അപ്പോ​സ്‌ത​ലിക കാലഘ​ട്ട​ത്തി​ലെ ഒളിമി​ന്ന​ലു​കൾ

“നീതി​മാൻമാ​രു​ടെ​മേൽ പ്രകാശം ഉദിച്ചി​രി​ക്കു​ന്നു; പരമാർത്ഥ​ഹൃ​ദ​യർക്ക്‌ സന്തോ​ഷ​മു​ദി​ച്ചി​രി​ക്കു​ന്നു.”—സങ്കീർത്തനം 97:11, പി.ഒ.സി. ബൈബിൾ.

1. യഹോ​വ​യു​ടെ സാക്ഷികൾ ഇന്ന്‌ ആദിമ ക്രിസ്‌ത്യാ​നി​ക​ളു​മാ​യി സാദൃ​ശ്യ​ത്തിൽ ആയിരി​ക്കു​ന്ന​തെ​ങ്ങനെ?

സങ്കീർത്തനം 97:11-ലെ വാക്കു​കളെ സത്യ​ക്രി​സ്‌ത്യാ​നി​കൾ എന്നനി​ല​യിൽ നാം എന്തുമാ​ത്രം വിലമ​തി​ക്കു​ന്നു! നമുക്കു​വേണ്ടി ആവർത്തി​ച്ചാ​വർത്തി​ച്ചു “പ്രകാശം ഉദി”ച്ചിരി​ക്കു​ന്നു. നിശ്ചയ​മാ​യും യഹോവ പ്രകാശം ചൊരി​യു​ന്നതു നമ്മിൽ ചിലർ പതിറ​റാ​ണ്ടു​ക​ളോ​ളം കണ്ടിരി​ക്കു​ന്നു. ഇതെല്ലാം നമ്മെ അനുസ്‌മ​രി​പ്പി​ക്കു​ന്നതു സദൃശ​വാ​ക്യ​ങ്ങൾ 4:18-നെയാണ്‌, അവിടെ ഇങ്ങനെ വായി​ക്ക​പ്പെ​ടു​ന്നു: “നീതി​മാ​ന്മാ​രു​ടെ പാതയോ പ്രഭാ​ത​ത്തി​ന്റെ വെളി​ച്ചം​പോ​ലെ; അതു നട്ടുച്ച​വരെ അധിക​മ​ധി​കം ശോഭി​ച്ചു​വ​രു​ന്നു.” പാരമ്പ​ര്യ​ത്തെ​ക്കാ​ളു​പ​രി​യാ​യി തിരു​വെ​ഴു​ത്തു​കളെ വിലമ​തി​ക്കു​ന്ന​തിൽ യഹോ​വ​യു​ടെ സാക്ഷി​ക​ളായ നാം ആദിമ ക്രിസ്‌ത്യാ​നി​ക​ളോ​ടു സദൃശ​രാണ്‌. ദിവ്യ​നി​ശ്വ​സ്‌ത​ത​യിൽ എഴുത​പ്പെട്ട ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ ചരി​ത്ര​പു​സ്‌ത​ക​ങ്ങ​ളിൽനി​ന്നും അതിലെ ലേഖന​ങ്ങ​ളിൽനി​ന്നും അവരുടെ മനോ​ഭാ​വം വ്യക്തമാ​യി കാണാ​വു​ന്ന​താണ്‌.

2. യേശു​ക്രി​സ്‌തു​വി​ന്റെ അനുഗാ​മി​കൾക്കു ലഭിച്ച ഒളിമി​ന്ന​ലു​ക​ളിൽ ആദ്യ​ത്തേത്‌ ഏവ?

² യേശു​ക്രി​സ്‌തു​വി​ന്റെ ആദിമ അനുഗാ​മി​കൾക്കു ലഭിച്ച ആദ്യ ഒളിമി​ന്ന​ലു​കൾ മിശി​ഹാ​യെ സംബന്ധി​ച്ചു​ള്ള​താ​യി​രു​ന്നു. അന്ത്രെ​യോസ്‌ തന്റെ സഹോ​ദ​ര​നായ ശീമോൻ പത്രോ​സി​നോ​ടു പറഞ്ഞു: “ഞങ്ങൾ മിശി​ഹാ​യെ കണ്ടു.” (യോഹ​ന്നാൻ 1:41, NW) കുറച്ചു​നാൾ കഴിഞ്ഞ്‌ സ്വർഗ​സ്ഥ​നായ പിതാവ്‌ അക്കാര്യം സാക്ഷ്യ​പ്പെ​ടു​ത്താൻ അപ്പോ​സ്‌ത​ല​നായ പത്രോ​സി​നെ പ്രാപ്‌ത​നാ​ക്കി. അവൻ യേശു​ക്രി​സ്‌തു​വി​നോ​ടു പറഞ്ഞു: “നീ ജീവനുള്ള ദൈവ​ത്തി​ന്റെ പുത്ര​നായ ക്രിസ്‌തു”വാകുന്നു.—മത്തായി 16:16, 17; യോഹ​ന്നാൻ 6:68, 69.

അവരുടെ പ്രസം​ഗ​നി​യ​മ​ന​ത്തി​ന്മേൽ പ്രകാശം

3, 4. യേശു​വി​ന്റെ പുനരു​ത്ഥാ​ന​ശേഷം, തന്റെ അനുഗാ​മി​കൾക്കു ഭാവി പ്രവർത്ത​ന​ത്തെ​ക്കു​റിച്ച്‌ അവൻ എന്തു പ്രകാശം പ്രദാ​നം​ചെ​യ്‌തു?

³ തന്റെ പുനരു​ത്ഥാ​ന​ശേഷം, തന്റെ എല്ലാ അനുഗാ​മി​ക​ളും നിർവ​ഹി​ക്കേ​ണ്ട​തായ ഒരു കടമയെക്കുറിച്ചു യേശു​ക്രി​സ്‌തു ഒളിമി​ന്ന​ലു​കൾ ചൊരി​ഞ്ഞു. “ആകയാൽ നിങ്ങൾ പുറ​പ്പെട്ടു, പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ സ്‌നാനം കഴിപ്പി​ച്ചും ഞാൻ നിങ്ങ​ളോ​ടു കല്‌പി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചും​കൊ​ണ്ടു സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ; ഞാനോ ലോകാ​വ​സാ​ന​ത്തോ​ളം എല്ലാനാ​ളും നിങ്ങ​ളോ​ടു​കൂ​ടെ ഉണ്ട്‌” എന്ന്‌ അവൻ പറഞ്ഞത്‌ സാധ്യ​ത​യ​നു​സ​രിച്ച്‌ ഗലീല​യിൽ ഒരുമി​ച്ചു​കൂ​ടി​യി​രുന്ന 500 ശിഷ്യ​ന്മാ​രോ​ടാ​യി​രി​ക്കണം. (മത്തായി 28:19, 20; 1 കൊരി​ന്ത്യർ 15:6) അതിനു​ശേഷം, ക്രിസ്‌തു​വി​ന്റെ സകല അനുഗാ​മി​ക​ളും പ്രസം​ഗകർ ആയിരി​ക്ക​ണ​മാ​യി​രു​ന്നു, അവരുടെ പ്രസം​ഗ​നി​യ​മനം ‘യിസ്രാ​യേൽഗൃ​ഹ​ത്തി​ലെ കാണാതെ പോയ ആടുകൾക്കു’ മാത്ര​മാ​യി പരിമി​ത​പ്പെ​ടു​ത്ത​രു​താ​യി​രു​ന്നു. (മത്തായി 10:6) പാപ​മോ​ച​ന​ത്തി​നുള്ള അനുതാ​പ​ത്തി​ന്റെ പ്രതീ​ക​മാ​യുള്ള യോഹ​ന്നാ​ന്റെ സ്‌നാ​പനം അവർ നടത്തു​ക​യും ചെയ്യേ​ണ്ട​തി​ല്ലാ​യി​രു​ന്നു. അതിനു​പ​കരം, അവർ “പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ” ആളുകളെ സ്‌നാ​പനം കഴിപ്പി​ക്കേ​ണ്ടി​യി​രു​ന്നു.

⁴ യേശു സ്വർഗാ​രോ​ഹണം ചെയ്യു​ന്ന​തി​നു തൊട്ടു​മുമ്പ്‌, അവന്റെ വിശ്വ​സ്‌ത​രായ 11 അപ്പോ​സ്‌ത​ല​ന്മാർ ചോദി​ച്ചു: ‘കർത്താവേ, നീ യിസ്രാ​യേ​ലി​ന്നു ഈ കാലത്തി​ലോ രാജ്യം യഥാസ്ഥാ​ന​ത്താ​ക്കി​ക്കൊ​ടു​ക്കു​ന്നത്‌?’ ആ ചോദ്യ​ത്തിന്‌ ഉത്തരം കൊടു​ക്കു​ന്ന​തി​നു​പ​കരം യേശു അവരുടെ പ്രസം​ഗ​നി​യ​മ​ന​ത്തെ​ക്കു​റി​ച്ചുള്ള കൂടു​ത​ലായ നിർദേ​ശങ്ങൾ കൊടു​ക്കു​ക​യാ​ണു ചെയ്‌തത്‌. അവൻ പറഞ്ഞു: “പരിശു​ദ്ധാ​ത്മാ​വു നിങ്ങളു​ടെ മേൽ വരു​മ്പോൾ നിങ്ങൾ ശക്തി ലഭിച്ചി​ട്ടു യെരു​ശ​ലേ​മി​ലും യെഹൂ​ദ്യ​യിൽ എല്ലാട​ത്തും ശമര്യ​യി​ലും ഭൂമി​യു​ടെ അററ​ത്തോ​ള​വും എന്റെ സാക്ഷികൾ ആകും.” അതുവരെ അവർ യഹോ​വ​യു​ടെ മാത്രം സാക്ഷി​ക​ളാ​യി​രു​ന്നു, എന്നാൽ ഇപ്പോൾ അവർ ക്രിസ്‌തു​വി​ന്റെ​യും സാക്ഷി​ക​ളാ​കാൻ പോകു​ക​യാ​യി​രു​ന്നു.—പ്രവൃ​ത്തി​കൾ 1:6-8.

5, 6. പെന്ത​ക്കോ​സ്‌തിൽ യേശു​വി​ന്റെ ശിഷ്യ​ന്മാർക്ക്‌ എന്ത്‌ ഒളിമി​ന്ന​ലു​കൾ ലഭിച്ചു?

⁵ വെറും പത്തു ദിവസം കഴിഞ്ഞ്‌, എന്തൊരു ഉജ്ജ്വല ഒളിമി​ന്ന​ലു​ക​ളാ​യി​രു​ന്നു യേശു​വി​ന്റെ അനുഗാ​മി​കൾക്കു ലഭിച്ചത്‌! പൊ.യു. 33 പെന്ത​ക്കോ​സ്‌ത്‌ ദിനത്തിൽ, അവർക്കു യോവേൽ 2:28, 29-ന്റെ പ്രാധാ​ന്യം ആദ്യമാ​യി മനസ്സി​ലാ​യി: “ഞാൻ [യഹോവ] സകലജ​ഡ​ത്തിൻമേ​ലും എന്റെ ആത്മാവി​നെ പകരും; നിങ്ങളു​ടെ പുത്ര​ന്മാ​രും പുത്രി​മാ​രും പ്രവചി​ക്കും; നിങ്ങളു​ടെ യൌവ​ന​ക്കാർ ദർശനങ്ങൾ ദർശി​ക്കും; നിങ്ങളു​ടെ വൃദ്ധന്മാർ സ്വപ്‌നങ്ങൾ കാണും. എന്റെ ദാസന്മാ​രു​ടെ മേലും ദാസി​മാ​രു​ടെ മേലും​കൂ​ടെ ഞാൻ ആ നാളു​ക​ളിൽ എന്റെ ആത്മാവി​നെ പകരും.” അഗ്നിജ്വാ​ല പോലുള്ള നാവു​ക​ളു​ടെ രൂപത്തിൽ, തങ്ങളു​ടെ​യെ​ല്ലാം ശിരസ്സിൽ വന്നിരി​ക്കു​ന്ന​താ​യി യേശു​വി​ന്റെ ശിഷ്യ​ന്മാർ—120-ഓളം സ്‌ത്രീ​പു​രു​ഷ​ന്മാർ—പരിശു​ദ്ധാ​ത്മാ​വി​നെ കണ്ടു.—പ്രവൃ​ത്തി​കൾ 1:12-15; 2:1-4.

⁶ സങ്കീർത്തനം 16:10-ലെ വാക്കുകൾ പുനരു​ത്ഥാ​നം പ്രാപിച്ച യേശു​വി​നു ബാധക​മാ​യി എന്നു ശിഷ്യ​ന്മാർ ആദ്യമാ​യി മനസ്സി​ലാ​ക്കി​യ​തും പെന്ത​ക്കോ​സ്‌ത്‌ ദിവസം​തന്നെ. “നീ [യഹോ​വ​യാം ദൈവം] എന്റെ പ്രാണനെ പാതാ​ള​ത്തിൽ വിടു​ക​യില്ല; നിന്റെ പരിശു​ദ്ധനെ ദ്രവത്വം കാണ്മാൻ സമ്മതി​ക്ക​യു​മില്ല” എന്നു സങ്കീർത്ത​ന​ക്കാ​രൻ പറഞ്ഞി​ട്ടു​ണ്ടാ​യി​രു​ന്നു. ആ വാക്കുകൾ ദാവീദു രാജാ​വി​നു ബാധക​മാ​ക്കാ​നാ​വി​ല്ലെന്നു ശിഷ്യ​ന്മാർ തിരി​ച്ച​റി​ഞ്ഞി​രു​ന്നു. കാരണം അദ്ദേഹ​ത്തി​ന്റെ കല്ലറ ആ നാൾവരെ അവി​ടെ​യു​ണ്ടാ​യി​രു​ന്നു. ഈ പുതിയ പ്രകാ​ശ​ത്തെ​ക്കു​റി​ച്ചുള്ള വിശദീ​ക​രണം കേട്ട 3,000-ത്തോളം പേർ ആ ദിവസം​തന്നെ സ്‌നാ​പ​ന​മേൽക്കു​മാറ്‌ അവർക്ക്‌ അത്രമാ​ത്രം ബോധ്യം​വ​ന്ന​തിൽ അതിശ​യി​ക്കാ​നില്ല!—പ്രവൃ​ത്തി​കൾ 2:14-41.

7. റോമൻ സൈന്യാ​ധി​പ​നായ കൊർന്നേ​ലി​യ​സി​നെ സന്ദർശി​ക്കവേ, എന്ത്‌ ഉജ്ജ്വല പ്രകാ​ശ​മാണ്‌ അപ്പോ​സ്‌ത​ല​നായ പത്രോ​സി​നു ലഭിച്ചത്‌?

⁷ ദൈവം ഇസ്രാ​യേ​ല്യ​രെ​ക്കു​റി​ച്ചു പറഞ്ഞതി​നെ അവർ നൂററാ​ണ്ടു​ക​ളോ​ളം വിലമ​തി​ച്ചു: “ഭൂമി​യി​ലെ സകലവം​ശ​ങ്ങ​ളി​ലും​വെച്ചു ഞാൻ നിങ്ങളെ മാത്രം തിര​ഞ്ഞെ​ടു​ത്തി​രി​ക്കു​ന്നു.” (ആമോസ്‌ 3:2) അതു​കൊണ്ട്‌, പരിച്‌ഛേ​ദ​ന​യേൽക്കാത്ത വിജാ​തീയ വിശ്വാ​സി​ക​ളു​ടെ​മേൽ പരിശു​ദ്ധാ​ത്മാവ്‌ ആദ്യമാ​യി വന്നപ്പോൾ അപ്പോ​സ്‌ത​ല​നായ പത്രോ​സി​നും റോമൻ സൈന്യാ​ധി​പ​നായ കൊർന്നേ​ലി​യ​സി​ന്റെ ഭവനത്തി​ലേക്ക്‌ അവനെ അനുഗ​മി​ച്ച​വർക്കും ലഭിച്ചതു തീർച്ച​യാ​യും ഒരു ഉജ്ജ്വല ഒളിമി​ന്ന​ലാ​യി​രു​ന്നു. സ്‌നാ​പ​ന​ത്തി​നു​മു​മ്പു പരിശു​ദ്ധാ​ത്മാ​വി​നെ നൽകിയ ഒരേ ഒരവസരം ഇതായി​രു​ന്നു​വെ​ന്നതു ശ്രദ്ധേ​യ​മാണ്‌. എന്നാൽ അത്‌ ആവശ്യ​മാ​യി​രു​ന്നു. അല്ലായി​രു​ന്നെ​ങ്കിൽ, പരിച്‌ഛേ​ദ​ന​യേൽക്കാത്ത ഈ വിജാ​തീ​യർ സ്‌നാ​പ​ന​ത്തി​നു യോഗ്യ​രാ​യി​രു​ന്നു​വെന്നു പത്രോസ്‌ അറിയു​മാ​യി​രു​ന്നില്ല. ഈ പ്രതി​ഭാ​സ​ത്തി​ന്റെ പ്രാധാ​ന്യം മുഴു​വ​നാ​യി മനസ്സി​ലാ​ക്കിയ പത്രോസ്‌ ചോദി​ച്ചു: ‘നമ്മെ​പ്പോ​ലെ പരിശു​ദ്ധാ​ത്മാ​വു ലഭിച്ച ഇവരെ [വിജാ​തീ​യരെ] സ്‌നാനം കഴിപ്പി​ച്ചു​കൂ​ടാ​ത​വണ്ണം വെള്ളം വിലക്കു​വാൻ ആർക്കു കഴിയും?’ തീർച്ച​യാ​യും, സന്നിഹി​ത​രാ​യി​രുന്ന ആർക്കും ന്യായ​മാ​യി അതിനെ എതിർക്കാ​നാ​കു​മാ​യി​രു​ന്നില്ല. അതു​കൊണ്ട്‌, ഈ വിജാ​തീ​യ​രു​ടെ സ്‌നാ​പനം നടന്നു.—പ്രവൃ​ത്തി​കൾ 10:44-48; താരത​മ്യം ചെയ്യുക: പ്രവൃ​ത്തി​കൾ 8:14-17.

മേലാൽ പരിച്‌ഛേ​ദ​ന​യില്ല

8. ചില ആദിമ ക്രിസ്‌ത്യാ​നി​കൾക്കു പരിച്‌ഛേ​ദ​ന​യു​ടെ ആചാരം വിട്ടു​ക​ള​യുക ബുദ്ധി​മു​ട്ടാ​യി തോന്നി​യത്‌ എന്തു​കൊണ്ട്‌?

⁸ പരിച്‌ഛേദന പ്രശ്‌ന​ത്തോ​ടുള്ള ബന്ധത്തിൽ സത്യത്തി​ന്റെ ശോഭ​യുള്ള കൂടു​ത​ലായ മിന്നൽ പ്രത്യ​ക്ഷ​പ്പെട്ടു. പരിച്‌ഛേ​ദ​ന​യു​ടെ ആചരണം ആരംഭി​ച്ചത്‌ പൊ.യു.മു. 1919-ൽ യഹോവ അബ്രഹാ​മു​മാ​യി ഉടമ്പടി​യി​ലേർപ്പെ​ട്ട​തോ​ടെ​യാ​യി​രു​ന്നു. അവനും അവന്റെ ഭവനത്തി​ലെ സകല പുരു​ഷ​ന്മാ​രും പരിച്‌ഛേ​ദ​ന​യേൽക്ക​ണ​മെന്ന്‌ അപ്പോൾ ദൈവം അബ്രഹാ​മി​നോ​ടു കൽപ്പിച്ചു (ഉല്‌പത്തി 17:9-14, 23-27) അങ്ങനെ പരിച്‌ഛേദന അബ്രഹാ​മി​ന്റെ പിൻഗാ​മി​ക​ളു​ടെ ഒരു തിരി​ച്ച​റി​യി​ക്കൽ അടയാ​ള​മാ​യി​ത്തീർന്നു. ഈ ആചരണം സംബന്ധിച്ച്‌ അവർക്ക്‌ എന്തൊരു അഭിമാ​ന​മാ​യി​രു​ന്നു! തദ്‌ഫ​ല​മാ​യി, “അഗ്രചർമ്മി” എന്ന പ്രയോ​ഗം വെറു​പ്പി​നെ സൂചി​പ്പി​ക്കു​ന്ന​താ​യി​ത്തീർന്നു. (യെശയ്യാ​വു 52:1; 1 ശമുവേൽ 17:26, 27) ഇതു ചില ആദിമ യഹൂദ ക്രിസ്‌ത്യാ​നി​കൾ ഈ അടയാളം കാത്തു​സൂ​ക്ഷി​ക്കാൻ ആഗ്രഹി​ച്ച​തി​ന്റെ കാരണം മനസ്സി​ലാ​ക്കുക എളുപ്പ​മാ​ക്കു​ന്നു. അവരിൽ ചിലർ പൗലോ​സും ബർണബാ​സു​മാ​യി ഇക്കാര്യം കാര്യ​മാ​യി ചർച്ച​ചെ​യ്‌തി​രു​ന്നു. അതി​നൊ​രു പരിഹാ​ര​മു​ണ്ടാ​ക്കാൻ പൗലോ​സും മററു​ചി​ല​രും ക്രിസ്‌തീയ ഭരണസം​ഘ​വു​മാ​യി കൂടി​യാ​ലോ​ചന നടത്താൻ യെരു​ശ​ലേ​മി​ലേക്കു പോയി.—പ്രവൃ​ത്തി​കൾ 15:1, 2.

9. പ്രവൃ​ത്തി​കൾ 15-ാം അധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കുന്ന പ്രകാരം, ആദ്യകാല ഭരണസം​ഘ​ത്തി​നു വെളി​പ്പെ​ടു​ത്ത​പ്പെട്ട ഒളിമി​ന്ന​ലു​ക​ളേവ?

⁹ ഇപ്രാ​വ​ശ്യം, യഹോ​വ​യു​ടെ ദാസന്മാർക്കു പരിച്‌ഛേദന മേലാൽ ഒരു നിബന്ധ​ന​യാ​യി​രി​ക്കു​ന്നില്ല എന്ന പ്രകാശം ആ ആദിമ ക്രിസ്‌ത്യാ​നി​കൾക്കു ലഭിച്ചതു വ്യക്തമായ ഒരു അത്ഭുത​ത്തി​ലൂ​ടെ​യാ​യി​രു​ന്നില്ല. മറിച്ച്‌, തിരു​വെ​ഴു​ത്തു​ക​ളിൽ അന്വേ​ഷി​ക്കുക, മാർഗ​നിർദേ​ശ​ത്തി​നാ​യി പരിശു​ദ്ധാ​ത്മാ​വി​നെ ആശ്രയി​ക്കുക, പരിച്‌ഛേ​ദ​ന​യേൽക്കാത്ത വിജാ​തി​യ​രു​ടെ പരിവർത്ത​നത്തെ സംബന്ധി​ച്ചുള്ള പത്രോ​സി​ന്റെ​യും പൗലോ​സി​ന്റെ​യും അനുഭ​വങ്ങൾ കേൾക്കുക എന്നിവ​യി​ലൂ​ടെ​യാ​യി​രു​ന്നു അവർക്ക്‌ ആ പ്രകാശം ലഭിച്ചത്‌. (പ്രവൃ​ത്തി​കൾ 15:6-21) എഴുതി​ക്കൊ​ടു​ത്തു​വിട്ട അവരുടെ തീരു​മാ​ന​ത്തി​ന്റെ ഒരു ഭാഗം ഇങ്ങനെ വായി​ക്കു​ന്നു: “വിഗ്ര​ഹാർപ്പി​തം, രക്തം, ശ്വാസം​മു​ട്ടി​ച്ച​ത്തതു, പരസംഗം എന്നിവ വർജ്ജി​ക്കു​ന്നതു ആവശ്യം എന്നല്ലാതെ അധിക​മായ ഭാരം ഒന്നും നിങ്ങളു​ടെ മേൽ ചുമത്ത​രു​തു എന്നു പരിശു​ദ്ധാ​ത്മാ​വി​ന്നും ഞങ്ങൾക്കും തോന്നി​യി​രി​ക്കു​ന്നു.” (പ്രവൃ​ത്തി​കൾ 15:28, 29) അങ്ങനെ പരിച്‌ഛേദന ആചരി​ക്കാ​നുള്ള കൽപ്പന​യിൽനി​ന്നും മോശ​യു​ടെ ന്യായ​പ്ര​മാ​ണ​ത്തി​ലെ മററു നിബന്ധ​ന​ക​ളിൽനി​ന്നും ആദിമ​ക്രി​സ്‌ത്യാ​നി​കൾ വിമു​ക്ത​രാ​യി. അതു​കൊണ്ട്‌, ഗലാത്യ ക്രിസ്‌ത്യാ​നി​ക​ളോ​ടു പൗലോ​സിന്‌ ഇങ്ങനെ പറയാൻ സാധിച്ചു: “സ്വാത​ന്ത്ര്യ​ത്തി​ന്നാ​യി​ട്ടു ക്രിസ്‌തു നമ്മെ സ്വത​ന്ത്ര​രാ​ക്കി.”—ഗലാത്യർ 5:1.

സുവി​ശേ​ഷ​ങ്ങ​ളി​ലെ പ്രകാശം

10. മത്തായി​യു​ടെ സുവി​ശേ​ഷ​ത്തിൽ വെളി​പ്പെ​ടു​ത്തി​യി​രി​ക്കുന്ന ചില ഒളിമി​ന്ന​ലു​ക​ളേവ?

¹⁰ പൊ.യു. ഏതാണ്ട്‌ 41-ൽ എഴുത​പ്പെട്ട മത്തായി​യു​ടെ സുവി​ശേ​ഷ​ത്തിൽ വായന​ക്കാ​രു​ടെ പ്രയോ​ജ​ന​ത്തി​നു​വേ​ണ്ടി​യുള്ള അനേകം ഒളിമി​ന്ന​ലു​കൾ അടങ്ങി​യി​ട്ടുണ്ട്‌ എന്നതിൽ സംശയ​മില്ല. യേശു തന്റെ പഠിപ്പി​ക്ക​ലു​കളെ വ്യാഖ്യാ​നി​ച്ചു​കൊ​ടു​ത്തത്‌ ഒന്നാം നൂററാ​ണ്ടി​ലെ ക്രിസ്‌ത്യാ​നി​ക​ളിൽ താരത​മ്യേന കുറച്ചു​പേർ വ്യക്തി​പ​ര​മാ​യി കേട്ടി​രു​ന്നു. പ്രത്യേ​കി​ച്ചും, യേശു​വി​ന്റെ പ്രസം​ഗ​വി​ഷയം രാജ്യ​മാ​യി​രു​ന്നു​വെ​ന്ന​തി​നാ​ണു മത്തായി​യു​ടെ സുവി​ശേ​ഷ​ത്തി​ലെ ഊന്നൽ. ശരിയായ ആന്തരമു​ണ്ടാ​യി​രി​ക്കേ​ണ്ട​തി​ന്റെ പ്രാധാ​ന്യം യേശു എത്ര ശക്തമായി ഊന്നി​പ്പ​റഞ്ഞു! അവന്റെ ഗിരി​പ്ര​ഭാ​ഷ​ണ​ത്തി​ലും (13-ാം അധ്യാ​യ​ത്തിൽ രേഖ​പ്പെ​ടു​ത്തി​യി​രി​ക്കു​ന്ന​തു​പോ​ലുള്ള) അവന്റെ ഉപമക​ളി​ലും 24, 25 അധ്യാ​യ​ങ്ങ​ളി​ലെ അവന്റെ മഹത്തായ പ്രവച​ന​ങ്ങ​ളി​ലും എന്തെന്ത്‌ ഒളിമി​ന്ന​ലു​ക​ളാ​ണു​ള്ളത്‌! പൊ.യു. 33-ലെ പെന്ത​ക്കോ​സ്‌തി​നു കേവലം എട്ടു വർഷങ്ങൾക്കു​ശേഷം എഴുത​പ്പെട്ട മത്തായി​യു​ടെ സുവി​ശേഷ വിവര​ണ​ത്തി​ലൂ​ടെ ഇവയെ​ല്ലാം ആദിമ ക്രിസ്‌ത്യാ​നി​ക​ളു​ടെ ശ്രദ്ധയി​ലേക്കു കൊണ്ടു​വ​ര​പ്പെട്ടു.

11. ലൂക്കോ​സി​ന്റെ​യും മർക്കോ​സി​ന്റെ​യും സുവി​ശേ​ഷ​ത്തി​ന്റെ ഉള്ളടക്ക​ത്തെ​ക്കു​റിച്ച്‌ എന്തു പറയാ​നാ​വും?

¹¹ ഏതാണ്ടു 15 വർഷം കഴിഞ്ഞ്‌ ലൂക്കോസ്‌ തന്റെ സുവി​ശേഷം എഴുതി. പല സംഗതി​ക​ളി​ലും മത്തായി​യു​ടെ വിവര​ണ​വു​മാ​യി വളരെ സാമ്യ​മു​ണ്ടെ​ങ്കി​ലും അതിൽ 59 ശതമാനം വ്യത്യ​സ്‌ത​മാണ്‌. യേശു​വി​ന്റെ അത്ഭുത​ങ്ങ​ളിൽ ആറെണ്ണ​വും മററു സുവി​ശേഷ എഴുത്തു​കാർ റിപ്പോർട്ടു ചെയ്‌തി​രി​ക്കു​ന്ന​തി​ന്റെ ഇരട്ടി​യി​ല​ധി​കം ദൃഷ്ടാ​ന്ത​ങ്ങ​ളും ലൂക്കോസ്‌ രേഖ​പ്പെ​ടു​ത്തി. വ്യക്തമാ​യും ഏതാനും വർഷങ്ങൾ കഴിഞ്ഞാ​ണു മർക്കോസ്‌ തന്റെ സുവി​ശേഷം എഴുതു​ന്നത്‌. കർമനി​ര​ത​നായ ഒരു മനുഷ്യൻ, അത്ഭുത​പ്ര​വർത്തകൻ എന്നനി​ല​യിൽ യേശു​വി​നു പ്രാധാ​ന്യം നൽകു​ന്ന​താണ്‌ ആ വിവരണം. മത്തായി​യും ലൂക്കോ​സും നേരത്തെ രേഖ​പ്പെ​ടു​ത്തി​യി​രുന്ന സംഭവ​ങ്ങൾത​ന്നെ​യാ​ണു മർക്കോസ്‌ മിക്കവാ​റും രേഖ​പ്പെ​ടു​ത്തി​യി​രി​ക്കു​ന്ന​തെ​ങ്കി​ലും അവർ എഴുതാഞ്ഞ ഒരു ഉപമ അവൻ രേഖ​പ്പെ​ടു​ത്തു​ക​യു​ണ്ടാ​യി. ആ ദൃഷ്ടാ​ന്ത​ത്തിൽ, യേശു ദൈവ​രാ​ജ്യ​ത്തെ മുളച്ചു​പൊ​ങ്ങി വലുതാ​യി ക്രമേണ ഫലം കായ്‌ക്കുന്ന ഒരു വിത്തി​നോ​ടു സദൃശ​പ്പെ​ടു​ത്തി.a—മർക്കൊസ്‌ 4:26-29.

12. ഏത്‌ അളവോ​ളം യോഹ​ന്നാ​ന്റെ സുവി​ശേഷം കൂടു​ത​ലായ പ്രകാശം പ്രദാനം ചെയ്‌തു?

¹² പിന്നെ, യോഹ​ന്നാ​ന്റെ സുവി​ശേഷം എഴുത​പ്പെട്ടു. അതാകട്ടെ, മർക്കോസ്‌ തന്റെ വിവരണം എഴുതി 30 വർഷത്തി​ലേറെ കഴിഞ്ഞും. വിശേ​ഷിച്ച്‌ യേശു​വി​ന്റെ മനുഷ്യ​പൂർവ അസ്‌തി​ത്വ​ത്തെ​ക്കു​റി​ച്ചുള്ള അനേകം പരാമർശ​ങ്ങ​ളി​ലൂ​ടെ അവന്റെ ശുശ്രൂഷ സംബന്ധിച്ച്‌ എന്തൊരു പ്രകാ​ശ​കി​ര​ണ​ങ്ങ​ളാ​യി​രു​ന്നു യോഹ​ന്നാൻ ചൊരി​ഞ്ഞത്‌! യോഹ​ന്നാൻ മാത്രമേ ലാസറി​ന്റെ പുനരു​ത്ഥാ​ന​ത്തെ​ക്കു​റി​ച്ചുള്ള വിവരണം തരുന്നു​ള്ളു. തന്റെ വിശ്വസ്‌ത അപ്പോ​സ്‌ത​ല​ന്മാ​രോ​ടാ​യി യേശു പറഞ്ഞ അനേകം നല്ല കാര്യ​ങ്ങ​ളും 13 മുതൽ 17 വരെയുള്ള അധ്യാ​യ​ങ്ങ​ളിൽ രേഖ​പ്പെ​ടു​ത്തി​യി​രി​ക്കു​ന്ന​തു​പോ​ലുള്ള, താൻ ഒററി​ക്കൊ​ടു​ക്ക​പ്പെട്ട രാത്രി​യിൽ അവൻ നടത്തിയ ഹൃദ​യോ​ഷ്‌മ​ള​മായ പ്രാർഥ​ന​യും നമുക്കു നൽകു​ന്ന​തും യോഹ​ന്നാൻ മാത്ര​മാണ്‌. വാസ്‌ത​വ​ത്തിൽ, യോഹ​ന്നാ​ന്റെ സുവി​ശേ​ഷ​ത്തി​ലെ 92 ശതമാ​ന​വും അനന്യ​മാണ്‌.

പൗലോ​സി​ന്റെ ലേഖന​ങ്ങ​ളി​ലെ ഒളിമി​ന്ന​ലു​കൾ

13. പൗലോ​സി​ന്റെ റോമർക്കുള്ള ലേഖനത്തെ ചിലർ ഒരു സുവി​ശേ​ഷ​മെന്ന മട്ടിൽ വീക്ഷി​ച്ചത്‌ എന്തു​കൊണ്ട്‌?

¹³ അപ്പോ​സ്‌ത​ലിക കാലഘ​ട്ട​ത്തിൽ ജീവി​ച്ചി​രുന്ന ക്രിസ്‌ത്യാ​നി​കൾക്കു സത്യത്തി​ന്റെ കിരണങ്ങൾ എത്തിച്ചു​കൊ​ടു​ക്കാൻ വിശേ​ഷി​ച്ചും ഉപയോ​ഗി​ക്ക​പ്പെ​ട്ടതു പൗലോ​സാ​യി​രു​ന്നു. ഉദാഹ​ര​ണ​ത്തിന്‌, ഏതാണ്ട്‌ പൊ.യു. 56-ൽ റോമർക്കു പൗലോസ്‌ എഴുതിയ ലേഖനം. ഏതാണ്ട്‌ ഇതേ സമയത്തു​ത​ന്നെ​യാ​യി​രു​ന്നു ലൂക്കോസ്‌ തന്റെ സുവി​ശേഷം എഴുതി​യത്‌. ദൈവ​ത്തി​ന്റെ അനർഹ​ദ​യ​യു​ടെ ഫലമാ​യും യേശു​വി​ലുള്ള വിശ്വാ​സ​ത്തി​ലൂ​ടെ​യു​മാ​ണു നീതി കണക്കി​ടു​ന്നത്‌ എന്ന വസ്‌തുത പൗലോസ്‌ റോമർക്കുള്ള ലേഖന​ത്തിൽ പ്രദീ​പ്‌ത​മാ​ക്കു​ന്നു. സുവാർത്ത​യു​ടെ ഈ വശത്തിനു പൗലോസ്‌ കൊടു​ക്കുന്ന ഊന്നൽനി​മി​ത്തം റോമർക്കുള്ള അവന്റെ ലേഖനത്തെ ചിലർ അഞ്ചാമത്തെ സുവി​ശേ​ഷ​മെന്ന മട്ടിലാ​ണു വീക്ഷി​ച്ചത്‌.

14-16. (എ) കൊരി​ന്തി​ലെ ക്രിസ്‌ത്യാ​നി​കൾക്കുള്ള പൗലോ​സി​ന്റെ ആദ്യ ലേഖന​ത്തിൽ ഐക്യ​ത്തി​നു​വേ​ണ്ടി​യുള്ള ആവശ്യം സംബന്ധിച്ച്‌ അവൻ എന്തു പ്രകാശം ചൊരി​ഞ്ഞു? (ബി) നടത്ത സംബന്ധിച്ച്‌ ഏതു കൂടു​ത​ലായ വെളി​ച്ച​മാണ്‌ ഒന്നു കൊരി​ന്ത്യ​രി​ലു​ള്ളത്‌?

¹⁴ കൊരി​ന്തി​ലെ ക്രിസ്‌ത്യാ​നി​കളെ വിഷമി​പ്പി​ച്ചി​രുന്ന ചില കാര്യ​ങ്ങ​ളെ​ക്കു​റി​ച്ചു പൗലോസ്‌ എഴുതി. നമ്മുടെ നാളു​കൾവരെ ക്രിസ്‌ത്യാ​നി​കൾക്കു പ്രയോ​ജനം ചെയ്‌തി​രി​ക്കുന്ന അനേകം നിശ്വസ്‌ത ബുദ്ധ്യു​പ​ദേ​ശങ്ങൾ അടങ്ങു​ന്ന​താ​ണു കൊരി​ന്ത്യർക്കുള്ള അവന്റെ ലേഖനം. ഒന്നാമ​താ​യി, ചില വ്യക്തി​കളെ കേന്ദ്രീ​ക​രി​ച്ചു വ്യക്തി​പൂ​ജാ​പ്ര​സ്ഥാ​നങ്ങൾ ഉണ്ടാക്കു​ന്ന​തു​വഴി അവർ ചെയ്‌തു​കൊ​ണ്ടി​രുന്ന തെററി​നെ​ക്കു​റിച്ച്‌ അവനു കൊരി​ന്ത്യ​രെ പ്രബു​ദ്ധ​രാ​ക്കേ​ണ്ട​തു​ണ്ടാ​യി​രു​ന്നു. “സഹോ​ദ​ര​ന്മാ​രേ, നിങ്ങൾ എല്ലാവ​രും ഒന്നു തന്നേ സംസാ​രി​ക്ക​യും നിങ്ങളു​ടെ ഇടയിൽ ഭിന്നത ഭവിക്കാ​തെ ഏകമന​സ്സി​ലും ഏകാഭി​പ്രാ​യ​ത്തി​ലും യോജി​ച്ചി​രി​ക്ക​യും വേണം എന്നു ഞാൻ നിങ്ങളെ നമ്മുടെ കർത്താ​വായ യേശു​ക്രി​സ്‌തു​വി​ന്റെ നാമം ചൊല്ലി പ്രബോ​ധി​പ്പി​ക്കു​ന്നു” എന്ന്‌ അവരോ​ടു സധൈ​ര്യം പറഞ്ഞു​കൊണ്ട്‌ അപ്പോ​സ്‌തലൻ അവരെ നേരായ വഴിയി​ലാ​ക്കി.—1 കൊരി​ന്ത്യർ 1:10-15.

¹⁵ കൊരി​ന്തി​ലെ സഭ ഘോര​മായ അധാർമി​ക​തയെ വെച്ചു​പൊ​റു​പ്പി​ക്കു​ക​യാ​യി​രു​ന്നു. അപ്പന്റെ ഭാര്യയെ എടുത്തി​രുന്ന ഒരു മനുഷ്യൻ അവി​ടെ​യു​ണ്ടാ​യി​രു​ന്നു, അങ്ങനെ “ജാതി​ക​ളിൽപോ​ലും ഇല്ലാത്ത ദുർന്ന​ടപ്പു” ആചരി​ക്കു​ക​യാ​യി​രു​ന്നു. “ആ ദുഷ്ടനെ നിങ്ങളു​ടെ ഇടയിൽനി​ന്നു നീക്കി​ക്ക​ള​വിൻ” എന്ന്‌ അപ്പോ​സ്‌തലൻ വ്യക്തമാ​യി എഴുതി. (1 കൊരി​ന്ത്യർ 5:1, 11-13) അതു ക്രിസ്‌തീയ സഭയ്‌ക്കു പുതിയ ഒരു സംഗതി​യാ​യി​രു​ന്നു—പുറത്താ​ക്കൽ നടപടി. കൊരി​ന്ത്യ സഭയ്‌ക്കു പ്രബുദ്ധത ആവശ്യ​മാ​യി​രുന്ന മറെറാ​രു സംഗതി പരാതി​കൾ പരിഹ​രി​ക്കാൻ ചില സഭാം​ഗങ്ങൾ തങ്ങളുടെ ആത്മീയ സഹോ​ദ​ര​ങ്ങളെ ലൗകിക കോട​തി​ക​ളിൽ കയററു​ന്നതു സംബന്ധി​ച്ചാ​യി​രു​ന്നു. അങ്ങനെ ചെയ്‌ത​തി​നു പൗലോസ്‌ അവരെ ശക്തമായി ശകാരി​ച്ചു.—1 കൊരി​ന്ത്യർ 6:5-8.

¹⁶ കൊരി​ന്ത്യ സഭയെ ബാധി​ച്ചി​രുന്ന മറെറാ​രു സംഗതി ലൈം​ഗിക ബന്ധങ്ങൾ സംബന്ധി​ച്ചു​ള്ള​താ​യി​രു​ന്നു. 1 കൊരി​ന്ത്യർ 7-ാം അധ്യാ​യ​ത്തിൽ, ലൈം​ഗിക അധാർമി​കത നിലനി​ന്ന​തു​കൊണ്ട്‌ ഓരോ മനുഷ്യ​നും ഒരേ ഒരു ഭാര്യ​യും ഓരോ സ്‌ത്രീ​ക്കും ഒരേ ഒരു ഭർത്താ​വും ഉണ്ടായി​രി​ക്കു​ന്ന​താ​ണു നല്ലത്‌ എന്നു പൗലോസ്‌ പ്രകട​മാ​ക്കി. താരത​മ്യേന കുറഞ്ഞ ശ്രദ്ധാ​ശൈ​ഥി​ല്യ​ത്തോ​ടെ യഹോ​വയെ സേവി​ക്കാൻ ഏകാകി​ക​ളായ വ്യക്തി​കൾക്കു സാധി​ക്കു​മെ​ങ്കി​ലും എല്ലാവർക്കും ഏകാകി​ത്വ​ത്തി​നുള്ള വരമില്ല എന്നും പൗലോസ്‌ പ്രകട​മാ​ക്കി. ഒരു സ്‌ത്രീ​യു​ടെ ഭർത്താവു മരിക്കു​ന്ന​പക്ഷം, പുനർവി​വാ​ഹം ചെയ്യാൻ അവൾക്കു സ്വാത​ന്ത്ര്യ​മു​ണ്ടാ​യി​രി​ക്കും, എന്നാൽ അതു ‘കർത്താ​വിൽ മാത്രമേ’ ആകാവു.—1 കൊരി​ന്ത്യർ 7:39.

17. പുനു​രു​ത്ഥാന പഠിപ്പി​ക്കൽ സംബന്ധി​ച്ചു പൗലോസ്‌ എന്തു പ്രകാശം ചൊരി​ഞ്ഞു?

¹⁷ പുനരു​ത്ഥാ​ന​ത്തെ​ക്കു​റി​ച്ചു കർത്താവു പൗലോ​സി​നെ ഉപയോ​ഗി​ച്ചു ചൊരി​ഞ്ഞതു പ്രകാ​ശ​ത്തി​ന്റെ എന്തൊരു മിന്നലു​ക​ളാ​യി​രു​ന്നു! അഭിഷിക്ത ക്രിസ്‌ത്യാ​നി​കൾ ഏതു തരം ശരീര​ത്തോ​ടെ​യാ​യി​രി​ക്കും പുനരു​ത്ഥാ​നം പ്രാപി​ക്കുക? “പ്രാകൃ​ത​ശ​രീ​രം [“ഭൗതി​ക​ശ​രീ​രം,” പി.ഒ.സി. ബൈ.] വിതെ​ക്ക​പ്പെ​ടു​ന്നു, ആത്മിക​ശ​രീ​രം ഉയിർക്കു​ന്നു,” പൗലോസ്‌ എഴുതി. യാതൊ​രു ഭൗതിക ശരീര​ങ്ങ​ളും സ്വർഗ​ത്തി​ലേക്ക്‌ എടുക്ക​പ്പെ​ടില്ല, കാരണം “മാംസ​ര​ക്ത​ങ്ങൾക്കു ദൈവ​രാ​ജ്യ​ത്തെ അവകാ​ശ​മാ​ക്കു​വാൻ കഴിക​യില്ല.” സകല അഭിഷി​ക്ത​രും മരണത്തിൽ നിദ്ര പ്രാപി​ക്കു​ക​യില്ല, എന്നാൽ യേശു​വി​ന്റെ സാന്നി​ധ്യ​ത്തി​ങ്കൽ ചിലർ മരിക്കുന്ന അതേ നിമി​ഷ​ത്തിൽത്തന്നെ അമർത്ത്യ ജീവനി​ലേക്ക്‌ ഉയർപ്പി​ക്ക​പ്പെ​ടു​മെന്നു പൗലോസ്‌ കൂട്ടി​ച്ചേർത്തു.—1 കൊരി​ന്ത്യർ 15:43-53.

18. തെസ്സ​ലോ​നീ​ക്യർക്കുള്ള പൗലോ​സി​ന്റെ ആദ്യ ലേഖന​ത്തിൽ ഭാവി​യെ​ക്കു​റി​ച്ചുള്ള എന്തു പ്രകാ​ശ​മുണ്ട്‌?

¹⁸ തെസ​ലോ​നി​ക്യ​യി​ലെ ക്രിസ്‌ത്യാ​നി​കൾക്കുള്ള ലേഖന​ത്തിൽ ഭാവി​യെ​ക്കു​റി​ച്ചു പ്രകാശം ചൊരി​യാൻ പൗലോസ്‌ നിയോ​ഗി​ക്ക​പ്പെട്ടു. രാത്രി​യിൽ കള്ളൻ വരുന്ന​തു​പോ​ലെ യഹോ​വ​യു​ടെ ദിവസം വന്നെത്തും. “അവർ സമാധാ​ന​മെ​ന്നും നിർഭ​യ​മെ​ന്നും പറയു​മ്പോൾ ഗർഭി​ണി​ക്കു പ്രസവ​വേദന വരും​പോ​ലെ അവർക്കു പെട്ടെന്നു നാശം വന്നു ഭവിക്കും; അവർക്കു തെററി​യൊ​ഴി​യാ​വ​തു​മല്ല” എന്നും പൗലോസ്‌ വിശദ​മാ​ക്കി.—1 തെസ്സ​ലൊ​നീ​ക്യർ 5:2, 3.

19, 20. പൗലോസ്‌ എബ്രാ​യർക്ക്‌ എഴുതിയ ലേഖന​ത്തി​ലൂ​ടെ യെരു​ശ​ലേ​മി​ലെ​യും യഹൂദ​യി​ലെ​യും ക്രിസ്‌ത്യാ​നി​കൾക്ക്‌ എന്ത്‌ ഒളിമി​ന്ന​ലു​കൾ ലഭിച്ചു?

¹⁹ എബ്രാ​യർക്കുള്ള തന്റെ ലേഖനം എഴുതി​ക്കൊണ്ട്‌, പൗലോസ്‌ യെരു​ശ​ലേ​മി​ലും യഹൂദ​യി​ലു​മുള്ള ആദിമ ക്രിസ്‌ത്യാ​നി​കൾക്ക്‌ ഒളിമി​ന്ന​ലു​കൾ ചൊരി​യു​ക​യു​ണ്ടാ​യി. മോ​ശൈക ആരാധ​നാ​സ​മ്പ്ര​ദാ​യ​ത്തെ​ക്കാൾ എത്രമാ​ത്രം ശ്രേഷ്‌ഠ​ത​യു​ള്ള​താണ്‌ ക്രിസ്‌തീയ ആരാധ​നാ​സ​മ്പ്ര​ദാ​യ​മെന്ന്‌ അവൻ എത്ര ശക്തമായി പ്രകട​മാ​ക്കി! ദൂതന്മാ​രി​ലൂ​ടെ നൽകപ്പെട്ട ന്യായ​പ്ര​മാ​ണം പിൻപ​റ​റു​ന്ന​തി​നു പകരം, ക്രിസ്‌ത്യാ​നി​കൾക്കു വിശ്വാ​സ​മു​ള്ളത്‌ അത്തരം ദൂത സന്ദേശ​ക​രെ​ക്കാൾ വളരെ​യ​ധി​കം ശ്രേഷ്‌ഠ​ത​യുള്ള ദൈവ​പു​ത്ര​നാൽ ആദ്യമാ​യി അറിയി​ക്ക​പ്പെട്ട ഒരു രക്ഷയി​ലാണ്‌. (എബ്രായർ 2:2-4) മോശ ദൈവ​ഭ​വ​ന​ത്തിൽ കേവല​മൊ​രു സേവക​നാ​യി​രു​ന്നു. എന്നാൽ യേശു​ക്രി​സ്‌തു മുഴു​ഭ​വ​ന​ത്തിൻമേ​ലും അധ്യക്ഷം വഹിക്കു​ന്നു. മല്‌ക്കി​സേ​ദ​ക്കി​ന്റെ ക്രമ​പ്ര​കാ​രം ക്രിസ്‌തു മഹാപു​രോ​ഹി​ത​നാണ്‌. അഹരോ​ന്യ പൗരോ​ഹി​ത്യ​ത്തെ​ക്കാൾ വളരെ ഉയർന്നൊ​രു സ്ഥാനമാണ്‌ അവനു​ള്ളത്‌. വിശ്വാ​സ​രാ​ഹി​ത്യ​വും അനുസ​ര​ണ​യി​ല്ലാ​യ്‌മ​യും നിമിത്തം ഇസ്രാ​യേ​ല്യർക്കു ദൈവ​ത്തി​ന്റെ സ്വസ്ഥത​യിൽ പ്രവേ​ശി​ക്കാൻ കഴിഞ്ഞി​ല്ലെ​ന്നും, എന്നാൽ തങ്ങളുടെ വിശ്വ​സ്‌ത​ത​യും അനുസ​ര​ണ​വും നിമിത്തം ക്രിസ്‌ത്യാ​നി​കൾ അതിൽ പ്രവേ​ശി​ക്കു​ന്നു​വെ​ന്നും പൗലോസ്‌ ചൂണ്ടി​ക്കാ​ട്ടി.—എബ്രായർ 3:1–4:11.

²⁰ ഇനിയും, ന്യായ​പ്ര​മാണ ഉടമ്പടി​യെ​ക്കാൾ വളരെ​യ​ധി​കം ശ്രേഷ്‌ഠ​ത​യു​ള്ള​താ​ണു പുതിയ ഉടമ്പടി. 600 വർഷങ്ങൾക്കു​മു​മ്പേ യിരെ​മ്യാ​വു 31:31-34-ൽ മുൻകൂ​ട്ടി​പ്പ​റ​ഞ്ഞി​രി​ക്കു​ന്ന​തു​പോ​ലെ, പുതിയ ഉടമ്പടി​യി​ലു​ള്ള​വ​രു​ടെ ഹൃദയ​ങ്ങ​ളി​ലാ​ണു ദൈവ​ത്തി​ന്റെ ന്യായ​പ്ര​മാ​ണം എഴുതി​യി​രി​ക്കു​ന്നത്‌. അവർ യഥാർഥ പാപ​മോ​ചനം ആസ്വദി​ക്കു​ന്ന​വ​രാണ്‌. സ്വന്തം പാപങ്ങൾക്കു​വേ​ണ്ടി​യും പിന്നെ ജനത്തിന്റെ പാപങ്ങൾക്കു​വേ​ണ്ടി​യും വർഷം​തോ​റും ബലിയർപ്പി​ക്കേ​ണ്ട​യാ​വ​ശ്യ​മുള്ള ഒരു മഹാപു​രോ​ഹി​തനല്ല അവർക്കു​ള്ളത്‌, പകരം മഹാപു​രോ​ഹി​ത​നാ​യി ക്രിസ്‌ത്യാ​നി​കൾക്കു​ള്ളതു യേശു​ക്രി​സ്‌തു​വാണ്‌. അവൻ പാപമി​ല്ലാ​ത്ത​വ​നും പാപങ്ങൾക്കു​വേണ്ടി എന്നെ​ന്നേ​ക്കു​മുള്ള ഒരു ബലി അർപ്പി​ച്ച​വ​നു​മാ​കു​ന്നു. തന്റെ യാഗങ്ങൾ അർപ്പി​ക്കാൻ കൈ​കൊ​ണ്ടു നിർമിച്ച ഒരു വിശുദ്ധ സ്ഥലത്തേക്കു പ്രവേ​ശി​ക്കു​ന്ന​തി​നു പകരം യഹോ​വ​യു​ടെ സന്നിധി​യിൽ പ്രത്യ​ക്ഷ​പ്പെ​ടു​ന്ന​തി​നു​വേണ്ടി അവൻ സ്വർഗ​ത്തി​ലേ​ക്കു​തന്നെ പ്രവേ​ശി​ച്ചു. മാത്രമല്ല, മോ​ശൈക ന്യായ​പ്ര​മാണ ഉടമ്പടി​യിൻ കീഴി​ലു​ണ്ടാ​യി​രുന്ന മൃഗബ​ലി​കൾക്കു പാപങ്ങളെ പൂർണ​മാ​യി നീക്കി​ക്ക​ള​യാ​നുള്ള കഴിവി​ല്ലാ​യി​രു​ന്നു, അല്ലായി​രു​ന്നെ​ങ്കിൽ അവ വർഷം​തോ​റും അർപ്പി​ക്കേ​ണ്ടി​യി​രു​ന്നില്ല. എന്നാൽ എന്നെ​ന്നേ​ക്കു​മാ​യി അർപ്പിച്ച ക്രിസ്‌തു​വി​ന്റെ ബലി പാപങ്ങളെ നീക്കു​ക​തന്നെ ചെയ്യുന്നു. ഇവയെ​ല്ലാം ഇന്ന്‌ അഭിഷിക്ത ശേഷി​പ്പും ‘വേറെ ആടുക​ളും’ സേവി​ക്കുന്ന പ്രകാ​ര​മുള്ള മഹത്തായ ആത്മീയ ആലയത്തെ സംബന്ധി​ച്ചു പ്രകാശം ചൊരി​യു​ന്നു.—യോഹ​ന്നാൻ 10:16; എബ്രായർ 9:24-28.

21. അപ്പോ​സ്‌ത​ലിക കാലഘ​ട്ട​ത്തിൽ സങ്കീർത്തനം 97:11-ന്റെയും സദൃശ​വാ​ക്യ​ങ്ങൾ 4:18-ന്റെയും നിവൃത്തി സംബന്ധിച്ച്‌ ഈ ചർച്ച എന്തു പ്രകട​മാ​ക്കി​യി​രി​ക്കു​ന്നു?

²¹ അപ്പോ​സ്‌ത​ല​നായ പത്രോ​സി​ന്റെ​യും ശിഷ്യ​ന്മാ​രായ യാക്കോ​ബി​ന്റെ​യും യൂദാ​യു​ടെ​യും ലേഖന​ങ്ങ​ളിൽ കാണുന്ന ഒളിമി​ന്ന​ലു​കൾപോ​ലുള്ള കൂടുതൽ ദൃഷ്ടാ​ന്തങ്ങൾ നിരത്താൻ തുടങ്ങി​യാൽ സ്ഥലം മതിയാ​കാ​തെ വരും. എന്നാൽ അപ്പോ​സ്‌ത​ലിക കാലഘ​ട്ടത്തു സങ്കീർത്തനം 97:11-നും സദൃശ​വാ​ക്യ​ങ്ങൾ 4:18-നും ശ്രദ്ധേ​യ​മായ നിവൃ​ത്തി​ക​ളു​ണ്ടാ​യി​രു​ന്നു എന്നു പ്രകട​മാ​ക്കാൻ മേൽവി​വ​രി​ച്ച​വ​തന്നെ ധാരാ​ള​മാണ്‌. മുൻകു​റി​ക​ളിൽനി​ന്നും നിഴലു​ക​ളിൽനി​ന്നും സത്യം നിവൃ​ത്തി​ക​ളി​ലേ​ക്കും യാഥാർഥ്യ​ങ്ങ​ളി​ലേ​ക്കും നീങ്ങാൻ തുടങ്ങി.—ഗലാത്യർ 3:23-25; 4:21-26.

22. അപ്പോ​സ്‌ത​ല​ന്മാ​രു​ടെ മരണത്തി​നു​ശേഷം എന്തു സംഭവി​ച്ചു, അടുത്ത ലേഖനം എന്തു പ്രകട​മാ​ക്കും?

²² യേശു​വി​ന്റെ അപ്പോ​സ്‌ത​ല​ന്മാ​രു​ടെ മരണത്തി​നും മുൻകൂ​ട്ടി​പ്പ​റ​ഞ്ഞി​രുന്ന വിശ്വാ​സ​ത്യാ​ഗ​ത്തി​ന്റെ ആരംഭ​ത്തി​നും​ശേഷം സത്യത്തി​ന്റെ പ്രകാശം തീരെ മങ്ങി. (2 തെസ്സ​ലൊ​നീ​ക്യർ 2:1-11) എന്നിരു​ന്നാ​ലും, യേശു​വി​ന്റെ വാഗ്‌ദാ​ന​ത്തി​നു ചേർച്ച​യിൽ അനേക നൂററാ​ണ്ടു​കൾക്കു​ശേഷം യജമാനൻ തിരി​ച്ചു​വ​ന്ന​പ്പോൾ തന്റെ “വീട്ടി​ലു​ള്ള​വർക്ക്‌” തക്ക സമയത്ത്‌ അവരുടെ ഭക്ഷണം പ്രദാനം ചെയ്യുന്ന “വിശ്വ​സ്‌ത​നും വിവേ​കി​യു​മായ അടിമ”യെ കണ്ടെത്തി. തദ്‌ഫ​ല​മാ​യി, യേശു​ക്രി​സ്‌തു ആ അടിമയെ “തന്റെ വസ്‌തു​ക്ക​ളു​ടെ​യെ​ല്ലാം മേൽ” അധികാ​രി​യാ​യി നിയമി​ച്ചു. (മത്തായി 24:45-47, NW) അതേത്തു​ടർന്ന്‌ എന്തുമാ​ത്രം ഒളിമി​ന്ന​ലു​കൾ ലഭിച്ചു? ഇതി​നെ​ക്കു​റിച്ച്‌ അടുത്ത ലേഖന​ത്തിൽ ചർച്ച​ചെ​യ്യു​ന്ന​താ​യി​രി​ക്കും.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

◻ സത്യ​ത്തെ​ക്കു​റി​ച്ചുള്ള പരിജ്ഞാ​നം സാധ്യ​മാ​കു​ന്നതു ക്രമാ​നു​ഗ​ത​മാ​യി​ട്ടാ​ണെന്നു പ്രകട​മാ​ക്കുന്ന ബൈബിൾ വാക്യ​ങ്ങ​ളേവ?

◻ പ്രവൃ​ത്തി​ക​ളു​ടെ പുസ്‌ത​ക​ത്തിൽ രേഖ​പ്പെ​ടു​ത്തി​യി​രി​ക്കുന്ന ഒളിമി​ന്ന​ലു​ക​ളിൽ ചിലത്‌ ഏവ?

◻ സുവി​ശേ​ഷ​ങ്ങ​ളിൽ എന്തു പ്രകാശം കാണുന്നു?

◻ പൗലോ​സി​ന്റെ ലേഖന​ങ്ങ​ളിൽ എന്തെല്ലാം ഒളിമി​ന്ന​ലു​കൾ അടങ്ങി​യി​രി​ക്കു​ന്നു?