യഹോ​വ​യിൽആ​ശ്രയം വളർത്തുക—അവന്റെ വചനം ഉത്സാഹ​പൂർവം പഠിച്ചു​കൊണ്ട്‌

“ഞാൻ ഇന്ന്‌ നിങ്ങ​ളോട്‌ മുന്നറി​യി​പ്പാ​യി പറയുന്ന സകല വചനങ്ങ​ളി​ലും നിങ്ങളു​ടെ ഹൃദയം പതിപ്പി​ക്കുക. . . . എന്തു​കൊ​ണ്ടെ​ന്നാൽ അവ നിങ്ങൾക്ക്‌ വിലയി​ല്ലാത്ത വാക്കല്ല, എന്നാൽ അതു നിങ്ങളു​ടെ ജീവനെ അർത്ഥമാ​ക്കു​ന്നു.”—ആവർത്തനം 32:46, 47.

1, 2. (എ) ഇസ്രാ​യേൽ മോവാ​ബ്‌സ​മ​ഭൂ​മി​യിൽ പാളയ​മ​ടി​ച്ചി​രു​ന്ന​പ്പോൾ എന്തു പ്രതീക്ഷ അവരെ അഭിമു​ഖീ​ക​രി​ച്ചി​രു​ന്നു? (ബി) മോശ ജനതക്ക്‌ എന്തു ഉദ്‌ബോ​ധനം കൊടു​ത്തു?

അവരുടെ ദീർഘ​മായ മരുഭൂ​മി​യാ​ത്ര അവസാ​നി​ക്കാ​റാ​യി​രു​ന്നു. ദീർഘ​മാ​യി കാത്തി​രുന്ന വാഗ്‌ദ​ത്ത​ദേ​ശത്തെ അവരിൽനിന്ന്‌ ഇപ്പോൾ വേർതി​രി​ച്ചി​രു​ന്നത്‌ വളഞ്ഞു​പു​ള​ഞ്ഞൊ​ഴു​കുന്ന യോർദ്ദാൻ മാത്ര​മാ​യി​രു​ന്നു. എന്നിരു​ന്നാ​ലും, ജനതയു​ടെ നേതാ​വാ​യി​രുന്ന മോശയെ ആ ദേശത്തു പ്രവേ​ശി​ക്കാ​നുള്ള ഇസ്രാ​യേ​ലി​ന്റെ പ്രതീക്ഷ സഗൗര​വ​മായ വിചി​ന്ത​ന​ത്തിന്‌ പ്രേരി​പ്പി​ച്ചു. മുമ്പൊ​രി​ക്കൽ യഹോ​വ​യി​ലുള്ള ആശ്രയ​മി​ല്ലായ്‌മ നിമിത്തം ആ ജനത തെററി​പ്പോ​യ​തും കനാനി​ലേ​ക്കുള്ള പ്രവേ​ശനം നിഷേ​ധി​ക്ക​പ്പെ​ട്ട​തും അവന്‌ ഓർക്കാൻ കഴിഞ്ഞു.—സംഖ്യാ​പു​സ്‌തകം 13:25-14:30.

² അങ്ങനെ മോശ മോവാബ്‌ സമഭൂ​മി​യി​ലെ വിശാല പരപ്പിൽ ജനതയെ ഒരുമി​ച്ചു​കൂ​ട്ടി. അവരുടെ ദേശീയ ചരിത്രം പുനര​വ​ലോ​കനം ചെയ്യു​ക​യും ദൈവ​ത്തി​ന്റെ ന്യായ​പ്ര​മാ​ണം ആവർത്തി​ച്ചു പ്രസ്‌താ​വി​ക്കു​ക​യും ചെയ്‌ത​ശേഷം മോശ തന്റെ അതി​ശ്രേഷ്‌ഠ രചന​യെന്നു വിളി​ക്ക​പ്പെ​ട്ടത്‌ അവതരി​പ്പി​ച്ചു. യഹോ​വയെ ആശ്രയി​ക്കാ​നും അനുസ​രി​ക്കാ​നും അവൻ സമുന്നത കാവ്യ​ഭാ​ഷ​യിൽ ഇസ്രാ​യേ​ല്യ​രെ പ്രോൽസാ​ഹി​പ്പി​ച്ചു, അവൻ “അനീതി​യി​ല്ലാത്ത വിശ്വ​സ്‌ത​ത​യുള്ള ഒരു ദൈവം; അവൻ നീതി​മാ​നും നേരു​ള്ള​വ​നു​മാ​കു​ന്നു.” ഉപസം​ഹാ​ര​മാ​യി, മോശ ഇങ്ങനെ ഉദ്‌ബോ​ധി​പ്പി​ച്ചു: “നിങ്ങൾ നിങ്ങളു​ടെ പുത്രൻമാ​രോട്‌ ഈ നിയമ​ത്തി​ലെ സകല വചനങ്ങ​ളും അനുഷ്‌ഠി​ക്കു​ന്ന​തിന്‌ ശ്രദ്ധി​ക്കാൻ കൽപ്പി​ക്കേ​ണ്ട​തിന്‌ ഞാൻ ഇന്ന്‌ നിങ്ങ​ളോട്‌ മുന്നറി​യി​പ്പാ​യി പറയുന്ന സകല വചനങ്ങ​ളി​ലും നിങ്ങളു​ടെ ഹൃദയം പതിപ്പി​ക്കുക. എന്തു​കൊ​ണ്ടെ​ന്നാൽ അവ നിങ്ങൾക്ക്‌ വിലയി​ല്ലാത്ത വാക്കല്ല, എന്നാൽ അതു നിങ്ങളു​ടെ ജീവനെ അർത്ഥമാ​ക്കു​ന്നു.”—ആവർത്തനം 32:4, 46, 47.

ദൈവ​വ​ച​ന​ത്തിൽ ‘അവരുടെ ഹൃദയം പതിപ്പി​ക്കു​ന്നു’

3, 4. (എ) ഇസ്രാ​യേ​ല്യർ എന്തിൽ ‘തങ്ങളുടെ ഹൃദയം പതിപ്പി​ക്ക​ണ​മാ​യി​രു​ന്നു,’ ഇതിൽ എന്ത്‌ ഉൾപ്പെ​ട്ടി​രു​ന്നു? (ബി) പിൻ തലമു​റകൾ മോശ​യു​ടെ ബുദ്ധി​യു​പ​ദേശം ബാധക​മാ​ക്കി​യ​തെ​ങ്ങനെ?

³ മോശ ഈ ഉത്തേജ​ക​മായ ഗീതത്തിൽ മാത്രമല്ല, പിന്നെ​യോ സകല തിരു​വെ​ഴു​ത്തു​ക​ളി​ലും തങ്ങളുടെ ഹൃദയം പതിപ്പി​ക്കാൻ ഇസ്രാ​യേ​ല്യ​രെ ബുദ്ധി​യു​പ​ദേ​ശി​ച്ചു. അവർ ദൈവ​ത്തി​ന്റെ ന്യായ​പ്ര​മാ​ണ​ത്തിന്‌ “നല്ല ശ്രദ്ധ കൊടു​ക്കണ”മായി​രു​ന്നു (നോക്‌സ്‌), “തീർച്ച​യാ​യും അനുസ​രി​ക്ക​ണ​മാ​യി​രു​ന്നു” (ററ​ഡേ​യ്‌സ്‌ ഇംഗ്ലീഷ്‌ വേർഷൻ), അല്ലെങ്കിൽ “ധ്യാനി​ക്കണ”മായി​രു​ന്നു. (ദി ലിവിംഗ്‌ ബൈബിൾ) പൂർണ്ണ​മാ​യും സുപരി​ചി​ത​മാ​ക്കു​ന്ന​തി​നാൽ മാത്രമേ അവർക്ക്‌ ‘ഈ നിയമ​ത്തി​ലെ സകല വചനങ്ങ​ളും അനുഷ്‌ഠി​ക്കാൻ ശ്രദ്ധി​ക്കു​ന്ന​തിന്‌ തങ്ങളുടെ പുത്രൻമാ​രോട്‌ കല്‌പി​ക്കാൻ’ കഴിയു​മാ​യി​രു​ന്നു​ള്ളു. ആവർത്തനം 6:6-8-ൽ മോശ ഇങ്ങനെ എഴുതി: “ഇന്നു ഞാൻ നിന്നോ​ടു കല്‌പി​ക്കുന്ന ഈ വചനങ്ങൾ നിന്റെ ഹൃദയ​ത്തി​ലു​ണ്ടെന്നു തെളി​യണം; നീ അത്‌ നിന്റെ പുത്രനെ ഉദ്‌ബോ​ധി​പ്പി​ക്കണം . . . അത്‌ നീ നിന്റെ കൈമേൽ ഒരു അടയാ​ള​മാ​യി കെട്ടണം, അവ നിന്റെ കണ്ണുകൾക്കു മദ്ധ്യേ ഒരു പട്ടമായി ഉതകണം.”

⁴ പിൽക്കാ​ല​ങ്ങ​ളിൽ, ഈ വാക്കുകൾ “യഹൂദൻമാ​രാൽ അക്ഷരീ​യ​മാ​യി വ്യാഖ്യാ​നി​ക്ക​പ്പെ​ട്ട​തും അവയി​ല​ട​ങ്ങി​യി​രി​ക്കുന്ന മാർഗ്ഗ​നിർദ്ദേശം അന്ധവി​ശ്വാ​സ​പ​ര​മായ ഉപയോ​ഗ​ങ്ങ​ളി​ലേക്കു തിരി​ച്ചു​വി​ട​പ്പെ​ട്ട​തും” എങ്ങനെ​യെന്ന്‌ ബൈബിൾ ഭാഷ്യ​കാ​ര​നായ ഡബ്ലിയൂ. എച്ച്‌. ഡേവി പറയുന്നു. “ചില വാക്യങ്ങൾ . . . ചർമ്മപ​ത്ര​ത്തിൽ എഴുതു​ക​യും പ്രാർത്ഥ​നാ​സ​മ​യത്ത്‌ ഭുജത്തി​ലും നെററി​യി​ലും ധരിക്കു​ക​യും ചെയ്‌തി​രു​ന്നു.” യേശു​വി​ന്റെ കാലത്ത്‌ തിരു​വെ​ഴു​ത്ത​ട​ങ്ങിയ വിപു​ല​മായ ഉറകൾ ധരിക്ക​പ്പെ​ട്ടി​രു​ന്നു. ചില യഹൂദ വിഭാ​ഗങ്ങൾ ഇന്നും അവ ഉപയോ​ഗി​ക്കു​ന്നുണ്ട്‌. (മത്തായി 23:5) എന്നാൽ, ഡേവി ഇങ്ങനെ കൂട്ടി​ച്ചേർക്കു​ന്നു: “മനുഷ്യർ നിയമ​ത്തി​ലെ കല്‌പ​ന​യു​ടെ അനുഷ്‌ഠാ​നം തങ്ങളുടെ ജീവി​ത​ത്തിൽ തെളി​ച്ചു​കാ​ട്ടു​ന്ന​തി​നു പകരം തങ്ങളുടെ മൂഢത​യിൽ നിയമ​ത്തി​ലെ വെറും വാക്കു​ക​ളു​ടെ ഒരു പ്രതി തങ്ങളുടെ ദേഹത്ത്‌ വഹിച്ചു​കൊ​ണ്ടു​ന​ട​ക്കു​ന്ന​തിൽ തങ്ങളേ​ത്തന്നെ തൃപ്‌തി​പ്പെ​ടു​ത്തി.”

5. ആവർത്തനം 6:6-8-ലെ മോശ​യു​ടെ വാക്കു​ക​ളു​ടെ ഉചിത​മായ പ്രയുക്തത എന്തായി​രു​ന്നു?

⁵ അല്ല, ദൈവ​ത്തി​ന്റെ ന്യായ​പ്ര​മാ​ണം അവരുടെ അക്ഷരീയ കൈക​ളി​ലോ നെററി​ക​ളി​ലോ അല്ല, പിന്നെ​യോ “ഹൃദയ​ങ്ങളി”ലായി​രു​ന്നു വസി​ക്കേ​ണ്ടി​യി​രു​ന്നത്‌. അതിന്റെ അറിവു മാത്രമല്ല, അതി​നോ​ടുള്ള ആഴമായ വിലമ​തി​പ്പും നേടു​ന്ന​തി​നാൽ ആ ന്യായ​പ്ര​മാ​ണം അവരുടെ കൺമു​മ്പാ​കെ എഴുത​പ്പെ​ട്ടി​രി​ക്കു​ന്ന​തു​പോ​ലെ​യോ അവരുടെ കൈക​ളിൽ കെട്ടി​യി​രി​ക്കു​ന്ന​തു​പോ​ലെ​യോ എല്ലായ്‌പ്പോ​ഴും കാഴ്‌ച​യിൽ സൂക്ഷി​ക്ക​പ്പെ​ടു​മാ​യി​രു​ന്നു.

ദൈവ​ത്തി​ന്റെ ന്യായ​പ്ര​മാ​ണം പഠിക്കു​ന്ന​തി​നുള്ള കരുത​ലു​കൾ

6, 7. (എ) ഇസ്രാ​യേ​ല്യർക്ക്‌ മോ​ശൈ​ക​ന്യാ​യ​പ്ര​മാ​ണം പരിച​യ​പ്പെ​ടു​ത്തി​ക്കൊ​ടു​ക്കു​ന്ന​തിന്‌ യഹോവ എന്തു കരുത​ലു​കൾ ചെയ്‌തു? (ബി) പുരാതന കാലങ്ങ​ളിൽ ദൈവ​ജ​ന​ത്തിന്‌ എങ്ങനെ​കൂ​ടെ ദൈവ​വ​ചനം പഠിക്കാൻ സാധ്യ​ത​യു​ണ്ടാ​യി​രു​ന്നി​രി​ക്കണം?

⁶ എന്നാൽ, ഇസ്രാ​യേ​ല്യർക്ക്‌ ന്യായ​പ്ര​മാ​ണ​ത്തി​ലെ ഏതാണ്ട്‌ 600 നിയമങ്ങൾ എങ്ങനെ പഠിക്കാൻ കഴിയു​മാ​യി​രു​ന്നു? ആദ്യം അവയുടെ പകർപ്പു​കൾ അപൂർവ​മാ​യി​രു​ന്നു​വെ​ന്ന​തിന്‌ സംശയ​മില്ല. ഇസ്രാ​യേ​ലി​ലെ ഭാവി​രാ​ജാവ്‌ “തനിക്കു​വേണ്ടി ഈ നിയമ​ത്തി​ന്റെ ഒരു പകർപ്പ്‌ ഒരു പുസ്‌ത​ക​ത്തിൽ എഴുതി എടു​ക്കേണം . . . , അവൻ ഈ നിയമ​ത്തി​ലെ സകല വചനങ്ങ​ളും അനുസ​രി​ക്ക​ത്ത​ക്ക​വണ്ണം തന്റെ ദൈവ​മായ യഹോ​വയെ ഭയപ്പെ​ടാൻ പഠി​ക്കേ​ണ്ട​തിന്‌ തന്റെ ആയുസ്സി​ന്റെ നാളു​ക​ളി​ലെ​ല്ലാം അതിൽനിന്ന്‌ വായി​ക്കേ​ണ്ട​താണ്‌.” (ആവർത്തനം 17:18, 19) ഓരോ ഏഴാം വർഷത്തി​ലും കൂടാ​ര​പ്പെ​രു​ന്നാ​ളി​ന്റെ സമയത്ത്‌ ന്യായ​പ്ര​മാ​ണം വായി​ക്ക​പ്പെ​ടാൻ ദൈവം ഏർപ്പാ​ടു​ചെ​യ്‌തു. (ആവർത്തനം 31:10-13) അങ്ങനെ​യുള്ള ഒരു സന്ദർഭം ഉന്നമി​പ്പി​ക്കു​ന്ന​താ​യി​രു​ന്നു​വെ​ന്ന​തിന്‌ സംശയ​മി​ല്ലെ​ങ്കി​ലും അഗാധ​മായ അറിവു പ്രദാ​നം​ചെ​യ്യു​ന്ന​തിന്‌ അത്‌ വേണ്ടത്ര കൂടെ​ക്കൂ​ടെ​യി​ല്ലാ​യി​രു​ന്നു.

⁷ ‘യാക്കോ​ബി​നെ ദൈവ​ത്തി​ന്റെ ന്യായ​ത്തീർപ്പു​ക​ളും ഇസ്രാ​യേ​ലി​നെ ദൈവ​നി​യ​മ​വും പഠിപ്പി​ക്കു​ന്ന​തിന്‌’ യഹോവ ലേവി​ഗോ​ത്രത്തെ ഏർപ്പാ​ടു​ചെ​യ്യു​ക​യും ചെയ്‌തു. (ആവർത്തനം 33:8, 10; മലാഖി 2:7 താരത​മ്യ​പ്പെ​ടു​ത്തുക.) ചില അവസര​ങ്ങ​ളിൽ, ലേവ്യർ മുഴു​ജ​ന​ത​ക്കും പ്രയോ​ജ​ന​പ്പെട്ട പഠിപ്പി​ക്കൽ യജ്ഞങ്ങൾ നടത്തി. (2 ദിനവൃ​ത്താ​ന്തം 17:7-9; നെഹെ​മ്യാവ്‌ 8:7-9) കാല​ക്ര​മ​ത്തിൽ, ദൈവ​വ​ച​ന​ത്തി​ന്റെ ഭാഗങ്ങ​ളെ​ങ്കി​ലും പൊതു​ജ​ന​ങ്ങൾക്ക്‌ ലഭ്യമാ​യി​രു​ന്നു​വെന്ന്‌ കാണ​പ്പെ​ടു​ന്നു.a അതു​കൊണ്ട്‌ സങ്കീർത്ത​ന​ക്കാ​രന്‌ ഇങ്ങനെ എഴുതാൻ കഴിഞ്ഞു: “യഹോ​വ​യു​ടെ നിയമ​ത്തിൽ പ്രമോ​ദ​മുള്ള . . . മനുഷ്യൻ സന്തുഷ്ട​നാ​കു​ന്നു, അവന്റെ നിയമ​ത്തിൽ അവൻ പകലും രാവും ഒരു മന്ദസ്വ​ര​ത്തിൽ വായി​ക്കു​ന്നു.” (സങ്കീർത്തനം 1:1, 2) ‘തങ്ങളുടെ ഹൃദയ​ങ്ങളെ ദൈവ​വ​ച​ന​ത്തിൽ പതിപ്പി​ക്കാൻ’ മോശ കൊടുത്ത ഉദ്‌ബോ​ധനം അങ്ങനെ ബൈബിൾ ഉൽസു​ക​മാ​യി പഠിക്കാ​നുള്ള ഒരു കല്‌പ​ന​യാ​യി​ത്തീർന്നു.

ഇന്ന്‌ ‘ദൈവ​വ​ച​ന​ത്തൽ നമ്മുടെ ഹൃദയം പതിപ്പി​ക്കുക’

8. ഇസ്രാ​യേ​ല്യർ മോശ​യു​ടെ പ്രബോ​ധ​നത്തെ എത്ര​ത്തോ​ളം അനുസ​രി​ച്ചു, എന്തു ഫലങ്ങ​ളോ​ടെ?

⁸ ഇസ്രാ​യേൽ മോശ​യു​ടെ ഉദ്‌ബോ​ധനം അനുസ​രി​ക്കു​ന്ന​തിൽ പരാജ​യ​പ്പെട്ടു. ഒടുവിൽ ജനത രാജവാഴ്‌ച സ്ഥാപി​ച്ച​പ്പോൾ പ്രത്യ​ക്ഷ​ത്തിൽ അതിന്റെ മിക്ക രാജാ​ക്കൻമാ​രും ‘നിയമ​ത്തി​ന്റെ ഒരു പ്രതി എഴുതി​യെ​ടു​ക്കു​ന്ന​തി​നും അവരുടെ ആയുസ്സി​ന്റെ നാളു​ക​ളി​ലെ​ല്ലാം അതിൽനിന്ന്‌ വായി​ക്കു​ന്ന​തി​നും’ പരാജ​യ​പ്പെട്ടു. ക്രി.മു. ഏഴാം നൂററാ​ണ്ടാ​യ​തോ​ടെ, യോശീ​യാ​വി​ന്റെ നാളു​ക​ളിൽ “നിയമ​പു​സ്‌ത​കം​തന്നെ” നഷ്‌ട​പ്പെ​ട്ടു​പോ​യി​ല്ലെ​ന്നു​മാ​ത്രം. (2 രാജാ​ക്കൻമാർ 22:8-13) ജനതയു​ടെ നേതാ​ക്കൻമാ​രു​ടെ ഭാഗത്തെ മോശ​മായ ദൃഷ്‌ടാ​ന്തം നിസ്സം​ശ​യ​മാ​യി വിശ്വാ​സ​ത്യാ​ഗ​ത്തി​ലേ​ക്കുള്ള ജനതയു​ടെ പതനത്തെ ത്വരി​ത​പ്പെ​ടു​ത്തി. മോശ​യു​ടെ മുന്നറി​യി​പ്പു​പോ​ലെ​തന്നെ ക്രി.മു. 607-ൽ ദേശീ​യ​വി​പത്തു നേരിട്ടു.—ആവർത്തനം 28:15-37; 32:23-35.

9. ഇന്നത്തെ ക്രിസ്‌ത്യാ​നി​ക​ളു​ടെ അവസ്ഥ പുരാതന ഇസ്രാ​യേ​ല്യ​രു​ടേ​തി​നോ​ടു സമാന​മാ​യി​രി​ക്കു​ന്ന​തെ​ങ്ങനെ?

⁹ പുരാതന ഇസ്രാ​യേ​ല്യ​രെ​പ്പോ​ലെ, ഇന്ന്‌ ക്രിസ്‌ത്യാ​നി​കൾ ഒരു വാഗ്‌ദ​ത്ത​ദേ​ശ​ത്തി​ന്റെ കവാട​ത്തി​ങ്ക​ലാണ്‌ വന്നെത്തി​നിൽക്കു​ന്നത്‌—ദൈവ​ത്തി​ന്റെ നീതി​യുള്ള പുതി​യ​ലോ​ക​ത്തി​ന്റെ​തന്നെ. (2 പത്രോസ്‌ 3:13) ഞെട്ടി​ക്കുന്ന സംഭവങ്ങൾ ചക്രവാ​ള​ത്തിൽ രൂപം​കൊ​ണ്ടു​വ​രു​ന്നുണ്ട്‌: “സമാധാ​ന​വും സുരക്ഷി​ത​ത്വ​വും” എന്ന പ്രഖ്യാ​പനം, “മഹാബാ​ബി​ലോ​ന്റെ” വീഴ്‌ച, ‘മാഗോ​ഗി​ലെ ഗോഗി​ന്റെ’ ആക്രമണം എന്നിവ. ഈ സംഭവങ്ങൾ യഹോ​വ​യി​ലുള്ള നമ്മുടെ ആശ്രയത്തെ പരീക്ഷി​ക്കും. അപ്പോൾ, നാം ഇപ്പോൾത്തന്നെ ‘ദൈവ​വ​ച​ന​ത്തിൽ നമ്മുടെ ഹൃദയങ്ങൾ പതിപ്പി​ക്കു​ന്നത്‌’ അടിയ​ന്തി​ര​മാണ്‌!—1 തെസ്സ​ലോ​നീ​ക്യർ 5:3; വെളി​പ്പാട്‌, അദ്ധ്യായം 18; യെഹെ​സ്‌ക്കേൽ അദ്ധ്യായം 38.

10. ചിലർ വ്യക്തി​പ​ര​മായ പഠനത്തിൽ മന്ദീഭ​വി​ച്ചേ​ക്കാ​വു​ന്ന​തെ​ന്തു​കൊണ്ട്‌?

¹⁰ എന്നിരു​ന്നാ​ലും, അങ്ങനെ ചെയ്യു​ന്നത്‌ ഈ “ഇടപെ​ടാൻ പ്രയാ​സ​മായ വിഷമ​കാ​ല​ങ്ങ​ളിൽ” ഒരു യഥാർത്ഥ വെല്ലു​വി​ളി​യാ​യി​രി​ക്കാൻ കഴിയും. (2 തിമൊ​ഥെ​യോസ്‌ 3:1) ലൗകി​ക​ത്തൊ​ഴിൽ, കുട്ടി​കളെ വളർത്തൽ, സ്‌ക്കൂൾ, സഭാപ​ര​മായ ഉത്തരവാ​ദി​ത്തങ്ങൾ എന്നിവ​യെ​ല്ലാം നമ്മുടെ സമയം വളരെ​യ​ധി​കം ആവശ്യ​പ്പെ​ട്ടേ​ക്കാം. തൽഫല​മാ​യി, നാം ഒഴിക​ഴി​വു​പ​റ​യാ​നും നമ്മുടെ ബൈബിൾപ​ഠ​ന​ത്തിൽ അലസരാ​കാ​നും ‘രക്ഷപെ​ടാ​നും​മാ​ത്രം ഞാൻ ചെയ്യു​ന്നുണ്ട്‌’ എന്നു ന്യായ​വാ​ദം​ചെ​യ്യാ​നും പ്രവണത കാട്ടി​യേ​ക്കാം. എന്നിരു​ന്നാ​ലും, ബൈബിൾ ക്രിസ്‌ത്യാ​നി​കളെ ഇങ്ങനെ പ്രബോ​ധി​പ്പി​ക്കു​ന്നു: “ഇവയെ​ക്കു​റി​ച്ചു വിചി​ന്ത​നം​ചെ​യ്യുക; അവയിൽ മുഴു​കുക.” (1 തിമൊ​ഥെ​യോസ്‌ 4:15, 16) ഇപ്പോൾ അങ്ങനെ ചെയ്യേ​ണ്ട​തി​ന്റെ ചില ശക്തമായ കാരണങ്ങൾ നമുക്ക്‌ പരിചി​ന്തി​ക്കാം.

ദൈവ​വു​മാ​യുള്ള നമ്മുടെ ബന്ധത്തെ ശക്തമാ​ക്കു​ക

11, 12. (എ) ദൈവ​ത്തെ​ക്കു​റിച്ച്‌ കൂടുതൽ അടുത്ത അറിവു നേടി​യത്‌ ഇയ്യോ​ബി​നെ ബാധി​ച്ച​തെ​ങ്ങനെ? (ബി) നമ്മുടെ ദൈവ​ത്തെ​ക്കു​റി​ച്ചുള്ള ദർശനം ഇയ്യോ​ബി​ന്റെ നാളി​ലേ​തി​നെ​ക്കാൾ വ്യക്തമാ​യി​രി​ക്കാൻ കഴിയു​ന്ന​തെ​ന്തു​കൊണ്ട്‌?

¹¹ ഇയ്യോബ്‌ “ദൈവത്തെ ഭയപ്പെ​ടു​ന്ന​വ​നും ദോഷം വിട്ടക​ലു​ന്ന​വ​നും” ആയിരു​ന്നു. എന്നാൽ ഒരു ചുഴലി​ക്കാ​റ​റിൽ യഹോവ തന്നേത്തന്നെ കൂടു​ത​ലാ​യി വെളി​പ്പെ​ടു​ത്തി​യ​ശേഷം ഇയ്യോ​ബിന്‌ ഇങ്ങനെ പറയാൻ കഴിഞ്ഞു: “നിന്നെ​ക്കു​റിച്ച്‌ എനിക്ക്‌ കേട്ടു​കേൾവി​യാ​ണു​ണ്ടാ​യി​രു​ന്നത്‌, എന്നാൽ എന്റെ സ്വന്തം കണ്ണുകൾ നിന്നെ കാണു​ക​തന്നെ ചെയ്യുന്നു.” (ഇയ്യോബ്‌ 1:1; 42:5) നമുക്കിന്ന്‌ ദൈവത്തെ “കാണാൻ” കഴിയു​മോ, അതായത്‌ വെറും പരിച​യ​ത്തി​ന​തീ​ത​മാ​യി പോയി അവന്റെ വ്യക്തി​ത്വ​ത്തി​ന്റെ അനേകം വശങ്ങൾ അടുത്ത​റി​യാൻ കഴിയു​മോ? തീർച്ച​യാ​യും കഴിയും! ബൈബി​ളി​ന്റെ പേജു​ക​ളി​ലൂ​ടെ, ഇയ്യോ​ബി​നു​പോ​ലും അറിയാ​വു​ന്ന​തി​നേ​ക്കാ​ള​ധി​കം യഹോവ തന്നേക്കു​റിച്ച്‌ വെളി​പ്പെ​ടു​ത്തി​യി​ട്ടുണ്ട്‌.

¹² ദൈവം “തന്റെ ഏകജാ​ത​നായ പുത്രനെ നൽകു​വാ​ന്ത​ക്ക​വണ്ണം ലോകത്തെ സ്‌നേ​ഹിച്ച”തായി നാമറി​യു​ന്ന​തു​കൊണ്ട്‌ നമുക്ക്‌ അവന്റെ സ്‌നേ​ഹ​ത്തെ​ക്കു​റിച്ച്‌ ഏറെ വ്യക്തമായ ഒരു വീക്ഷണ​മുണ്ട്‌. (യോഹ​ന്നാൻ 3:16) ബൈബിൾ പ്രവച​ന​ങ്ങ​ളി​ലൂ​ടെ നമുക്ക്‌ ദൈവ​ത്തി​ന്റെ പ്രവർത്ത​ന​ങ്ങ​ളു​ടെ ഒരു ബാഹ്യ​രേഖ ലഭിച്ചി​ട്ടുണ്ട്‌—സഹസ്രാ​ബ്‌ദ​ത്തി​ന്റെ അന്ത്യം​വ​രെ​യു​ള്ള​തി​ന്റെ തന്നെ! (വെളി​പ്പാട്‌, അദ്ധ്യാ​യങ്ങൾ 18-22) ക്രിസ്‌തീ​യ​സ​ഭ​യു​മാ​യുള്ള ദൈവ​ത്തി​ന്റെ ഇടപെ​ട​ലു​ക​ളു​ടെ രേഖ നമുക്കുണ്ട്‌: അവൻ വിജാ​തീ​യരെ ചേർക്കു​ന്ന​തി​ന്റെ​യും അവൻ തന്റെ ജനത്തെ പോഷി​പ്പി​ക്കു​ന്ന​തിന്‌ “വിശ്വ​സ്‌ത​നും വിവേ​കി​യു​മായ അടിമ”യെ നിയമി​ക്കു​ന്ന​തി​ന്റെ​യും പരദീ​സാ​ഭൂ​മി​യിൽ എന്നേക്കും ജീവി​ക്കു​ന്ന​തി​നുള്ള പ്രത്യാ​ശ​യോ​ടെ “ഒരു മഹാപു​രു​ഷാര”ത്തെ അവൻ വിളി​ച്ചു​വ​രു​ത്തു​ന്ന​തി​ന്റെ​യും ചരി​ത്രം​തന്നെ. (മത്തായി 24:45; വെളി​പ്പാട്‌ 7:9, 14-17; എഫേസ്യർ 3:3-6) ദൈവ​ത്തി​ന്റെ ആഴങ്ങളി​ലേക്ക്‌ ഉററു​നോ​ക്കു​ക​യും നമുക്കു​വേ​ണ്ടി​യുള്ള അവന്റെ അത്ഭുത​പ്ര​വൃ​ത്തി​കളെ വിചി​ന്ത​നം​ചെ​യ്യു​ക​യും ചെയ്‌ത​ശേഷം നമുക്ക്‌ “ഹാ ദൈവ​ത്തി​ന്റെ ധനം, ജ്ഞാനം, അറിവ്‌ എന്നിവ​യു​ടെ ആഴം!” എന്ന്‌ ഉദ്‌ഘോ​ഷി​ക്കാ​തി​രി​ക്കാൻ കഴിക​യില്ല.—റോമർ 11:33.

13. നമുക്ക്‌ എങ്ങനെ ‘ദൈവത്തെ അന്വേ​ഷി​ക്കാൻ’ കഴിയും, അങ്ങനെ ചെയ്യു​ന്ന​തി​ന്റെ പ്രയോ​ജ​നങ്ങൾ എന്തെല്ലാം?

¹³ സങ്കീർത്ത​ന​ക്കാ​രൻ ഇങ്ങനെ പറഞ്ഞു: “ഞാൻ എന്റെ മുഴു ഹൃദയ​ത്തോ​ടെ നിന്നെ അന്വേ​ഷി​ച്ചി​രി​ക്കു​ന്നു.” തിരു​വെ​ഴു​ത്തു​വി​വ​ര​ങ്ങ​ളു​ടെ ഒരു ദൈനം​ദിന പരിചി​ന്തനം നടത്തി​ക്കൊണ്ട്‌ നമുക്ക്‌ അതുതന്നെ ചെയ്യാൻ കഴിയും; അത്‌ യഹോ​വ​യോ​ടുള്ള നമ്മുടെ ബന്ധത്തെ ശക്തീക​രി​ക്കാൻ വളരെ​യ​ധി​കം പ്രയോ​ജ​ന​ക​ര​മാണ്‌. ആത്മാർത്ഥ​മായ പഠനം യഹോ​വ​യു​ടെ നിയമങ്ങൾ അനുസ​രി​ക്കാൻ നമ്മുടെ ‘വഴിയെ സ്ഥിരമാ​ക്കാ​നും’ അത്‌ സഹായി​ക്കു​ന്നു.—സങ്കീർത്തനം 119:5, 10.

പഠനം നമ്മുടെ വിശ്വാ​സ​ത്തി​നു​വേണ്ടി വാദി​ക്കാൻ നമ്മെ സഹായി​ക്കു​ന്നു

14. നമ്മുടെ ക്രിസ്‌തീയ പ്രത്യാ​ശ​യെ​ക്കു​റിച്ച്‌ ‘പ്രതി​വാ​ദം നടത്താൻ ഒരുങ്ങി​യി​രി​ക്കു​ന്ന​തി​ന്റെ’ മൂല്യം ചിത്രീ​ക​രി​ക്കുക.

¹⁴ ഒരു ഘാനാ​ക്കാ​രൻ അയാളു​ടെ വീടു സന്ദർശിച്ച രണ്ടു പേരോട്‌ “സാക്ഷി​ക​ളായ നിങ്ങളെ എന്റെ വീട്ടിൽ ആവശ്യ​മില്ല” എന്നു പറഞ്ഞു. “രക്തപ്പകർച്ചകൾ സ്വീക​രി​ക്കാ​ത്ത​തു​കൊ​ണ്ടും ദേശീ​യ​പ​താ​കയെ വന്ദിക്കാ​ത്ത​തു​കൊ​ണ്ടും” അയാൾ കൂടു​ത​ലാ​യി സാക്ഷി​കളെ ആക്ഷേപി​ച്ചു. സാധാ​ര​ണ​യാ​യി വയൽശു​ശ്രൂ​ഷ​യിൽ അങ്ങനെ​യുള്ള തടസ്സവാ​ദ​ങ്ങളെ അഭിമു​ഖീ​ക​രി​ക്കു​ന്നു. “നിങ്ങളി​ലുള്ള പ്രത്യാ​ശ​യു​ടെ ഒരു കാരണം ചോദി​ക്കുന്ന ഏവരു​ടെ​യും മുമ്പാകെ ഒരു പ്രതി​വാ​ദം നടത്താൻ” നാം അപ്രാ​പ്‌ത​രാ​ണെ​ങ്കിൽ അത്‌ എന്തോരു നിന്ദയും അവമാ​ന​വു​മാ​യി​രി​ക്കും! (1 പത്രോസ്‌ 3:15) സന്തോ​ഷ​ക​ര​മെന്നു പറയട്ടെ, ഈ സാക്ഷികൾ രക്തത്തെ​ക്കു​റി​ച്ചുള്ള ഉചിത​മായ വീക്ഷണം വിശദീ​ക​രി​ക്കു​ന്ന​തി​നും ഒരു ക്രിസ്‌ത്യാ​നി ദേശീയ പ്രതീ​ക​ങ്ങ​ളോ​ടുള്ള ആദരവും വിഗ്ര​ഹാ​രാ​ധ​ന​യു​ടെ ഒഴിവാ​ക്ക​ലും തമ്മിൽ സമനില പാലി​ക്കു​ന്ന​തെ​ങ്ങ​നെ​യെന്ന്‌ വിശദ​മാ​ക്കു​ന്ന​തി​നും ഫലപ്ര​ദ​മാ​യി ബൈബി​ളു​പ​യോ​ഗി​ക്കാൻ പ്രാപ്‌ത​രാ​യി​രു​ന്നു. ഫലമോ? ആ മനുഷ്യന്‌ അവരുടെ വളച്ചു​കെ​ട്ടി​ല്ലാഞ്ഞ ഉത്തരങ്ങ​ളിൽ മതിപ്പു​ള​വാ​യി. ഇന്ന്‌ അയാളും അയാളു​ടെ ഭാര്യ​യും സ്‌നാ​പ​ന​മേററ സാക്ഷി​ക​ളാണ്‌.

15. വ്യക്തി​പ​ര​മായ പഠനം നമ്മുടെ ശുശ്രൂ​ഷക്ക്‌ നമ്മെ സജ്ജരാ​ക്കു​ന്ന​തെ​ങ്ങനെ?

¹⁵ പൗലോസ്‌ ഇങ്ങനെ പ്രോൽസാ​ഹി​പ്പി​ക്കു​ന്നു: “സത്യവ​ച​നത്തെ ശരിയാ​യി കൈകാ​ര്യം​ചെ​യ്‌തു​കൊണ്ട്‌ യതൊ​ന്നും ലജ്ജിക്കാ​നി​ല്ലാത്ത ഒരു വേലക്കാ​ര​നാ​യി, ദൈവ​ത്തിന്‌ അംഗീ​കാ​ര​മു​ള്ള​വ​നാ​യി നിന്നേ​തന്നെ കാഴ്‌ച​വെ​ക്കേ​ണ്ട​തിന്‌ നിന്റെ പരമാ​വധി പ്രവർത്തി​ക്കുക.” ജീവന്റെ പാതയിൽ നമുക്കു​തന്നെ നിലനിൽക്കു​ന്ന​തി​നു​മാ​ത്രമല്ല, അങ്ങനെ ചെയ്യാൻ മററു​ള്ള​വരെ സഹായി​ക്കാൻ “പൂർണ്ണ​സ​ജ്ജ​നാ​യി തികച്ചും യോഗ്യ”നാകാ​നും വ്യക്തി​പ​ര​മായ പഠനം നമ്മെ സഹായി​ക്കും.—2 തിമൊ​ഥെ​യോസ്‌ 2:15; 3:17.

സാത്താന്റെ കെണി​കളെ ചെറു​ത്തു​നിൽക്കൽ

16. യഹോ​വ​യു​ടെ ജനത്തെ അഭിമു​ഖീ​ക​രി​ക്കുന്ന സാത്താന്റെ ചില കെണി​ക​ളേവ?

¹⁶ ഇന്ന്‌, “ജഡമോ​ഹ​ത്തി​നും കൺമോ​ഹ​ത്തി​നും ഒരുവന്റെ ഉപജീ​വ​ന​മാർഗ്ഗ​ത്തി​ന്റെ പ്രതാ​പ​പ്ര​കടന”ത്തിനു​മുള്ള ആകർഷ​ണ​ങ്ങ​ളോ​ടെ പരസ്യം നമ്മെ ആക്രമി​ക്കു​ക​യാണ്‌. (1 യോഹ​ന്നാൻ 2:16) ലൈം​ഗി​ക​ദുർമ്മാർഗ്ഗം മാദ്ധ്യ​മ​ത്താൽ മഹത്വീ​ക​രി​ക്ക​പ്പെ​ടു​ക​യാണ്‌, മിക്ക​പ്പോ​ഴും കൂട്ടു​ജോ​ലി​ക്കാ​രാ​ലും സഹപാ​ഠി​ക​ളാ​ലും സജീവ​മാ​യി പ്രോൽസാ​ഹി​പ്പി​ക്ക​പ്പെ​ടു​ക​യും ചെയ്യുന്നു. ആവശ്യ​പ്പെ​ടാ​തെ​തന്നെ വിശ്വാ​സ​ത്യാ​ഗി​ക​ളു​ടെ ഉദ്വേ​ഗ​ജ​ന​ക​മായ സാഹി​ത്യം നമ്മുടെ വീടു​ക​ളി​ലേക്ക്‌ അയക്ക​പ്പെ​ട്ടേ​ക്കാം. ജിജ്ഞാസ ഉണർത്ത​പ്പെ​ട്ട​തു​കൊണ്ട്‌ ചില സഹോ​ദ​രൻമാർ അത്തരം മലിന​പ്പെ​ടു​ത്തുന്ന വിവരങ്ങൾ വായി​ക്കു​ക​യും തങ്ങളുടെ വിശ്വാ​സത്തെ നശിപ്പി​ക്കു​ക​യും ചെയ്‌തി​രി​ക്കു​ന്നു. “അനുസ​ര​ണ​ക്കേ​ടി​ന്റെ പുത്രൻമാ​രിൽ ഇപ്പോൾ പ്രവർത്തി​ക്കുന്ന” സ്വാർത്ഥ​പ​ര​വും ജഡിക​വു​മായ “ആത്മാവു”മുണ്ട്‌. അതു ബാധി​ക്കു​ന്ന​തും നിഷേ​ധാ​ത്മ​ക​വും വിമർശ​നാ​ത്‌മ​ക​വു​മായ ഒരു ആത്‌മാവ്‌ വളർത്തി​യെ​ടു​ക്കു​ന്ന​തും എത്ര എളുപ്പ​മാണ്‌!—എഫേസ്യർ 2:2.

17, 18. വ്യക്തി​പ​ര​മായ പഠനത്തിന്‌ ‘ഒഴുകി​മാ​റു​ന്ന​തിൽ’നിന്ന്‌ നമ്മെ തടയാൻ കഴിയു​ന്ന​തെ​ങ്ങനെ?

¹⁷ തീർച്ച​യാ​യും സാത്താന്റെ കെണി​യിൽ വീഴാൻ ആരും ഇറങ്ങി​ത്തി​രി​ക്കു​ന്നില്ല. പകരം, വ്യക്തി​പ​ര​മായ പഠനം അവഗണി​ക്കു​ന്ന​തി​നാൽ കെട്ടഴിഞ്ഞ ഒരു വള്ളത്തെ​പ്പോ​ലെ അവർ സാവധാ​ന​ത്തിൽ “ഒഴുകി​മാ​റു​ക​യും” സാത്താന്റെ ആക്രമ​ണ​ത്തി​ന്റെ മുഖ്യ ലക്ഷ്യങ്ങ​ളാ​യി​ത്തീ​രു​ക​യും ചെയ്യുന്നു. (എബ്രായർ 2:1) ദൃഷ്ടാ​ന്ത​മാ​യി, ഒരു യുവ സഹോ​ദരൻ സ്‌ക്കൂ​ളി​ലെ ഒരു പെൺകു​ട്ടി​യു​മാ​യി അസാൻമാർഗ്ഗി​ക​മാ​യി ഉൾപ്പെട്ടു. “ഇതിന്റെ മുഖ്യ​കാ​രണം ഞാൻ ആത്മീയ​മാ​യി പട്ടിണി​യാ​യി​രു​ന്നു​വെ​ന്ന​താണ്‌ എന്ന്‌ ഞാൻ കണ്ടുപി​ടി​ച്ചു,” അവൻ വിവരി​ക്കു​ന്നു. “ഞാൻ വ്യക്തി​പ​ര​മായ പഠനം നടത്തി​യി​രു​ന്നില്ല. അതു​കൊ​ണ്ടാണ്‌ എനിക്ക്‌ പ്രലോ​ഭ​നത്തെ ചെറു​ത്തു​നിൽക്കാൻ കഴിയാ​ഞ്ഞത്‌.” ഏതായാ​ലും, വ്യക്തി​പ​ര​മായ ഒരു പഠനപ​രി​പാ​ടി ആത്മീയ​മാ​യി ബലിഷ്‌ഠ​നാ​കാൻ ഈ സഹോ​ദ​രനെ സഹായി​ച്ചു.

¹⁸ തനിക്കു കഴിയു​ന്നി​ട​ത്തോ​ളം ദൈവ​ജ​നത്തെ നശിപ്പി​ക്കാൻ സാത്താൻ ദൃഢനി​ശ്ചയം ചെയ്‌തി​രി​ക്കു​ക​യാണ്‌. ദൈവ​വ​ച​ന​ത്തിൽനി​ന്നും അവന്റെ വിശ്വസ്‌ത ഗൃഹവി​ചാ​ര​ക​നിൽനി​ന്നും വരുന്ന നല്ല കാര്യ​ങ്ങ​ളെ​ക്കൊണ്ട്‌ നമ്മുടെ മനസ്സിനെ നിരന്തരം പോഷി​പ്പി​ക്കു​ന്ന​തി​നാൽ നമുക്ക്‌ കെണി​യിൽ വീഴു​ന്ന​തൊ​ഴി​വാ​ക്കാൻ കഴിയും. (ഫിലി​പ്യർ 4:8) ഭൗതി​ക​ത്വ​വും ലൈം​ഗി​ക​ദുർമ്മാർഗ്ഗ​വും വിശ്വാ​സ​ത്യാ​ഗ​പ​ര​മായ ചിന്തയും ഒരു നിഷേ​ധാ​ത്‌മക ആത്‌മാ​വും ഒഴിവാ​ക്കാ​നുള്ള ഓർമ്മി​പ്പി​ക്ക​ലു​കൾ ബൈബി​ളി​ലും വാച്ച്‌ ററവർ സൊ​സൈ​റ​റി​യു​ടെ പ്രസി​ദ്ധീ​ക​ര​ണ​ങ്ങ​ളി​ലും ധാരാ​ള​മുണ്ട്‌. നാം തീർച്ച​യാ​യും സാധാ​ര​ണ​യിൽ കവിഞ്ഞ ശ്രദ്ധ കൊടു​ക്കു​ന്നു​വെ​ങ്കിൽ നാം ഒരിക്ക​ലും ഒഴുകി​മാ​റു​ക​യില്ല.

നമ്മെ സഹായി​ക്കാൻ യഹോ​വ​യു​ടെ സ്ഥാപന​ത്തിൽനി​ന്നുള്ള കരുത​ലു​കൾ

19. എത്തി​യോ​പ്യൻ ഷണ്ഡൻ ആത്മീയ മാർഗ്ഗ​ദർശ​ന​ത്തി​നുള്ള നമ്മുടെ ആവശ്യത്തെ സംബന്ധിച്ച്‌ എന്ത്‌ ചിത്രീ​ക​രി​ക്കു​ന്നു?

¹⁹ പഠനം കഠിന​വേ​ല​യാണ്‌. അതു​കൊണ്ട്‌ യഹോ​വ​യു​ടെ സ്ഥാപനം വളരെ​യ​ധി​കം സഹായം നൽകു​ന്ന​തു​കൊണ്ട്‌ നമുക്ക്‌ നന്ദിയു​ള്ള​വ​രാ​യി​രി​ക്കാൻ കഴിയും. സമീപ​വർഷ​ങ്ങ​ളിൽ, സ്വയം ബൈബിൾ വ്യാഖ്യാ​നി​ക്കാൻ വ്യക്തികൾ അനുവ​ദി​ക്ക​പ്പെ​ട​ണ​മെന്ന്‌ ചിലർ അവകാ​ശ​പ്പെ​ട്ടി​ട്ടുണ്ട്‌. എന്നാൽ ആത്മീയ മാർഗ്ഗ​ദർശനം സംബന്ധിച്ച തന്റെ ആവശ്യം എത്തി​യോ​പ്യൻ ഷണ്ഡൻ പരസ്യ​മാ​യി സമ്മതി​ച്ചു​പ​റഞ്ഞു. പരിച്‌ഛേ​ദ​ന​യേററ ഒരു മതാനു​സാ​രി​യെന്ന നിലയിൽ അയാൾക്ക്‌ അപ്പോൾത്തന്നെ ബൈബി​ളി​ന്റെ ഗണ്യമായ അറിവു​ണ്ടാ​യി​രു​ന്നു​വെ​ന്ന​തി​നു സംശയ​മില്ല. യെശയ്യാവ്‌ 53ലെ പ്രവചനം പോലെ ആഴമായ ചിലത്‌ പഠിക്കാൻ അയാൾ ശ്രമി​ച്ചു​വെന്ന വസ്‌തു​ത​തന്നെ ഇതു സൂചി​പ്പി​ക്കു​ന്നു. എന്നിരു​ന്നാ​ലും, താൻ വായി​ച്ചു​കൊ​ണ്ടി​രു​ന്നതു മനസ്സി​ലാ​കു​ന്നു​ണ്ടോ​യെന്നു ചോദി​ച്ച​പ്പോൾ “യഥാർത്ഥ​ത്തിൽ ആരെങ്കി​ലും എന്നെ നയിക്കു​ന്നി​ല്ലെ​ങ്കിൽ എനിക്ക്‌ എങ്ങനെ അതു ചെയ്യാൻ സാധി​ക്കും?” എന്ന്‌ അയാൾ സമ്മതിച്ചു പറഞ്ഞു.—പ്രവൃ​ത്തി​കൾ 8:26-33.

20. (എ) വ്യക്തി​പ​ര​മായ നമ്മുടെ ബൈബിൾ പഠനത്തിൽ നമ്മെ സഹായി​ക്കാൻ യഹോ​വ​യു​ടെ സ്ഥാപനം ചെയ്‌തി​രി​ക്കുന്ന ചില കരുത​ലു​ക​ളേവ? (ബി) നിങ്ങൾ അങ്ങനെ​യുള്ള കരുത​ലു​ക​ളെ​ക്കു​റിച്ച്‌ എങ്ങനെ വിചാ​രി​ക്കു​ന്നു?

²⁰ സമാന​മാ​യി ഇന്ന്‌ യഹോ​വ​യു​ടെ ജനത്തിന്‌ ആത്മീയ മാർഗ്ഗ​ദർശനം ആവശ്യ​മാണ്‌. ആത്മീയ കാര്യ​ങ്ങളെ സംബന്ധി​ച്ചി​ട​ത്തോ​ളം “യോജി​പ്പിൽ സംസാ​രി​ക്കാൻ” ആഗ്രഹി​ച്ചു​കൊണ്ട്‌ അവർ യഹോ​വ​യു​ടെ സ്ഥാപനം നൽകുന്ന സഹായത്തെ സ്വാഗ​തം​ചെ​യ്യു​ന്നു—അത്‌ എത്ര മഹത്തായ സഹായ​മാണ്‌! (1 കൊരി​ന്ത്യർ 1:10) വീക്ഷാ​ഗോ​പു​രം, ഉണരുക! എന്നീ മാസി​ക​ക​ളി​ലൂ​ടെ നമുക്ക്‌ വിവര​ങ്ങ​ളു​ടെ ഒരു നിരന്തര പ്രവാഹം ലഭിക്കു​ന്നുണ്ട്‌. നമുക്ക്‌ ഒട്ടേറെ ബൈബിൾവി​ഷ​യ​ങ്ങ​ള​ട​ങ്ങുന്ന നിരവധി പുസ്‌ത​ക​ങ്ങ​ളും ലഘുപ​ത്രി​ക​ക​ളു​മുണ്ട്‌. വിശേ​ഷാൽ ഇംഗ്ലീഷ്‌ സംസാ​രി​ക്കുന്ന വായന​ക്കാർ വാച്ച്‌റ​റവർ പബ്ലി​ക്കേ​ഷൻസ്‌ ഇൻഡക്‌സ്‌ 1930-1985 ലഭിച്ചി​ട്ടു​ള്ള​തിൽ അനുഗൃ​ഹീ​ത​രാണ്‌, അത്‌ ‘വെള്ളി​ക്കു​വേ​ണ്ടി​യും മറഞ്ഞി​രി​ക്കുന്ന നിക്ഷേ​പ​ത്തി​നു​വേ​ണ്ടി​യും എന്നപോ​ലെ ജ്ഞാനം തേടി​ക്കൊ​ണ്ടി​രി​ക്കാൻ’ ഒരു വ്യക്തിയെ സഹായി​ക്കാൻ കഴിയുന്ന ഒരു പണിയാ​യു​ധ​മാണ്‌.—സദൃശ​വാ​ക്യ​ങ്ങൾ 2:2-4.

21. (എ) അപ്പോ​സ്‌ത​ല​നായ പൗലോസ്‌ വ്യക്തി​പ​ര​മായ പഠനത്തിൽ ഒരു താത്‌പ​ര്യം പ്രകട​മാ​ക്കി​യ​തെ​ങ്ങനെ? (ബി) വ്യക്തി​പ​ര​മായ പഠനം സുകര​മാ​ക്കു​ന്ന​തി​നുള്ള ചില നിർദ്ദേ​ശ​ങ്ങ​ളേവ?

²¹ നിങ്ങൾ പഠനത്തി​നും ഗവേഷ​ണ​ത്തി​നും​വേണ്ടി സൊ​സൈ​റ​റി​യു​ടെ പ്രസി​ദ്ധീ​ക​ര​ണങ്ങൾ ഉപയോ​ഗി​ച്ചു​കൊണ്ട്‌ അവയെ പൂർണ്ണ​മാ​യി പ്രയോ​ജ​ന​പ്പെ​ടു​ത്തു​ന്നു​ണ്ടോ? അല്ലെങ്കിൽ, അങ്ങനെ​യുള്ള പ്രസി​ദ്ധീ​ക​ര​ണങ്ങൾ ഷെൽഫി​ന്റെ അലങ്കാ​ര​മെ​ന്ന​തിൽ കവിഞ്ഞ്‌ പ്രയോ​ജ​ന​പ്പെ​ടു​ന്നി​ല്ലേ? രസാവ​ഹ​മാ​യി, അപ്പോ​സ്‌ത​ല​നായ പൗലോസ്‌ ഒരിക്കൽ റോമിൽ തന്റെ അടുക്ക​ലേക്ക്‌ “ചുരു​ളു​കൾ, വിശേ​ഷാൽ ചർമ്മപ​ത്രങ്ങൾ . . . കൊണ്ടു​വ​രാൻ” തിമൊ​ഥെ​യോ​സി​നെ ഉപദേ​ശി​ച്ചു; പൗലോസ്‌ എബ്രായ തിരു​വെ​ഴു​ത്തു​ക​ളു​ടെ ഭാഗങ്ങളെ പരാമർശി​ക്കു​ക​യാ​യി​രു​ന്നു​വെന്ന്‌ സ്‌പഷ്ട​മാണ്‌. (2 തിമൊ​ഥെ​യോസ്‌ 4:13) പഠനവും ഗവേഷ​ണ​വും സുകര​മാ​ക്കു​ന്ന​തിന്‌ അവ കൈവ​ശ​മു​ണ്ടാ​യി​രി​ക്കാൻ അവൻ ആഗ്രഹി​ച്ചു​വെ​ന്ന​തിന്‌ സംശയ​മില്ല. നിങ്ങൾ ഇതുവ​രെ​യും അങ്ങനെ ചെയ്‌തി​ട്ടി​ല്ലെ​ങ്കിൽ നിങ്ങൾക്കും ഗവേഷണം നടത്താൻ കഴിയ​ത്ത​ക്ക​വണ്ണം ദിവ്യാ​ധി​പ​ത്യ​പ്ര​സി​ദ്ധീ​ക​ര​ണ​ങ്ങ​ളു​ടെ ലൈ​ബ്രറി സമാഹ​രി​ച്ചു​തു​ട​ങ്ങാൻ പാടില്ലേ? അങ്ങനെ​യുള്ള പ്രസി​ദ്ധീ​ക​ര​ണങ്ങൾ എത്തുപാ​ടിൽ വൃത്തി​യാ​യും ക്രമത്തി​ലും ഭംഗി​യാ​യും സൂക്ഷി​ക്കുക. വെളി​ച്ച​മുള്ള ഒരു പ്രശാ​ന്ത​സ്ഥലം പഠനത്തിന്‌ വേർതി​രി​ക്കുക. വ്യക്തി​പ​ര​മായ പഠനത്തിന്‌ ക്രമമായ സമയങ്ങൾ പട്ടിക​പ്പെ​ടു​ത്തുക.

22. ‘നമ്മുടെ ഹൃദയങ്ങൾ ദൈവ​വ​ച​ന​ത്തിൽ പതിപ്പി​ക്കു​ന്നത്‌’ ഇന്ന്‌ എന്നെ​ത്തേ​തി​ലും പ്രധാ​ന​മാ​യി​രി​ക്കു​ന്ന​തെ​ന്തു​കൊണ്ട്‌?

²² ഫലഭൂ​യി​ഷ്‌ഠ​മാ​യി​രുന്ന മോവാബ്‌ സമഭൂ​മി​യിൽ പാളയ​മ​ടി​ച്ചി​രുന്ന ഇസ്രാ​യേ​ല്യ​രെ​പ്പോ​ലെ നാം പുതിയ ലോക​ത്തി​ന്റെ കവാട​ത്തി​ങ്ക​ലാണ്‌ നില​കൊ​ള്ളു​ന്നത്‌. മുമ്പെ​ന്നെ​ത്തേ​തി​ലു​മ​ധി​ക​മാ​യി, നാം ഉത്സാഹ​പൂർവം ദൈവ​വ​ചനം പഠിക്കു​ക​യും ഒരുപക്ഷേ റെറലി​വി​ഷൻ കാണു​ന്ന​തു​പോ​ലെ​യുള്ള മററു താല്‌പ​ര്യ​ങ്ങൾ ബലി​ചെ​യ്‌തു​കൊണ്ട്‌ പഠനത്തി​നു​വേണ്ടി ‘അവസ​രോ​ചി​ത​മായ സമയം വിലക്കു​വാ​ങ്ങുക’യും ചെയ്യേ​ണ്ട​തുണ്ട്‌. (എഫേസ്യർ 5:16) പക്വത​യി​ലേക്കു മാത്രമല്ല, പിന്നെ​യോ “നിങ്ങൾ രക്ഷക്കു​വേണ്ടി വളരാൻ വചനത്തി​ന്റേ​തായ മായമി​ല്ലാത്ത പാൽ കുടി​ക്കാൻ ഒരു വാഞ്‌ഛ ഉളവാ​ക്കുക” എന്ന്‌ പത്രോസ്‌ പ്രബോ​ധി​പ്പി​ക്കു​ന്നു. (1 പത്രോസ്‌ 2:2; എബ്രായർ 5:12-14 താരത​മ്യ​പ്പെ​ടു​ത്തുക.) നമ്മുടെ ജീവൻതന്നെ ഉൾപ്പെ​ട്ടി​രി​ക്കു​ന്നു. അതു​കൊണ്ട്‌ വ്യക്തി​പ​ര​മായ പഠനത്തിൽ മന്ദീഭ​വി​ക്കാ​നുള്ള ഏതു പ്രവണ​ത​യെ​യും ചെറു​ത്തു​നിൽക്കുക. ദൈവ​ത്തോ​ടുള്ള നിങ്ങളു​ടെ സ്‌നേ​ഹ​ത്തെ​യും അവനി​ലുള്ള നിങ്ങളു​ടെ ആശ്രയ​ത്തെ​യും ആഴമു​ള്ള​താ​ക്കാ​നുള്ള ഒരു മാർഗ്ഗ​മെന്ന നിലയിൽ അതുപ​യോ​ഗി​ക്കുക. അത്‌ നമ്മെ സഹായി​ക്കാൻ യഹോവ ഉപയോ​ഗി​ക്കുന്ന സ്ഥാപന​ത്തോ​ടുള്ള നിങ്ങളു​ടെ വിലമ​തി​പ്പു വർദ്ധി​പ്പി​ക്കാ​നുള്ള ഒരു മാർഗ്ഗ​വും​കൂ​ടെ​യാണ്‌. അതെ, ഉത്‌സാ​ഹ​പൂർവം, നിരന്തരം, ദൈവ​വ​ച​ന​ത്തിൽ ‘നിങ്ങളു​ടെ ഹൃദയം പതിപ്പി​ക്കുക.’ “അത്‌ നിങ്ങൾക്ക്‌ വിലയി​ല്ലാത്ത വാക്കല്ല, എന്നാൽ അത്‌ നിങ്ങളു​ടെ ജീവനെ അർത്ഥമാ​ക്കു​ന്നു.” (w88 8/15)

[അടിക്കു​റി​പ്പു​കൾ]

പുനര​വ​ലോ​ക​ന​ത്തി​നുള്ള പോയിൻറു​കൾ

◻ ‘ദൈവ​വ​ച​ന​ത്തിൽ തങ്ങളുടെ ഹൃദയങ്ങൾ പതിപ്പി​ക്കാൻ’ മോശ ഇസ്രാ​യേ​ല്യ​രെ പ്രബോ​ധി​പ്പി​ച്ച​തെ​ന്തു​കൊണ്ട്‌, അവർ അത്‌ എങ്ങനെ ചെയ്യേ​ണ്ടി​യി​രു​ന്നു?

◻ വ്യക്തി​പ​ര​മായ പഠനം ദൈവ​വു​മാ​യുള്ള നമ്മുടെ ബന്ധത്തെ ശക്തീക​രി​ക്കു​ന്ന​തും നമ്മുടെ വിശ്വാ​സ​ത്തി​നു​വേണ്ടി പ്രതി​വാ​ദം​ചെ​യ്യാൻ സഹായി​ക്കു​ന്ന​തു​മെ​ങ്ങനെ?

◻ നാം സാത്താന്റെ കെണി​കളെ ചെറു​ത്തു​നിൽക്കു​ന്ന​തിൽ വ്യക്തി​പ​ര​മായ പഠനം എന്തു പങ്കു വഹിക്കു​ന്നു?

◻ നമ്മുടെ ദൈവ​വ​ച​ന​ത്തി​ന്റെ പഠനത്തെ സുകര​മാ​ക്കു​ന്ന​തിന്‌ യഹോ​വ​യു​ടെ സ്ഥാപനം ഏതു കരുത​ലു​കൾ ചെയ്‌തി​രി​ക്കു​ന്നു?

[11-ാം പേജിലെ ചിത്രം]

യഹൂദൻമാർ തങ്ങളുടെ ഹൃദയ​ങ്ങ​ളിൽ ദൈവ​നി​യമം എഴുതു​ന്ന​തി​നു​പ​കരം അവർ തിരു​വെ​ഴു​ത്ത​ട​ങ്ങിയ ഉറകൾ ശരീര​ത്തിൽ കെട്ടി​വെ​ച്ചു