ചർച്ച ചെയ്യേ​ണ്ട​തി​ന്റെ കാരണം

“ഇരിമ്പു ഇരിമ്പി​ന്നു മൂർച്ച​കൂ​ട്ടു​ന്നു; മനുഷ്യൻ മനുഷ്യ​ന്നു മൂർച്ച​കൂ​ട്ടു​ന്നു.”—സദൃശ​വാ​ക്യ​ങ്ങൾ 27:17, ബൈബിൾ.

കത്തികൾ തമ്മിൽ കൂട്ടി​യ​ടി​ച്ചല്ല അവയ്‌ക്കു സാധാരണ മൂർച്ച​വ​രു​ത്തു​ന്നത്‌. മൂർച്ച​വ​രു​ത്തൽ കുറച്ചു​കൂ​ടെ മൃദു​വായ ഒരു പ്രക്രി​യ​യാണ്‌. സമാന​മാ​യി, സംഭാ​ഷ​ണ​ങ്ങ​ളി​ലൂ​ടെ മനസ്സിനു മൂർച്ച വരുത്തു​ന്ന​തി​നുള്ള ശരിയായ വിധങ്ങ​ളും തെറ്റായ വിധങ്ങ​ളും ഉണ്ട്‌—പ്രത്യേ​കി​ച്ചും മതം പോലുള്ള ശ്രദ്ധിച്ചു കൈകാ​ര്യം ചെയ്യേണ്ട വിഷയ​ങ്ങ​ളിൽ.

ആദ്യമാ​യി, നാം മറ്റേ വ്യക്തി​യു​ടെ മാന്യ​തയെ ആദരി​ക്കു​ക​യും നമ്മുടെ വാക്കു​ക​ളി​ലൂ​ടെ​യും പെരു​മാ​റ്റ​ത്തി​ലൂ​ടെ​യും അതു പ്രകട​മാ​ക്കു​ക​യും വേണം. “നിങ്ങളു​ടെ വാക്കു എപ്പോ​ഴും കൃപ​യോ​ടു​കൂ​ടി​യ​തും ഉപ്പിനാൽ രുചി​വ​രു​ത്തി​യ​തും ആയിരി​ക്കട്ടെ” എന്നു ബൈബിൾ പറയുന്നു. (കൊ​ലൊ​സ്സ്യർ 4:6) കൃപ​യോ​ടു​കൂ​ടിയ, രുചി​വ​രു​ത്തിയ സംസാരം അടിച്ച​മർത്ത​ലി​ന്റെ ധ്വനി കലർന്നത്‌ ആയിരി​ക്കു​ക​യില്ല. തന്റെ ഭാഗം ശരിയാ​ണെ​ന്നും മറ്റേ വ്യക്തി പറയു​ന്നതു തെറ്റാ​ണെ​ന്നും സംസാ​രി​ക്കുന്ന വ്യക്തിക്കു ബോധ്യ​മു​ള്ള​പ്പോ​ഴും അതു വാസ്‌ത​വ​മാ​യി​രി​ക്കും.

നാം ശ്രദ്ധി​ക്കുന്ന വിധത്തി​ലും കൃപ പ്രകട​മാ​കു​ന്നു. മറ്റേ ആളുടെ സംസാ​ര​ത്തി​നു ഭംഗം വരുത്തു​ക​യോ അടുത്ത വാദമു​ഖത്തെ കുറിച്ചു മനസ്സിൽ കണക്കു​കൂ​ട്ട​ലു​കൾ നടത്തു​ക​യോ ചെയ്യു​ന്ന​പക്ഷം നാം കൃപ​യോ​ടു​കൂ​ടി ശ്രദ്ധി​ക്കുക ആയിരി​ക്കില്ല. സംസാ​രി​ക്കുന്ന ആളുടെ വീക്ഷണ​ങ്ങ​ളിൽ നമുക്കുള്ള താത്‌പ​ര്യ​ക്കു​റവ്‌ സാധ്യ​ത​യ​നു​സ​രിച്ച്‌ അയാൾ പെട്ടെന്നു മനസ്സി​ലാ​ക്കും. അതോടെ അയാൾ സംഭാ​ഷണം അവസാ​നി​പ്പി​ച്ചേ​ക്കാം. മറ്റേ ആളുടെ വീക്ഷണ​ങ്ങൾക്കു മാറ്റം വരുത്താൻ നാം ഒരിക്ക​ലും അയാളെ നിർബ​ന്ധി​ക്കു​ക​യോ ഭീഷണി​പ്പെ​ടു​ത്തു​ക​യോ ചെയ്യരുത്‌. അനുകൂ​ല​മാ​യി പ്രതി​ക​രി​ക്കുന്ന ഒരാളു​ടെ ഹൃദയ​ത്തിൽ ‘ദൈവ​മാ​ണ​ല്ലോ [സത്യത്തി​ന്റെ വിത്തു] വളരു​മാ​റാ​ക്കു​ന്നത്‌.’—1 കൊരി​ന്ത്യർ 3:6.

ശുശ്രൂ​ഷ​യിൽ “ന്യായ​വാദ”വും “പ്രേരണ”യും ഉപയോ​ഗിച്ച പൗലൊസ്‌ അപ്പൊ​സ്‌തലൻ നമുക്ക്‌ ഒരു മുന്തിയ ദൃഷ്ടാ​ന്ത​മാണ്‌. (പ്രവൃ​ത്തി​കൾ 17:17; 28:23, 24, NW) ആളുകളെ കണ്ടുമു​ട്ടു​ന്നി​ട​ത്തെ​ല്ലാം—ചന്തസ്ഥല​ത്തും വീടു​ക​ളി​ലു​മൊ​ക്കെ—പൗലൊസ്‌ അവരു​മാ​യി മതകാ​ര്യ​ങ്ങൾ ചർച്ച ചെയ്‌തു. (പ്രവൃ​ത്തി​കൾ 17:2, 3; 20:20) ആളുകളെ കണ്ടുമു​ട്ടാ​വു​ന്നി​ട​ത്തെ​ല്ലാം ചെന്ന്‌ അവരു​മാ​യി തിരു​വെ​ഴു​ത്തു​ക​ളിൽ നിന്നു ന്യായ​വാ​ദം ചെയ്‌തു​കൊണ്ട്‌ ആ മാതൃക പിൻപ​റ്റാൻ യഹോ​വ​യു​ടെ സാക്ഷികൾ കിണഞ്ഞു പരി​ശ്ര​മി​ക്കു​ന്നു.

തെറ്റി​ദ്ധാ​ര​ണകൾ അകറ്റുക

ഇസ്രാ​യേൽ ജനത വാഗ്‌ദത്ത ദേശത്തു താമസ​മാ​ക്കി​യതേ ഉണ്ടായി​രു​ന്നു​ള്ളൂ. അങ്ങനെ​യി​രി​ക്കെ, ഒരു യാഗപീ​ഠം സംബന്ധിച്ച തെറ്റി​ദ്ധാ​രണ ആഭ്യന്തര യുദ്ധത്തി​നു തിരി​കൊ​ളു​ത്തു​മെ​ന്നാ​യി. യോർദാൻ നദിയു​ടെ കിഴക്കു താമസി​ച്ചി​രുന്ന ജനം ഒരു യാഗപീ​ഠം പണിതു. എന്നാൽ, അതു വ്യാജ ആരാധ​ന​യ്‌ക്കുള്ള യാഗപീ​ഠ​മാണ്‌ എന്നു മറ്റു ഗോ​ത്ര​ക്കാർ തെറ്റി​ദ്ധ​രി​ച്ചു. തന്മൂലം, തങ്ങളുടെ സഹോ​ദ​ര​ങ്ങളെ ശിക്ഷി​ക്കു​ന്ന​തിന്‌ അവർ ഒരു സൈനിക നീക്കത്തിന്‌ ഒരുങ്ങി. എങ്കിലും ബുദ്ധി​കൂർമത ഫലം ചെയ്‌തു. യാഗപീ​ഠം പണിത​തി​ന്റെ കാരണം ആരായാൻ യുദ്ധത്തിന്‌ ഒരുങ്ങി​യവർ ആദ്യം പ്രതി​നി​ധി​ക​ളു​ടെ ഒരു സംഘത്തെ അയച്ചു. യഹോ​വ​യാം ദൈവ​ത്തി​നു മുമ്പാകെ തങ്ങൾക്കുള്ള ഐക്യത്തെ കുറിച്ചു സകല ഗോ​ത്ര​ക്കാ​രെ​യും അനുസ്‌മ​രി​പ്പി​ക്കുന്ന ഒരു സ്‌മാ​രകം—‘ഒരു സാക്ഷ്യം’—മാത്ര​മാ​യി​രു​ന്നു അത്‌ എന്നു മനസ്സി​ലാ​ക്കി​യ​പ്പോൾ അവർക്കു വലിയ ആശ്വാ​സ​മാ​യി. കാര്യങ്ങൾ തുറന്നു സംസാ​രി​ച്ച​തു​കൊണ്ട്‌ ഒരു യുദ്ധം ഒഴിവാ​യി, അതു​പോ​ലെ​തന്നെ രക്തപാ​ത​ക​വും!—യോശുവ 22:9-34.

ഇന്നും ഒട്ടുമി​ക്ക​പ്പോ​ഴും തെറ്റി​ദ്ധാ​ര​ണകൾ ഇഷ്ടക്കേ​ടി​നും മുൻവി​ധി​ക്കും പോലും വഴിമ​രു​ന്നി​ടു​ന്നു. ഉദാഹ​ര​ണ​ത്തിന്‌, യഹോ​വ​യു​ടെ സാക്ഷികൾ രക്തപ്പകർച്ച​യ്‌ക്കു വിസമ്മ​തി​ക്കു​ന്നതു സംബന്ധി​ച്ചുള്ള റിപ്പോർട്ടു​കൾ മൂലം ചിലർ അവരെ മതഭ്രാ​ന്ത​രാ​യി വീക്ഷി​ച്ചി​രി​ക്കു​ന്നു. എന്നാൽ, അതു സംബന്ധി​ച്ചു സാക്ഷി​ക​ളോ​ടു വ്യക്തി​പ​ര​മാ​യി ചോദി​ച്ച​റി​യു​ന്നവർ തങ്ങളെ ആശ്ചര്യ​ഭ​രി​ത​രാ​ക്കുന്ന വിവര​ങ്ങ​ളാ​ണു മനസ്സി​ലാ​ക്കു​ന്നത്‌. സാക്ഷി​ക​ളു​ടേത്‌ ബൈബിൾ അധിഷ്‌ഠി​ത​മായ നിലപാ​ടാ​ണെ​ന്നും സുരക്ഷി​ത​വും ഫലപ്ര​ദ​വു​മായ പകര ചികി​ത്സാ​രീ​തി​കൾ ഉണ്ടെന്നും അവർ മനസ്സി​ലാ​ക്കു​ന്നു. (ലേവ്യ​പു​സ്‌തകം 17:13, 14; പ്രവൃ​ത്തി​കൾ 15:28, 29) വാസ്‌ത​വ​ത്തിൽ, രക്ഷ വിതര​ണ​വു​മാ​യി ബന്ധപ്പെട്ട പ്രശ്‌നങ്ങൾ നിമിത്തം ഒരു കോള​മെ​ഴു​ത്തു​കാ​രൻ ഇങ്ങനെ എഴുതി: “രക്തത്തിനു പകരമുള്ള പദാർഥങ്ങൾ കണ്ടെത്തു​ന്ന​തിൽ യഹോ​വ​യു​ടെ സാക്ഷികൾ മുന്നണി​പ്ര​വർത്തനം നടത്തു​ന്ന​തി​നു ദൈവ​ത്തി​നു നന്ദി.”

അതു​പോ​ലെ, യഹോ​വ​യു​ടെ സാക്ഷികൾ യേശു​ക്രി​സ്‌തു​വിൽ വിശ്വ​സി​ക്കു​ന്നില്ല എന്നു പറഞ്ഞു​കേ​ട്ട​തു​കൊ​ണ്ടു ചിലർ സാക്ഷി​ക​ളോ​ടു സംസാ​രി​ക്കാൻ വിസമ്മ​തി​ക്കു​ന്നു. അത്‌ എത്ര വ്യാജ​മാണ്‌! ഒരുവൻ രക്ഷ പ്രാപി​ക്കു​ന്ന​തിൽ യേശു വഹിക്കുന്ന പങ്കിനെ കുറിച്ചു സാക്ഷികൾ ഊന്നി​പ്പ​റ​യു​ന്നു എന്നതാണു വാസ്‌തവം. പാപത്തിൽ നിന്നും മരണത്തിൽ നിന്നും മനുഷ്യ​വർഗത്തെ മോചി​പ്പി​ക്കാൻ ദൈവം ഭൂമി​യി​ലേക്ക്‌ അയച്ച തന്റെ പുത്ര​നാണ്‌ യേശു എന്ന്‌ സാക്ഷികൾ വിശദീ​ക​രി​ക്കു​ന്നു. പ്രസ്‌തുത വിഷയത്തെ കുറിച്ചു സാക്ഷി​ക​ളു​മാ​യി സംസാ​രി​ച്ചു​കൊണ്ട്‌ തെറ്റി​ദ്ധാ​ര​ണകൾ നീക്കാൻ ആളുകൾക്കു സാധി​ച്ചി​രി​ക്കു​ന്നു.—മത്തായി 16:16; 20:28; യോഹ​ന്നാൻ 3:16; 14:28; 1 യോഹ​ന്നാൻ 4:15.

സത്യം—ജനപ്രീ​തി ഉള്ളതോ ഇല്ലാത്ത​തോ?

മതത്തോ​ടുള്ള ബന്ധത്തിൽ പലരെ​യും അതിശ​യി​പ്പി​ക്കുന്ന ഒരു സംഗതി​യുണ്ട്‌—ജനപ്രീ​തി ഉള്ള മാർഗം പൊതു​വെ തെറ്റാ​ണെന്നു തെളി​യു​ന്നു. യേശു​ക്രി​സ്‌തു​ത​ന്നെ​യും ഇങ്ങനെ പഠിപ്പി​ച്ചു: “ഇടുക്കു​വാ​തി​ലൂ​ടെ അകത്തു കടപ്പിൻ; നാശത്തി​ലേക്കു പോകുന്ന വാതിൽ വീതി​യു​ള്ള​തും വഴി വിശാ​ല​വും അതിൽകൂ​ടി കടക്കു​ന്നവർ അനേക​രും ആകുന്നു. ജീവങ്ക​ലേക്കു പോകുന്ന വാതിൽ ഇടുക്ക​വും വഴി ഞെരു​ക്ക​വു​മു​ള്ളതു; അതു കണ്ടെത്തു​ന്നവർ ചുരു​ക്ക​മ​ത്രേ.”—മത്തായി 7:13, 14.

നോഹ​യു​ടെ കാലത്ത്‌ എട്ടു പേർ മാത്രമേ ആത്മീയ സത്യങ്ങൾ സംസാ​രി​ച്ചു​ള്ളൂ—നോഹ​യും ഭാര്യ​യും മൂന്നു പുത്ര​ന്മാ​രും അവരുടെ ഭാര്യ​മാ​രും. അവരുടെ മുന്നറി​യി​പ്പിൻ സന്ദേശ​വും പെട്ടകം പണിയ​ലും അവരെ പരിഹാ​സ​ത്തി​നും അധി​ക്ഷേ​പ​ത്തി​നും പാത്ര​മാ​ക്കി എന്നതിൽ തെല്ലും സംശയ​മില്ല. എന്നിട്ടും, നോഹ​യും കുടും​ബ​വും ഭയന്നു പിന്മാ​റി​യില്ല; അവർ പ്രസംഗ വേലയും നിർമാണ പ്രവർത്ത​ന​വും തുടർന്നു. (ഉല്‌പത്തി 6:13, 14; 7:21-24; 2 പത്രൊസ്‌ 2:5) അതു​പോ​ലെ, മൂന്നു പേർ മാത്രമേ ദൈവ നിർദേ​ശങ്ങൾ അനുസ​രിച്ച്‌ സൊ​ദോ​മി​ന്റെ​യും ഗൊ​മോ​റ​യു​ടെ​യും നാശത്തെ അതിജീ​വി​ച്ചു​ള്ളൂ.—ഉല്‌പത്തി 19:12-29; ലൂക്കൊസ്‌ 17:28-30.

നമ്മുടെ നാളുകൾ സംബന്ധി​ച്ചോ? “ക്രിസ്‌തു ജഡത്തിൽ മടങ്ങി വരുന്ന​പക്ഷം ആളുകൾ ഒരുപക്ഷേ അവനെ വീണ്ടും കൊല്ലും” എന്ന്‌ ഒരു വീട്ടു​കാ​രൻ യഹോ​വ​യു​ടെ സാക്ഷി​ക​ളിൽ ഒരാ​ളോ​ടു പറഞ്ഞു. യേശു​വി​ന്റെ പഠിപ്പി​ക്ക​ലു​ക​ളും ഉയർന്ന ധാർമിക നിലവാ​ര​ങ്ങ​ളും 2,000 വർഷങ്ങൾക്കു മുമ്പെ​ന്ന​പോ​ലെ ഇന്നും ജനപ്രീ​തി ഇല്ലാത്തത്‌ ആയിരി​ക്കും എന്ന്‌ അയാൾക്കു തോന്നി. നിങ്ങൾ അതി​നോ​ടു യോജി​ക്കു​ന്നു​ണ്ടോ?

അങ്ങനെ​യെ​ങ്കിൽ അതു ശരിതന്നെ. കാരണം, യേശു തന്റെ ശിഷ്യ​ന്മാർക്കു മുന്നറി​യി​പ്പു നൽകി: “എന്റെ നാമം​നി​മി​ത്തം സകലജാ​തി​ക​ളും നിങ്ങളെ പകെക്കും.” (മത്തായി 24:9) ആ പ്രവചനം സത്യ​മെന്നു തെളി​ഞ്ഞി​രി​ക്കു​ന്നു. റോമി​ലെ യഹൂദ മതനേ​താ​ക്ക​ന്മാർ പൗലൊസ്‌ അപ്പൊ​സ്‌ത​ല​നോട്‌ ക്രിസ്‌ത്യാ​നി​ത്വ​ത്തെ കുറിച്ച്‌ ഇങ്ങനെ പറഞ്ഞു: “ഈ മതഭേ​ദ​ത്തി​ന്നു എല്ലായി​ട​ത്തും വിരോ​ധം പറയുന്നു.” (പ്രവൃ​ത്തി​കൾ 28:22) ക്രിസ്‌ത്യാ​നി​ത്വ​ത്തി​നു ജനപ്രീ​തി ഇല്ലായി​രു​ന്നു എന്നത്‌ തങ്ങളുടെ വിശ്വാ​സങ്ങൾ മറ്റുള്ള​വ​രു​മാ​യി പങ്കിടു​ന്ന​തിൽ നിന്നു ക്രിസ്‌തു​വി​ന്റെ അനുഗാ​മി​കളെ പിന്തി​രി​പ്പി​ച്ചില്ല. ക്രിസ്‌ത്യാ​നി​ക​ളോ​ടു സംസാ​രി​ക്കു​ന്ന​തിൽ നിന്നു ഹൃദയ​പ​ര​മാർഥ​ത​യുള്ള ആളുക​ളെ​യും അതു പിന്തി​രി​പ്പി​ച്ചില്ല.—പ്രവൃ​ത്തി​കൾ 13:43-49.

ഇന്ന്‌ യേശു​വി​ന്റെ സന്ദേശം എന്നത്തെ​ക്കാ​ളും പ്രാധാ​ന്യം അർഹി​ക്കു​ന്നു. കാരണം? നാം ജീവി​ക്കു​ന്നത്‌ ഈ വ്യവസ്ഥി​തി​യു​ടെ ‘അന്ത്യനാ​ളു​ക​ളിൽ’ ആണെന്നും ഈ നാളുകൾ ഭൂമി​യിൽ നിന്നു ദുഷ്‌പ്ര​വൃ​ത്തി​കൾ നീക്കം ചെയ്യ​പ്പെ​ടുന്ന ശുദ്ധീ​കരണ പ്രക്രി​യ​യിൽ പരിസ​മാ​പ്‌തി കുറി​ക്കു​മെ​ന്നും ലോകാ​വ​സ്ഥകൾ സൂചി​പ്പി​ക്കു​ന്നു. യേശു നമ്മുടെ നാളു​കളെ നോഹ​യു​ടെ നാളു​ക​ളോ​ടു താരത​മ്യം ചെയ്‌തു. (2 തിമൊ​ഥെ​യൊസ്‌ 3:1-5; മത്തായി 24:37-39) അതു​കൊണ്ട്‌, നമ്മുടെ വിശ്വാ​സത്തെ നിസ്സാ​ര​മാ​യി കരുതാ​നുള്ള സമയമ​ല്ലിത്‌. കാരണം, ദൈവത്തെ അറിയു​ക​യും അവനെ “ആത്മാവി​ലും സത്യത്തി​ലും നമസ്‌കരി”ക്കുകയും ചെയ്യു​ന്ന​വർക്കു മാത്രമേ നിത്യ​ജീ​വൻ ലഭിക്കു​ക​യു​ള്ളൂ.—യോഹ​ന്നാൻ 4:24; 2 തെസ്സ​ലൊ​നീ​ക്യർ 1:6-9.

ശരിയായ പാത കണ്ടെത്താ​വുന്ന വിധം

17-ാം നൂറ്റാ​ണ്ടി​ലെ ഇംഗ്ലീഷ്‌ തത്ത്വചി​ന്ത​ക​നും ഉപന്യാസ കർത്താ​വും നിയമ വിദഗ്‌ധ​നും രാജ്യ​ത​ന്ത്ര​ജ്ഞ​നും ആയിരുന്ന ഫ്രാൻസിസ്‌ ബേക്കൺ സത്യാ​ന്വേ​ഷി​ക​ളോട്‌ “തൂക്കി​നോ​ക്കി വിലയി​രു​ത്താൻ” ഉപദേ​ശി​ച്ചു. ഒരു മുൻ യു.എസ്‌. പ്രസി​ഡ​ന്റായ തോമസ്‌ ജെഫേ​ഴ്‌സൺ ഇങ്ങനെ പറഞ്ഞു: “ന്യായ​വാ​ദ​ത്തി​നും സ്വത​ന്ത്ര​മായ അന്വേ​ഷ​ണ​ത്തി​നും മാത്രമേ തെറ്റുകൾ ഇല്ലായ്‌മ ചെയ്യാ​നാ​കൂ. . . . തെറ്റിന്റെ ജന്മ ശത്രു​ക്ക​ളാണ്‌ അവ.” തന്നിമി​ത്തം, നാം സത്യത്തി​നു വേണ്ടി ആത്മാർഥ​മാ​യി അന്വേ​ഷി​ക്കു​ക​യാ​ണെ​ങ്കിൽ കാര്യങ്ങൾ ‘തൂക്കി​നോ​ക്കി വിലയി​രു​ത്തുക’ മാത്രമല്ല “ന്യായ​വാ​ദ​ത്തി​നും സ്വത​ന്ത്ര​മായ അന്വേ​ഷ​ണ​ത്തി​നും” മുതി​രു​ക​യും ചെയ്യും.

അത്തര​മൊ​രു സമീപനം അടിയ​ന്തി​രം ആയിരി​ക്കു​ന്ന​തി​ന്റെ കാരണം തിരി​ച്ച​റി​യി​ച്ചു​കൊണ്ട്‌ ബ്രിട്ടീഷ്‌ ശാസ്‌ത്ര​ജ്ഞ​നായ ഹെർമൻ ബോൻഡി ഇങ്ങനെ അഭി​പ്രാ​യ​പ്പെട്ടു: “എന്തുത​ന്നെ​യാ​യാ​ലും, സത്യം ഒന്നേ ഉണ്ടായി​രി​ക്കാൻ പാടുള്ളൂ. ആ സ്ഥിതിക്ക്‌, ആളുകൾ അസത്യ​മാ​യി​രി​ക്കുന്ന മതകാ​ര്യ​ങ്ങ​ളിൽ ദൃഢമാ​യി, സത്യസ​ന്ധ​മാ​യി വിശ്വ​സി​ക്കു​ന്ന​തി​നുള്ള സകല സാധ്യ​ത​യും ഉണ്ട്‌. ഒരുവന്റെ വിശ്വാ​സം എത്രതന്നെ ആഴത്തിൽ വേരൂ​ന്നി​യ​താണ്‌ എങ്കിലും അതു തെറ്റാ​യി​രു​ന്നേ​ക്കാം എന്നു ചിന്തി​ക്കാൻ, ഒരു പരിധി​വരെ താഴ്‌മ പ്രകട​മാ​ക്കാൻ ഈ വ്യക്തമായ വസ്‌തുത അയാളെ പ്രേരി​പ്പി​ച്ചേ​ക്കാം.”

എന്നാൽ, താൻ വാസ്‌ത​വ​മാ​യും ‘ജീവനി​ലേക്കു നയിക്കുന്ന ഇടുക്കു​വാ​തി​ലി​ലൂ​ടെ’ ആണോ പോകു​ന്നത്‌ എന്ന്‌ ഒരാൾക്ക്‌ എങ്ങനെ നിശ്ചയം വരുത്താൻ സാധി​ക്കും? ദൈവത്തെ ‘സത്യത്തിൽ’ ആരാധി​ക്കണം എന്ന്‌ യേശു പഠിപ്പി​ച്ചു. അതു​കൊണ്ട്‌, നേർ വിപരീ​ത​മായ രണ്ടു പഠിപ്പി​ക്ക​ലു​കൾ ഉണ്ടെങ്കിൽ ഒരേ സമയം രണ്ടും ശരിയാ​യി​രി​ക്കില്ല എന്നു ചിന്തി​ക്കു​ന്നതു ന്യായ​യു​ക്ത​മാണ്‌. ഉദാഹ​ര​ണ​ത്തിന്‌, ഒന്നുകിൽ മനുഷ്യന്‌ മരണത്തെ അതിജീ​വി​ക്കുന്ന ഒരു ആത്മാവ്‌ ഉണ്ട്‌ അല്ലെങ്കിൽ ഇല്ല. ഒന്നുകിൽ ദൈവം മനുഷ്യ കാര്യാ​ദി​ക​ളിൽ ഇടപെ​ടും അല്ലെങ്കിൽ ഇടപെ​ടില്ല. ഒന്നുകിൽ ദൈവം ത്രിത്വ​മാണ്‌ അല്ലെങ്കിൽ ത്രിത്വ​മല്ല. പ്രധാ​ന​പ്പെട്ട അത്തരം ചോദ്യ​ങ്ങൾക്കു സത്യാ​ന്വേ​ഷി​കൾ വസ്‌തു​നി​ഷ്‌ഠ​മായ ഉത്തരങ്ങൾ തേടുന്നു. തന്റെ വചനമായ ബൈബി​ളിൽ ദൈവം അതി​നെ​ല്ലാം ഉത്തരങ്ങൾ നൽകി​യി​ട്ടു​ണ്ടെന്ന്‌ യഹോ​വ​യു​ടെ സാക്ഷികൾ വിശ്വ​സി​ക്കു​ന്നു.a

“എല്ലാതി​രു​വെ​ഴു​ത്തും ദൈവ​ശ്വാ​സീ​യ​മാ​ക​യാൽ” പലവിധ പഠിപ്പി​ക്ക​ലു​ക​ളെ​യും മൂല്യ​നിർണയം ചെയ്യാ​നുള്ള പ്രധാന മാർഗം അവയെ ബൈബി​ളു​മാ​യി താരത​മ്യം ചെയ്യു​ക​യാണ്‌. (2 തിമൊ​ഥെ​യൊസ്‌ 3:16) അങ്ങനെ ചെയ്യു​ന്ന​തി​ലൂ​ടെ, ‘നന്മയും സ്വീകാ​ര്യ​വും പൂർണ​ത​യു​മുള്ള ദൈ​വേഷ്ടം സംബന്ധി​ച്ചു നിങ്ങൾ നിങ്ങൾക്കു​തന്നെ തെളിവു നൽകുക ആയിരി​ക്കും.’ (റോമർ 12:2, NW) നിങ്ങളു​ടെ വിശ്വാ​സങ്ങൾ ബൈബി​ളിൽ വേരൂ​ന്നി​യ​താണ്‌ എന്നതിനു നിങ്ങൾക്കു ‘തെളിവു നൽകാൻ’ സാധി​ക്കു​മോ? അങ്ങനെ ചെയ്യാൻ കഴിയു​ന്നതു പ്രധാ​ന​മാണ്‌. കാരണം, ‘മുഴു ഭൂതല​ത്തോ​ടു​മൊ​പ്പം’ നിങ്ങളും വഴി​തെ​റ്റി​ക്ക​പ്പെ​ടാൻ ദൈവം ആഗ്രഹി​ക്കു​ന്നില്ല.”—വെളി​പ്പാ​ടു 12:9.

ഉപദേ​ഷ്ടാ​ക്ക​ളു​ടെ ആവശ്യ​മു​ണ്ടോ?

യേശു ഏതാനും ചുരു​ളു​കൾ എടുത്തു തന്റെ ശിഷ്യ​ന്മാർക്കു കൊടു​ത്തിട്ട്‌, “നിങ്ങളു​ടെ ചോദ്യ​ങ്ങൾക്ക്‌ ഉത്തരം ഇതിലുണ്ട്‌. വീട്ടിൽ പോയി സ്വന്തമാ​യി ഉത്തരങ്ങൾ കണ്ടെത്തി​ക്കൊ​ള്ളൂ” എന്നു പറഞ്ഞില്ല. മറിച്ച്‌, ക്ഷമയോ​ടും ദയയോ​ടും കൂടെ അവൻ അവരെ ദൈവ​വ​ചനം പഠിപ്പി​ച്ചു. തന്നിമി​ത്തം, അവന്റെ പഠിപ്പി​ക്ക​ലു​കൾ സ്വീക​രി​ച്ചവർ മറ്റുള്ള​വരെ പഠിപ്പി​ക്കവേ അതേ മാതൃക പിൻപറ്റി. ഫിലി​പ്പൊസ്‌ എന്ന ശിഷ്യന്റെ ഉദാഹ​രണം എടുക്കുക. അവൻ ഹൃദയ​പ​ര​മാർഥ​ത​യുള്ള, എത്യോ​പ്യ​ക്കാ​ര​നായ ഒരു ഉദ്യോ​ഗ​സ്ഥ​നോ​ടു സംസാ​രി​ച്ചു. യഹൂദ​ന്മാ​രു​മാ​യുള്ള സഹവാ​സ​ത്തി​ലൂ​ടെ തിരു​വെ​ഴു​ത്തു​കളെ കുറിച്ച്‌ ആ എത്യോ​പ്യ​ക്കാ​രൻ കുറ​ച്ചൊ​ക്കെ മനസ്സി​ലാ​ക്കി​യി​രു​ന്നു. എങ്കിലും അദ്ദേഹ​ത്തി​നു സഹായം ആവശ്യ​മാ​യി​രു​ന്നു. അതു​കൊണ്ട്‌, അദ്ദേഹത്തെ സഹായി​ക്കാൻ ക്രിസ്‌തീയ സഭയുടെ ഒരു പ്രതി​നി​ധി ആയിരുന്ന ഫിലി​പ്പൊ​സി​നു നിർദേശം ലഭിച്ചു. മതത്തെ കുറിച്ചു ചർച്ച നടത്താൻ ആ ഉദ്യോ​ഗ​സ്ഥനു താത്‌പ​ര്യം ഇല്ലായി​രു​ന്നെ​ങ്കിൽ ദൈ​വോ​ദ്ദേ​ശ്യ​ത്തിൽ യേശു​വി​നുള്ള പങ്ക്‌ എന്താ​ണെന്ന്‌ അദ്ദേഹം അറിയു​മാ​യി​രു​ന്നില്ല. സത്യാ​ന്വേ​ഷി​ക​ളായ ഏവർക്കും എത്ര നല്ല ദൃഷ്ടാ​ന്ത​മാണ്‌ ആ എത്യോ​പ്യ​ക്കാ​രൻ!—പ്രവൃ​ത്തി​കൾ 8:26-39.

നിങ്ങളു​ടെ വിശ്വാ​സ​ങ്ങളെ കുറിച്ചു ചർച്ച ചെയ്യാ​നും ആ എത്യോ​പ്യ​ക്കാ​രനെ പോലെ ചോദ്യ​ങ്ങൾ ചോദി​ക്കാ​നും നിങ്ങൾ ഒരുക്ക​മാ​ണോ? അങ്ങനെ ചെയ്യു​ന്നെ​ങ്കിൽ നിങ്ങൾ തീർച്ച​യാ​യും ധാരാളം പ്രയോ​ജ​നങ്ങൾ അനുഭ​വി​ക്കും. ബൈബിൾ പറയു​ന്നത്‌ എന്താ​ണെന്ന്‌ അറിയാൻ ആത്മാർഥ​മാ​യി ആഗ്രഹി​ക്കു​ന്ന​വ​രു​മാ​യി അതേക്കു​റി​ച്ചു ചർച്ച ചെയ്യാൻ യഹോ​വ​യു​ടെ സാക്ഷി​കൾക്കു സന്തോ​ഷമേ ഉള്ളൂ. സാക്ഷികൾ തങ്ങളുടെ വ്യക്തി​പ​ര​മായ അഭി​പ്രാ​യങ്ങൾ അല്ല പറയു​ന്നത്‌. മറിച്ച്‌, ബൈബിൾ പറയു​ന്നത്‌ എന്താ​ണെന്ന്‌ ആളുകൾക്കു കാണിച്ചു കൊടു​ക്കാൻ അവർ ആത്മാർഥ​മാ​യി ശ്രമി​ക്കു​ന്നു.

എത്യോ​പ്യ​ക്കാ​ര​നായ ഉദ്യോ​ഗസ്ഥൻ യേശു​ക്രി​സ്‌തു​വി​നെ കുറിച്ച്‌ ശ്രദ്ധേ​യ​മായ കാര്യങ്ങൾ—നമ്മുടെ രക്ഷയ്‌ക്കാ​യി ദൈവം അവനെ എങ്ങനെ ഉപയോ​ഗി​ക്കും എന്നതു​പോ​ലുള്ള കാര്യങ്ങൾ—മനസ്സി​ലാ​ക്കി. ഇന്ന്‌ ദൈ​വോ​ദ്ദേ​ശ്യം അതിന്റെ പൂർത്തീ​ക​ര​ണ​ത്തോ​ടു വളരെ​യ​ധി​കം അടുത്തി​രി​ക്കു​ന്നു. ഇവിടെ, ഭൂമി​യിൽത്തന്നെ അത്ഭുത​ക​ര​മായ കാര്യങ്ങൾ സംഭവി​ക്കാൻ പോകു​ക​യാണ്‌. ഭൂമി​യിൽ ഉള്ള സകല​രെ​യും അതു ബാധി​ക്കും എന്ന്‌ അടുത്ത ലേഖനം വ്യക്തമാ​ക്കും. അതു നമ്മെ എങ്ങനെ ബാധി​ക്കു​മെ​ന്നതു നമ്മുടെ മനോ​ഭാ​വ​ത്തെ​യും നാം കൈ​ക്കൊ​ള്ളുന്ന നടപടി​യെ​യും ആശ്രയി​ച്ചി​രി​ക്കു​ന്നു എന്നതു തീർച്ച​യാണ്‌.

[അടിക്കു​റി​പ്പു​കൾ]

[7-ാം പേജിലെ ചിത്രം]

എത്യോപ്യക്കാരനായ ഒരു ഉദ്യോ​ഗസ്ഥൻ ബൈബിൾ ചർച്ച സ്വാഗതം ചെയ്‌തു