അധ്യായം ഇരുപ​ത്തി​രണ്ട്‌

യെശയ്യാവ്‌ യഹോ​വ​യു​ടെ “അപൂർവ്വ​ക്രി​യയെ” കുറിച്ചു പ്രവചി​ക്കു​ന്നു

യെശയ്യാവു 28:1–29:24

1, 2. ഇസ്രാ​യേ​ലി​നും യഹൂദ​യ്‌ക്കും സുരക്ഷി​ത​ത്വം തോന്നു​ന്നത്‌ എന്തു​കൊണ്ട്‌?

അപകട​ക​ര​മായ സാഹച​ര്യ​ത്തിൽ സുരക്ഷി​ത​ത്വം കണ്ടെത്താൻ ഇസ്രാ​യേ​ലി​ന്റെ​യും യഹൂദ​യു​ടെ​യും നേതാ​ക്ക​ന്മാർ വലുതും കൂടുതൽ ശക്തവു​മായ രാഷ്‌ട്ര​ങ്ങ​ളു​മാ​യി സഖ്യം ചേർന്നി​രി​ക്കു​ക​യാണ്‌. ഇസ്രാ​യേ​ലി​ന്റെ തലസ്ഥാ​ന​മായ ശമര്യ അയൽദേ​ശ​മായ സിറി​യ​യി​ലേക്കു തിരി​ഞ്ഞി​രി​ക്കു​ന്നു. അതേസ​മയം, യഹൂദ​യു​ടെ തലസ്ഥാ​ന​മായ യെരൂ​ശ​ലേം നിഷ്‌ഠുര രാഷ്‌ട്ര​മായ അസീറി​യ​യി​ലാ​ണു പ്രത്യാശ വെച്ചി​രി​ക്കു​ന്നത്‌. തന്നിമി​ത്തം, ചുരു​ങ്ങിയ ഒരു കാലഘ​ട്ട​ത്തേക്ക്‌ ഇരു രാഷ്‌ട്ര​ങ്ങൾക്കും സുരക്ഷി​ത​ത്വം തോന്നു​ന്നു.

² പുതിയ രാഷ്‌ട്രീയ സഖ്യങ്ങ​ളിൽ ആശ്രയം വെക്കു​മ്പോൾത്തന്നെ പത്തു-ഗോത്ര രാജ്യ​ത്തി​ലെ ചിലർ യഹോ​വ​യു​ടെ സംരക്ഷണം പ്രതീ​ക്ഷി​ക്കു​ന്നു​ണ്ടാ​കാം. എന്നാൽ, അവർ അപ്പോ​ഴും പൊന്നു​കൊ​ണ്ടുള്ള കാളക്കു​ട്ടി​കളെ ആരാധി​ക്കു​ന്നു എന്ന കാര്യം നാം മറക്കരുത്‌. അതു​പോ​ലെ, യഹോ​വ​യു​ടെ സംരക്ഷണം തങ്ങൾക്കു ലഭിക്കു​മെന്ന്‌ യഹൂദ​യും ഉറച്ചു വിശ്വ​സി​ക്കു​ന്നു. ഒന്നുമ​ല്ലെ​ങ്കി​ലും, തങ്ങളുടെ തലസ്ഥാന നഗരമായ യെരൂ​ശ​ലേ​മിൽ യഹോ​വ​യു​ടെ ആലയമു​ണ്ട​ല്ലോ എന്നാണ്‌ അവർ ചിന്തി​ക്കു​ന്നത്‌. എന്നാൽ, അപ്രതീ​ക്ഷിത സംഭവ​ങ്ങ​ളാണ്‌ ഇസ്രാ​യേ​ലി​നെ​യും യഹൂദ​യെ​യും കാത്തി​രി​ക്കു​ന്നത്‌. വഴിപി​ഴച്ച ആ ജനതയ്‌ക്കു തികച്ചും വിസ്‌മ​യ​ക​ര​മാ​യി തോന്നുന്ന സംഭവ​വി​കാ​സങ്ങൾ മുൻകൂ​ട്ടി പറയാൻ യഹോവ യെശയ്യാ​വി​നെ നിശ്വ​സ്‌ത​നാ​ക്കു​ന്നു. യെശയ്യാ​വി​ന്റെ വാക്കു​ക​ളിൽ, ഇന്നു ജീവി​ച്ചി​രി​ക്കുന്ന ഏവർക്കും ജീവത്‌പ്ര​ധാ​ന​മായ പല പാഠങ്ങ​ളും അടങ്ങി​യി​രി​ക്കു​ന്നു.

‘എഫ്രയീ​മി​ലെ മദ്യപ​ന്മാർ’

3, 4. പത്തു-ഗോത്ര വടക്കേ രാജ്യം അഹങ്കരി​ക്കു​ന്നത്‌ എന്തു കാരണ​ത്താ​ലാണ്‌?

³ ഞെട്ടിക്കുന്ന വാക്കു​ക​ളോ​ടെ​യാണ്‌ യെശയ്യാവ്‌ തന്റെ പ്രവചനം തുടങ്ങു​ന്നത്‌: “എഫ്രയീ​മി​ലെ കുടി​യാ​ന്മാ​രു​ടെ [മദ്യപ​ന്മാ​രു​ടെ] ഡംഭകി​രീ​ട​ത്തി​ന്നും വീഞ്ഞു​കു​ടി​ച്ചു ലഹരി​പി​ടി​ച്ച​വ​രു​ടെ ഫലവത്തായ താഴ്‌വ​ര​യി​ലെ കുന്നി​ന്മേൽ വാടി​പ്പോ​കുന്ന പുഷ്‌പ​മായ അവന്റെ ഭംഗി​യുള്ള അലങ്കാ​ര​ത്തി​ന്നും അയ്യോ, കഷ്ടം! ഇതാ, ശക്തിയും ബലവു​മുള്ള ഒരുത്തൻ കർത്താ​വി​ങ്കൽനി​ന്നു വരുന്നു; തകർത്ത കൊടു​ങ്കാ​റേ​റാ​ടു​കൂ​ടിയ കന്മഴ​പോ​ലെ . . . അവൻ അവരെ വെറു​ങ്കൈ​കൊ​ണ്ടു നിലത്തു തള്ളിയി​ടും. എഫ്രയീ​മി​ലെ കുടി​യാ​ന്മാ​രു​ടെ [മദ്യപ​ന്മാ​രു​ടെ] ഡംഭകി​രീ​ടം അവൻ കാൽകൊ​ണ്ടു ചവിട്ടി​ക്ക​ള​യും.”—യെശയ്യാ​വു 28:1-3.

⁴ പത്തു-ഗോത്ര വടക്കേ രാജ്യ​ത്തിൽ ഏറ്റവും പ്രമു​ഖ​സ്ഥാ​നം അലങ്കരി​ക്കുന്ന എഫ്രയീം മുഴു ഇസ്രാ​യേൽ രാജ്യ​ത്തെ​യും പ്രതി​നി​ധാ​നം ചെയ്യുന്നു. അതിന്റെ തലസ്ഥാ​ന​മായ ശമര്യ മനോ​ഹ​ര​മായ സ്ഥാനത്ത്‌—“ഫലവത്തായ താഴ്‌വ​ര​യി​ലെ കുന്നി​ന്മേൽ”—ആണു സ്ഥിതി​ചെ​യ്യു​ന്നത്‌. “ഡംഭകി​രീ​ടം” ധരിച്ചി​രി​ക്കു​ന്ന​തിൽ, അതായത്‌ യെരൂ​ശ​ലേ​മി​ലെ ദാവീ​ദിക രാജത്വ​ത്തിൽനി​ന്നു സ്വത​ന്ത്ര​രാ​യി​രി​ക്കു​ന്ന​തിൽ എഫ്രയീ​മി​ലെ നേതാ​ക്ക​ന്മാർ അഹങ്കരി​ക്കു​ന്നു. എന്നാൽ, അവർ ‘മദ്യപ​ന്മാർ’ ആണ്‌. ആത്മീയ അർഥത്തിൽ മത്തുപി​ടിച്ച അവർ യഹൂദ​യ്‌ക്കെ​തി​രെ സിറി​യ​യു​മാ​യി സഖ്യം ചേർന്നി​രി​ക്കു​ന്നു. അവർ പ്രിയ​ങ്ക​ര​മാ​യി കരുതു​ന്ന​തെ​ല്ലാം താമസി​യാ​തെ അക്രമി​കൾ ചവിട്ടി​മെ​തി​ക്കും.—യെശയ്യാ​വു 29:9 താരത​മ്യം ചെയ്യുക.

5. ഇസ്രാ​യേൽ ഏത്‌ അപകടാ​വ​സ്ഥ​യി​ലാണ്‌, യെശയ്യാവ്‌ എന്തു പ്രത്യാശ വെച്ചു​നീ​ട്ടു​ന്നു?

⁵ എഫ്രയീം തങ്ങളുടെ അപകടാ​വസ്ഥ തിരി​ച്ച​റി​യു​ന്നില്ല. യെശയ്യാവ്‌ തുടരു​ന്നു: “ഫലവത്തായ താഴ്‌വ​ര​യി​ലെ കുന്നി​ന്മേൽ വാടി​പ്പോ​കുന്ന പുഷ്‌പ​മായ അവന്റെ ഭംഗി​യുള്ള അലങ്കാരം ഫലശേ​ഖ​ര​കാ​ല​ത്തി​ന്നു മുമ്പെ പഴുത്ത​തും കാണു​ന്നവൻ ഉടനെ പറിച്ചു​തി​ന്നു​ക​ള​യു​ന്ന​തു​മായ അത്തിപ്പ​ഴം​പോ​ലെ ഇരിക്കും.” (യെശയ്യാ​വു 28:4) എഫ്രയീ​മി​നെ അസീറിയ കീഴട​ക്കും, ഒറ്റയടിക്ക്‌ അതിന്റെ കഥ കഴിക്കും. അപ്പോൾ, പ്രത്യാ​ശ​യ്‌ക്കു യാതൊ​രു വകയും ഇല്ലെന്നാ​ണോ? യെശയ്യാ​വി​ന്റെ പ്രവച​നങ്ങൾ ഏറിയ​പ​ങ്കും, ന്യായ​വി​ധി​യെ കുറി​ച്ചു​ള്ള​താ​ണെ​ങ്കി​ലും അവയിൽ പ്രത്യാ​ശ​യും അടങ്ങി​യി​രി​ക്കു​ന്നു. ഒരു ജനതയെന്ന നിലയിൽ അവർ നിലം​പ​തി​ച്ചാ​ലും, യഹോ​വ​യു​ടെ സഹായ​ത്താൽ വിശ്വ​സ്‌ത​രായ വ്യക്തികൾ അതിജീ​വി​ക്കും. “അന്നാളിൽ സൈന്യ​ങ്ങ​ളു​ടെ യഹോവ തന്റെ ജനത്തിന്റെ ശേഷി​പ്പി​ന്നു മഹത്വ​മു​ള്ളോ​രു കിരീ​ട​വും ഭംഗി​യു​ള്ളോ​രു മുടി​യും ന്യായ​വി​സ്‌താ​രം കഴിപ്പാൻ ഇരിക്കു​ന്ന​വന്നു ന്യായ​ത്തി​ന്റെ ആത്മാവും പട്ടണവാ​തി​ല്‌ക്കൽവെച്ചു പടയെ മടക്കി​ക്ക​ള​യു​ന്ന​വർക്കു വീര്യ​ബ​ല​വും ആയിരി​ക്കും.”—യെശയ്യാ​വു 28:5, 6.

‘അവർ വഴി​തെ​റ്റി​പ്പോ​യി​രി​ക്കു​ന്നു’

6. ഇസ്രാ​യേൽ നാശത്തെ അഭിമു​ഖീ​ക​രി​ക്കു​ന്നത്‌ എപ്പോൾ, യഹൂദ അതിൽ ആനന്ദി​ക്കേ​ണ്ട​തി​ല്ലാ​ത്തത്‌ എന്തു​കൊണ്ട്‌?

⁶ പൊ.യു.മു. 740-ൽ ശമര്യ കണക്കു ബോധി​പ്പി​ക്കേണ്ട സമയം വന്നെത്തി. പ്രസ്‌തുത വർഷം അസീറിയ ആ ദേശത്തെ ശൂന്യ​മാ​ക്കി​യ​തോ​ടെ വടക്കേ രാജ്യം മേലാൽ ഒരു സ്വതന്ത്ര ജനതയെന്ന നിലയിൽ നിലവി​ലി​ല്ലാ​താ​യി. യഹൂദ​യു​ടെ കാര്യ​മോ? അസീറിയ ആ ദേശത്തെ ആക്രമി​ക്കും, പിന്നീട്‌ ബാബി​ലോൺ അവരുടെ തലസ്ഥാ​ന​ന​ഗ​രി​യെ തകർത്തു​ത​രി​പ്പ​ണ​മാ​ക്കും. എങ്കിലും, യെശയ്യാ​വി​ന്റെ ആയുഷ്‌കാ​ലത്ത്‌ യെരൂ​ശ​ലേ​മിൽ ആലയ പ്രവർത്ത​നങ്ങൾ തുടർന്നു നടക്കും, പൗരോ​ഹി​ത്യ​വും നിലവി​ലു​ണ്ടാ​യി​രി​ക്കും. പ്രവാ​ച​ക​ന്മാർ പ്രവചി​ക്കു​ന്ന​തിൽ തുടരു​ക​യും ചെയ്യും. എന്നുവ​രി​കി​ലും, തങ്ങളുടെ അയൽക്കാ​രായ വടക്കേ രാജ്യ​ത്തി​ന്റെ നാശത്തിൽ യഹൂദ ആനന്ദി​ക്ക​ണ​മോ? ഒരു കാരണ​വ​ശാ​ലും വേണ്ട! അനുസ​ര​ണ​ക്കേ​ടും അവിശ്വാ​സ​വും കാട്ടി​യ​തി​നാൽ യഹോവ യഹൂദ​യോ​ടും അവളുടെ നേതാ​ക്ക​ന്മാ​രോ​ടും കണക്കു തീർക്കും.

7. ഏതർഥ​ത്തി​ലാണ്‌ യഹൂദ​യു​ടെ നേതാ​ക്ക​ന്മാർ മദ്യപി​ച്ചു ലക്കു​കെ​ടു​ന്നത്‌, അതിന്റെ ഫലങ്ങൾ എന്തെല്ലാം?

⁷ യഹൂദയെ ആ സന്ദേശം അറിയി​ച്ചു​കൊണ്ട്‌ യെശയ്യാവ്‌ പറയുന്നു: “എന്നാൽ ഇവരും വീഞ്ഞു കുടിച്ചു ചാഞ്ചാ​ടു​ക​യും [“വഴി​തെ​റ്റു​ക​യും,” NW] മദ്യപി​ച്ചു ആടിന​ട​ക്ക​യും ചെയ്യുന്നു; പുരോ​ഹി​ത​നും പ്രവാ​ച​ക​നും മദ്യപാ​നം ചെയ്‌തു ചാഞ്ചാ​ടു​ക​യും വീഞ്ഞു​കു​ടി​ച്ചു മത്തരാ​ക​യും മദ്യപി​ച്ചു ആടിന​ട​ക്ക​യും ചെയ്യുന്നു; അവർ ദർശന​ത്തിൽ പിഴെച്ചു ന്യായ​വി​ധി​യിൽ തെററി​പ്പോ​കു​ന്നു. മേശകൾ ഒക്കെയും ഛർദ്ദി​യും അഴുക്കും​കൊ​ണ്ടു നിറഞ്ഞി​രി​ക്കു​ന്നു; ഒരു സ്ഥലവും ശേഷി​പ്പില്ല.” (യെശയ്യാ​വു 28:7, 8) എത്ര അറപ്പു​ള​വാ​ക്കുന്ന സംഗതി! ദൈവ​ഭ​വ​ന​ത്തിൽ വെച്ച്‌ അക്ഷരാർഥ​ത്തിൽ മദ്യപി​ക്കു​ന്നതു കൊടിയ പാപം​തന്നെ. എന്നാൽ, ഈ പുരോ​ഹി​ത​ന്മാ​രും പ്രവാ​ച​ക​ന്മാ​രും ആത്മീയ അർഥത്തി​ലാ​ണു മത്തരാ​യി​രി​ക്കു​ന്നത്‌. മനുഷ്യ സഖ്യങ്ങ​ളി​ലുള്ള അമിത​വി​ശ്വാ​സം അവരെ അന്ധരാ​ക്കി​യി​രി​ക്കു​ന്നു. തങ്ങൾ കൈ​ക്കൊ​ണ്ടി​രി​ക്കു​ന്ന​താ​ണു പ്രാ​യോ​ഗി​ക​മായ ഏക ഗതി​യെന്ന്‌ അവർ ചിന്തി​ക്കു​ന്നു. യഹോ​വ​യു​ടെ സംരക്ഷണം പോരാ​തെ വരുന്ന​പക്ഷം സഹായ​ത്തി​നാ​യി മറ്റൊരു ഉറവിടം ഉണ്ടായി​രി​ക്കു​ന്നതു ബുദ്ധി​യാ​യി​രി​ക്കു​മെന്ന്‌ അവർ കരുതു​ന്നു. എന്നാൽ, അങ്ങനെ ചിന്തി​ക്കു​ന്ന​തി​ലൂ​ടെ അവർ സ്വയം വഞ്ചിക്കു​ക​യാണ്‌. ആത്മീയ അർഥത്തിൽ മത്തരായ ഈ മതനേ​താ​ക്ക​ന്മാർ ദൈവ​വാ​ഗ്‌ദാ​ന​ങ്ങ​ളിൽ തങ്ങൾക്കു തെല്ലും വിശ്വാ​സ​മി​ല്ലെന്നു കാണി​ക്കുന്ന വിധത്തിൽ മത്സരാ​ത്മ​ക​വും മ്ലേച്ഛവു​മായ കാര്യങ്ങൾ പറയുന്നു.

8. യെശയ്യാ​വി​ന്റെ സന്ദേശ​ത്തോ​ടുള്ള പ്രതി​ക​രണം എന്ത്‌?

⁸ യഹോവയുടെ മുന്നറി​യി​പ്പി​നോട്‌ അവർ എങ്ങനെ​യാ​ണു പ്രതി​ക​രി​ക്കു​ന്നത്‌? അവർ യെശയ്യാ​വി​നെ പരിഹ​സി​ക്കു​ന്നു. ശിശു​ക്ക​ളോട്‌ എന്നതു​പോ​ലെ തങ്ങളോ​ടു സംസാ​രി​ക്കു​ന്ന​താ​യി അവർ അവനെ കുറ്റ​പ്പെ​ടു​ത്തു​ന്നു: “ആർക്കാ​കു​ന്നു ഇവൻ പരിജ്ഞാ​നം ഉപദേ​ശി​പ്പാൻ പോകു​ന്നതു? ആരെയാ​കു​ന്നു അവൻ പ്രസംഗം ഗ്രഹി​പ്പി​പ്പാൻ പോകു​ന്നതു? പാലു​കു​ടി മാറി​യ​വ​രെ​യോ? മുലകു​ടി വിട്ടവ​രെ​യോ? ചട്ടത്തി​ന്മേൽ ചട്ടം, ചട്ടത്തി​ന്മേൽ ചട്ടം; സൂത്ര​ത്തി​ന്മേൽ സൂത്രം, സൂത്ര​ത്തി​ന്മേൽ സൂത്രം; ഇവിടെ അല്‌പം, അവിടെ അല്‌പം.” (യെശയ്യാ​വു 28:9, 10) യെശയ്യാ​വി​ന്റെ വാക്കുകൾ ആവർത്ത​ന​വി​ര​സ​വും വിചി​ത്ര​വു​മാ​യി അവർക്കു തോന്നു​ന്നു. ‘യഹോവ ഇങ്ങനെ അരുളി​ച്ചെ​യ്യു​ന്നു! യഹോവ ഇങ്ങനെ അരുളി​ച്ചെ​യ്യു​ന്നു! ഇതാകു​ന്നു യഹോ​വ​യു​ടെ പ്രമാണം! ഇതാകു​ന്നു യഹോ​വ​യു​ടെ പ്രമാണം!’ എന്ന്‌ അവൻ ആവർത്തി​ച്ചു പറയു​ന്ന​ത്രേ.a എന്നാൽ, യഹോവ ഉടൻതന്നെ പ്രവൃ​ത്തി​യി​ലൂ​ടെ അവരോ​ടു “സംസാ​രി​ക്കും.” ബാബി​ലോ​ണി​യൻ സേനയെ, മറ്റൊരു ഭാഷ സംസാ​രി​ക്കുന്ന വിദേ​ശി​കളെ, അവൻ അവർക്കെ​തി​രെ അയയ്‌ക്കും. ആ സേന നിശ്ചയ​മാ​യും യഹോ​വ​യു​ടെ “ചട്ടം” നിവർത്തി​ക്കും, അങ്ങനെ യഹൂദ നിലം​പ​തി​ക്കും.—യെശയ്യാ​വു 28:11-13 വായി​ക്കുക.

ഇക്കാലത്തെ ആത്മീയ മദ്യപ​ന്മാർ

9, 10. യെശയ്യാ​വി​ന്റെ വാക്കുകൾ പിൽക്കാല തലമു​റ​കൾക്കു ബാധക​മാ​കു​ന്നത്‌ എപ്പോൾ, എങ്ങനെ?

⁹ യെശയ്യാവിന്റെ പ്രവച​നങ്ങൾ പുരാതന ഇസ്രാ​യേ​ലി​ലും യഹൂദ​യി​ലും മാത്രമേ നിറ​വേ​റി​യു​ള്ളോ? തീർച്ച​യാ​യു​മല്ല! യേശു​വും പൗലൊ​സും യെശയ്യാ​വി​ന്റെ വാക്കുകൾ ഉദ്ധരി​ക്കു​ക​യും തങ്ങളുടെ നാളിലെ ജനതയ്‌ക്കു ബാധക​മാ​ക്കു​ക​യും ചെയ്‌തു. (യെശയ്യാ​വു 29:10, 13; മത്തായി 15:8, 9; റോമർ 11:8) ഇന്നും യെശയ്യാ​വി​ന്റെ നാളി​ലേ​തി​നു സമാന​മായ ഒരു സ്ഥിതി​വി​ശേ​ഷ​മാ​ണു നിലവി​ലു​ള്ളത്‌.

¹⁰ ഇസ്രായേലിനെയും യഹൂദ​യെ​യും പോലെ ഇന്ന്‌ ക്രൈ​സ്‌ത​വ​ലോ​ക​ത്തി​ലെ മതനേ​താ​ക്ക​ന്മാർ രാഷ്‌ട്ര​ങ്ങ​ളിൽ ആശ്രയം വെക്കു​ക​യും മദ്യപ​ന്മാ​രെ​പ്പോ​ലെ ആടിന​ട​ക്കു​ക​യും ചെയ്യുന്നു. മാത്രമല്ല, രാഷ്‌ട്രീയ കാര്യ​ങ്ങ​ളിൽ അവർ ഇടപെ​ടു​ക​യും ലോക​ത്തി​ലെ ‘പ്രമുഖ വ്യക്തികൾ’ തങ്ങളു​മാ​യി ആലോചന കഴിക്കു​ന്ന​തിൽ ആനന്ദം കണ്ടെത്തു​ക​യും ചെയ്യുന്നു. ബൈബി​ളി​ലെ നിർമല സത്യത്തി​നു പകരം മ്ലേച്ഛമായ കാര്യ​ങ്ങ​ളാണ്‌ അവർ സംസാ​രി​ക്കു​ന്നത്‌. വ്യക്തമായ ആത്മീയ കാഴ്‌ച​പ്പാട്‌ അവർക്കില്ല. മനുഷ്യ​വർഗത്തെ സുരക്ഷിത പാതയിൽ നയിക്കാൻ അവർ അപ്രാ​പ്‌ത​രാണ്‌.—മത്തായി 15:14.

11. ദൈവ​രാ​ജ്യ സുവാർത്ത​യോ​ടു ക്രൈ​സ്‌ത​വ​ലോക മതനേ​താ​ക്ക​ന്മാർ എങ്ങനെ​യാ​ണു പ്രതി​ക​രി​ക്കു​ന്നത്‌?

¹¹ യഹോവയുടെ സാക്ഷികൾ മനുഷ്യ​വർഗ​ത്തി​ന്റെ ഏക പ്രത്യാ​ശ​യായ ദൈവ​രാ​ജ്യ​ത്തി​ലേക്കു ക്രൈ​സ്‌ത​വ​ലോക നേതാ​ക്ക​ന്മാ​രു​ടെ ശ്രദ്ധ ക്ഷണിക്കു​മ്പോൾ അവർ എങ്ങനെ​യാ​ണു പ്രതി​ക​രി​ക്കു​ന്നത്‌? അവർക്ക്‌ ആ സന്ദേശം മനസ്സി​ലാ​കു​ന്നില്ല. സാക്ഷികൾ ശിശു​ക്ക​ളെ​പ്പോ​ലെ ഒരേ കാര്യം തന്നെയും പിന്നെ​യും പറയു​ന്നതു പോ​ലെ​യാണ്‌ അവർക്കു തോന്നു​ന്നത്‌. ആ മതനേ​താ​ക്ക​ന്മാർ ഈ സന്ദേശ​വാ​ഹ​കരെ അവജ്ഞ​യോ​ടെ വീക്ഷി​ക്കു​ക​യും അവരെ പരിഹ​സി​ക്കു​ക​യും ചെയ്യുന്നു. യേശു​വി​ന്റെ നാളിലെ യഹൂദ​ന്മാ​രെ​പ്പോ​ലെ ഇന്നത്തെ മതനേ​താ​ക്ക​ന്മാ​രും ദൈവ​രാ​ജ്യ​ത്തി​നാ​യി കാംക്ഷി​ക്കു​ന്നില്ല. തങ്ങളുടെ അജഗണം അതേക്കു​റി​ച്ചു കേൾക്കാ​നും അവർ ആഗ്രഹി​ക്കു​ന്നില്ല. (മത്തായി 23:13) തന്മൂലം, നിരു​പ​ദ്ര​വ​കാ​രി​ക​ളായ തന്റെ സന്ദേശ​വാ​ഹകർ മുഖാ​ന്തരം സംസാ​രി​ക്കു​ന്ന​തിൽ യഹോവ എക്കാല​വും തുടരില്ല എന്ന്‌ അവർക്ക്‌ മുന്നറി​യി​പ്പു ലഭിക്കു​ന്നു. ദൈവ​രാ​ജ്യ​ത്തി​നു കീഴ്‌പെ​ടാ​ത്തവർ ‘തകർന്നു കുടു​ക്കിൽ അകപ്പെട്ടു പിടി​ക്ക​പ്പെ​ടാ​നുള്ള,’ പൂർണ​മാ​യി നശിപ്പി​ക്ക​പ്പെ​ടാ​നുള്ള സമയം ഉടൻ വന്നെത്തും.

“മരണ​ത്തോ​ടു സഖ്യത”

12. യഹൂദ “മരണ​ത്തോ​ടു സഖ്യത” ചെയ്‌തി​രി​ക്കു​ന്നു എന്നതിന്റെ അർഥ​മെന്ത്‌?

¹² യെശയ്യാവ്‌ തുടർന്ന്‌ ഇങ്ങനെ പ്രവചി​ക്കു​ന്നു: “അതു​കൊ​ണ്ടു യെരൂ​ശ​ലേ​മി​ലെ ഈ ജനത്തിന്റെ അധിപ​തി​ക​ളായ പരിഹാ​സി​കളേ, യഹോ​വ​യു​ടെ വചനം കേൾപ്പിൻ. ഞങ്ങൾ മരണ​ത്തോ​ടു സഖ്യത​യും പാതാ​ള​ത്തോ​ടു ഉടമ്പടി​യും ചെയ്‌തി​രി​ക്കു​ന്നു; പ്രവഹി​ക്കുന്ന ബാധ ആക്രമി​ക്കു​മ്പോൾ അതു ഞങ്ങളോ​ടു അടുത്തു വരിക​യില്ല; ഞങ്ങൾ ഭോഷ്‌കി​നെ ശരണമാ​ക്കി വ്യാജ​ത്തിൽ ഒളിച്ചി​രി​ക്കു​ന്നു എന്നു നിങ്ങൾ പറഞ്ഞു​വ​ല്ലോ.” (യെശയ്യാ​വു 28:14, 15) രാഷ്‌ട്രീയ സഖ്യങ്ങൾ ഉള്ളതു​കൊണ്ട്‌ തങ്ങൾ പരാജ​യ​പ്പെ​ടി​ല്ലെന്ന്‌ യഹൂദാ നേതാ​ക്ക​ന്മാർ വീമ്പി​ള​ക്കു​ന്നു. തങ്ങളെ വെറുതെ വിടേ​ണ്ട​തിന്‌ അവർ “മരണ​ത്തോ​ടു സഖ്യത” ചെയ്‌തി​രി​ക്കു​ന്ന​താ​യി അവർക്കു തോന്നു​ന്നു. എന്നാൽ, അവരുടെ സങ്കേതം അവർക്കു സംരക്ഷണം പ്രദാനം ചെയ്യു​ക​യില്ല. അവരുടെ സഖ്യത വ്യാജ​മാണ്‌. സമാന​മാ​യി ഇന്ന്‌, ലോക നേതാ​ക്ക​ന്മാ​രു​മാ​യുള്ള ക്രൈ​സ്‌ത​വ​ലോ​ക​ത്തി​ന്റെ ഉറ്റ ബന്ധം അവളോ​ടു കണക്കു തീർക്കാ​നുള്ള യഹോ​വ​യു​ടെ സമയം വന്നെത്തു​മ്പോൾ അവൾക്കു രക്ഷയായി ഭവിക്കില്ല. മറിച്ച്‌, അത്‌ അവളുടെ നാശത്തിൽ കലാശി​ക്കും എന്നതാണു വാസ്‌തവം.—വെളി​പ്പാ​ടു 17:16, 17.

13. ‘ശോധ​ന​ചെയ്‌ത കല്ല്‌’ ആരാണ്‌, ക്രൈ​സ്‌ത​വ​ലോ​കം അവനെ തള്ളിക്ക​ള​ഞ്ഞി​രി​ക്കു​ന്നത്‌ എങ്ങനെ?

¹³ ആ സ്ഥിതിക്ക്‌, ഈ മതനേ​താ​ക്ക​ന്മാർ എങ്ങോട്ടു തിരി​യേ​ണ്ട​തുണ്ട്‌? യെശയ്യാവ്‌ അടുത്ത​താ​യി യഹോ​വ​യു​ടെ വാഗ്‌ദാ​നം രേഖ​പ്പെ​ടു​ത്തു​ന്നു: “അതു​കൊ​ണ്ടു യഹോ​വ​യായ കർത്താവു ഇപ്രകാ​രം അരുളി​ച്ചെ​യ്യു​ന്നു: ഇതാ, ഞാൻ സീയോ​നിൽ ഉറപ്പുള്ള അടിസ്ഥാ​ന​മാ​യി​ട്ടു ശോധ​ന​ചെയ്‌ത കല്ലും വില​യേ​റിയ മൂലക്ക​ല്ലും ആയി ഒരു അടിസ്ഥാ​ന​ക്കല്ലു ഇട്ടിരി​ക്കു​ന്നു; വിശ്വ​സി​ക്കു​ന്നവൻ ഓടി​പ്പോ​ക​യില്ല. ഞാൻ ന്യായത്തെ അളവു​ച​ര​ടും നീതിയെ തൂക്കു​ക​ട്ട​യും ആക്കി​വെ​ക്കും; കന്മഴ വ്യാജ​ശ​ര​ണത്തെ നീക്കി​ക്ക​ള​യും; വെള്ളം ഒളിപ്പി​ടത്തെ ഒഴുക്കി കൊണ്ടു​പോ​കും.” (യെശയ്യാ​വു 28:16, 17) യെശയ്യാവ്‌ ഈ വാക്കുകൾ പ്രഖ്യാ​പിച്ച്‌ അധിക​നാൾ കഴിയു​ന്ന​തി​നു മുമ്പ്‌ വിശ്വ​സ്‌ത​നായ ഹിസ്‌കീ​യാ രാജാവ്‌ സീയോ​നിൽ സിംഹാ​സ​ന​സ്ഥ​നാ​കു​ന്നു. അവന്റെ രാജ്യം സംരക്ഷി​ക്ക​പ്പെ​ടു​ന്നു. ചുറ്റു​മുള്ള സഖ്യരാ​ഷ്‌ട്ര​ങ്ങളല്ല, മറിച്ച്‌ യഹോ​വ​യാണ്‌ അതിനെ രക്ഷിക്കു​ന്നത്‌. എന്നുവ​രി​കി​ലും, മേലു​ദ്ധ​രിച്ച നിശ്വസ്‌ത വചനങ്ങൾ ഹിസ്‌കീ​യാ​വിൽ നിറ​വേ​റി​യില്ല. ഹിസ്‌കീ​യാവ്‌ ജനിച്ച്‌ പല നൂറ്റാ​ണ്ടു​കൾക്കു ശേഷം ജനിച്ച അവന്റെ ഒരു പിൻത​ല​മു​റ​ക്കാ​ര​നായ യേശു​ക്രി​സ്‌തു​വാണ്‌ ആ ‘ശോധ​ന​ചെയ്‌ത കല്ല്‌’ എന്ന്‌ യെശയ്യാ​വി​ന്റെ വാക്കുകൾ ഉദ്ധരി​ച്ചു​കൊ​ണ്ടു പത്രൊസ്‌ അപ്പൊ​സ്‌തലൻ വ്യക്തമാ​ക്കി. യേശു​വിൽ വിശ്വാ​സം പ്രകടി​പ്പി​ക്കുന്ന ആരും ഭയപ്പെ​ടേ​ണ്ട​തി​ല്ലെ​ന്നും പത്രൊസ്‌ പറഞ്ഞു. (1 പത്രൊസ്‌ 2:6) ക്രിസ്‌ത്യാ​നി​ക​ളെന്നു സ്വയം വിളി​ക്കുന്ന ക്രൈ​സ്‌ത​വ​ലോക നേതാ​ക്ക​ന്മാർ യേശു​വിൽനി​ന്നു തികച്ചും വ്യത്യ​സ്‌ത​രാ​യി ഈ ലോക​ത്തി​ലെ സ്ഥാനമാ​ന​ങ്ങ​ളും അധികാ​ര​ങ്ങ​ളും കാംക്ഷി​ക്കു​ന്നത്‌ എത്ര നിന്ദാ​ക​ര​മാണ്‌! രാജാ​വായ യേശു​ക്രി​സ്‌തു​വി​ന്റെ കീഴി​ലുള്ള യഹോ​വ​യു​ടെ രാജ്യ​ത്തി​നാ​യി കാത്തി​രി​ക്കാൻ അവർക്കു തെല്ലും താത്‌പ​ര്യ​മില്ല.—മത്തായി 4:8-10.

14. “മരണ​ത്തോ​ടുള്ള” യഹൂദ​യു​ടെ “സഖ്യത” എപ്പോൾ അസാധു​വാ​ക്ക​പ്പെ​ടും?

¹⁴ ബാബിലോണിയൻ സേനയാ​കുന്ന “പ്രവഹി​ക്കുന്ന ബാധ” ദേശത്തി​ലൂ​ടെ കടന്നു​പോ​കു​മ്പോൾ യഹൂദ​യു​ടെ രാഷ്‌ട്രീയ സങ്കേതം വെറും വ്യാജ​മാ​ണെന്ന്‌ യഹോവ തുറന്നു​കാ​ട്ടും. “മരണ​ത്തോ​ടുള്ള നിങ്ങളു​ടെ സഖ്യത ദുർബ്ബ​ല​മാ​കും” യഹോവ പറയുന്നു. “പ്രവഹി​ക്കുന്ന ബാധ ആക്രമി​ക്കു​മ്പോൾ നിങ്ങൾ തകർന്നു​പോ​കും. അതു ആക്രമി​ക്കു​മ്പോ​ഴൊ​ക്കെ​യും നിങ്ങളെ പിടി​ക്കും; . . . അതിന്റെ ശ്രുതി കേൾക്കുന്ന മാ​ത്രെക്കു നടുക്കം ഉണ്ടാകും.” (യെശയ്യാ​വു 28:18, 19) അതേ, യഹോ​വയെ സേവി​ക്കു​ന്ന​താ​യി അവകാ​ശ​പ്പെ​ടു​ന്നെ​ങ്കി​ലും അവനിൽ ആശ്രയി​ക്കു​ന്ന​തി​നു പകരം രാഷ്‌ട്ര​ങ്ങ​ളു​മാ​യുള്ള സഖ്യത്തിൽ ആശ്രയി​ക്കു​ന്ന​വർക്ക്‌ എന്തു സംഭവി​ക്കും എന്നതു സംബന്ധിച്ച്‌ ഇതു നമുക്കു ശക്തമായ ഒരു പാഠമാണ്‌.

15. യഹൂദ​യു​ടെ സംരക്ഷ​ണ​ത്തി​ന്റെ അപര്യാ​പ്‌തത യെശയ്യാ​വു ദൃഷ്‌ടാ​ന്തീ​ക​രി​ക്കു​ന്നത്‌ എങ്ങനെ?

¹⁵ യഹൂദയിലെ നേതാ​ക്ക​ന്മാ​രു​ടെ ഇപ്പോ​ഴത്തെ അവസ്ഥ പരിചി​ന്തി​ക്കുക. “കിടക്ക ഒരുത്തന്നു നിവിർന്നു കിടപ്പാൻ നീളം പോരാ​ത്ത​തും പുതെപ്പു പുതെ​പ്പാൻ വീതി​പോ​രാ​ത്ത​തും ആകും.” (യെശയ്യാ​വു 28:20) വിശ്ര​മി​ക്കാ​നാ​യി അവർ കിടക്കു​മെ​ങ്കി​ലും അതു​കൊ​ണ്ടു ഫലമു​ണ്ടാ​കാ​ത്തതു പോ​ലെ​യാണ്‌ അത്‌. കിടക്ക​യ്‌ക്കു നീളം കുറവാ​യ​തി​നാൽ തണുപ്പത്തു കാൽ പുറ​ത്തേക്കു നീണ്ടു​നിൽക്കു​ക​യാണ്‌. ഇനി, ചുരു​ണ്ടു​കൂ​ടി കിടക്കാ​മെന്നു വെച്ചാ​ലോ, പുതപ്പി​നു വീതി കുറവാ​യ​തി​നാൽ നന്നായി ചുറ്റി​പ്പു​ത​യ്‌ക്കാ​നും കഴിയു​ന്നില്ല. യെശയ്യാ​വി​ന്റെ നാളിൽ യഹൂദർ ഇതു​പോ​ലുള്ള അസുഖ​ക​ര​മായ ഒരു അവസ്ഥയിൽ ആയിരു​ന്നു. ഇന്ന്‌, ക്രൈ​സ്‌ത​വ​ലോ​ക​ത്തി​ന്റെ വ്യാജ സങ്കേത​ത്തിൽ ആശ്രയി​ക്കുന്ന ഏതൊ​രാ​ളു​ടെ​യും സ്ഥിതി അതുതന്നെ. രാഷ്‌ട്രീ​യ​ത്തിൽ കൈക​ട​ത്തി​ക്കൊ​ണ്ടു ക്രൈ​സ്‌ത​വ​ലോ​ക​ത്തി​ലെ ചില നേതാ​ക്ക​ന്മാർ “വർഗീയ വെടി​പ്പാ​ക്കൽ,” വർഗീയ കശാപ്പ്‌ എന്നിങ്ങ​നെ​യുള്ള കൊടിയ പ്രവൃ​ത്തി​കൾക്കു പിന്തുണ നൽകു​ന്നത്‌ എത്രയോ ഹീനമാണ്‌!

യഹോ​വ​യു​ടെ “അപൂർവ്വ​ക്രിയ”

16. യഹോ​വ​യു​ടെ “അപൂർവ്വ​ക്രിയ” എന്താണ്‌, അത്‌ അസാധാ​രണം ആയിരി​ക്കു​ന്നത്‌ എന്തു​കൊണ്ട്‌?

¹⁶ യഹൂദയുടെ മതനേ​താ​ക്ക​ന്മാ​രു​ടെ പ്രതീ​ക്ഷ​യ്‌ക്കു നേർവി​പ​രീ​തം ആയിരി​ക്കും കാര്യ​ങ്ങ​ളു​ടെ പരിണതി. ആത്മീയ​മാ​യി ലക്കുകെട്ട ആ യഹൂദാ നിവാ​സി​ക​ളു​ടെ കാര്യ​ത്തിൽ യഹോവ ഒരു അപൂർവ​ക്രിയ ചെയ്യാ​നി​രി​ക്കു​ക​യാണ്‌. “യഹോവ തന്റെ പ്രവൃ​ത്തി​യെ തന്റെ ആശ്ചര്യ​പ്ര​വൃ​ത്തി​യെ തന്നേ, ചെയ്യേ​ണ്ട​തി​ന്നും തന്റെ ക്രിയയെ, തന്റെ അപൂർവ്വ​ക്രി​യയെ തന്നേ നടത്തേ​ണ്ട​തി​ന്നും പെറാ​സീം​മ​ല​യിൽ എന്നപോ​ലെ എഴു​ന്നേ​ല്‌ക്ക​യും ഗിബെ​യോൻതാ​ഴ്‌വ​ര​യിൽ എന്നപോ​ലെ കോപി​ക്ക​യും ചെയ്യും.” (യെശയ്യാ​വു 28:21) ദാവീദ്‌ രാജാ​വി​ന്റെ കാലത്തു പെരാ​സീം മലയി​ലും ഗിബെ​യോൻ സമഭൂ​മി​യി​ലും വെച്ച്‌ യഹോവ തന്റെ ജനത്തിനു ഫെലി​സ്‌ത്യ​രു​ടെ​മേൽ വൻ വിജയം നൽകി. (1 ദിനവൃ​ത്താ​ന്തം 14:10-16) യോശു​വ​യു​ടെ നാളിൽ, ഇസ്രാ​യേ​ല്യർ അമോ​ര്യ​രു​ടെ​മേൽ സമ്പൂർണ വിജയം നേടേ​ണ്ട​തി​നു ഗിബെ​യോൻ പ്രദേ​ശ​ത്തി​നു മുകളിൽ സൂര്യൻ നിശ്ചല​മാ​യി നിൽക്കാൻപോ​ലും യഹോവ ഇടവരു​ത്തി. (യോശുവ 10:8-14) അതു തികച്ചും അസാധാ​ര​ണ​മായ ഒരു സംഭവ​മാ​യി​രു​ന്നു! യഹോവ വീണ്ടും പോരാ​ടും, എന്നാൽ ഇത്തവണ അത്‌ തന്റെ ജനമെന്ന്‌ അവകാ​ശ​പ്പെ​ടു​ന്ന​വർക്ക്‌ എതി​രെ​യാ​യി​രി​ക്കും. അതി​നെ​ക്കാൾ അസാധാ​ര​ണ​മായ എന്തെങ്കി​ലും ഉണ്ടായി​രി​ക്കു​മോ? ഇല്ല. എന്തു​കൊ​ണ്ടെ​ന്നാൽ യെരൂ​ശ​ലേം യഹോ​വ​യു​ടെ ആരാധനാ കേന്ദ്ര​വും അവന്റെ അഭിഷിക്ത രാജാ​വി​ന്റെ നഗരവു​മാണ്‌ എന്നതിന്റെ വീക്ഷണ​ത്തിൽ ആ പ്രവൃത്തി തികച്ചും അസാധാ​ര​ണ​മാണ്‌. അവിടെ ദാവീ​ദി​ന്റെ രാജവം​ശം മുമ്പൊ​രി​ക്ക​ലും മറിച്ചി​ട​പ്പെ​ട്ടി​ട്ടില്ല. എന്നുവ​രി​കി​ലും, നിശ്ചയ​മാ​യും യഹോവ തന്റെ “അപൂർവ്വ​ക്രിയ” നടപ്പി​ലാ​ക്കും.—ഹബക്കൂക്‌ 1:5-7 താരത​മ്യം ചെയ്യുക.

17. യെശയ്യാ​വി​ന്റെ പ്രവചന സന്ദേശ​ത്തി​ന്മേൽ പരിഹാ​സം എന്തു ഫലമു​ള​വാ​ക്കും?

¹⁷ യെശയ്യാവ്‌ മുന്നറി​യി​പ്പു നൽകുന്നു: “ആകയാൽ നിങ്ങളു​ടെ ബന്ധനങ്ങൾ മുറു​കി​പ്പോ​കാ​തെ​യി​രി​ക്കേ​ണ്ട​തി​ന്നു നിങ്ങൾ പരിഹാ​സി​കൾ ആയിരി​ക്ക​രു​തു; സർവ്വഭൂ​മി​യി​ലും വരുവാൻ നിർണ്ണ​യി​ച്ചി​ട്ടുള്ള ഒരു സംഹാ​ര​ത്തെ​ക്കു​റി​ച്ചു ഞാൻ സൈന്യ​ങ്ങ​ളു​ടെ യഹോ​വ​യായ കർത്താ​വി​ങ്കൽനി​ന്നു കേട്ടി​രി​ക്കു​ന്നു.” (യെശയ്യാ​വു 28:22) നേതാ​ക്ക​ന്മാർ പരിഹ​സി​ക്കു​ന്നെ​ങ്കി​ലും യെശയ്യാവ്‌ അറിയി​ക്കുന്ന സന്ദേശം സത്യമാണ്‌. ആ നേതാ​ക്ക​ന്മാർ ഉടമ്പടി​ബ​ന്ധ​ത്തിൽ ഏർപ്പെ​ട്ടി​രി​ക്കുന്ന യഹോ​വ​ത​ന്നെ​യാണ്‌ യെശയ്യാ​വിന്‌ ആ സന്ദേശം നൽകി​യി​രി​ക്കു​ന്നത്‌. സമാന​മാ​യി ഇന്ന്‌, യഹോ​വ​യു​ടെ “അപൂർവ്വ​ക്രിയ”കളെ കുറി​ച്ചുള്ള സന്ദേശത്തെ ക്രൈ​സ്‌ത​വ​ലോക നേതാ​ക്ക​ന്മാർ പുച്ഛിച്ചു തള്ളുന്നു. അവർ അവന്റെ സാക്ഷി​കൾക്കെ​തി​രെ ആക്രോ​ശി​ക്കുക പോലും ചെയ്യുന്നു. എന്നാൽ, സാക്ഷികൾ പ്രഖ്യാ​പി​ക്കുന്ന സന്ദേശം സത്യമാണ്‌. ആ നേതാ​ക്ക​ന്മാർ വിശ്വ​സി​ക്കു​ന്ന​താ​യി അവകാ​ശ​പ്പെ​ടുന്ന ഒരു പുസ്‌ത​ക​ത്തിൽനിന്ന്‌—ബൈബി​ളിൽനിന്ന്‌—ഉള്ളതാണ്‌ ആ സന്ദേശം.

18. യഹോവ ശിക്ഷണം നൽകു​ന്ന​തിൽ സമനില പാലി​ക്കു​ന്നു എന്നതിനെ യെശയ്യാവ്‌ എങ്ങനെ ദൃഷ്‌ടാ​ന്തീ​ക​രി​ക്കു​ന്നു?

¹⁸ ഈ നേതാ​ക്ക​ന്മാ​രെ പിന്തു​ട​രാത്ത ആത്മാർഥ​ത​യുള്ള വ്യക്തി​കളെ സംബന്ധി​ച്ചെന്ത്‌? അവരെ യഹോവ യഥാസ്ഥാ​ന​പ്പെ​ടു​ത്തു​ക​യും തന്റെ പ്രീതി​യി​ലേക്കു വരുത്തു​ക​യും ചെയ്യും. (യെശയ്യാ​വു 28:23-29 വായി​ക്കുക.) വളരെ മൃദു​വായ ജീരകം പോലുള്ള ധാന്യങ്ങൾ മെതി​ച്ചെ​ടു​ക്കാൻ ഒരു കർഷകൻ അതിനു പറ്റിയ രീതി അവലം​ബി​ക്കു​ന്ന​തു​പോ​ലെ, വ്യക്തി​ക​ളെ​യും സാഹച​ര്യ​ങ്ങ​ളെ​യും കണക്കി​ലെ​ടു​ത്തു​കൊണ്ട്‌ യഹോവ തന്റെ ശിക്ഷണ​രീ​തി​യിൽ പൊരു​ത്ത​പ്പെ​ടു​ത്ത​ലു​കൾ വരുത്തു​ന്നു. അവൻ സ്വേച്ഛാ​പ​ര​മോ മർദക​മോ ആയ മുറകൾ സ്വീക​രി​ക്കു​ന്നില്ല. തെറ്റു ചെയ്‌ത വ്യക്തിയെ യഥാസ്ഥാ​ന​പ്പെ​ടു​ത്തുക എന്ന ലക്ഷ്യത്തി​ലാണ്‌ അവൻ പ്രവർത്തി​ക്കു​ന്നത്‌. യഹോ​വ​യു​ടെ ആഹ്വാ​ന​ത്തോട്‌ അനുകൂ​ല​മാ​യി പ്രതി​ക​രി​ക്കു​ന്ന​പക്ഷം വ്യക്തി​കൾക്കു പ്രത്യാ​ശ​യ്‌ക്കു വകയുണ്ട്‌. സമാന​മാ​യി ഇന്ന്‌, ക്രൈ​സ്‌ത​വ​ലോ​കം നാശത്തി​നാ​യി വിധി​ക്ക​പ്പെ​ട്ടി​രി​ക്കു​ന്നെ​ങ്കി​ലും യഹോ​വ​യു​ടെ രാജ്യ​ത്തി​നു കീഴ്‌പെ​ടുന്ന ഏതൊരു വ്യക്തി​ക്കും പ്രതി​കൂല ന്യായ​വി​ധി ഒഴിവാ​ക്കാ​നാ​കും.

യെരൂ​ശ​ലേ​മിന്‌ അയ്യോ കഷ്ടം!

19. ഏതർഥ​ത്തി​ലാണ്‌ യെരൂ​ശ​ലേം ‘യാഗാ​ഗ്നി​കു​ണ്ഡം’ ആയിത്തീ​രു​ന്നത്‌, എപ്പോൾ, എങ്ങനെ അതു സംഭവി​ക്കു​ന്നു?

¹⁹ യഹോവ ഇപ്പോൾ എന്തിനെ കുറി​ച്ചാ​ണു സംസാ​രി​ക്കു​ന്നത്‌? “അയ്യോ, അരീ​യേലേ, അരീ​യേലേ! ദാവീദ്‌ പാളയ​മി​റ​ങ്ങി​യി​രുന്ന നഗരമേ! ആണ്ടോടു ആണ്ടു കൂട്ടു​വിൻ; ഉത്സവങ്ങൾ മുറെക്കു വന്നു​കൊ​ണ്ടി​രി​ക്കട്ടെ. എന്നാൽ ഞാൻ അരീ​യേ​ലി​നെ ഞെരു​ക്കും; ദുഃഖ​വും വിലാ​പ​വും ഉണ്ടാകും; അതു എനിക്കു അരീ​യേ​ലാ​യി തന്നേ ഇരിക്കും.” (യെശയ്യാ​വു 29:1, 2) “അരിയേൽ” എന്നതിന്റെ അർഥം ‘ദൈവ​ത്തി​ന്റെ യാഗാ​ഗ്നി​കു​ണ്ഡം’ എന്നായി​രി​ക്കാ​നാ​ണു സാധ്യത. തെളി​വ​നു​സ​രിച്ച്‌, ഇവിടെ അത്‌ യെരൂ​ശ​ലേ​മി​നെ പരാമർശി​ക്കു​ന്നു. അവി​ടെ​യാണ്‌ ആലയവും യാഗപീ​ഠ​വും സ്ഥിതി​ചെ​യ്യു​ന്നത്‌. അവിടെ യഹൂദ​ന്മാർ മുടക്കം വരാതെ തങ്ങളുടെ ഉത്സവങ്ങ​ളും ബലിയർപ്പ​ണ​ങ്ങ​ളും നടത്തു​ന്നെ​ങ്കി​ലും, യഹോവ അവരുടെ ആരാധ​ന​യിൽ സംപ്രീ​തനല്ല. (ഹോശേയ 6:6) പകരം, ആ നഗരം​തന്നെ ഒരു വ്യത്യസ്‌ത അർഥത്തിൽ ‘യാഗാ​ഗ്നി​കു​ണ്ഡം’ ആയിത്തീ​രു​മെന്ന്‌ അവൻ കൽപ്പി​ക്കു​ന്നു. ഒരു യാഗപീ​ഠ​ത്തിൽ എന്നതു​പോ​ലെ അതിലൂ​ടെ രക്തം ഒഴുകും, ഒടുവിൽ അത്‌ അഗ്നിക്ക്‌ ഇരയാ​കും. അത്‌ എങ്ങനെ ആയിരി​ക്കും സംഭവി​ക്കു​ന്നത്‌ എന്നു​പോ​ലും യഹോവ മുൻകൂ​ട്ടി പറയുന്നു: “ഞാൻ നിനക്കു വിരോ​ധ​മാ​യി ചുററും പാളയ​മി​റങ്ങി വാട​കോ​രി നിന്നെ നിരോ​ധി​ക്ക​യും നിന്റെ നേരെ കൊത്തളം ഉണ്ടാക്കു​ക​യും ചെയ്യും. അപ്പോൾ നീ താണു, നിലത്തു​നി​ന്നു സംസാ​രി​ക്കും; നിന്റെ വാക്കു പൊടി​യിൽനി​ന്നു പതുക്കെ വരും.” (യെശയ്യാ​വു 29:3, 4) പൊ.യു.മു. 607-ൽ ബാബി​ലോ​ണി​യൻ സൈന്യം നഗരത്തെ ഉപരോ​ധിച്ച്‌ അതിനെ നശിപ്പി​ക്കു​ക​യും ആലയത്തി​നു തീ വെക്കു​ക​യും ചെയ്‌ത​പ്പോൾ യഹൂദ​യു​ടെ​യും യെരൂ​ശ​ലേ​മി​ന്റെ​യും കാര്യ​ത്തിൽ ഈ പ്രവചനം നിറ​വേറി. അങ്ങനെ യെരൂ​ശ​ലേം താണു​പോ​യി.

20. ദൈവ​ത്തി​ന്റെ ശത്രു​ക്കൾക്ക്‌ ഒടുവിൽ എന്തു സംഭവി​ക്കും?

²⁰ എന്നാൽ ആ ദുരന്ത​പൂർണ​മായ കാലത്തി​നു മുമ്പ്‌, യഹോ​വ​യു​ടെ നിയമം അനുസ​രി​ക്കുന്ന ചില രാജാ​ക്ക​ന്മാർ യഹൂദ​യിൽ ഭരണം നടത്തുന്നു. അപ്പോ​ഴോ? യഹോവ തന്റെ ജനത്തി​നു​വേണ്ടി പോരാ​ടു​ന്നു. ശത്രുക്കൾ ദേശത്തെ മൂടി​യാ​ലും അവർ “നേരിയ പൊടി​പോ​ലെ​യും” “പതിർപോ​ലെ​യും” ആയിത്തീ​രും. തന്റെ തക്കസമ​യത്ത്‌ “ഇടിമു​ഴ​ക്ക​ത്തോ​ടും ഭൂകമ്പ​ത്തോ​ടും മഹാനാ​ദ​ത്തോ​ടും കൂടെ ചുഴലി​ക്കാ​റ​റും കൊടു​ങ്കാ​റ​റും ദഹിപ്പി​ക്കുന്ന അഗ്നിജ്വാ​ല​യു​മാ​യി” യഹോവ അവരെ ചിതറി​ക്കും.—യെശയ്യാ​വു 29:5, 6.

21. യെശയ്യാ​വു 29:7, 8-ലെ ദൃഷ്ടാന്തം വിശദീ​ക​രി​ക്കുക.

²¹ യെരൂശലേമിന്റെ ശത്രു​സേ​നകൾ അതിലെ മുതലു​കൾ കൊള്ള​ചെ​യ്യാൻ വ്യഗ്രത കാട്ടി​യേ​ക്കാം. എന്നാൽ അവർ ഞെട്ടി​ക്കുന്ന ഒരു സത്യം അംഗീ​ക​രി​ച്ചേ മതിയാ​കൂ! വിശന്നി​രി​ക്കു​ന്നവൻ താൻ വയറു നിറയെ ഭക്ഷിക്കു​ന്നു എന്നു സ്വപ്‌നം കണ്ട്‌ ഉണരു​മ്പോൾ തന്റെ വിശപ്പു മാറി​യി​ട്ടില്ല എന്നു തിരി​ച്ച​റി​യു​ന്ന​തു​പോ​ലെ, തങ്ങൾ ആകാം​ക്ഷാ​പൂർവം കാത്തി​രുന്ന കൊള്ള തങ്ങൾക്കു കിട്ടാതെ പോകു​ന്ന​താ​യി യഹൂദ​യു​ടെ ശത്രുക്കൾ തിരി​ച്ച​റി​യും. (യെശയ്യാ​വു 29:7, 8 വായി​ക്കുക.) വിശ്വ​സ്‌ത​നായ ഹിസ്‌കീ​യാ രാജാ​വി​ന്റെ കാലത്ത്‌ സൻഹേ​രീ​ബി​ന്റെ കീഴി​ലുള്ള അസീറി​യൻ സേന യെരൂ​ശ​ലേ​മി​നെ​തി​രെ ഭീഷണി മുഴക്കു​മ്പോൾ എന്തു സംഭവി​ക്കു​ന്നെന്നു പരിചി​ന്തി​ക്കുക. (യെശയ്യാ​വു 36, 37 അധ്യാ​യങ്ങൾ) ഒരു മനുഷ്യ ശ്രമവും കൂടാതെ, ഒറ്റ രാത്രി​കൊണ്ട്‌ 1,85,000 അസീറി​യൻ വീര​യോ​ദ്ധാ​ക്ക​ളാ​ണു കൊല്ല​പ്പെ​ട്ടത്‌! നിഷ്‌ഠു​ര​രായ ആ സേനാം​ഗ​ങ്ങ​ളിൽ ശേഷി​ച്ചവർ ജീവനും​കൊ​ണ്ടോ​ടി. സമാന​മാ​യി, യഹോ​വ​യു​ടെ ജനത്തെ ആക്രമി​ച്ചു കീഴട​ക്കാ​മെന്ന വ്യാ​മോ​ഹ​ത്തോ​ടെ സമീപ ഭാവി​യിൽ മാഗോ​ഗി​ലെ ഗോഗി​ന്റെ സൈന്യ​ങ്ങൾ അവരെ ആക്രമി​ക്കു​മെ​ങ്കി​ലും അവന്റെ സ്വപ്‌നം വെറും പാഴ്‌ക്കി​നാ​വാ​യി അവശേ​ഷി​ക്കും.—യെഹെ​സ്‌കേൽ 38:10-12; 39:6, 7.

22. ആത്മീയ​മാ​യി ലക്കുകെട്ട അവസ്ഥ യഹൂദയെ എങ്ങനെ ബാധി​ക്കു​ന്നു?

²² യെശയ്യാവ്‌ ഈ പ്രവചന ഭാഗം പ്രഖ്യാ​പി​ക്കുന്ന സമയത്ത്‌ യഹൂദ​യി​ലെ നേതാ​ക്ക​ന്മാർ ഹിസ്‌കീ​യാ​വി​നെ പോലെ വിശ്വാ​സ​മു​ള്ള​വരല്ല. ഭക്തികെട്ട രാഷ്‌ട്ര​ങ്ങ​ളു​മാ​യി സഖ്യം ചേർന്നു​കൊണ്ട്‌ അവർ ആത്മീയ അർഥത്തിൽ മദ്യപി​ച്ചു ലക്കുകെട്ട അവസ്ഥയി​ലാണ്‌. “വിസ്‌മ​യി​ച്ചു സ്‌തം​ഭി​ച്ചു​പോ​കു​വിൻ; അന്ധതപി​ടി​ച്ചു കുരു​ട​രാ​യി​ത്തീ​രു​വിൻ; അവർ മത്തരാ​യി​രി​ക്കു​ന്നു; വീഞ്ഞു​കൊ​ണ്ട​ല്ല​താ​നും; അവർ ചാഞ്ചാ​ടി​ന​ട​ക്കു​ന്നു; മദ്യപാ​നം​കൊ​ണ്ട​ല്ല​താ​നും.” (യെശയ്യാ​വു 29:9) ആത്മീയ​മാ​യി ലക്കുകെട്ട ഈ നേതാ​ക്ക​ന്മാർക്കു യഹോ​വ​യു​ടെ യഥാർഥ പ്രവാ​ച​കനു ലഭിക്കുന്ന ദർശന​ത്തി​ന്റെ പ്രാധാ​ന്യം ഗ്രഹി​ക്കാൻ കഴിയു​ന്നില്ല. യെശയ്യാവ്‌ പ്രസ്‌താ​വി​ക്കു​ന്നു: “യഹോവ ഗാഢനി​ദ്ര നിങ്ങളു​ടെ​മേൽ പകർന്നു നിങ്ങളു​ടെ കണ്ണുകളെ അടെച്ചി​രി​ക്കു​ന്നു; അവൻ പ്രവാ​ച​ക​ന്മാർക്കും നിങ്ങളു​ടെ ദർശക​ന്മാ​രായ തലവന്മാർക്കും മൂടു​പടം ഇട്ടിരി​ക്കു​ന്നു. അങ്ങനെ നിങ്ങൾക്കു സകലദർശ​ന​വും മുദ്ര​യി​ട്ടി​രി​ക്കുന്ന ഒരു പുസ്‌ത​ക​ത്തി​ലെ വചനങ്ങൾ പോലെ ആയിത്തീർന്നി​രി​ക്കു​ന്നു; അതിനെ അക്ഷരവി​ദ്യ​യുള്ള ഒരുത്തന്റെ കയ്യിൽ കൊടു​ത്തു: ഇതൊന്നു വായി​ക്കേണം എന്നു പറഞ്ഞാൽ അവൻ: എനിക്കു വഹിയാ; അതിന്നു മുദ്ര​യി​ട്ടി​രി​ക്കു​ന്നു​വ​ല്ലോ എന്നു പറയും. അല്ല, ആ പുസ്‌തകം അക്ഷരവി​ദ്യ​യി​ല്ലാ​ത്ത​വന്റെ കയ്യിൽ കൊടു​ത്തു: ഇതൊന്നു വായി​ക്കേണം എന്നു പറഞ്ഞാൽ അവൻ: എനിക്കു അക്ഷര വിദ്യ​യില്ല എന്നു പറയും.”—യെശയ്യാ​വു 29:10-12.

23. യഹോവ യഹൂദ​യോ​ടു കണക്കു ചോദി​ക്കു​ന്നത്‌ എന്തു​കൊണ്ട്‌, അവൻ അത്‌ എങ്ങനെ നിർവ​ഹി​ക്കും?

²³ ആത്മീയമായി വിവേ​കി​ക​ളെന്ന്‌ അവകാ​ശ​പ്പെ​ടു​ന്നെ​ങ്കി​ലും യഹൂദ​യി​ലെ മതനേ​താ​ക്ക​ന്മാർ യഹോ​വയെ ഉപേക്ഷി​ച്ചി​രി​ക്കു​ന്നു. തെറ്റും ശരിയും സംബന്ധി​ച്ചു തങ്ങളു​ടേ​തായ വളച്ചൊ​ടിച്ച ആശയങ്ങ​ളാണ്‌ അവർ പഠിപ്പി​ക്കു​ന്നത്‌. തങ്ങളുടെ വിശ്വാ​സ​മി​ല്ലാ​യ്‌മ​യെ​യും അധാർമിക പ്രവൃ​ത്തി​ക​ളെ​യും അതു​പോ​ലെ​തന്നെ, ദൈവ​ത്തി​ന്റെ അപ്രീ​തിക്ക്‌ ഇടവരു​ത്തുന്ന കാര്യ​ങ്ങ​ളി​ലേക്കു ജനങ്ങളെ നയിക്കു​ന്ന​തി​നെ​യു​മെ​ല്ലാം അവർ ന്യായീ​ക​രി​ക്കു​ന്നു. അവരുടെ കാപട്യം നിമിത്തം “ഒരു അത്ഭുത​പ്ര​വൃ​ത്തി”യിലൂടെ—“അപൂർവ്വ​ക്രിയ”യിലൂടെ—യഹോവ അവരോ​ടു കണക്കു ചോദി​ക്കും. അവൻ പറയുന്നു: “ഈ ജനം അടുത്തു വന്നു വായ്‌കൊ​ണ്ടും അധരം​കൊ​ണ്ടും എന്നെ ബഹുമാ​നി​ക്കു​ന്നു; എങ്കിലും തങ്ങളുടെ ഹൃദയത്തെ അവർ എങ്കൽനി​ന്നു ദൂരത്തു അകററി​വെ​ച്ചി​രി​ക്കു​ന്നു; എന്നോ​ടുള്ള അവരുടെ ഭക്തി, മനഃപാ​ഠ​മാ​ക്കിയ മാനു​ഷ​ക​ല്‌പ​ന​യ​ത്രേ. ഇതു കാരണ​ത്താൽ ഞാൻ ഈ ജനത്തിന്റെ ഇടയിൽ ഇനിയും ഒരു അത്ഭുത​പ്ര​വൃ​ത്തി, അത്ഭുത​വും ആശ്ചര്യ​വും ആയോരു പ്രവൃത്തി തന്നേ, ചെയ്യും; അവരുടെ ജ്ഞാനി​ക​ളു​ടെ ജ്ഞാനം നശിക്കും; അവരുടെ ബുദ്ധി​മാ​ന്മാ​രു​ടെ ബുദ്ധി​യും മറഞ്ഞു​പോ​കും എന്നു കർത്താവു അരുളി​ച്ചെ​യ്‌തു.” (യെശയ്യാ​വു 29:13, 14) ബാബി​ലോ​ണി​യൻ ലോക​ശക്തി, വിശ്വാ​സ​ത്യാ​ഗം ഭവിച്ച യഹൂദ മതവ്യ​വ​സ്ഥി​തി​യെ ഒന്നടങ്കം തുടച്ചു​നീ​ക്ക​ത്ത​ക്ക​വണ്ണം യഹോവ കാര്യ​ങ്ങളെ തിരി​ച്ചു​വി​ടു​മ്പോൾ യഹൂദ​യു​ടെ ഈ ജ്ഞാനവും വിവേ​ക​വു​മെ​ല്ലാം മൺമറ​യും. അതുത​ന്നെ​യാണ്‌ ഒന്നാം നൂറ്റാ​ണ്ടി​ലും സംഭവി​ച്ചത്‌. ജ്ഞാനി​ക​ളെന്നു സ്വയം കരുതിയ യഹൂദ മതനേ​താ​ക്ക​ന്മാർ ജനങ്ങളെ നാശത്തി​ലേക്കു നയിച്ചു. സമാന​മായ ഒന്ന്‌ നമ്മുടെ നാളിൽ ക്രൈ​സ്‌ത​വ​ലോ​ക​ത്തി​നും സംഭവി​ക്കും.—മത്തായി 15:8, 9; റോമർ 11:8.

24. തങ്ങൾക്കു ദൈവ​ഭയം ഇല്ലെന്ന്‌ യഹൂദ​ന്മാർ പ്രകടി​പ്പി​ക്കു​ന്നത്‌ എങ്ങനെ?

²⁴ എന്നാൽ, സത്യാ​രാ​ധ​നയെ ദുഷി​പ്പി​ച്ചാ​ലും ശിക്ഷി​ക്ക​പ്പെ​ടാ​തെ രക്ഷപ്പെ​ടാൻ മാത്രം ബുദ്ധി​ശാ​ലി​ക​ളാ​ണു തങ്ങളെന്ന്‌ യഹൂദ​യി​ലെ അഹങ്കാ​രി​ക​ളായ നേതാ​ക്ക​ന്മാർ കരുതു​ന്നു. എന്നാൽ വാസ്‌ത​വ​ത്തിൽ അവർ അത്രയ്‌ക്കു ബുദ്ധി​ശാ​ലി​ക​ളാ​ണോ? യെശയ്യാവ്‌ അവരുടെ മുഖം​മൂ​ടി പൊളി​ച്ചു​മാ​റ്റു​ന്നു. അവർക്ക്‌ യഥാർഥ ദൈവ​ഭ​യ​മി​ല്ലെ​ന്നും അതിനാൽത്തന്നെ അവർ യഥാർഥ​ത്തിൽ ജ്ഞാനി​ക​ള​ല്ലെ​ന്നും അവൻ വെട്ടി​ത്തു​റന്നു പറയുന്നു: “തങ്ങളുടെ ആലോ​ച​നയെ യഹോ​വെക്കു അഗാധ​മാ​യി മറെച്ചു​വെ​ക്കു​വാൻ നോക്കു​ക​യും തങ്ങളുടെ പ്രവൃ​ത്തി​കളെ അന്ധകാ​ര​ത്തിൽ ചെയ്‌ക​യും: ഞങ്ങളെ ആർ കാണുന്നു? ഞങ്ങളെ ആർ അറിയു​ന്നു എന്നു പറകയും ചെയ്യു​ന്ന​വർക്കു അയ്യോ കഷ്ടം! അയ്യോ, ഇതെ​ന്തൊ​രു മറിവു! കുശവ​നും കളിമ​ണ്ണും ഒരു​പോ​ലെ എന്നു വിചാ​രി​ക്കാ​മോ? ഉണ്ടായതു ഉണ്ടാക്കി​യ​വ​നെ​ക്കു​റി​ച്ചു: അവൻ എന്നെ ഉണ്ടാക്കീ​ട്ടില്ല എന്നും, ഉരുവാ​യതു ഉരുവാ​ക്കി​യ​വ​നെ​ക്കു​റി​ച്ചു: അവന്നു ബുദ്ധി​യില്ല എന്നും പറയു​മോ?” (യെശയ്യാ​വു 29:15, 16; സങ്കീർത്തനം 111:10 താരത​മ്യം ചെയ്യുക.) തങ്ങൾ എത്രതന്നെ മറഞ്ഞി​രി​ക്കു​ന്നു എന്ന്‌ അവർ കരുതി​യാ​ലും അവരെ സംബന്ധിച്ച സകലതും ദൈവ​ദൃ​ഷ്ടി​യിൽ “നഗ്നവും മലർന്ന​തു​മാ​യി കിടക്കു​ന്നു.”—എബ്രായർ 4:13.

‘ചെകി​ട​ന്മാർ കേൾക്കും’

25. ഏതർഥ​ത്തി​ലാണ്‌ “ചെകി​ട​ന്മാർ” കേൾക്കു​ന്നത്‌?

²⁵ എന്നിരുന്നാലും, വിശ്വാ​സം പ്രകട​മാ​ക്കുന്ന വ്യക്തി​കൾക്കു രക്ഷ പ്രാപി​ക്കാ​നാ​കും. (യെശയ്യാ​വു 29:17-24 വായി​ക്കുക; ലൂക്കൊസ്‌ 7:22 താരത​മ്യം ചെയ്യുക.) ‘ചെകി​ട​ന്മാർ പുസ്‌ത​ക​ത്തി​ലെ വചനങ്ങൾ,’ ദൈവ​വ​ച​ന​ത്തി​ലെ സന്ദേശം, ‘കേൾക്കും.’ ഇത്‌ അക്ഷരീ​യ​മായ ബധിരത മാറി​ക്കി​ട്ടു​ന്ന​തി​നെ അല്ല, മറിച്ച്‌ ആത്മീയ രോഗ​ശാ​ന്തി​യെ​യാണ്‌ അർഥമാ​ക്കു​ന്നത്‌. മിശി​ഹൈക രാജ്യം സ്ഥാപി​ത​മാ​കു​ക​യും മിശി​ഹാ​യു​ടെ ഭരണത്തിൻ കീഴിൽ ഭൂമി​യിൽ സത്യാ​രാ​ധന പുനഃ​സ്ഥാ​പി​ക്ക​പ്പെ​ടു​ക​യും ചെയ്യുന്ന സമയത്തെ കുറിച്ച്‌ യെശയ്യാവ്‌ വീണ്ടും പറയുന്നു. നമ്മുടെ നാളിൽ അതു നിവൃ​ത്തി​യേ​റി​യി​രി​ക്കു​ന്നു. ആത്മാർഥ​രായ ദശലക്ഷങ്ങൾ ഇപ്പോൾ യഹോ​വ​യിൽ നിന്നുള്ള തിരുത്തൽ സ്വീക​രി​ച്ചു​കൊണ്ട്‌ അവനെ സ്‌തു​തി​ക്കാൻ പഠിക്കു​ക​യാണ്‌. എത്ര പുളക​പ്ര​ദ​മായ ഒരു പ്രവചന നിവൃത്തി! സകലരും, സർവ ജീവജാ​ല​ങ്ങ​ളും, യഹോ​വയെ സ്‌തു​തി​ക്കു​ക​യും അവന്റെ പവി​ത്ര​നാ​മത്തെ വിശു​ദ്ധീ​ക​രി​ക്കു​ക​യും ചെയ്യുന്ന നാൾ ഒടുവിൽ വന്നെത്തും!—സങ്കീർത്തനം 150:6.

26. എന്ത്‌ ആത്മീയ ഓർമി​പ്പി​ക്ക​ലാണ്‌ ഇന്ന്‌ “ചെകി​ട​ന്മാർ” കേൾക്കു​ന്നത്‌?

²⁶ ദൈവവചനം കേൾക്കുന്ന അത്തരം “ചെകി​ട​ന്മാർ” ഇന്ന്‌ എന്താണു പഠിക്കു​ന്നത്‌? എല്ലാ ക്രിസ്‌ത്യാ​നി​ക​ളും, പ്രത്യേ​കി​ച്ചും സഭാം​ഗങ്ങൾ മാതൃ​ക​യാ​യി വീക്ഷി​ക്കു​ന്നവർ, ‘മത്തുപി​ടി​പ്പി​ക്കുന്ന മദ്യം’ നിമിത്തം ‘വഴി​തെ​റ്റി​പ്പോ​കാ​തെ’ ശ്രദ്ധി​ക്കേ​ണ്ട​തു​ണ്ടെന്ന്‌. (യെശയ്യാ​വു 28:7) ദൈവ​ത്തി​ന്റെ ഓർമി​പ്പി​ക്ക​ലു​ക​ളിൽ നാം ഒരിക്ക​ലും മുഷി​യ​രുത്‌. കാരണം, എല്ലാ കാര്യ​ങ്ങ​ളും സംബന്ധിച്ച്‌ ആത്മീയ വീക്ഷണം ഉണ്ടായി​രി​ക്കാൻ അതു നമ്മെ സഹായി​ക്കു​ന്നു. ക്രിസ്‌ത്യാ​നി​കൾ ശ്രേഷ്‌ഠാ​ധി​കാ​രി​കൾക്ക്‌ കീഴട​ങ്ങി​യി​രി​ക്കു​ക​യും ചില സേവന​ങ്ങൾക്കാ​യി അവരി​ലേക്കു നോക്കു​ക​യും ചെയ്യുന്നു എന്നതു ശരിതന്നെ. എങ്കിലും രക്ഷ വരുന്നത്‌ ഈ ലോക​ത്തിൽ നിന്നല്ല, മറിച്ച്‌ യഹോ​വ​യാം ദൈവ​ത്തിൽ നിന്നാ​ണെന്ന്‌ അവർ തിരി​ച്ച​റി​യു​ന്നു. വിശ്വാ​സ​ത്യാ​ഗി​നി​യായ യെരൂ​ശ​ലേ​മി​നു ദൈവ​ത്തി​ന്റെ ന്യായ​വി​ധി​യിൽനി​ന്നു രക്ഷപ്പെ​ടാൻ കഴിയാ​ഞ്ഞ​തു​പോ​ലെ​തന്നെ ഈ തലമു​റ​യും അവന്റെ ന്യായ​വി​ധി​യു​ടെ കയ്‌പു​നീർ കുടി​ക്കേണ്ടി വരും എന്ന വസ്‌തുത നാം ഒരിക്ക​ലും മറന്നു​ക​ള​യ​രുത്‌. യഹോ​വ​യു​ടെ സഹായ​ത്താൽ, യെശയ്യാ​വി​നെ പോലെ നമുക്കും എതിർപ്പു​ക​ളു​ടെ മധ്യേ​യും ദൈവ​ത്തി​ന്റെ മുന്നറി​യി​പ്പിൻ സന്ദേശം തുടർന്നും പ്രഖ്യാ​പി​ക്കാൻ കഴിയും.—യെശയ്യാ​വു 28:14, 22; മത്തായി 24:34; റോമർ 13:1-4.

27. യെശയ്യാ പ്രവച​ന​ത്തിൽനി​ന്നു ക്രിസ്‌ത്യാ​നി​കൾക്ക്‌ എന്തെല്ലാം പാഠങ്ങൾ പഠിക്കാ​നാ​കും?

²⁷ യഹോവ ശിക്ഷണം നൽകുന്ന വിധത്തിൽനി​ന്നു മൂപ്പന്മാർക്കും മാതാ​പി​താ​ക്കൾക്കും പലതും പഠിക്കാ​നാ​കും. തെറ്റു ചെയ്യു​ന്ന​വരെ ശിക്ഷി​ക്കുക എന്നതല്ല അവരുടെ ലക്ഷ്യം, മറിച്ച്‌ അവരെ ദൈവ​പ്രീ​തി​യി​ലേക്കു വരുത്തുക എന്നതാണ്‌. (യെശയ്യാ​വു 28:26-29; യിരെ​മ്യാ​വു 30:11 താരത​മ്യം ചെയ്യുക.) മനുഷ്യ​രെ പ്രീതി​പ്പെ​ടു​ത്തേ​ണ്ട​തി​നു വെറു​മൊ​രു കടമ​പോ​ലെ ക്രിസ്‌തീയ ഉത്തരവാ​ദി​ത്വ​ങ്ങൾ നിർവ​ഹി​ക്കു​ന്ന​തി​നു പകരം യഹോ​വയെ ഹൃദയാ സേവി​ക്കു​ന്നത്‌ എത്ര ജീവത്‌പ്ര​ധാ​ന​മാ​ണെന്നു യുവജ​നങ്ങൾ ഉൾപ്പെടെ നാമെ​ല്ലാ​വ​രും ഓർമി​പ്പി​ക്ക​പ്പെ​ടു​ന്നു. (യെശയ്യാ​വു 29:13) അവിശ്വ​സ്‌ത​രായ യഹൂദാ നിവാ​സി​ക​ളിൽനി​ന്നു വ്യത്യ​സ്‌ത​രാ​യി നമുക്ക്‌ യഹോ​വ​യോട്‌ ഉചിത​മായ ഭയവും ആഴമായ ആദരവും ഉണ്ടെന്നു നാം പ്രവൃ​ത്തി​ക​ളാൽ തെളി​യി​ക്കേ​ണ്ട​താണ്‌. (യെശയ്യാ​വു 29:16) മാത്രമല്ല, യഹോ​വ​യിൽനി​ന്നു തിരുത്തൽ സ്വീക​രി​ക്കാ​നും അവനിൽനി​ന്നു പഠിക്കാ​നും മനസ്സൊ​രു​ക്ക​മു​ള്ളവർ ആണെന്നും നാം പ്രകടി​പ്പി​ക്കേ​ണ്ട​തുണ്ട്‌.—യെശയ്യാ​വു 29:24.

28. യഹോ​വ​യു​ടെ ദാസന്മാർ അവന്റെ രക്ഷാ​പ്ര​വൃ​ത്തി​കളെ എങ്ങനെ വീക്ഷി​ക്കു​ന്നു?

²⁸ യഹോവയിലും അവന്റെ പ്രവർത്തന വിധത്തി​ലും പൂർണ വിശ്വാ​സം ഉണ്ടായി​രി​ക്കു​ന്നത്‌ എത്രയോ പ്രധാ​ന​മാണ്‌! (സങ്കീർത്തനം 146:3 താരത​മ്യം ചെയ്യുക.) നാം ഘോഷി​ക്കുന്ന മുന്നറി​യി​പ്പിൻ സന്ദേശം അനേകർക്കും ബാലി​ശ​മാ​യി തോന്നി​യേ​ക്കാം. ദൈവത്തെ സേവി​ക്കു​ന്ന​താ​യി അവകാ​ശ​പ്പെ​ടുന്ന ഒരു സംഘട​ന​യു​ടെ, അതായത്‌ ക്രൈ​സ്‌ത​വ​ലോ​ക​ത്തി​ന്റെ നാശം ആശ്ചര്യ​ജ​ന​ക​മായ ഒരു സംഗതി​യാണ്‌, ഒരു അപൂർവ​ക്രി​യ​തന്നെ. എന്നാൽ യഹോവ തന്റെ “അപൂർവ്വ​ക്രിയ” നടപ്പി​ലാ​ക്കും. അക്കാര്യ​ത്തിൽ യാതൊ​രു സംശയ​വും വേണ്ട. തന്മൂലം, ഈ വ്യവസ്ഥി​തി​യു​ടെ അന്ത്യനാ​ളു​ക​ളിൽ ദൈവ​ദാ​സ​ന്മാർ അവന്റെ രാജ്യ​ത്തി​ലും അവന്റെ നിയുക്ത രാജാ​വായ യേശു​ക്രി​സ്‌തു​വി​ലും സമ്പൂർണ​മാ​യി ആശ്രയി​ക്കു​ന്നു. “ആശ്ചര്യ​പ്ര​വൃ​ത്തി”കൾ സഹിത​മുള്ള യഹോ​വ​യു​ടെ രക്ഷാ​പ്ര​വൃ​ത്തി​കൾ അനുസ​ര​ണ​മുള്ള മുഴു മാനവ​രാ​ശി​ക്കും ശാശ്വ​താ​നു​ഗ്ര​ഹങ്ങൾ കൈവ​രു​ത്തു​മെന്ന്‌ അവർക്ക​റി​യാം.

[അടിക്കു​റിപ്പ്‌]

[289-ാം പേജിലെ ചിത്രങ്ങൾ]

ക്രൈസ്‌തവലോകം ആശ്രയം വെക്കു​ന്നത്‌ ദൈവ​ത്തി​ലല്ല, പിന്നെ​യോ മനുഷ്യ ഭരണാ​ധി​കാ​രി​ക​ളി​ലാണ്‌

[290-ാം പേജിലെ ചിത്രം]

യെരൂശലേമിനെ നശിപ്പി​ക്കാൻ ബാബി​ലോ​ണി​നെ അനുവ​ദി​ക്കു​ക​വഴി യഹോവ തന്റെ “അപൂർവ്വ​ക്രിയ” നടപ്പി​ലാ​ക്കു​ന്നു

[298-ാം പേജിലെ ചിത്രം]

ആത്മീയ അർഥത്തിൽ ചെകി​ട​ന്മാർ ആയിരു​ന്ന​വർക്ക്‌ ഇപ്പോൾ ദൈവ​വ​ചനം ‘കേൾക്കാൻ’ സാധി​ക്കു​ന്നു