“നിങ്ങൾക്കൊ​രു നല്ല പയനി​യ​റാ​കാൻ കഴിയും!”

 1. പയനി​യ​റി​ങ്ങി​നെ​ക്കു​റിച്ച്‌ ഒരു സഹോ​ദരി പറഞ്ഞത്‌ എന്താണ്‌?

¹ “യഹോ​വ​യു​മാ​യി ഒരു ഉറ്റബന്ധം ആസ്വദി​ക്കാൻ പയനി​യ​റിങ്‌ എന്നെ സഹായി​ക്കു​ന്നു. യഹോ​വ​യും അവന്റെ പുത്ര​നും നമുക്കാ​യി ചെയ്‌ത സകലതി​നും നന്ദി കാണി​ക്കാ​നുള്ള ഏറ്റവും നല്ല മാർഗ​മാ​യാണ്‌ ഞാൻ അതിനെ കാണു​ന്നത്‌. സന്തുഷ്ട​വും സംതൃ​പ്‌ത​വു​മായ ജീവി​ത​മാണ്‌ അതെനിക്ക്‌ സമ്മാനി​ച്ചത്‌,” മേരി എന്ന സഹോ​ദരി പറയുന്നു. പയനിയർ സേവന​ത്തിൽ 42 വർഷം പിന്നി​ട്ടി​രി​ക്കുന്ന ഈ സഹോ​ദരി ഇന്ത്യയു​ടെ പല ഭാഗങ്ങ​ളി​ലും പ്രവർത്തി​ച്ചി​ട്ടുണ്ട്‌. ആകട്ടെ, മുഴു​സ​മ​യ​ശു​ശ്രൂ​ഷ​ക​രു​ടെ അനു​ഗ്ര​ഹ​സ​മ്പ​ന്ന​മായ ജീവി​ത​ത്തെ​ക്കു​റിച്ച്‌ അറിവുള്ള ആരെങ്കി​ലും നിങ്ങ​ളോട്‌, “ഒരു നല്ല പയനി​യ​റാ​കാൻ നിങ്ങൾക്കു കഴിയും!” എന്ന്‌ പറഞ്ഞി​ട്ടു​ണ്ടോ?

 2. ആത്മീയ പ്രവർത്ത​നങ്ങൾ വളരെ​യ​ധി​കം സംതൃ​പ്‌തി നേടി​ത്ത​രു​മെന്നു പറയു​ന്നത്‌ എന്തു​കൊണ്ട്‌?

² സംതൃ​പ്‌തി​ദാ​യ​ക​മായ പ്രവർത്തനം: പിതാ​വി​ന്റെ ഇഷ്ടം ചെയ്യു​ന്നത്‌ യേശു​വിന്‌ യഥാർഥ സന്തോ​ഷ​വും സംതൃ​പ്‌തി​യും കൈവ​രു​ത്തി. (യോഹ. 4:34) അതു​കൊണ്ട്‌, യഹോ​വ​യു​ടെ ആരാധ​ന​യോ​ടു ബന്ധപ്പെട്ട പ്രവർത്ത​ന​ങ്ങ​ളിൽനി​ന്നാണ്‌ യഥാർഥ സംതൃ​പ്‌തി ലഭിക്കു​ന്ന​തെന്ന്‌ തികഞ്ഞ ആത്മാർഥ​ത​യോ​ടെ യേശു തന്റെ അനുഗാ​മി​കളെ പഠിപ്പി​ച്ചു. യഹോ​വ​യു​ടെ അംഗീ​കാ​രം നേടി​ത്ത​രുന്ന പ്രവർത്ത​ന​ങ്ങ​ളിൽ മുഴു​കു​ന്നത്‌ നമ്മുടെ ജീവിതം സംതൃ​പ്‌ത​മാ​ക്കും. ഇനി, മറ്റുള്ള​വരെ സഹായി​ക്കു​ന്ന​തി​നാ​യി നമ്മുടെ സമയവും ഊർജ​വും വിഭവ​ങ്ങ​ളു​മെ​ല്ലാം ഉപയോ​ഗി​ക്കു​മ്പോൾ നമ്മുടെ സന്തോ​ഷ​വും അതിന​നു​സ​രിച്ച്‌ വർധി​ക്കും.—പ്രവൃ. 20:31, 35.

 3. ശുശ്രൂ​ഷ​യിൽ കൂടുതൽ സമയം ചെലവ​ഴി​ക്കു​ന്നത്‌ ഏതെല്ലാം അനു​ഗ്ര​ഹങ്ങൾ കൈവ​രു​ത്തും?

³ ശുശ്രൂ​ഷ​യിൽ നാം കൂടുതൽ സമയം ചെലവ​ഴി​ക്കു​മ്പോൾ ബൈബി​ള​ധ്യ​യ​നങ്ങൾ ആരംഭി​ക്കാ​നും അതിന്റെ സന്തോഷം ആസ്വദി​ക്കാ​നു​മുള്ള കൂടുതൽ അവസരങ്ങൾ നമുക്കു ലഭിക്കും. ശുശ്രൂ​ഷ​യി​ലുള്ള അനുഭ​വ​സ​മ്പ​ത്തും വൈദ​ഗ്‌ധ്യ​ങ്ങ​ളും വർധി​ക്കു​മ്പോൾ, കാര്യ​മായ ഫലമൊ​ന്നും ലഭിക്കി​ല്ലെന്നു കരുതി​യി​രുന്ന പ്രദേ​ശ​ങ്ങ​ളിൽപ്പോ​ലും താത്‌പ​ര്യ​ക്കാ​രെ കണ്ടെത്താൻ നമുക്ക്‌ കഴി​ഞ്ഞെ​ന്നു​വ​രും. പയനിയർ സേവന​ത്തിൽ ഒരു വർഷം പൂർത്തി​യാ​ക്കു​ന്ന​വർക്ക്‌ പയനിയർ സേവന സ്‌കൂ​ളിൽ പങ്കെടു​ക്കാ​നുള്ള അവസര​മുണ്ട്‌. മികച്ച പരിശീ​ല​ന​മാണ്‌ പയനി​യർമാർക്ക്‌ ഈ സ്‌കൂ​ളിൽനി​ന്നു ലഭിക്കു​ന്നത്‌. (2 തിമൊ. 2:15) സത്യത്തി​ന്റെ വിത്തുകൾ വിതച്ചു​കൊണ്ട്‌ നാം സ്ഥിരോ​ത്സാ​ഹ​ത്തോ​ടെ ശുശ്രൂ​ഷ​യിൽ തുടരു​ന്നെ​ങ്കിൽ ഫലം ലഭിക്കു​ക​ത​ന്നെ​ചെ​യ്യും, ഒരുപക്ഷേ അത്‌ പിന്നീ​ടാ​യി​രി​ക്കാ​മെ​ങ്കി​ലും.—സഭാ. 11:6.

 4. സ്‌കൂൾ വിദ്യാ​ഭ്യാ​സം പൂർത്തി​യാ​ക്കാ​റായ ചെറു​പ്പ​ക്കാർ ഏതു കാര്യം പരിഗ​ണി​ക്കണം?

⁴ ചെറു​പ്പ​ക്കാർ: സ്‌കൂൾ വിദ്യാ​ഭ്യാ​സം പൂർത്തി​യാ​കാ​റാ​യെ​ങ്കിൽ നിങ്ങളി​പ്പോൾ ഭാവി​പ​രി​പാ​ടി​ക​ളെ​ക്കു​റിച്ച്‌ ഗൗരവ​മാ​യി ചിന്തി​ക്കു​ന്നു​ണ്ടാ​കും. ഇതുവരെ സമയത്തിൽ ഏറിയ​പ​ങ്കും നിങ്ങൾ ചെലവ​ഴി​ച്ചി​രു​ന്നത്‌ നിങ്ങളു​ടെ വിദ്യാ​ഭ്യാ​സ​ത്തി​നു​വേ​ണ്ടി​യാ​യി​രു​ന്നു. ഇനിയി​പ്പോൾ ആ സമയം എങ്ങനെ വിനി​യോ​ഗി​ക്കാ​നാണ്‌ നിങ്ങൾ ഉദ്ദേശി​ക്കു​ന്നത്‌? ഉള്ള സമയവും ഊർജ​വും മുഴുവൻ ഒരു ലൗകിക ജോലി​ക്കാ​യി ചെലവ​ഴി​ക്കു​ന്ന​തി​നു​പ​കരം ഒരു സാധാരണ പയനി​യ​റാ​യി പ്രവർത്തി​ക്കാൻ നിങ്ങൾക്കാ​കു​മോ? അതി​നെ​ക്കു​റിച്ച്‌ പ്രാർഥ​നാ​പൂർവം ചിന്തി​ക്കുക. ജീവി​ത​ത്തിൽ എക്കാല​വും പ്രയോ​ജനം ചെയ്യുന്ന വൈദ​ഗ്‌ധ്യ​ങ്ങൾ സ്വായ​ത്ത​മാ​ക്കാൻ പയനി​യ​റി​ങ്ങി​ലൂ​ടെ സാധി​ക്കും. വിവിധ തുറക​ളി​ലുള്ള ആളുക​ളു​മാ​യി സംസാ​രി​ക്കുക, വ്യക്തി​ത്വം മെച്ച​പ്പെ​ടു​ത്തുക, ആത്മശി​ക്ഷണം നേടി​യെ​ടു​ക്കുക, പഠിപ്പി​ക്കാ​നുള്ള കഴിവ്‌ വളർത്തി​യെ​ടു​ക്കുക തുടങ്ങി​യവ അവയിൽ ചിലതാണ്‌.

 5. മാതാ​പി​താ​ക്കൾക്കും സഭയി​ലു​ള്ള​വർക്കും പയനി​യ​റിങ്‌ ചെയ്യു​ന്ന​തി​നെ എങ്ങനെ പ്രോ​ത്സാ​ഹി​പ്പി​ക്കാ​നാ​കും?

⁵ മാതാ​പി​താ​ക്കളേ, മക്കളെ മുഴു​സ​മ​യ​ശു​ശ്രൂ​ഷ​യി​ലേക്കു തിരി​ച്ചു​വി​ടാൻ ആവശ്യ​മാ​യ​തെ​ല്ലാം നിങ്ങൾ ചെയ്യു​ന്നു​ണ്ടോ? നിങ്ങളു​ടെ പ്രോ​ത്സാ​ഹ​ന​വാ​ക്കു​ക​ളും നല്ല മാതൃ​ക​യും രാജ്യ​താ​ത്‌പ​ര്യ​ങ്ങൾ ജീവി​ത​ത്തിൽ ഒന്നാമ​തു​വെ​ക്കാൻ അവർക്ക്‌ പ്രചോ​ദ​ന​മേ​കും. (മത്താ. 6:33) ഹൈസ്‌കൂൾ കഴിഞ്ഞ​യു​ടനെ പയനി​യ​റിങ്‌ ആരംഭിച്ച സഞ്‌ജയ്‌ പറയുന്നു: “പയനി​യ​റിങ്‌, ജീവിതം ധന്യമാ​ക്കു​മെന്ന അഭി​പ്രാ​യ​മാ​യി​രു​ന്നു എന്റെ മാതാ​പി​താ​ക്കൾക്ക്‌.” പയനി​യർസേ​വനം ഏറ്റെടു​ക്കാൻ സഭയി​ലുള്ള എല്ലാവർക്കും വാക്കാ​ലും പ്രവൃ​ത്തി​യാ​ലും യുവജ​ന​ങ്ങളെ പ്രോ​ത്സാ​ഹി​പ്പി​ക്കാ​നാ​കും. സ്‌പെ​യി​നിൽനി​ന്നുള്ള ഹോസെ പറയുന്നു: “എന്റെ സഭ പയനി​യ​റി​ങ്ങി​നെ കണ്ടിരു​ന്നത്‌, യുവജ​ന​ങ്ങൾക്ക്‌ തിര​ഞ്ഞെ​ടു​ക്കാ​വു​ന്ന​തി​ലേ​ക്കും​വെച്ച്‌ ഏറ്റവും മികച്ച ജീവി​ത​ഗ​തി​യാ​യാണ്‌. പയനി​യർസേ​വ​ന​ത്തെ​ക്കു​റിച്ച്‌ സഭയിലെ സഹോ​ദ​രങ്ങൾ വിലമ​തി​പ്പോ​ടെ പറഞ്ഞ വാക്കു​ക​ളും അതു​പോ​ലെ അവർ നൽകിയ പ്രാ​യോ​ഗിക സഹായ​വു​മാണ്‌ പയനി​യ​റിങ്‌ തുടങ്ങാൻ എനിക്കു പ്രേര​ണ​യാ​യത്‌.”

 6. പയനി​യ​റിങ്‌ ചെയ്യാ​നുള്ള ആഗ്രഹം നിങ്ങൾക്ക്‌ ഇപ്പോ​ഴി​ല്ലെ​ങ്കിൽ എന്തു ചെയ്യാ​നാ​കും?

⁶ തടസ്സങ്ങൾ മറിക​ട​ക്കുക: പയനി​യ​റിങ്‌ ചെയ്യു​ന്ന​തിന്‌ തടസ്സമാ​യി നിൽക്കുന്ന എന്തെങ്കി​ലു​മു​ണ്ടോ? ‘പയനി​യ​റിങ്‌ ചെയ്യാ​നുള്ള ആഗ്രഹം എനിക്കില്ല’ എന്നായി​രി​ക്കാം ഒരുപക്ഷേ നിങ്ങൾ ചിന്തി​ക്കു​ന്നത്‌. അങ്ങനെ​യെ​ങ്കിൽ പ്രാർഥ​ന​യിൽ നിങ്ങളു​ടെ ഹൃദയം യഹോ​വ​യു​ടെ മുമ്പാകെ പകരുക. യഹോ​വ​യോട്‌ ഇങ്ങനെ പറയാം: ‘ദൈവമേ, പയനി​യ​റിങ്‌ ചെയ്യാ​നുള്ള ആഗ്രഹം എനിക്കില്ല, പക്ഷേ അങ്ങയെ പ്രസാ​ദി​പ്പി​ക്കു​ന്നതു ചെയ്യാൻ ഞാൻ ആഗ്രഹി​ക്കു​ന്നു.’ (സങ്കീ. 62:8; സദൃ. 23:26) എന്നിട്ട്‌, മാർഗ​നിർദേ​ശ​ത്തി​നാ​യി അവന്റെ വചനത്തി​ലേ​ക്കും സംഘട​ന​യി​ലേ​ക്കും തിരി​യുക. പല സാധാരണ പയനി​യർമാ​രും ആദ്യം പയനി​യ​റി​ങ്ങി​ന്റെ ‘രുചി അറിഞ്ഞത്‌’ സഹായ​പ​യ​നി​യ​റി​ങ്ങി​ലൂ​ടെ​യാണ്‌. സഹായ​പ​യ​നി​യ​റി​ങ്ങി​ലൂ​ടെ ലഭിച്ച സന്തോഷം മുഴു​സമയ ശുശ്രൂഷ ഏറ്റെടു​ക്കാൻ അവരെ പ്രേരി​പ്പി​ച്ചു.—സങ്കീ. 34:8.

 7. 70 മണിക്കൂ​റിൽ എത്താൻ പറ്റുമോ എന്ന ആശങ്കയെ എങ്ങനെ തരണം​ചെ​യ്യാം?

⁷ ഇനി, മാസ​ന്തോ​റും 70 മണിക്കൂ​റി​ലെ​ത്താൻ പറ്റുമോ എന്ന ആശങ്കയാ​ണോ പ്രതി​ബന്ധം സൃഷ്ടി​ക്കു​ന്നത്‌? എങ്കിൽ നിങ്ങളു​ടെ അതേ സാഹച​ര്യ​ങ്ങ​ളി​ലുള്ള പയനി​യർമാ​രോട്‌ ഇതേക്കു​റി​ച്ചു സംസാ​രി​ക്കുക. (സദൃ. 15:22) എന്നിട്ട്‌ പലപല സമയപ്പ​ട്ടി​കകൾ തയ്യാറാ​ക്കി നോക്കുക. പ്രാധാ​ന്യം കുറഞ്ഞ കാര്യങ്ങൾ വെട്ടി​ച്ചു​രു​ക്കി​ക്കൊണ്ട്‌ ശുശ്രൂ​ഷ​യ്‌ക്കു​വേണ്ട സമയം കണ്ടെത്തു​ന്നത്‌ വിചാ​രി​ച്ച​തി​നെ​ക്കാൾ എളുപ്പ​മാ​ണെന്ന്‌ അപ്പോൾ നിങ്ങൾക്കു മനസ്സി​ലാ​കും.—എഫെ. 5:15, 16.

 8. ഇടയ്‌ക്കി​ടെ നമ്മുടെ സാഹച​ര്യ​ങ്ങൾ പുനഃ​പ​രി​ശോ​ധി​ക്കേ​ണ്ടത്‌ എന്തു​കൊ​ണ്ടാണ്‌?

⁸ സാഹച​ര്യ​ങ്ങൾ ഒന്നുകൂ​ടെ വിലയി​രു​ത്തുക: സാഹച​ര്യ​ങ്ങൾക്കു മാറ്റം​വ​ന്നെ​ന്നു​വ​രാം. ഇടയ്‌ക്കി​ടെ നിങ്ങളു​ടെ സാഹച​ര്യ​ങ്ങൾ ഒന്നു പുനഃ​പ​രി​ശോ​ധി​ക്കു​ന്നത്‌ നന്നായി​രി​ക്കും. ഉദാഹ​ര​ണ​ത്തിന്‌, നിങ്ങൾ ജോലി​യിൽനിന്ന്‌ വിരമി​ക്കാ​നി​രി​ക്കു​ക​യാ​ണോ? പയനി​യ​റിങ്‌ ചെയ്യു​ന്ന​തി​നാ​യി ജോലി ഉപേക്ഷിച്ച കൃഷ്‌ണൻ പറയുന്നു: “ഇങ്ങനെ​യൊ​രു തീരു​മാ​നം എടുത്ത​തു​കൊണ്ട്‌ ഭാര്യ​യോ​ടൊ​പ്പം പയനി​യ​റിങ്‌ തുടങ്ങാൻ എനിക്കു സാധിച്ചു. ആവശ്യം അധിക​മുള്ള ഒരു സ്ഥലത്തേക്കു മാറി​ത്താ​മ​സി​ച്ചു​കൊണ്ട്‌ പ്രവർത്തി​ക്കാ​നും ഇപ്പോൾ ഞങ്ങൾക്കു കഴിയു​ന്നു. ഇത്രയ​ധി​കം ആത്മീയ അനു​ഗ്ര​ഹ​ങ്ങ​ളും സന്തോ​ഷ​വും കൈവ​രു​ത്തുന്ന മറ്റൊരു പ്രവർത്ത​ന​വും എനിക്കു കണ്ടെത്താ​നാ​കു​മാ​യി​രു​ന്നില്ല.”

 9. ദമ്പതികൾ ഏതു കാര്യം പരിഗ​ണി​ക്കണം?

⁹ സാഹച​ര്യ​ങ്ങൾ ശ്രദ്ധാ​പൂർവം വിലയി​രു​ത്തി​യ​ശേഷം ഒരാൾമാ​ത്രം ജോലി​ക്കു​പോ​യാൽ മതി​യെന്ന്‌ ചില ദമ്പതികൾ തീരു​മാ​നി​ച്ചി​ട്ടുണ്ട്‌. അതിനാ​യി ജീവിതം ലളിത​മാ​ക്കേണ്ടി വന്നേക്കാം. എങ്കിലും ചെയ്യുന്ന ത്യാഗങ്ങൾ നിരവധി അനു​ഗ്ര​ഹങ്ങൾ കൈവ​രു​ത്തു​മെ​ന്ന​തിൽ സംശയ​മില്ല. ശുശ്രൂ​ഷ​യിൽ കൂടുതൽ സമയം ചെലവ​ഴി​ക്കു​ന്ന​തി​നാ​യി ജോണി​ന്റെ ഭാര്യ അടുത്ത​യി​ടെ ജോലി ഉപേക്ഷി​ച്ചു. ജോൺ പറയു​ന്നത്‌ ഇങ്ങനെ​യാണ്‌: “എന്റെ ഭാര്യ ദിവസ​ത്തിൽ നല്ലൊ​രു​പ​ങ്കും ആത്മീയ​പ്ര​വർത്ത​ന​ങ്ങൾക്കാ​യി ചെലവ​ഴി​ക്കു​ന്നു എന്ന്‌ ചിന്തി​ക്കു​മ്പോ​ഴെ​ല്ലാം എനിക്ക്‌ എന്തെന്നി​ല്ലാത്ത സന്തോഷം തോന്നാ​റുണ്ട്‌.”

10. പയനി​യ​റി​ങ്ങി​നെ​ക്കു​റി​ച്ചു ചിന്തി​ക്കാൻ ക്രിസ്‌ത്യാ​നി​കളെ പ്രേരി​പ്പി​ക്കേ​ണ്ടത്‌ എന്താണ്‌?

¹⁰ സ്‌നേ​ഹ​വും വിശ്വാ​സ​വും കാണി​ക്കാ​നുള്ള ഒരു മാർഗം: യഹോവ നമുക്ക്‌ ഏൽപ്പി​ച്ചു​ത​ന്നി​ട്ടുള്ള ഏറ്റവും പ്രധാ​ന​പ്പെട്ട വേലയാണ്‌ പ്രസം​ഗ​പ്ര​വർത്തനം. ഈ വ്യവസ്ഥി​തി പെട്ടെ​ന്നു​തന്നെ നശിപ്പി​ക്ക​പ്പെ​ടും; യഹോ​വ​യു​ടെ നാമം വിളി​ച്ച​പേ​ക്ഷി​ക്കു​ന്നവർ മാത്രമേ രക്ഷപെ​ടു​ക​യു​ള്ളൂ. (റോമ. 10:13) യഹോ​വ​യോ​ടുള്ള ഹൃദയം​ഗ​മ​മായ സ്‌നേ​ഹ​വും അവൻ നമുക്കാ​യി ചെയ്‌തി​രി​ക്കുന്ന കാര്യ​ങ്ങ​ളെ​പ്ര​തി​യുള്ള നന്ദിയും, തീക്ഷ്‌ണ​ത​യോ​ടെ പ്രസം​ഗി​ക്കാ​നുള്ള അവന്റെ പുത്രന്റെ കൽപ്പന അനുസ​രി​ക്കാൻ നമ്മെ പ്രേരി​പ്പി​ക്കണം. (മത്താ. 28:19, 20; 1 യോഹ. 5:3) കൂടാതെ, നാം അന്ത്യനാ​ളു​ക​ളി​ലാണ്‌ ജീവി​ക്കു​ന്ന​തെന്ന ഉത്തമവി​ശ്വാ​സം, ശേഷി​ച്ചി​രി​ക്കുന്ന സമയത്ത്‌ ഈ ലോകത്തെ മുഴു​വ​നാ​യി ഉപയോ​ഗ​പ്പെ​ടു​ത്തു​ന്ന​തി​നു​പ​കരം ശുശ്രൂ​ഷ​യിൽ കഴിവി​ന്റെ പരമാ​വധി ചെയ്യാൻ നമുക്ക്‌ പ്രചോ​ദ​ന​മേ​കേ​ണ്ട​താണ്‌.—1 കൊരി. 7:29-31.

11. നിങ്ങൾക്കൊ​രു നല്ല പയനി​യ​റാ​കാൻ കഴിയു​മെന്ന്‌ ആരെങ്കി​ലും നിങ്ങ​ളോട്‌ പറഞ്ഞാൽ അതിനെ എങ്ങനെ കാണണം?

¹¹ സാധാരണ പയനി​യ​റി​ങ്ങി​നെ, സംഘട​ന​യു​ടെ ഒരു ക്രമീ​ക​ര​ണ​മാ​യി കാണു​ന്ന​തി​ലു​പരി ദൈവ​ത്തോ​ടുള്ള ഭക്തി കാണി​ക്കാ​നുള്ള ഒരു മാർഗ​മാ​യി കാണുക. അതു​കൊണ്ട്‌, “നിങ്ങൾക്കൊ​രു നല്ല പയനി​യ​റാ​കാൻ കഴിയും!” എന്ന്‌ ഇനിയാ​രെ​ങ്കി​ലും നിങ്ങ​ളോട്‌ പറഞ്ഞാൽ സന്തോ​ഷ​പൂർവം ആ വാക്കുകൾ ഹൃദയ​ത്തി​ലേ​റ്റുക. അത്യന്തം സംതൃ​പ്‌തി​ക​ര​മായ ഒരു പ്രവർത്ത​ന​ത്തിൽ ഏർപ്പെ​ട്ടി​രി​ക്കുന്ന ആയിര​ങ്ങ​ളോ​ടൊ​പ്പം ചേരു​ന്ന​തി​നെ​ക്കു​റിച്ച്‌ പ്രാർഥ​നാ​പൂർവം ചിന്തി​ക്കാൻ നിങ്ങൾക്കു കഴിയട്ടെ!

[2-ാം പേജിലെ ആകർഷക വാക്യം]

മാതാപിതാക്കളേ, മക്കളെ മുഴു​സ​മ​യ​ശു​ശ്രൂ​ഷ​യി​ലേക്കു തിരി​ച്ചു​വി​ടാൻ ആവശ്യ​മാ​യ​തെ​ല്ലാം നിങ്ങൾ ചെയ്യു​ന്നു​ണ്ടോ?

[3-ാം പേജിലെ ആകർഷക വാക്യം]

യഹോവ നമുക്ക്‌ ഏൽപ്പി​ച്ചു​ത​ന്നി​ട്ടുള്ള ഏറ്റവും പ്രധാ​ന​പ്പെട്ട വേലയാണ്‌ പ്രസം​ഗ​പ്ര​വർത്തനം.