സ്‌തെ​ഫാ​നൊസ്‌—‘ദൈവി​ക​മായ ദയയും ശക്തിയും നിറഞ്ഞവൻ’

1-3. (എ) സ്‌തെ​ഫാ​നൊസ്‌ ഭയാന​ക​മായ ഏതു സാഹച​ര്യ​ത്തി​ലാണ്‌, അദ്ദേഹം അതി​നോട്‌ എങ്ങനെ പ്രതി​ക​രി​ക്കു​ന്നു? (ബി) ഏതെല്ലാം ചോദ്യ​ങ്ങൾ നാം പരിചി​ന്തി​ക്കും?

സ്‌തെ​ഫാ​നൊസ്‌ സൻഹെ​ദ്രി​ന്റെ മുമ്പാകെ നിൽക്കു​ക​യാണ്‌. അവർ കൂടി​വ​ന്നി​രി​ക്കുന്ന ഗംഭീ​ര​മായ വലിയ മുറി​യിൽ അർധവൃ​ത്താ​കൃ​തി​യി​ലാണ്‌ ആ 71 പേരുടെ ഇരിപ്പി​ടങ്ങൾ ക്രമീ​ക​രി​ച്ചി​രി​ക്കു​ന്നത്‌. സാധ്യ​ത​യ​നു​സ​രിച്ച്‌ യരുശ​ലേം ദേവാ​ല​യ​ത്തി​ന​ടു​ത്താ​ണത്‌. ‘സൻഹെ​ദ്രിൻ’ എന്ന്‌ അറിയ​പ്പെ​ടുന്ന ഈ കോടതി ഇപ്പോൾ സമ്മേളി​ച്ചി​രി​ക്കു​ന്നത്‌ സ്‌തെ​ഫാ​നൊ​സി​നെ വിചാരണ ചെയ്യാ​നാണ്‌. അധികാ​ര​വും സ്വാധീ​ന​വും ഉള്ള ഈ ന്യായാ​ധി​പ​ന്മാ​രിൽ അധികം​പേ​രും യേശു​വി​ന്റെ ഈ അനുഗാ​മി​യെ അവജ്ഞ​യോ​ടെ​യാണ്‌ വീക്ഷി​ക്കു​ന്നത്‌. പോരാ​ത്ത​തിന്‌, ഏതാനും മാസം​മുമ്പ്‌ യേശു​ക്രി​സ്‌തു​വി​നെ മരണത്തി​നു വിധിച്ച സൻഹെ​ദ്രിന്‌ ആധ്യക്ഷ്യം​വ​ഹിച്ച മഹാപു​രോ​ഹി​ത​നായ കയ്യഫത​ന്നെ​യാണ്‌ ഈ സൻഹെ​ദ്രിൻ വിളി​ച്ചു​കൂ​ട്ടി​യി​രി​ക്കു​ന്ന​തും. എന്നാൽ സ്‌തെ​ഫാ​നൊസ്‌ ഭയവി​ഹ്വ​ല​നാ​ണോ?

² ഈ സമയത്ത്‌ സ്‌തെ​ഫാ​നൊ​സി​ന്റെ മുഖത്ത്‌ എന്തോ ഒരു പ്രത്യേ​കത ദൃശ്യ​മാ​കു​ന്നു. ന്യായാ​ധി​പ​ന്മാർ സൂക്ഷി​ച്ചു​നോ​ക്കു​മ്പോൾ അദ്ദേഹ​ത്തി​ന്റെ മുഖം ‘ഒരു ദൈവ​ദൂ​തന്റെ മുഖം​പോ​ലെ’ അവർക്കു തോന്നു​ന്നു. (പ്രവൃ. 6:15) ദൈവ​മായ യഹോ​വ​യിൽനി​ന്നുള്ള സന്ദേശങ്ങൾ കൈമാ​റു​ന്ന​വ​രെ​ന്ന​നി​ല​യിൽ ദൂതന്മാർ നിർഭ​യ​രും ശാന്തഭാ​വ​മു​ള്ള​വ​രും ആണ്‌. അത്തര​മൊ​രു പ്രശാ​ന്ത​ത​യാണ്‌ സ്‌തെ​ഫാ​നൊ​സി​ലും കാണു​ന്നത്‌. പകയും വിദ്വേ​ഷ​വും നിറഞ്ഞ ആ ന്യായാ​ധി​പ​ന്മാർക്കു​പോ​ലും അതു കാണാ​നാ​കു​ന്നു. സ്‌തെ​ഫാ​നൊ​സിന്‌ എങ്ങനെ​യാണ്‌ ഇത്ര ശാന്തത​യോ​ടെ നില​കൊ​ള്ളാ​നാ​കു​ന്നത്‌?

³ അതു മനസ്സി​ലാ​ക്കു​ന്നത്‌ ഇന്ന്‌ നമുക്ക്‌ ഏറെ പ്രയോ​ജനം ചെയ്യും. സ്‌തെ​ഫാ​നൊസ്‌ എങ്ങനെ​യാണ്‌ സൻഹെ​ദ്രി​നു മുമ്പാകെ എത്താൻ ഇടയാ​യത്‌ എന്നും നാം മനസ്സി​ലാ​ക്കേ​ണ്ടി​യി​രി​ക്കു​ന്നു. സ്‌തെ​ഫാ​നൊസ്‌ തന്റെ വിശ്വാ​സ​ത്തി​നു​വേണ്ടി മുമ്പ്‌ എങ്ങനെ​യാണ്‌ പ്രതി​വാ​ദം​ചെ​യ്‌തി​ട്ടു​ള്ളത്‌? ഏതെല്ലാം വിധങ്ങ​ളിൽ നമുക്ക്‌ സ്‌തെ​ഫാ​നൊ​സി​നെ അനുക​രി​ക്കാ​നാ​കും?

4, 5. (എ) സ്‌തെ​ഫാ​നൊസ്‌ സഭയ്‌ക്ക്‌ ഒരു മുതൽക്കൂ​ട്ടാ​യി​രു​ന്നത്‌ എന്തു​കൊണ്ട്‌? (ബി) സ്‌തെ​ഫാ​നൊസ്‌ ‘ദൈവി​ക​മായ ദയയും ശക്തിയും നിറഞ്ഞ​വ​നാ​യി​രു​ന്നത്‌’ എങ്ങനെ?

⁴ പുതു​താ​യി രൂപം​കൊണ്ട ക്രിസ്‌തീയ സഭയ്‌ക്ക്‌ സ്‌തെ​ഫാ​നൊസ്‌ ഒരു മുതൽക്കൂ​ട്ടാ​യി​രു​ന്നു​വെന്ന്‌ മുൻ അധ്യാ​യ​ത്തിൽ നാം കണ്ടുക​ഴി​ഞ്ഞ​ല്ലോ. അപ്പോ​സ്‌ത​ല​ന്മാ​രെ സഹായി​ക്കാൻ സന്നദ്ധത​കാ​ണിച്ച താഴ്‌മ​യുള്ള ആ ഏഴു പേരിൽ ഒരാളാ​യി​രു​ന്നു അദ്ദേഹം. ദൈവ​ത്തിൽനിന്ന്‌ സ്‌തെ​ഫാ​നൊ​സി​നു ലഭിച്ച അനു​ഗ്ര​ഹ​ങ്ങ​ളെ​ക്കു​റി​ച്ചു ചിന്തി​ക്കു​മ്പോൾ അദ്ദേഹ​ത്തി​ന്റെ താഴ്‌മ ഏറെ ശ്രദ്ധേ​യ​മാണ്‌. ചില അപ്പോ​സ്‌ത​ല​ന്മാ​രെ​പ്പോ​ലെ “വലിയ അത്ഭുത​ങ്ങ​ളും അടയാ​ള​ങ്ങ​ളും” പ്രവർത്തി​ക്കാൻ ദൈവം അദ്ദേഹത്തെ പ്രാപ്‌ത​നാ​ക്കി​യെന്ന്‌ പ്രവൃ​ത്തി​കൾ 6:8-ൽ നാം വായി​ക്കു​ന്നു. സ്‌തെ​ഫാ​നൊസ്‌ ‘ദൈവി​ക​മായ ദയയും ശക്തിയും നിറഞ്ഞ​വ​നാ​യി​രു​ന്നു​വെ​ന്നും’ അവിടെ നാം കാണുന്നു. എന്താണ്‌ അതിന്റെ അർഥം?

⁵ “ദൈവികമായ ദയ” എന്നതി​നുള്ള ഗ്രീക്ക്‌ പദത്തെ “കൃപ” എന്നും പരിഭാ​ഷ​പ്പെ​ടു​ത്താം. സ്‌തെ​ഫാ​നൊ​സി​ന്റെ പ്രകൃതം ദയയും സൗമ്യ​ത​യും ഒക്കെയുള്ള, ആർക്കും ഇഷ്ടം തോന്നുന്ന തരത്തി​ലുള്ള ഒന്നായി​രു​ന്നു. തന്റെ ആത്മാർഥ​ത​യും താൻ പഠിപ്പി​ക്കുന്ന സത്യങ്ങ​ളു​ടെ മൂല്യ​വും പലരെ​യും ബോധ്യ​പ്പെ​ടു​ത്താ​നാ​കും​വി​ധ​മാണ്‌ അദ്ദേഹം സംസാ​രി​ച്ചി​രു​ന്നത്‌. യഹോ​വ​യു​ടെ ആത്മാവ്‌ സ്‌തെ​ഫാ​നൊ​സിൽ പ്രവർത്തി​ച്ച​തി​നാൽ അദ്ദേഹം ശക്തി നിറഞ്ഞ​വ​നാ​യി​രു​ന്നു. പരിശു​ദ്ധാ​ത്മാ​വി​ന്റെ വഴിന​ട​ത്തി​പ്പിന്‌ അദ്ദേഹം താഴ്‌മ​യോ​ടെ കീഴ്‌പെട്ടു. തന്റെ കഴിവു​ക​ളി​ലും പ്രാപ്‌തി​ക​ളി​ലും അഹങ്കരി​ക്കു​ന്ന​തി​നു പകരം സ്‌തെ​ഫാ​നൊസ്‌ എല്ലാ ബഹുമ​തി​യും യഹോ​വ​യി​ലേക്കു തിരി​ച്ചു​വി​ട്ടു. കൂടാതെ താൻ സംസാ​രിച്ച ആളുക​ളോട്‌ അദ്ദേഹം സ്‌നേ​ഹ​വും പരിഗ​ണ​ന​യും കാണി​ക്കു​ക​യും ചെയ്‌തു. എതിരാ​ളി​കൾ സ്‌തെ​ഫാ​നൊ​സി​നെ ഒരു ഭീഷണി​യാ​യി കണ്ടതിൽ അതിശ​യി​ക്കാ​നില്ല!

6-8. (എ) എതിരാ​ളി​കൾ ഏതു രണ്ട്‌ ആരോ​പ​ണ​ങ്ങ​ളാണ്‌ സ്‌തെ​ഫാ​നൊ​സി​നെ​തി​രെ ഉന്നയി​ച്ചത്‌, എന്തു​കൊണ്ട്‌? (ബി) സ്‌തെ​ഫാ​നൊ​സി​ന്റെ മാതൃക ഇന്നു ക്രിസ്‌ത്യാ​നി​കൾക്ക്‌ പ്രയോ​ജനം ചെയ്‌തേ​ക്കാ​വു​ന്നത്‌ എന്തു​കൊണ്ട്‌?

⁶ അക്കാലത്ത്‌ ചിലർ സ്‌തെ​ഫാ​നൊ​സി​നോട്‌ തർക്കി​ക്കാൻ വന്നു. “എന്നാൽ സ്‌തെ​ഫാ​നൊ​സി​ന്റെ സംസാ​ര​ത്തിൽ നിറഞ്ഞു​നിന്ന ജ്ഞാന​ത്തെ​യും ദൈവാ​ത്മാ​വി​നെ​യും എതിർത്തു​നിൽക്കാൻ അവർക്കു കഴിഞ്ഞില്ല.”a അതിൽ അമർഷം​പൂണ്ട്‌ അവർ നിരപ​രാ​ധി​യായ ഈ ക്രിസ്‌തു​ശി​ഷ്യന്‌ എതിരെ ആരോ​പ​ണങ്ങൾ ഉന്നയി​ക്കാൻ “രഹസ്യ​മാ​യി ചിലരെ പ്രേരി​പ്പി​ച്ചു.” കൂടാതെ അവർ ‘ജനത്തെ​യും മൂപ്പന്മാ​രെ​യും ശാസ്‌ത്രി​മാ​രെ​യും ഇളക്കി​വി​ടു​ക​യും’ ചെയ്‌തു. അവർ സ്‌തെ​ഫാ​നൊ​സി​നെ പിടിച്ച്‌ ബലമായി സൻഹെ​ദ്രി​നു മുമ്പാകെ കൊണ്ടു​വന്നു. (പ്രവൃ. 6:9-12) രണ്ട്‌ ആരോ​പ​ണ​ങ്ങ​ളാണ്‌ എതിരാ​ളി​കൾ അദ്ദേഹ​ത്തിന്‌ എതിരെ ഉന്നയി​ച്ചത്‌: സ്‌തെ​ഫാ​നൊസ്‌ ദൈവ​ദൂ​ഷണം പറയുന്നു, മോശ​യ്‌ക്കു വിരോ​ധ​മാ​യി സംസാ​രി​ക്കു​ന്നു. ഏതു വിധത്തിൽ?

⁷ സ്‌തെ​ഫാ​നൊസ്‌, ‘ഈ വിശു​ദ്ധ​സ്ഥ​ല​ത്തിന്‌,’ അതായത്‌ യരുശ​ലേ​മി​ലെ ദേവാ​ല​യ​ത്തിന്‌ വിരോ​ധ​മാ​യി സംസാ​രി​ച്ചു​കൊണ്ട്‌ ദൈവ​ദൂ​ഷണം പറഞ്ഞതാ​യി ആ എതിരാ​ളി​കൾ വ്യാജ​മാ​യി ആരോ​പി​ച്ചു. (പ്രവൃ. 6:13) മാത്രമല്ല, മോശ തങ്ങൾക്കു കൈമാ​റിയ ആചാരങ്ങൾ മാറ്റു​മെന്നു പറഞ്ഞു​കൊണ്ട്‌ സ്‌തെ​ഫാ​നൊസ്‌ മോശ​യു​ടെ നിയമ​ത്തിന്‌ എതിരെ സംസാ​രി​ച്ചെ​ന്നും അങ്ങനെ മോശ​യ്‌ക്കെ​തി​രെ ദൂഷണ​വാ​ക്കു​കൾ പറഞ്ഞെ​ന്നും അവർ ആരോ​പണം ഉന്നയിച്ചു. അവ ഗൗരവ​മേ​റിയ ആരോ​പ​ണ​ങ്ങ​ളാ​യി​രു​ന്നു; കാരണം, അക്കാലത്തെ ജൂതന്മാർ ദേവാ​ല​യ​ത്തി​നും മോശ​യു​ടെ നിയമ​ങ്ങൾക്കും മോശ​യു​ടെ നിയമ​ങ്ങ​ളോട്‌ അവർതന്നെ കൂട്ടി​ച്ചേർത്ത നിരവധി പാരമ്പ​ര്യ​ങ്ങൾക്കും വളരെ​യ​ധി​കം പ്രാധാ​ന്യം നൽകി​യി​രു​ന്നു. സ്‌തെ​ഫാ​നൊ​സി​നെ​തി​രെ പ്രസ്‌തുത ആരോ​പ​ണങ്ങൾ ഉന്നയി​ക്കു​ക​വഴി, അദ്ദേഹം മരണശിക്ഷ അർഹി​ക്കുന്ന അപകട​കാ​രി​യായ ഒരാളാ​ണെന്ന്‌ അവർ സൂചി​പ്പി​ച്ചു.

⁸ ദൈവ​ദാ​സർക്കെ​തി​രെ മതഭ്രാ​ന്ത​രായ എതിരാ​ളി​കൾ ഇത്തരം തന്ത്രങ്ങൾ പ്രയോ​ഗി​ക്കുക ഇന്നും സാധാ​ര​ണ​മാണ്‌. അത്തരത്തി​ലുള്ള ആളുകൾ പലപ്പോ​ഴും യഹോ​വ​യു​ടെ സാക്ഷി​കളെ ഉപദ്ര​വി​ക്കു​ന്ന​തി​നാ​യി ഭരണാ​ധി​കാ​രി​ക​ളു​ടെ​മേൽ സമ്മർദം ചെലു​ത്തു​ന്നു. ആകട്ടെ, വളച്ചൊ​ടി​ച്ച​തോ അടിസ്ഥാ​ന​ര​ഹി​ത​മോ ആയ ആരോ​പ​ണ​ങ്ങൾക്കു വിധേ​യ​രാ​കു​മ്പോൾ നാം എങ്ങനെ​യാ​ണു പ്രതി​ക​രി​ക്കേ​ണ്ടത്‌? സ്‌തെ​ഫാ​നൊ​സി​ന്റെ മാതൃ​ക​യിൽനിന്ന്‌ നമുക്കു വളരെ​യ​ധി​കം പഠിക്കാ​നാ​കും.

9, 10. സ്‌തെ​ഫാ​നൊസ്‌ സൻഹെ​ദ്രി​നു മുമ്പാകെ നടത്തിയ പ്രസം​ഗ​ത്തെ​ക്കു​റിച്ച്‌ വിമർശ​ക​രു​ടെ അഭി​പ്രാ​യ​മെന്ത്‌, നാം എന്ത്‌ ഓർക്കണം?

⁹ ഈ അധ്യാ​യ​ത്തി​ന്റെ തുടക്ക​ത്തിൽ നാം കണ്ടതു​പോ​ലെ, എതിരാ​ളി​കൾ സ്‌തെ​ഫാ​നൊ​സി​നെ​തി​രെ ആരോ​പ​ണങ്ങൾ ഉന്നയി​ച്ച​പ്പോ​ഴും അദ്ദേഹ​ത്തി​ന്റെ മുഖം പ്രശാ​ന്ത​മാ​യി​രു​ന്നു, ഒരു ദൈവ​ദൂ​ത​ന്റേ​തു​പോ​ലെ. ഇപ്പോൾ കയ്യഫ സ്‌തെ​ഫാ​നൊ​സി​നു​നേരെ തിരിഞ്ഞ്‌ ചോദി​ക്കു​ന്നു: “ഇതെല്ലാം സത്യമാ​ണോ?” (പ്രവൃ. 7:1) അങ്ങനെ സ്‌തെ​ഫാ​നൊ​സിന്‌ തന്റെ ഭാഗം വിശദീ​ക​രി​ക്കാൻ ഒരവസരം ലഭിക്കു​ന്നു. സുദീർഘ​മായ ഒരു പ്രഭാ​ഷ​ണം​തന്നെ സ്‌തെ​ഫാ​നൊസ്‌ നടത്തുന്നു.

¹⁰ സ്‌തെ​ഫാ​നൊസ്‌ വളരെ ദീർഘ​മായ ഒരു പ്രസംഗം നടത്തി​യെ​ങ്കി​ലും തനി​ക്കെ​തി​രെ​യുള്ള ആരോ​പ​ണ​ങ്ങൾക്ക്‌ തൃപ്‌തി​ക​ര​മായ ഒരു മറുപടി കൊടു​ത്തി​ല്ലെ​ന്നാണ്‌ പല വിമർശ​ക​രു​ടെ​യും പക്ഷം. എന്നാൽ വാസ്‌തവം അതല്ല. നമ്മുടെ വിശ്വാ​സ​ത്തെ​ക്കു​റിച്ച്‌ ചോദി​ക്കു​ന്ന​വ​രോട്‌ എങ്ങനെ ‘മറുപടി കൊടു​ക്കണം’ എന്നതിന്റെ ഒരു ഉത്തമ മാതൃ​ക​യാണ്‌ സ്‌തെ​ഫാ​നൊ​സി​ന്റെ പ്രഭാ​ഷണം. (1 പത്രോ. 3:15) ദേവാ​ല​യ​ത്തി​നെ​തി​രെ സംസാ​രി​ച്ചു​കൊണ്ട്‌ സ്‌തെ​ഫാ​നൊസ്‌ ദൈവ​ദൂ​ഷണം പറഞ്ഞു​വെ​ന്നും മോശ​യു​ടെ നിയമ​ത്തിന്‌ എതിരെ സംസാ​രി​ച്ചു​കൊണ്ട്‌ മോശ​യ്‌ക്കെ​തി​രെ ദൂഷണ​വാ​ക്കു​കൾ ഉച്ചരി​ച്ചു​വെ​ന്നും ആയിരു​ന്ന​ല്ലോ സ്‌തെ​ഫാ​നൊ​സിന്‌ എതി​രെ​യുള്ള ആരോ​പ​ണങ്ങൾ. ഇസ്രാ​യേ​ലി​ന്റെ ചരി​ത്ര​ത്തി​ലെ മൂന്നു കാലഘ​ട്ട​ങ്ങ​ളു​ടെ ഒരു ഹ്രസ്വ​വി​വ​രണം ഉൾപ്പെ​ടു​ത്തി​ക്കൊണ്ട്‌ സ്‌തെ​ഫാ​നൊസ്‌ അതിനു മറുപടി പറയുന്നു. പ്രസ്‌തുത കാലഘ​ട്ട​ങ്ങ​ളി​ലെ ചില കാര്യ​ങ്ങൾക്ക്‌ പ്രത്യേ​കം ഊന്നൽ നൽകി​ക്കൊ​ണ്ടു​ള്ള​താ​യി​രു​ന്നു ആ മറുപടി. നമുക്കി​പ്പോൾ ആ വിവര​ണങ്ങൾ ഓരോ​ന്നാ​യി പരിചി​ന്തി​ക്കാം.

11, 12. (എ) അബ്രാ​ഹാ​മി​ന്റെ ദൃഷ്ടാന്തം സ്‌തെ​ഫാ​നൊസ്‌ ഫലകര​മാ​യി ഉപയോ​ഗി​ച്ചത്‌ എങ്ങനെ? (ബി) സ്‌തെ​ഫാ​നൊസ്‌ യോ​സേ​ഫി​നെ​ക്കു​റിച്ച്‌ തന്റെ പ്രസം​ഗ​ത്തിൽ പരാമർശി​ച്ചത്‌ എന്തു​കൊണ്ട്‌?

¹¹ ഗോ​ത്ര​പി​താ​ക്ക​ന്മാ​രു​ടെ കാലം. (പ്രവൃ. 7:1-16) വിശ്വാ​സ​ത്തെ​പ്രതി ജൂതന്മാർ ആദരി​ച്ചു​പോ​ന്നി​രുന്ന അബ്രാ​ഹാ​മി​നെ​ക്കു​റി​ച്ചു പറഞ്ഞു​കൊ​ണ്ടാണ്‌ സ്‌തെ​ഫാ​നൊസ്‌ തന്റെ പ്രഭാ​ഷണം ആരംഭി​ച്ചത്‌. ഇരുകൂ​ട്ടർക്കും യോജി​ക്കാൻ കഴിയുന്ന ഒരു വിഷയ​ത്തെ​ക്കു​റി​ച്ചു സംസാ​രി​ച്ചു​തു​ട​ങ്ങിയ സ്‌തെ​ഫാ​നൊസ്‌, ‘തേജോ​മ​യ​നായ ദൈവ​മായ’ യഹോവ അബ്രാ​ഹാ​മിന്‌ ആദ്യമാ​യി പ്രത്യ​ക്ഷ​നാ​യത്‌ മെസൊ​പ്പൊ​ത്താ​മ്യ​യിൽവെ​ച്ചാണ്‌ എന്ന കാര്യം ഊന്നി​പ്പ​റഞ്ഞു. (പ്രവൃ. 7:2) വാസ്‌ത​വ​ത്തിൽ, വാഗ്‌ദ​ത്ത​ദേ​ശത്ത്‌ അബ്രാ​ഹാം ഒരു പരദേ​ശി​യാ​യി​രു​ന്നു. ദേവാ​ല​യ​മോ മോശ​യു​ടെ നിയമ​മോ ഒന്നും അബ്രാ​ഹാ​മി​നി​ല്ലാ​യി​രു​ന്നു. ആ സ്ഥിതിക്ക്‌, ദൈവ​ത്തോ​ടു വിശ്വ​സ്‌ത​നാ​യി​രി​ക്കാൻ ഒരുവൻ അവശ്യം ഇത്തരം ക്രമീ​ക​ര​ണ​ങ്ങ​ളോ​ടു പറ്റിനിൽക്കേ​ണ്ട​തു​ണ്ടെന്ന്‌ എങ്ങനെ പറയാ​നാ​കും?

¹² സ്‌തെ​ഫാ​നൊ​സി​ന്റെ ശ്രോ​താ​ക്കൾ അങ്ങേയറ്റം മാനി​ച്ചി​രുന്ന മറ്റൊരു വ്യക്തി​യാ​യി​രു​ന്നു അബ്രാ​ഹാ​മി​ന്റെ പിൻഗാ​മി​യാ​യി​രുന്ന യോ​സേഫ്‌. യോ​സേ​ഫി​ന്റെ സ്വന്തം സഹോ​ദ​ര​ന്മാർ—ഇസ്രാ​യേൽ ഗോ​ത്ര​ങ്ങ​ളു​ടെ പിതാ​ക്ക​ന്മാർ—യോ​സേ​ഫി​നോ​ടു ദ്രോഹം പ്രവർത്തി​ക്കു​ക​യും നീതി​മാ​നായ യോ​സേ​ഫി​നെ അടിമ​യാ​യി വിൽക്കു​ക​യും ചെയ്‌തു​വെന്ന്‌ സ്‌തെ​ഫാ​നൊസ്‌ അവരെ ഓർമി​പ്പി​ച്ചു. എന്നിരു​ന്നാ​ലും ഇസ്രാ​യേ​ലി​നെ ക്ഷാമത്തിൽനി​ന്നു രക്ഷിക്കാൻ ദൈവം ഉപയോ​ഗി​ച്ചത്‌ യോ​സേ​ഫി​നെ​യാണ്‌. യോ​സേ​ഫും യേശു​ക്രി​സ്‌തു​വും തമ്മിൽ പ്രകട​മായ സമാന​തകൾ ഉണ്ടെന്ന്‌ സ്‌തെ​ഫാ​നൊ​സിന്‌ അറിയാ​മാ​യി​രു​ന്നെ​ങ്കി​ലും ഈ ഘട്ടത്തിൽ ഒരു താരത​മ്യ​ത്തിന്‌ സ്‌തെ​ഫാ​നൊസ്‌ മുതിർന്നില്ല; കഴിയു​ന്നത്ര സമയം ശ്രോ​താ​ക്ക​ളു​ടെ ശ്രദ്ധ പിടി​ച്ചു​നി​റു​ത്തുക എന്നതാ​യി​രു​ന്നു സ്‌തെ​ഫാ​നൊ​സി​ന്റെ ലക്ഷ്യം.

13. മോശ​യെ​ക്കു​റി​ച്ചുള്ള ചർച്ച, സ്‌തെ​ഫാ​നൊ​സിന്‌ എതി​രെ​യുള്ള ആരോ​പ​ണ​ത്തിന്‌ നേരി​ട്ടുള്ള മറുപ​ടി​യാ​യി​രു​ന്നത്‌ എങ്ങനെ, അതിലൂ​ടെ സ്‌തെ​ഫാ​നൊസ്‌ ഏതു വസ്‌തു​ത​യാണ്‌ അവതരി​പ്പി​ച്ചത്‌?

¹³ മോശ​യു​ടെ കാലം. (പ്രവൃ. 7:17-43) സ്‌തെ​ഫാ​നൊസ്‌ മോശ​യെ​ക്കു​റി​ച്ചും വളരെ​യ​ധി​കം സംസാ​രി​ച്ചു. അതിനു കാരണ​മു​ണ്ടാ​യി​രു​ന്നു. സൻഹെ​ദ്രി​നി​ലെ അംഗങ്ങ​ളിൽ പലരും സദൂക്യ​രാ​യി​രു​ന്നു. മോശ എഴുതി​യത്‌ ഒഴി​കെ​യുള്ള ബൈബിൾ പുസ്‌ത​ക​ങ്ങ​ളെ​ല്ലാം നിരാ​ക​രി​ച്ചി​രു​ന്ന​വ​രാ​യി​രു​ന്നു അവർ. സ്‌തെ​ഫാ​നൊസ്‌ മോശ​യ്‌ക്കെ​തി​രെ ദൂഷണ​വാ​ക്കു​കൾ പറഞ്ഞു​വെന്ന ആരോ​പ​ണ​വും ഉണ്ടായി​രു​ന്നു​വെന്ന്‌ ഓർക്കുക. സ്‌തെ​ഫാ​നൊ​സി​ന്റെ വാക്കുകൾ ആ ആരോ​പ​ണ​ത്തിന്‌ നേരി​ട്ടുള്ള ഒരു മറുപ​ടി​യാ​യി​രു​ന്നു; മോശ​യെ​യും മോശ​യു​ടെ നിയമ​ത്തെ​യും താൻ അങ്ങേയറ്റം ആദരി​ക്കു​ന്നു​വെന്ന്‌ സ്‌തെ​ഫാ​നൊസ്‌ തന്റെ വാക്കു​ക​ളി​ലൂ​ടെ പ്രകട​മാ​ക്കി. (പ്രവൃ. 7:38) മോശ​യ്‌ക്കും താൻ രക്ഷിക്കാൻ ശ്രമിച്ച ആളുക​ളിൽനിന്ന്‌ തിരസ്‌ക​രണം സഹി​ക്കേ​ണ്ടി​വ​ന്നു​വെന്ന കാര്യ​വും സ്‌തെ​ഫാ​നൊസ്‌ എടുത്തു​പ​റഞ്ഞു. ആദ്യമാ​യി മോശ​യ്‌ക്ക്‌ അങ്ങനെ​യൊ​രു അനുഭ​വ​മു​ണ്ടാ​യത്‌ 40-ാം വയസ്സി​ലാണ്‌. പിന്നീട്‌ 40-ലേറെ വർഷത്തി​നു​ശേഷം, പല തവണ ആ ജനം മോശ​യു​ടെ നേതൃ​ത്വ​ത്തെ ചോദ്യം​ചെ​യ്‌തു.b അങ്ങനെ, തങ്ങളെ നയിക്കാൻ യഹോവ നിയോ​ഗി​ച്ച​വരെ ദൈവ​ജനം ആവർത്തിച്ച്‌ നിരാ​ക​രി​ച്ചി​ട്ടു​ണ്ടെന്ന സുപ്ര​ധാ​ന​മായ വസ്‌തുത സ്‌തെ​ഫാ​നൊസ്‌ പടിപ​ടി​യാ​യി അവരുടെ മുമ്പാകെ അവതരി​പ്പി​ച്ചു.

14. മോശ​യെ​ക്കു​റി​ച്ചു സംസാ​രി​ച്ചു​കൊണ്ട്‌ സ്‌തെ​ഫാ​നൊസ്‌ ഏതെല്ലാം ആശയങ്ങൾ വ്യക്തമാ​ക്കി?

¹⁴ തന്നെ​പ്പോ​ലൊ​രു പ്രവാ​ചകൻ ഇസ്രാ​യേ​ലിൽനിന്ന്‌ എഴു​ന്നേൽക്കു​മെന്ന്‌ മോശ മുൻകൂ​ട്ടി​പ്പ​റ​ഞ്ഞി​രു​ന്ന​താ​യി സ്‌തെ​ഫാ​നൊസ്‌ തന്റെ ശ്രോ​താ​ക്കളെ ഓർമി​പ്പി​ച്ചു. എന്നാൽ അദ്ദേഹം ആരായി​രി​ക്കു​മാ​യി​രു​ന്നു? അദ്ദേഹ​ത്തോ​ടുള്ള ആളുക​ളു​ടെ പ്രതി​ക​രണം എന്തായി​രി​ക്കു​മാ​യി​രു​ന്നു? തത്‌കാ​ലം സ്‌തെ​ഫാ​നൊസ്‌ അത്തരം കാര്യ​ങ്ങ​ളൊ​ന്നും വിശദീ​ക​രി​ക്കാൻ ശ്രമി​ച്ചില്ല. പകരം, മോശ​തന്നെ മനസ്സി​ലാ​ക്കിയ സുപ്ര​ധാ​ന​മായ ഒരാശയം സ്‌തെ​ഫാ​നൊസ്‌ ഊന്നി​പ്പ​റഞ്ഞു: ഏതൊരു സ്ഥലത്തെ​യും വിശു​ദ്ധ​മാ​ക്കാൻ യഹോ​വ​യ്‌ക്കു കഴിയും, യഹോവ മോശ​യോ​ടു സംസാ​രിച്ച കത്തുന്ന മുൾച്ചെടി നിന്നി​രുന്ന സ്ഥലത്തിന്റെ കാര്യ​ത്തി​ലെ​ന്ന​പോ​ലെ. അതു​കൊണ്ട്‌ യരുശ​ലേം ദേവാ​ല​യം​പോ​ലുള്ള ഒരു മന്ദിര​ത്തിൽമാ​ത്രമേ യഹോ​വ​യ്‌ക്ക്‌ ആരാധന അർപ്പി​ക്കാ​വൂ എന്നു പറയാ​നാ​കു​മോ? നമുക്കു നോക്കാം.

15, 16. (എ) സ്‌തെ​ഫാ​നൊ​സി​ന്റെ വാദഗ​തി​യിൽ വിശു​ദ്ധ​കൂ​ടാ​ര​ത്തി​ന്റെ പ്രസക്തി എന്തായി​രു​ന്നു? (ബി) ശലോ​മോ​ന്റെ ആലയ​ത്തെ​ക്കു​റിച്ച്‌ പറഞ്ഞു​കൊണ്ട്‌ സ്‌തെ​ഫാ​നൊസ്‌ തന്റെ ചർച്ച മുന്നോ​ട്ടു​കൊ​ണ്ടു​പോ​യത്‌ എങ്ങനെ?

¹⁵ വിശു​ദ്ധ​കൂ​ടാ​ര​വും ദേവാ​ല​യ​വും. (പ്രവൃ. 7:44-50) യരുശ​ലേ​മിൽ ഒരു ദേവാ​ലയം പണിയ​പ്പെ​ടു​ന്ന​തി​നു​മുമ്പ്‌ ആരാധ​ന​യ്‌ക്കാ​യി ഒരു വിശു​ദ്ധ​കൂ​ടാ​ര​മാണ്‌ ഉണ്ടായി​രു​ന്ന​തെന്ന കാര്യം സ്‌തെ​ഫാ​നൊസ്‌ സൻഹെ​ദ്രി​നെ ഓർമ​പ്പെ​ടു​ത്തി. യഹോ​വ​യു​ടെ നിർദേ​ശ​പ്ര​കാ​രം നിർമി​ക്ക​പ്പെട്ട, മാറ്റി​സ്ഥാ​പി​ക്കാൻ കഴിയുന്ന ആ കൂടാ​ര​ത്തി​ലാണ്‌ മോശ​തന്നെ ആരാധന നടത്തി​യത്‌. ആ സ്ഥിതിക്ക്‌ അത്‌ ദേവാ​ല​യ​ത്തെ​ക്കാൾ താഴ്‌ന്ന​താ​ണെന്ന്‌ എങ്ങനെ പറയാ​നാ​കു​മാ​യി​രു​ന്നു?

¹⁶ പിന്നീട്‌, യരുശ​ലേ​മി​ലെ ദേവാ​ലയം പണിത​ശേഷം അതിന്റെ സമർപ്പ​ണ​വേ​ള​യിൽ പ്രാർഥി​ക്കവെ, ദൈവ​പ്ര​ചോ​ദി​ത​നാ​യി ശലോ​മോൻ ഒരു സുപ്ര​ധാന വസ്‌തുത വ്യക്തമാ​ക്കി. ശലോ​മോ​ന്റെ ആ വാക്കുകൾ മനസ്സിൽപ്പി​ടി​ച്ചു​കൊണ്ട്‌ സ്‌തെ​ഫാ​നൊസ്‌ ഇങ്ങനെ പറഞ്ഞു: “മനുഷ്യ​ക​രങ്ങൾ നിർമിച്ച ദേവാ​ല​യ​ങ്ങ​ളിൽ അത്യു​ന്നതൻ വസിക്കു​ന്നില്ല.” (പ്രവൃ. 7:48; 2 ദിന. 6:18) തന്റെ ഉദ്ദേശ്യ​സാ​ക്ഷാ​ത്‌കാ​ര​ത്തോ​ടുള്ള ബന്ധത്തിൽ യഹോവ ഒരു ദേവാ​ലയം ഉപയോ​ഗി​ച്ചേ​ക്കാ​മെ​ങ്കി​ലും, ദൈവം അതിൽ “വസിക്കു​ന്നില്ല.” അങ്ങനെ​യെ​ങ്കിൽ, സത്യാ​രാ​ധ​ന​യ്‌ക്ക്‌ മനുഷ്യ​ക​ര​ങ്ങ​ളാൽ നിർമി​ത​മായ ഒരു കെട്ടിടം അനിവാ​ര്യ​മാ​ണെന്ന്‌ എങ്ങനെ പറയാ​നാ​കും? തന്റെ ഈ വാദത്തിന്‌ ശക്തമായ ഒരു ഉപസം​ഹാ​രം എന്നനി​ല​യിൽ സ്‌തെ​ഫാ​നൊസ്‌ യശയ്യയു​ടെ പുസ്‌ത​ക​ത്തിൽനിന്ന്‌ ഉദ്ധരിച്ചു: “സ്വർഗം എന്റെ സിംഹാ​സ​ന​മാണ്‌; ഭൂമി എന്റെ പാദപീ​ഠ​വും. പിന്നെ ഏതുതരം ഭവനമാ​ണു നിങ്ങൾ എനിക്കു​വേണ്ടി പണിയുക? എവി​ടെ​യാണ്‌ എനിക്കു വിശ്ര​മ​സ്ഥലം ഒരുക്കുക? എന്റെ കൈയല്ലേ ഇതെല്ലാം സൃഷ്ടി​ച്ചത്‌?”—പ്രവൃ. 7:49, 50; യശ. 66:1, 2.

17. സ്‌തെ​ഫാ​നൊ​സി​ന്റെ പ്രഭാ​ഷണം (എ) ശ്രോ​താ​ക്ക​ളു​ടെ തെറ്റായ വീക്ഷണത്തെ വിദഗ്‌ധ​മാ​യി തുറന്നു​കാ​ണി​ച്ചത്‌ എങ്ങനെ? (ബി) സ്‌തെ​ഫാ​നൊ​സിന്‌ എതി​രെ​യുള്ള ആരോ​പ​ണ​ങ്ങൾക്ക്‌ തക്ക മറുപടി ആയിരു​ന്നത്‌ എങ്ങനെ?

¹⁷ സൻഹെ​ദ്രി​ന്റെ മുമ്പാകെ സ്‌തെ​ഫാ​നൊസ്‌ ഇതുവരെ പറഞ്ഞ കാര്യങ്ങൾ അവലോ​കനം ചെയ്യു​മ്പോൾ, എതിരാ​ളി​ക​ളു​ടെ തെറ്റായ വീക്ഷണത്തെ സ്‌തെ​ഫാ​നൊസ്‌ വിദഗ്‌ധ​മാ​യി തുറന്നു​കാ​ണി​ച്ചു​വെന്ന്‌ നിങ്ങൾക്കു തോന്നു​ന്നി​ല്ലേ? യഹോവ തന്റെ ഉദ്ദേശ്യ​ങ്ങൾ നിവർത്തി​ക്കു​ന്ന​തി​നാ​യി കാലാ​കാ​ല​ങ്ങ​ളിൽ പൊരു​ത്ത​പ്പെ​ടു​ത്ത​ലു​കൾ വരുത്തു​ന്ന​വ​നും വഴക്കമു​ള്ള​വ​നും ആണ്‌, അല്ലാതെ കടും​പി​ടു​ത്ത​ക്കാ​രനല്ല; പാരമ്പ​ര്യ​ങ്ങ​ളിൽ അധിഷ്‌ഠി​ത​മാ​യല്ല യഹോവ കാര്യങ്ങൾ ചെയ്യു​ന്നത്‌ എന്ന്‌ സ്‌തെ​ഫാ​നൊസ്‌ വ്യക്തമാ​ക്കി. യരുശ​ലേ​മി​ലെ ഗംഭീ​ര​മായ ദേവാ​ല​യ​ത്തി​നും മോശ​യു​ടെ നിയമ​ത്തോ​ടു ബന്ധപ്പെട്ടു നിലവിൽവന്ന ആചാര​ങ്ങൾക്കും പാരമ്പ​ര്യ​ങ്ങൾക്കും അമിത​മായ പ്രാധാ​ന്യം കൽപ്പി​ച്ചി​രു​ന്നവർ മോശ​യു​ടെ നിയമ​ത്തി​ന്റെ​യും ദേവാ​ല​യ​ത്തി​ന്റെ​യും യഥാർഥ ഉദ്ദേശ്യം തിരി​ച്ച​റി​യു​ന്ന​തിൽ പരാജ​യ​പ്പെട്ടു. പരോ​ക്ഷ​മാ​യാ​ണെ​ങ്കി​ലും സ്‌തെ​ഫാ​നൊ​സി​ന്റെ പ്രഭാ​ഷ​ണ​ത്തി​ലൂ​ടെ പിൻവ​രുന്ന ചോദ്യം ഉയർന്നു​വന്നു: മോശ​യു​ടെ നിയമ​ത്തെ​യും ദേവാ​ല​യ​ത്തെ​യും ആദരി​ക്കു​ന്ന​തി​നുള്ള ഏറ്റവും നല്ല മാർഗം യഹോ​വയെ അനുസ​രി​ക്കു​ന്ന​തല്ലേ? അതാണ്‌ സ്‌തെ​ഫാ​നൊസ്‌ ചെയ്‌തത്‌. തന്റെ കഴിവി​ന്റെ പരമാ​വധി സ്‌തെ​ഫാ​നൊസ്‌ യഹോ​വയെ അനുസ​രി​ച്ചു. അതിനു പിൻബ​ല​മേ​കുന്ന ഈടുറ്റ ന്യായ​വാ​ദ​ങ്ങ​ളാണ്‌ സ്‌തെ​ഫാ​നൊസ്‌ തന്റെ പ്രഭാ​ഷ​ണ​ത്തിൽ നിരത്തി​യത്‌.

18. ഏതെല്ലാം വിധങ്ങ​ളിൽ നമുക്ക്‌ സ്‌തെ​ഫാ​നൊ​സി​നെ അനുക​രി​ക്കാം?

¹⁸ സ്‌തെ​ഫാ​നൊ​സി​ന്റെ പ്രഭാ​ഷ​ണ​ത്തിൽനിന്ന്‌ നമുക്ക്‌ എന്തു പഠിക്കാ​നാ​കും? സ്‌തെ​ഫാ​നൊ​സി​നു തിരു​വെ​ഴു​ത്തു​ക​ളെ​ക്കു​റിച്ച്‌ ആഴമായ ഗ്രാഹ്യ​മു​ണ്ടാ​യി​രു​ന്നു. സമാന​മാ​യി, “സത്യവ​ചനം ശരിയായ വിധത്തിൽ കൈകാ​ര്യം” ചെയ്യാൻ കഴിയ​ണ​മെ​ങ്കിൽ നാം ദൈവ​വ​ചനം ഗൗരവ​ത്തോ​ടെ പഠി​ക്കേ​ണ്ട​തുണ്ട്‌. (2 തിമൊ. 2:15) ദയയോ​ടും നയത്തോ​ടും​കൂ​ടെ എങ്ങനെ സംസാ​രി​ക്ക​ണ​മെ​ന്നും നമുക്ക്‌ സ്‌തെ​ഫാ​നൊ​സിൽനി​ന്നു പഠിക്കാ​നാ​കും. സ്‌തെ​ഫാ​നൊ​സി​നോട്‌ അങ്ങേയറ്റം വിദ്വേ​ഷ​മു​ള്ള​വ​രാ​യി​രു​ന്നു അദ്ദേഹ​ത്തി​ന്റെ ശ്രോ​താ​ക്കൾ. എന്നിട്ടും അവരു​മാ​യി പരമാ​വധി യോജി​പ്പിൽപ്പോ​കുക എന്ന ലക്ഷ്യത്തിൽ, അവർ അങ്ങേയറ്റം മൂല്യ​വ​ത്താ​യി കരുതി​യി​രുന്ന കാര്യ​ങ്ങ​ളെ​ക്കു​റിച്ച്‌ സ്‌തെ​ഫാ​നൊസ്‌ സംസാ​രി​ച്ചു. കൂടാതെ, പ്രായ​മായ പുരു​ഷ​ന്മാ​രെ ‘പിതാ​ക്ക​ന്മാ​രേ’ എന്നു സംബോ​ധന ചെയ്‌തു​കൊണ്ട്‌ സ്‌തെ​ഫാ​നൊസ്‌ അവരോട്‌ ആദരവു കാണി​ക്കു​ക​യും ചെയ്‌തു. (പ്രവൃ. 7:2) ‘സൗമ്യ​മാ​യും ആഴമായ ബഹുമാ​ന​ത്തോ​ടും​കൂ​ടി’ ആയിരി​ക്കണം നാമും ദൈവ​വ​ച​ന​ത്തി​ലെ സത്യങ്ങൾ അവതരി​പ്പി​ക്കേ​ണ്ടത്‌.—1 പത്രോ. 3:15.

19. സൻഹെ​ദ്രിന്‌ എതി​രെ​യുള്ള യഹോ​വ​യു​ടെ ന്യായ​വി​ധി​ദൂത്‌ സ്‌തെ​ഫാ​നൊസ്‌ ധൈര്യ​സ​മേതം അറിയി​ച്ചത്‌ എങ്ങനെ?

¹⁹ എന്നിരു​ന്നാ​ലും, ആളുകളെ അപ്രീ​തി​പ്പെ​ടു​ത്തി​യേ​ക്കു​മോ എന്ന ഭയത്താൽ നാം ദൈവ​വ​ച​ന​ത്തി​ലെ സത്യങ്ങൾ പങ്കു​വെ​ക്കു​ന്ന​തിൽനിന്ന്‌ പിന്മാറി നിൽക്കു​ക​യോ യഹോ​വ​യു​ടെ ന്യായ​വി​ധി​സ​ന്ദേശം മയപ്പെ​ടു​ത്തു​ക​യോ ചെയ്യില്ല. സ്‌തെ​ഫാ​നൊസ്‌ ഇക്കാര്യ​ത്തിൽ നല്ലൊരു മാതൃ​ക​യാണ്‌. സൻഹെ​ദ്രി​നു മുമ്പാകെ താൻ അവതരി​പ്പിച്ച വാദമു​ഖങ്ങൾ കഠിന​ഹൃ​ദ​യ​രായ ന്യായാ​ധി​പ​ന്മാ​രിൽ ഒട്ടും പ്രഭാവം ചെലു​ത്തി​യി​ല്ലെന്ന്‌ സ്‌തെ​ഫാ​നൊ​സി​നു മനസ്സി​ലാ​യി. അതു​കൊണ്ട്‌ അദ്ദേഹം പരിശു​ദ്ധാ​ത്മാ​വി​നാൽ പ്രേരി​ത​നാ​യി, യോ​സേ​ഫി​നെ​യും മോശ​യെ​യും മറ്റു പ്രവാ​ച​ക​ന്മാ​രെ​യും തള്ളിക്കളഞ്ഞ പൂർവി​ക​രെ​പ്പോ​ലെ​ത​ന്നെ​യാണ്‌ അവരും എന്ന്‌ ധൈര്യ​സ​മേതം ചൂണ്ടി​ക്കാ​ണി​ച്ചു​കൊണ്ട്‌ തന്റെ പ്രസംഗം ഉപസം​ഹ​രി​ച്ചു. (പ്രവൃ. 7:51-53) മോശ​യും മറ്റു പ്രവാ​ച​ക​ന്മാ​രും മുൻകൂ​ട്ടി​പ്പറഞ്ഞ മിശി​ഹയെ കൊന്നു​ക​ള​ഞ്ഞ​വ​രാണ്‌ വാസ്‌ത​വ​ത്തിൽ ഈ സൻഹെ​ദ്രി​നി​ലെ അംഗങ്ങൾ. മോശ​യു​ടെ നിയമ​ത്തി​ന്റെ എത്ര കടുത്ത ലംഘന​മാ​യി​രു​ന്നു അത്‌.

20, 21. സ്‌തെ​ഫാ​നൊ​സി​ന്റെ വാക്കു​ക​ളോട്‌ സൻഹെ​ദ്രിൻ പ്രതി​ക​രി​ച്ചത്‌ എങ്ങനെ, യഹോവ സ്‌തെ​ഫാ​നൊ​സി​നെ എങ്ങനെ ശക്തീക​രി​ച്ചു?

²⁰ ന്യായാ​ധി​പ​ന്മാർക്ക്‌ ഒരുത​ര​ത്തി​ലും നിഷേ​ധി​ക്കാ​നാ​കാത്ത സത്യങ്ങ​ളാണ്‌ സ്‌തെ​ഫാ​നൊസ്‌ പറഞ്ഞത്‌. അത്‌ അവരെ അത്യന്തം പ്രകോ​പി​പ്പി​ച്ചു. മര്യാ​ദ​യു​ടെ എല്ലാ അതിർവ​ര​മ്പു​ക​ളും ലംഘി​ച്ചു​കൊണ്ട്‌ അവർ സ്‌തെ​ഫാ​നൊ​സി​നു നേരെ പല്ലിറു​മ്മി. തന്റെ ഗുരു​വായ യേശു​വി​നു ലഭിക്കാത്ത കരുണ തനിക്കും ലഭിക്കാൻ പോകു​ന്നി​ല്ലെന്ന്‌ വിശ്വ​സ്‌ത​നായ ആ മനുഷ്യന്‌ അപ്പോൾ ബോധ്യ​മാ​യി.

²¹ തനിക്കു സംഭവി​ക്കാൻ പോകുന്ന കാര്യ​ങ്ങളെ നേരി​ടാൻ സ്‌തെ​ഫാ​നൊ​സിന്‌ ധൈര്യം ആവശ്യ​മാ​യി​രു​ന്നു. ആ സമയത്ത്‌ യഹോ​വ​യിൽനി​ന്നു ലഭിച്ച ദർശനം സ്‌തെ​ഫാ​നൊ​സി​നു വളരെ​യ​ധി​കം പ്രോ​ത്സാ​ഹനം പകർന്നു എന്നതിനു സംശയ​മില്ല. യഹോ​വ​യു​ടെ മഹത്ത്വ​വും യേശു യഹോ​വ​യു​ടെ വലത്തു​ഭാ​ഗത്ത്‌ നിൽക്കു​ന്ന​തും സ്‌തെ​ഫാ​നൊസ്‌ കാണുന്നു! സ്‌തെ​ഫാ​നൊസ്‌ തനിക്കു ലഭിച്ച ദർശന​ത്തെ​ക്കു​റി​ച്ചു വിവരി​ച്ച​പ്പോൾ ന്യായാ​ധി​പ​ന്മാർ ചെവി​പൊ​ത്തി. കാരണം? താൻ മിശിഹ ആണെന്നും വൈകാ​തെ പിതാ​വി​ന്റെ വലത്തു​ഭാ​ഗ​ത്തി​രി​ക്കു​മെ​ന്നും ഇതേ സൻഹെ​ദ്രി​നോ​ടു യേശു മുമ്പ്‌ പറഞ്ഞി​രു​ന്നു. (മർക്കോ. 14:62) യേശു പറഞ്ഞത്‌ സത്യമാ​യി​രു​ന്നു​വെന്ന്‌ സ്‌തെ​ഫാ​നൊ​സി​നു ലഭിച്ച ദർശനം തെളി​യി​ച്ചു. വാസ്‌ത​വ​ത്തിൽ ഈ കോട​തി​ത​ന്നെ​യാ​യി​രു​ന്നു മിശി​ഹയെ തള്ളിപ്പ​റ​യു​ക​യും വധിക്കു​ക​യും ചെയ്‌തത്‌! സ്‌തെ​ഫാ​നൊ​സി​ന്റെ വാക്കുകൾ കേട്ട്‌ രോഷാ​കു​ല​രായ അവർ, അദ്ദേഹത്തെ കല്ലെറി​ഞ്ഞു കൊ​ല്ലേ​ണ്ട​തിന്‌ ഒന്നടങ്കം അദ്ദേഹ​ത്തി​നു​നേരെ പാഞ്ഞു​ചെന്നു.c

22, 23. സ്‌തെ​ഫാ​നൊ​സി​ന്റെ മരണത്തിന്‌ യേശു​വി​ന്റേ​തു​മാ​യി എന്തെല്ലാം സമാന​ത​ക​ളു​ണ്ടാ​യി​രു​ന്നു, സ്‌തെ​ഫാ​നൊ​സി​നെ​പ്പോ​ലെ അചഞ്ചല​രാ​യി നില​കൊ​ള്ളാൻ ഇന്നത്തെ ക്രിസ്‌ത്യാ​നി​കൾക്ക്‌ എന്തു കാരണ​മുണ്ട്‌?

²² സ്‌തെ​ഫാ​നൊ​സി​ന്റെ മരണത്തിന്‌ യേശു​വി​ന്റേ​തു​മാ​യി സമാന​ത​ക​ളുണ്ട്‌: ശാന്തമായ മനസ്സോ​ടെ​യാണ്‌ സ്‌തെ​ഫാ​നൊസ്‌ മരണം വരിച്ചത്‌; സ്‌തെ​ഫാ​നൊസ്‌ യഹോ​വ​യിൽ പൂർണ​മാ​യി ആശ്രയി​ച്ചു; തന്റെ കൊല​യാ​ളി​ക​ളോ​ടു ക്ഷമിക്കാ​നും സ്‌തെ​ഫാ​നൊസ്‌ തയ്യാറാ​യി. എതിരാ​ളി​കൾ സ്‌തെ​ഫാ​നൊ​സി​നെ കല്ലെറി​യവെ, “കർത്താ​വായ യേശുവേ, എന്റെ ജീവൻ സ്വീക​രി​ക്കേ​ണമേ” എന്ന്‌ അദ്ദേഹം അപേക്ഷി​ച്ചു; മനുഷ്യ​പു​ത്രൻ യഹോ​വ​യോ​ടൊ​പ്പം നിൽക്കു​ന്നത്‌ അപ്പോ​ഴും സ്‌തെ​ഫാ​നൊ​സി​നു കാണാൻ കഴിയു​ന്നു​ണ്ടാ​യി​രു​ന്നി​രി​ക്കാം; അതു​കൊ​ണ്ടാ​കണം സ്‌തെ​ഫാ​നൊസ്‌ അങ്ങനെ അപേക്ഷി​ച്ചത്‌. “ഞാനാണു പുനരു​ത്ഥാ​ന​വും ജീവനും” എന്ന യേശു​വി​ന്റെ പ്രോ​ത്സാ​ഹ​ജ​ന​ക​മായ വാക്കു​ക​ളും തീർച്ച​യാ​യും സ്‌തെ​ഫാ​നൊ​സി​ന്റെ മനസ്സി​ലു​ണ്ടാ​യി​രു​ന്നു. (യോഹ. 11:25) ഒടുവിൽ സ്‌തെ​ഫാ​നൊസ്‌ “യഹോവേ, ഈ പാപത്തിന്‌ ഇവരെ ശിക്ഷി​ക്ക​രു​തേ” എന്ന്‌ ദൈവ​ത്തോട്‌ ഉറച്ച ശബ്ദത്തിൽ അപേക്ഷി​ച്ചു. ഇത്രയും പറഞ്ഞ​ശേഷം സ്‌തെ​ഫാ​നൊസ്‌ മരിച്ചു.—പ്രവൃ. 7:59, 60.

²³ അങ്ങനെ, ക്രിസ്‌തു​ശി​ഷ്യ​ന്മാ​രിൽ ആദ്യത്തെ രക്തസാ​ക്ഷി​യാ​യി സ്‌തെ​ഫാ​നൊ​സി​ന്റെ പേര്‌ രേഖക​ളിൽ കാണുന്നു. (“സ്‌തെ​ഫാ​നൊസ്‌—ആദ്യത്തെ ക്രിസ്‌തീയ രക്തസാക്ഷി” എന്ന ചതുരം കാണുക.) എന്നാൽ പിന്നീട്‌ പലരും സ്‌തെ​ഫാ​നൊ​സി​നെ​പ്പോ​ലെ രക്തസാ​ക്ഷി​ക​ളാ​കു​മാ​യി​രു​ന്നു. നമ്മുടെ ഈ നാളു​ക​ളി​ലും വിശ്വ​സ്‌ത​രായ ദൈവ​ദാ​സ​ന്മാ​രിൽ ചിലർ മത-രാഷ്‌ട്രീയ തീവ്ര​വാ​ദി​ക​ളു​ടെ​യും നിഷ്‌ഠു​ര​ന്മാ​രായ മറ്റ്‌ എതിരാ​ളി​ക​ളു​ടെ​യും കയ്യാൽ കൊല്ല​പ്പെ​ട്ടി​ട്ടുണ്ട്‌. എന്നാൽ സ്‌തെ​ഫാ​നൊ​സി​നെ​പ്പോ​ലെ അചഞ്ചല​രാ​യി നില​കൊ​ള്ളാൻ നമുക്ക്‌ കാരണ​മുണ്ട്‌: യേശു ഇപ്പോൾ രാജാ​വാ​യി വാഴുന്നു; പിതാ​വിൽനിന്ന്‌ യേശു​വി​നു വലിയ അധികാ​രം ലഭിച്ചി​രി​ക്കു​ന്നു. വിശ്വ​സ്‌ത​രായ തന്റെ അനുഗാ​മി​കളെ പുനരു​ത്ഥാ​ന​ത്തി​ലേക്കു കൊണ്ടു​വ​രു​ന്ന​തിൽനിന്ന്‌ യേശു​വി​നെ തടയാൻ യാതൊ​ന്നി​നും കഴിയില്ല.—യോഹ. 5:28, 29.

24. സ്‌തെ​ഫാ​നൊ​സി​ന്റെ വധത്തിൽ ശൗൽ എന്തു പങ്കുവ​ഹി​ച്ചു, ആ വിശ്വസ്‌ത ദൈവ​ദാ​സന്റെ മരണം എന്തെല്ലാം ദൂരവ്യാ​പക ഫലങ്ങൾ ഉളവാക്കി?

²⁴ ഇതെല്ലാം വീക്ഷി​ച്ചു​കൊണ്ട്‌ ഒരു യുവാവ്‌ അവിടെ നിൽപ്പു​ണ്ടാ​യി​രു​ന്നു—ശൗൽ. സ്‌തെ​ഫാ​നൊ​സി​നെ കൊല്ലു​ന്നത്‌ ശൗലിനു സമ്മതമാ​യി​രു​ന്നു; കല്ലെറി​യു​ന്ന​വ​രു​ടെ വസ്‌ത്രങ്ങൾ സൂക്ഷി​ച്ചത്‌ ശൗലാ​യി​രു​ന്നു. അധികം വൈകാ​തെ ക്രിസ്‌ത്യാ​നി​കൾക്കെ​തി​രെ ഉഗ്രമായ ഉപദ്രവം ആഞ്ഞടിച്ചു. ശൗലാണ്‌ അതിനു ചുക്കാൻപി​ടി​ച്ചത്‌. എന്നാൽ സ്‌തെ​ഫാ​നൊ​സി​ന്റെ മരണം ക്രിസ്‌ത്യാ​നി​ക​ളു​ടെ​മേൽ ക്രിയാ​ത്മ​ക​മായ സ്വാധീ​നം​ചെ​ലു​ത്തി. വിശ്വ​സ്‌ത​രാ​യി​രു​ന്നു​കൊണ്ട്‌ സമാന​മാ​യി വിജയം​വ​രി​ക്കാൻ ക്രിസ്‌ത്യാ​നി​കൾക്ക്‌ പ്രോ​ത്സാ​ഹ​ന​മേ​കു​ന്ന​താ​യി​രു​ന്നു സ്‌തെ​ഫാ​നൊ​സി​ന്റെ മാതൃക. കൂടാതെ, പിൽക്കാ​ലത്ത്‌ പൗലോസ്‌ എന്നറി​യ​പ്പെട്ട ശൗൽ, സ്‌തെ​ഫാ​നൊ​സി​ന്റെ വധത്തിൽ തനിക്കുള്ള പങ്കി​നെ​ക്കു​റി​ച്ചോർത്ത്‌ അതിയാ​യി ഖേദി​ക്കു​ക​പോ​ലും ചെയ്‌തു. (പ്രവൃ. 22:20) സ്‌തെ​ഫാ​നൊ​സി​ന്റെ വധത്തിനു കൂട്ടു​നിന്ന ശൗൽ, താൻ ‘ദൈവത്തെ നിന്ദി​ക്കു​ന്ന​വ​നും ദൈവ​ത്തി​ന്റെ ജനത്തെ ഉപദ്ര​വി​ക്കു​ന്ന​വ​നും ധിക്കാ​രി​യും ആയിരു​ന്നെന്ന്‌’ പിന്നീട്‌ തിരി​ച്ച​റി​ഞ്ഞു. (1 തിമൊ. 1:13) സ്‌തെ​ഫാ​നൊ​സും അദ്ദേഹം നടത്തിയ ശക്തമായ ആ പ്രഭാ​ഷ​ണ​വും പൗലോ​സി​ന്റെ മനസ്സിൽ മായാ​തെ​നി​ന്നു​വെന്നു വ്യക്തം. പൗലോ​സി​ന്റെ ചില പ്രസം​ഗ​ങ്ങ​ളി​ലും കത്തുക​ളി​ലും സ്‌തെ​ഫാ​നൊ​സി​ന്റെ പ്രഭാ​ഷ​ണ​ത്തി​ലെ ചില വിഷയങ്ങൾ കടന്നു​വ​രു​ന്നുണ്ട്‌. (പ്രവൃ. 7:48; 17:24; എബ്രാ. 9:24) “ദൈവി​ക​മായ ദയയും ശക്തിയും നിറഞ്ഞ​വ​നായ” സ്‌തെ​ഫാ​നൊസ്‌ വെച്ച വിശ്വാ​സ​ത്തി​ന്റെ​യും ധൈര്യ​ത്തി​ന്റെ​യും മാതൃക പൂർണ​മാ​യി അനുക​രി​ക്കാൻ കാല​ക്ര​മേണ പൗലോസ്‌ പഠിച്ചു. ആകട്ടെ, ആ മാതൃക നാം അനുക​രി​ക്കു​മോ?