പ്രാർത്ഥ​ന​ കേൾക്കു​ന്ന​വ​നായ യഹോ​വയെ ഭയപ്പെ​ടു​ക

“പ്രാർത്ഥന കേൾക്കു​ന്ന​വനേ, നിന്റെ പക്കലേ​ക്കു​തന്നെ സകല ജഡത്തി​ലും​പെട്ട ആളുകൾ വരും.”—സങ്കീർത്തനം 65:2.

1. പ്രാർത്ഥ​ന​യിൽ തന്നെ സമീപി​ക്കാൻ ആഗ്രഹി​ക്കു​ന്ന​വ​രെ​സം​ബ​ന്ധിച്ച്‌ യഹോ​വക്ക്‌ നിബന്ധ​നകൾ ഉണ്ടായി​രി​ക്കു​മെന്ന്‌ നാം പ്രതീ​ക്ഷി​ക്കേ​ണ്ട​തെ​ന്തു​കൊണ്ട്‌?

യഹോ​വ​യാം ദൈവം “നിത്യ​ത​യു​ടെ രാജാവാ”ണ്‌. അവൻ “പ്രാർത്ഥന കേൾക്കു​ന്ന​വനു”മാണ്‌. അവന്റെ പക്കലേക്ക്‌ “സകല ജഡത്തി​ലും​പെട്ട ആളുകൾ വരും.” (വെളി​പ്പാട്‌ 15:3; സങ്കീർത്തനം 65:2) എന്നാൽ അവർ എങ്ങനെ അവന്റെ അടു​ത്തേക്ക്‌ വരണം? തങ്ങളുടെ സന്നിധാ​ന​ത്തി​ലേക്കു കടന്നു​വ​രാൻ അനുവ​ദി​ക്ക​പ്പെ​ടു​ന്ന​വ​രു​ടെ വസ്‌ത്ര​ധാ​രണം, പെരു​മാ​ററം, എന്നിവ​പോ​ലുള്ള കാര്യ​ങ്ങ​ളിൽ ഭൗമി​ക​രാ​ജാ​ക്കൻമാർ നിയ​ന്ത്രണം വെക്കുന്നു. അതു​കൊണ്ട്‌ തീർച്ച​യാ​യും അഭയയാ​ച​ന​യും നന്ദി​പ്ര​ക​ട​ന​വു​മാ​യി തന്റെ മുമ്പിൽ വരാൻ ആഗ്രഹി​ക്കുന്ന ഏതൊ​രു​വ​നും അനുസ​രി​ക്കേ​ണ്ട​തായ നിബന്ധ​നകൾ നിത്യ​രാ​ജാ​വിന്‌ ഉണ്ടായി​രി​ക്കാൻ നാം പ്രതീ​ക്ഷി​ക്കണം.—ഫിലി​പ്പി​യർ 4:6, 7.

2. പ്രാർത്ഥന എന്ന വിഷയം സംബന്ധിച്ച്‌ എന്തു ചോദ്യ​ങ്ങൾ ഉദിക്കു​ന്നു?

² തന്നെ പ്രാർത്ഥ​ന​യിൽ സമീപി​ക്കു​ന്ന​വ​രിൽനിന്ന്‌ നിത്യ​രാ​ജാവ്‌ എന്താണ്‌ ആവശ്യ​പ്പെ​ടു​ന്നത്‌? പ്രാർത്ഥി​ക്കാ​നും കേൾക്ക​പ്പെ​ടാ​നും ആർക്കാണു കഴിയുക? അവർക്ക്‌ എന്തി​നെ​പ്പ​ററി പ്രാർത്ഥി​ക്കാൻ കഴിയും?

നിത്യ​രാ​ജാ​വി​നെ സമീപി​ക്കൽ

3. പുരാ​ത​ന​കാ​ലത്തെ ദൈവ​ദാ​സൻമാർ അർപ്പിച്ച പ്രാർത്ഥ​ന​ക​ളു​ടെ ഏതു ദൃഷ്ടാ​ന്തങ്ങൾ നൽകാൻ നിങ്ങൾക്കു കഴിയും, ഒരു മദ്ധ്യസ്ഥ​നി​ലൂ​ടെ​യാ​ണോ അവർ അവനെ സമീപി​ച്ചത്‌?

³ ഒരു പാപി​യാ​യി​ത്തീ​രു​ന്ന​തി​നു​മുമ്പ്‌ ഒരു “ദൈവ​പു​ത്രൻ” ആയിരുന്ന ആദാം നിത്യ​ത​യു​ടെ രാജാ​വു​മാ​യി ആശയവി​നി​യമം നടത്തി. (ലൂക്കോസ്‌ 3:38; ഉല്‌പത്തി 1:26-28) ആദാമി​ന്റെ പുത്ര​നായ ഹാബേൽ “തന്റെ ആട്ടിൻകൂ​ട്ട​ത്തിൽനിന്ന്‌ ചില കടിഞ്ഞൂ​ലു​കളെ” ദൈവ​ത്തിന്‌ അർപ്പി​ച്ച​പ്പോൾ നിസ്സം​ശ​യ​മാ​യും ആ യാഗ​ത്തോ​ടൊ​പ്പം അഭയയാ​ച​ന​യു​ടെ​യും സ്‌തു​തി​യു​ടെ​യും വാക്കു​ക​ളും ഉണ്ടായി​രു​ന്നു. (ഉല്‌പത്തി 4:2-4) നോഹ, അബ്രാ​ഹാം, ഇസ്‌ഹാക്ക്‌, യാക്കോബ്‌ എന്നിവ​രും ബലിപീ​ഠങ്ങൾ പണിയു​ക​യും തങ്ങളുടെ യാഗങ്ങ​ളു​മാ​യി പ്രാർത്ഥ​നാ​പൂർവം യഹോ​വയെ സമീപി​ക്കു​ക​യും ചെയ്‌തു. (ഉല്‌പത്തി 8:18-22; 12:7, 8; 13:3, 4, 18; 22:9-14; 26:23-25; 33:18-20; 35:1, 3, 7) കൂടാതെ ശലോ​മോ​ന്റെ​യും എസ്രാ​യു​ടെ​യും ദിവ്യ​മാ​യി നിശ്വ​സ്‌ത​രാ​ക്ക​പ്പെട്ട സങ്കീർത്ത​ന​ക്കാ​രു​ടെ​യും പ്രാർത്ഥ​നകൾ സൂചി​പ്പി​ക്കു​ന്നത്‌ ഒരു മദ്ധ്യസ്ഥനെ കൂടാതെ ഇസ്രാ​യേ​ല്യർ ദൈവത്തെ സമീപി​ച്ചു​വെ​ന്നാണ്‌.—1 രാജാ​ക്കൻമാർ 8:22-24; എസ്രാ 9:5, 6; സങ്കീർത്തനം 6:1, 2;: 43:1; 55:1; 61:1; 72:1; 80:1; 143:1.

4. (എ) പ്രാർത്ഥ​ന​യിൽ ദൈവത്തെ സമീപി​ക്കാ​നുള്ള ഏതു പുതിയ രീതി ഒന്നാം നൂററാ​ണ്ടിൽ നിലവിൽവന്നു? (ബി) പ്രാർത്ഥന യേശു​വി​ന്റെ നാമത്തിൽ അർപ്പി​ക്ക​പ്പെ​ട​ണ​മെ​ന്നത്‌ വിശേ​ഷാൽ ഉചിത​മാ​യി​രി​ക്കു​ന്ന​തെ​ന്തു​കൊണ്ട്‌?

⁴ പ്രാർത്ഥ​ന​യിൽ ദൈവത്തെ സമീപി​ക്കു​ന്ന​തി​നുള്ള ഒരു പുതിയ രീതി നമ്മുടെ പൊതു​യു​ഗം ഒന്നാം നൂററാ​ണ്ടിൽ നിലവിൽവന്നു. അത്‌ മനുഷ്യ​വർഗ്ഗ​ത്തോ​ടു പ്രത്യേ​കാൽ സ്‌നേ​ഹ​മു​ണ്ടാ​യി​രുന്ന അവന്റെ പുത്ര​നായ യേശു​ക്രി​സ്‌തു​വി​ലൂ​ടെ​യാ​യി​രു​ന്നു. ഒരു മനുഷ്യ​നാ​യി​ത്തീ​രു​ന്ന​തി​നു​മു​മ്പത്തെ യേശു​വി​ന്റെ ആസ്‌തി​ക്യ​ത്തിൽ മനുഷ്യ​വർഗ്ഗ​ത്തോ​ടു ബന്ധപ്പെട്ട കാര്യ​ങ്ങ​ളിൽ താത്‌പ​ര്യ​മെ​ടു​ത്തു​കൊണ്ട്‌ അവൻ ഒരു “വിദഗ്‌ദ്ധ​വേ​ല​ക്കാ​രൻ” എന്ന നിലയിൽ സന്തോ​ഷ​പൂർവം സേവിച്ചു. (സദൃശ​വാ​ക്യ​ങ്ങൾ 8:30, 31) ഒരു മനുഷ്യ​നെന്ന നിലയിൽ ഭൂമി​യി​ലാ​യി​രു​ന്ന​പ്പോൾ യേശു അപൂർണ്ണ​രാ​യി​രുന്ന മനുഷ്യ​രെ സ്‌നേ​ഹ​പൂർവം ആത്മീയ​മാ​യി സഹായി​ക്കു​ക​യും രോഗി​കളെ സൗഖ്യ​മാ​ക്കു​ക​യും മരിച്ച​വരെ ഉയർപ്പി​ക്കു​ക​യും​പോ​ലും ചെയ്‌തു. (മത്തായി 9:35-38; ലൂക്കോസ്‌ 8:1-3, 49-56) എല്ലാറ​റി​ലു​മു​പ​രി​യാ​യി യേശു ‘തന്റെ ദേഹിയെ അനേകർക്കു​വേണ്ടി ഒരു മറുവി​ല​യാ​യി നൽകി.’ (മത്തായി 20:28) അപ്പോൾ മറുവി​ല​യിൽനി​ന്നുള്ള പ്രയോ​ജനം അനുഭ​വി​ക്കു​ന്നവർ മനുഷ്യ​വർഗ്ഗത്തെ ഇത്രയ​ധി​കം സ്‌നേ​ഹി​ക്കുന്ന ആ ഒരുവ​നി​ലൂ​ടെ ദൈവത്തെ സമീപി​ക്കണം എന്നത്‌ എത്ര ഉചിത​മാണ്‌! ഇപ്പോൾ നിത്യ​രാ​ജാ​വി​നെ സമീപി​ക്കാ​നുള്ള ഏകമാർഗ്ഗം ഇതാണ്‌, എന്തു​കൊ​ണ്ടെ​ന്നാൽ “എന്നിലൂ​ടെ​യ​ല്ലാ​തെ ആരും പിതാ​വി​ങ്ക​ലേക്ക്‌ വരുന്നില്ല” എന്നും “നിങ്ങൾ പിതാ​വി​നോട്‌ എന്തു ചോദി​ച്ചാ​ലും എന്റെ നാമത്തിൽ അവൻ അത്‌ നിങ്ങൾക്കു തരും” എന്നും യേശു തന്നെ പറഞ്ഞു. (യോഹ​ന്നാൻ 14:6; 16:23) യേശു​വി​ന്റെ നാമത്തിൽ എന്തെങ്കി​ലും ചോദി​ക്കു​ക​യെ​ന്നാൽ പ്രാർത്ഥന കേൾക്കു​ന്ന​വനെ സമീപി​ക്കാ​നുള്ള മാർഗ്ഗ​മാ​യി അവനെ അംഗീ​ക​രി​ക്കുക എന്നാണ​തി​ന്റെ അർത്ഥം.

5. മനുഷ്യ​വർഗ്ഗ​ലോ​ക​ത്തോ​ടുള്ള ദൈവ​ത്തി​ന്റെ മനോ​ഭാ​വ​മെ​ന്താണ്‌, അതിന്‌ പ്രാർത്ഥ​ന​യു​മാ​യി എന്തു ബന്ധമുണ്ട്‌?

⁵ ഒരു മറുവില പ്രദാ​നം​ചെ​യ്യുക വഴി യഹോവ പ്രകട​മാ​ക്കിയ സ്‌നേഹം നാം വിശേ​ഷാൽ വിലമ​തി​ക്കേ​ണ്ട​താണ്‌. യേശു പറഞ്ഞു: “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏതൊ​രു​വ​നും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തിന്‌ അവനെ നൽകു​വാൻത​ക്ക​വണ്ണം ദൈവം [മനുഷ്യ​വർഗ്ഗ] ലോകത്തെ അത്രയ​ധി​കം സ്‌നേ​ഹി​ച്ചു.” (യോഹ​ന്നാൻ 3:16) ദൈവ​സ്‌നേ​ഹ​ത്തി​ന്റെ ആഴം സങ്കീർത്ത​ന​ക്കാ​രന്റെ വാക്കു​ക​ളിൽ നന്നായി വർണ്ണി​ക്ക​പ്പെ​ട്ടി​രി​ക്കു​ന്നു: “ആകാശം ഭൂമി​യിൽനിന്ന്‌ ഉയർന്നി​രി​ക്കു​ന്ന​തു​പോ​ലെ തന്നെ ഭയപ്പെ​ടു​ന്ന​വ​രോ​ടുള്ള അവന്റെ സ്‌നേ​ഹദയ സമുന്ന​ത​മാ​യി​രി​ക്കു​ന്നു. സൂര്യോ​ദയം സൂര്യാ​സ്‌ത​മ​ന​ത്തിൽനിന്ന്‌ അകന്നി​രി​ക്കു​ന്ന​തു​പോ​ലെ അവൻ നമ്മുടെ ലംഘന​ങ്ങളെ നമ്മിൽനിന്ന്‌ അകററി​യി​രി​ക്കു​ന്നു. ഒരു അപ്പൻ തന്റെ പുത്രൻമാ​രോ​ടു കരുണ കാണി​ക്കു​ന്ന​തു​പോ​ലെ തന്നെ ഭയപ്പെ​ടു​ന്ന​വ​രോട്‌ യഹോവ കരുണ കാണി​ച്ചി​രി​ക്കു​ന്നു. എന്തു​കൊ​ണ്ടെ​ന്നാൽ നാം പൊടി​യാ​ണെന്ന്‌ ഓർത്തു​കൊണ്ട്‌ അവൻ നമ്മുടെ പ്രകൃതി നന്നായി അറിയു​ന്നു.” (സങ്കീർത്തനം 103:11-14) യഹോ​വ​യു​ടെ സമർപ്പി​ത​സാ​ക്ഷി​ക​ളു​ടെ പ്രാർത്ഥ​നകൾ ഇത്ര സ്‌നേ​ഹ​വാ​നായ ഒരു പിതാ​വി​ങ്ക​ലേക്ക്‌ അവന്റെ പുത്രൻ മുഖാ​ന്തരം ഉയരു​ന്നു​വെ​ന്നത്‌ എത്ര ഹൃദ​യോ​ദ്ദീ​പ​ക​മാണ്‌!

ഒരു നിയ​ന്ത്രിത പദവി

6. ഏതു മനോ​ഭാ​വ​ത്തോ​ടെ​യാണ്‌ യഹോ​വയെ പ്രാർത്ഥ​ന​യിൽ സമീപി​ക്കേ​ണ്ടത്‌?

⁶ അറിയി​പ്പു​കൂ​ടാ​തെ തങ്ങളുടെ രാജ​കൊ​ട്ടാ​ര​ങ്ങ​ളി​ലേക്ക്‌ കടന്നു​ചെ​ല്ലാൻ മാനു​ഷ​രാ​ജാ​ക്കൻമാർ ഏതൊ​രു​വ​നെ​യും അനുവ​ദി​ക്കാ​റില്ല. ഒരു രാജാ​വു​മാ​യുള്ള ഒരു കൂടി​ക്കാഴ്‌ച ഒരു നിയ​ന്ത്രി​ത​പ​ദ​വി​യാണ്‌. നിത്യ​ത​യു​ടെ രാജാ​വി​നോ​ടുള്ള പ്രാർത്ഥ​ന​യും അങ്ങനെ​ത​ന്നെ​യാണ്‌. ദൈവ​ത്തി​ന്റെ മഹത്തായ രാജകീ​യ​പ​ദ​വി​യോ​ടുള്ള വിലമ​തി​പ്പോ​ടെ യേശു​ക്രി​സ്‌തു​വി​ലൂ​ടെ അവനെ സമീപി​ക്കു​ന്ന​വർക്ക്‌ തീർച്ച​യാ​യും തങ്ങളുടെ പ്രാർത്ഥ​നകൾ കേൾക്ക​പ്പെ​ടു​മെന്ന്‌ പ്രതീ​ക്ഷി​ക്കാൻ കഴിയും. നിത്യ​രാ​ജാവ്‌ ആദര​വോ​ടെ​യും ആരാധ​നാ​മ​നോ​ഭാ​വ​ത്തോ​ടെ​യും സമീപി​ക്ക​പ്പെ​ടണം. കേൾക്ക​പ്പെ​ടാൻ ആഗ്രഹി​ക്കു​ന്നവർ “യഹോ​വാ​ഭയം” പ്രകട​മാ​ക്കണം.—സദൃശ​വാ​ക്യ​ങ്ങൾ 1:7.

7. “യഹോ​വാ​ഭയം” എന്താണ്‌?

⁷ “യഹോ​വാ​ഭയം” എന്താണ്‌? അത്‌ ദൈവത്തെ അപ്രീ​തി​പ്പെ​ടു​ത്തു​ന്ന​തു​സം​ബ​ന്ധിച്ച ആരോ​ഗ്യാ​വ​ഹ​മായ ഭയം സഹിതം അവനോ​ടുള്ള ആഴമായ ആദരവാണ്‌. ഈ ആദരപൂർവ​ക​മായ ഭയം അവന്റെ സ്‌നേ​ഹ​ദ​യ​യോ​ടും നൻമ​യോ​ടു​മുള്ള നന്ദിയിൽനിന്ന്‌ ഉത്ഭവി​ക്കു​ന്നു. (സങ്കീർത്തനം 106:1) തന്നെ അനുസ​രി​ക്കു​ന്ന​വർക്ക്‌ മരണം ഉൾപ്പെ​ടെ​യുള്ള ശിക്ഷ നൽകാ​നുള്ള അവകാ​ശ​വും അധികാ​ര​വു​മുള്ള നിത്യ​ത​യു​ടെ രാജാ​വാ​യി അവനെ അംഗീ​ക​രി​ക്കു​ന്നത്‌ അതിൽ ഉൾപ്പെ​ട്ടി​രി​ക്കു​ന്നു. യഹോ​വ​യോ​ടുള്ള ഭയം പ്രകട​മാ​ക്കുന്ന വ്യക്തി​കൾക്ക്‌ കേൾക്ക​പ്പെ​ടു​മെ​ന്നുള്ള പ്രതീ​ക്ഷ​യോ​ടെ അവനോട്‌ പ്രാർത്ഥി​ക്കാൻ കഴിയും.

8. തന്നെ ഭയപ്പെ​ടു​ന്ന​വ​രു​ടെ പ്രാർത്ഥ​നകൾ ദൈവം കേൾക്കു​ന്നത്‌ എന്തു​കൊ​ണ്ടാണ്‌?

⁸ സ്വാഭാ​വി​ക​മാ​യി ദുഷ്ടരും അവിശ്വ​സ്‌ത​രും സ്വയനീ​തി​ക്കാ​രു​മായ ആളുക​ളു​ടെ പ്രാർത്ഥ​നകൾ ദൈവം കേൾക്കു​ന്നില്ല. (സദൃശ​വാ​ക്യ​ങ്ങൾ 15:29; യെശയ്യാവ്‌ 1:15; ലൂക്കോസ്‌ 18:9-14) എന്നാൽ യഹോ​വയെ ഭയപ്പെ​ടു​ന്നവർ അവന്റെ നീതി​യുള്ള നിലവാ​ര​ങ്ങ​ളോ​ടു പൊരു​ത്ത​പ്പെ​ട്ടി​ട്ടു​ള്ള​തി​നാൽ ശ്രവി​ക്ക​പ്പെ​ടു​ന്നു. എന്നാൽ അവർ അതില​ധി​ക​വും ചെയ്‌തി​രി​ക്കു​ന്നു. യഹോ​വയെ ഭയപ്പെ​ടു​ന്നവർ പ്രാർത്ഥ​ന​യിൽ ദൈവ​ത്തിന്‌ ഒരു സമർപ്പണം നടത്തു​ക​യും ജലസ്‌നാ​പ​ന​ത്തിന്‌ വിധേ​യ​രാ​യി​ക്കൊണ്ട്‌ അതിനെ പ്രതീ​ക​പ്പെ​ടു​ത്തു​ക​യും ചെയ്‌തി​രി​ക്കു​ന്നു. അപ്രകാ​രം അവർക്ക്‌ സ്വത​ന്ത്ര​മാ​യി പ്രാർത്ഥ​ന​യിൽ ദൈവത്തെ സമീപി​ക്കാ​നുള്ള പദവി​യുണ്ട്‌.

9, 10. സ്‌നാ​പ​ന​മേൽക്കാത്ത വ്യക്തി​കൾക്ക്‌ കേൾക്ക​പ്പെ​ടു​മെ​ന്നുള്ള പ്രതീ​ക്ഷ​യോ​ടെ പ്രാർത്ഥി​ക്കാൻ കഴിയു​മോ?

⁹ ദൈവ​ത്താൽ ശ്രവി​ക്ക​പ്പെ​ടു​ന്ന​തിന്‌ ഒരു വ്യക്തി ദിവ്യേ​ഷ്ട​ത്തോ​ടു ചേർച്ച​യിൽ പ്രാർത്ഥ​നാ​പൂർവ​ക​മായ വികാ​രങ്ങൾ പ്രകട​മാ​ക്കണം. അതെ, അയാൾക്ക്‌ ആത്മാർത്ഥ​ത​യു​ണ്ടാ​യി​രി​ക്കണം. എന്നാൽ അതിലു​മ​ധി​കം ആവശ്യ​മാണ്‌. “വിശ്വാ​സം കൂടാതെ [ദൈവത്തെ] നന്നായി പ്രസാ​ദി​പ്പി​ക്കാൻ കഴിയില്ല” എന്ന്‌ അപ്പോ​സ്‌ത​ല​നായ പൗലോസ്‌ എഴുതി, “എന്തു​കൊ​ണ്ടെ​ന്നാൽ ദൈവത്തെ സമീപി​ക്കു​ന്നവൻ ദൈവം ഉണ്ടെന്നും തന്നെ ആത്‌മാർത്ഥ​മാ​യി അന്വേ​ഷി​ക്കു​ന്ന​വർക്ക്‌ അവൻ പ്രതി​ഫ​ല​ദാ​യ​ക​നാ​യി​ത്തീ​രു​ന്നു​വെ​ന്നും വിശ്വ​സി​ക്കേ​ണ്ട​താണ്‌.” (എബ്രായർ 11:6) കൊള്ളാം, അപ്പോൾ കേൾക്ക​പ്പെ​ടു​മെ​ന്നുള്ള പ്രതീ​ക്ഷ​യോ​ടെ പ്രാർത്ഥി​ക്കാൻ സ്‌നാ​പ​ന​മേൽക്കാത്ത ആളുകളെ പ്രോൽസാ​ഹി​പ്പി​ക്കാൻ കഴിയു​മോ?

¹⁰ പ്രാർത്ഥന നിയ​ന്ത്രി​ത​മായ ഒരു പദവി​യാ​ണെന്ന്‌ തിരി​ച്ച​റി​ഞ്ഞു​കൊണ്ട്‌ യരൂശ​ലേ​മി​ലെ ദൈവാ​ല​യ​ത്തി​ലേക്ക്‌ തിരിഞ്ഞ്‌ പ്രാർത്ഥി​ക്കുന്ന അന്യ​ദേ​ശ​ക്കാ​രെ മാത്രം ശ്രവി​ക്കേ​ണ​മേ​യെന്ന്‌ ശലോ​മോൻരാ​ജാവ്‌ ആവശ്യ​പ്പെട്ടു. (1രാജാക്കൻമാർ 8:41-43) നൂററാ​ണ്ടു​കൾക്കു​ശേഷം പുറജാ​തി​ക്കാ​ര​നും വിദേ​ശി​യു​മാ​യി​രുന്ന കോർന്നേ​ല്യോസ്‌ ഒരു ദൈവ​ഭ​ക്ത​നെന്ന നിലയിൽ “നിരന്തരം ദൈവ​ത്തോ​ടു പ്രാർത്ഥി​ച്ചു​കൊ​ണ്ടി​രു​ന്നു.” സൂക്ഷ്‌മ​പ​രി​ജ്ഞാ​നം ലഭിച്ച​പ്പോൾ കോർന്നേ​ല്യോസ്‌ തന്നെത്തന്നെ ദൈവ​ത്തി​നു സമർപ്പി​ക്കു​ക​യും ദൈവം അവന്‌ പരിശു​ദ്ധാ​ത്മാ​വി​നെ നൽകു​ക​യും ചെയ്‌തു. അതേതു​ടർന്ന്‌ കോർന്നേ​ല്യോ​സും മററു പുറജാ​തി​ക്കാ​രും സ്‌നാ​പ​ന​മേ​ററു. (പ്രവൃ​ത്തി​കൾ 10:1-44) കോർന്നേ​ല്യോ​സി​നെ​പ്പോ​ലെ ഇന്ന്‌ സമർപ്പ​ണ​ത്തി​ലേക്ക്‌ പുരോ​ഗ​മി​ച്ചു​കൊ​ണ്ടി​രി​ക്കുന്ന ഏതൊ​രാ​ളെ​യും പ്രാർത്ഥി​ക്കാൻ പ്രോൽസാ​ഹി​പ്പി​ക്കാ​വു​ന്ന​താണ്‌. എന്നാൽ തിരു​വെ​ഴു​ത്തു​കൾ പഠിക്കു​ന്ന​തു​സം​ബ​ന്ധിച്ച്‌ ആത്മാർത്ഥ​ത​യി​ല്ലാത്ത, പ്രാർത്ഥ​ന​സം​ബ​ന്ധിച്ച ദിവ്യ​നി​ബ​ന്ധ​നകൾ അറിഞ്ഞു​കൂ​ടാത്ത, ദൈവത്തെ പ്രസാ​ദി​പ്പി​ക്കാ​നുള്ള ഒരു മനോ​ഭാ​വം പ്രകട​മാ​ക്കി​യി​ട്ടി​ല്ലാത്ത ഒരു വ്യക്തി യഹോ​വയെ ഭയപ്പെ​ടു​ന്നു​വെ​ന്നോ അയാൾക്ക്‌ വിശ്വാ​സ​മു​ണ്ടെ​ന്നോ അല്ലെങ്കിൽ ആത്മാർത്ഥ​ത​യോ​ടെ യഹോ​വയെ അന്വേ​ഷി​ക്കു​ന്നു​വെ​ന്നോ പറയാൻ കഴിയില്ല. അത്തരം ഒരു വ്യക്തി ദൈവ​ത്തിന്‌ സ്വീകാ​ര്യ​മായ പ്രാർത്ഥ​നകൾ അർപ്പി​ക്കാ​വുന്ന ഒരു സ്ഥാനത്തല്ല.

11. സമർപ്പ​ണ​ത്തി​ലേക്കു പുരോ​ഗ​മി​ച്ചു​കൊ​ണ്ടി​രുന്ന ചിലർക്ക്‌ എന്തു സംഭവി​ച്ചി​രി​ക്കു​ന്നു, അവർ തങ്ങളോ​ടു​തന്നെ എന്തു ചോദി​ക്കണം?

¹¹ ഒരു കാലത്ത്‌ സമർപ്പ​ണ​ത്തി​ലേക്കു പുരോ​ഗ​മി​ച്ചു​കൊ​ണ്ടി​രുന്ന ചില വ്യക്തികൾ പിന്നീട്‌ മടിച്ചു​നിൽക്കു​ന്ന​താ​യി കാണ​പ്പെ​ട്ടേ​ക്കാം. ദൈവ​ത്തിന്‌ പൂർണ്ണ​മായ ഒരു സമർപ്പണം നടത്താൻ വേണ്ടത്ര ദൈവ​സ്‌നേഹം തങ്ങളുടെ ഹൃദയ​ത്തി​ലി​ല്ലെ​ങ്കിൽ തങ്ങൾക്കി​പ്പോ​ഴും പ്രാർത്ഥ​ന​യു​ടെ അത്ഭുത​ക​ര​മായ ഈ പദവി​യു​ണ്ടോ​യെന്ന്‌ അവർ തങ്ങളോ​ടു​തന്നെ ചോദി​ക്കേ​ണ്ടി​യി​രി​ക്കു​ന്നു. പ്രത്യ​ക്ഷ​ത്തിൽ ഇല്ല, എന്തു​കൊ​ണ്ടെ​ന്നാൽ ദൈവത്തെ സമീപി​ക്കു​ന്നവർ ആത്മാർത്ഥ​ത​യോ​ടെ ദൈവ​ത്തെ​യും, കൂടാതെ നീതി​യും സൗമ്യ​ത​യും അന്വേ​ഷി​ക്കേ​ണ്ട​താ​കു​ന്നു. (സെഫന്യാവ്‌ 2:3) യഥാർത്ഥ​ത്തിൽ യഹോ​വയെ ഭയപ്പെ​ടുന്ന ഓരോ​രു​ത്ത​നും ദൈവ​ത്തിന്‌ സമർപ്പ​ണം​ന​ട​ത്തു​ക​യും സ്‌നാ​പ​ന​മേ​റ​റു​കൊണ്ട്‌ അതു പ്രതീ​ക​പ്പെ​ടു​ത്തു​ക​യും ചെയ്യുന്ന ഒരു വിശ്വാ​സി​യാണ്‌. (പ്രവൃ​ത്തി​കൾ 8:13; 18:8) സ്‌നാ​പ​ന​മേററ വിശ്വാ​സി​കൾക്കു​മാ​ത്രമേ നിത്യ​ത​യു​ടെ രാജാ​വി​നെ പ്രാർത്ഥ​ന​യിൽ സമീപി​ക്കാ​നുള്ള അനിയ​ന്ത്രി​ത​മായ പദവി​യു​ള്ളു.

“പരിശു​ദ്ധാ​ത്മാ​വിൽ പ്രാർത്ഥി​ക്കൽ”

12. ഒരു വ്യക്തി “പരിശു​ദ്ധാ​ത്മാ​വിൽ പ്രാർത്ഥി​ക്കു​ന്നു” എന്നു പറയാൻ കഴിയു​ന്നത്‌ എപ്പോ​ഴാണ്‌?

¹² ഒരു വ്യക്തി ദൈവ​ത്തിന്‌ സമർപ്പണം നടത്തു​ക​യും സ്‌നാ​പ​ന​മേൽക്കു​ന്ന​തി​നാൽ അതു പ്രതീ​ക​പ്പെ​ടു​ത്തു​ക​യും ചെയ്‌ത​ശേഷം അയാൾ ‘പരിശു​ദ്ധാ​ത്‌മാ​വിൽ പ്രാർത്ഥി​ക്കാൻ’ കഴിയുന്ന ഒരു അവസ്ഥയി​ലാണ്‌. ഇതുസം​ബ​ന്ധിച്ച്‌ യൂദാ ഇപ്രകാ​രം എഴുതി: “നിങ്ങളോ, പ്രിയ​മു​ള്ള​വരേ, നിങ്ങളു​ടെ അതിവി​ശു​ദ്ധ​വി​ശ്വാ​സത്തെ അടിസ്ഥാ​ന​മാ​ക്കി നിങ്ങ​ളെ​ത്തന്നെ കെട്ടു​പ​ണി​ചെ​യ്‌തു​കൊ​ണ്ടും പരിശു​ദ്ധാ​ത്മാ​വിൽ പ്രാർത്ഥി​ച്ചും നിത്യ​ജീ​വൻ ലാക്കാക്കി നമ്മുടെ കർത്താ​വായ യേശു​ക്രി​സ്‌തു​വി​ന്റെ കരുണ​യ്‌ക്കാ​യി കാത്തി​രു​ന്നു​കൊ​ണ്ടും ദൈവ​സ്‌നേ​ഹ​ത്തിൽ നിങ്ങ​ളെ​ത്തന്നെ സൂക്ഷി​ച്ചു​കൊ​ള്ളുക.” (യൂദാ 20, 21) ദൈവ​ത്തി​ന്റെ ആത്മാവി​ന്റെ അല്ലെങ്കിൽ കർമ്മോ​ദ്യു​ക്ത​ശ​ക്തി​യു​ടെ സ്വാധീ​ന​ത്തിൻകീ​ഴി​ലും അവന്റെ വചനത്തിൽ പറയ​പ്പെ​ട്ടി​രി​ക്കുന്ന കാര്യ​ങ്ങ​ളോ​ടുള്ള ചേർച്ച​യി​ലും പ്രാർത്ഥി​ക്കു​മ്പോൾ ഒരു വ്യക്തി പരിശു​ദ്ധാ​ത്‌മാ​വിൽ പ്രാർത്ഥി​ക്കു​ക​യാണ്‌. എങ്ങനെ പ്രാർത്ഥി​ക്ക​ണ​മെ​ന്നും പ്രാർത്ഥ​ന​യിൽ എന്താവ​ശ്യ​പ്പെ​ട​ണ​മെ​ന്നും യഹോ​വ​യു​ടെ ആത്മാവി​ന്റെ നിശ്വ​സ്‌ത​ത​യിൽ എഴുത​പ്പെട്ട തിരു​വെ​ഴു​ത്തു​കൾ നമുക്കു കാണി​ച്ചു​ത​രു​ന്നു. ഉദാഹ​ര​ണ​ത്തിന്‌ ദൈവം തന്റെ പരിശു​ദ്ധാ​ത്മാ​വി​നെ നമുക്ക്‌ തരേണമേ എന്ന്‌ നമുക്ക്‌ ആത്മ​ധൈ​ര്യ​ത്തോ​ടെ പ്രാർത്ഥി​ക്കാം. (ലൂക്കോസ്‌ 11:13) നാം പരിശു​ദ്ധാ​ത്മാ​വിൽ പ്രാർത്ഥി​ക്കു​മ്പോൾ നമ്മുടെ പ്രാർത്ഥ​നകൾ യഹോവ ഇഷ്ടപ്പെ​ടുന്ന ഒരു ഹൃദയ​നില പ്രകട​മാ​ക്കു​ന്നു.

13. നാം പരിശു​ദ്ധാ​ത്മാ​വിൽ പ്രാർത്ഥി​ക്കു​ന്നു​വെ​ങ്കിൽ നാം എന്ത്‌ ഒഴിവാ​ക്കും, യേശു​വി​ന്റെ ഏതു ബുദ്ധി​യു​പ​ദേശം നാം ബാധക​മാ​ക്കും?

¹³ നാം പരിശു​ദ്ധാ​ത്മാ​വിൽ പ്രാർത്ഥി​ക്കു​മ്പോൾ നമ്മുടെ പ്രാർത്ഥ​നകൾ ശബ്ദധോ​ര​ണി​യേ​റിയ വാക്കു​ക​ളാൽ നിറഞ്ഞ​വ​യാ​യി​രി​ക്കു​ന്നില്ല. അവ മനഃപാ​ഠ​മാ​ക്കിയ സൂത്ര​വാ​ക്യ​ങ്ങ​ളു​ടെ ആവർത്ത​ന​വു​മാ​യി​രി​ക്കു​ന്നില്ല. ഇല്ല, അവയിൽ മിക്കവാ​റും അർത്ഥമി​ല്ലാത്ത കീർത്ത​നങ്ങൾ, ആത്‌മാർത്ഥ​ത​യി​ല്ലാത്ത സ്‌തു​തി​വാ​ക്കു​കൾ, ഉണ്ടായി​രി​ക്കു​ക​യില്ല. അത്തരം പ്രാർത്ഥ​നകൾ ക്രൈ​സ്‌ത​വ​ലോ​ക​ത്തി​ലും വ്യാജ​മ​ത​ലോ​ക​സാ​മ്രാ​ജ്യ​മായ മഹാബാ​ബി​ലോ​ന്റെ ഇതരഭാ​ഗ​ങ്ങ​ളി​ലും ധാരാ​ള​മാ​യി​ട്ടുണ്ട്‌. എന്നാൽ സത്യ​ക്രി​സ്‌ത്യാ​നി​കൾ യേശു​വി​ന്റെ ബുദ്ധി​യു​പ​ദേ​ശ​ത്തിന്‌ ശ്രദ്ധ​കൊ​ടു​ക്കു​ന്നു: “പ്രാർത്ഥി​ക്കു​ക​യിൽ നിങ്ങൾ കപടഭ​ക്തി​ക്കാ​രെ​പ്പോ​ലെ ആയിരി​ക്ക​രുത്‌. എന്തു​കൊ​ണ്ടെ​ന്നാൽ മനുഷ്യ​രാൽ കാണ​പ്പെ​ടേ​ണ്ട​തിന്‌ സിന​ഗോ​ഗു​ക​ളി​ലും പ്രധാന വീഥി​ക​ളു​ടെ കോണു​ക​ളി​ലും നിന്ന്‌ പ്രാർത്ഥി​ക്കാൻ അവർ ഇഷ്ടപ്പെ​ടു​ന്നു . . . പ്രാർത്ഥി​ക്കു​ക​യിൽ പുറജാ​തി​ക്കാ​രെ​പ്പോ​ലെ നിങ്ങൾ ജല്‌പ​നം​ചെ​യ്യ​രുത്‌; എന്തു​കൊ​ണ്ടെ​ന്നാൽ വാക്കു​ക​ളു​ടെ പെരു​പ്പ​ത്താൽ കേൾക്ക​പ്പെ​ടു​മെന്ന്‌ അവർ [തെററാ​യി] വിചാ​രി​ക്കു​ന്നു. അതു​കൊണ്ട്‌ അവരെ​പ്പോ​ലെ​യാ​യി​രി​ക്ക​രുത്‌.”—മത്തായി 6:5-8, ബൈയിം​ഗ്‌ടൺ.

14. പ്രാർത്ഥ​ന​സം​ബ​ന്ധിച്ച്‌ ചിലർ വെളി​ച്ചം​വീ​ശുന്ന എന്തു പ്രസ്‌താ​വ​നകൾ നടത്തി​യി​ട്ടുണ്ട്‌?

¹⁴ യേശു​വി​നെ​യും ബൈബി​ളെ​ഴു​ത്തു​കാ​രെ​യും കൂടാതെ മററു​ള്ള​വ​രും പ്രാർത്ഥ​ന​സം​ബ​ന്ധിച്ച്‌ വെളി​ച്ചം​വീ​ശുന്ന പ്രസ്‌താ​വ​നകൾ ചെയ്‌തി​ട്ടുണ്ട്‌. ഉദാഹ​ര​ണ​ത്തിന്‌, ഇംഗ്ലീ​ഷ്‌ഗ്ര​ന്ഥ​കാ​ര​നായ ജോൺ ബനിയൻ (1628-88) ഇപ്രകാ​രം പറഞ്ഞു: “പ്രാർത്ഥന ദൈവം വാഗ്‌ദാ​നം​ചെ​യ്‌തി​ട്ടുള്ള കാര്യ​ങ്ങൾക്കു​വേണ്ടി ആത്മാവി​ന്റെ ശക്തിയി​ലും സഹായ​ത്തി​ലും ആത്മാർത്ഥ​ത​യോ​ടെ​യും അർത്ഥവ​ത്താ​യും സ്‌നേ​ഹ​നിർഭ​ര​മാ​യും യേശു​ക്രി​സ്‌തു​മു​ഖേന നമ്മുടെ ദേഹിയെ ദൈവ​മു​മ്പാ​കെ പകരു​ന്ന​താണ്‌.” ഒരു പ്യൂരി​ററൻ ശുശ്രൂ​ഷ​ക​നാ​യി​രുന്ന തോമസ്‌ ബ്രൂക്‌സ്‌ (1608-80) ഇപ്രകാ​രം നിരീ​ക്ഷി​ച്ചു: “നിങ്ങളു​ടെ പ്രാർത്ഥ​നകൾ എത്ര പകി​ട്ടേ​റി​യ​വ​യാ​യി​രു​ന്നാ​ലും ദൈവം അവയുടെ വാഗ്‌സാ​മർത്ഥ്യം നോക്കു​ന്നില്ല; അവ എത്ര ദീർഘ​മാ​യി​രു​ന്നാ​ലും അവയുടെ ക്ഷേത്ര​ഗ​ണി​തം നോക്കു​ന്നില്ല; അവ എത്ര എണ്ണമാ​യി​രു​ന്നാ​ലും അവയുടെ അങ്കഗണി​തം പരിഗ​ണി​ക്കു​ന്നില്ല; അവ എത്ര അടുക്കും ചിട്ടയു​മു​ള്ള​താ​യി​രു​ന്നാ​ലും അവയുടെ യുക്തി​യു​ക്തത നോക്കു​ന്നില്ല; എന്നാൽ അവയുടെ ആത്മാർത്ഥത അവൻ നോക്കു​ക​തന്നെ ചെയ്യുന്നു.” മേൽപ്പറഞ്ഞ പരാമർശ​ന​ങ്ങ​ളോട്‌ ബനിയന്റെ ഈ അഭി​പ്രാ​യം​കൂ​ടെ കൂട്ടി​ച്ചേർക്കാം: “പ്രാർത്ഥ​ന​യിൽ വാക്കു​ക​ളി​ല്ലാത്ത ഹൃദയ​മു​ണ്ടാ​യി​രി​ക്കു​ന്ന​താണ്‌ ഹൃദയ​മി​ല്ലാത്ത വാക്കു​ക​ളു​ണ്ടാ​യി​രി​ക്കു​ന്ന​തി​നെ​ക്കാൾ നല്ലത്‌.” എന്നാൽ നമുക്ക്‌ ആത്മാർത്ഥ​ത​യു​ണ്ടാ​യി​രി​ക്കു​ക​യും നാം ദിവ്യ​നി​ബ​ന്ധ​നകൾ പാലി​ക്കു​ക​യും ചെയ്യു​ക​യാ​ണെ​ങ്കിൽ നിത്യ​ത​യു​ടെ രാജാവ്‌ നമ്മുടെ പ്രാർത്ഥന കേൾക്കു​മെന്ന്‌ നമുക്ക്‌ ഉറപ്പു​ണ്ടാ​യി​രി​ക്കാൻ കഴിയു​ന്ന​തെ​ങ്ങ​നെ​യാണ്‌?

ഒരിക്ക​ലും നിരസി​ക്ക​പ്പെ​ടു​ന്നില്ല

15. ലൂക്കോസ്‌ 11:5-8-ൽ യേശു ചുരു​ക്ക​ത്തിൽ എന്താണ്‌ പറഞ്ഞത്‌?

¹⁵ തന്റെ സമർപ്പി​ത​ദാ​സൻമാ​രു​ടെ പ്രാർത്ഥ​ന​കൾക്കു നേരെ യഹോവ ഒരിക്ക​ലും ബധിര​കർണ്ണങ്ങൾ തിരി​ക്കു​ന്നില്ല. തന്റെ ശിഷ്യൻമാർ പ്രാർത്ഥ​ന​സം​ബ​ന്ധിച്ച നിർദ്ദേശം ആവശ്യ​പ്പെ​ട്ട​പ്പോ​ഴത്തെ യേശു​വി​ന്റെ ഹൃദ​യോ​ദ്ദീ​പ​ക​മായ വാക്കു​ക​ളാൽ അത്‌ വ്യക്തമാ​ക്ക​പ്പെട്ടു. ഭാഗി​ക​മാ​യി അവൻ ഇപ്രകാ​രം പറഞ്ഞു: “നിങ്ങളിൽ ആർക്കെ​ങ്കി​ലും ഒരു സുഹൃ​ത്തു​ണ്ടാ​യിട്ട്‌ അർദ്ധരാ​ത്രി​യിൽ അവന്റെ അടുക്കൽചെന്ന്‌ ‘സ്‌നേ​ഹി​താ എനിക്ക്‌ മൂന്ന്‌ അപ്പം വായ്‌പ​ത​രണം, എന്തു​കൊ​ണ്ടെ​ന്നാൽ എന്റെ ഒരു സുഹൃത്ത്‌ വഴിയാ​ത്ര​യിൽ എന്റെ അടുക്കൽ വന്നു, അവന്‌ വിളമ്പി​ക്കൊ​ടു​ക്കാൻ എന്റെ പക്കൽ ഒന്നുമില്ല’ എന്നു പറയും? ‘എന്നെ ശല്യ​പ്പെ​ടു​ത്തു​ന്നതു നിർത്തൂ. കതക്‌ അടച്ചി​രി​ക്കു​ക​യാണ്‌, എന്റെ കൊച്ചു​കു​ട്ടി​ക​ളും എന്നോ​ടു​കൂ​ടെ കിടക്കു​ന്നു; എഴു​ന്നേ​ററ്‌ നിനക്ക്‌ എന്തെങ്കി​ലും തരുവാൻ എനിക്ക്‌ കഴിക​യില്ല’ എന്ന്‌ അയാൾ അകത്തു​നിന്ന്‌ മറുപടി പറയുന്നു. അയാളു​ടെ സ്‌നേ​ഹി​ത​നാ​ക​കൊണ്ട്‌ അയാൾ എഴു​ന്നേ​ററ്‌ അയാൾക്ക്‌ എന്തെങ്കി​ലും കൊടു​ക്കു​ക​യി​ല്ലെ​ങ്കി​ലും അയാളു​ടെ ധൈര്യ​പൂർവ​മായ നിർബന്ധം നിമിത്തം തീർച്ച​യാ​യും അയാൾ എഴു​ന്നേൽക്കു​ക​യും അയാൾക്ക്‌ ആവശ്യ​മുള്ള വസ്‌തു​ക്കൾ അയാൾക്കു കൊടു​ക്കു​ക​യും ചെയ്യും എന്നു ഞാൻ നിങ്ങ​ളോ​ടു പറയുന്നു.” (ലൂക്കോസ്‌ 11:1, 5-8) ഈ ദൃഷ്ടാ​ന്ത​ത്തി​ന്റെ ആശയ​മെ​ന്താ​യി​രു​ന്നു?

16. പ്രാർത്ഥ​ന​സം​ബ​ന്ധിച്ച്‌ നാം എന്തു ചെയ്യണ​മെ​ന്നാണ്‌ യേശു ആവശ്യ​പ്പെ​ട്ടത്‌?

¹⁶ നമ്മെ സഹായി​ക്കാൻ യഹോ​വക്ക്‌ മനസ്സില്ല എന്ന്‌ യേശു തീർച്ച​യാ​യും അർത്ഥമാ​ക്കി​യില്ല. മറിച്ച്‌ നാം ദൈവത്തെ പൂർണ്ണ​മാ​യും ആശ്രയി​ക്ക​ണ​മെ​ന്നും നിരന്തരം പ്രാർത്ഥി​ക്കാൻ കഴിയ​ത്ത​ക്ക​വണ്ണം അവനെ സ്‌നേ​ഹി​ക്ക​ണ​മെ​ന്നും ക്രിസ്‌തു ആവശ്യ​പ്പെ​ടു​ന്നു. അതു​കൊണ്ട്‌, യേശു ഇപ്രകാ​രം തുടർന്നു: “ചോദി​ച്ചു​കൊ​ണ്ടേ​യി​രി​ക്കുക, എന്നാൽ നിങ്ങൾക്ക്‌ ലഭിക്കും; അന്വേ​ഷി​ച്ചു​കൊ​ണ്ടേ​യി​രി​ക്കുക, എന്നാൽ നിങ്ങൾ കണ്ടെത്തും; മുട്ടി​ക്കൊ​ണ്ടേ​യി​രി​ക്കുക, എന്നാൽ നിങ്ങൾക്കു തുറന്നു​കി​ട്ടും. എന്തു​കൊ​ണ്ടെ​ന്നാൽ ചോദി​ക്കുന്ന ഏവനും ലഭിക്കു​ന്നു, അന്വേ​ഷി​ക്കുന്ന ഏവനും കണ്ടെത്തു​ന്നു, മുട്ടുന്ന ഏവനും തുറന്നു​കി​ട്ടു​ന്നു.” (ലൂക്കോസ്‌ 11:9, 10) അപ്പോൾ തീർച്ച​യാ​യും പീഡനം അനുഭ​വി​ക്കേ​ണ്ടി​വ​രു​മ്പോ​ഴും ആഴത്തിൽ വേരോ​ടി​യി​ട്ടുള്ള വ്യക്തി​പ​ര​മായ എന്തെങ്കി​ലും ബലഹീ​ന​ത​നി​മി​ത്തം പ്രയാസം അനുഭ​വ​പ്പെ​ടു​മ്പോ​ഴും അല്ലെങ്കിൽ പരീക്ഷി​ക്ക​പ്പെ​ടു​മ്പോ​ഴും നാം പ്രാർത്ഥി​ച്ചു​കൊ​ണ്ടേ​യി​രി​ക്കണം. തന്റെ വിശ്വ​സ്‌ത​ദാ​സൻമാ​രെ സഹായി​ക്കാൻ യഹോവ എല്ലായ്‌പ്പോ​ഴും തയ്യാറാണ്‌. “എന്നെ ശല്യ​പ്പെ​ടു​ത്തു​ന്നതു നിർത്തൂ” എന്ന്‌ അവൻ ഒരിക്ക​ലും നമ്മോടു പറയു​ന്നില്ല.

17, 18. (എ) പരിശു​ദ്ധാ​ത്മാ​വി​നു​വേണ്ടി യാചി​ക്കാൻ യേശു എങ്ങനെ​യാണ്‌ നമ്മെ പ്രോൽസാ​ഹി​പ്പി​ച്ചത്‌, എന്ത്‌ അവന്റെ വാക്കു​കളെ കൂടുതൽ അർത്ഥവ​ത്താ​ക്കു​ന്നു? (ബി) യേശു എങ്ങനെ​യാണ്‌ ഒരു ഭൗമി​ക​പി​താ​വി​ന്റെ ഇടപെ​ട​ലു​കളെ ദൈവ​ത്തി​ന്റേ​തി​നോ​ടു താരത​മ്യം​ചെ​യ്‌തത്‌?

¹⁷ നാം ദൈവ​വു​മാ​യി ഒരു അടുത്ത ബന്ധം ആസ്വദി​ക്ക​ണ​മെ​ങ്കിൽ നമുക്ക്‌ അവന്റെ പരിശു​ദ്ധാ​ത്മാവ്‌ അല്ലെങ്കിൽ പ്രവർത്ത​ന​നി​ര​ത​മായ ശക്തി ആവശ്യ​മാണ്‌. അതു​കൊണ്ട്‌ യേശു ഇപ്രകാ​രം തുടർന്നു: “മകൻ മത്സ്യം ചോദി​ച്ചാൽ മത്സ്യത്തി​നു പകരം ഒരുപക്ഷേ ഒരു പാമ്പിനെ കൊടു​ക്കുന്ന ഏതൊരു പിതാ​വാണ്‌ നിങ്ങളു​ടെ ഇടയി​ലു​ള്ളത്‌? അല്ലെങ്കിൽ അവൻ ഒരു മുട്ടയും​കൂ​ടെ ചോദി​ച്ചാൽ തേളിനെ കൊടു​ക്കു​ന്നത്‌? അതു​കൊണ്ട്‌ ദുഷ്ടരായ നിങ്ങൾ നിങ്ങളു​ടെ മക്കൾക്ക്‌ നല്ല ദാനങ്ങൾ നൽകാൻ അറിയു​ന്നു​വെ​ങ്കിൽ സ്വർഗ്ഗ​ത്തി​ലുള്ള പിതാവ്‌ തന്നോട്‌ യാചി​ക്കു​ന്ന​വർക്ക്‌ പരിശു​ദ്ധാ​ത്‌മാ​വി​നെ എത്രയ​ധി​ക​മാ​യി നല്‌കും!” (ലൂക്കോസ്‌ 11:11-13) മത്തായി 7:9-11 അപ്പത്തി​നു​പ​കരം കല്ല്‌ കൊടു​ക്കു​ന്ന​തി​നെ പററി പറയുന്നു. പുരാതന ബൈബിൾനാ​ടു​ക​ളി​ലെ അപ്പം വലിപ്പ​ത്തി​ലും ആകൃതി​യി​ലും ഒരു പരന്ന വട്ടക്കല്ലു​പോ​ലെ ആയിരു​ന്നു എന്നു നാം തിരി​ച്ച​റി​യു​ന്നു​വെ​ങ്കിൽ യേശു​വി​ന്റെ വാക്കുകൾ കൂടുതൽ അർത്ഥവ​ത്താ​കു​ന്നു. ചില പാമ്പുകൾ ചിലയി​നം മീനു​ക​ളെ​പ്പോ​ലെ​യാണ്‌, ഒരു മുട്ട​പോ​ലെ തോന്നി​ക്കുന്ന ഒരുതരം ചെറിയ വെളുത്ത തേളു​ക​ളു​മുണ്ട്‌. എന്നാൽ അപ്പമോ മത്സ്യമോ മുട്ടയോ ചോദി​ച്ചാൽ ഏതുതരം പിതാ​വാണ്‌ തന്റെ കുഞ്ഞിന്‌ ഒരു കല്ലോ പാമ്പി​നെ​യോ അല്ലെങ്കിൽ തേളി​നേ​യോ കൊടു​ക്കു​ന്നത്‌?

¹⁸ അടുത്ത​താ​യി, യേശു ഒരു ഭൗമി​ക​പി​താ​വി​ന്റെ ഇടപെ​ട​ലു​കളെ തന്റെ ആരാധ​ക​രു​ടെ കുടും​ബ​ത്തി​ലെ അംഗങ്ങ​ളോ​ടുള്ള ദൈവ​ത്തി​ന്റെ പ്രവർത്ത​ന​ങ്ങ​ളു​മാ​യി താരത​മ്യം​ചെ​യ്യു​ന്നു. അവകാ​ശ​പ്പെ​ടു​ത്തിയ പാപപൂർണ്ണത നിമിത്തം അധിക​മാ​യോ അല്‌പ​മാ​യോ ദുഷ്ടരാ​യി​രി​ക്കുന്ന നാം നമ്മുടെ മക്കൾക്ക്‌ നല്ല ദാനങ്ങൾ നൽകു​ന്നു​വെ​ങ്കിൽ താഴ്‌മ​യോ​ടെ യാചി​ക്കുന്ന തന്റെ വിശ്വ​സ്‌ത​ദാ​സൻമാർക്ക്‌ നമ്മുടെ സ്വർഗ്ഗീ​യ​പി​താവ്‌ പരിശു​ദ്ധാ​ത്മാവ്‌ എന്ന അത്യു​ത്ത​മ​ദാ​നം എത്രയ​ധി​ക​മാ​യി നൽകാൻ നമുക്കു പ്രതീ​ക്ഷി​ക്കാ​വു​ന്ന​താണ്‌!

19. (എ) ലൂക്കോസ്‌ 11:11-13-ലും മത്തായി 7:9-11-ലും രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ വാക്കുകൾ എന്തു വെളി​പ്പെ​ടു​ത്തു​ന്നു? (ബി) നാം പരിശു​ദ്ധാ​ത്മാ​വി​നാൽ നയിക്ക​പ്പെ​ടു​ന്നു​വെ​ങ്കിൽ നമ്മുടെ പരി​ശോ​ധ​ന​കളെ നാം എങ്ങനെ വീക്ഷി​ക്കും?

¹⁹ നാം ദൈവ​ത്തോട്‌ അവന്റെ പരിശു​ദ്ധാ​ത്മാ​വി​നെ കൂടു​ത​ലാ​യി നൽകാൻ യാചി​ക്ക​ണ​മെന്ന്‌ യേശു​വി​ന്റെ വാക്കുകൾ വെളി​പ്പെ​ടു​ത്തു​ന്നു. അതിനാൽ നയിക്ക​പ്പെ​ടു​ന്നു​വെ​ങ്കിൽ ‘നമ്മുടെ ജീവിത ഭാഗ​ധേയം സംബന്ധിച്ച്‌ നാം പരാതി​പ​റ​യു​ക​യില്ല.’ പരി​ശോ​ധ​ന​ക​ളും നിരു​ത്സാ​ഹ​പ്പെ​ടു​ത്തുന്ന അനുഭ​വ​ങ്ങ​ളും നമുക്ക്‌ യഥാർത്ഥ​ത്തിൽ ദ്രോ​ഹം​ചെ​യ്യു​ന്ന​താ​യി വീക്ഷി​ക്കു​ക​യു​മില്ല. (യൂദാ 16) “സ്‌ത്രീ​യിൽനിന്ന്‌ പിറന്ന മനുഷ്യൻ അല്‌പാ​യു​സ്സു​ള്ള​വ​നും കഷ്ടസമ്പൂർണ്ണ​നു​മാ​കു​ന്നു” എന്നതു സത്യം​തന്നെ; അനേകർ തങ്ങളുടെ ജീവി​ത​ത്തിൽ ഒരിക്ക​ലും പ്രശ്‌ന​ങ്ങ​ളിൽനി​ന്നും ഹൃദയ​വേ​ദ​ന​ക​ളിൽനി​ന്നും വിമു​ക്ത​രാ​യി​രു​ന്നി​ട്ടില്ല. (ഇയ്യോബ്‌ 14:1) എന്നാൽ നമ്മുടെ പരി​ശോ​ധ​ന​കളെ നമ്മുടെ പ്രാർത്ഥന കേൾക്കു​ന്നവൻ എങ്ങനെ​യൊ നമുക്കു നീട്ടി​ത്ത​രുന്ന കല്ലുക​ളും പാമ്പു​ക​ളും തേളു​ക​ളു​മാ​യി നമുക്ക്‌ വീക്ഷി​ക്കാ​തി​രി​ക്കാം. അവൻ സ്‌നേ​ഹ​ത്തി​ന്റെ സാരസം​ഗ്ര​ഹം​ത​ന്നെ​യാണ്‌, അവൻ ആരെയും തിൻമ​ക​ളാൽ പരീക്ഷി​ക്കു​ന്ന​തു​മില്ല. മറിച്ച്‌ അവൻ ‘എല്ലാ നല്ല ദാനങ്ങ​ളും തികഞ്ഞ വരമൊ​ക്കെ​യും’ നൽകുന്നു. ആത്യന്തി​ക​മാ​യി, തന്നെ സ്‌നേ​ഹി​ക്കു​ക​യും ഭയപ്പെ​ടു​ക​യും ചെയ്യുന്ന എല്ലാവർക്കും അവൻ കാര്യ​ങ്ങ​ളെ​ല്ലാം നേരെ​യാ​ക്കും. (യാക്കോബ്‌ 1:12-17; 1 യോഹ​ന്നാൻ 4:8) തങ്ങൾ അനുഭ​വി​ക്കേ​ണ്ടി​വ​രുന്ന കഠിന പരി​ശോ​ധ​നകൾ പ്രാർത്ഥ​ന​യി​ലൂ​ടെ​യും വിശ്വാ​സ​ത്തി​ലൂ​ടെ​യും തങ്ങളുടെ പ്രയോ​ജ​ന​ത്തിൽ കലാശി​ച്ചി​ട്ടു​ണ്ടെ​ന്നും തങ്ങളുടെ ജീവി​ത​ത്തിൽ ദൈവാ​ത്മാ​വി​ന്റെ ഫലങ്ങൾ വർദ്ധി​പ്പി​ച്ചി​ട്ടു​ണ്ടെ​ന്നും അനേക വർഷങ്ങ​ളാ​യി സത്യത്തിൽ നടന്നി​ട്ടു​ള്ള​വർക്ക്‌ തങ്ങളുടെ അനുഭ​വ​ത്തിൽനി​ന്ന​റി​യാം. (3 യോഹ​ന്നാൻ 4) വാസ്‌ത​വ​ത്തിൽ ഇതിലും മെച്ചമായ ഏതു വിധത്തി​ലാണ്‌ നാം നമ്മുടെ സ്വർഗ്ഗീ​യ​പി​താ​വിൽ ആശ്രയി​ക്കാൻ പഠിക്കു​ന്ന​തും ആത്മാവി​ന്റെ ഫലങ്ങളായ സ്‌നേഹം, സന്തോഷം, സമാധാ​നം, ദീർഘക്ഷമ, ദയ, നൻമ, വിശ്വാ​സം, സൗമ്യത, ആത്മനി​യ​ന്ത്രണം എന്നിവ നട്ടുവ​ളർത്താൻ സഹായി​ക്ക​പ്പെ​ടു​ന്ന​തും?—ഗലാത്യർ 5:22, 23.

20. ലൂക്കോസ്‌ 11:5-13-ൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ വാക്കു​കൾക്ക്‌ നമ്മു​ടെ​മേൽ എന്തു ഫലമു​ണ്ടാ​യി​രി​ക്കേ​ണ്ട​താണ്‌?

²⁰ അപ്രകാ​രം, ലൂക്കോസ്‌ 11:5-13ൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ വാക്കുകൾ യഹോ​വ​യു​ടെ സ്‌നേ​ഹ​ത്തെ​യും ആർദ്ര​ത​യെ​യും​കു​റിച്ച്‌ നമുക്ക്‌ അനുഗൃ​ഹീ​ത​മായ ഉറപ്പു​നൽകു​ന്നു. ഇത്‌ നമ്മുടെ ഹൃദയ​ങ്ങളെ ആഴമായ നന്ദിയും സ്‌നേ​ഹ​വും​കൊ​ണ്ടു നിറക്കണം. അതു നമ്മുടെ വിശ്വാ​സത്തെ ബലിഷ്‌ഠ​മാ​ക്കു​ക​യും നിത്യ​രാ​ജാ​വി​ന്റെ പാദപീ​ഠത്തെ കൂടെ​ക്കൂ​ടെ സമീപി​ക്കാ​നും അവന്റെ സ്‌നേ​ഹ​നിർഭ​ര​മായ സാന്നി​ദ്ധ്യ​ത്തി​ലാ​യി​രി​ക്കാ​നു​മുള്ള നമ്മുടെ ആഗ്രഹത്തെ വർദ്ധി​പ്പി​ക്കു​ക​യും ചെയ്യേ​ണ്ട​താണ്‌. മാത്ര​വു​മല്ല, നാമൊ​രി​ക്ക​ലും വെറും​ക​യ്യോ​ടെ മടക്കി​യ​യ​ക്ക​പ്പെ​ടു​ക​യില്ല എന്നും യേശു​വി​ന്റെ വാക്കുകൾ നമുക്ക്‌ ഉറപ്പു​നൽകു​ന്നു. നാം നമ്മുടെ ഭാരങ്ങളെ നമ്മുടെ സ്വർഗ്ഗീയ പിതാ​വി​ന്റെ​മേൽ ഇട്ടു​കൊ​ള്ളു​ന്ന​തിൽ അവിട​ത്തേക്ക്‌ അങ്ങേയ​ററം സന്തോ​ഷ​മേ​യു​ള്ളു. (സങ്കീർത്തനം 55:22; 121:1-3) അവന്റെ വിശ്വ​സ്‌ത​രായ സമർപ്പി​ത​ദാ​സ​രെന്ന നിലയിൽ നാം അവന്റെ പരിശു​ദ്ധാ​ത്മാ​വി​നു​വേണ്ടി യാചി​ക്കു​മ്പോൾ അവൻ അതു നമുക്ക്‌ ധാരാ​ള​മാ​യി തരുന്നു. ഇത്‌ നമ്മുടെ സ്‌നേ​ഹ​വാ​നായ ദൈവ​മാണ്‌, അവൻ നമ്മുടെ പ്രാർത്ഥ​ന​കേൾക്കു​ന്ന​വ​നാണ്‌ എന്ന്‌ നമുക്ക്‌ പൂർണ്ണ​വി​ശ്വാ​സ​മു​ണ്ടാ​യി​രി​ക്കാൻ കഴിയും. (w90 5⁄15)

നിങ്ങൾ ഓർമ്മി​ക്കു​ന്നു​ണ്ടോ?

◻ ആരിലൂ​ടെ​യാണ്‌ നാം പ്രാർത്ഥ​ന​യിൽ ദൈവത്തെ സമീപി​ക്കേ​ണ്ടത്‌, എന്തു​കൊണ്ട്‌?

◻ പ്രാർത്ഥന ഒരു നിയ​ന്ത്രി​ത​പ​ദ​വി​യാ​യി​രി​ക്കു​ന്നത്‌ ഏതു വിധത്തി​ലാണ്‌?

◻ ‘പരിശു​ദ്ധാ​ത്മാ​വിൽ പ്രാർത്ഥി​ക്കുക’യെന്നാൽ അർത്ഥ​മെ​ന്താണ്‌?

◻ യഹോ​വ​യു​ടെ സ്‌നാ​പ​ന​മേററ വിശ്വ​സ്‌ത​സാ​ക്ഷി​ക​ളു​ടെ പ്രാർത്ഥ​നകൾ കേൾക്ക​പ്പെ​ടു​ന്നു​വെന്ന്‌ തിരു​വെ​ഴു​ത്തു​ക​ളിൽനിന്ന്‌ നിങ്ങൾക്ക്‌ എങ്ങനെ തെളി​യി​ക്കാം?

[15-ാം പേജിലെ ചിത്രം]

മാനുഷപിതാക്കൻമാർ തങ്ങളുടെ മക്കൾക്ക്‌ നല്ല ദാനങ്ങൾ കൊടു​ക്കു​ന്ന​തു​പോ​ലെ യഹോവ തന്നോട്‌ യാചി​ക്കു​ന്ന​വർക്ക്‌ പരിശു​ദ്ധാ​ത്മാ​വി​നെ കൊടു​ക്കു​ന്നു