നമുക്ക്‌ യഥാർഥ​ത്തിൽ ദൈവത്തെ പ്രസാ​ദി​പ്പി​ക്കാൻ കഴിയു​മോ?

പൂർവ​പി​താ​വായ ഇയ്യോ​ബി​നെ “നിഷ്‌ക​ള​ങ്ക​നും നേരു​ള്ള​വ​നും” ആയി വർണി​ച്ചി​രി​ക്കു​ന്നു. (ഇയ്യോബ്‌ 1:1) ‘നീതി​മാൻ’ എന്ന്‌ ലോത്തി​നെ വിളി​ച്ചി​രി​ക്കു​ന്നു. (2 പത്രോസ്‌ 2:8) ദൈവ​ത്തിന്‌ “പ്രസാ​ദ​മു​ള്ളതു മാത്രം” ചെയ്യു​ന്നവൻ എന്ന്‌ ദാവീ​ദി​നെ​ക്കു​റി​ച്ചും പറഞ്ഞി​ട്ടുണ്ട്‌. (1 രാജാ​ക്ക​ന്മാർ 14:8) എന്നിരു​ന്നാ​ലും, ഈ ബൈബിൾക​ഥാ​പാ​ത്ര​ങ്ങ​ളു​ടെ ജീവി​തത്തെ നമു​ക്കൊന്ന്‌ അടുത്ത്‌ നിരീ​ക്ഷി​ക്കാം. അതിലൂ​ടെ, (1) അവരും തെറ്റുകൾ വരുത്തി​യി​ട്ടു​ള്ള​വ​രാ​ണെ​ന്നും (2) അവരുടെ മാതൃ​ക​യിൽനിന്ന്‌ നമുക്ക്‌ നിരവധി കാര്യങ്ങൾ പഠിക്കാ​നാ​കു​മെ​ന്നും (3) തെറ്റു ചെയ്യാൻ ചായ്‌വുള്ള മനുഷ്യർക്ക്‌ യഥാർഥ​ത്തിൽ ദൈവത്തെ പ്രസാ​ദി​പ്പി​ക്കാൻ കഴിയു​മെ​ന്നും നമ്മൾ കാണും.

ഇയ്യോബ്‌ അനുഭ​വി​ച്ചത്‌, അന്യാ​യ​മെന്ന്‌ തോന്നുന്ന നിരവധി കഷ്ടതക​ളു​ടെ ഒരു പരമ്പര​ത​ന്നെ​യാ​യി​രു​ന്നു. ദൈവ​ത്തോട്‌ വിശ്വ​സ്‌ത​നാ​യി​രു​ന്നാ​ലും അല്ലെങ്കി​ലും ദൈവം അത്‌ കാര്യ​മാ​യി എടുക്കു​ന്നില്ല എന്ന തെറ്റായ നിഗമ​ന​ത്തിൽ ഇയ്യോബ്‌ എത്തി​ച്ചേർന്നു. (ഇയ്യോബ്‌ 9:20-22) താൻ ദൈവ​ത്തെ​ക്കാൾ നീതി​മാ​നാ​ണെന്ന തോന്നൽ മറ്റുള്ള​വ​രിൽ ഉളവാ​ക്കും​വി​ധം ഇയ്യോബ്‌ സംസാ​രി​ച്ചു. അവന്‌ തന്റെ നീതി​യെ​ക്കു​റിച്ച്‌ അത്രയ്‌ക്ക്‌ ബോധ്യ​മു​ണ്ടാ​യി​രു​ന്നു.—ഇയ്യോബ്‌ 32:1, 2; 35:1, 2.

ലോത്ത്‌ ശരിയായ ഒരു തീരു​മാ​നം എടുക്കാൻ മടി കാണിച്ചു. സൊ​ദോ​മി​ലും ഗൊ​മോ​റ​യി​ലും ഉള്ള ആളുക​ളു​ടെ കടുത്ത അധർമ​പ്ര​വൃ​ത്തി​കൾ അവന്റെ “നീതി​നി​ഷ്‌ഠ​മായ ഹൃദയത്തെ തീവ്ര​മാ​യി വേദനി​പ്പി”ച്ചു. (2 പത്രോസ്‌ 2:8) ആ ദുഷ്ടത നിറഞ്ഞ പട്ടണങ്ങളെ നശിപ്പി​ക്കു​മെന്ന്‌ ദൈവം പ്രഖ്യാ​പി​ക്കു​ക​യും ലോത്തിന്‌ കുടും​ബ​ത്തോ​ടൊ​പ്പം രക്ഷപ്പെ​ടാ​നുള്ള അവസരം നൽകു​ക​യും ചെയ്‌തു. ഈ അവസര​ത്തിൽ ആദ്യം അവി​ടെ​നിന്ന്‌ പോകാ​നുള്ള നടപടി സ്വീക​രി​ക്കു​ന്നത്‌ ലോത്ത്‌ ആയിരി​ക്കും എന്ന്‌ നിങ്ങൾ ചിന്തി​ച്ചേ​ക്കാം. എന്നാൽ, ഈ നിർണാ​യ​ക​മായ സമയത്ത്‌ അവൻ മടിച്ചു നിൽക്കു​ക​യാണ്‌ ചെയ്‌തത്‌. അതു​കൊണ്ട്‌, രക്ഷിക്കാ​നാ​യി വന്ന ദൂതന്മാർക്ക്‌ ലോത്തി​നെ​യും കുടും​ബ​ത്തെ​യും കൈയ്‌ക്കു പിടിച്ചു പട്ടണത്തി​ന്റെ പുറത്തു കൊണ്ടു​പോ​യി ആക്കേണ്ടി​വന്നു.—ഉല്‌പത്തി 19:15, 16.

ദാവീദ്‌ ഒരു സന്ദർഭ​ത്തിൽ, ആത്മനി​യ​ന്ത്രണം നഷ്ടപ്പെട്ട്‌ മറ്റൊ​രു​വന്റെ ഭാര്യ​യു​മാ​യി വ്യഭി​ചാ​ര​ത്തിൽ ഏർപ്പെട്ടു. തന്റെ ആ പാപം മറയ്‌ക്കു​ന്ന​തി​നു​വേണ്ടി അവളുടെ ഭർത്താ​വി​നെ കൊല്ലി​ച്ചു. (2 ശമൂവേൽ, അധ്യായം 11) ദാവീദ്‌ ചെയ്‌തതു “യഹോ​വെക്കു അനിഷ്ട​മാ​യി” എന്ന്‌ ബൈബിൾ പറയുന്നു.—2 ശമൂവേൽ 11:27.

ഇയ്യോ​ബും ലോത്തും ദാവീ​ദും തെറ്റുകൾ ചെയ്‌തു. അവയിൽ ചിലത്‌ ഗുരു​ത​ര​മാ​യി​രു​ന്നു. എന്നാൽ നമ്മൾ കാണാൻപോ​കു​ന്ന​തു​പോ​ലെ, ഇവരെ​ല്ലാം പൂർണ​ഹൃ​ദ​യ​ത്തോ​ടെ ദൈവത്തെ അനുസ​രി​ക്കാൻ ആഗ്രഹ​മു​ള്ള​വ​രാ​യി​രു​ന്നു. തങ്ങൾ ചെയ്‌തു​പോയ തെറ്റു​ക​ളെ​പ്രതി അനുത​പി​ക്കാ​നും വേണ്ട മാറ്റങ്ങൾ വരുത്താ​നും അവർ തയ്യാറാ​യി​രു​ന്നു. അതു​കൊണ്ട്‌ ദൈവം അവരെ പ്രിയ​ങ്ക​ര​രാ​യി വീക്ഷി​ക്കു​ക​യും വിശ്വ​സ്‌ത​രായ മനുഷ്യ​രെന്ന്‌ അവരെ​ക്കു​റിച്ച്‌ ബൈബി​ളിൽ പരാമർശി​ക്കു​ക​യും ചെയ്‌തു.

നമ്മൾ എല്ലാം തികഞ്ഞ​വ​ര​ല്ലാ​ത്ത​തി​നാൽ തെറ്റുകൾ ചെയ്യു​ന്നത്‌ ഒഴിവാ​ക്കാ​നാ​വില്ല. (റോമർ 3:23) എങ്കിലും, തെറ്റുകൾ സംഭവി​ച്ചാൽ നമ്മൾ അവയെ​ക്കു​റിച്ച്‌ അനുത​പി​ക്കു​ക​യും ശരി ചെയ്യാൻ നമ്മളാ​ലാ​കു​ന്നത്‌ ചെയ്യു​ക​യും വേണം.

ഇയ്യോ​ബും ലോത്തും ദാവീ​ദും തങ്ങളുടെ തെറ്റുകൾ തിരു​ത്തി​യത്‌ എങ്ങനെ​യാണ്‌? നിഷ്‌ക​ള​ങ്ക​നായ ഒരു വ്യക്തി​യാ​യി​രു​ന്നു ഇയ്യോബ്‌. ദൈവം ഇയ്യോ​ബു​മാ​യി ന്യായ​വാ​ദം ചെയ്‌ത​പ്പോൾ, അവൻ തന്റെ തെറ്റായ ചിന്താ​ഗതി തിരു​ത്തു​ക​യും താൻ പറഞ്ഞത്‌ പിൻവ​ലി​ക്കു​ക​യും ചെയ്‌തു. (ഇയ്യോബ്‌ 42:6) സൊ​ദോ​മി​ലും ഗൊ​മോ​റ​യി​ലും ഉള്ളവരു​ടെ അധഃപ​തിച്ച ജീവി​ത​രീ​തി​ക​ളെ​ക്കു​റി​ച്ചുള്ള ലോത്തി​ന്റെ കാഴ്‌ച​പ്പാട്‌ ദൈവ​ത്തി​ന്റേ​തു​മാ​യി യോജി​പ്പി​ലാ​യി​രു​ന്നു. എന്നാൽ, അടിയ​ന്തി​ര​ത​യോ​ടെ പ്രവർത്തി​ക്കു​ന്ന​തിൽ വരുത്തിയ വീഴ്‌ച​യാ​യി​രു​ന്നു അവന്റെ പ്രശ്‌നം. ഒടുവിൽ ലോത്ത്‌, ദൈവം ന്യായം വിധിച്ച നഗരങ്ങ​ളിൽനിന്ന്‌ ഓടി​പ്പോ​കു​ക​യും രക്ഷപ്പെ​ടു​ക​യും ചെയ്‌തു. ഇങ്ങനെ​യൊ​ക്കെ​യാ​ണെ​ങ്കി​ലും, ഉപേക്ഷിച്ച്‌ പോരുന്ന കാര്യ​ത്തി​ലേക്ക്‌ തിരിഞ്ഞ്‌ നോക്ക​രുത്‌ എന്ന ദൈവ​ത്തി​ന്റെ കല്‌പന അവൻ മനസ്സോ​ടെ അനുസ​രി​ച്ചു. ദാവീ​ദാ​കട്ടെ, ദൈവ​ത്തി​ന്റെ നിയമം അനുസ​രി​ക്കു​ന്ന​തിൽ ഗുരു​ത​ര​മായ വീഴ്‌ച വരുത്തി​യെ​ങ്കി​ലും, ആത്മാർഥ​മാ​യി അനുത​പി​ക്കു​ക​യും കരുണ​യ്‌ക്കാ​യി ദൈവ​ത്തോട്‌ അപേക്ഷി​ക്കു​ക​യും ചെയ്‌തു​കൊണ്ട്‌, തന്റെ ഹൃദയ​നില വെളി​പ്പെ​ടു​ത്തി.—സങ്കീർത്തനം 51.

ദൈവം അവരെ പ്രിയ​ങ്ക​ര​രാ​യി വീക്ഷിച്ചു. കാരണം, തെറ്റ്‌ ചെയ്യാൻ ചായ്‌വുള്ള മനുഷ്യ​രിൽനിന്ന്‌ ദൈവം ന്യായ​മാ​യി മാത്രമേ പ്രതീ​ക്ഷി​ക്കു​ന്നു​ള്ളൂ. ദൈവം “നമ്മുടെ പ്രകൃതി അറിയു​ന്നു​വ​ല്ലോ; നാം പൊടി എന്നു അവൻ ഓർക്കു​ന്നു.” (സങ്കീർത്തനം 103:14) നമുക്ക്‌ തെറ്റുകൾ ഒഴിവാ​ക്കാ​നാ​വി​ല്ലെന്ന്‌ ദൈവ​ത്തിന്‌ അറിയാ​മെ​ങ്കിൽപ്പി​ന്നെ, അവൻ നമ്മിൽനിന്ന്‌ എന്താണ്‌ പ്രതീ​ക്ഷി​ക്കു​ന്നത്‌?

ദാവീദ്‌ തന്റെ മകനായ ശലോ​മോ​നെ ഉപദേ​ശിച്ച വിധത്തിൽനിന്ന്‌ ദൈവത്തെ പ്രസാ​ദി​പ്പി​ക്കാൻ കഴിയു​ന്നത്‌ എങ്ങനെ​യെന്ന്‌ മനസ്സി​ലാ​ക്കാം. ‘നീയോ എന്റെ മകനേ, ശലോ​മോ​നേ, നിന്റെ അപ്പന്റെ ദൈവത്തെ അറിയു​ക​യും അവനെ പൂർണ്ണ​ഹൃ​ദ​യ​ത്തോ​ടെ സേവി​ക്കു​ക​യും ചെയ്യുക.’ (1 ദിനവൃ​ത്താ​ന്തം 28:9) പൂർണ​ഹൃ​ദയം എന്നാൽ എന്താണ്‌? ദൈവത്തെ സ്‌നേ​ഹി​ക്കു​ക​യും ദൈവ​ത്തി​ന്റെ ഇഷ്ടങ്ങൾ അറിയു​ക​യും അതിന​നു​സ​രിച്ച്‌ പ്രവർത്തി​ക്കാൻ നിശ്ചയി​ച്ചു​റ​യ്‌ക്കു​ക​യും ചെയ്‌തി​രി​ക്കുന്ന ഒരു ഹൃദയ​മാണ്‌ അത്‌. എങ്കിലും, അത്‌ പൂർണ​ത​യുള്ള ഹൃദയമല്ല, പകരം ദൈവത്തെ അനുസ​ര​ണ​ത്തോ​ടെ സേവി​ക്കാൻ വാഞ്‌ഛി​ക്കു​ന്ന​തും തെറ്റു​തി​രു​ത്താൻ മനസ്സൊ​രു​ക്കം കാണി​ക്കു​ന്ന​തും ആയ ഹൃദയ​മാണ്‌. ദൈവ​ത്തോ​ടുള്ള സ്‌നേ​ഹ​വും അനുസ​രി​ക്കാ​നുള്ള മനസ്സൊ​രു​ക്ക​വും, ഇയ്യോ​ബി​നെ ‘നിഷ്‌ക​ള​ങ്ക​നും’ ലോത്തി​നെ ‘നീതി​മാ​നും’ ദാവീ​ദി​നെ ദൈവ​ത്തി​ന്റെ കണ്ണിൽ ‘പ്രസാ​ദ​മു​ള്ളതു മാത്രം ചെയ്യു​ന്ന​വ​നും’ ആക്കി. അവർ തെറ്റുകൾ ചെയ്‌തെ​ങ്കി​ലും, അവർക്ക്‌ ദൈവത്തെ പ്രസാ​ദി​പ്പി​ക്കാൻ കഴിഞ്ഞു.

നമ്മുടെ മനസ്സി​ലേക്ക്‌ വരരു​തെന്ന്‌ ആഗ്രഹി​ക്കുന്ന മോശ​മായ ചിന്തകൾ കടന്നു​വ​രു​ന്നെ​ങ്കിൽ, പറഞ്ഞു​പോ​യ​തി​നെ ഓർത്ത്‌ നാണ​ക്കേടു തോന്നുന്ന കാര്യങ്ങൾ ഉണ്ടെങ്കിൽ, ചെയ്‌ത​തി​നെ ഓർത്ത്‌ പിന്നീട്‌ ഖേദി​ക്കുന്ന കാര്യങ്ങൾ ഉണ്ടെങ്കിൽ ഇപ്പോൾ ചർച്ച​ചെയ്‌ത ഉദാഹ​ര​ണ​ങ്ങ​ളിൽനിന്ന്‌ ധൈര്യം ആർജി​ക്കാ​നാ​കും. ഇക്കാലത്ത്‌ എല്ലാം തികഞ്ഞ​വ​രാ​കാൻ നമുക്ക്‌ കഴിയി​ല്ലെന്ന്‌ ദൈവ​ത്തിന്‌ അറിയാം. എന്നിരു​ന്നാ​ലും, തന്നെ സ്‌നേ​ഹി​ക്ക​ണ​മെ​ന്നും തന്നെ അനുസ​രി​ക്കാൻ പരമാ​വധി ശ്രമി​ക്ക​ണ​മെ​ന്നും ദൈവം പ്രതീ​ക്ഷി​ക്കു​ക​തന്നെ ചെയ്യുന്നു. ഇക്കാര്യ​ത്തിൽ, ഒരു പൂർണ​ഹൃ​ദ​യ​മു​ണ്ടെ​ങ്കിൽ നമുക്കും ദൈവത്തെ പ്രസാ​ദി​പ്പി​ക്കാൻ കഴിയും. ▪ (w15-E 07/01)