വാഗ്‌ദ​ത്ത​ദേ​ശത്തു നിന്നുള്ള രംഗങ്ങൾ

യോപ്പാ ശ്രദ്ധേ​യ​മായ പുരാതന തുറമു​ഖം

പുരാതന ഇസ്രാ​യേ​ലിന്‌ മണൽ നിറഞ്ഞ നീണ്ട ഒരു കടൽത്തീ​ര​മു​ണ്ടാ​യി​രു​ന്നു. എന്നിരു​ന്നാ​ലും ഇസ്രാ​യേ​ല്യർ സമു​ദ്ര​സ​ഞ്ചാ​രി​ക​ളായ ഒരു ജനമായി വിശേ​ഷാൽ അറിയ​പ്പെ​ട്ടി​രു​ന്നില്ല. അവരുടെ കടൽത്തീ​ര​ത്തി​ന്റെ പ്രകൃതി ഒരു ഘടകമാ​യി​രു​ന്നി​രി​ക്കാം.

അത്‌ മിക്കവാ​റും കടൽപ്പു​റ​ങ്ങ​ളു​ടെ​യും നൈൽനദി സമു​ദ്ര​ത്തിൽ കൊ​ണ്ടെ​ത്തിച്ച പൂഴി​ക്കു​ന്നു​ക​ളു​ടെ​യും നിർവി​ഘ്‌ന​മായ ഒരു നിരയാ​യി​രു​ന്നു.a ഈജി​പ്‌റ​റി​ന്റെ അതിർമു​തൽ അതിലൂ​ടെ നിങ്ങൾ സമു​ദ്ര​സ​ഞ്ചാ​രം ചെയ്‌തി​രു​ന്നെ​ങ്കിൽ കർമ്മേൽ പർവത​ത്തി​നു തെക്ക്‌ യഥാർത്ഥ​ത്തിൽ പ്രമു​ഖ​മായ ഒരു സ്വാഭാ​വിക തുറമു​ഖം നിങ്ങൾ കാണു​മാ​യി​രു​ന്നില്ല.

എന്നാൽ ഇസ്രാ​യേ​ലി​ന്റെ തീര​പ്ര​ദേ​ശത്ത്‌ ഏതാണ്ട്‌ പകുതി ദൂരം സഞ്ചരി​ക്കു​മ്പോൾ നിങ്ങൾ ഒരു കുന്നിൽ യോപ്പാ നഗരം കാണു​മാ​യി​രു​ന്നു. ചിത്രം പ്രകട​മാ​ക്കു​ന്ന​തു​പോ​ലെ തീരത്തു​നി​ന്നു മാറി​യുള്ള പാറക​ളു​ടെ ഒരു ശൃംഖല ഒരു ചെറിയ ഉൾക്കടൽ നിർമ്മി​ച്ചു. തൽഫല​മാ​യു​ണ്ടായ തുറമു​ഖം കുറേ​ക്കൂ​ടെ വടക്ക്‌ ആക്രെ​യി​ലു​ള്ള​തി​നെ​ക്കാൾ (പ്‌തൊ​ലെ​മാ​യിസ്‌) മോശ​മാ​യി​രു​ന്നു​വെ​ങ്കി​ലും അത്‌ പിന്നെ​യും യോപ്പയെ ശ്രദ്ധേ​യ​മാ​ക്കി. (പ്രവൃ​ത്തി​കൾ 21:7) മഹാനായ ഹെരോ​ദാവ്‌ കൃത്രിമ കൈസര്യ തുറമു​ഖം നിർമ്മി​ക്കു​ന്ന​തു​വരെ ഈ തീരത്ത്‌ കപ്പലു​കൾക്ക്‌ കിടക്കു​ന്ന​തിന്‌ ഏററവും പററിയ സ്ഥാനം യോപ്പ​യാ​യി​രു​ന്നു. ഇത്‌ യോപ്പയെ സംബന്ധിച്ച ചില ബൈബിൾ പരാമർശ​ന​ങ്ങളെ പ്രദീ​പ്‌ത​മാ​ക്കു​ന്നു.

ആലയം പണിക്ക്‌ ശലോ​മോ​നെ സഹായി​ക്കാ​മെന്ന്‌ വാഗ്‌ദാ​നം ചെയ്‌ത​പ്പോൾ സോർ രാജാ​വായ ഹീരാം ഇങ്ങനെ പറഞ്ഞു: “ഞങ്ങൾ [ലബനോ​നിൽനി​ന്നുള്ള മരങ്ങൾ] ചങ്ങാട​ങ്ങ​ളാ​യി യോപ്പ​യി​ലേക്ക്‌ സമു​ദ്ര​ത്തി​ലൂ​ടെ നിന്റെ അടുക്കൽ കൊണ്ടു​വ​രാം. നീ നിന്റെ ഭാഗത്ത്‌ അവ യെരു​ശ​ലേ​മി​ലേക്ക്‌ കൊണ്ടു​പോ​കണം.” (2 ദിനവൃ​ത്താ​ന്തം 2:1, 11, 16) ഈ ചങ്ങാടങ്ങൾ ഫൊയ്‌നീ​ക്യ തുറമു​ഖ​ങ്ങ​ളായ സോരിൽ നിന്നൊ സീദോ​നിൽനി​ന്നൊ പുറ​പ്പെ​ട്ടി​രി​ക്കാം. (യെശയ്യാവ്‌ 23:1, 2; യെഹെ​സ്‌ക്കേൽ 27:8, 9) കർമ്മേൽ കടന്ന്‌ ദേവദാ​രു വൃക്ഷച​ങ്ങാ​ടങ്ങൾ യോപ്പ​യിൽ എത്തി. അവിടെ നിന്ന്‌ ദേവദാ​രു​ക്കൾ 34 മൈൽ കിഴക്ക്‌⁄തെക്കുകിഴക്ക്‌ ഉള്ള യെരു​ശ​ലേ​മി​ലേക്ക്‌ കൊണ്ടു​പോ​കാൻ കഴിയു​മാ​യി​രു​ന്നു. യഹൂദൻമാർ പ്രവാ​സ​ത്തി​നു​ശേഷം ആലയം പുനർനിർമ്മി​ച്ച​പ്പോ​ഴും ദേവദാ​രു മരങ്ങൾക്ക്‌ കിടക്കാ​നുള്ള തുറമു​ഖം യോപ്പ ആയിരു​ന്നു.—എസ്രാ 3:7.

ഒരുപക്ഷേ മരങ്ങ​ളോ​ടു​കൂ​ടെ സഞ്ചരിച്ച പണിക്കാർ ശൽക്ക മാതൃ​ക​യോ​ടു സമാന​മായ ഫൊയ്‌നി​ക്യ കപ്പലു​ക​ളിൽ സഞ്ചരിച്ചു. നിങ്ങൾ അതി​നെ​ക്കു​റി​ച്ചു പഠിക്കു​മ്പോൾ യഹോവ യോനാ​യെ നിന​വെ​യി​ലേക്ക്‌ നിയോ​ഗി​ച്ച​ശേഷം ആ പ്രവാ​ചകൻ എതിർ ദിശയിൽ ഓടി എന്നോർക്കുക. “[യോനാ] ഒടുവിൽ യോപ്പ​യിൽ എത്തുക​യും തർശീ​ശി​ലേ​ക്കു​പോ​കുന്ന ഒരു കപ്പൽ കാണു​ക​യും ചെയ്‌തു. അങ്ങനെ അവൻ കപ്പൽകൂ​ലി കൊടു​ക്കു​ക​യും യഹോ​വ​യു​ടെ മുമ്പാകെ നിന്ന്‌ അവരോ​ടു​കൂ​ടെ തർശീ​ശി​ലേക്കു പോകാൻ അതി​ലേക്കു കടക്കു​ക​യും ചെയ്‌തു.”—യോനാ 1:1-3.

പ്രത്യക്ഷ

ത്തിൽ, യോനാ സമു​ദ്ര​സ​ഞ്ചാ​ര​യോ​ഗ്യ​മായ ഇത്തരം ചരക്കു​ക​പ്പ​ലി​ലാണ്‌ കയറി​യത്‌. അത്‌ യോപ്പ​യിൽ നിന്ന്‌ തർശീ​ശി​ലേ​ക്കുള്ള (പുരാതന സ്‌പെ​യി​നാ​യി​രി​ക്കാ​നി​ട​യുണ്ട്‌) നീണ്ട സമു​ദ്ര​യാ​ത്ര നടത്താൻ പ്രാപ്‌ത​മാ​യി​രു​ന്നു. അതിന്‌ ഒരുപക്ഷേ ഒരു ഉയർന്ന കൊത്തി​യെ​ടുത്ത അണിയ​മു​ണ്ടാ​യി​രു​ന്നു. അതിന​ടുത്ത്‌ ഒരു ശിലാ​ന​ങ്കൂ​രം തൂങ്ങി​ക്കി​ട​ന്നി​രു​ന്നു. യാത്ര​ക്കാർക്കും തുഴക്കാർക്കും കുറെ ചരക്കു​കൾക്കും ഡക്കിൽ ഇടമു​ണ്ടാ​യി​രു​ന്നു. അത്‌ ഈ മാതൃ​ക​യിൽ കാണി​ച്ചി​ട്ടില്ല. ഡക്കിന​ടി​യിൽ ഒരു പള്ളയു​ണ്ടാ​യി​രു​ന്നു. അവിടെ കൂടുതൽ ചരക്കുകൾ ശേഖരി​ച്ചു​വെ​ക്കാൻ കഴിയു​മാ​യി​രു​ന്നു. യോനാ ഉറങ്ങാൻ അവി​ടേ​ക്കാണ്‌ പോയത്‌. കപ്പൽ കടുപ്പ​മുള്ള പൈൻപ​ല​കകൾ കൊണ്ട്‌ നിർമ്മി​ക്ക​പ്പെ​ട്ടി​രു​ന്നു. ഒരു വലിയ ശീലപ്പായ്‌ താങ്ങാ​നുള്ള ഒരു ദേവദാ​രു പായ്‌മ​ര​വും ഉണ്ടായി​രു​ന്നു. നീണ്ട തുഴക​ളു​ടെ (ഒരുപക്ഷേ ബാശാ​നിൽനി​ന്നുള്ള ഓക്ക്‌ മരം​കൊ​ണ്ടു​ള്ളത്‌) നിര ഇരുവ​ശ​ത്തും കാണുക. ഇപ്പോൾ സമു​ദ്ര​ത്തിൽ ഉഗ്രമായ കൊടു​ങ്കാ​റ​റി​നാൽ ഭീഷണി​പ്പെ​ടു​ത്ത​പ്പെ​ടുന്ന കപ്പലി​നെ​ക്കു​റി​ച്ചു സങ്കൽപ്പി​ക്കുക. നാവികർ സഹായ​ത്തി​നാ​യി തങ്ങളുടെ ദൈവ​ങ്ങ​ളോട്‌ നിലവി​ളി​ക്കു​ന്നത്‌ കേൾക്കുക. ഒടുവിൽ തങ്ങൾ നശിക്കാ​തി​രി​ക്കാൻ അവർ യോനാ​യെ കപ്പലിൽനിന്ന്‌ പുറ​ത്തേക്ക്‌ തള്ളിയി​ടാൻ നിർബ​ന്ധി​ത​രാ​യി​ത്തീ​രു​ന്നു.—യെഹെ​സ്‌ക്കേൽ 27:5-9; യോനാ 1:4-15.

ഒന്നാം നൂററാ​ണ്ടി​ലെ യോപ്പ ക്രിസ്‌ത്യാ​നി​ക​ളു​ടെ ഒരു സഭയുടെ ആസ്ഥാന​മാ​യി​രു​ന്നു. അവരിൽ ചിലർ തുറമു​ഖ​ത്തൊ​ഴി​ലാ​ളി​ക​ളൊ മുൻനാ​വി​ക​രൊ ആയിരു​ന്നി​രി​ക്കാം. ഈ ബഹളം നിറഞ്ഞ തുറമു​ഖ​ത്തി​ലെ ഒരു സഭാം​ഗ​മാ​യി​രു​ന്നു ഡോർക്കാസ്‌ (തബീഥാ) എന്ന യഹൂദ സ്‌ത്രീ. “അവൾ സൽപ്ര​വൃ​ത്തി​ക​ളും ദാനധർമ്മ​ങ്ങ​ളും ധാരാ​ള​മാ​യി ചെയ്‌തു​കൊ​ണ്ടി​രു​ന്നു.” ക്രി.വ. 36-ൽ ഡോർക്കാസ്‌ രോഗി​യാ​വു​ക​യും മരിക്കു​ക​യും ചെയ്‌തു. അത്‌ അവളുടെ ധാരാ​ള​മായ സൽപ്ര​വൃ​ത്തി​കളെ ഓർത്തു​കൊണ്ട്‌ അനേകർ കരയാൻ ഇടയാക്കി. സഹക്രി​സ്‌ത്യാ​നി​കൾ അപ്പോ​സ്‌ത​ല​നായ പത്രോ​സി​നെ ലുദ്ദയിൽ നിന്ന്‌ (ടെൽഅ​വീവ്‌ വിമാ​ന​ത്താ​വ​ള​ത്തി​ന​ടു​ത്തുള്ള ആധുനിക ലോദ്‌) യോപ്പ​യി​ലേക്ക്‌ വരുത്തി. പത്രോസ്‌ ഈ പ്രിയ​പ്പെട്ട സഹോ​ദ​രി​യെ ഉയർപ്പി​ച്ചു. ആ അത്ഭുതം “യോപ്പ​യിൽ എങ്ങും പ്രസി​ദ്ധ​മാ​യി, അനേകർ വിശ്വാ​സി​ക​ളാ​യി​ത്തീർന്നു.”—പ്രവൃ​ത്തി​കൾ 9:36-42.

പത്രോസ്‌ യോപ്പ​യിൽ ഒരു തുകൽക്കൊ​ല്ല​നായ ശിമോ​ന്റെ വീട്ടിൽ കുറേ​നാൾ പാർത്തു. അവിടെ അപ്പോ​സ്‌ത​ലന്‌ ഒരു ദർശനം കിട്ടി. അത്‌ യോപ്പാ സഭയിലെ ചില സഹോ​ദ​രൻമാ​രെ തീര​ദേ​ശ​പാ​ത​യി​ലൂ​ടെ വടക്ക്‌ പുതിയ കൈസര്യ തുറമു​ഖ​ത്തേക്ക്‌ കൂട്ടി​ക്കൊ​ണ്ടു പോകു​ന്ന​തി​ലേക്ക്‌ അവനെ നയിച്ചു. അവിടെ പത്രോസ്‌ റോമൻ സൈനി​കോ​ദ്യോ​ഗ​സ്ഥ​നാ​യി​രുന്ന കൊർന്നേ​ല്യൊ​സി​നോട്‌ പ്രസം​ഗി​ക്കു​ക​യും അവനെ സ്‌നാ​പനം കഴിപ്പി​ക്കു​ക​യും ചെയ്‌തു. അവനാ​യി​രു​ന്നു ഒരു ആത്മാഭി​ഷിക്ത ക്രിസ്‌ത്യാ​നി​യാ​യി​ത്തീർന്ന പരിച്‌ഛേദന ഏൽക്കാഞ്ഞ ആദ്യത്തെ വിജാ​തീ​യൻ. (പ്രവൃ​ത്തി​കൾ 9:43–10:48) ക്രിസ്‌തീയ ചരി​ത്ര​ത്തി​ലെ ഈ നിർണ്ണാ​യക വികാ​സ​ത്തി​ന്റെ വാർത്ത​യു​മാ​യി സഹോ​ദ​രൻമാർ മടങ്ങി​യെ​ത്തി​യ​പ്പോൾ യോപ്പ​യിൽ എന്തു സന്തോ​ഷ​വും ആവേശ​വും ഉണ്ടായി​രു​ന്നി​രി​ക്കണം!

ഇന്ന്‌ ആധുനിക ടെൽഅ​വീവ്‌-ജാഫാ​യു​ടെ ഭാഗമായ യോപ്പ​യി​ലേക്ക്‌ അനേകം സന്ദർശകർ പര്യടനം നടത്തു​ന്നുണ്ട്‌. അവർക്ക്‌ ഈ ശ്രദ്ധേ​യ​മായ തുറമു​ഖത്ത്‌ നടന്ന ബൈബിൾ സംഭവ​ങ്ങളെ വീണ്ടും അനായാ​സം സജീവ​മാ​ക്കാൻ കഴിയും. (w89 9/1)

[അടിക്കു​റിപ്പ്‌]

[10-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.

[11-ാം പേജിലെ ചിത്ര​ത്തിന്‌ കടപ്പാട്‌]

Pictorial Archive (Near Eastern History) Est.