ബൈബി​ളി​ന്റെ വീക്ഷണം

സ്‌നാനം അത്‌ ശിശു​ക്കൾക്കു​ള്ള​തോ?

“എനി​ക്കെന്റെ കുഞ്ഞു​ങ്ങ​ളു​ണ്ടാ​യ​പ്പോൾ അവരെ സ്‌നാ​ന​മേൽപ്പി​ക്കാൻ ഞാൻ ധൃതി​കൂ​ട്ടി. . . . ഞാൻ ചെയ്‌തത്‌ ശരിയായ കാര്യം ആയിരു​ന്നോ എന്ന്‌ ചില​പ്പോൾ ഞാനി​രു​ന്നു ചിന്തി​ച്ചു​പോ​കും” എന്ന്‌ ഒരു മാതാവ്‌ പറഞ്ഞു. എന്തു​കൊ​ണ്ടാ​യി​രു​ന്നു? അവളുടെ മൂന്നു മക്കളിൽ രണ്ടുപേർ അവളുടെ വിശ്വാ​സം തള്ളിക്ക​ളഞ്ഞു.

ഒരു മാതാ​വോ പിതാ​വോ എന്ന നിലയിൽ ഒരു ശിശു​വി​നെ നിങ്ങളു​ടെ മതത്തിന്റെ അംഗമാ​യി​ച്ചേർക്കുന്ന കാര്യ​ത്തിൽ ഇതു​പോ​ലുള്ള സംശയങ്ങൾ നിങ്ങളു​ടെ മനസ്സി​ലും ഒരുപക്ഷേ ഉണ്ടായി​രു​ന്നി​രി​ക്കാൻ ഇടയുണ്ട്‌. അഥവാ അങ്ങനെ​യാ​ണെ​ങ്കിൽ മതനേ​താ​ക്കൻമാർ—കത്തോ​ലി​ക്ക​രും പ്രൊ​ട്ട​സ്‌റ്റൻറു​കാ​രും ഒരു​പോ​ലെ—നിങ്ങളു​ടെ മനസ്സിലെ ആശയക്കു​ഴപ്പം തീർക്കാൻ യാതൊ​ന്നും ചെയ്‌തി​ട്ടി​ല്ല​യെ​ന്നും നിങ്ങൾ അറിഞ്ഞി​രി​ക്കാ​നി​ട​യുണ്ട്‌. ശിശു​സ്‌നാ​ന​ത്തെ​പ്പറ്റി വാഗ്‌വാ​ദം നടത്തു​ക​വഴി അവർ സംശയ​വാ​ദത്തെ ഊട്ടി വളർത്തു​ക​യാണ്‌ ചെയ്യു​ന്നത്‌. പരിഷ്‌ക്ക​ര​ണ​വാ​ദി​കൾ അതിനെ മദ്ധ്യകാല അന്ധവി​ശ്വാ​സ​ത്തി​ന്റെ അവശിഷ്ടം എന്നാണ്‌ വിളി​ക്കു​ന്നത്‌. പാരമ്പ​ര്യ​വാ​ദി​കൾ സ്‌നാന നിഷേ​ധത്തെ “ക്രിസ്‌തീ​യ​ബോ​ധ​ത്തിന്‌ നിഷി​ദ്ധ​മായ” ഒന്നായി കാണുന്നു.

അങ്ങനെ ന്യായ​വാ​ദം ചെയ്യു​ക​വഴി സഭാ നേതാക്കൾ “ഈടുറ്റ ന്യായ​വാ​ദ​ത്തിന്‌ പകരം വെറും ആവേശ​ഘോ​ഷ​ണ​ത്തിൽ മുഴു​കു​ക​യാണ്‌.” (ശിശു സ്‌നാ​ന​വും കൃപാ ഉടമ്പടി​യും, പോൾ കെ. ജെവറ്റി​നാ​ലു​ള്ളത്‌) ശൈശ​വ​സ്‌നാ​ന​ത്തെ​ക്കു​റി​ച്ചുള്ള നിങ്ങളു​ടെ ചോദ്യ​ത്തിന്‌ ആധികാ​രി​ക​മായ ഉത്തരങ്ങൾക്കു​വേണ്ടി അപ്പോൾ എവി​ടേ​ക്കാണ്‌ നോക്കാൻ കഴിയുക? ഈ ഉത്തരങ്ങൾക്ക്‌ ദൈവ​വ​ച​ന​ത്തിൽതന്നെ നോ​ക്കേ​ണ്ടി​യി​രി​ക്കു​ന്നു.

ശിശു​സ്‌നാ​ന​വാ​ദി​കൾ അവരുടെ വാദത്തി​ന്റെ ഏറിയ​ഭാ​ഗ​വും യോഹ​ന്നാൻ 3:5-ലെ യേശു​വി​ന്റെ പിൻവ​രുന്ന വാക്കു​ക​ളിൽ അടിസ്ഥാ​ന​പ്പെ​ടു​ത്തു​ന്നു: “ജലത്താ​ലും ആത്മാവി​നാ​ലും ഒരുവൻ ജനിപ്പി​ക്ക​പ്പെ​ട്ടി​ല്ലെ​ങ്കിൽ അവന്‌ ദൈവ​രാ​ജ്യ​ത്തിൽ പ്രവേ​ശി​ക്കാൻ കഴിയു​ക​യില്ല.” സ്വർഗ്ഗ​ത്തി​ലേ​ക്കുള്ള പ്രവേ​ശ​ന​ത്തിന്‌ ജലസ്‌നാ​നം ഒരു വ്യവസ്ഥ​യാ​യി​രി​ക്കു​ന്ന​തു​കൊണ്ട്‌, ഒരു അഗ്നിന​ര​ക​ത്തിൽ യാതന അനുഭ​വി​ക്കു​ന്ന​തും—ലിം​ബോ​യിൽ ചെലവ​ഴി​ക്കേ​ണ്ടി​വ​രു​ന്ന​തും ഒഴിവാ​ക്കാൻ ശിശു​ക്കളെ സ്‌നാ​ന​പ്പെ​ടു​ത്തേ​ണ്ട​തുണ്ട്‌.a

പക്ഷേ ബൈബിൾ പറയു​ന്നത്‌ “മരിച്ചവർ . . . ഒന്നി​നെ​ക്കു​റി​ച്ചും ബോധ​വാൻമാ​രല്ല” എന്നാണ്‌. (സഭാ​പ്ര​സം​ഗി 9:5; സങ്കീർത്തനം 146:4 താരത​മ്യം ചെയ്യുക.) മരിച്ചവർ ബോധ​മ​റ്റവർ ആയതു​കൊണ്ട്‌ അവർക്ക്‌ യാതൊ​രു​വിധ യാതന​യും അനുഭ​വി​ക്കാൻ സാദ്ധ്യമല്ല. അതു​കൊണ്ട്‌ തങ്ങളുടെ കുട്ടി​കളെ സ്‌നാനം ചെയ്‌തി​ല്ല​യെ​ങ്കിൽ ഘോര​മായ പ്രത്യാ​ഘാ​തങ്ങൾ ഉണ്ടാവു​മെന്ന്‌ മാതാ​പി​താ​ക്കൾ ഭയപ്പെ​ടേ​ണ്ട​തില്ല.

സ്‌നാ​ന​മേൽക്കാ​ത്ത​വർക്ക്‌ ദൈവ​രാ​ജ്യ​ത്തിൽ കടക്കാ​നാ​വു​മോ എന്നതിൽ പിന്നെ​യും ആശങ്കയുണ്ട്‌. പക്ഷേ അവർക്ക്‌ രക്ഷിക്ക​പ്പെ​ടാ​നാ​വില്ല എന്ന്‌ അതിന്‌ അർത്ഥമില്ല. യേശു ഇങ്ങനെ പറഞ്ഞു: “ഈ തൊഴു​ത്തിൽ [സ്വർഗ്ഗീയ] പെടാത്ത വേറെ ആടുക​ളും എനിക്കുണ്ട്‌.” (യോഹ​ന്നാൻ 10:16) ഇവി​ടെ​യും മത്തായി 25:31-46 വരെ രേഖ​പ്പെ​ടു​ത്തി​യി​രി​ക്കുന്ന മറ്റൊരു ഉപമയി​ലും സ്വർഗ്ഗ​ത്തിൽ പോക​യി​ല്ലാത്ത രക്ഷിക്ക​പ്പെ​ട്ടവർ ഉണ്ടായി​രി​ക്കു​മെന്ന്‌ യേശു സൂചി​പ്പി​ച്ചു. അവർ എങ്ങോട്ട്‌ പോകും? തന്നോ​ടൊ​പ്പം ക്രൂശി​ക്ക​പ്പെട്ട കുറ്റവാ​ളി​യോട്‌ യേശു ഇങ്ങനെ പറഞ്ഞു: “നീ എന്നോട്‌ കൂടെ പറുദീ​സ​യിൽ ഇരിക്കും.”—ലൂക്കോസ്‌ 23:43.

ആ കുറ്റവാ​ളി എന്നെങ്കി​ലും ജലസ്‌നാ​ന​ത്തി​ലൂ​ടെ “വെള്ളത്താൽ ജനിപ്പി​ക്ക​പ്പെ​ട്ടി​ട്ടു​ണ്ടോ?” ഉണ്ടെന്നു തോന്നു​ന്നില്ല അതു​കൊണ്ട്‌ സ്വർഗ്ഗം അവന്‌ അടക്ക​പ്പെ​ട്ടി​രി​ക്ക​യാണ്‌. ആ സ്ഥിതിക്ക്‌ “പറുദീസ” എവി​ടെ​യാ​യി​രി​ക്കും? ദൈവം ആദിമ മനുഷ്യ​ജോ​ടി​യെ ഒരു ഭൗമിക പറുദീ​സ​യിൽ അവിടെ എന്നെ​ന്നേ​ക്കും ജീവി​ക്കാ​നുള്ള പ്രത്യാ​ശ​യോ​ടെ ആക്കിവച്ചു എന്നു ഓർമ്മി​ക്കുക. (ഉല്‌പത്തി 1:28; 2:8) ആദാമും ഹവ്വയും പക്ഷേ, മത്സരി​ക്കു​ക​യും അങ്ങനെ ആ മനോഹര ഉദ്യാ​ന​ഭ​വ​ന​ത്തിൽനിന്ന്‌ ബഹിഷ്‌ക്ക​രി​ക്ക​പ്പെ​ടു​ക​യും ചെയ്‌തു. ഭൗമിക പറുദീസ എക്കാല​ത്തേ​ക്കു​മാ​യി നഷ്ടമാ​യി​രു​ന്നോ? ഇല്ല, കാരണം ദൈവം കാലാ​ന്ത​ര​ത്തിൽ പറുദീസ ഭൂമി​യിൽ പുനഃ​സ്ഥാ​പി​ക്കും എന്നു തിരു​വെ​ഴു​ത്തു​കൾ വ്യക്തമാ​ക്കു​ന്നു. (മത്തായി 5:5; 6:9, 10; എഫേസ്യർ 1:9-11; വെളി​പ്പാട്‌ 21:1-5) ഈ ഭൗമിക പറുദീ​സ​യി​ലേ​ക്കാണ്‌ മരിച്ച​വ​രിൽ ഭൂരി​ഭാ​ഗ​വും—ശിശുക്കൾ ഉൾപ്പെടെ—ഒടുവിൽ പുനരു​ത്ഥാ​നം ചെയ്യു​ന്നത്‌.—യോഹ​ന്നാൻ 5:28, 29.

ഈ ഭൗമിക പുനരു​ത്ഥാ​നം ലഭിക്കു​ന്ന​തിന്‌ ഒരു വ്യക്തി സ്‌നാ​ന​മേൽക്കേ​ണ്ട​തു​ണ്ടോ? അവശ്യം വേണ്ടി​യി​രി​ക്കു​ന്നില്ല. അനേകർ ആത്മീയ അജ്ഞതയിൽ മരിച്ചു​പോ​യി​ട്ടുണ്ട്‌. (യോനാ 4:11) ദൈവത്തെ സംബന്ധിച്ച്‌ ഗ്രഹി​ക്കാൻ അവർക്ക്‌ യാതൊ​രു അവസര​വും ലഭിക്കാ​തി​രു​ന്ന​തു​കൊണ്ട്‌ അവർ ഒരിക്ക​ലും അവരെ​ത്തന്നെ ദൈവ​ത്തിന്‌ സമർപ്പി​ച്ചി​ട്ടില്ല. അതു​പോ​ലുള്ള ആളുകൾ എക്കാല​ത്തേ​ക്കു​മാ​യി ഉപേക്ഷി​ക്ക​പ്പെ​ട്ടോ? ഇല്ല. കാരണം, പൗലോസ്‌ പറയു​ന്ന​തി​ങ്ങ​നെ​യാണ്‌: “നീതി​മാൻമാ​രു​ടെ​യും നീതി​കെ​ട്ട​വ​രു​ടെ​യും പുനരു​ത്ഥാ​നം ഉണ്ടാകാ​നി​രി​ക്കു​ന്നു.” (പ്രവൃ​ത്തി​കൾ 24:15) പുനരു​ത്ഥാ​നം പ്രാപി​ച്ചു​വ​രുന്ന ജനസഞ്ച​യ​ങ്ങ​ളിൽ ശിശു​ക്ക​ളും ഉൾപ്പെ​ടും എന്നതിന്‌ സംശയ​മില്ല. അതു​കൊണ്ട്‌ ശിശു​ക്കളെ രക്ഷിക്കാൻ സ്‌നാനം അത്യാ​വ​ശ്യ​മാണ്‌ എന്നതു​പോ​ലുള്ള അവകാ​ശ​വാ​ദങ്ങൾ തികച്ചും അടിസ്ഥാ​ന​ര​ഹി​തം ആണ്‌.

പരിച്‌ഛേ​ദ​ന​യും സ്‌നാ​ന​വും

പക്ഷേ, ശിശു​സ്‌നാ​നത്തെ അനുകൂ​ലി​ക്കു​ന്നവർ യിസ്രാ​യേ​ലിൽ ശിശു​ക്കളെ ജനനത്തിന്‌ അല്‌പ​ദി​ന​ങ്ങൾക്ക്‌ ശേഷമാ​യി​രു​ന്ന​ല്ലോ പരിച്‌ഛേദന കഴിച്ചി​രു​ന്നത്‌, എന്ന്‌ ചൂണ്ടി​ക്കാ​ണി​ച്ചേ​ക്കാം. (ഉല്‌പത്തി 17:12) ശിശു​ക്കളെ രക്ഷിക്കാ​നുള്ള ഉപാധി എന്ന നിലയിൽ പരിച്‌ഛേ​ദ​ന​യു​ടെ സ്ഥാനം സ്‌നാനം ഏറ്റെടു​ത്തി​രി​ക്ക​യാണ്‌ എന്നവർ ന്യായ​വാ​ദം ചെയ്‌തേ​ക്കാം.

എന്നാൽ രക്ഷിക്ക​പ്പെ​ടാ​നുള്ള ഉപാധി​യാ​യി പരിച്‌ഛേദന വർത്തി​ച്ചി​ട്ടു​ണ്ടോ? ഇല്ല, അതു ദൈവം അബ്രാ​ഹാ​മു​മാ​യു​ണ്ടാ​ക്കിയ “ഉടമ്പടി​യു​ടെ അടയാള”മായി​രു​ന്നു. (ഉല്‌പത്തി 17:11) കൂടാതെ, ആൺകു​ട്ടി​കൾ മാത്രമേ പരിച്‌ഛേദന ചെയ്യ​പ്പെ​ട്ടു​ള്ളു. സ്‌നാനം പരിച്‌ഛേ​ദ​ന​യു​ടെ സമാന്ത​ര​പ​കർപ്പാ​ണെ​ങ്കിൽ പെൺകു​ഞ്ഞു​ങ്ങൾക്ക്‌ സ്‌നാനം നിഷേ​ധി​ക്കു​ന്നത്‌ യുക്തി​പൂർവ്വ​ക​മാ​വു​ക​യി​ല്ലേ? സാദൃശ്യ കൽപ്പന അസാധു​വാ​ണെന്ന്‌ വ്യക്തമാണ്‌. തങ്ങളുടെ ആൺകു​ട്ടി​ക​ളു​ടെ​മേൽ പരിച്‌ഛേദന ചെയ്യാൻ യഹൂദ കുടും​ബ​നാ​ഥൻമാർക്ക്‌ തിരു​വെ​ഴു​ത്തു​കൾ പ്രത്യേക ആജ്ഞ നൽകി​യി​രു​ന്നു​വെ​ന്ന​തും ഓർമ്മി​ക്കേ​ണ്ട​തുണ്ട്‌. രക്ഷ അന്തർഭ​വി​ച്ചി​രി​ക്കു​ന്നു​വെ​ങ്കിൽ സ്‌നാനം സംബന്ധിച്ച്‌ അത്തരം കൽപ്പന എന്തു​കൊണ്ട്‌ ക്രിസ്‌തീയ മാതാ​പി​താ​ക്കൾക്ക്‌ നൽക​പ്പെ​ട്ടില്ല.?

ക്രിസ്‌തു ഇങ്ങനെ പറഞ്ഞു എന്നത്‌ സത്യം​തന്നെ: “പൈതങ്ങൾ എന്റെ അരികി​ലേക്ക്‌ വന്നു​കൊ​ള്ളട്ടെ . . . ദൈവ​രാ​ജ്യം ഇവരെ​പ്പോ​ലു​ള്ള​വർക്കു​ള്ള​ത​ല്ലോ.” (മർക്കോസ്‌ 10:14) പക്ഷേ കുട്ടി​ക​ളെ​ക്കൊണ്ട്‌ സ്വർഗ്ഗം നിറക്കും എന്നവൻ പറയു​ക​യാ​യി​രു​ന്നില്ല. സ്വർഗ്ഗീയ രാജ്യ​ത്തെ​ക്കു​റിച്ച്‌ പ്രൊ​ട്ട​സ്‌റ്റൻറ്‌ ദൈവ​ശാ​സ്‌ത്ര​ജ്ഞ​നായ എ. ക്യാം​ബെൽ ഇങ്ങനെ പറഞ്ഞു: “അവിടം കുട്ടി​ക​ളാൽ നിറഞ്ഞി​രി​ക്കു​ന്നില്ല. പിന്നെ​യോ ഇണക്കം, എളിമ, സൗമ്യത എന്നിവ​യിൽ അവരെ​പ്പോ​ലെ​യു​ള്ള​വ​രാൽ അത്രെ.”

വിശ്വാ​സി​യു​ടെ കുട്ടികൾ “വിശുദ്ധർ”

“പോയി . . . സ്‌നാ​ന​പ്പെ​ടു​ത്തി​ക്കൊണ്ട്‌ സകല ജാതി​ക​ളിൽ നിന്നു​മുള്ള ജനങ്ങളെ [അല്ലെങ്കിൽ പഠിപ്പി​ക്ക​പ്പെ​ട്ട​വരെ] ശിഷ്യ​രാ​ക്കി​ക്കൊൾവിൻ,” എന്ന്‌ യേശു തന്റെ അനുഗാ​മി​കളെ പ്രബോ​ധി​പ്പി​ച്ചു. അതു​കൊണ്ട്‌, ശിഷ്യ​രോ അല്ലെങ്കിൽ പഠിപ്പി​ക്ക​പ്പെ​ട്ട​വ​രോ ആയിത്തീ​രാൻ വേണ്ടത്ര മുതി​രേ​ണ്ട​തു​ണ്ടാ​യി​രു​ന്നു. അങ്ങനെ​യു​ള്ള​വരെ മാത്രമേ സ്‌നാ​ന​പ്പെ​ടു​ത്തി​യി​രു​ന്നു​ള്ളു. അപ്രകാ​രം സത്യ​ക്രി​സ്‌ത്യാ​നി​കൾ ഇന്ന്‌ തങ്ങളുടെ കുട്ടി​കളെ—സ്‌നാ​ന​മേൽപ്പി​ക്കു​ന്ന​തി​നല്ല—ശൈശവം മുതലേ അഭ്യസി​പ്പി​ക്കു​ന്ന​തി​നാണ്‌ ഉദ്യമി​ക്കേ​ണ്ടത്‌. (2 തിമൊ​ഥെ​യോസ്‌ 3:15) കുട്ടികൾ “യഹോ​വ​യു​ടെ ശിക്ഷണ​ത്തി​ലും മാനസിക ക്രമവ​ത്‌കരണ”ത്തിലും മുതിർന്നു​വ​രു​മ്പോൾ അവർ അവരുടെ സ്വന്ത വിശ്വാ​സം വികസി​പ്പി​ച്ചു​കൊ​ള്ളും.—എഫേസ്യർ 6:4.

അതിനി​ട​യ്‌ക്ക്‌, തങ്ങളുടെ കൊച്ചു​കു​ട്ടി​കൾ സ്‌നാ​ന​മേ​റ്റി​ല്ലെ​ങ്കിൽ അവരുടെ നിത്യ​ക്ഷേമം അപകട​ത്തി​ലാ​യി എന്ന്‌ മാതാ​പി​താ​ക്കൾ ഭയപ്പെ​ടേ​ണ്ട​തില്ല. അപ്പോ​സ്‌ത​ല​നായ പൗലോസ്‌ 1 കൊരി​ന്ത്യർ 7:14-ൽ, ക്രിസ്‌തീയ മാതാ​വി​ന്റെ​യോ പിതാ​വി​ന്റെ​യോ കുട്ടികൾ “വിശു​ദ്ധ​രാണ്‌” എന്ന്‌ ഉറപ്പ്‌ നൽകുന്നു. ഇത്‌ അവർ ഏതെങ്കി​ലും ആചാര​പ്ര​കാ​ര​മുള്ള ക്രിയക്ക്‌ വിധേ​യ​രാ​കു​ന്ന​തു​കൊ​ണ്ടല്ല, പിന്നെ​യോ—അവരുടെ മാതാ​പി​താ​ക്ക​ളിൽ കുറഞ്ഞത്‌ ഒരാ​ളെ​ങ്കി​ലും ഒരു ക്രിസ്‌ത്യാ​നി​യെ​ന്ന​നി​ല​യിൽ വിശ്വ​സ്‌ത​മാ​യി നില​കൊ​ള്ളു​ന്നി​ട​ത്തോ​ളം ദൈവം കരുണാ​പൂർവ്വം അവർ ഒരു ശുദ്ധമായ നില കണക്കിട്ടു കൊടു​ക്കു​ന്നതു കൊണ്ടാണ്‌.

മാതാ​പി​താ​ക്ക​ളു​ടെ വിശ്വ​സ്‌ത​മാ​തൃ​ക​യും അതോ​ടൊ​പ്പം അവരുടെ കുട്ടി​കൾക്ക്‌ ലഭിക്കുന്ന ബൈബിൾ പരിശീ​ല​ന​വും കാലാ​ന്ത​ര​ത്തിൽ തങ്ങളെ​ത്തന്നെ ദൈവ​ത്തിന്‌ സമർപ്പി​ക്കു​ന്ന​തി​നും സ്‌നാ​ന​ത്തി​ലൂ​ടെ ആ സമർപ്പ​ണത്തെ പ്രതീ​ക​പ്പെ​ടു​ത്തു​ന്ന​തി​നും കൊച്ചു കുട്ടി​കളെ പ്രേരി​പ്പി​ക്കാ​നി​ട​യുണ്ട്‌. “തങ്ങളുടെ വിവേ​ച​നാ​ശ​ക്തി​യോ​ടെ ഒരു വിശു​ദ്ധ​സേ​വനം” അനുഷ്‌ഠി​ച്ചു​കൊണ്ട്‌ മുന്നേ​റു​ന്ന​തിന്‌ അവരുടെ വിലമ​തി​പ്പുള്ള ഹൃദയം അവരെ പ്രേരി​പ്പി​ക്കും. (റോമർ 12:1) ഒരു പിഞ്ചു​പൈ​ത​ലിന്‌ ചെയ്യാൻ സാദ്ധ്യമേ അല്ലാത്ത കാര്യ​ങ്ങ​ളാണ്‌ ഇവയ​ത്ര​യും. (g86 10/8)

[അടിക്കു​റി​പ്പു​കൾ]