മുമ്പേ സുവാർത്ത പ്രസം​ഗി​ക്കേ​ണ്ട​താണ്‌

“സകല രാഷ്‌ട്ര​ങ്ങ​ളി​ലും സുവാർത്ത മുമ്പേ പ്രസം​ഗി​ക്ക​പ്പെ​ടേ​ണ്ട​തുണ്ട്‌.”—മർക്കോസ്‌ 13:10, NW.

1, 2. സാക്ഷി​ക​ളു​ടെ മുഖമു​ദ്ര എന്താണ്‌, എന്തു​കൊണ്ട്‌?

യഹോ​വ​യു​ടെ സാക്ഷികൾ എന്തു​കൊ​ണ്ടാണ്‌ ഇത്രമാ​ത്രം സ്ഥിരോ​ത്സാ​ഹ​ത്തോ​ടെ പ്രസം​ഗി​ക്കു​ന്നത്‌? നമ്മുടെ പരസ്യ ശുശ്രൂഷ നിമിത്തം നാം ലോക​മെ​മ്പാ​ടും പേരു​കേ​ട്ട​വ​രാണ്‌, അത്‌ വീടു​തോ​റു​മാ​യാ​ലും ശരി, തെരു​വു​ക​ളി​ലാ​യാ​ലും ശരി, അനൗപ​ചാ​രിക സമ്പർക്ക​ങ്ങ​ളി​ലൂ​ടെ​യാ​യാ​ലും ശരി. ഉചിത​മായ എല്ലാ അവസര​ങ്ങ​ളി​ലും നാം യഹോ​വ​യു​ടെ സാക്ഷി​ക​ളാ​യി നമ്മെത്തന്നെ തിരി​ച്ച​റി​യി​ക്കു​ക​യും നാം നിധി​പോ​ലെ കാക്കുന്ന സുവാർത്ത മററു​ള്ള​വരെ നയത്തോ​ടെ അറിയി​ക്കു​ന്ന​തി​നു ശ്രമം ചെലു​ത്തു​ക​യും ചെയ്യുന്നു. ഈ ശുശ്രൂഷ നമ്മുടെ മുഖമു​ദ്ര​യാണ്‌ എന്നു പറയാൻ കഴിയു​മെ​ന്ന​താ​ണു വാസ്‌തവം!—കൊ​ലൊ​സ്സ്യർ 4:6.

² ഇതേപ്പ​ററി ഒന്നാ​ലോ​ചി​ച്ചു​നോ​ക്കൂ—അയൽപ​ക്കത്ത്‌ മാന്യ​മാ​യി വേഷവി​ധാ​നം ചെയ്‌ത പുരു​ഷൻമാ​രും സ്‌ത്രീ​ക​ളും കുട്ടി​ക​ളും തങ്ങളുടെ കൈവശം ബ്രീഫ്‌കേ​സു​ക​ളു​മാ​യി നിൽക്കു​ന്നതു കാണു​മ്പോൾ സാധാ​ര​ണ​ഗ​തി​യിൽ അവർ ആദ്യം ചിന്തി​ക്കു​ന്ന​തെ​ന്താ​യി​രി​ക്കും? അത്‌, ‘ദാ വരുന്നു കത്തോ​ലി​ക്കർ (ഓർത്ത​ഡോ​ക്‌സ്‌ സഭക്കാർ) വീണ്ടും!’ എന്നോ, ‘നോക്കൂ, പെന്ത​ക്കോ​സ്‌തു​കാർ (അല്ലെങ്കിൽ ബാപ്‌റ​റി​സ്‌റ​റു​കാർ) വീണ്ടും വന്നിരി​ക്കു​ന്നു’! എന്നോ ആയിരി​ക്കു​മോ? അല്ല. കാരണം അത്തരം മതങ്ങളിൽ കുടും​ബം മൊത്ത​മാ​യി വീടു​തോ​റു​മുള്ള ശുശ്രൂ​ഷ​യിൽ പങ്കെടു​ക്കു​ക​യി​ല്ലെന്ന്‌ ആളുകൾക്ക​റി​യാം. ഒരുപക്ഷേ ചില മതവി​ഭാ​ഗങ്ങൾ “മിഷന​റി​മാ​രെ” രണ്ടു വർഷ​ത്തേ​ക്കുള്ള നിയമ​ന​ത്തിൽ ചില പ്രത്യേക പ്രദേ​ശ​ത്തേക്ക്‌ അയച്ചേ​ക്കാം. എന്നാൽ അവരു​ടെ​യി​ട​യി​ലെ സാമാ​ന്യ​ജ​നങ്ങൾ അത്തരത്തി​ലുള്ള ഏതെങ്കി​ലും ശുശ്രൂ​ഷ​യിൽ പങ്കെടു​ക്കു​ന്നില്ല. ഉചിത​മായ എല്ലാ ചുററു​പാ​ടി​ലും തങ്ങളുടെ സന്ദേശം മററു​ള്ള​വ​രോ​ടു പ്രചരി​പ്പി​ക്കു​ന്ന​തിൽ തീക്ഷ്‌ണ​ത​യു​ള്ള​വ​രെന്ന്‌ അംഗീ​ക​രി​ക്ക​പ്പെ​ട്ടി​ട്ടു​ള്ളവർ യഹോ​വ​യു​ടെ സാക്ഷികൾ മാത്ര​മാണ്‌. കൂടാതെ, അവർ തങ്ങളുടെ മാസി​ക​ക​ളായ വീക്ഷാ​ഗോ​പു​ര​വും ഉണരുക!യും നിമിത്തം പേരു​കേ​ട്ട​വ​രാണ്‌.—യെശയ്യാ​വു 43:10-12; പ്രവൃ​ത്തി​കൾ 1:8.

ക്രൈ​സ്‌ത​വ​ലോ​ക​ത്തി​ലെ വൈദി​ക​രിൽനി​ന്നു വ്യത്യ​സ്‌തർ

3, 4. ക്രൈ​സ്‌ത​വ​ലോ​ക​ത്തി​ലെ വൈദി​കരെ എങ്ങനെ​യാ​ണു മാധ്യ​മ​ങ്ങ​ളിൽ മിക്ക​പ്പോ​ഴും വർണി​ക്കു​ന്നത്‌?

³ അതിനു നേർവി​പ​രീ​ത​മാ​യി ചില​ദേ​ശ​ങ്ങ​ളിൽ അനേകം വൈദി​കർ ആൺകു​ട്ടി​കളെ ലൈം​ഗിക ദുർവി​നി​യോ​ഗം ചെയ്യു​ന്ന​വ​രും അധാർമിക വഞ്ചകരും കള്ളത്തരം ചെയ്യു​ന്ന​വ​രു​മാ​യി വാർത്താ റിപ്പോർട്ടു​കൾ വീണ്ടും​വീ​ണ്ടും തുറന്നു​കാ​ട്ടി​യി​രി​ക്കു​ന്നു. ജഡത്തി​ന്റേ​തായ അവരുടെ പ്രവൃ​ത്തി​ക​ളും ആർഭാ​ട​പൂർവ​മായ ജീവി​ത​രീ​തി​യും സകലർക്കും മുമ്പാകെ നഗ്നമായി കിടക്കു​ന്നു. പ്രസി​ദ്ധ​നായ ഒരു ഗാനര​ച​യി​താവ്‌, “യേശു തന്റെ ടെലി​വി​ഷൻ പ്രകട​ന​ത്തിൽ ഒരു റോള​ക്‌സ്‌ [വളരെ വിലകൂ​ടിയ സ്വർണ വാച്ച്‌] ധരിക്കു​മാ​യി​രു​ന്നോ?” എന്ന ശീർഷ​ക​ത്തി​ലുള്ള തന്റെ പാട്ടിൽ അതു വ്യക്തമാ​യി പ്രതി​പാ​ദി​ച്ചി​രി​ക്കു​ന്നു. അദ്ദേഹം ചോദി​ക്കു​ന്നു: “യേശു ഭൂമി​യി​ലേക്കു തിരികെ വന്നിരു​ന്നെ​ങ്കിൽ അവൻ രാഷ്‌ട്രീ​യ​ക്കാ​ര​നാ​യി​രി​ക്കു​മാ​യി​രു​ന്നോ? തന്റെ രണ്ടാം ഭവനം പാം സ്‌പ്രിം​ഗ്‌സിൽ [കാലി​ഫോർണി​യ​യി​ലെ ഒരു സമ്പന്ന സമുദാ​യം] പണിതു​യർത്തു​ക​യും തന്റെ സമ്പത്ത്‌ ഒളിക്കാൻ ശ്രമി​ക്കു​ക​യും ചെയ്യു​മാ​യി​രു​ന്നോ?” യാക്കോ​ബി​ന്റെ ഈ വാക്കുകൾ ഇതി​നോട്‌ എത്ര ഒത്തുവ​രു​ന്നു: “നിങ്ങൾ ഭൂമി​യിൽ ആഡംബ​ര​ത്തോ​ടെ സുഖിച്ചു പുളെച്ചു കുലദി​വ​സ​ത്തിൽ എന്നപോ​ലെ നിങ്ങളു​ടെ ഹൃദയത്തെ പോഷി​പ്പി​ച്ചി​രി​ക്കു​ന്നു.”—യാക്കോബ്‌ 5:5; ഗലാത്യർ 5:19-21.

⁴ രാഷ്‌ട്രീ​യ​ക്കാ​രു​മാ​യുള്ള വൈദി​ക​രു​ടെ കൂടി​ക്കു​ഴ​യ​ലും തെര​ഞ്ഞെ​ടു​പ്പിൽ രാഷ്‌ട്രീയ സ്ഥാനാർഥി​ക​ളാ​യുള്ള പങ്കെടു​ക്ക​ലും അവർ ആധുനി​ക​നാ​ളി​ലെ ശാസ്‌ത്രി​മാ​രും പരീശൻമാ​രു​മാ​ണെന്നു വെളി​പ്പെ​ടു​ത്തു​ന്നു. അതേസ​മ​യം​തന്നെ, ഐക്യ​നാ​ടു​കൾ, കാനഡ എന്നിങ്ങ​നെ​യുള്ള രാജ്യ​ങ്ങ​ളിൽ കുട്ടി​ക​ളോ​ടും പ്രായ​പൂർത്തി​യാ​യ​വ​രോ​ടു​മുള്ള വൈദി​ക​രു​ടെ കാമാ​സ​ക്തി​പൂണ്ട പെരു​മാ​റ​റം​മൂ​ലം പൊന്തി​വ​രുന്ന കേസു​കൾക്കും വിധി​നിർണ​യ​ങ്ങൾക്കു​മൊ​ക്കെ ഉയർന്ന വില​യൊ​ടു​ക്കേ​ണ്ടി​വ​രു​ന്ന​തി​നാൽ മതത്തിന്റെ പണപ്പെട്ടി കാലി​യാ​യി​ക്കൊ​ണ്ടി​രി​ക്ക​യാണ്‌.—മത്തായി 23:1-3.

5. “വിശ്വ​സ്‌ത​നും വിവേ​കി​യു​മായ അടിമ” ക്രൈ​സ്‌ത​വ​ലോ​ക​ത്തി​ലെ വൈദി​ക​ര​ല്ലെന്നു തെളി​ഞ്ഞി​രി​ക്കു​ന്ന​തെ​ങ്ങനെ?

⁵ കൃത്യ​മാ​യും യേശു​വി​ന്റെ കാലത്തെ വൈദി​ക​രോട്‌ അവന്‌ ഇങ്ങനെ പറയാൻ കഴിഞ്ഞു: “കപടഭ​ക്തി​ക്കാ​രായ ശാസ്‌ത്രി​മാ​രും പരീശൻമാ​രു​മാ​യു​ള്ളോ​രേ, നിങ്ങൾക്കു ഹാ കഷ്ടം; വെള്ളതേച്ച ശവക്കല്ല​റ​ക​ളോ​ടു നിങ്ങൾ ഒത്തിരി​ക്കു​ന്നു; അവ പുറമെ അഴകായി ശോഭി​ക്കു​ന്നെ​ങ്കി​ലും അകമെ ചത്തവരു​ടെ അസ്ഥിക​ളും സകലവിധ അശുദ്ധി​യും നിറഞ്ഞി​രി​ക്കു​ന്നു. അങ്ങനെ തന്നേ പുറമെ നിങ്ങൾ നീതി​മാൻമാർ എന്നു മനുഷ്യർക്കു തോന്നു​ന്നു; അകമെ​യോ കപടഭ​ക്തി​യും അധർമ്മ​വും നിറഞ്ഞ​വ​ര​ത്രേ.” അതു​കൊണ്ട്‌, ക്രൈ​സ്‌ത​വ​ലോ​ക​ത്തി​ലെ വൈദി​കൻമാർക്ക്‌, അവർ കത്തോ​ലി​ക്ക​രോ, പ്രൊ​ട്ട​സ്‌റ​റ​ന്റോ, ഓർത്ത​ഡോ​ക്‌സോ, ഒററപ്പെട്ട സ്ഥാപന​മോ അങ്ങനെ ഏതുവി​ഭാ​ഗ​ത്തിൽപ്പെ​ട്ട​വ​രു​മാ​യി​ക്കൊ​ള്ളട്ടെ, സുവാർത്ത പ്രസം​ഗി​ക്കു​ന്ന​തി​നുള്ള നിയോ​ഗം ദൈവം അവർക്കു നൽകി​യി​ട്ടില്ല. മുൻകൂ​ട്ടി​പ്പ​റ​ഞ്ഞി​രുന്ന “വിശ്വ​സ്‌ത​നും വിവേ​കി​യു​മായ അടിമ” അവർ അല്ല എന്നു തെളി​യി​ച്ചി​രി​ക്കു​ന്നു.—മത്തായി 23:27, 28; 24:45-47, NW.

സുവാർത്ത മുമ്പേ പ്രസം​ഗി​ക്കേ​ണ്ടത്‌ എന്തു​കൊണ്ട്‌?

6. എന്തു സംഭവ​ങ്ങ​ളാണ്‌ ഉടനെ നടക്കാൻപോ​കു​ന്നത്‌?

⁶ സുവാർത്ത സകല ദേശങ്ങ​ളി​ലും പ്രസം​ഗി​ക്ക​ണ​മെന്ന യേശു​വി​ന്റെ സംക്ഷി​പ്‌ത​മായ കൽപ്പന​യിൽ “മുമ്പേ” എന്ന പദം ഉപയോ​ഗി​ക്കു​ന്നതു മർക്കോസ്‌ മാത്ര​മാണ്‌. (മർക്കോസ്‌ 13:10, NW; താരത​മ്യം ചെയ്യുക: മത്തായി 24:14.) ജെ. ബി. ഫിലി​പ്‌സി​ന്റെ ഭാഷാ​ന്തരം ഇപ്രകാ​രം പറയുന്നു: “അവസാനം വരുന്ന​തി​നു​മുമ്പ്‌ എല്ലാ ജനതക​ളു​ടെ ഇടയി​ലും സുവി​ശേഷം പ്രഘോ​ഷി​ക്ക​പ്പെ​ടണം.” “മുമ്പേ” എന്ന ക്രിയാ​വി​ശേ​ഷ​ണ​ത്തി​ന്റെ ഉപയോ​ഗം, ലോക​വ്യാ​പ​ക​മായ സുവി​ശേ​ഷ​വേ​ല​യെ​ത്തു​ടർന്നു മററു സംഭവ​ങ്ങ​ളും നടക്കു​മെന്നു സൂചി​പ്പി​ക്കു​ന്നു. ആ സംഭവ​ങ്ങ​ളിൽ ഉൾപ്പെ​ടു​ന്ന​താണ്‌ വാഗ്‌ദത്ത മഹോ​പ​ദ്ര​വ​വും പുതിയ ലോക​ത്തി​ലെ ക്രിസ്‌തു​വി​ന്റെ നീതി​യുള്ള ഭരണവും.—മത്തായി 24:21-31; വെളി​പ്പാ​ടു 16:14-16; 21:1-4.

7. സുവാർത്ത മുമ്പേ പ്രസം​ഗി​ക്ക​പ്പെ​ടാൻ ദൈവം ആഗ്രഹി​ക്കു​ന്നത്‌ എന്തു​കൊ​ണ്ടാണ്‌?

⁷ അങ്ങനെ​യെ​ങ്കിൽ സുവാർത്ത മുമ്പേ പ്രസം​ഗി​ക്ക​പ്പെ​ടാൻ ദൈവം ആഗ്രഹി​ക്കു​ന്നത്‌ എന്തു​കൊ​ണ്ടാണ്‌? ഒരു കാരണ​മെ​ന്തെ​ന്നാൽ അവൻ സ്‌നേഹം, നീതി, ജ്ഞാനം, ശക്തി എന്നീ ഗുണങ്ങ​ളുള്ള ദൈവ​മാണ്‌. മത്തായി 24:14; മർക്കോസ്‌ 13:10 എന്നിവി​ട​ങ്ങ​ളിൽ രേഖ​പ്പെ​ടു​ത്തി​യി​രി​ക്കുന്ന യേശു​വി​ന്റെ പ്രസ്‌താ​വ​ന​യു​ടെ നിവൃ​ത്തി​യാ​യി യഹോ​വ​യു​ടെ ഗുണങ്ങ​ളു​ടെ മതിപ്പു​ള​വാ​ക്കുന്ന പ്രകടനം നമുക്കു കാണാൻ കഴിയും. സുവാർത്താ പ്രസം​ഗ​വു​മാ​യി അവ എങ്ങനെ ബന്ധപ്പെ​ട്ടി​രി​ക്കു​ന്നു​വെന്നു നമുക്കു ഹ്രസ്വ​മാ​യി പരി​ശോ​ധി​ക്കാം.

സുവാർത്ത​യും യഹോ​വ​യു​ടെ സ്‌നേ​ഹ​വും

8. സുവാർത്താ പ്രസംഗം ദൈവ​സ്‌നേ​ഹ​ത്തി​ന്റെ പ്രതി​ഫ​ല​ന​മാ​യി​രി​ക്കു​ന്നത്‌ എങ്ങനെ? (1 യോഹ​ന്നാൻ 4:7-16)

⁸ സുവാർത്താ പ്രസംഗം എങ്ങനെ​യാ​ണു ദൈവ​ത്തി​ന്റെ സ്‌നേഹം പ്രതി​ഫ​ലി​പ്പി​ക്കു​ന്നത്‌? ഒന്നാമ​താ​യി, അത്‌ ഒരൊററ വർഗത്തി​ലോ വിഭാ​ഗ​ത്തി​ലോ​പെട്ട ആളുകളെ മാത്രം ഉദ്ദേശി​ച്ചു​ള്ളതല്ല. അത്‌ ‘സകല രാഷ്‌ട്ര​ങ്ങൾക്കും’ വേണ്ടി​യുള്ള സുവാർത്ത​യാണ്‌. ദൈവം മാനുഷ കുടും​ബത്തെ സ്‌നേ​ഹി​ക്കു​ന്നു. അതു​കൊണ്ട്‌ ഒരൊററ വർഗത്തി​നു​വേണ്ടി മാത്രമല്ല, മുഴു മനുഷ്യ​വർഗ​ത്തി​ന്റെ​യും പാപത്തി​നു​വേണ്ടി മറുവി​ല​യാ​ഗ​മാ​യി ദൈവം തന്റെ ഏകജാ​ത​നായ പുത്രനെ ഭൂമി​യി​ലേ​ക്ക​യച്ചു. അപ്പോ​സ്‌ത​ല​നായ യോഹ​ന്നാൻ എഴുതി: “തന്റെ ഏകജാ​ത​നായ പുത്ര​നിൽ വിശ്വ​സി​ക്കുന്ന ഏവനും നശിച്ചു​പോ​കാ​തെ നിത്യ​ജീ​വൻ പ്രാപി​ക്കേ​ണ്ട​തി​ന്നു ദൈവം അവനെ നല്‌കു​വാൻ തക്കവണ്ണം ലോകത്തെ സ്‌നേ​ഹി​ച്ചു. ദൈവം തന്റെ പുത്രനെ ലോക​ത്തിൽ അയച്ചതു ലോകത്തെ വിധി​പ്പാ​നല്ല. ലോകം അവനാൽ രക്ഷിക്ക​പ്പെ​ടു​വാ​ന​ത്രേ.” (യോഹ​ന്നാൻ 3:16, 17) സമാധാ​നം, ഒത്തൊ​രുമ, നീതി എന്നിവ കുടി​കൊ​ള്ളുന്ന ഒരു പുതിയ ലോകം വാഗ്‌ദാ​നം ചെയ്യുന്ന സന്ദേശം അഥവാ സുവാർത്ത തീർച്ച​യാ​യും ദൈവ സ്‌നേ​ഹ​ത്തി​ന്റെ ഒരു തെളി​വാണ്‌.—2 പത്രൊസ്‌ 3:13.

സുവാർത്ത​യും യഹോ​വ​യു​ടെ ശക്തിയും

9. സുവാർത്താ പ്രസം​ഗ​ത്തി​നു​വേണ്ടി ക്രൈ​സ്‌ത​വ​ലോ​ക​ത്തി​ലെ ഏററവും ശക്തമായ മതങ്ങളെ യഹോവ തിര​ഞ്ഞെ​ടു​ക്കാ​തി​രു​ന്നത്‌ എന്തു​കൊണ്ട്‌?

⁹ സുവാർത്താ പ്രസം​ഗ​ത്തി​ലൂ​ടെ യഹോ​വ​യു​ടെ ശക്തി വെളി​പ്പെ​ട്ടി​രി​ക്കു​ന്നത്‌ എങ്ങനെ​യാണ്‌? ഇതു പരിചി​ന്തി​ക്കുക, ഈ നിയോ​ഗം നിർവ​ഹി​ക്കു​ന്ന​തിന്‌ അവൻ തിര​ഞ്ഞെ​ടു​ത്തി​രി​ക്കു​ന്നത്‌ ആരെയാണ്‌? അത്‌ ക്രൈ​സ്‌ത​വ​ലോ​ക​ത്തി​ലെ റോമൻ കത്തോ​ലി​ക്കാ സഭയും പ്രമുഖ പ്രൊ​ട്ട​സ്‌റ​റൻറ്‌ വിഭാ​ഗ​ങ്ങ​ളും​പോ​ലുള്ള ഏററവും ശക്തമായ മതസ്ഥാ​പ​നങ്ങൾ ആയിരു​ന്നി​ട്ടു​ണ്ടോ? ഇല്ല. ആ നിയമ​ന​ത്തിന്‌ അവർ അയോ​ഗ്യ​രെന്ന്‌ രാഷ്‌ട്രീ​യ​ത്തി​ലെ അവരുടെ കൈക​ടത്തൽ തെളി​യി​ക്കു​ന്നു. (യോഹ​ന്നാൻ 15:19; 17:14; യാക്കോബ്‌ 4:4) അവരുടെ സമ്പത്തും ഭരണവർഗ​ത്തിൽപ്പെട്ട ഉയർന്ന തട്ടിലു​ള്ള​വ​രു​ടെ​മേ​ലുള്ള സ്വാധീ​ന​വും അവരു​മാ​യുള്ള ഇടപാ​ടു​ക​ളും യഹോ​വക്ക്‌ ഇഷ്ടമാ​യി​ട്ടില്ല. പാരമ്പ​ര്യ​ത്തിൽ കുടു​ങ്ങി​ക്കി​ട​ക്കുന്ന വേദശാ​സ്‌ത്ര​വും യഹോ​വയെ സ്വാധീ​നി​ച്ചി​ട്ടില്ല. ദൈവ​ഹി​തം നടപ്പാ​ക്കു​ന്ന​തിന്‌ മനുഷ്യ ശക്തിയു​ടെ ആവശ്യ​മു​ണ്ടാ​യി​രു​ന്നി​ട്ടില്ല.—സെഖര്യാ​വു 4:6.

10. പ്രസം​ഗ​വേല നടത്തു​ന്ന​തി​നു ദൈവം ആരെയാ​ണു തിര​ഞ്ഞെ​ടു​ത്തി​രി​ക്കു​ന്നത്‌?

¹⁰ ഇത്‌ അപ്പോ​സ്‌ത​ല​നായ പൗലോസ്‌ കൊരി​ന്ത്യ സഭയ്‌ക്കുള്ള തന്റെ ലേഖന​ത്തിൽ പറഞ്ഞതുപോലെയാണ്‌: “സഹോ​ദ​രൻമാ​രേ, നിങ്ങളു​ടെ വിളിയെ നോക്കു​വിൻ: ലോകാ​ഭി​പ്രാ​യ​പ്ര​കാ​രം ജ്ഞാനികൾ ഏറെയില്ല, ബലവാൻമാർ ഏറെയില്ല, കുലീ​നൻമാ​രും ഏറെയില്ല. ജ്ഞാനി​കളെ ലജ്ജിപ്പി​പ്പാൻ ദൈവം ലോക​ത്തിൽ ഭോഷ​ത്വ​മാ​യതു തിര​ഞ്ഞെ​ടു​ത്തു; ബലമു​ള്ള​തി​നെ ലജ്ജിപ്പി​പ്പാൻ ദൈവം ലോക​ത്തിൽ ബലഹീ​ന​മാ​യതു തിര​ഞ്ഞെ​ടു​ത്തു. ഉള്ളതിനെ ഇല്ലായ്‌മ​യാ​ക്കു​വാൻ ദൈവം ലോക​ത്തിൽ കുലഹീ​ന​വും നികൃ​ഷ്ട​വു​മാ​യ​തും ഏതുമി​ല്ലാ​ത്ത​തും തിര​ഞ്ഞെ​ടു​ത്തു; ദൈവ​സ​ന്നി​ധി​യിൽ ഒരു ജഡവും പ്രശം​സി​ക്കാ​തി​രി​ക്കേ​ണ്ട​തി​ന്നു തന്നേ”.—1 കൊരി​ന്ത്യർ 1:26-29.

11. സാക്ഷി​കളെ സംബന്ധി​ച്ചുള്ള ഏതു വസ്‌തു​ത​ക​ളാണ്‌ അവരെ അനുപ​മ​മാ​ക്കി​യി​രി​ക്കു​ന്നത്‌?

¹¹ യഹോ​വ​യു​ടെ സാക്ഷി​ക​ളു​ടെ സ്ഥാപന​ത്തിൽ സമ്പന്നരായ അംഗങ്ങ​ളു​ടെ എണ്ണം വളരെ കുറവാണ്‌. രാഷ്‌ട്രീ​യ​മാ​യി ശക്തരാ​യവർ ഒട്ടില്ല​താ​നും. രാഷ്‌ട്രീയ കാര്യ​ങ്ങ​ളി​ലുള്ള അവരുടെ കർശന​മായ നിഷ്‌പ​ക്ഷ​ത​യു​ടെ അർഥം അവർക്കു യാതൊ​രു രാഷ്‌ട്രീയ സ്വാധീ​ന​വും ചെലു​ത്താ​നാ​വില്ല എന്നാണ്‌. അതിനു വിപരീ​ത​മാ​യി, 20-ാം നൂററാ​ണ്ടിൽ മത-രാഷ്‌ട്രീയ നേതാ​ക്കൻമാ​രു​ടെ എരി​വേ​റ​റ​ലി​നാ​ലു​ണ്ടായ ക്രൂര​മായ പീഡന​ങ്ങൾക്ക്‌ അവർ മിക്ക​പ്പോ​ഴും ഇരകളാ​കു​ന്നു. എങ്കിലും, നാസിസം, ഫാസിസം, കമ്മ്യൂ​ണി​സം, ദേശീ​യ​വാ​ദം, വ്യാജ​മ​തങ്ങൾ എന്നിവ​യു​ടെ പിൻഗാ​മി​കൾ സാക്ഷി​കൾക്കെ​തി​രെ കുത്തി​പ്പൊ​ക്കുന്ന ശക്തമായ എതിർപ്പു​കൾപോ​ലും ഗണ്യമാ​ക്കാ​തെ സാക്ഷികൾ ലോക​മെ​മ്പാ​ടും സുവാർത്ത പ്രസം​ഗി​ക്കു​ന്നു. അതു മാത്രമല്ല, അവരുടെ സംഖ്യ അതിശ​യ​ക​ര​മാം​വി​ധം പെരു​കു​ക​യു​മാണ്‌.—യെശയ്യാ​വു 60:22.

12. സാക്ഷി​കൾക്കു വിജയം വരിക്കാൻ കഴിഞ്ഞി​ട്ടു​ള്ളത്‌ എങ്ങനെ?

¹² തങ്ങളുടെ വിജയ​ത്തി​ന്റെ രഹസ്യം എന്താ​ണെ​ന്നാ​ണു സാക്ഷികൾ അവകാ​ശ​പ്പെ​ടു​ന്നത്‌? യേശു തന്റെ ശിഷ്യൻമാർക്കു വാഗ്‌ദത്തം നൽകി: “പരിശു​ദ്ധാ​ത്മാ​വു നിങ്ങളു​ടെ മേൽ വരു​മ്പോൾ നിങ്ങൾ ശക്തി ലഭിച്ചി​ട്ടു യെരൂ​ശ​ലേ​മി​ലും യെഹൂ​ദ്യ​യിൽ എല്ലാട​ത്തും ശമര്യ​യി​ലും ഭൂമി​യു​ടെ അററ​ത്തോ​ള​വും എന്റെ സാക്ഷികൾ ആകും.” അതു​കൊണ്ട്‌, അവരുടെ വിജയ​ത്തി​ന്റെ ഉറവിടം കൃത്യ​മാ​യി​പ്പ​റ​ഞ്ഞാൽ എന്തായി​രി​ക്കും? ‘പരിശു​ദ്ധാ​ത്മാ​വു നിങ്ങളു​ടെ മേൽ വരു​മ്പോൾ നിങ്ങൾക്കു ശക്തി ലഭിക്കും’ എന്ന്‌ യേശു പറഞ്ഞു. അതു​പോ​ലെ​തന്നെ ഇന്നും ദൈവ​ത്തിൽനി​ന്നുള്ള ശക്തിയാ​ണു സാക്ഷി​ക​ളു​ടെ ലോക​വ്യാ​പ​ക​മായ ശുശ്രൂ​ഷ​യി​ലെ വിജയ​ത്തി​ന്റെ താക്കോൽ. അല്ലാതെ മാനവ പ്രാപ്‌തി​യല്ല. ബലഹീ​ന​രെന്നു തോന്നി​ക്കുന്ന ജനങ്ങളെ ഉപയോ​ഗി​ച്ചു​കൊ​ണ്ടു ദൈവം ചരി​ത്ര​ത്തി​ലെ ഏററവും വലിയ വിദ്യാ​ഭ്യാ​സ വേല നിർവ​ഹി​ക്കു​ന്നു.—പ്രവൃ​ത്തി​കൾ 1:8; യെശയ്യാ​വു 54:13.

സുവാർത്ത​യും യഹോ​വ​യു​ടെ ജ്ഞാനവും

13. (എ) സാക്ഷികൾ സ്വമേ​ധയാ, ശമ്പള​മൊ​ന്നും കൂടാതെ സേവി​ക്കു​ന്ന​തി​നു കാരണ​മെന്ത്‌? (ബി) സാത്താന്റെ പരിഹാ​സ​ത്തി​നു യഹോവ എങ്ങനെ​യാണ്‌ ഉത്തരം നൽകി​യി​രി​ക്കു​ന്നത്‌?

¹³ സുവാർത്ത പ്രസം​ഗി​ച്ചു​കൊ​ണ്ടി​രി​ക്കു​ന്നത്‌ സ്വമേ​ധയാ സേവക​രാണ്‌. “സൌജ​ന്യ​മാ​യി നിങ്ങൾക്കു ലഭിച്ചു സൌജ​ന്യ​മാ​യി കൊടു​പ്പിൻ” എന്ന്‌ യേശു പറഞ്ഞു. (മത്തായി 10:8) അതു​കൊണ്ട്‌, ദൈവത്തെ സേവി​ക്കു​ന്ന​തിന്‌ യഹോ​വ​യു​ടെ സാക്ഷി​ക​ളി​ലാർക്കും ശമ്പളം ലഭിക്കാ​റില്ല. അവർ അത്‌ ആഗ്രഹി​ക്കു​ന്നു​മില്ല. അവരുടെ യോഗ​ങ്ങ​ളിൽ കാണിക്ക സ്വീക​രി​ക്കാ​റില്ല എന്നതാണു വാസ്‌തവം. തന്നെ കുററ​പ്പെ​ടു​ത്തുന്ന പിശാ​ചായ സാത്താന്‌ ദൈവം ഉത്തരം നൽകേ​ണ്ട​തിന്‌ അർപ്പി​ത​മായ നിസ്വാർഥ സേവനം അനുഷ്‌ഠി​ക്കു​ന്ന​തിൽ അവർ സന്തുഷ്ട​രാണ്‌. നിസ്വാർഥ​മായ ഉദ്ദേശ്യ​ത്തോ​ടെ മനുഷ്യർ ദൈവത്തെ സേവി​ക്കു​ക​യി​ല്ലെന്ന്‌ ദൈവ​ത്തി​ന്റെ എതിരാ​ളി​യായ ഈ ആത്മജീവി പറയു​ക​യു​ണ്ടാ​യി. തന്റെ ജ്ഞാനത്തിൽ യഹോവ സാത്താന്റെ പരിഹാ​സ​ത്തിന്‌ അവിതർക്കി​ത​മായ ഉത്തരം നൽകി—സുവാർത്താ പ്രസം​ഗ​ത്തിൽ വീടു​തോ​റും തെരു​വു​ക​ളി​ലും അനൗപ​ചാ​രിക സാക്ഷീ​ക​ര​ണ​ത്തി​ലും ഏർപ്പെ​ട്ടി​രി​ക്കുന്ന ലക്ഷക്കണ​ക്കി​നു വിശ്വസ്‌ത ക്രിസ്‌തീയ സാക്ഷി​കൾതന്നെ.—ഇയ്യോബ്‌ 1:8-11; 2:3-5; സദൃശ​വാ​ക്യ​ങ്ങൾ 27:11.

14. പൗലോസ്‌ പരാമർശിച്ച ‘മറഞ്ഞി​രുന്ന ജ്ഞാനം’ ഏതാണ്‌?

¹⁴ രാജ്യ​വാ​ഗ്‌ദ​ത്തം​തന്നെ ദൈവ​ജ്ഞാ​ന​ത്തി​ന്റെ ഒരു പ്രകട​ന​മാ​ണെ​ന്ന​താണ്‌ സുവാർത്താ പ്രസം​ഗ​ത്തി​ലൂ​ടെ പ്രകട​മാ​കുന്ന ദൈവ​ജ്ഞാ​ന​ത്തി​ന്റെ മറെറാ​രു തെളിവ്‌. അപ്പോ​സ്‌ത​ല​നായ പൗലോസ്‌ ഇങ്ങനെ എഴുതി: “എന്നാൽ തികഞ്ഞ​വ​രു​ടെ ഇടയിൽ ഞങ്ങൾ ജ്ഞാനം സംസാ​രി​ക്കു​ന്നു; ഈ ലോക​ത്തി​ന്റെ ജ്ഞാനമല്ല നശിച്ചു​പോ​കു​ന്ന​വ​രായ ഈ ലോക​ത്തി​ന്റെ പ്രഭു​ക്കൻമാ​രു​ടെ ജ്ഞാനവു​മല്ല; ദൈവം ലോക​സൃ​ഷ്ടി​ക്കു മുമ്പെ നമ്മുടെ തേജസ്സി​നാ​യി മുന്നി​യ​മി​ച്ച​തും മറഞ്ഞി​രു​ന്ന​തു​മായ ദൈവ​ത്തി​ന്റെ ജ്ഞാനമ​ത്രേ മർമ്മമാ​യി [പാവനരഹസ്യമായി, NW] ഞങ്ങൾ പ്രസ്‌താ​വി​ക്കു​ന്നു.” ആ ‘മറഞ്ഞി​രുന്ന ജ്ഞാനം’ ഏദെനിൽ തുടങ്ങിയ മത്സരം അവസാ​നി​പ്പി​ക്കു​ന്ന​തി​നുള്ള ദൈവ​ത്തി​ന്റെ ജ്ഞാനപൂർവ​ക​മായ ക്രമീ​ക​ര​ണ​ങ്ങ​ളെ​യാ​ണു പരാമർശി​ക്കു​ന്നത്‌. യേശു​ക്രി​സ്‌തു​വിൽ ആ പാവന​ര​ഹ​സ്യ​ത്തി​ന്റെ ജ്ഞാനം ചുരു​ള​ഴി​ഞ്ഞു. അവനാണ്‌ ദൈവ​രാ​ജ്യ സുവാർത്ത​യു​ടെ കേന്ദ്രം.a—1 കൊരി​ന്ത്യർ 2:6, 7; കൊ​ലൊ​സ്സ്യർ 1:26-28.

സുവാർത്ത​യും ദൈവ​ത്തി​ന്റെ നീതി​യും

15. യഹോവ നീതി​മാ​നായ ദൈവ​മാണ്‌ എന്നു നാം അറിയു​ന്ന​തെ​ങ്ങനെ? (ആവർത്ത​ന​പു​സ്‌തകം 32:4; സങ്കീർത്തനം 33:5)

¹⁵ വിശേ​ഷി​ച്ചും നീതി​യോ​ടുള്ള ബന്ധത്തി​ലാ​ണു മർക്കോസ്‌ 13:10-ലെ “മുമ്പേ” എന്ന പദത്തിന്റെ പ്രാധാ​ന്യം നാം മനസ്സി​ലാ​ക്കു​ന്നത്‌. സ്‌നേ​ഹ​ദ​യ​കൊ​ണ്ടു മയപ്പെ​ടു​ത്തിയ നീതി​യുള്ള ദൈവ​മാണ്‌ യഹോവ. അവൻ തന്റെ പ്രവാ​ച​ക​നായ യിരെ​മ്യാവ്‌ മുഖാ​ന്തരം പറയുന്നു: “പ്രശം​സി​ക്കു​ന്ന​വ​നോ: യഹോ​വ​യായ ഞാൻ ഭൂമി​യിൽ ദയയും ന്യായ​വും നീതി​യും പ്രവർത്തി​ക്കു​ന്നു എന്നിങ്ങനെ എന്നെ ഗ്രഹി​ച്ച​റി​യു​ന്ന​തിൽ തന്നേ പ്രശം​സി​ക്കട്ടെ; ഇതിൽ അല്ലോ എനിക്കു പ്രസാ​ദ​മു​ള്ളതു എന്നു യഹോ​വ​യു​ടെ അരുള​പ്പാ​ടു.”—യിരെ​മ്യാ​വു 9:24.

16. നീതി നടപ്പാ​ക്കു​ന്ന​തി​നു മുമ്പ്‌ ആദ്യം മുന്നറി​യി​പ്പു നൽകേ​ണ്ട​തി​ന്റെ ആവശ്യ​മു​ണ്ടെന്ന്‌ എങ്ങനെ ദൃഷ്ടാ​ന്തീ​ക​രി​ക്കാം?

¹⁶ സുവാർത്താ പ്രസം​ഗ​ത്തോ​ടുള്ള ബന്ധത്തിൽ ദൈവ​ത്തി​ന്റെ നീതി എങ്ങനെ​യാ​ണു പ്രകട​മാ​യി​രി​ക്കു​ന്നത്‌? വിരു​ന്നു​കാർ വരു​മ്പോൾ കഴിക്കാ​മെന്ന ഉദ്ദേശ്യ​ത്തിൽ അതിരു​ചി​ക​ര​മായ ചോ​ക്ലേ​ററ്‌ കേക്ക്‌ ഉണ്ടാക്കി​വെച്ച ഒരു മാതാ​വി​നോ​ടു നമുക്ക്‌ ഇതിനെ ഉപമി​ക്കാം. അത്‌ എപ്പോൾ തിന്നാ​നു​ള്ള​താണ്‌ എന്നതു സംബന്ധിച്ച്‌ ഒരുവാ​ക്കു​പോ​ലും പറയാതെ അടുക്കള മേശയിൽ വെച്ചി​ട്ടു​പോ​കു​ന്നു​വെ​ങ്കിൽ കുട്ടി​കൾക്ക്‌ സ്വാഭാ​വി​ക​മാ​യും എന്തു പ്രേര​ണ​യു​ണ്ടാ​കും? നാമെ​ല്ലാം ഒരിക്കൽ കുട്ടി​ക​ളാ​യി​രു​ന്നു! കുഞ്ഞി വിരലു​കൾകൊണ്ട്‌ അതിൽനിന്ന്‌ ഒരു നുള്ളെ​ടു​ക്കാൻ മോഹ​മു​ണ്ടാ​കും! ആവശ്യ​മുള്ള മുന്നറി​യി​പ്പു മാതാവ്‌ നൽകാ​ത്ത​പക്ഷം ശിക്ഷി​ക്കാൻ ശക്തമായ കാരണ​മൊ​ന്നും അവളുടെ പക്ഷത്ത്‌ ഉണ്ടാവില്ല. നേരേ​മ​റിച്ച്‌, വിരു​ന്നു​കാർ വന്നതി​നു​ശേ​ഷ​മാ​ണു കേക്ക്‌ കഴിക്കു​ന്നത്‌, അതു​കൊണ്ട്‌ അത്‌ ഇപ്പോൾ തൊടാൻ പാടില്ല എന്നു വ്യക്തമാ​ക്കു​ന്നു​വെ​ങ്കിൽ അവൾ വ്യക്തമാ​യി മുന്നറി​യി​പ്പു നൽകി​യെന്നു പറയാ​നാ​കും. അനുസ​ര​ണ​ക്കേടു കാണി​ക്കു​ന്ന​പക്ഷം കർശന​മായ എന്നാൽ നീതി​യുള്ള നടപടി സ്വീക​രി​ക്കു​ന്ന​തിന്‌ അവൾക്ക്‌ അർഹത​യുണ്ട്‌.—സദൃശ​വാ​ക്യ​ങ്ങൾ 29:15.

17. യഹോവ എങ്ങനെ​യാണ്‌ 1919 മുതൽ ഒരു പ്രത്യേക രീതി​യിൽ നീതി പ്രകടി​പ്പി​ച്ചി​രി​ക്കു​ന്നത്‌?

¹⁷ യഹോവ തന്റെ നീതി നിമിത്തം ആദ്യം​തന്നെ ആവശ്യ​മായ മുന്നറി​യി​പ്പു നൽകാതെ ഈ ദുഷ്ട വ്യവസ്ഥി​തി​ക്കെ​തി​രെ ന്യായ​വി​ധി നടപ്പാ​ക്കു​ക​യില്ല. അതു​കൊണ്ട്‌, 1919-ൽ ഒന്നാം ലോക​മ​ഹാ​യു​ദ്ധം ‘കൊടിയ വേദന’ കൊണ്ടു​വ​ന്നതു മുതൽ ഭൂവ്യാ​പ​ക​മാ​യി സുവാർത്ത തീക്ഷ്‌ണ​ത​യോ​ടെ പ്രഖ്യാ​പി​ക്കുന്ന തന്റെ സാക്ഷികൾ യഹോ​വ​ക്കു​ണ്ടാ​യി​രു​ന്നി​ട്ടുണ്ട്‌. (മത്തായി 24:7, 8, 14, NW) അനുപ​മ​മായ ഈ മുന്നറി​യി​പ്പി​നെ​ക്കു​റിച്ച്‌ അജ്ഞരാ​യി​രു​ന്നു​വെന്ന്‌ അവകാ​ശ​പ്പെ​ടാൻ ജാതി​കൾക്കു ന്യായ​മായ യാതൊ​രു അവകാ​ശ​വു​മില്ല.

സുവാർത്ത എത്ര വിസ്‌തൃ​ത​മാ​യി പ്രസം​ഗി​ച്ചി​രി​ക്കു​ന്നു?

18. (എ) ഒററപ്പെട്ട പ്രദേ​ശ​ങ്ങ​ളിൽ സാക്ഷി​ക​ളു​ടെ പ്രവർത്ത​ന​ത്തിന്‌ എന്തു തെളി​വുണ്ട്‌? (ബി) വേറെ എന്ത്‌ ഉദാഹ​ര​ണങ്ങൾ നിങ്ങൾക്ക​റി​യാം?

¹⁸ ലോക​വ്യാ​പ​ക​മായ ഈ വിദ്യാ​ഭ്യാ​സ​വേ​ല​യു​ടെ ഫലപ്ര​ദ​ത്വം ലാസ്‌ററ്‌ പ്ലേസസ്‌—എ ജേർണി ഇൻ ദ നോർത്ത്‌ എന്ന ഗ്രന്ഥത്തിൽനി​ന്നു കാണാ​വു​ന്ന​താണ്‌. സ്‌കോ​ട്ട്‌ലൻഡി​നു വടക്ക്‌ അങ്ങിങ്ങാ​യി കിടക്കുന്ന ദ്വീപു​ക​ളിൽ ഒററ​പ്പെ​ട്ടു​കി​ട​ക്കുന്ന ഒന്നായ ഫൗളയി​ലേ​ക്കുള്ള നാവി​ക​ഭൂ​പടം പരി​ശോ​ധി​ച്ച​പ്പോൾ “ദ്വീപി​നു​ചു​റ​റും WKS (കപ്പൽത്തകർച്ച), RKS (പാറകൾ), LDGS (പാറത്തട്ടുകൾ), OBS (പ്രതിബന്ധങ്ങൾ)” എന്നിങ്ങനെ നാവി​ക​ഭൂ​പടം സൂചി​പ്പി​ച്ചി​രു​ന്ന​താ​യി ഗ്രന്ഥകാ​രൻ പറയുന്നു. ഇത്‌ “ഭാവി കടൽസ​ഞ്ചാ​രി​കൾക്ക്‌ അകന്നു​നിൽക്കാൻ മുന്നറി​യി​പ്പു​നൽകി. ഫൗളയെ ചുററി​യുള്ള സമുദ്രം അത്യന്തം ഭ്രമി​പ്പി​ക്ക​ത്ത​ക്ക​വി​ധം ധാതു​ല​വ​ണങ്ങൾ അടങ്ങി​യ​താ​യി​രു​ന്നു. അത്‌ ഉല്ലാസ​ക്ക​പ്പൽക്കാർ, പകൽസ​ഞ്ചാ​രി​കൾ, എന്തിന്‌, ഇംഗ്ലണ്ടി​ലെ രാജ്ഞി​യു​ടെ പൊതു​പ്ര​വർത്തക സംഘത്തി​നു​പോ​ലും പ്രവേ​ശി​ക്കാൻ പററാ​ത്ത​താ​ക്കി​ത്തീർത്തു—എന്നാൽ അത്‌ യഹോ​വ​യു​ടെ സാക്ഷി​കൾക്ക്‌ തടസ്സമാ​യി​രു​ന്നി​ല്ലെന്ന്‌ ഏതാനും ദിവസ​ത്തി​നു​ള്ളിൽ ഞാൻ മനസ്സി​ലാ​ക്കി.” അദ്ദേഹം ഇങ്ങനെ തുടർന്നു: “വലിയ നഗരത്തി​ന്റെ ചേരി​ക​ളി​ലും മൂന്നാം ലോക​രാ​ഷ്‌ട്ര​ങ്ങ​ളി​ലും അവർ ആളുകളെ തിരി​ഞ്ഞു​പി​ടി​ക്കു​ന്ന​തു​പോ​ലെ​തന്നെ ഒററ​പ്പെ​ട്ടു​കി​ട​ക്കുന്ന ഫൗളയി​ലും അവർ തങ്ങളുടെ വിശ്വാ​സ​പ്ര​കാ​രം മതപരി​വർത്തനം നടത്തി.” ഏതാനും മാസങ്ങൾക്കു​മുമ്പ്‌ വീക്ഷാ​ഗോ​പു​ര​ത്തി​ന്റെ ഒരു പ്രതി സ്ഥലവാ​സി​യായ ആൻഡ്രു​വി​ന്റെ വീട്ടു​വാ​തിൽക്കൽ ഇട്ടേച്ചു​പോ​യ​താ​യി അദ്ദേഹം കണ്ടെത്തി. അദ്ദേഹം കൂട്ടി​ച്ചേർത്തു: “ഒരാഴ്‌ചക്കു ശേഷം [ഡാനിഷ്‌ ഭാഷയിൽ ഉണരുക!യുടെ] ഒരു പ്രതി ഫാറോ​സി​ലും [ഉത്തര കടൽദ്വീ​പു​കൾ] രണ്ടു മാസത്തിനുശേഷം [ഡാനിഷ്‌ ഭാഷയിൽ വീക്ഷാ​ഗോ​പു​ര​ത്തി​ന്റെ] ഒരു പ്രതി ഗ്രീൻലൻഡി​ലെ നൂക്കി​ലും ഞാൻ കണ്ടെത്തു​ക​യാ​യി.” ഉത്തര​മേ​ഖ​ല​ക​ളിൽ യഹോ​വ​യു​ടെ സാക്ഷി​ക​ളു​ടെ തീക്ഷ്‌ണ​മായ പ്രവർത്ത​ന​ത്തി​ന്റെ എത്ര വാചാ​ല​മായ സാക്ഷ്യം!

സാക്ഷി​കൾക്കു പ്രചോ​ദ​ന​മേ​കു​ന്നത്‌ എന്താണ്‌?

19, 20. (എ) പ്രസം​ഗ​വേ​ല​യിൽ അനുസ്യൂ​തം തുടരാൻ സാക്ഷി​കൾക്കു പ്രചോ​ദനം നൽകു​ന്ന​തെ​ന്താണ്‌? (ബി) അടുത്ത​താ​യി ഏതു ചോദ്യ​ങ്ങൾക്ക്‌ ഉത്തരം ലഭിക്കു​ന്ന​താണ്‌?

¹⁹ സാക്ഷി​യെന്ന നിലയിൽ എത്ര വർഷത്തെ അനുഭ​വ​മു​ണ്ടെ​ന്നു​വ​രി​കി​ലും വീടു​തോ​റും​പോ​യി അപരി​ചി​ത​രോ​ടു പ്രസം​ഗി​ക്കു​ക​യെ​ന്നത്‌ അത്ര എളുപ്പ​മുള്ള കാര്യമല്ല. എന്നാൽപ്പി​ന്നെ ഈ ക്രിസ്‌ത്യാ​നി​കൾക്കു പ്രചോ​ദനം നൽകു​ന്ന​തെ​ന്താണ്‌? അവരുടെ ക്രിസ്‌തീയ സമർപ്പ​ണ​വും ഉത്തരവാ​ദി​ത്വ​ബോ​ധ​വു​മാണ്‌. പൗലോസ്‌ എഴുതി: “ഞാൻ സുവി​ശേഷം അറിയി​ക്കു​ന്നു എങ്കിൽ എനിക്കു പ്രശം​സി​പ്പാൻ ഒന്നുമില്ല. നിർബ്ബന്ധം എന്റെ മേൽ കിടക്കു​ന്നു. ഞാൻ സുവി​ശേഷം അറിയി​ക്കു​ന്നില്ല എങ്കിൽ എനിക്കു അയ്യോ കഷ്ടം!” സത്യ​ക്രി​സ്‌ത്യാ​നി​ക​ളു​ടെ പക്കൽ ജീവസ​ന്ദേ​ശ​മാ​ണു​ള്ളത്‌. അതു​കൊണ്ട്‌ അവർക്കത്‌ എങ്ങനെ മററു​ള്ള​വ​രോ​ടു പറയാ​തി​രി​ക്കാ​നാ​വും? അപകട​ത്തെ​ക്കു​റിച്ച്‌ മുന്നറി​യി​പ്പു നൽകു​ന്ന​തിൽ പരാജ​യ​പ്പെ​ടു​ന്നത്‌ രക്തപാ​ത​ക​ക്കു​റ​റ​ത്തിൽ കലാശി​ക്കു​മെന്ന അതേ തത്ത്വം​ത​ന്നെ​യാ​ണു സുവാർത്ത പ്രസം​ഗി​ക്കു​ന്ന​തിന്‌ അവർക്കു പ്രചോ​ദ​ന​മേ​കു​ന്നത്‌.—1 കൊരി​ന്ത്യർ 9:16; യെഹെ​സ്‌കേൽ 3:17-21.

²⁰ എങ്ങനെ​യാ​ണു സുവാർത്ത പ്രസം​ഗി​ക്ക​പ്പെ​ടു​ന്നത്‌? സാക്ഷി​ക​ളു​ടെ വിജയ​ത്തി​ന്റെ രഹസ്യ​മെ​ന്താണ്‌? അവരുടെ ശുശ്രൂ​ഷ​യു​ടെ​യും സ്ഥാപന​ത്തി​ന്റെ​യും ഏതു ഘടകമാണ്‌ സത്യമ​ത​ത്തിൽപ്പെ​ട്ട​വ​രാ​യി അവരെ തിരി​ച്ച​റി​യി​ക്കു​ന്നത്‌? ഞങ്ങളുടെ അടുത്ത ലേഖനം ഈ ചോദ്യ​ങ്ങൾക്ക്‌ ഉത്തരം നൽകു​ന്ന​താണ്‌.

[അടിക്കു​റിപ്പ്‌]

നിങ്ങൾ ഓർക്കു​ന്നു​വോ?

◻ യഹോ​വ​യു​ടെ സാക്ഷി​കളെ വൈദി​ക​രിൽനി​ന്നു വേർതി​രി​ച്ചു നിർത്തു​ന്നത്‌ എന്താണ്‌?

◻ പ്രസം​ഗ​വേല ദൈവ​ത്തി​ന്റെ സ്‌നേഹം, ശക്തി, ജ്ഞാനം എന്നിവ എങ്ങനെ പ്രതി​ഫ​ലി​പ്പി​ക്കു​ന്നു?

◻ സുവാർത്താ പ്രസംഗം ദൈവ​ത്തി​ന്റെ നീതിയെ എങ്ങനെ പ്രതി​ഫ​ലി​പ്പി​ക്കും?

◻ ശുശ്രൂ​ഷ​യിൽ തുടരു​ന്ന​തി​നു സാക്ഷി​കൾക്കു പ്രചോ​ദ​ന​മേ​കു​ന്ന​തെന്ത്‌?

[15-ാം പേജിലെ ചിത്രം]

ആളുകൾ എത്ര ഒററ​പ്പെ​ട്ടു​കി​ട​ന്നാ​ലും അവരുടെ അടുത്ത്‌ എത്തി​ച്ചേ​രാൻ സാക്ഷികൾ ആഗ്രഹി​ക്കു​ന്നു