നിങ്ങളു​ടെ പ്രത്യാശ—ദൈവ​മോ സമ്പത്തോ?

“പൂട്ടി​യിട്ട രണ്ട്‌ ഇരുമ്പു ഗേററു​കൾകൊണ്ട്‌ ബന്തവസ്സ്‌ ചെയ്‌ത​തും ഒരു ചങ്ങല​വേ​ലി​യാൽ ചുററ​പ്പെ​ട്ടി​ട്ടു​ള്ള​തു​മായ തന്റെ ഭാവനാ​ഗൃ​ഹ​ത്തിൽ വർഷങ്ങ​ളോ​ളം ആ സ്‌ത്രീ ഭയന്ന്‌ കഴിഞ്ഞു​കൂ​ടി.”

തന്റെ ഭവനത്തിൽ നിന്ന്‌ ആഭരണ​ങ്ങ​ളും പത്തുലക്ഷം ഡോള​റും കവർച്ച ചെയ്‌ത കള്ളൻമാ​രു​ടെ കൈ​കൊണ്ട്‌ മരണമടഞ്ഞ ഒരു ധനിക വിധവ​യെ​ക്കു​റിച്ച്‌ വാർത്താ​റി​പ്പോർട്ടി​ലെ വിവരണം ഇങ്ങനെ​യാ​യി​രു​ന്നു. അവളുടെ ജഢം കണ്ടെത്തി​യ​തിന്‌ ശേഷം അവളുടെ ഭവനത്തിൽ നിന്ന്‌ പണമായി അമ്പതു​ലക്ഷം ഡോളർ എടുത്തു​കൊണ്ട്‌ പോകാൻ പോലീസ്‌ പലചരക്ക്‌ കയററുന്ന ഒരു വണ്ടി തന്നെ ഉപയോ​ഗി​ച്ചു. “യേശു​ക്രി​സ്‌തു​വിന്‌” “ദൈവ​ത്തിന്‌” എന്ന്‌ ചീട്ടു​ക​ളെ​ഴു​തി വച്ചിട്ടുള്ള ആയിര​ക്ക​ണ​ക്കി​നു ജൻമദി​ന​സ​മ്മാ​നങ്ങൾ പോലീസ്‌ കണ്ടെത്തി.

ഇതി​ന്റെ​യൊ​ക്കെ അവകാ​ശി​യായ ആ സ്‌ത്രീക്ക്‌ യാതൊ​രു സ്‌നേ​ഹി​ത​രും ഉണ്ടായി​രു​ന്ന​താ​യി തോന്നി​യി​രു​ന്നില്ല. അവൾ ജീവി​ച്ചത്‌ നിരന്തര ഭീതി​യി​ലാ​യി​രു​ന്നു​താ​നും. അവൾ അത്രമാ​ത്രം വില​യേ​റി​യ​താ​യി കരുതി​യി​രുന്ന ദശലക്ഷ​ങ്ങൾക്ക്‌ യഥാർത്ഥ​ത്തിൽ എന്തുവി​ല​യാ​ണു​ണ്ടാ​യി​രു​ന്നത്‌? കൂടാതെ, അവൾ ദൈവ​മു​മ്പാ​കെ എത്ര സമ്പന്നയാ​യി​രു​ന്നി​രി​ക്കും? ദൈവത്തെ “ജൻമദിന സമ്മാന​ങ്ങൾകൊണ്ട്‌” നേടാ​നാ​കി​ല്ലെ​ന്നും കൈവശ മുതലു​കൾകൊണ്ട്‌ ദൈവ​സ​മാ​ധാ​നം കൈവ​രു​ക​യി​ല്ലെ​ന്നും നിങ്ങൾ നിശ്ചയ​മാ​യും മനസ്സി​ലാ​ക്കു​ന്നു​ണ്ടാ​യി​രി​ക്കും. ‘നാം നമ്മുടെ പ്രത്യാശ അനിശ്ചി​ത​മായ സമ്പത്തിലല്ല പിന്നെ​യോ നമ്മുടെ ആസ്വാ​ദ​ന​ത്തി​നാ​യി സർവ്വതും സമൃദ്ധി​യാ​യി പ്രദാനം ചെയ്യുന്ന ദൈവ​ത്തി​ല​ത്രെ വയ്‌ക്കു​ന്നത്‌ എന്ന ബൈബിൾ ബുദ്ധി​യു​പ​ദേ​ശ​ത്തിൽ നിന്നും അത്‌ കാണാൻ കഴിയും.—1 തിമൊ​ഥെ​യോസ്‌ 6:17.

ധനം ഇത്ര അനിശ്ചി​തം ആയിരി​ക്കു​ന്ന​തെ​ന്തു​കൊ​ണ്ടാണ്‌? കൊള്ളാം, യേശു​വി​ന്റെ പിൻവ​രുന്ന വാക്കുകൾ എത്ര സത്യമാ​യി​രി​ക്കു​ന്നു​വെന്ന്‌ നിങ്ങൾക്ക്‌ അറിവു​ണ്ടാ​യി​രി​ക്കാൻ സാദ്ധ്യ​ത​യുണ്ട്‌. “കീടങ്ങ​ളും തുരു​മ്പും കാർന്നു​തി​ന്നു​ക​യും കള്ളൻമാർ അതി​ക്ര​മിച്ച്‌ മോഷ്ടി​ക്കു​ക​യും ചെയ്യുന്ന ഭൂമി​യിൽ നിങ്ങൾക്കാ​യി നിക്ഷേ​പങ്ങൾ സ്വരൂ​പി​ക്ക​രുത്‌.” (മത്തായി 6:19) നിങ്ങൾ തിരി​ച്ച​റി​യു​ന്ന​തു​പോ​ലെ ഏത്‌ വീടി​നും തീ പിടി​ക്കാ​നുള്ള സാദ്ധ്യത എപ്പോ​ഴും ഉണ്ട്‌. ചിലയാ​ളു​കൾ തങ്ങളുടെ അമൂല്യ​വ​സ്‌തു​ക്കൾ ബാങ്കു​ക​ളിൽ സൂക്ഷി​ക്കു​ന്നു. പക്ഷേ കള്ളൻമാർ ഇവി​ടെ​നി​ന്നും മോഷ്ടി​ച്ചി​ട്ടി​ല്ലേ? ഒരു പുതു​പു​ത്തൻ കാറ്‌ പോലും തുരു​മ്പെ​ടു​ക്കും.

രാഷ്‌ട്ര​ങ്ങ​ളി​ലെ സാമ്പത്തി​ക​സ്ഥി​തി സംബന്ധി​ച്ചെന്ത്‌? മിക്ക രാഷ്‌ട്ര​ങ്ങ​ളി​ലും പണപ്പെ​രു​പ്പം ഒരു കള്ളനെ​പ്പോ​ലെ​യാണ്‌; അത്‌ ഒരാളു​ടെ ആസ്‌തി​കൾ വെട്ടി​ച്ചു​രു​ക്കു​ന്നു. ജർമ്മനി​യെ 1920-കളിൽ അതിക​ഠി​ന​മായ നാണയ​പ്പെ​രു​പ്പം പ്രഹരി​ച്ച​തി​നെ​തു​ടർന്ന്‌ ഉപഭോ​ക്താ​ക്കൾക്ക്‌ . . . പലചരക്കു വാങ്ങാൻ . . . കൊട്ട​ക്ക​ണ​ക്കിന്‌ കറൻസി​നോ​ട്ടു​കൾ വേണ്ടി​വന്നു. ഓഗസ്‌ററ്‌ 1922 മുതൽ നവംബർ, 1923 വരെയുള്ള കാലയ​ള​വിൽ ജർമ്മനി​യിൽ വിലകൾ പതിനാ​യി​രം കോടി മടങ്ങി​ല​പ്പു​റം വർദ്ധിച്ചു. (ദ വേൾഡ്‌ ബുക്ക്‌ എൻ​സൈ​ക്ലോ​പ്പീ​ഡിയ) പണത്തി​ലുള്ള ആശ്രയം എത്ര നിരാ​ശാ​ജ​ന​ക​മാ​യി​ത്തീ​രാം!

യേശു​ക്രി​സ്‌തു ജ്ഞാനപൂർവ്വം ഇങ്ങനെ ബുദ്ധി​യു​പ​ദേശം നൽകി: “കീടങ്ങ​ളോ തുരു​മ്പോ കാർന്നു തിന്നാ​ത്ത​തും കള്ളൻമാർ അതി​ക്ര​മിച്ച്‌ മോഷ്ടി​ക്കാ​ത്ത​തും ആയ സ്വർഗ്ഗ​ത്തിൽ നിങ്ങൾക്കാ​യി നിക്ഷേ​പങ്ങൾ സ്വരൂ​പി​ക്കുക.” (മത്തായി 6:20) ഈ “നിക്തേ​പങ്ങൾ” എന്തെല്ലാ​മാണ്‌? അതിൽ നമ്മുടെ വ്യക്തി​പ​ര​മായ സൽപ്ര​വൃ​ത്തി​രേഖ, നാം ദൈവ​മു​മ്പാ​കെ സമ്പന്നനാ​യി​രി​ക്കു​ന്നത്‌ ഉൾപ്പെ​ട്ടി​രി​ക്കു​ന്നു. ‘അത്‌ എന്നിൽ നിന്ന്‌ എന്താവ​ശ്യ​മാ​ക്കി​ത്തീർക്കു​ന്നു?’ എന്നു നിങ്ങൾ ചോദി​ച്ചേ​ക്കാം. “നൻമ പ്രവർത്തി​ക്കു​ന്ന​തി​നും സൽപ്ര​വൃ​ത്തി​ക​ളിൽ സമ്പന്നനാ​യി​രി​ക്കു​ന്ന​തി​നും പങ്കുവ​യ്‌ക്കാ​നുള്ള ഒരുക്ക​ത്തോ​ടെ ഉദാര​നാ​യി​രി​ക്കു​ന്ന​തി​നും” സന്നദ്ധനാ​യി​രി​ക്കുക എന്നതാണ്‌ അതിന്റെ ഭാഗി​ക​മായ അർത്ഥം എന്ന്‌ ബൈബിൾ പറയുന്നു.—1 തിമൊ​ഥെ​യോസ്‌ 6:18.

മററു​ള്ള​വ​രു​മാ​യി ആത്മീയ​വും ഭൗതി​ക​വു​മായ കാര്യങ്ങൾ പങ്കുവ​യ്‌ക്കു​ന്ന​താണ്‌—പ്രസം​ഗി​ക്കൽ, പഠിപ്പി​ക്കൽ, ശിഷ്യ​രാ​ക്കൽ എന്നീ പ്രവർത്ത​ന​ങ്ങ​ളിൽ ഏർപ്പെ​ട്ടു​കൊണ്ട്‌ വിശേ​ഷിച്ച്‌ ആളുകളെ ദൈവ​രാ​ജ്യ​ത്തെ​ക്കു​റിച്ച്‌ ഗ്രഹി​ക്കാൻ സഹായി​ക്കു​ന്ന​താണ്‌—യഹോ​വ​യു​ടെ അംഗീ​കാ​ര​വും യഥാർത്ഥ സംതൃ​പ്‌തി​യും കൈവ​രു​ത്തുന്ന ഉത്തമ പ്രവർത്ത​നങ്ങൾ എന്ന്‌ സത്യസ​ന്ധ​മാ​യി സാക്ഷ്യം പറയാൻ കഴിയുന്ന ദശലക്ഷ​ക്ക​ണ​ക്കിന്‌ യഹോ​വ​യു​ടെ സാക്ഷികൾ ഭൂവ്യാ​പ​ക​മാ​യി ഇന്നുണ്ട്‌. സ്വർഗ്ഗ​ത്തിൽ നിക്ഷേപം സ്വരൂ​പി​ക്കു​ന്ന​തി​ന്റെ പ്രതി​ഫലം ഒരു വ്യക്തി​യിൽനിന്ന്‌ കവർന്നു​ക​ള​യാൻ മരണത്തി​നു​പോ​ലും കഴിയു​ക​യില്ല. അതെന്തു​കൊണ്ട്‌? യേശു ഇങ്ങനെ വാഗ്‌ദാ​നം നൽകി: “ഞാൻ പുനരു​ത്ഥാ​ന​വും ജീവനും ആകുന്നു. എന്നിൽ വിശ്വാ​സം അർപ്പി​ക്കു​ന്നവൻ, അവൻ മരിച്ചാ​ലും, ജീവനി​ലേക്ക്‌ വരും.”—യോഹ​ന്നാൻ 11:25.

നമുക്കി​പ്പോൾ ആസ്വദി​ക്കാൻ കഴിയുന്ന വിലയററ നിധികൾ

നാം നമ്മുടെ ആശ്രയം “ദൈവ​ത്തിൽ” വയ്‌ക്കണം എന്നു പറഞ്ഞതിന്‌ ശേഷം ‘നമ്മുടെ ആസ്വാ​ദ​ന​ത്തി​നാ​യി സർവ്വതും സമൃദ്ധ​മാ​യി പ്രദാനം ചെയ്യു​ന്നവൻ’ ദൈവം ആണ്‌ എന്ന്‌ തുടർന്നു പറയുന്നു. (1 തിമൊ​ഥെ​യോസ്‌ 6:17) താൻ അംഗീ​ക​രി​ക്കുന്ന ആളുകൾക്ക്‌ അത്യു​ന്നതൻ അവരുടെ ദൈനം​ദിന അത്യാ​വ​ശ്യ​ങ്ങൾക്കുള്ള വക കൂടാതെ സ്‌നേ​ഹ​പൂർവ്വം വിലയററ നിധി​ക​ളും പ്രദാനം ചെയ്യുന്നു. അത്തരം നിധികൾ എന്തെല്ലാ​മാണ്‌?

സദൃശ​വാ​ക്യ​ങ്ങൾ 3:13-18 ഇങ്ങനെ പറയുന്നു: “ജ്ഞാനം കണ്ടെത്തിയ പുരു​ഷ​നും വിവേചന ലഭിച്ച മനുഷ്യ​നും സന്തുഷ്ടർ, എന്തെന്നാൽ അത്‌ ലാഭമാ​യി ഉണ്ടായി​രി​ക്കു​ന്നത്‌ വെള്ളി ലാഭമാ​യു​ണ്ടാ​യി​രി​ക്കു​ന്ന​തി​ലും അത്‌ വിളവാ​യി ഉണ്ടായി​രി​ക്കു​ന്നത്‌ തങ്കത്തി​ലും ഉത്തമം. അത്‌ മുത്തി​ലും വില​യേ​റി​യത്‌ നിങ്ങളു​ടെ മറെറാ​രു പ്രമോ​ദ​വും അതി​നോട്‌ തുല്യ​മാ​ക​യില്ല. അതിന്റെ വലങ്കയ്യിൽ ദീർഘാ​യു​സ്സും; അതിന്റെ ഇടം കയ്യിൽ ധനവും മഹത്വ​വും. . . . അതിനെ പിടി​ച്ചു​കൊ​ള്ളു​ന്ന​വർക്ക്‌ അത്‌ ജീവവൃ​ക്ഷം, അതിനെ മുറുകെ പിടി​ക്കു​ന്നവർ സന്തുഷ്ട​രെന്ന്‌ വിളി​ക്ക​പ്പെ​ടേ​ണ്ടി​യു​മി​രി​ക്കു​ന്നു.” അതു​കൊണ്ട്‌ “ജ്ഞാനം” ലോക​ത്തി​ലെ സകല സമ്പത്തു​ക്ക​ളെ​ക്കാ​ളും കവിഞ്ഞ മൂല്യ​മുള്ള ഒരു നിധി​യാണ്‌.

ജ്ഞാനം അറിവി​ന്റെ ഉചിത​മായ രീതി​യി​ലുള്ള ഉപയോ​ഗം ആണ്‌. പ്രശ്‌നങ്ങൾ ദൂരി​ക​രി​ക്കു​ന്ന​തി​ലും ഒഴിവാ​ക്കു​ന്ന​തി​ലും അഥവാ അപകടങ്ങൾ തടയു​ന്ന​തി​ലും ചില ലക്ഷ്യങ്ങൾ ആർജ്ജി​ച്ചെ​ടു​ക്കു​ന്ന​തി​ലും അല്ലെങ്കിൽ അതിന്‌ മററു​ള്ള​വരെ സഹായി​ക്കു​ന്ന​തി​ലും അറിവും ഗ്രാഹ്യ​വും വിജയ​ക​ര​മാ​യി ഉപയോ​ഗി​ക്കു​ന്ന​തി​നുള്ള പ്രാപ്‌തി​യാണ്‌ അത്‌. ജീവി​ത​ത്തി​ലെ പരീക്ഷകൾ വിജയ​ക​ര​മാ​യി കൈകാ​ര്യം ചെയ്യു​ന്ന​തി​നും ദൈവ​വു​മാ​യി ഒരു ഉത്തമനില കാക്കു​ന്ന​തി​നും അത്തരം ജ്ഞാനം നമുക്ക്‌ ഇന്നാവ​ശ്യ​മാണ്‌ എന്നതി​നോട്‌ നിങ്ങൾ യോജി​ക്കു​ക​യി​ല്ലേ?

ജ്ഞാനത്തെ വർണ്ണി​ക്കവേ സദൃശ​വാ​ക്യ​ങ്ങൾ 3:13-18 വരെയുള്ള ഭാഗം സന്തുഷ്ടി​യെ ഉയർത്തി​ക്കാ​ണി​ക്കു​ന്നു. നാമെ​ല്ലാം ആഗ്രഹി​ക്കുന്ന ഒരു നിധി​യല്ലേ സന്തുഷ്ടി? ദൈവീ​ക​ജ്ഞാ​നം ഈ സന്തുഷ്ടി നമുക്ക്‌ തരും കാരണം വാസ്‌ത​വി​ക​മായ സന്തുഷ്ടി അതിന്റെ ഉറവി​ട​മായ യഹോ​വ​യാം ദൈവ​ത്തിൽ നിന്നേ വരിക​യു​ള്ളു. അത്യു​ന്ന​തനെ അനുസ​രി​ക്കു​ക​യും അവന്റെ ആത്മാവി​ന്റെ വ്യാപാ​ര​ത്തിന്‌ വിധേ​യ​മാ​വു​ക​യും ചെയ്യാ​തി​രു​ന്നാൽ വാസ്‌ത​വി​ക​മായ സന്തുഷ്ടി നേടി​യെ​ടു​ക്കാൻ സാദ്ധ്യമല്ല എന്ന്‌ അനുഭവം തെളി​യി​ച്ചി​രി​ക്കു​ന്നു. ബൈബി​ളിൽ വാഗ്‌ദാ​നം ചെയ്‌തി​രി​ക്കുന്ന സമാധാ​നം നമ്മുടെ സ്വർഗ്ഗീയ പിതാ​വു​മാ​യുള്ള ഉചിത​മായ ബന്ധത്തെ അഥവാ അംഗീ​കൃത നിലയെ ആശ്രയി​ച്ചി​രി​ക്കു​ന്നു. (മത്തായി 5:3-10) അതു​കൊണ്ട്‌ ബൈബി​ള​ദ്ധ്യ​യ​ന​ത്തി​ലൂ​ടെ നാം ഗ്രഹി​ക്കുന്ന കാര്യങ്ങൾ പ്രാവർത്തി​ക​മാ​ക്കു​ന്ന​തു​വഴി നാം “ഉയരത്തിൽ നിന്നുള്ള ജ്ഞാനം പ്രദർശി​പ്പി​ക്കു​ക​യാ​യി​രി​ക്കും ചെയ്യു​ന്നത്‌. അത്‌ നമുക്ക്‌ ലോക​ത്തി​ലെ യാതൊ​രു ധനത്തി​നും നേടി​യെ​ടു​ക്കാ​നാ​കാത്ത സന്തുഷ്ടി പ്രദാനം ചെയ്യുന്നു.

സദൃശ​വാ​ക്യ​ങ്ങൾ 3:16 ഇങ്ങനെ​യും പറയു​ന്നു​വെന്നു ഓർമ്മി​ക്കുക: “അതിന്റെ വലംക​യ്യിൽ ദീർഘാ​യു​സ്സുണ്ട്‌.” ഒരുവനെ സഹായി​ക്കാ​നും പ്രതി​സ​ന്ധി​ഘ​ട്ട​ങ്ങ​ളിൽ സംരക്ഷി​ക്കാ​നും സദാ ഒരുക്ക​മുള്ള സംരക്ഷ​ണ​ത്തി​ന്റെ വലംകയ്യെ ഇത്‌ പരാമർശി​ക്കു​ന്ന​താ​യി​ട്ടാണ്‌ മനസ്സി​ലാ​ക്കാ​വു​ന്നത്‌. ഇന്നു അനേകർ വഴിപി​ഴച്ച ജീവിതം, ലൈം​ഗിക അധാർമ്മി​കത, മയക്കു​മ​രു​ന്നു ദുരു​പ​യോ​ഗം തുടങ്ങി​യ​വ​യിൽ മുഴു​കു​ന്നു. എയ്‌ഡ്‌സ്‌ എന്ന രോഗം (ആർജ്ജിത രോഗ​പ്ര​തി​രോ​ധക്ഷയ വ്യാധി) അത്തരം ശീലങ്ങ​ളു​മാ​യി ബന്ധപ്പെട്ടു കിടക്കു​ന്നു​വെന്ന്‌ നിങ്ങൾ വായി​ച്ചി​രി​ക്കാ​നി​ട​യുണ്ട്‌. നിങ്ങൾ നിരീ​ക്ഷി​ച്ച​തിൽ നിന്നും ആ കാര്യങ്ങൾ ശീലി​ക്കു​ന്നവർ യഥാർത്ഥ​ത്തിൽ സന്തുഷ്ട​രാ​ണോ? അതോ അവർ തങ്ങളു​ടെ​മേ​ലും മററു​ള്ള​വ​രു​ടെ​മേ​ലും വളരെ ദുഃഖ​വും വേദന​യും മരണവും പോലും വരുത്തി വയ്‌ക്കു​ക​യാ​ണോ ചെയ്യു​ന്നത്‌?

ഇതിനു വിപരീ​ത​മാ​യി, ദൈവ​വ​ച​ന​ത്തിൽ നിന്നുള്ള ജ്ഞാനപൂർവ്വ​ക​മായ ബുദ്ധി​യു​പ​ദേശം ബാധക​മാ​ക്കു​ന്നത്‌ നമ്മെ അത്തരം അപകട​ങ്ങ​ളിൽ നിന്ന്‌ രക്ഷിക്ക​ത്ത​ക്ക​വണ്ണം എപ്പോ​ഴും നമ്മുടെ “വലം കൈ” എന്ന പോലെ വർത്തി​ക്കും. അതു​കൊണ്ട്‌ അകാല​മ​ര​ണ​ത്തി​ലേക്ക്‌ നയിക്കുന്ന ഒരു ഗതിയിൽനിന്ന്‌ നമ്മെ കാവൽ ചെയ്‌തു​കൊണ്ട്‌ ജ്ഞാനം നമ്മുടെ ആയുസ്സ്‌ വർദ്ധി​പ്പി​ക്കും. അപ്രകാ​രം ദൈവീ​ക​മായ ജ്ഞാനം നമ്മുടെ ഇന്നത്തെ ജീവിതം ഏറെ സന്തോ​ഷ​ക​ര​മായ ഒന്നാക്കി​ത്തീർക്കു​ന്നു.

ഇപ്പോൾ ജ്ഞാനപൂർവ്വം നടക്കുക.

നമുക്കു ചുററി​നു​മുള്ള സകല തെളി​വു​ക​ളും നാം ഈ ലോക​വ്യ​വ​സ്ഥി​തി​യു​ടെ “അവസാന നാളു​ക​ളി​ലാണ്‌” ജീവി​ക്കു​ന്നത്‌ എന്ന്‌ കാണി​ക്കു​ന്നു. (2 തിമൊ​ഥെ​യോസ്‌ 3:1-5) ആ സ്ഥിതിക്ക്‌ ലോക​ത്തി​ന്റെ ആത്മാവിന്‌ നാം വശംവ​ദ​രാ​കാ​തെ സ്വയം കാക്കുക എന്നത്‌ മർമ്മ​പ്ര​ധാ​ന​മാണ്‌. അത്തരം ആത്മാവ്‌ ഭൗതിക കാര്യ​ങ്ങൾക്ക്‌ ഊന്നൽ നൽകു​ക​യും സ്വാർത്ഥ​മോ​ഹ​ങ്ങളെ പ്രീണി​പ്പി​ക്കു​ക​യും ചെയ്യും. ബൈബിൾ രേഖയി​ലെ ഒരു വിശ്വസ്‌ത പുരു​ഷ​നായ ഇയ്യോ​ബി​നെ സംബന്ധി​ച്ചു കൊണ്ടു​വന്ന ആരോ​പ​ണ​ങ്ങ​ളി​ലൊന്ന്‌ അവൻ ദൈവത്തെ ആരാധി​ച്ചത്‌ സ്വാർത്ഥ താത്‌പ​ര്യ​ങ്ങളെ, ഭൗതിക നേട്ടങ്ങളെ പ്രതി​യാണ്‌ എന്നായി​രു​ന്നു. (ഇയ്യോബ്‌ 1:9-11) നമ്മുടെ മേൽ അത്തര​മൊ​രു ആരോ​പണം സത്യത​യോ​ടെ ആരോ​പി​ക്കാൻ കഴിയു​മോ?

ഇല്ല എന്ന്‌ നാം ഉത്തരം നൽകു​ന്നു​വെ​ങ്കിൽ നാം ഇന്നത്തെ ഭൗതി​ക​ത്വ​ത്തെ വിജയ​പൂർവ്വം നേരി​ടു​ന്നു​ണ്ടാ​യി​രി​ക്കാം. പക്ഷേ ഭൗതി​ക​ത്വം എന്ന ഈ അപകടം നാം നേരി​ടുന്ന ഏററവും നിഗൂ​ഢ​മായ അപകട​ങ്ങ​ളി​ലൊ​ന്നാണ്‌. “ഈ വ്യവസ്ഥി​തി​യെ​ക്കു​റി​ച്ചുള്ള ഉത്‌ക്ക​ണ്‌ഠ​യും ധനത്തിന്റെ വഞ്ചകശ​ക്തി​യും വചനത്തെ ഞെരു​ക്കി​ക്ക​ള​യും” എന്ന്‌ യേശു പറഞ്ഞു. (മത്തായി 13:22) വ്യക്തമാ​യും, നാം നിരന്തരം “ധനത്തിന്റെ വഞ്ചകശക്തി”ക്കെതിരെ ജാഗ്രത പുലർത്തേ​ണ്ട​തുണ്ട്‌ കാരണം ഇവ അത്ര മൂല്യ​മേ​റി​യതല്ല.

ഭൗതിക വസ്‌തു​ക്ക​ളു​ടെ ആപേക്ഷി​ക​മൂ​ല്യ​ത്തെ​ക്കു​റിച്ച്‌ നാം നമ്മെത്തന്നെ ഓർമ്മി​പ്പി​ക്കു​ന്നത്‌ ആവശ്യ​മാണ്‌. ദൈവ​വ​ചനം പറയുന്നു: “ധനവാന്റെ വില​യേ​റിയ വസ്‌തു​ക്കൾ അവന്‌ ഉറപ്പുള്ള പട്ടണം, അവന്റെ ഭാവന​യിൽ അവയൊ​രു സംരക്ഷക മതിലും തന്നെ.” (സദൃശ​വാ​ക്യ​ങ്ങൾ 18:11) അതെ, സമ്പത്തിന്‌ പ്രദാനം ചെയ്യാൻ കഴിയുന്ന സംരക്ഷണം വെറും ഭാവന​യാണ്‌, അതൊരു വഞ്ചനതന്നെ. ഭൗതിക വസ്‌തു​ക്കൾ അവയിൽത്തന്നെ വഷളാണ്‌ എന്ന്‌ അതിനർത്ഥ​മില്ല. തെററായ സംഗതി, ദൈവ​ത്തി​ന്റെ അംഗീ​കാ​രം നേടു​ന്ന​തിൽ നമ്മുടെ ജീവി​തങ്ങൾ കേന്ദ്രീ​ക​രി​ക്കു​ന്ന​തി​നു പകരം ഈ വകയിൽ കേന്ദ്രീ​ക​രി​ക്കു​ന്ന​താണ്‌. ചരി​ത്ര​ത്തി​ലെ ഏററവും ജ്ഞാനി​ക​ളായ ഗുരു​ക്കൻമാ​രിൽ ഒരാളാ​യി ആദരി​ക്ക​പ്പെ​ടുന്ന യേശു​ക്രി​സ്‌തു സൂഷ്‌മ​സ്‌പർശി​യാ​യി ഇങ്ങനെ പറഞ്ഞു: “ഒരു വ്യക്തിക്ക്‌ സമൃദ്ധി​യു​ണ്ടാ​യാ​ലും അവന്റെ വസ്‌തു​വ​കയല്ല അവന്‌ ജീവനാ​ധാ​ര​മാ​യി​രി​ക്കു​ന്നത്‌—ലൂക്കോസ്‌ 12:15.

അതു​കൊണ്ട്‌ നമ്മെ “ദൈവ​സ​ന്നി​ധി​യിൽ സമ്പന്നരാ​ക്കുന്ന ഒരു ഗതി നമുക്ക്‌ പിന്തു​ട​രാം. (ലൂക്കോസ്‌ 12:21) സൃഷ്ടാ​വിൻ മുമ്പാ​കെ​യുള്ള ഒരു അംഗീ​കൃത നില​യെ​ക്കാൾ വില​യേ​റിയ യാതൊ​ന്നു​മില്ല. അത്‌ നിലനിർത്താ​നുള്ള സർവ്വ പ്രയത്‌ന​വും ‘നമുക്കു യഥാർത്ഥ ജീവ​ന്റെ​മേൽ ഒരു ദൃഢമായ പിടി’ ലഭിക്കു​ന്ന​തി​നു തക്കവണ്ണം ഭാവി​ക്കു​വേണ്ടി ഒരു ഉത്തമ അടിസ്ഥാ​നം കാത്തു​ര​ക്ഷി​ക്കു​ന്ന​തി​നുള്ള മുതൽകൂ​ട്ടാ​യി ഉതകും.—1 തിമൊ​ഥെ​യോസ്‌ 6:19. (w86 6/15)