്നെ കാക്കും; വിവേകം നിന്നെ സൂക്ഷി​ക്കും. അതു നിന്നെ ദുഷ്ടന്റെ വഴിയിൽനി​ന്നും വികടം പറയു​ന്ന​വ​രു​ടെ കൂട്ടത്തിൽനി​ന്നും വിടു​വി​ക്കും.” എന്നാൽ നിങ്ങൾക്ക്‌ എങ്ങനെ​യാണ്‌ ഈ കഴിവു​കൾ വളർത്തി​യെ​ടു​ക്കാൻ കഴിയുക? എബ്രായർ 5:14 പറയുന്നു: “കട്ടിയായ ആഹാരം പക്വമ​തി​കൾക്ക്‌, ശരിയും തെറ്റും തിരി​ച്ച​റി​യാൻ തക്കവണ്ണം ഉപയോ​ഗ​ത്താൽ തങ്ങളുടെ ഗ്രഹണ​പ്രാ​പ്‌തി​കളെ പരിശീ​ലി​പ്പി​ച്ചി​രി​ക്കു​ന്ന​വർക്ക്‌, ഉള്ളതാണ്‌.” ഏതൊരു പ്രാപ്‌തി​യു​ടെ​യും കാര്യ​ത്തിൽ എന്നപോ​ലെ, ഒരുവന്റെ ഗ്രഹണ​പ്രാ​പ്‌തി​ക​ളു​ടെ ഉപയോ​ഗ​ത്തി​ലും വൈദ​ഗ്‌ധ്യം നേടു​ന്ന​തിന്‌ പരിശീ​ലനം ആവശ്യ​മാണ്‌. പൗലൊസ്‌ ഉപയോ​ഗിച്ച ഗ്രീക്കു പദത്തിന്റെ അക്ഷരീയ അർഥം ‘ഒരു ജിംനാ​സ്റ്റി​നെ പോലെ പരിശീ​ലി​പ്പി​ക്ക​പ്പെ​ടുക’ എന്നാണ്‌. എങ്ങനെ​യാ​ണു നിങ്ങൾ അത്തര​മൊ​രു പരിശീ​ലനം ആരംഭി​ക്കുക?

നിങ്ങളു​ടെ ഗ്രഹണ​പ്രാ​പ്‌തി​കളെ പരിശീ​ലി​പ്പി​ക്കൽ

3. ഒരു തീരു​മാ​നം എടു​ക്കേ​ണ്ട​തു​ള്ള​പ്പോൾ നിങ്ങൾക്ക്‌ ഗ്രഹണ​പ്രാ​പ്‌തി​കൾ എങ്ങനെ ഉപയോ​ഗി​ക്കാ​നാ​കും?

³ നിങ്ങളു​ടെ ഗ്രഹണ​പ്രാ​പ്‌തി​കൾ അതായത്‌, ശരിയും തെറ്റും തിരി​ച്ച​റി​യാ​നുള്ള കഴിവ്‌, “ഉപയോ​ഗ​ത്താൽ” പരിശീ​ലി​പ്പി​ക്ക​പ്പെ​ടു​ന്നു എന്നത്‌ ശ്രദ്ധി​ക്കുക. ഒരു തീരു​മാ​നം എടു​ക്കേ​ണ്ടത്‌ ഉള്ളപ്പോൾ, ഊഹാ​പോ​ഹ​ത്താ​ലോ പെട്ടെ​ന്നുള്ള ഉൾ​പ്രേ​ര​ണ​യാ​ലോ പ്രവർത്തി​ക്കു​ക​യോ മറ്റുള്ളവർ ചെയ്യു​ന്നതു വെറു​ത​യങ്ങു പിൻപ​റ്റു​ക​യോ ആണെങ്കിൽ നിങ്ങളു​ടെ തീരു​മാ​നം ജ്ഞാനപൂർവ​ക​മാ​യി​രി​ക്കാൻ ഒട്ടും സാധ്യ​ത​യില്ല. ജ്ഞാനപൂർവ​ക​മായ തീരു​മാ​നങ്ങൾ എടുക്കു​ന്ന​തിന്‌ നിങ്ങൾ ഗ്രഹണ​പ്രാ​പ്‌തി​കൾ ഉപയോ​ഗി​ക്കണം. എങ്ങനെ? ഒന്നാമ​താ​യി, സാഹച​ര്യം കൂലങ്ക​ഷ​മാ​യി പരി​ശോ​ധിച്ച്‌ സകല വസ്‌തു​ത​ക​ളും മനസ്സി​ലാ​ക്കി​ക്കൊണ്ട്‌. ആവശ്യ​മെ​ങ്കിൽ ചോദ്യ​ങ്ങൾ ചോദി​ക്കുക. എന്തെല്ലാം മാർഗ​ങ്ങ​ളാണ്‌ മുന്നി​ലു​ള്ള​തെന്നു നിർണ​യി​ക്കുക. സദൃശ​വാ​ക്യ​ങ്ങൾ 13:16 പറയുന്നു: “സൂക്ഷ്‌മ​ബു​ദ്ധി​യുള്ള ഏവനും പരിജ്ഞാ​ന​ത്തോ​ടെ പ്രവർത്തി​ക്കു​ന്നു.” അടുത്ത​താ​യി, പ്രസ്‌തുത വിഷയ​ത്തിൽ ഉൾപ്പെ​ട്ടി​രി​ക്കുന്ന ബൈബിൾ നിയമ​ങ്ങ​ളോ തത്ത്വങ്ങ​ളോ ഏവയെന്നു നിർണ​യി​ക്കാൻ ശ്രമി​ക്കുക. (സദൃശ​വാ​ക്യ​ങ്ങൾ 3:5) ഇതു ചെയ്യു​ന്ന​തിന്‌ നിങ്ങൾക്കു തീർച്ച​യാ​യും ബൈബിൾ പരിജ്ഞാ​നം ഉണ്ടായി​രി​ക്കണം. അതു​കൊ​ണ്ടാണ്‌, “കട്ടിയായ ആഹാരം” കഴിക്കാൻ, സത്യത്തി​ന്റെ “വീതി​യും നീളവും ഉയരവും ആഴവും” ഗ്രഹി​ക്കാൻ, പൗലൊസ്‌ നമ്മെ പ്രോ​ത്സാ​ഹി​പ്പി​ക്കു​ന്നത്‌.—എഫെസ്യർ 3:18.

4. ദൈവിക തത്ത്വങ്ങളെ കുറി​ച്ചുള്ള പരിജ്ഞാ​നം അത്യന്താ​പേ​ക്ഷി​തം ആയിരി​ക്കു​ന്നത്‌ എന്തു​കൊണ്ട്‌?

⁴ നാം അപൂർണ​രും പാപം ചെയ്യാൻ ചായ്‌വ്‌ ഉള്ളവരും ആയതി​നാൽ അപ്രകാ​രം ചെയ്യേ​ണ്ടത്‌ അത്യന്താ​പേ​ക്ഷി​ത​മാണ്‌. (ഉല്‌പത്തി 8:21; റോമർ 5:12) “ഹൃദയം എല്ലാറ​റി​നെ​ക്കാ​ളും കപടവും വിഷമവു”മുള്ളത്‌ ആണെന്ന്‌ യിരെ​മ്യാ​വു 17:9 പറയുന്നു. നമ്മെ നയിക്കാൻ ദൈവിക തത്ത്വങ്ങ​ളി​ല്ലെ​ങ്കിൽ, തെറ്റായ ഒരു സംഗതി നമ്മുടെ ജഡത്തിന്റെ അഭിലാ​ഷം​കൊ​ണ്ടു മാത്രം ശരിയാ​ണെന്നു ചിന്തി​ക്കാൻ തക്കവണ്ണം നാം സ്വയം വഞ്ചിത​രാ​യേ​ക്കാം. (യെശയ്യാ​വു 5:20 താരത​മ്യം ചെയ്യുക.) സങ്കീർത്ത​ന​ക്കാ​രൻ ഇങ്ങനെ എഴുതി: “ബാലൻ തന്റെ നടപ്പിനെ നിർമ്മ​ല​മാ​ക്കു​ന്നതു എങ്ങനെ? നിന്റെ വചന​പ്ര​കാ​രം അതിനെ സൂക്ഷി​ക്കു​ന്ന​തി​നാൽ തന്നേ. നിന്റെ പ്രമാ​ണ​ങ്ങ​ളാൽ ഞാൻ വിവേ​ക​മു​ള്ള​വ​നാ​കു​ന്നു. അതു​കൊ​ണ്ടു ഞാൻ സകലവ്യാ​ജ​മാർഗ്ഗ​വും വെറു​ക്കു​ന്നു.”—സങ്കീർത്തനം 119:9, 104.

5. (എ) ചില യുവജ​നങ്ങൾ തെറ്റായ വഴികൾ പിന്തു​ട​രു​ന്നത്‌ എന്തു​കൊണ്ട്‌? (ബി) ഒരു യുവതി സത്യം സ്വന്തമാ​ക്കി​യത്‌ എങ്ങനെ?

⁵ ക്രിസ്‌തീയ കുടും​ബ​ങ്ങ​ളിൽ വളർത്ത​പ്പെട്ട ചില യുവജ​നങ്ങൾ തെറ്റായ വഴികൾ സ്വീക​രി​ച്ചി​ട്ടു​ള്ളത്‌ എന്തു​കൊ​ണ്ടാണ്‌? അവർ ഒരിക്ക​ലും, ‘നല്ലതും സ്വീകാ​ര്യ​വും പൂർണ​വു​മായ ദൈ​വേഷ്ടം എന്തെന്നു സ്വയം ഉറപ്പു​വ​രു​ത്താ​ത്ത​തി​നാൽ’ ആണോ? (റോമർ 12:2, NW) ചിലർ മാതാ​പി​താ​ക്ക​ളോ​ടൊ​പ്പം യോഗ​ങ്ങൾക്കു ഹാജരാ​യേ​ക്കാം. ബൈബി​ളി​ലെ ചില അടിസ്ഥാന പഠിപ്പി​ക്ക​ലു​കൾ കാണാ​പ്പാ​ഠം പറയാ​നും അവർക്കു സാധി​ച്ചേ​ക്കാം. എന്നാൽ അവരുടെ വിശ്വാ​സ​ത്തി​ന്റെ അടിസ്ഥാ​നത്തെ കുറി​ച്ചോ ദൈവ​വ​ച​ന​ത്തി​ലെ ഗഹനമായ ചില കാര്യ​ങ്ങളെ കുറി​ച്ചോ വിശദീ​ക​രി​ക്കാൻ ആവശ്യ​പ്പെ​ടു​മ്പോൾ, അവരുടെ അറിവ്‌ നിരാ​ശ​പ്പെ​ടു​ത്തും വിധം തുച്ഛമാ​ണെന്നു വ്യക്തമാ​കു​ന്നു. അത്തരം യുവജ​നങ്ങൾ എളുപ്പം വഴി​തെ​റ്റി​ക്ക​പ്പെ​ട്ടേ​ക്കാം. (എഫെസ്യർ 4:14) നിങ്ങളു​ടെ കാര്യ​ത്തിൽ ഇതു സത്യമാ​ണെ​ങ്കിൽ മാറ്റങ്ങൾ വരുത്താൻ ദൃഢനി​ശ്ചയം ചെയ്യരു​തോ? ഒരു യുവസ​ഹോ​ദരി ഓർമി​ക്കു​ന്നു: “ഞാൻ ഗവേഷണം നടത്തു​ക​തന്നെ ചെയ്‌തു. ഞാൻ എന്നോ​ടു​തന്നെ ചോദി​ച്ചു, ‘ഇതാണ്‌ ശരിയായ മതം എന്ന്‌ എനിക്ക്‌ എങ്ങനെ അറിയാം? യഹോവ എന്ന്‌ പേരുള്ള ഒരു ദൈവം ഉണ്ടെന്ന്‌ എനിക്ക്‌ എങ്ങനെ അറിയാം?’”a മാതാ​പി​താ​ക്ക​ളിൽ നിന്നു പഠിച്ച കാര്യങ്ങൾ തീർച്ച​യാ​യും സത്യമാ​യി​രു​ന്നെന്ന്‌ തിരു​വെ​ഴു​ത്തു​കൾ ശ്രദ്ധാ​പൂർവം പഠിച്ച​പ്പോൾ അവൾക്കു ബോധ്യ​മാ​യി.—പ്രവൃ​ത്തി​കൾ 17:11 താരത​മ്യം ചെയ്യുക.

6. യഹോ​വ​യായ “കർത്താ​വി​ന്നു പ്രസാ​ദ​മാ​യതു എന്തെന്നു” നിങ്ങൾക്ക്‌ എങ്ങനെ ഉറപ്പു വരുത്താ​നാ​കും?

⁶ നിങ്ങൾക്ക്‌ യഹോ​വ​യു​ടെ തത്ത്വങ്ങൾ സംബന്ധി​ച്ചു നല്ല പരിജ്ഞാ​നം ഉണ്ടെങ്കിൽ “കർത്താ​വി​ന്നു പ്രസാ​ദ​മാ​യതു എന്തെന്നു” നിങ്ങൾ എളുപ്പം ഉറപ്പു​വ​രു​ത്തും. (എഫെസ്യർ 5:9) എന്നാൽ ഒരു പ്രത്യേക സാഹച​ര്യ​ത്തിൽ സ്വീക​രി​ക്കേണ്ട ജ്ഞാനപൂർവ​ക​മായ ഗതി എന്താ​ണെന്നു നിങ്ങൾക്ക്‌ ഉറപ്പി​ല്ലെ​ങ്കി​ലോ? മാർഗ​നിർദേ​ശ​ത്തി​നാ​യി യഹോ​വ​യോ​ടു പ്രാർഥി​ക്കുക. (സങ്കീർത്തനം 119:144) കാര്യങ്ങൾ മാതാ​പി​താ​ക്ക​ളോ​ടോ പക്വത​യുള്ള ഒരു ക്രിസ്‌ത്യാ​നി​യോ​ടോ സംസാ​രി​ച്ചു നോക്കുക. (സദൃശ​വാ​ക്യ​ങ്ങൾ 15:22; 27:17) ബൈബി​ളി​ലും വാച്ച്‌ടവർ പ്രസി​ദ്ധീ​ക​ര​ണ​ങ്ങ​ളി​ലും ഗവേഷണം നടത്തു​ന്ന​തി​നാ​ലും സഹായ​ക​മായ മാർഗ​നിർദേശം കണ്ടെത്താ​നാ​കും. (സദൃശ​വാ​ക്യ​ങ്ങൾ 2:3-5) നിങ്ങളു​ടെ ഗ്രഹണ​പ്രാ​പ്‌തി​കളെ നിങ്ങൾ എത്രയ​ധി​കം ഉപയോ​ഗി​ക്കു​ന്നു​വോ അത്രയ​ധി​കം അവ സൂക്ഷ്‌മ​ത​യു​ള്ള​താ​യി​ത്തീ​രും.

വിനോ​ദ​ത്തി​ന്റെ കാര്യ​ത്തിൽ വിവേകം പ്രകട​മാ​ക്കൽ

7, 8. (എ) ഒരു കൂടി​വ​ര​വിൽ പങ്കെടു​ക്ക​ണ​മോ വേണ്ടയോ എന്നു തീരു​മാ​നി​ക്കാൻ നിങ്ങൾക്കു നിങ്ങളു​ടെ ഗ്രഹണ​പ്രാ​പ്‌തി​കൾ ഉപയോ​ഗി​ക്കാൻ കഴിയു​ന്നത്‌ എങ്ങനെ? (ബി) വിനോ​ദത്തെ കുറി​ച്ചുള്ള ബൈബി​ളി​ന്റെ വീക്ഷണം എന്താണ്‌?

⁷ ചില പ്രത്യേക സാഹച​ര്യ​ങ്ങ​ളിൽ നിങ്ങൾക്ക്‌ ഗ്രഹണ​പ്രാ​പ്‌തി​കളെ എങ്ങനെ ഉപയോ​ഗി​ക്കാ​മെന്ന്‌ നമുക്ക്‌ നോക്കാം. ദൃഷ്ടാ​ന്ത​ത്തിന്‌, നിങ്ങളെ ഒരു കൂടി​വ​ര​വി​നു ക്ഷണിച്ചി​രി​ക്കു​ന്നു എന്നു കരുതുക. കൂടി​വ​രവു പരസ്യ​പ്പെ​ടു​ത്തുന്ന അച്ചടിച്ച ഒരു നോട്ടീസ്‌ പോലും നിങ്ങൾക്കു ലഭി​ച്ചേ​ക്കാം. സാക്ഷി​ക​ളായ യുവജ​ന​ങ്ങ​ളു​ടെ വലി​യൊ​രു കൂട്ടം അവിടെ ഉണ്ടായി​രി​ക്കു​മെന്ന്‌ നിങ്ങളെ അറിയി​ച്ചി​രി​ക്കു​ന്നു. എന്നാൽ ചെലവു​കൾക്കാ​യി ഒരു തുക ഈടാ​ക്കു​ന്ന​താ​യി​രി​ക്കും. നിങ്ങൾ പങ്കെടു​ക്ക​ണ​മോ?

⁸ നിങ്ങളു​ടെ ഗ്രഹണ​പ്രാ​പ്‌തി​കൾ ഉപയോ​ഗി​ക്കുക. ആദ്യമാ​യി, വസ്‌തു​തകൾ ശേഖരി​ക്കുക. ആ കൂടി​വ​രവ്‌ എത്ര വലുതാ​യി​രി​ക്കും? ആരെല്ലാ​മാ​യി​രി​ക്കും അവിടെ ഉണ്ടായി​രി​ക്കുക? അത്‌ എപ്പോൾ തുടങ്ങും? എപ്പോൾ അവസാ​നി​ക്കും? എന്തൊക്കെ പരിപാ​ടി​ക​ളാണ്‌ ആസൂ​ത്രണം ചെയ്‌തി​ട്ടു​ള്ളത്‌? മേൽനോ​ട്ടം വഹിക്കു​ന്നത്‌ എങ്ങനെ ആയിരി​ക്കും? അടുത്ത​താ​യി, വാച്ച്‌ ടവർ പ്രസി​ദ്ധീ​കരണ സൂചി​ക​യി​ലെ (ഇംഗ്ലീഷ്‌) “സാമൂ​ഹിക കൂടി​വ​ര​വു​കൾ,” (“Social Gatherings”) “വിനോദം” (“Entertainment”) എന്നീ ഭാഗങ്ങൾ പരി​ശോ​ധി​ച്ചു​കൊണ്ട്‌ കുറച്ചു ഗവേഷണം നടത്തുക.b നിങ്ങളു​ടെ ഗവേഷ​ണ​ത്തി​ന്റെ ഫലം എന്തായി​രു​ന്നേ​ക്കാം? ഒരു സംഗതി, ആസ്വാ​ദ​ന​ത്തി​നാ​യി കൂടി​വ​രു​ന്ന​തി​നെ യഹോവ കുറ്റം വിധി​ക്കു​ന്നില്ല എന്നതാണ്‌. വാസ്‌ത​വ​ത്തിൽ, കഠിനാ​ധ്വാ​നം ചെയ്യു​ന്ന​തോ​ടൊ​പ്പം “തിന്നു കുടിച്ചു സന്തോ​ഷി​ക്കു​ന്ന​ത​ല്ലാ​തെ മനുഷ്യ​ന്നു സൂര്യന്റെ കീഴിൽ മറെറാ​രു നന്മയു​മി​ല്ല​ല്ലോ” എന്ന്‌ സഭാ​പ്ര​സം​ഗി 8:15 പറയുന്നു. എന്തിന്‌, യേശു​ക്രി​സ്‌തു​തന്നെ വിരു​ന്നു​ക​ളിൽ പങ്കെടു​ത്തു, കുറഞ്ഞത്‌ ഒരു വിവാ​ഹ​ത്തി​ലെ​ങ്കി​ലും അവൻ സംബന്ധി​ച്ചു. (ലൂക്കൊസ്‌ 5:27-29; യോഹ​ന്നാൻ 2:1-10) സമനില പാലി​ക്കുന്ന പക്ഷം സാമൂ​ഹിക കൂടി​വ​ര​വു​കൾ പ്രയോ​ജ​ന​കരം ആയിരു​ന്നേ​ക്കാം.

9, 10. (എ) ചില കൂടി​വ​ര​വു​കൾ ഏത്‌ അപകടങ്ങൾ ഉളവാ​ക്കി​യേ​ക്കാം? (ബി) ഒരു കൂടി​വ​ര​വിൽ പങ്കെടു​ക്ക​ണ​മോ വേണ്ടയോ എന്നു തീരു​മാ​നി​ക്കു​ന്ന​തി​നു മുമ്പ്‌ നിങ്ങൾക്ക്‌ നിങ്ങ​ളോ​ടു​തന്നെ ഏതെല്ലാം ചോദ്യ​ങ്ങൾ ചോദി​ക്കാ​വു​ന്ന​താണ്‌?

⁹ എന്നിരു​ന്നാ​ലും, ശരിയായ സംഘാ​ടനം ഇല്ലെങ്കിൽ കൂടി​വ​ര​വു​കൾ പ്രശ്‌നങ്ങൾ വരുത്തി​വെ​ച്ചേ​ക്കാം. ജ്ഞാനപൂർവ​ക​മ​ല്ലാത്ത സഹവാസം പരസം​ഗ​ത്തി​ലേ​ക്കും “ഒറ്റ ദിവസ​ത്തിൽ ഇരുപ​ത്തി​മൂ​വാ​യി​രം” അവിശ്വസ്‌ത ഇസ്രാ​യേ​ല്യർ വധിക്ക​പ്പെ​ടു​ന്ന​തി​ലേ​ക്കും നയിച്ചത്‌ എങ്ങനെ​യെന്ന്‌ 1 കൊരി​ന്ത്യർ 10:8-ൽ നാം വായി​ക്കു​ന്നു. റോമർ 13:13-ൽ ഗൗരവാ​വ​ഹ​മായ മറ്റൊരു മുന്നറി​യി​പ്പു കാണാം: “പകൽസ​മ​യത്തു എന്നപോ​ലെ നാം മര്യാ​ദ​യാ​യി നടക്ക; വെറി​ക്കൂ​ത്തു​ക​ളി​ലും മദ്യപാ​ന​ങ്ങ​ളി​ലു​മല്ല, ശയന​മോ​ഹ​ങ്ങ​ളി​ലും ദുഷ്‌കാ​മ​ങ്ങ​ളി​ലു​മല്ല, പിണക്ക​ത്തി​ലും അസൂയ​യി​ലു​മല്ല.” (1 പത്രൊസ്‌ 4:3 താരത​മ്യം ചെയ്യുക.) ഒരു കൂടി​വ​ര​വിൽ ഇത്ര പേരേ പാടുള്ളൂ എന്നു പറയാ​നാ​വില്ല എന്നതു ശരിതന്നെ. എന്നാൽ, പങ്കെടു​ക്കു​ന്ന​വ​രു​ടെ എണ്ണം കൂടു​ന്തോ​റും അതിനു മേൽനോ​ട്ടം വഹിക്കു​ന്ന​തി​ലെ ബുദ്ധി​മു​ട്ടും വർധി​ക്കു​ന്നു എന്ന്‌ അനുഭവം പ്രകട​മാ​ക്കു​ന്നു. ചെറിയ, നല്ല മേൽനോ​ട്ട​മുള്ള കൂടി​വ​ര​വു​കൾ സാധാ​ര​ണ​ഗ​തി​യിൽ “വന്യമായ പാർട്ടി​കൾ” ആയിത്തീ​രാ​റില്ല.—ഗലാത്യർ 5:21, ബയിങ്‌ടൺ.

¹⁰ നിങ്ങളു​ടെ ഗവേഷണം നിശ്ചയ​മാ​യും പിൻവ​രു​ന്നതു പോലുള്ള കൂടു​ത​ലായ ചോദ്യ​ങ്ങ​ളും ഉയർത്തും: “പ്രസ്‌തുത കൂടി​വ​ര​വിൽ പക്വത​യുള്ള, പ്രായ​പൂർത്തി​യായ ക്രിസ്‌ത്യാ​നി​കൾ ആരെങ്കി​ലും ഉണ്ടായി​രി​ക്കു​മോ? അത്‌ ഏറ്റെടു​ത്തു നടത്തു​ന്നത്‌ ആരാണ്‌? കൂടി​വ​ര​വി​ന്റെ ഉദ്ദേശ്യം ആരോ​ഗ്യാ​വ​ഹ​മായ സഹവാസം ഉന്നമി​പ്പി​ക്കുക എന്നതാ​ണോ അതോ ആർക്കെ​ങ്കി​ലും ലാഭം ഉണ്ടാക്കുക എന്നതാ​ണോ? ആർക്കൊ​ക്കെ പങ്കെടു​ക്കാ​നാ​കും എന്ന കാര്യ​ത്തിൽ എന്തെങ്കി​ലും നിയ​ന്ത്ര​ണങ്ങൾ ഉണ്ടോ? കൂടി​വ​രവ്‌ വാരാ​ന്ത​ത്തിൽ ആണെങ്കിൽ, പങ്കെടു​ക്കു​ന്ന​വർക്ക്‌ അടുത്ത ദിവസം ക്രിസ്‌തീയ ശുശ്രൂ​ഷ​യിൽ പങ്കെടു​ക്കാൻ കഴിയത്തക്ക വിധം ന്യായ​മായ ഒരു സമയത്ത്‌ അത്‌ അവസാ​നി​ക്കു​മോ? സംഗീ​ത​വും നൃത്തവും ഉണ്ടെങ്കിൽ, അത്‌ ക്രിസ്‌തീയ നിലവാ​ര​ങ്ങൾക്കു ചേർച്ച​യി​ലു​ള്ളത്‌ ആയിരി​ക്കു​മോ? (2 കൊരി​ന്ത്യർ 6:3) അത്തരം ചോദ്യ​ങ്ങൾ ചോദി​ക്കു​ന്നത്‌ എളുപ്പ​മ​ല്ലാ​യി​രി​ക്കാം. എന്നാൽ സദൃശ​വാ​ക്യ​ങ്ങൾ 22:3 ഈ മുന്നറി​യി​പ്പു തരുന്നു: “വിവേ​ക​മു​ള്ളവൻ അനർത്ഥം കണ്ടു ഒളിച്ചു​കൊ​ള്ളു​ന്നു; അല്‌പ​ബു​ദ്ധി​ക​ളോ നേരെ ചെന്നു ചേത​പ്പെ​ടു​ന്നു.” അതെ, നിങ്ങളു​ടെ ഗ്രഹണ​പ്രാ​പ്‌തി​കൾ ഉപയോ​ഗി​ക്കു​ന്ന​തി​നാൽ നിങ്ങൾക്ക്‌ അപകട​ക​ര​മായ സാഹച​ര്യ​ങ്ങൾ ഒഴിവാ​ക്കാൻ സാധി​ക്കും.

വിദ്യാ​ഭ്യാ​സ കാര്യ​ത്തിൽ വിവേകം പ്രകട​മാ​ക്കൽ

11. ഭാവി​ക്കാ​യി ആസൂ​ത്രണം ചെയ്യു​ന്ന​തിൽ യുവജ​ന​ങ്ങൾക്കു തങ്ങളുടെ ഗ്രഹണ​പ്രാ​പ്‌തി​കൾ എങ്ങനെ ഉപയോ​ഗി​ക്കാ​നാ​കും?

¹¹ ഭാവി​ക്കാ​യി ആസൂ​ത്രണം ചെയ്യു​ന്നതു ജ്ഞാനമാ​ണെന്ന്‌ ബൈബിൾ പറയുന്നു. (സദൃശ​വാ​ക്യ​ങ്ങൾ 21:5, NW) നിങ്ങളു​ടെ ഭാവിയെ കുറിച്ച്‌ നിങ്ങളും മാതാ​പി​താ​ക്ക​ളും കൂടി ചർച്ച ചെയ്‌തി​ട്ടു​ണ്ടോ? ഒരു പയനിയർ എന്ന നിലയിൽ മുഴു​സമയ ശുശ്രൂ​ഷ​യിൽ പ്രവേ​ശി​ക്കാൻ നിങ്ങൾക്കു പദ്ധതി ഉണ്ടായി​രി​ക്കാം. തീർച്ച​യാ​യും മറ്റൊരു ജീവി​ത​വൃ​ത്തി​ക്കും അതി​ലേറെ സംതൃ​പ്‌തി കൈവ​രു​ത്താൻ സാധി​ക്കില്ല. നല്ല പഠന ശീലങ്ങൾ നട്ടുവ​ളർത്തു​ക​യും ശുശ്രൂ​ഷ​യി​ലെ പ്രാപ്‌തി​കൾ വികസി​പ്പി​ക്കു​ക​യും ചെയ്യു​ന്നെ​ങ്കിൽ, നിങ്ങൾ പുളക​പ്ര​ദ​മായ ഈ ജീവി​ത​വൃ​ത്തി​ക്കാ​യി ഒരുങ്ങു​ക​യാണ്‌. എന്നാൽ അതിൽ ഏർപ്പെ​ടു​മ്പോൾ നിങ്ങളു​ടെ ചെലവു​കൾ എങ്ങനെ വഹിക്കാ​നാ​കു​മെന്നു ചിന്തി​ച്ചി​ട്ടു​ണ്ടോ? ഭാവി​യിൽ ഒരു കുടുംബ ജീവിതം നയിക്കാൻ നിങ്ങൾ തീരു​മാ​നി​ക്കു​ന്നെ​ങ്കിൽ, ആ കൂടു​ത​ലായ ഉത്തരവാ​ദി​ത്വം വഹിക്കാൻ നിങ്ങൾക്കു സാധി​ക്കു​മോ? അത്തരം കാര്യ​ങ്ങളെ കുറിച്ച്‌ സന്തുലി​ത​വും വസ്‌തു​നി​ഷ്‌ഠ​വു​മായ തീരു​മാ​നങ്ങൾ എടുക്കു​ന്ന​തിന്‌ ഗ്രഹണ​പ്രാ​പ്‌തി​കൾ ഉപയോ​ഗി​ക്കേ​ണ്ട​തുണ്ട്‌.

12. (എ) മാറി​ക്കൊ​ണ്ടി​രി​ക്കുന്ന സാമ്പത്തിക സാഹച​ര്യ​ത്തോ​ടു പൊരു​ത്ത​പ്പെ​ടാൻ ചില കുടും​ബങ്ങൾ കരുതൽ ചെയ്‌തി​ട്ടു​ള്ളത്‌ എങ്ങനെ? (ബി) ഏതെങ്കി​ലും അനുബന്ധ വിദ്യാ​ഭ്യാ​സം നേടു​ന്നത്‌ അനിവാ​ര്യ​മാ​യും പയനി​യ​റിങ്‌ ലക്ഷ്യത്തി​നു വിരു​ദ്ധ​മാ​ണോ? വിശദീ​ക​രി​ക്കുക.

¹² ചില സ്ഥലങ്ങളിൽ പ്രയോ​ജ​ന​പ്ര​ദ​മായ ഒരു തൊഴിൽ ചെയ്യു​മ്പോൾ തന്നെ അതിൽ പരിശീ​ല​ന​വും നേടുക സാധ്യ​മാണ്‌. ചില യുവജ​നങ്ങൾ കുടുംബ ബിസി​നസ്‌ പഠിക്കു​ക​യോ ബിസി​ന​സു​ക​ളുള്ള മുതിർന്ന സുഹൃ​ത്തു​ക്ക​ളിൽനി​ന്നു പരിശീ​ലനം നേടു​ക​യോ ചെയ്യുന്നു. മറ്റു ചിലർ പിൽക്കാ​ലത്ത്‌ ഒരു വരുമാ​നം ഉണ്ടാക്കാൻ സഹായി​ക്കുന്ന സ്‌കൂൾ കോഴ്‌സു​ക​ളിൽ ചേരുന്നു. അത്തരം അവസരങ്ങൾ ഇല്ലാത്തി​ടത്ത്‌, ഹൈസ്‌കൂൾ കഴിഞ്ഞ്‌ കുട്ടി​കൾക്ക്‌ ഏതെങ്കി​ലും അനുബന്ധ വിദ്യാ​ഭ്യാ​സം നൽകാൻ ശ്രദ്ധാ​പൂർവ​ക​മായ വിചി​ന്ത​ന​ത്തി​നു ശേഷം മാതാ​പി​താ​ക്കൾ ക്രമീ​ക​രി​ച്ചേ​ക്കാം. പ്രായ​പൂർത്തി​യായ ശേഷമുള്ള ഉത്തരവാ​ദി​ത്വ​ങ്ങൾ വഹിക്കാ​നും വിശേ​ഷിച്ച്‌ ദീർഘ​കാ​ല​ത്തേക്കു പയനിയർ സേവന​ത്തിൽ തുടരാ​നും കഴി​യേ​ണ്ട​തിന്‌ ഇത്തരത്തിൽ മുന്നമേ ആസൂ​ത്രണം ചെയ്യു​ന്നത്‌ ദൈവ​രാ​ജ്യം ഒന്നാമതു വെക്കു​ന്ന​തി​നു നിരക്കാത്ത സംഗതി​യല്ല. (മത്തായി 6:33) അനുബന്ധ വിദ്യാ​ഭ്യാ​സം പയനി​യ​റിങ്‌ അസാധ്യ​മാ​ക്കു​ന്നില്ല. ദൃഷ്ടാ​ന്ത​ത്തിന്‌, ഒരു യുവ സാക്ഷി ദീർഘ​കാ​ലം പയനി​യ​റിങ്‌ ചെയ്യാൻ ആഗ്രഹി​ച്ചു. ഹൈസ്‌കൂൾ വിദ്യാ​ഭ്യാ​സം കഴിഞ്ഞ​പ്പോൾ സാധാരണ പയനി​യർമാ​രായ മാതാ​പി​താ​ക്കൾ അവൾക്കു വേണ്ടി അനുബന്ധ വിദ്യാ​ഭ്യാ​സ​ത്തി​നു ക്രമീ​ക​രണം ചെയ്‌തു. പഠിച്ചു​കൊ​ണ്ടി​രി​ക്കെ​ത്തന്നെ അവൾക്കു പയനി​യ​റിങ്‌ ചെയ്യാൻ സാധിച്ചു. പയനി​യ​റി​ങ്ങിൽ തുടരവെ സ്വന്തം ചെലവു​കൾ വഹിക്കാൻ സഹായി​ക്കുന്ന ഒരു തൊഴിൽ വൈദ​ഗ്‌ധ്യം ഇപ്പോൾ അവൾക്കുണ്ട്‌.

13. കുടും​ബങ്ങൾ അനുബന്ധ വിദ്യാ​ഭ്യാ​സ​ത്തി​ന്റെ വില നിർണ​യി​ക്കേ​ണ്ടത്‌ എങ്ങനെ?

¹³ അനുബന്ധ വിദ്യാ​ഭ്യാ​സ​ത്തി​ന്റെ കാര്യ​ത്തിൽ ഓരോ കുടും​ബ​ത്തി​നും സ്വന്തമായ തീരു​മാ​നം എടുക്കാ​നുള്ള അവകാ​ശ​വും ഉത്തരവാ​ദി​ത്വ​വും ഉണ്ട്‌. അത്തരം വിദ്യാ​ഭ്യാ​സം ശ്രദ്ധാ​പൂർവം തിര​ഞ്ഞെ​ടു​ക്കു​മ്പോൾ അതു സഹായ​ക​മാ​യി​രി​ക്കാം. എന്നാൽ അതിന്‌ ഒരു കെണി ആയിരി​ക്കാ​നും കഴിയും. നിങ്ങൾ അത്തരം വിദ്യാ​ഭ്യാ​സത്തെ കുറിച്ചു പരിചി​ന്തി​ക്കു​ന്നെ​ങ്കിൽ, എന്താണ്‌ നിങ്ങളു​ടെ ലക്ഷ്യം? ഒരു മുതിർന്ന വ്യക്തി എന്ന നിലയി​ലുള്ള നിങ്ങളു​ടെ ഉത്തരവാ​ദി​ത്വ​ങ്ങൾ ആദരണീ​യ​മായ ഒരു വിധത്തിൽ നിർവ​ഹി​ക്കാൻ നിങ്ങ​ളെ​ത്തന്നെ ഒരുക്കുക എന്നതാ​ണോ നിങ്ങളു​ടെ ലക്ഷ്യം? അതോ നിങ്ങൾ ‘നിങ്ങൾക്കാ​യി വലിയ കാര്യ​ങ്ങളെ ആഗ്രഹി​ക്കു​ക​യാ​ണോ?’ (യിരെ​മ്യാ​വു 45:5; 2 തെസ്സ​ലൊ​നീ​ക്യർ 3:10; 1 തിമൊ​ഥെ​യൊസ്‌ 5:8; 6:9) വീട്ടിൽനി​ന്നു വളരെ അകലെ, ഒരുപക്ഷേ ഹോസ്റ്റ​ലി​ലോ മറ്റോ താമസി​ച്ചു​കൊണ്ട്‌ ഒരു അനുബന്ധ വിദ്യാ​ഭ്യാ​സം തേടുന്ന കാര്യ​മോ? “മോശ​മായ സഹവാ​സങ്ങൾ പ്രയോ​ജ​ന​പ്ര​ദ​മായ ശീലങ്ങളെ പാഴാ​ക്കു​ന്നു” എന്നുള്ള പൗലൊ​സി​ന്റെ ബുദ്ധി​യു​പ​ദേ​ശ​ത്തി​ന്റെ വീക്ഷണ​ത്തിൽ അത്‌ ജ്ഞാനപൂർവകം ആയിരി​ക്കു​മോ? (1 കൊരി​ന്ത്യർ 15:33, NW; 2 തിമൊ​ഥെ​യൊസ്‌ 2:22) “ശേഷി​ച്ചി​രി​ക്കുന്ന സമയം ചുരു​ങ്ങി​യി​രി​ക്കു​ന്നു” എന്നും ഓർമി​ക്കുക. (1 കൊരി​ന്ത്യർ 7:29, NW) അത്തരം വിദ്യാ​ഭ്യാ​സ​ത്തി​നാ​യി നിങ്ങൾ എത്രമാ​ത്രം സമയം വിനി​യോ​ഗി​ക്കും? നിങ്ങളു​ടെ യൗവന വർഷങ്ങ​ളു​ടെ ഏറിയ പങ്കും അതിന്‌ ആവശ്യ​മാ​യി വരുമോ? അങ്ങനെ​യെ​ങ്കിൽ, “യൌവ​ന​കാ​ലത്തു നിന്റെ സ്രഷ്ടാ​വി​നെ ഓർത്തു​കൊൾക” എന്ന ബൈബി​ളി​ന്റെ പ്രോ​ത്സാ​ഹനം നിങ്ങൾ എങ്ങനെ ബാധക​മാ​ക്കും? (സഭാ​പ്ര​സം​ഗി 12:1) അതിനു പുറമേ, നിങ്ങൾ ഏറ്റെടു​ക്കുന്ന പഠന കോഴ്‌സു​കൾ നിമിത്തം മർമ​പ്ര​ധാന ക്രിസ്‌തീയ പ്രവർത്ത​ന​ങ്ങ​ളായ യോഗ​ങ്ങൾക്കു ഹാജരാ​കൽ, വയൽസേ​വനം, വ്യക്തി​പ​ര​മായ പഠനം എന്നിവ​യ്‌ക്കു സമയം ലഭിക്കു​മോ? (മത്തായി 24:14; എബ്രായർ 10:24, 25) നിങ്ങളു​ടെ ഗ്രഹണ​പ്രാ​പ്‌തി​കൾ സൂക്ഷ്‌മ​മാ​ണെ​ങ്കിൽ, നിങ്ങളും മാതാ​പി​താ​ക്ക​ളും നിങ്ങളു​ടെ ഭാവി​ക്കാ​യി ആസൂ​ത്രണം ചെയ്യു​മ്പോൾ ഒരിക്ക​ലും ആത്മീയ ലക്ഷ്യങ്ങൾക്കു ശ്രദ്ധ കൊടു​ക്കാ​തി​രി​ക്കില്ല.

കോർട്ടിങ്‌ മാന്യ​മാ​യി നിലനിർത്തൽ

14. (എ) കോർട്ടി​ങ്ങിൽ ഏർപ്പെ​ടുന്ന ഇണകൾ പരസ്‌പരം വാത്സല്യം കാട്ടു​മ്പോൾ ഏതു തത്ത്വങ്ങൾ അവരെ വഴിന​യി​ക്കണം? (ബി) ഇക്കാര്യ​ത്തിൽ ചില ഇണകൾ വിവേ​ക​ശൂ​ന്യ​മാ​യി പെരു​മാ​റി​യി​ട്ടു​ള്ളത്‌ എങ്ങനെ?

¹⁴ ഗ്രഹണ​പ്രാ​പ്‌തി​കൾ ആവശ്യ​മുള്ള മറ്റൊരു മണ്ഡലമാണ്‌ കോർട്ടിങ്‌. നിങ്ങൾ വളരെ​യേറെ ഇഷ്ടപ്പെ​ടുന്ന ഒരു വ്യക്തി​യോ​ടു പ്രിയം കാട്ടാ​നുള്ള ആഗ്രഹം സ്വഭാ​വി​കം മാത്ര​മാണ്‌. ഉത്തമഗീ​ത​ത്തി​ലെ ചാരി​ത്ര്യ​ശു​ദ്ധി ഉണ്ടായി​രുന്ന ഇണകൾ ചില വാത്സല്യ പ്രകട​നങ്ങൾ നടത്തി​യെ​ന്നു​ള്ള​തി​നു സംശയ​മില്ല. (ഉത്തമഗീ​തം 1:2; 2:6; 8:5) സമാന​മാ​യി, ഇന്നു കോർട്ടി​ങ്ങിൽ ഏർപ്പെ​ടുന്ന ചില ഇണകൾ, കരം​ഗ്ര​സി​ക്കു​ക​യോ ചുംബി​ക്കു​ക​യോ ആശ്ലേഷി​ക്കു​ക​യോ ചെയ്യു​ന്നത്‌ ഉചിത​മാ​ണെന്നു കരുതു​ന്നു, വിശേ​ഷി​ച്ചും വിവാഹം ആസന്നമാ​ണെ​ന്നു​ള്ള​പ്പോൾ. എന്നാൽ ഓർമി​ക്കുക: “സ്വന്തഹൃ​ദ​യ​ത്തിൽ ആശ്രയി​ക്കു​ന്നവൻ മൂഢൻ.” (സദൃശ​വാ​ക്യ​ങ്ങൾ 28:26) ദുഃഖ​ക​ര​മെന്നു പറയട്ടെ, ക്രിസ്‌തീയ തത്ത്വങ്ങൾ കൈ​വെ​ടി​യാൻ പ്രലോ​ഭി​ത​രാ​യേ​ക്കാ​വുന്ന സാഹച​ര്യ​ങ്ങ​ളിൽ തങ്ങളെ​ത്തന്നെ ആക്കി​വെ​ച്ചു​കൊണ്ട്‌ പല ഇണകളും വിവേ​ക​ശൂ​ന്യ​മാ​യി പെരു​മാ​റി​യി​ട്ടുണ്ട്‌. വാത്സല്യ പ്രകട​നങ്ങൾ തീവ്ര​വും അനിയ​ന്ത്രി​ത​വും ആയിത്തീർന്നി​ട്ടുണ്ട്‌. തത്‌ഫ​ല​മാ​യി, അശുദ്ധ കൃത്യ​ങ്ങ​ളിൽ ഏർപ്പെ​ടു​ക​യും ലൈം​ഗിക അധാർമി​ക​ത​യോ​ളം പോലും അതു വഷളാ​കു​ക​യും ചെയ്‌തി​ട്ടുണ്ട്‌.

15, 16. തങ്ങളുടെ കോർട്ടിങ്‌ ആദരണീ​യ​മാ​യി തുടരു​മെന്ന്‌ ഉറപ്പു​വ​രു​ത്താൻ ഇണകൾക്ക്‌ ന്യായ​മായ ഏതു മുൻക​രു​ത​ലു​കൾ എടുക്കാ​നാ​കും?

¹⁵ നിങ്ങൾ ഡേറ്റി​ങ്ങിൽ ഏർപ്പെ​ടു​ന്നെ​ങ്കിൽ, അനുചിത സാഹച​ര്യ​ങ്ങ​ളിൽ നിങ്ങളു​ടെ ഭാവി വിവാഹ ഇണയോ​ടൊ​പ്പം തനിച്ചാ​യി​രി​ക്കു​ന്നത്‌ ഒഴിവാ​ക്കു​ന്നതു ജ്ഞാനമാണ്‌. ഒരു കൂട്ട​ത്തോ​ടൊ​പ്പ​മോ പൊതു സ്ഥലങ്ങളി​ലോ ആയിരി​ക്കു​മ്പോൾ പരസ്‌പര സഹവാസം ആസ്വദി​ക്കു​ന്ന​താ​യി​രി​ക്കാം ഏറ്റവും മെച്ചം. ചില ഇണകൾ മറ്റൊരു വ്യക്തി തങ്ങളോ​ടൊ​പ്പം ഉണ്ടായി​രി​ക്കു​ന്ന​തി​നു ക്രമീ​ക​രി​ക്കു​ന്നു. ഹോശേയ 4:11-ലെ വാക്കു​ക​ളും വിചി​ന്തനം ചെയ്യുക: “വീഞ്ഞും പുതിയ വീഞ്ഞും ബുദ്ധിയെ [“നല്ല ആന്തരത്തെ,” NW] കെടു​ത്തി​ക്ക​ള​യു​ന്നു.” മദ്യം നല്ല ന്യായ​ബോ​ധത്തെ കെടു​ത്തി​ക്ക​ള​യു​ക​യും പിന്നീടു ഖേദി​ക്കേണ്ടി വരുന്ന നടപടി​ക​ളി​ലേക്ക്‌ ഇണകളെ നയിക്കു​ക​യും ചെയ്‌തേ​ക്കാം.

¹⁶ സദൃശ​വാ​ക്യ​ങ്ങൾ 13:10 പറയുന്നു: “അഹങ്കാ​രം​കൊ​ണ്ടു വിവാ​ദം​മാ​ത്രം ഉണ്ടാകു​ന്നു; ആലോചന കേൾക്കു​ന്ന​വ​രു​ടെ പക്കലോ ജ്ഞാനം ഉണ്ടു.” അതെ, ‘ആലോചന ചോദി​ക്കുക,’ നിങ്ങൾ എങ്ങനെ പെരു​മാ​റു​മെന്നു ചർച്ച ചെയ്യുക. ഓരോ വ്യക്തി​യും മറ്റേ വ്യക്തി​യു​ടെ വികാ​ര​ങ്ങ​ളെ​യും മനസ്സാ​ക്ഷി​യെ​യും ആദരി​ച്ചു​കൊണ്ട്‌ വാത്സല്യ പ്രകട​ന​ങ്ങൾക്കു പരിധി​കൾ വെക്കുക. (1 കൊരി​ന്ത്യർ 13:5; 1 തെസ്സ​ലൊ​നീ​ക്യർ 4:3-7; 1 പത്രൊസ്‌ 3:16) സങ്കോ​ച​മു​ള​വാ​ക്കുന്ന ഈ വിഷയത്തെ കുറിച്ചു സംസാ​രി​ക്കാൻ ആദ്യം ബുദ്ധി​മു​ട്ടാ​യി​രി​ക്കാം, എന്നാൽ പിന്നീട്‌ ഗുരു​ത​ര​മായ പ്രശ്‌നങ്ങൾ ഉണ്ടാകു​ന്നതു തടയാൻ അതു മൂലം കഴിയും.

‘ബാല്യം മുതൽ’ പഠിപ്പി​ക്ക​പ്പെ​ടൽ

17. ദാവീദ്‌ ‘ബാല്യം മുതൽ യഹോ​വയെ തന്റെ ആശ്രയം’ ആക്കിയത്‌ എങ്ങനെ, ഇന്നത്തെ യുവജ​ന​ങ്ങൾക്ക്‌ അതിൽനിന്ന്‌ എന്തു പാഠം ഉൾക്കൊ​ള്ളാ​നാ​കും?

¹⁷ സാത്താന്റെ കെണി​കളെ ഒഴിവാ​ക്കു​ന്ന​തി​നു നിങ്ങളു​ടെ ഭാഗത്ത്‌ നിതാന്ത ജാഗ്രത ആവശ്യ​മാണ്‌, ചില​പ്പോ​ഴൊ​ക്കെ ശക്തമായ ധൈര്യ​വും. എന്തിന്‌, ചില അവസര​ങ്ങ​ളിൽ നിങ്ങൾ കേവലം സമപ്രാ​യ​ക്കാ​രോ​ടു മാത്രമല്ല മുഴു ലോക​ത്തോ​ടും വിയോ​ജി​പ്പി​ലാ​ണെന്നു കണ്ടെത്തി​യേ​ക്കാം. സങ്കീർത്ത​ന​ക്കാ​ര​നായ ദാവീദ്‌ പ്രാർഥി​ച്ചു: “യഹോ​വ​യായ കർത്താവേ, നീ എന്റെ പ്രത്യാ​ശ​യാ​കു​ന്നു; ബാല്യം​മു​തൽ നീ എന്റെ ആശ്രയം തന്നേ. ദൈവമേ, എന്റെ ബാല്യം​മു​തൽ നീ എന്നെ ഉപദേ​ശി​ച്ചി​രി​ക്കു​ന്നു; ഇന്നുവരെ ഞാൻ നിന്റെ അത്ഭുത​പ്ര​വൃ​ത്തി​കളെ അറിയി​ച്ചു​മി​രി​ക്കു​ന്നു.” (സങ്കീർത്തനം 71:5, 17)c ദാവീദ്‌ ധീരത​യ്‌ക്കു പേരു​കേ​ട്ട​വ​നാ​യി​രു​ന്നു. എന്നാൽ അവൻ അത്‌ എപ്പോ​ഴാ​ണു വളർത്തി​യെ​ടു​ത്തത്‌? ചെറു​പ്പ​കാ​ലത്ത്‌! ഗൊല്യാ​ത്തു​മാ​യുള്ള അവന്റെ വിഖ്യാത ഏറ്റുമു​ട്ട​ലി​നു മുമ്പു പോലും, ഒരു സിംഹ​ത്തെ​യും ഒരു കരടി​യെ​യും കൊന്നു​കൊണ്ട്‌ തന്റെ പിതാ​വി​ന്റെ ആട്ടിൻകൂ​ട്ടത്തെ സംരക്ഷി​ക്കു​ന്ന​തിൽ അവൻ അസാധാ​ര​ണ​മായ ധൈര്യം പ്രകട​മാ​ക്കി​യി​രു​ന്നു. (1 ശമൂവേൽ 17:34-37) എന്നിരു​ന്നാ​ലും, ‘ബാല്യം മുതൽ തന്റെ ആശ്രയം’ യഹോവ ആണെന്നു പറഞ്ഞു​കൊണ്ട്‌ ദാവീദ്‌ താൻ പ്രകട​മാ​ക്കിയ സകല ധീരത​യ്‌ക്കു​മുള്ള മഹത്ത്വം യഹോ​വ​യ്‌ക്കു നൽകി. യഹോ​വ​യിൽ ആശ്രയി​ക്കാ​നുള്ള കഴിവ്‌ താൻ നേരിട്ട ഏതു പരീക്ഷ​ണ​വും വിജയ​ക​ര​മാ​യി തരണം ചെയ്യാൻ ദാവീ​ദി​നെ പ്രാപ്‌ത​നാ​ക്കി. നിങ്ങൾ യഹോ​വ​യിൽ ആശ്രയി​ക്കു​ന്നെ​ങ്കിൽ, ‘ലോകത്തെ ജയിക്കാൻ’ വേണ്ട ധൈര്യ​വും ശക്തിയും അവൻ തരു​മെന്ന്‌ നിങ്ങൾക്കും ബോധ്യ​മാ​കും.—1 യോഹ​ന്നാൻ 5:4.

18. ദൈവ​ഭ​ക്തി​യുള്ള ഇന്നത്തെ യുവജ​ന​ങ്ങൾക്ക്‌ എന്ത്‌ ഉദ്‌ബോ​ധനം നൽക​പ്പെ​ട്ടി​രി​ക്കു​ന്നു?

¹⁸ നിങ്ങളെ പോലുള്ള ആയിര​ക്ക​ണ​ക്കി​നു യുവജ​നങ്ങൾ ധീരമായ ഒരു നിലപാ​ടു സ്വീക​രി​ച്ചു​കൊണ്ട്‌ ഇപ്പോൾ സുവാർത്ത​യു​ടെ സ്‌നാ​പ​ന​മേറ്റ പ്രസാ​ധ​ക​രാ​യി സേവി​ക്കു​ന്നു. ചെറു​പ്പ​ക്കാ​രായ നിങ്ങളു​ടെ വിശ്വാ​സ​ത്തി​നും ധൈര്യ​ത്തി​നും ഞങ്ങൾ യഹോ​വ​യ്‌ക്കു നന്ദി കരേറ്റു​ന്നു! ലോക​ത്തി​ന്റെ ദുഷി​പ്പിൽനി​ന്നു രക്ഷപ്പെ​ടാൻ നിശ്ചയ​ദാർഢ്യ​മു​ള്ളവർ ആയിരി​ക്കുക. (2 പത്രൊസ്‌ 1:4) നിങ്ങളു​ടെ ബൈബിൾ പരിശീ​ലിത ഗ്രഹണ​പ്രാ​പ്‌തി​കൾ ഉപയോ​ഗി​ക്കു​ന്ന​തിൽ തുടരു​വിൻ. അപ്രകാ​രം ചെയ്യു​ന്നത്‌ ഇപ്പോൾ നിങ്ങളെ ആപത്തിൽനിന്ന്‌ സംരക്ഷി​ക്കു​ക​യും ആത്യന്തി​ക​മാ​യി നിങ്ങളു​ടെ രക്ഷ ഉറപ്പു​വ​രു​ത്തു​ക​യും ചെയ്യും. തീർച്ച​യാ​യും, അവസാന ലേഖനം പ്രകട​മാ​ക്കു​ന്ന​തു​പോ​ലെ, നിങ്ങൾ ജീവിതം വിജയ​പ്ര​ദ​മാ​ക്കു​ക​യും ചെയ്യും.

[അടിക്കു​റി​പ്പു​കൾ]

പുനര​വ​ലോ​കന ചോദ്യ​ങ്ങൾ

□ ഒരു യുവ വ്യക്തി തന്റെ ഗ്രഹണ​പ്രാ​പ്‌തി​കളെ പരിശീ​ലി​പ്പി​ക്കു​ന്നത്‌ എങ്ങനെ?

□ ക്രിസ്‌തീയ കൂടി​വ​ര​വു​ക​ളിൽ പങ്കെടു​ക്കുന്ന കാര്യ​ത്തിൽ ഒരു ചെറു​പ്പ​ക്കാ​രന്‌ എങ്ങനെ തന്റെ ഗ്രഹണ​പ്രാ​പ്‌തി​കൾ ഉപയോ​ഗി​ക്കാ​നാ​കും?

□ ഒരുവന്റെ വിദ്യാ​ഭ്യാ​സം ആസൂ​ത്രണം ചെയ്യു​ന്ന​തിൽ ഏതെല്ലാം ഘടകങ്ങൾ പരിഗ​ണി​ക്കാ​വു​ന്ന​താണ്‌?

□ കോർട്ടിങ്‌ നടത്തുന്ന ഇണകൾക്ക്‌ ലൈം​ഗിക അധാർമി​കത എന്ന കെണി എങ്ങനെ ഒഴിവാ​ക്കാ​നാ​കും?

[15-ാം പേജിലെ ചിത്രം]

ഗവേഷണം നടത്താൻ പഠിക്കു​ന്നതു ഗ്രഹണ​പ്രാ​പ്‌തി​കളെ പരിശീ​ലി​പ്പി​ക്കാൻ നിങ്ങളെ സഹായി​ക്കും

[16-ാം പേജിലെ ചിത്രം]

ചെറിയ കൂടി​വ​ര​വു​കൾ മേൽനോ​ട്ട​ത്തിന്‌ എളുപ്പ​മു​ള്ള​തും അനിയ​ന്ത്രിത കുടി​ച്ചു​കൂ​ത്താ​ട്ടങ്ങൾ ആയിത്തീ​രാൻ സാധ്യത കുറഞ്ഞ​തു​മാണ്‌

[16-ാം പേജിലെ ചിത്രം]

കുട്ടികളുടെ വിദ്യാ​ഭ്യാ​സം ആസൂ​ത്രണം ചെയ്യാൻ മാതാ​പി​താ​ക്കൾ അവരെ സഹായി​ക്ക​ണം

[17-ാം പേജിലെ ചിത്രം]

ഒരു കൂട്ട​ത്തോ​ടൊ​പ്പം ആയിരി​ക്കു​മ്പോൾ ഡേറ്റിങ്‌ നടത്തു​ന്നത്‌ ഒരു സംരക്ഷ​ണ​മാണ്‌