ബൈബിൾ വിശേ​ഷാ​ശ​യങ്ങൾ സദൃശ​വാ​ക്യ​ങ്ങൾ 1:1-31:31

യഹോ​വയെ ഭയപ്പെ​ടുക എന്നാൽ നീ സന്തുഷ്ട​നാ​യി​രി​ക്കും

“യഹോ​വാ​ഭയം ജ്ഞാനത്തി​ന്റെ ആരംഭ​മാ​കു​ന്നു.” (9:10) സദൃശ​വാ​ക്യ​ങ്ങ​ളിൽ ഇത്‌ എത്ര നന്നായി കാണി​ച്ചി​രി​ക്കു​ന്നു! ഈ ബൈബിൾ പുസ്‌തകം ഏകദേശം പൊ. യു. മു. 716-ൽ പൂർത്തി​യാ​ക്ക​പ്പെട്ടു; അറിവു ശരിയാ​യി ബാധക​മാ​ക്കി​ക്കൊണ്ട്‌ ജ്ഞാനം പ്രദർശി​പ്പി​ക്കു​ന്ന​തി​നു നമ്മെ സഹായി​ക്കു​ന്നു. ഈ ജ്ഞാന​മൊ​ഴി​കൾ അനുസ​രി​ക്കുക എന്നാൽ നീ സന്തുഷ്ട​നാ​യി​രി​ക്കും.

ജ്ഞാനത്തി​നു ചെവി​കൊ​ടു​ക്കുക

സദൃശ​വാ​ക്യ​ങ്ങൾ 1:1-2:22 വായി​ക്കുക. “യഹോ​വാ​ഭയം” അറിവി​ന്റെ അന്തഃസ​ത്ത​യാ​കു​ന്നു. നാം ശിക്ഷണം സ്വീക​രി​ക്കു​മെ​ങ്കിൽ ദുഷ്‌പ്ര​വൃ​ത്തി ചെയ്യു​ന്ന​തിൽ നാം പാപി​ക​ളോ​ടു ചേരു​ക​യില്ല. യഹോ​വയെ ഭയപ്പെ​ടു​ന്ന​വർക്ക്‌, ദുഷ്‌പ്ര​വൃ​ത്തി​ക്കാ​രിൽനി​ന്നും തങ്ങളെ സംരക്ഷി​ക്കുന്ന ജ്ഞാനം അവൻ നൽകുന്നു.

◆ 1:7—“യഹോ​വാ​ഭയം” എന്നാൽ എന്താണ്‌?

അത്‌ ആദരയു​ക്ത​മായ ഭയം, അഗാധ​മായ ബഹുമാ​നം ആകുന്നു; അവന്റെ സ്‌നേ​ഹ​ദ​യ​യെ​യും നൻമ​യേ​യും നാം വിലമ​തി​ക്കു​ന്ന​തി​നാൽ അവനെ അപ്രീ​തി​പ്പെ​ടു​ത്തു​ന്ന​തി​ലുള്ള ഉത്തമമായ ഒരു ഭയം ആകുന്നു. “യഹോ​വാ​ഭയം” അവൻ പരമോ​ന്നത ന്യായാ​ധി​പ​നും അവനെ അനുസ​രി​ക്കാ​ത്ത​വ​രു​ടെ​മേൽ ശിക്ഷയോ അല്ലെങ്കിൽ മരണമോ വരുത്തു​വാൻ അവകാ​ശ​വും ശക്തിയും ഉള്ള സർവ്വശ​ക്ത​നു​മെന്ന്‌ അംഗീ​ക​രി​ക്കു​ന്നു എന്നർത്ഥ​മാ​കു​ന്നു. ദൈവത്തെ വിശ്വ​സ്‌ത​ത​യോ​ടെ സേവി​ക്ക​യും പരിപൂർണ്ണ​മാ​യി അവനിൽ ആശ്രയി​ക്ക​യും അവന്റെ ദൃഷ്ടി​യിൽ തിൻമ​യാ​യ​തി​നെ വെറു​ക്കു​ക​യും ചെയ്‌ക​യെ​ന്നും കൂടെ അർത്ഥമാ​ക്കു​ന്നു.—സങ്കീർത്ത​നങ്ങൾ 2:11; 115:11; സദൃശവാക്യങ്ങൾ 8:13.

◆ 2:7—നിർമ്മലത എന്താകു​ന്നു?

നിർമ്മ​ല​ത​യോ​ടു ബന്ധപ്പെട്ട എബ്രായ പദങ്ങൾക്ക്‌ “മുഴുവൻ” അല്ലെങ്കിൽ “പൂർണ്ണ​മായ” എന്ന മൂല അർത്ഥം ഉണ്ട്‌. അവ മിക്ക​പ്പോ​ഴും ധാർമ്മീ​ക​ശു​ദ്ധി​യും പരമാർത്ഥ​ത​യും സൂചി​പ്പി​ക്കു​ന്നു “നിർമ്മ​ല​ത​യിൽ നടക്കു​ന്നവർ” യഹോ​വ​യോ​ടുള്ള ഭക്തിയിൽ അചഞ്ചല​രാണ്‌. അപ്രകാ​രം “നേരു​ള്ള​വർക്ക്‌” അവൻ ഒരു പരി​ത്രാ​ണക പരിച​യാ​കു​ന്നു, കാരണം അവർ യഥാർത്ഥ​ജ്ഞാ​നം പ്രദർശി​പ്പി​ക്ക​യും അവന്റെ നീതി​മാ​ന​ദ​ണ്ഡ​ങ്ങൾക്ക​നു​രൂ​പ​മാ​കു​ക​യും ചെയ്യുന്നു.

നമുക്കു​വേ​ണ്ടി​യുള്ള പാഠം: നാം യഹോ​വയെ ഭയപ്പെ​ടു​ന്നു​വെ​ങ്കിൽ അവൻ തന്റെ വചനത്തി​ലും സ്ഥാപന​ത്തി​ലും കൂടെ നൽകുന്ന ശിക്ഷണം സ്വീക​രി​ക്കും. ഇതു ചെയ്യാ​നുള്ള പരാജയം നമ്മെ ദൈവ​ഭ​യ​മി​ല്ലാത്ത പാപി​ക​ളായ “ഭോഷൻമാ​രു​ടെ” കൂട്ടത്തി​ലാ​ക്കു​ന്നു. അതു​കൊണ്ട്‌ നമുക്ക്‌ അവന്റെ സ്‌നേ​ഹ​നിർഭ​ര​മായ ശിക്ഷണം സ്വീക​രി​ക്കാം.—സദൃശ​വാ​ക്യ​ങ്ങൾ 1:7; എബ്രായർ 12:6.

ജ്ഞാനത്തെ മതിക്കുക

സദൃശ​വാ​ക്യ​ങ്ങൾ 3:1-4:27 വായി​ക്കുക. നല്ല ഉൾക്കാഴ്‌ച ഉണ്ടായി​രി​ക്കു​ന്ന​തിന്‌, “യഹോ​വ​യിൽ നിങ്ങളു​ടെ പൂർണ്ണ​ഹൃ​ദ​യ​ത്തോ​ടെ ആശ്രയിക്ക” ജ്ഞാനത്തെ ഉന്നതമാ​യി വിലമ​തി​ക്കു​ന്നവർ സന്തുഷ്ടി അനുഭ​വി​ക്കു​ന്നു. അവരുടെ പാത എപ്പോ​ഴും ശോഭ​കൂ​ടുന്ന വെളിച്ചം പോ​ലെ​യാ​കു​ന്നു, എന്നാൽ അവർ ഹൃദയത്തെ കാക്കേണ്ട ആവശ്യം ഉണ്ട്‌.

◆ 4:18—‘നീതി​മാ​ന്റെ പാതക്ക്‌’ പ്രകാശം കൂടു​ന്ന​തെ​ങ്ങ​നെ​യാണ്‌?

സൂര്യ​പ്ര​കാ​ശം പ്രഭാതം മുതൽ “നട്ടുച്ച​വരെ” അധിക​മ​ധി​കം ശോഭി​ക്കു​ന്നു. അതു​പോ​ലെ, യഹോ​വ​യു​ടെ ജനങ്ങൾക്കു സമയം കടന്നു​പോ​കു​ന്ന​തി​ന​നു​സ​ര​ണ​മാ​യി ആത്മീയ വെളിച്ചം കൂടുതൽ കൂടുതൽ പ്രകാ​ശി​ക്കു​ന്നു. സംഭവ​ങ്ങ​ളോ​ടു നാം വളരെ അടുക്കു​മ്പോൾ യഹോ​വ​യു​ടെ ഉദ്ദേശ്യ​ങ്ങ​ളു​ടെ നിവൃ​ത്തി​യേ​പ്പ​റ​റി​യുള്ള നമ്മുടെ ഗ്രാഹ്യം കൂടുതൽ തെളി​യു​ന്നു. ദിവ്യ​പ്ര​വ​ച​ന​ങ്ങ​ളിൻമേൽ പരിശു​ദ്ധാ​ത്മാവ്‌ വെളിച്ചം വീശു​മ്പോ​ഴും, ലോക​സം​ഭ​വ​ങ്ങ​ളി​ലും അല്ലെങ്കിൽ യഹോ​വ​യു​ടെ ജനത്തി​ലുള്ള അനുഭ​വ​ത്തി​ലും അവ നിവൃ​ത്തി​യാ​കു​മ്പോ​ഴും നമുക്കു പ്രവച​നങ്ങൾ തുറന്നു​കി​ട്ടു​ന്നു. അപ്രകാ​രം അവരുടെ ‘പാത അധിക​മ​ധി​കം പ്രകാ​ശി​ത​മാ​കു​ന്നു.’

നമുക്കു​വേ​ണ്ടി​യുള്ള പാഠം: യഥാർത്ഥ​ജ്ഞാ​നം പ്രദർശി​പ്പി​ക്കു​ക​യും ദിവ്യ കല്‌പ​നകൾ അനുസ​രി​ക്ക​യും ചെയ്യു​ന്നത്‌ നേര​ത്തെ​യുള്ള ഒരു മരണത്തി​ലേക്കു നയിക്കുന്ന ഭോഷ​ത്വ​ഗതി അനുധാ​വനം ചെയ്യു​ന്ന​തി​നെ​തി​രെ നമ്മെ കാത്തു​കൊ​ള്ളും. ഉദാഹ​ര​ണ​ത്തിന്‌, ലൈം​ഗി​ക​ദുർമ്മാർഗ്ഗ​ത്തി​നെ​തി​രെ​യുള്ള യഹോ​വ​യു​ടെ കല്‌പന അവഗണി​ക്കു​ന്നവർ അകാല മരണത്തി​നി​ട​യാ​ക്കുന്ന ലൈം​ഗിക പകർച്ച​വ്യാ​ധി​ക്കി​ര​യാ​യേ​ക്കാം. അതു​കൊ​ണ്ടു നമുക്കു ദൈവ​ക​ല്‌പ​ന​കൾക്കു പൊരു​ത്ത​മാ​യി പ്രവൃ​ത്തി​ക്കാം, കാരണം, അപ്പോൾ നമ്മുടെ സംഗതി​യിൽ ജ്ഞാനം “ജീവവൃ​ക്ഷം” ആയിരി​ക്കും.—സദൃശ​വാ​ക്യ​ങ്ങൾ 3:18.

ജ്ഞാനം പ്രദർശി​പ്പി​ക്കു​ന്ന​തി​നുള്ള മാർഗ്ഗങ്ങൾ

സദൃശ​വാ​ക്യ​ങ്ങൾ 5:1-9:18 വായി​ക്കുക. ഇത്‌ ദുർമ്മാർഗ്ഗം ഒഴിവാ​ക്കു​ക​യും “നിന്റെ യൗവന​ത്തി​ലെ ഭാര്യ​യോ​ടു​കൂ​ടി ആനന്ദി”ക്കുകയും ചെയ്യു​ന്ന​തി​നുള്ള ജ്ഞാനത്തി​ന്റെ പ്രദർശ​ന​മാ​കു​ന്നു. യഹോ​വക്കു വെറു​പ്പുള്ള ഏഴു കാര്യങ്ങൾ ഉദ്ധരി​ക്ക​യും ഒരു വേശ്യ​യു​ടെ വശീക​ര​ണ​ങ്ങൾക്കെ​തി​രെ മുന്നറി​യി​പ്പു​കൾ നൽകു​ക​യും ചെയ്യുന്നു. മൂർത്തീ​ക​രി​ച്ചി​രി​ക്കുന്ന ജ്ഞാനം ദൈവ​ത്തി​ന്റെ “വിദഗ്‌ദ്ധ ശില്‌പി” ആണ്‌. “യഹോ​വാ​ഭയം ജ്ഞാനത്തി​ന്റെ ആരംഭ​മാ​കു​ന്നു.”

◆ 6:1-5—ഈ ബുദ്ധി​യു​പ​ദേശം ഔദാ​ര്യ​ത്തി​ന്റെ ആത്മാവി​നു വിരു​ദ്ധ​മാ​ണോ?

ഈ സദൃശ​വാ​ക്യം ഔദാ​ര്യ​ത്തെ നിരു​ത്സാ​ഹ​പ്പെ​ടു​ത്തു​ന്നില്ല, എങ്കിലും മററു​ള്ള​വ​രു​ടെ, പ്രത്യേ​കിച്ച്‌ അന്യരു​ടെ വ്യാപാര ഇടപാ​ടു​ക​ളിൽ കുരു​ങ്ങു​ന്ന​തി​നെ​തി​രേ ബുദ്ധി​യു​പ​ദേശം നൽകുന്നു. ‘ദരി​ദ്ര​നാ​യി​ത്തീർന്ന’ തങ്ങളുടെ സഹോ​ദ​രനെ യിസ്രാ​യേ​ല്യർ സഹായി​ക്ക​ണ​മാ​യി​രു​ന്നു. (ലേവ്യാ​പു​സ്‌തകം 25:35-38) എന്നാൽ ചിലർ സാഹസി​ക​മാ​യി ഊഹക്ക​ച്ച​വ​ട​ത്തിൽ ഉൾപ്പെ​ടു​ക​യും ആവശ്യ​മെ​ങ്കിൽ തങ്ങളുടെ കടക്കാർക്ക്‌ പണം കൊടു​ത്തു കൊള്ളാ​മെന്നു വാഗ്‌ദത്തം ചെയ്‌തു​കൊണ്ട്‌, അവർക്കു​വേണ്ടി ‘ജാമ്യം നിൽക്കു’വാൻ മററു​ള്ള​വരെ സമ്മതി​പ്പിച്ച്‌ സാമ്പത്തിക പിൻബലം നേടി. ഒരുപക്ഷേ പൊങ്ങച്ചം പറച്ചി​ലി​നാൽ ഒരു വ്യക്തി അപ്രകാ​രം ഒരു വിഷമ സ്ഥിതി​യി​ലാ​യി​ത്തീർന്നാൽ താമസം​വി​നാ തന്നെത്തന്നെ വിടു​വി​ക്കു​ന്ന​തി​നാണ്‌ ജ്ഞാനമുള്ള ഉപദേശം—സദൃശ​വാ​ക്യ​ങ്ങൾ 11:15.

◆ 8:22-31—ഇത്‌ ജ്ഞാനത്തി​ന്റെ വെറു​മൊ​രു വിവരണം മാത്ര​മാ​ണോ?

അല്ല, നിത്യ​നാം ദൈവ​ത്തി​ന്റെ ഒരു ഗുണമാ​യി ജ്ഞാനം എപ്പോ​ഴും നിലനി​ന്നി​രു​ന്നു. (ഇയ്യോബ്‌ 12:13) ഇവിടെ, എങ്കിലും, ജ്ഞാനത്തെ ‘ഉളവാക്കു’കയും ഭൂമി​യു​ടെ സ്രഷ്ടി​സ​മ​യത്ത്‌” ഒരു വിദഗ്‌ദ്ധ ശില്‌പി​യാ​യി [യഹോ​വ​യു​ടെ] അടുത്ത്‌” ഉണ്ടായി​രി​ക്ക​യും ചെയ്‌തു, എന്നു പറഞ്ഞി​രി​ക്കു​ന്നു. മൂർത്തീ​ക​രി​ക്ക​പ്പെട്ട ജ്ഞാനം ദൈവ​പു​ത്ര​നെന്നു തിരി​ച്ച​റി​യു​ന്നത്‌ “ജ്ഞാനത്തി​ന്റെ​യും അറിവി​ന്റെ​യും നിക്ഷേ​പങ്ങൾ ഒക്കെയും അവനിൽ ഗുപ്‌ത​മാ​യി​രി​ക്കു​ന്നു” എന്ന യാഥാർത്ഥ്യ​ത്തോ​ടു യോജി​ക്കു​ന്നു.—കൊ​ലോ​സ്യർ 1:15, 16; 2:3.

നമുക്കു​വേ​ണ്ടി​യുള്ള പാഠം: ഇവിടെ അവളുടെ “സമാധാ​ന​യാ​ഗ​ങ്ങ​ളും” “നേർച്ച​ക​ളും” എന്നു പറയു​ന്ന​തി​നാൽ സദൃശ​വാ​ക്യ​ങ്ങൾ 7-ാം അദ്ധ്യാ​യ​ത്തി​ലെ വേശ്യാ​സ്‌ത്രീ അവൾക്കു ആത്മീയ​ത​യ്‌ക്കു കുറ​വൊ​ന്നു​മി​ല്ലെന്നു സൂചി​പ്പി​ക്ക​യാ​യി​രു​ന്നേ​ക്കാം. സമാധാ​ന​യാ​ഗ​ങ്ങ​ളിൽ ഇറച്ചി​യും, മാവും, എണ്ണയും, വീഞ്ഞും ഉൾക്കൊ​ള്ളു​ന്നു. (ലേവ്യാ​പു​സ്‌തകം 19:5, 6; 22:21; സംഖ്യാ​പു​സ്‌തകം 15:8-10) അതു​കൊണ്ട്‌ അവളുടെ വീട്ടിൽ തിന്നാ​നും കുടി​ക്കാ​നും ധാരാളം ഉണ്ടായി​രി​ക്കു​മെ​ന്നും “ബുദ്ധി​ഹീ​ന​നായ യുവാ​വി​നു” അവിടെ ഒരു നല്ല ആസ്വാ​ദ്യാ​വ​സരം ഉണ്ടായി​രി​ക്കു​മെ​ന്നും അവൾ സൂചി​പ്പി​ക്ക​യാ​യി​രു​ന്നു. ഇത്‌ തെററാ​യി പ്രചോ​ദി​പ്പി​ക്ക​പ്പെട്ട ഒരാൾ ദുർമ്മാർഗ്ഗ​ത്തി​ലേക്കു വഴിന​ട​ത്ത​പ്പെ​ടു​ന്ന​തി​ന്റെ മാതൃ​ക​യാണ്‌. ഈ മുന്നറി​യി​പ്പു ശ്രദ്ധി​ക്ക​യും ദൈവ​ത്തി​നെ​തി​രാ​യുള്ള അത്തരം പാപം ഒഴിവാ​ക്കു​ക​യും ചെയ്യു​ന്നത്‌ എത്ര പ്രധാ​ന​മാണ്‌!—ഉല്‌പത്തി 39:7-12.

ചിന്തോ​ദ്ദീ​പക വിപരീ​തോ​പ​മാ​നങ്ങൾ

സദൃശ​വാ​ക്യ​ങ്ങൾ 10:1-15:33 വായി​ക്കുക ശലോ​മോ​ന്റെ സദൃശ​വാ​ക്യ​ങ്ങ​ളിൽ അധിക​വും വൈപ​രീ​ത്യം കാട്ടുന്ന ആപ്‌ത​വാ​ക്യ​ങ്ങ​ളോ​ടെ ആരംഭി​ക്കു​ന്നു. “യഹോ​വാ​ഭയം” ഊന്നി​പ്പ​റ​യു​ന്നു—10:27; 14:26, 27; 15:16, 33.

◆ 10:25—ഒരു “ചുഴലി​ക്കാ​റ​റി​നെ” പരാമർശി​ച്ചി​രി​ക്കു​ന്നത്‌ എന്തു​കൊണ്ട്‌?

നീതി​ത​ത്വ​ങ്ങ​ളിൽ ഒരു അടിസ്ഥാ​ന​ത്തി​ന്റെ അഭാവം നിമിത്തം, ദുഷ്ടൻമാർ കൊടു​ങ്കാ​റ​റിൽ നിലം​പ​തി​ക്കുന്ന ഉറപ്പി​ല്ലാത്ത കെട്ടി​ടം​പോ​ലെ​യാ​കു​ന്നു. എന്നാൽ നീതി​മാൻമാർ ഉറപ്പു​ള്ള​വ​രാണ്‌ കാരണം അവരുടെ ചിന്ത ദൈവിക തത്വങ്ങ​ളിൻമേൽ അഭംഗു​രം അധിഷ്‌ഠി​ത​മാണ്‌. നല്ല അടിസ്ഥാ​ന​മുള്ള ഒരു കെട്ടി​ടം​പോ​ലെ അവർ സമ്മർദ്ദ​ത്തിൻകീ​ഴിൽ ഇടിഞ്ഞു വീഴു​ക​യില്ല.—മത്തായി 7:24-27.

◆ 11:22—ഒരു സ്‌ത്രീക്ക്‌ ഒരു പന്നിയു​ടെ മൂക്കിലെ മൂക്കു​ത്തി​പോ​ലെ​യാ​യി​രി​ക്കാൻ കഴിയു​ന്ന​തെ​ങ്ങനെ?

മൂക്കിന്റെ ഒരു വശത്തു​കൂ​ടെ അല്ലെങ്കിൽ നാസാ​ര​ന്ധ്ര​ങ്ങളെ വേർപി​രി​ക്കുന്ന പേശി​യിൽകൂ​ടെ ഒരു സ്വർണ്ണ മൂക്കുത്തി ഇട്ടിരി​ക്കു​ന്നത്‌ അത്‌ അണിയുന്ന ആൾ ഒരു സംസ്‌ക്കാ​ര​സ​മ്പ​ന്ന​യാ​ണെന്നു സൂചി​പ്പി​ക്കു​ന്നു. യിസ്രാ​യേ​ല്യർ പന്നിയെ അശുദ്ധ​വും നികൃ​ഷ്ട​വു​മാ​യി കരുതി​യി​രു​ന്നു. അതു​കൊണ്ട്‌ സൗന്ദര്യ​മുള്ള എന്നാൽ വിവര​മി​ല്ലാത്ത ഒരു സ്‌ത്രീ ഒരു പന്നിയു​ടെ മൂക്കിലെ ചേർച്ച​യി​ല്ലാത്ത സ്വർണ്ണ​മൂ​ക്കു​ത്തി​പോ​ലെ​യാണ്‌.

◆ 14:14—വിശ്വാ​സ​ത്യാ​ഗ​മുള്ള ഒരുവൻ തൃപ്‌തി​പ്പെ​ടു​ന്നത്‌ എങ്ങനെ?

“ഹൃദയ​ത്തിൽ വിശ്വാ​സ​ത്യാ​ഗ​മു​ള്ളവൻ” അവന്റെ ഭൗതി​കത്വ ജീവിത സമ്പ്രദാ​യ​ത്തിൽ തൃപ്‌തി​പ്പെ​ടു​ന്നു. (സങ്കീർത്ത​നങ്ങൾ 144:11-15എ) ദൈവ​ദൃ​ഷ്ടി​ക​ളിൽ ശരിയാ​യത്‌ ചെയ്യു​ന്നത്‌ അവനു യാതൊ​രു പ്രാധാ​ന്യ​വു​മില്ല, യഹോ​വ​യ്‌ക്കു ഒരു കണക്കു​ബോ​ധി​പ്പി​ക്കാ​നു​ള്ള​തി​നെ​പ്പ​ററി അവൻ ചിന്തി​ക്കു​ന്നില്ല. (1 പത്രോസ്‌ 4:3-5) എന്നാൽ “നല്ല മനുഷ്യൻ” വിശ്വാ​സ​ത്യാ​ഗ​മു​ള്ള​വ​രു​ടെ ശീലങ്ങൾ ഉപേക്ഷി​ക്ക​യും “തന്റെ പ്രവർത്ത​ന​ഫ​ല​ത്തിൽ” തൃപ്‌തി​പ്പെ​ടു​ക​യും ചെയ്യുന്നു. അവൻ ആത്മീയ താല്‌പ​ര്യ​ങ്ങൾ ഒന്നാമതു വെക്കുന്നു, ദൈവീക മാനദ​ണ്ഡ​ങ്ങ​ളോ​ടു പററി​ച്ചേ​രു​ന്നു, അവനെ സേവി​ക്കു​ന്ന​തിൽ അത്യധിക സന്തോ​ഷ​വും ദിവ്യാ​നു​ഗ്ര​ഹ​ങ്ങ​ളിൽ സംതൃ​പ്‌തി​യും ഉണ്ട്‌.—144:15ബി)

◆ 15:23—‘നാം പറയുന്ന ഉത്തരം ഹേതു​വാ​യി സന്തോ​ഷി​ക്കു​വാൻ’ നമുക്കു കഴിയു​ന്നത്‌ എങ്ങനെ?

നമ്മുടെ ബുദ്ധി​യു​പ​ദേശം ശ്രദ്ധി​ക്ക​പ്പെ​ടു​ക​യും നല്ല ഫലം പുറ​പ്പെ​ടു​വി​ക്ക​പ്പെ​ടു​ക​യും ചെയ്യു​മ്പോൾ ഇതു സംഭവി​ക്കാൻ കഴിയു​ന്നു. എന്നാൽ ആരെ​യെ​ങ്കി​ലും സഹായി​ക്കു​ന്ന​തിന്‌, നാം സൂക്ഷ്‌മ​മാ​യി ശ്രദ്ധി​ക്ക​യും, അവന്റെ പ്രശ്‌ന​ത്തിന്‌ സംഭാവന ചെയ്യുന്ന ഘടകങ്ങൾ വിവേ​ചി​ക്ക​യും നമ്മുടെ ബുദ്ധി​യു​പ​ദേശം ബൈബി​ളിൽ അധിഷ്‌ഠി​ത​മാ​ക്കു​ക​യും ചെയ്യണം. അപ്രകാ​രം “തക്കസമ​യത്ത്‌ പറയുന്ന ഒരു വാക്ക്‌ എത്ര മനോ​ഹരം!”

നമുക്കു​വേ​ണ്ടി​യുള്ള പാഠം: “ഭോഷ​നായ ഒരാൾ” ഒരു പരിഹാ​സ​ത്തി​നോ “മാനഹാ​നി”ക്കോ “അതേ ദിവസം​തന്നെ” പെട്ടെന്നു ക്രോ​ധ​ത്തോ​ടെ പ്രതി​ക​രണം ചെയ്യുന്നു. എന്നാൽ “വിവേ​കി​യാ​യവൻ”—ദീർഘ​ദൃ​ഷ്ടി​യുള്ള ഒരു വ്യക്തി—ആത്മനി​യ​ന്ത്രണം പാലി​ക്കു​ന്ന​തി​നും ദൈവ​വ​ചനം പിൻപ​റ​റു​ന്ന​തി​നും കഴിയ​ത്ത​ക്ക​വണ്ണം ദൈവാ​ത്മാ​വി​നു​വേണ്ടി പ്രാർത്ഥി​ക്കു​ന്നു. (സദൃശ​വാ​ക്യ​ങ്ങൾ 12:16) ഇതു ചെയ്യു​ന്ന​തി​നാൽ, നമുക്കും മററു​ള്ള​വർക്കും വൈകാ​രി​ക​മോ ശാരീ​രി​ക​മോ ആയ ദ്രോ​ഹ​ത്തിൽ കലാശി​ച്ചേ​ക്കാ​വുന്ന കൂടുതൽ വിവാദം ഒഴിവാ​ക്കാൻ നമുക്കു കഴിയും.

സമാന്ത​ര​മായ സദൃശ​വാ​ക്യ​ങ്ങൾ

സദൃശ​വാ​ക്യ​ങ്ങൾ 16:1-24:34 വായി​ക്കുക. ശലോ​മോ​ന്റെ ഈ ജ്ഞാന​മൊ​ഴി​കൾ അധിക​മാ​യും സമാന്ത​ര​ചി​ന്ത​ക​ളി​ലൂ​ടെ മാർഗ്ഗ​ദർശനം നൽകുന്നു. “യഹോ​വാ​ഭയം” വീണ്ടും ഊന്നി​പ്പ​റ​യു​ന്നു.—16:6; 19:23; 22:4; 23:17; 24:21.

◆ 17:19—പൊക്ക​ത്തി​ലുള്ള പടിവാ​തി​ലി​നു തെറെ​റ​ന്താണ്‌?

തങ്ങളുടെ വീടു​കൾക്കും അങ്കണങ്ങൾക്കും താഴ്‌ത്തി വാതി​ലു​കൾ പണിയാ​ത്തവർ കുതി​ര​പ്പു​റത്തു സഞ്ചരി​ക്കു​ന്നവർ കയറി​വന്ന്‌ സാധനങ്ങൾ എടുത്തു​കൊ​ണ്ടു​പോ​കുന്ന വിപൽസാ​ദ്ധ്യത വെക്കുന്നു. ഉദ്ധത സംസാ​ര​ത്താ​ലും പൊങ്ങച്ചം പറച്ചി​ലി​നാ​ലും വായ്‌ പൊക്ക​ത്തി​ലുള്ള പടിവാ​തിൽ പോ​ലെ​യാ​കു​ന്നു​വെ​ന്നുള്ള സദൃശ​വാ​ക്യ​ത്തി​നു സൂചന നൽകാ​നും കഴിയും. അത്തരം സംസാരം കലഹം വളർത്തു​ക​യും ഒടുവിൽ നാശത്തി​ലേക്കു നയിക്കു​ക​യും ചെയ്യും.

◆ 19:17—എളിയ​വനെ സഹായി​ക്കു​ന്നത്‌ യഹോ​വക്കു വായ്‌പ കൊടുക്കുന്നതുപോലെയായിരിക്കുന്നതെന്തുകൊണ്ട്‌?

എളിയവർ ദൈവ​ത്തി​നു​ള്ള​വ​രാ​കു​ന്നു, നാം അവർക്ക്‌ ചെയ്യു​ന്നത്‌ അവനു ചെയ്യു​ന്ന​താ​യി കണക്കാ​ക്ക​പ്പെ​ടു​ന്നു. (സദൃശ​വാ​ക്യ​ങ്ങൾ 14:31) എളിയ​വ​രിൽനിന്ന്‌ തിരി​ച്ചൊ​ന്നും കിട്ടു​വാൻ പ്രതീ​ക്ഷി​ക്കാ​തെ, അവരോ​ടു പ്രീതി​കാ​ട്ടു​ക​യോ ഉപഹാ​രങ്ങൾ നൽകു​ക​യോ ചെയ്യു​വാൻ സ്‌നേ​ഹ​വും ഔദാ​ര്യ​വും നമ്മെ പ്രചോ​ദി​പ്പി​ക്കു​ന്നു​വെ​ങ്കിൽ, അപ്രകാ​ര​മുള്ള കൊടു​ക്ക​ലി​നെ യഹോവ തനിക്കുള്ള വായ്‌പ​യാ​യി കരുതു​ക​യും പ്രീതി​യും അനു​ഗ്ര​ഹ​ങ്ങ​ളും സഹിതം മടക്കി​ത്ത​രി​ക​യും ചെയ്യുന്നു.—ലൂക്കോസ്‌ 14:12-14.

◆ 20:1—വീഞ്ഞ്‌ “ഒരു പരിഹാ​സി” ആയിരി​ക്കു​ന്നത്‌ എങ്ങനെ?

വീഞ്ഞിന്റെ അമിത​മായ കുടി ഒരുവനെ അപഹാ​സ്യ​വും പ്രക്ഷു​ബ്ധ​വു​മായ വിധത്തിൽ പ്രവർത്തി​ക്കാ​നി​ട​യാ​ക്കു​ന്നു. അമിത​മായ കുടി അത്തരം ചീത്തഫ​ലങ്ങൾ ഉളവാ​ക്കു​ന്ന​തു​കൊണ്ട്‌ ക്രിസ്‌ത്യാ​നി​കൾ അത്‌ ഒഴിവാ​ക്കണം.—1 തിമൊ​ഥെ​യോസ്‌ 3:2, 3, 8; 1 കൊരി​ന്ത്യർ 6:9, 10; സദൃശ​വാ​ക്യ​ങ്ങൾ 23:20, 21.

◆ 23:27—ഒരു വേശ്യാ​സ്‌ത്രീ ഒരു “കുഴി”യും ഒരു “കിണറും” ആയിരി​ക്കു​ന്നത്‌ എങ്ങനെ?

വേട്ടക്കാർ കുഴിച്ച ‘ആഴമുള്ള കുഴി​കളി’ൽ മൃഗങ്ങൾ പിടി​ക്ക​പ്പെട്ടു, അതു​പോ​ലെ ഒരു വേശ്യാ​സ്‌ത്രീ​യു​ടെ പററു​മാ​ന​ക്കാർ ദുർമ്മാർഗ്ഗ​ത്തിൽ കുടു​ക്ക​പ്പെ​ടു​ന്നു. “ഒരു വിദേശ സ്‌ത്രീ” ഒരു വേശ്യയെ സൂചി​പ്പി​ക്കു​ന്നു, നിസ്സം​ശ​യ​മാ​യി യിസ്രാ​യേ​ലി​ലെ മിക്ക വേശ്യ​മാ​രും പരദേ​ശി​ക​ളാ​യി​രു​ന്നു. “ഇടുക്ക​മുള്ള കിണററി”ൽനിന്നും വെള്ളം കോരു​ന്നത്‌ പ്രയാ​സ​മുള്ള സംഗതി​യാണ്‌ കാരണം മൺഭര​ണി​കൾ വശങ്ങളിൽ തട്ടി നിഷ്‌പ്ര​യാ​സം ഉടയും. അതു​പോ​ലെ, വേശ്യ​മാ​രു​മാ​യി ഇടപെ​ടു​ന്നവർ വൈകാ​രി​ക​വും ശാരീ​രി​ക​വു​മായ അത്യാ​ഹി​തം അനുഭ​വി​ച്ചേ​ക്കാം.—സദൃശ​വാ​ക്യ​ങ്ങൾ 7:21-27.

നമുക്കു​വേ​ണ്ടി​യുള്ള പാഠം: “ഒരു കള്ളസാക്ഷി” ദൈവ​ത്തോ​ടു അനാദ​രവു കാണി​ക്കു​ന്നു; ന്യായ​പ്ര​മാണ പ്രകാരം മരണത്തി​നേ​ല്‌പ്പി​ക്ക​പ്പെ​ടാ​വു​ന്ന​താണ്‌. അപ്രകാ​രം മനുഷ്യ​രു​ടെ​യോ യഹോ​വ​യു​ടെ​യോ കൈക​ളാൽ അവന്‌ “പട്ടു​പോ​കാൻ” കഴിയും. (സദൃശ​വാ​ക്യ​ങ്ങൾ 21:28; ആവർത്തനം 5:20; 19:16-21; പ്രവൃ​ത്തി​കൾ 5:1-11 താരത​മ്യ​പ്പെ​ടു​ത്തുക) എന്നാൽ ശ്രദ്ധ​യോ​ടെ “കേൾക്കുന്ന മനുഷ്യൻ” അവൻ കേട്ട​തെ​ന്തെന്നു നിശ്ചയം വരുത്തി​യ​ശേഷം മാത്രം സംസാ​രി​ച്ചു. പിന്നീടു വ്യാജ​മാ​യി നിരസി​ക്ക​പ്പെ​ടാ​തെ അവന്റെ സാക്ഷ്യം “എന്നേക്കും” നിന്നു. കൂടാതെ, അവൻ ഒരു കള്ളസാ​ക്ഷി​യാ​യി വധിക്ക​പ്പെ​ട്ടില്ല. യഹോ​വ​യു​ടെ സാക്ഷി​ക​ളു​ടെ​യി​ട​യി​ലെ നീതി​ന്യാ​യ വിചാ​ര​ണ​ക​ളിൽ സാക്ഷി​ക​ളാ​കു​ന്നവർ ശരിയായ വിവരങ്ങൾ നൽകു​വാൻ കഴിയ​ത്ത​ക്ക​വണ്ണം സൂക്ഷ്‌മ​മാ​യി കേട്ടി​ട്ടു​ള്ള​വ​രാ​യി​രി​ക്കണം, കൃത്യ​മ​ല്ലാ​ത്ത​തോ വ്യാജ​സാ​ക്ഷ്യ​മോ ആത്മീയ​മാ​യി വിപത്തു​ണ്ടാ​ക്കാൻ കഴിയു​ന്ന​വ​യാണ്‌.

പ്രയോ​ജ​ന​ക​ര​മായ താരത​മ്യ​ങ്ങൾ

സദൃശ​വാ​ക്യ​ങ്ങൾ 25:1:29:27 വായി​ക്കുക: ഹെസക്കി​യാ രാജാ​വി​ന്റെ പുരു​ഷൻമാ​രാൽ പകർത്ത​പ്പെട്ട ശലോ​മോ​ന്റെ സദൃശ​വാ​ക്യ​ങ്ങൾ അധിക​വും താരത​മ്യ​ങ്ങൾ കൊണ്ടു പഠിപ്പി​ക്കു​ന്നു. മററു കാര്യ​ങ്ങ​ളിൽ, യഹോ​വ​യി​ലുള്ള ആശ്രയം പ്രോ​ത്സാ​ഹി​പ്പി​ക്കു​ന്നു.

◆ 26:6—‘ഒരുവന്റെ കാല്‌ മുറി​ക്കുന്ന’തിനോ​ടു താരത​മ്യം ചെയ്‌തി​രി​ക്കു​ന്ന​തെ​ന്തു​കൊണ്ട്‌?

തന്റെ കാല്‌ മുറി​ക്കുന്ന ഒരു വ്യക്തി തന്നെത്തന്നെ മുടന്ത​നാ​ക്കു​ന്ന​തു​പോ​ലെ, “മൂഢനായ ഒരുവ”നെ കൂലിക്കു നിറു​ത്തു​ന്നവൻ തന്റെ സ്വന്തം താല്‌പ​ര്യ​ത്തി​നു മുടന്തു​വ​രു​ത്തുന്ന ദ്രോഹം ചെയ്യുന്നു. ഒരു മൂഢനെ ഭരമേൽല്‌പി​ക്കുന്ന ഒരു പദ്ധതി പരാജ​യ​പ്പെ​ടും. അപ്പോൾ, സഭാപ​ര​മായ ചുമത​ല​കൾക്കു​വേണ്ടി പുരു​ഷൻമാ​രെ ശുപാർശ ചെയ്യു​ന്ന​തി​നു മുമ്പ്‌ “അവരെ യോഗ്യ​ത​ക്കു​വേണ്ടി പരി​ശോ​ധി​ക്കു​ന്നത്‌” എത്ര ബുദ്ധി​യാണ്‌!—1 തിമൊ​ഥെ​യോസ്‌ 3:10.

◆ 27:17—ഒരു മുഖത്തിന്‌ “മൂർച്ച​കൂ​ടു​ന്നത്‌” എങ്ങനെ​യാണ്‌?

ഒരു കത്തിക്ക്‌ മൂർച്ച​കൂ​ട്ടാൻ അതേതരം ഇരിമ്പു​ക​ഷണം ഉപയോ​ഗി​ക്കാ​വു​ന്ന​തു​പോ​ലെ, ഒരു വ്യക്തിക്കു മറെറാ​രാ​ളു​ടെ ബുദ്ധി​പ​ര​വും ആത്മീയ​വു​മായ അവസ്ഥക്കു മൂർച്ച​കൂ​ട്ടു​ന്ന​തിൽ വിജയി​ക്കാൻ കഴി​ഞ്ഞേ​ക്കും. നിരാ​ശ​ക​ളും ഹിതക​ര​മ​ല്ലാത്ത ചില വ്യക്തി​ക​ളു​മാ​യുള്ള സമ്പർക്ക​വും നമ്മെ നൈരാ​ശ്യ​പ്പെ​ടു​ത്തു​ന്നെ​ങ്കിൽ, ഒരു സഹവി​ശ്വാ​സി​യു​ടെ അനുക​മ്പ​യുള്ള നോട്ട​വും തിരു​വെ​ഴു​ത്തു​പ​ര​മായ പ്രോ​ത്സാ​ഹ​ന​വും വളരെ ഉന്നമി​പ്പി​ക്കു​ന്ന​താ​യി​രി​ക്കാൻ കഴിയും. നമ്മുടെ ദുഃഖ മനോ​ഭാ​വം നല്ലതി​നു​വേണ്ടി മാറു​ക​യും ഊർജ്ജിത പ്രവർത്ത​ന​ത്തി​നു​വേണ്ടി നവ പ്രത്യാ​ശ​യാൽ നാം സജീവ​മാ​ക്ക​പ്പെ​ടു​ക​യും ചെയ്യുന്നു.—സദൃശ​വാ​ക്യ​ങ്ങൾ 13:12.

◆ 28:5—“സകലവും” എന്നതിൽ എന്തുൾപ്പെ​ടു​ന്നു?

തിൻമ​യാ​യതു ചെയ്യു​ന്നവർ ആത്മീയ​മാ​യി അന്ധരാ​കു​ന്നു. (സദൃശ​വാ​ക്യ​ങ്ങൾ 4:14-17; 2 കൊരി​ന്ത്യർ 4:4) അവർ “ന്യായ​വി​ധി അറിയു​ന്നില്ല.” അഥവാ ദൈവ​ത്തി​ന്റെ മാനദ​ണ്ഡ​ങ്ങൾക്ക​നു​സ​രിച്ച്‌ ശരി എന്തെന്നു അറിയു​ന്നില്ല. അപ്രകാ​രം അവർക്കു വസ്‌തു​തകൾ ശരിയാ​യി ന്യായം​വി​ധി​ക്കു​ന്ന​തി​നും ഉചിത​മായ തീരു​മാ​നങ്ങൾ ചെയ്യു​ന്ന​തി​നും സാദ്ധ്യമല്ല. എന്നാൽ പ്രാർത്ഥ​ന​യാ​ലും അവന്റെ വചനം പഠിക്കു​ന്ന​തി​നാ​ലും “യഹോ​വയെ അന്വേ​ഷി​ക്കുന്ന”വർ അവനെ അംഗീ​കാ​ര​യോ​ഗ്യ​മാ​യി സേവി​ക്കു​ന്ന​തി​നാ​വ​ശ്യ​മായ “സകലവും ഗ്രഹി​ക്കു​ന്നു.”—എഫേസ്യർ 5:15-17.

◆ 29:8—പൊങ്ങച്ചം പറയു​ന്നവർ “ഒരു പട്ടണത്തി​നു തീ ആളിക്ക​ത്തി​ക്കു​ന്നത്‌” എങ്ങനെ?

അധികാ​രത്തെ അപമാ​നി​ക്കുന്ന പൊങ്ങ​ച്ച​ക്കാർ ഉദ്ധതമാ​യി സംസാ​രി​ക്കു​ന്നു. അവർ അപ്രകാ​രം തർക്കത്തി​ന്റെ അഗ്നിയിൽ എണ്ണ ഒഴിക്ക​യും മുഴു പട്ടണവാ​സി​ക​ളും ആളിക്ക​ത്ത​ത്ത​ക്ക​വണ്ണം അഗ്നിജ്വ​ലി​പ്പി​ക്ക​യും ചെയ്യുന്നു. എന്നാൽ ജ്ഞാനികൾ “ക്രോധം ശമിപ്പി​ക്കു​ന്നു,” മൃദു​വാ​യും വിവേ​ക​പൂർവ്വ​വും സംസാ​രി​ച്ചു​കൊണ്ട്‌ ക്രോ​ധാ​ഗ്നി ശമിപ്പി​ക്ക​യും സമാധാ​നം വർദ്ധി​പ്പി​ക്ക​യും ചെയ്യുന്നു.—സദൃശ​വാ​ക്യ​ങ്ങൾ 15:1.

നമുക്കു​വേ​ണ്ടി​യുള്ള പാഠം: നാം അഹങ്കാ​ര​മു​ള്ള​വ​രാ​ണെ​ങ്കിൽ, നമ്മെ താഴ്‌ത്തു​ന്ന​തിൽ ധാർഷ്ട്യം ഉളവാ​കും. (സദൃശ​വാ​ക്യ​ങ്ങൾ 29:23) ഗർവ്വേ​റിയ ഒരു വ്യക്തി തോന്ന്യാ​സ​ക്കാ​ര​നാ​കു​ന്ന​തി​നും അത്‌ അപമാ​ന​ത്തി​ലേ​ക്കും, ഇടർച്ച​യി​ലേ​ക്കും, ഒരു തകർച്ച​യി​ലേ​ക്കും വഴിന​ട​ത്തു​ന്ന​തി​നും സാദ്ധ്യ​ത​യുണ്ട്‌. (സദൃശ​വാ​ക്യ​ങ്ങൾ 11:2; 16:18; 18:12) അഹങ്കാ​രി​യായ ഒരാൾ താഴ്‌ത്ത​പ്പെ​ടു​ക​യും, ഏതെങ്കി​ലും വിധത്തിൽ താണയ​വ​സ്ഥ​യി​ലാ​ക്ക​പ്പെ​ടു​ക​യും, ഒരുപക്ഷേ നാശത്തി​ന്റെ കുറി​വരെ കൊണ്ടു​വ​ര​പ്പെ​ടു​ക​യും ചെയ്യു​ന്നത്‌ ദൈവം കണ്ടു​കൊ​ള്ളും. അപ്രകാ​ര​മുള്ള ഒരു മുനു​ഷ്യൻ മഹത്വം കാംക്ഷി​ക്കു​ന്നു, എന്നാൽ ആളുകൾ അവന്റെ വഴികൾ വെറു​ക്ക​ത്ത​ക്ക​താ​യി കണ്ടെത്തു​ന്നു. എങ്കിലും “ആത്മാവിൽ എളിയവൻ [ഒടുവിൽ] മഹത്വം പിടി​ച്ചു​കൊ​ള്ളും.”

‘ഘനമേ​റിയ ദൂതുകൾ’

സദൃശ​വാ​ക്യ​ങ്ങൾ 30:1-31:31 വായി​ക്കുക: ആഗൂരി​ന്റെ “ഘനമേ​റിയ ദൂതുകൾ,” “ദൈവ​ത്തി​ന്റെ സകല മൊഴി​ക​ളും ശുദ്ധി​ചെ​യ്‌ത​താ​കു​ന്നു” എന്നു അംഗീ​ക​രി​ക്കു​ന്നു. സമ്പൂർണ്ണ​മാ​യി ഗ്രഹി​ക്കു​വാൻ അത്ഭുതാ​വ​ഹ​മായ കാര്യ​ങ്ങ​ളും മററും ഉദ്ധരി​ക്കു​ന്നു. (30:1-33) ലെമൂ​വേൽ തന്റെ അമ്മയിൽനി​ന്നും സ്വീക​രിച്ച “ഘനമേ​റിയ ദൂത്‌” ലഹരി​പ​ദാർത്ഥങ്ങൾ കുടി​ക്കു​ന്നതു ന്യായ​വി​ധി​യെ കോട്ടി​ക്ക​ള​യാൻ ഇടയാ​ക്കു​മെന്നു മുന്നറി​യി​പ്പു നൽകുന്നു, നീതി​യാ​യി ന്യായം​വി​ധി​ക്കാൻ ഒരുവനെ പ്രേരി​പ്പി​ക്കു​ന്നു, ഒരു നല്ല ഭാര്യയെ വർണ്ണി​ക്കു​ന്നു.—31:1-31.

◆ 30:15, 16—ഈ ഉദാഹ​ര​ണ​ങ്ങ​ളു​ടെ കേന്ദ്രാ​ശയം എന്താണ്‌?

അത്യാ​ഗ്ര​ഹ​ത്തി​ന്റെ തൃപ്‌തി​പ്പെ​ടു​ത്താൻ സാദ്ധ്യ​ത​യി​ല്ലാ​യ്‌മയെ ദൃഷ്ടാ​ന്തീ​ക​രി​ക്കു​ന്നു. അട്ടകൾ മതിവ​രാ​തെ രക്തം കുടി​ക്കു​ന്ന​തു​പോ​ലെ അത്യാ​ഗ്ര​ഹി​കൾ എപ്പോ​ഴും കൂടുതൽ പണത്തി​നും അധികാ​ര​ത്തി​നും​വേണ്ടി ആവശ്യ​പ്പെ​ടു​ന്നു. അതു​പോ​ലെ ഷീയോ​ളി​നു ഒരിക്ക​ലും തൃപ്‌തി വരുന്നില്ല. എന്നാൽ മരണത്തി​ന്റെ കൂടുതൽ ഇരകളെ സ്വീക​രി​ക്കാൻ തുറന്നു​കി​ട​ക്കു​ന്നു. ഒരു വന്ധ്യയു​ടെ ഗർഭപാ​ത്രം കുട്ടി​കൾക്കു​വേണ്ടി ‘നിലവി​ളി​ക്കു​ന്നു.’ (ഉല്‌പത്തി 30:1) വരൾച്ച ബാധിച്ച ഭൂമി മഴവെള്ളം കുടി​ക്കു​ക​യും വീണ്ടും വേഗം ഉണങ്ങി​യ​താ​യി പ്രത്യ​ക്ഷ​പ്പെ​ടു​ക​യും ചെയ്യുന്നു. ഒരു അഗ്നിയി​ലേക്കു ഇടുന്ന വസ്‌തു​ക്കൾ ദഹിപ്പി​ക്കു​ക​യും ജ്വാലകൾ നീട്ടി എത്തു​പെ​ടാ​വുന്ന ദഹന വസ്‌തു​ക്കൾ നക്കി​യെ​ടു​ക്കു​ക​യും ചെയ്യുന്നു. അത്യാ​ഗ്ര​ഹി​കളേ സംബന്ധി​ച്ചും അപ്രകാ​രം തന്നെയാണ്‌. എന്നാൽ ദൈവീ​ക​ജ്ഞാ​ന​ത്താൽ വഴിന​ട​ത്ത​പ്പെ​ടു​ന്നവർ അത്തരം സ്വാർത്ഥ​ത​യാൽ അനന്തമാ​യി പ്രേരി​ത​രാ​ക്ക​പ്പെ​ടു​ക​യില്ല.

◆ 31:6, 7—“ദേഹിക്കു വ്യസനം” ഉള്ളവർക്ക്‌ വീഞ്ഞു​കൊ​ടു​ക്കു​ന്നത്‌ എന്തു​കൊണ്ട്‌?

ലഹരി​യുള്ള മദ്യവും വീഞ്ഞും ശമനൗ​ഷ​ധ​ങ്ങ​ളാണ്‌. അതു​കൊണ്ട്‌, അവ “പട്ടു​പോ​കാ​റാ​യി​രി​ക്കുന്ന ഒരുവന്‌” അഥവാ മരിക്കാ​റാ​യ​വന്‌ അല്ലെങ്കിൽ ‘ദേഹിക്കു വ്യസന​മു​ള്ള​വർക്കു’ അവരുടെ വേദന​യേ​യും ദുസഹാ​വ​സ്ഥ​യേ​യും കുറിച്ചു ബോധം കുറക്കു​ന്ന​തി​നു കൊടു​ക്ക​പ്പെ​ടും. തൂക്കി​ക്കൊ​ല്ലു​മ്പോ​ഴുള്ള വേദന കെടു​ത്തു​ന്ന​തിന്‌ കുററ​വാ​ളി​കൾക്കു മയക്കു​മ​രു​ന്നു കലക്കിയ വീഞ്ഞു കൊടു​ക്കുന്ന പുരാതന ആചാരം, റോമാ​പ​ട​യാ​ളി​കൾ യേശു​വി​നു ദണ്ഡനസ്‌തം​ഭ​ത്തി​ലാ​യി​രു​ന്ന​പ്പോൾ വീഞ്ഞു​കൊ​ടു​ത്ത​തെ​ന്തു​കൊ​ണ്ടെന്നു വിശദീ​ക​രി​ക്കു​ന്നു. യേശു അപ്രകാ​ര​മുള്ള വീഞ്ഞു നിരസി​ച്ചു, കാരണം തന്റെ ആ പരി​ശോ​ധ​നാ​സ​മയം അവന്റെ മുഴു പ്രാപ്‌തി​ക​ളും ഉണ്ടായി​രി​ക്കു​ന്ന​തി​നും അങ്ങനെ ദൈവ​ത്തോ​ടു നിർമ്മലത പാലി​ക്കു​ന്ന​തി​നും അവൻ ആഗ്രഹി​ച്ചു.—മർക്കോസ്‌ 15:22-24.

◆ 31:15—ഈ “യുവസ്‌ത്രീ​കൾ” ആരാണ്‌?

വീട്ടു​വേ​ല​ക്കാ​ര​ത്തി​ക​ളെ​യാണ്‌ ഇവിടെ അർത്ഥമാ​ക്കു​ന്നത്‌. ഭക്ഷണത്തി​ന്റെ​യോ അല്ലെങ്കിൽ നിയമി​ത​വേ​ല​യു​ടെ​യോ കുറവു​കൊണ്ട്‌ പരാതി​ക്കു അവർക്കു യാതൊ​രു കാരണ​വു​മി​ല്ലാ​യി​രു​ന്നു. പ്രയത്‌ന​ശീ​ല​മുള്ള ഭാര്യ അവളുടെ വീട്ടു​കാർക്കു ഭക്ഷണം കൊടു​ക്കു​ക​യും ഈ സ്‌ത്രീ​കൾക്കു ഭക്ഷിപ്പാ​നും ജോലി​ചെ​യ്യാ​നും ഉണ്ടെന്നു കാണു​ക​യും ചെയ്‌തു.

നമുക്കു​വേ​ണ്ടി​യുള്ള പാഠം: അപൂർണ്ണ​രാ​യി​രി​ക്കു​ന്ന​തി​നാൽ ചില​പ്പോൾ നാം സ്വയോ​ന്ന​തി​ക്കു ശ്രമം ചെയ്‌തു​കൊണ്ട്‌ “നമ്മെത്തന്നെ ഉയർത്തി”യേക്കാം. നാം അതോ അല്ലെങ്കിൽ ക്രോ​ധ​ത്തോ​ടെ സംസാ​രി​ക്ക​യോ ചെയ്യു​ന്നെ​ങ്കിൽ, നാം മുറി​പ്പെ​ടു​ത്തിയ ആളിനെ കൂടുതൽ പ്രകോ​പി​പ്പി​ക്കുന്ന വാക്കുകൾ പറയാതെ “കൈ​കൊണ്ട്‌ വായ്‌ പൊത്തണം” വെണ്ണയു​ണ്ടാ​ക്കു​ന്ന​തി​നു പാൽ കടയണം, മൂക്കിൽ രക്തം വരുന്ന​തി​നു സാധാ​ര​ണ​യാ​യി മൂക്കു​ഞെക്കി പിഴി​യണം, ആളുകൾ ക്രോ​ധ​ത്തി​നു കടിഞ്ഞാൺ അഴിച്ചു​വി​ടു​മ്പോൾ വഴക്കു​ണ്ടാ​കു​ന്നു. (സദൃശ​വാ​ക്യ​ങ്ങൾ 30:32, 33) ഇപ്രകാ​ര​മുള്ള സന്ദർഭ​ങ്ങ​ളിൽ, മൗനമാ​യി​രി​ക്ക​യും കൂടുതൽ കുഴപ്പങ്ങൾ തടയു​ക​യും ചെയ്യു​ന്നത്‌ എത്ര ബുദ്ധി​യാ​യി​രി​ക്കും!

സദൃശ​വാ​ക്യ​ങ്ങ​ളു​ടെ പുസ്‌ത​ക​ത്തിൽനിന്ന്‌ നമുക്കു എന്തു പ്രയോ​ജ​നങ്ങൾ നേടാൻ കഴിയും! യഹോ​വ​യോട്‌ ആദര​വോ​ടെ​യുള്ള ഭയം വർദ്ധി​പ്പി​ക്കുന്ന ഈ ജ്ഞാന​മൊ​ഴി​കൾ നമുക്കു ഹൃദയ​ത്തിൽ കുടി​വെ​ക്കാം. അവയെ ബാധക​മാ​ക്കു​ന്നത്‌ നിശ്ചയ​മാ​യും നമ്മെ സന്തുഷ്ട​രാ​ക്കും. (w87 5/15)