നാവിന്റെ ശക്തി നന്മയ്‌ക്കാ​യി ഉപയോ​ഗി​ക്കു​ക

1, 2. ബൈബിൾ നമ്മുടെ സംസാ​ര​പ്രാ​പ്‌തി​യെ തീയോട്‌ താരത​മ്യം ചെയ്യു​ന്നത്‌ എന്തു​കൊ​ണ്ടാണ്‌?

അമേരി​ക്കൻ ഐക്യ​നാ​ടു​ക​ളി​ലെ വിസ്‌കോൺസി​നി​ലുള്ള കാടു​ക​ളിൽ 1871-ൽ ഒരു വലിയ തീപി​ടി​ത്തം ഉണ്ടായി. തീ പെട്ടെന്ന്‌ വ്യാപി​ക്കു​ക​യും ഏതാണ്ട്‌ 200 കോടി മരങ്ങൾ തീക്ക്‌ ഇരയാ​കു​ക​യും ചെയ്‌തു. അന്ന്‌ ഏകദേശം 1,200-ലധികം ആളുക​ളും കൊല്ല​പ്പെട്ടു. ഐക്യ​നാ​ടു​ക​ളു​ടെ ചരി​ത്ര​ത്തിൽ ഏറ്റവും അധികം ആളുക​ളു​ടെ ജീവ​നെ​ടുത്ത തീപി​ടി​ത്ത​മാ​യി​രു​ന്നു അത്‌. കാടി​ന​ടു​ത്തു​കൂ​ടെ പോയ തീവണ്ടി​ക​ളിൽനിന്ന്‌ ഉണ്ടായ നേരിയ തീപ്പൊ​രി​ക​ളാ​യി​രി​ക്കാം ആ വലിയ തീപി​ടി​ത്ത​ത്തിന്‌ കാരണ​മാ​യത്‌. ഈ സംഭവം നമ്മളെ ഒരു ബൈബിൾവാ​ക്യം ഓർമി​പ്പി​ക്കു​ന്നു: “ചെറി​യൊ​രു തീപ്പൊ​രി എത്ര വലിയ കാട്‌ കത്തിക്കു​ന്നു!” (യാക്കോ. 3:5) ബൈബി​ളെ​ഴു​ത്തു​കാ​ര​നായ യാക്കോബ്‌ ഇങ്ങനെ പറഞ്ഞത്‌ എന്തു​കൊ​ണ്ടാണ്‌?

² യാക്കോബ്‌ തുടർന്ന്‌ പറയുന്നു: “നാവും ഒരു തീതന്നെ.” (യാക്കോ. 3:6) ഇവിടെ “നാവ്‌” എന്ന്‌ പറയു​ന്നത്‌ സംസാ​രി​ക്കാ​നുള്ള നമ്മുടെ പ്രാപ്‌തി​യെ അർഥമാ​ക്കു​ന്നു. തീപോ​ലെ​തന്നെ നമ്മുടെ വാക്കു​കൾക്കും വലിയ നാശം വിതയ്‌ക്കാ​നാ​കും. നമ്മുടെ വാക്കു​കൾക്ക്‌ മറ്റുള്ള​വരെ ശക്തമായി സ്വാധീ​നി​ക്കാ​നും കഴിയും. കൂടാതെ, “മരണവും ജീവനും നാവിന്റെ അധികാ​ര​ത്തിൽ ഇരിക്കു​ന്നു” എന്നു​പോ​ലും ബൈബിൾ പറയുന്നു. (സദൃ. 18:21) നമ്മൾ പറയുന്ന ഒരു കാര്യം തെറ്റി​പ്പോ​കു​മെന്ന്‌ വിചാ​രിച്ച്‌ ഒന്നും പറയേ​ണ്ടെ​ന്നാ​ണോ അതിന്‌ അർഥം? ഒരിക്ക​ലു​മല്ല. പൊള്ളൽ ഏൽക്കു​മെന്ന്‌ കരുതി നമ്മൾ തീ ഉപയോ​ഗി​ക്കാ​തി​രി​ക്കില്ല. പകരം, അത്‌ ഉപയോ​ഗി​ക്കു​മ്പോൾ നമ്മൾ വളരെ ശ്രദ്ധ​യോ​ടെ ഉപയോ​ഗി​ക്കും. ഉദാഹ​ര​ണ​ത്തിന്‌, ഭക്ഷണം പാകം ചെയ്യാ​നും കുളിരു മാറ്റാ​നും വെളി​ച്ച​ത്തി​നു​വേ​ണ്ടി​യും ഒക്കെ നമ്മൾ തീ ഉപയോ​ഗി​ക്കാ​റുണ്ട്‌. സമാന​മാ​യി, സംസാ​രി​ക്കു​മ്പോൾ ശ്രദ്ധയു​ള്ള​വ​രാ​ണെ​ങ്കിൽ നമ്മുടെ ഈ പ്രാപ്‌തി യഹോ​വ​യ്‌ക്ക്‌ മഹത്ത്വം കരേറ്റുന്ന വിധത്തി​ലും മറ്റുള്ള​വർക്ക്‌ പ്രയോ​ജനം ചെയ്യുന്ന വിധത്തി​ലും നമുക്ക്‌ ഉപയോ​ഗി​ക്കാ​നാ​കും.—സങ്കീ. 19:14.

 3. മറ്റുള്ള​വരെ പ്രോ​ത്സാ​ഹി​പ്പി​ക്കുന്ന വിധത്തിൽ സംസാ​രി​ക്കാൻ നമ്മളെ സഹായി​ക്കുന്ന മൂന്നു കാര്യങ്ങൾ ഏതൊക്കെ?

³ സംസാ​ര​ത്തി​ലൂ​ടെ​യോ ആംഗ്യ​ങ്ങ​ളി​ലൂ​ടെ​യോ നമ്മുടെ വികാ​ര​ങ്ങ​ളും ചിന്തക​ളും മറ്റുള്ള​വ​രു​മാ​യി പങ്കു​വെ​ക്കാ​നുള്ള കഴിവ്‌ യഹോവ നമുക്ക്‌ തന്നിട്ടുണ്ട്‌. ഈ വിസ്‌മ​യ​ക​ര​മായ ദാനം മറ്റുള്ള​വരെ പ്രോ​ത്സാ​ഹി​പ്പി​ക്കുന്ന വിധത്തിൽ നമുക്ക്‌ എങ്ങനെ ഉപയോ​ഗി​ക്കാം? (യാക്കോബ്‌ 3:9, 10 വായി​ക്കുക.) അതിനു​വേണ്ടി, എപ്പോൾ സംസാ​രി​ക്കണം, എന്ത്‌ സംസാ​രി​ക്കണം, എങ്ങനെ സംസാ​രി​ക്കണം എന്നെല്ലാം നമ്മൾ അറിയണം.

 4. നമ്മൾ മിണ്ടാ​തി​രി​ക്കേ​ണ്ടത്‌ എപ്പോ​ഴെ​ല്ലാം?

⁴ ചില സാഹച​ര്യ​ങ്ങ​ളിൽ സംസാ​രി​ക്കാ​തി​രി​ക്കു​ന്ന​താണ്‌ ബുദ്ധി. “മിണ്ടാ​തി​രി​പ്പാൻ ഒരു കാലം” ഉണ്ടെന്ന്‌ ബൈബിൾ പറയുന്നു. (സഭാ. 3:7) ഉദാഹ​ര​ണ​ത്തിന്‌, മറ്റുള്ളവർ സംസാ​രി​ക്കു​മ്പോൾ അവരോട്‌ ആദരവ്‌ കാണി​ക്കു​ന്ന​തിന്‌ നമ്മൾ മിണ്ടാ​തി​രി​ക്കു​ന്നു. (ഇയ്യോ. 6:24) അതു​പോ​ലെ രഹസ്യ​മാ​യ​തോ മറ്റുള്ളവർ അറി​യേ​ണ്ട​തി​ല്ലാ​ത്ത​തോ ആയ കാര്യ​ങ്ങ​ളെ​ക്കു​റി​ച്ചും നമ്മൾ സംസാ​രി​ക്കു​ന്നില്ല. (സദൃ. 20:19) ഇനി, ആരെങ്കി​ലും നമ്മളെ പ്രകോ​പി​പ്പി​ക്കു​ക​യാ​ണെ​ങ്കിൽ ശാന്തത കൈവി​ടാ​തെ മിണ്ടാ​തി​രി​ക്കു​ന്ന​താ​യി​രി​ക്കും ബുദ്ധി.—സങ്കീ. 4:4.

 5. സംസാ​രി​ക്കാ​നുള്ള പ്രാപ്‌തി തന്നതിൽ യഹോ​വ​യോട്‌ നമുക്ക്‌ എങ്ങനെ നന്ദി കാണി​ക്കാം?

⁵ സംസാ​രി​ക്കു​ന്നത്‌ ഉചിത​മാ​യി​രി​ക്കുന്ന സമയവു​മുണ്ട്‌. (സഭാ. 3:7) യഹോ​വയെ സ്‌തു​തി​ക്കാ​നും മറ്റുള്ള​വരെ പ്രോ​ത്സാ​ഹി​പ്പി​ക്കാ​നും നമ്മുടെ വികാ​രങ്ങൾ പ്രകടി​പ്പി​ക്കാ​നും നമ്മുടെ ആവശ്യങ്ങൾ അറിയി​ക്കാ​നും ഒരു സമയമുണ്ട്‌. (സങ്കീ. 51:15) ഈ വിധത്തിൽ സംസാ​ര​പ്രാ​പ്‌തി ഉപയോ​ഗി​ക്കു​മ്പോൾ ആ ദാനം നൽകിയ യഹോ​വ​യോട്‌ നമ്മൾ നന്ദി കാണി​ക്കു​ക​യാ​യി​രി​ക്കും. ഒരു സുഹൃത്ത്‌ മനോ​ഹ​ര​മായ ഒരു സമ്മാനം തരു​മ്പോൾ ഏറ്റവും നല്ല രീതി​യിൽ ഉപയോ​ഗി​ക്കാ​നാണ്‌ നമ്മൾ ആഗ്രഹി​ക്കു​ന്നത്‌.

 6. സംസാ​രി​ക്കാൻ ഉചിത​മായ സമയം തിര​ഞ്ഞെ​ടു​ക്കു​ന്നത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

⁶ സംസാ​രി​ക്കാ​നുള്ള ഉചിത​മായ സമയം തിര​ഞ്ഞെ​ടു​ക്കു​ന്നത്‌ പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? സദൃശ​വാ​ക്യ​ങ്ങൾ 25:11 പറയു​ന്നത്‌, “തക്കസമ​യത്തു പറഞ്ഞ വാക്കു വെള്ളി​ത്താ​ല​ത്തിൽ പൊൻനാ​ര​ങ്ങാ​പോ​ലെ” എന്നാണ്‌. പൊൻനാ​രങ്ങ കാണാൻ മനോ​ഹ​ര​മാണ്‌, എന്നാൽ വെള്ളി​ത്താ​ല​ത്തി​ലി​രി​ക്കു​മ്പോൾ അത്‌ അതി​ലേറെ മനോ​ഹ​ര​മാ​യി​രി​ക്കും. നമുക്ക്‌ മറ്റുള്ള​വ​രോട്‌ നല്ലത്‌ എന്തെങ്കി​ലും പറയാ​നു​ണ്ടാ​യി​രി​ക്കും. എന്നാൽ അതിന്‌ ഉചിത​മായ സമയം തിര​ഞ്ഞെ​ടു​ക്കു​ന്നെ​ങ്കിൽ, നമുക്ക്‌ ആ വ്യക്തിയെ മെച്ചമാ​യി സഹായി​ക്കാൻ കഴിയും. നമുക്ക്‌ ഇത്‌ എങ്ങനെ ചെയ്യാ​നാ​കും?

7, 8. ജപ്പാനി​ലെ സഹോ​ദ​രങ്ങൾ യേശു​വി​ന്റെ മാതൃക അനുക​രി​ച്ചത്‌ എങ്ങനെ?

⁷ ഉചിത​മായ സമയത്തല്ല സംസാ​രി​ക്കു​ന്ന​തെ​ങ്കിൽ ആളുകൾക്ക്‌ അത്‌ മനസ്സി​ലാ​കാ​തെ വരുക​യോ അവർ അത്‌ തള്ളിക്ക​ള​യു​ക​യോ ചെയ്‌തേ​ക്കാം. (സദൃശ​വാ​ക്യ​ങ്ങൾ 15:23 വായി​ക്കുക.) ഉദാഹ​ര​ണ​ത്തിന്‌, 2011 മാർച്ച്‌ മാസത്തി​ലു​ണ്ടായ ഭൂകമ്പ​വും സുനാ​മി​യും കിഴക്കൻ ജപ്പാനി​ലെ അനേകം നഗരങ്ങളെ തകർത്ത്‌ തരിപ്പ​ണ​മാ​ക്കി. 15,000-ത്തിലധി​കം പേർ മരണമ​ടഞ്ഞു. യഹോ​വ​യു​ടെ സാക്ഷി​ക​ളിൽ അനേകർക്കും കുടും​ബാം​ഗ​ങ്ങ​ളെ​യും സുഹൃ​ത്തു​ക്ക​ളെ​യും നഷ്ടമായി. എങ്കിലും, അതേ സാഹച​ര്യ​ത്തി​ലു​ണ്ടാ​യി​രുന്ന മറ്റുള്ള​വരെ ബൈബിൾ ഉപയോ​ഗിച്ച്‌ സഹായി​ക്കാൻ അവർ ആഗ്രഹി​ച്ചു. അവരിൽ അനേക​രും ബുദ്ധമ​ത​ക്കാ​രാ​ണെ​ന്നും ബൈബി​ളി​നെ​ക്കു​റിച്ച്‌ കാര്യ​മാ​യി ഒന്നും​തന്നെ അറിയാ​ത്ത​വ​രാ​ണെ​ന്നും സഹോ​ദ​ര​ങ്ങൾക്ക്‌ അറിയാ​മാ​യി​രു​ന്നു. അതു​കൊണ്ട്‌ ആ സമയത്ത്‌ അവരോട്‌ പുനരു​ത്ഥാ​ന​പ്ര​ത്യാ​ശ​യെ​ക്കു​റിച്ച്‌ പറയു​ന്ന​തി​നു​പ​കരം എന്തു​കൊ​ണ്ടാണ്‌ നല്ല ആളുകൾക്ക്‌ ഇതു​പോ​ലുള്ള ദുരന്തങ്ങൾ സംഭവി​ക്കു​ന്ന​തെന്ന്‌ വിശദീ​ക​രി​ക്കു​ക​യും അവരെ ആശ്വസി​പ്പി​ക്കു​ക​യും ചെയ്‌തു.

⁸ ആ സഹോ​ദ​രങ്ങൾ യേശു​വി​നെ അനുക​രി​ച്ചു. എപ്പോൾ സംസാ​രി​ക്ക​ണ​മെ​ന്നും സംസാ​രി​ക്ക​രു​തെ​ന്നും യേശു​വിന്‌ അറിയാ​മാ​യി​രു​ന്നു. (യോഹ. 18:33-37; 19:8-11) ശിഷ്യ​ന്മാ​രെ ചില കാര്യങ്ങൾ പഠിപ്പി​ക്കു​ന്ന​തി​നാ​യി ഉചിത​മായ സമയത്തി​നു​വേണ്ടി അവൻ കാത്തി​രു​ന്നു. (യോഹ. 16:12) സമാന​മാ​യി, പുനരു​ത്ഥാ​ന​പ്ര​ത്യാ​ശ​യെ​ക്കു​റിച്ച്‌ പറയേണ്ട ഉചിത​മായ സമയത്തി​നാ​യി ജപ്പാനി​ലെ സഹോ​ദ​രങ്ങൾ കാത്തി​രു​ന്നു. സുനാമി കഴിഞ്ഞ്‌ രണ്ടു വർഷത്തി​നു​ശേഷം മരിച്ചവർ വീണ്ടും ജീവി​ക്കു​മോ? എന്ന ലഘുലേഖ അവർ അവി​ടെ​യു​ള്ള​വർക്ക്‌ കൊടു​ത്തു. അനേക​രും ലഘുലേഖ സ്വീക​രി​ക്കു​ക​യും, അത്‌ വായിച്ച്‌ ആശ്വാസം നേടു​ക​യും ചെയ്‌തു. ആളുക​ളോട്‌ സംസാ​രി​ക്കാ​നുള്ള ശരിയായ സമയം മനസ്സി​ലാ​ക്കു​ന്ന​തിന്‌ പ്രദേ​ശ​ത്തു​ള്ള​വ​രു​ടെ സംസ്‌കാ​ര​ത്തെ​ക്കു​റി​ച്ചും വിശ്വാ​സ​ങ്ങ​ളെ​ക്കു​റി​ച്ചും നമ്മളും ചിന്തി​ക്കണം.

 9. മറ്റ്‌ ഏതെല്ലാം സാഹച​ര്യ​ങ്ങ​ളിൽ സംസാ​രി​ക്കാ​നുള്ള ഉചിത​മായ സമയത്തി​നു​വേണ്ടി നമ്മൾ കാത്തി​രി​ക്കണം?

⁹ മറ്റ്‌ ഏതെല്ലാം സാഹച​ര്യ​ങ്ങ​ളിൽ സംസാ​രി​ക്കാ​നുള്ള ഉചിത​മായ സമയത്തി​നു​വേണ്ടി നമ്മൾ കാത്തി​രി​ക്കണം? ചില​പ്പോൾ, ആരെങ്കി​ലും നമുക്ക്‌ നീരസം തോന്നുന്ന എന്തെങ്കി​ലും പറഞ്ഞേ​ക്കാം. അപ്പോൾ ഒന്നും ചിന്തി​ക്കാ​തെ ചാടി​ക്ക​യറി എന്തെങ്കി​ലും തിരിച്ച്‌ പറയു​ന്ന​തി​നു പകരം, ഇങ്ങനെ ഒന്നു ചിന്തി​ക്കു​ന്ന​താ​യി​രി​ക്കും ബുദ്ധി: ‘എന്നെ വേദനി​പ്പി​ക്കുക എന്നതാ​യി​രു​ന്നോ അദ്ദേഹ​ത്തി​ന്റെ യഥാർഥ ഉദ്ദേശ്യം? ഇക്കാര്യ​ത്തെ​ക്കു​റിച്ച്‌ ഞാൻ അദ്ദേഹ​ത്തോ​ടു സംസാ​രി​ക്ക​ണ​മോ?’ ഒന്നും പറയാ​തി​രി​ക്കു​ന്ന​താ​യി​രി​ക്കും ചില​പ്പോൾ നല്ലത്‌. ഇനി, സംസാ​രി​ക്ക​ണ​മെ​ന്നു​ത​ന്നെ​യാണ്‌ തോന്നു​ന്ന​തെ​ങ്കിൽ നമ്മൾ ശാന്തരാ​കു​ന്ന​തു​വരെ കാത്തി​രി​ക്കു​ന്ന​താണ്‌ നല്ലത്‌. (സദൃശ​വാ​ക്യ​ങ്ങൾ 15:28 വായി​ക്കുക.) യഹോ​വ​യെ​ക്കു​റിച്ച്‌ അറിയാൻ സാക്ഷി​ക​ള​ല്ലാത്ത ബന്ധുക്കളെ പ്രോ​ത്സാ​ഹി​പ്പി​ക്കാൻ നമ്മൾ ആഗ്രഹി​ക്കു​ന്നു എന്നിരി​ക്കട്ടെ. അപ്പോ​ഴും നമ്മൾ ക്ഷമയു​ള്ള​വ​രാ​യി​രി​ക്കണം. എന്താണ്‌ പറയാൻ പോകു​ന്നത്‌ എന്നതി​നെ​ക്കു​റിച്ച്‌ ചിന്തയു​ള്ള​വ​രാ​യി​രി​ക്കണം. അവർ കേൾക്കാൻ മനസ്സു​കാ​ണി​ക്കുന്ന ഒരു സമയം കണ്ടെത്തു​ക​യും വേണം.

10. (എ) സംസാ​രി​ക്കു​മ്പോൾ വാക്കുകൾ ശ്രദ്ധാ​പൂർവം തിര​ഞ്ഞെ​ടു​ക്കേ​ണ്ടത്‌ എന്തു​കൊണ്ട്‌? (ബി) ഏത്‌ തരത്തി​ലുള്ള സംസാരം നമ്മൾ ഒഴിവാ​ക്കണം?

¹⁰ നമ്മുടെ വാക്കു​കൾക്ക്‌ മറ്റുള്ള​വരെ ആശ്വസി​പ്പി​ക്കാ​നോ വിഷമി​പ്പി​ക്കാ​നോ കഴിയും. (സദൃശ​വാ​ക്യ​ങ്ങൾ 12:18 വായി​ക്കുക.) സാത്താന്റെ ലോക​ത്തി​ലുള്ള അനേക​രും “വാൾ” പോ​ലെ​യും “അസ്‌ത്രം” പോ​ലെ​യും ഉള്ള ക്രൂര​മായ വാക്കുകൾ ഉപയോ​ഗി​ക്കു​ന്ന​വ​രാണ്‌. (സങ്കീ. 64:3, 4) മറ്റുള്ള​വരെ മുറി​പ്പെ​ടു​ത്താ​നും വിഷമി​പ്പി​ക്കാ​നും ആണ്‌ അവർ ആഗ്രഹി​ക്കു​ന്നത്‌. പലരും ഇങ്ങനെ സംസാ​രി​ക്കാൻ പഠിക്കു​ന്നത്‌ അവർ കാണുന്ന ചലച്ചി​ത്ര​ങ്ങ​ളിൽനി​ന്നും ടെലി​വി​ഷൻ പരിപാ​ടി​ക​ളിൽനി​ന്നും ആണ്‌. എന്നാൽ ക്രിസ്‌ത്യാ​നി​കൾ തമാശ​യ്‌ക്കു​പോ​ലും പരുഷ​മാ​യോ ദയാര​ഹി​ത​മാ​യോ സംസാ​രി​ക്കാ​റില്ല. തമാശ നല്ലതാണ്‌, നമ്മൾ പറയുന്ന കാര്യങ്ങൾ ആകർഷ​ക​മാ​ക്കാൻ അത്‌ സഹായി​ക്കു​ക​യും ചെയ്യും. എങ്കിലും, നമ്മൾ ആരെയും പരിഹ​സി​ക്കാൻ പാടില്ല, അതായത്‌ മറ്റുള്ള​വരെ ചിരി​പ്പി​ക്കാ​നാ​യി ആരെ​യെ​ങ്കി​ലും നാണം​കെ​ടു​ത്തു​ക​യോ അപമാ​നി​ക്കു​ക​യോ ചെയ്യുന്ന വിധത്തിൽ സംസാ​രി​ക്കാൻ പാടില്ല. “ദൂഷണം” ഒഴിവാ​ക്കാൻ ബൈബിൾ ക്രിസ്‌ത്യാ​നി​ക​ളോട്‌ ആജ്ഞാപി​ക്കു​ന്നു. “കേൾക്കു​ന്ന​വർക്കു ഗുണം ചെയ്യേ​ണ്ട​തിന്‌, ആത്മീയ​വർധ​ന​യ്‌ക്ക്‌ ഉതകു​ന്ന​തും സന്ദർഭോ​ചി​ത​വു​മായ നല്ല വാക്കു​ക​ള​ല്ലാ​തെ ദുഷി​ച്ച​തൊ​ന്നും നിങ്ങളു​ടെ വായിൽനി​ന്നു പുറ​പ്പെ​ട​രുത്‌” എന്നും അത്‌ പറയുന്നു.—എഫെ. 4:29, 31.

11. ഉചിത​മായ വാക്കുകൾ തിര​ഞ്ഞെ​ടു​ക്കാൻ നമ്മളെ എന്തു സഹായി​ക്കും?

¹¹ “ഹൃദയ​ത്തി​ന്റെ നിറവിൽനി​ന്ന​ല്ല​യോ വായ്‌ സംസാ​രി​ക്കു​ന്നത്‌” എന്ന്‌ യേശു പഠിപ്പി​ച്ചു. (മത്താ. 12:34) അതായത്‌, വാക്കു​കൾക്ക്‌ നമ്മുടെ ഹൃദയ​ത്തി​ലെ വികാ​ര​വി​ചാ​രങ്ങൾ വെളി​പ്പെ​ടു​ത്താൻ കഴിയും. അതു​കൊണ്ട്‌ ആളുക​ളോട്‌ യഥാർഥ​സ്‌നേ​ഹ​വും ആത്മാർഥ​താ​ത്‌പ​ര്യ​വും ഉണ്ടെങ്കിൽ അവരോട്‌ സംസാ​രി​ക്കു​മ്പോൾ ഉചിത​മായ വാക്കു​ക​ളാ​യി​രി​ക്കും നമ്മൾ തിര​ഞ്ഞെ​ടു​ക്കു​ന്നത്‌. നമ്മൾ പറയുന്ന കാര്യങ്ങൾ അവരെ ബലപ്പെ​ടു​ത്തു​ന്ന​തും പ്രോ​ത്സാ​ഹി​പ്പി​ക്കു​ന്ന​തും ആയിരി​ക്കും.

12. ശരിയായ വാക്കുകൾ തിര​ഞ്ഞെ​ടു​ക്കാൻ മറ്റെ​ന്തൊ​ക്കെ നമ്മളെ സഹായി​ക്കും?

¹² ഉചിത​മായ വാക്കുകൾ തിര​ഞ്ഞെ​ടു​ക്കു​ന്ന​തിന്‌ നല്ല ശ്രമം ആവശ്യ​മാണ്‌. ശലോ​മോൻ രാജാവ്‌ ജ്ഞാനി​യാ​യി​രു​ന്നെ​ങ്കി​ലും “ഇമ്പമായ വാക്കു”കൾക്കു​വേണ്ടി “ചിന്തിച്ചു ശോധന കഴിച്ചു.” (സഭാ. 12:9, 10) സംസാ​ര​ത്തിൽ ഇമ്പമായ വാക്കുകൾ ഉൾപ്പെ​ടു​ത്താൻ നിങ്ങൾക്ക്‌ ബുദ്ധി​മു​ട്ടു തോന്നു​ന്നു​ണ്ടോ? അങ്ങനെ​യെ​ങ്കിൽ നിങ്ങളു​ടെ പദസമ്പത്ത്‌ വർധി​പ്പി​ക്കേ​ണ്ട​തു​ണ്ടാ​യി​രി​ക്കാം. അതിനുള്ള ഒരു മാർഗം ബൈബി​ളി​ലും നമ്മുടെ പ്രസി​ദ്ധീ​ക​ര​ണ​ങ്ങ​ളി​ലും വാക്കുകൾ എങ്ങനെ ഉപയോ​ഗി​ച്ചി​രി​ക്കു​ന്നു​വെന്ന്‌ നോക്കു​ന്ന​താണ്‌. പരിച​യ​മി​ല്ലാത്ത പദങ്ങളു​ടെ അർഥം മനസ്സി​ലാ​ക്കാൻ ശ്രമി​ക്കുക. ഏറ്റവും പ്രധാ​ന​മാ​യി, മറ്റുള്ള​വർക്ക്‌ പ്രയോ​ജനം ചെയ്യുന്ന വിധത്തിൽ വാക്കുകൾ എങ്ങനെ ഉപയോ​ഗി​ക്കാ​മെന്ന്‌ പഠിക്കുക. അതിന്‌ ഏറ്റവും നല്ലത്‌ യേശു​വി​ന്റെ മാതൃക അനുക​രി​ക്കു​ന്ന​താണ്‌. കാരണം, “തളർന്നി​രി​ക്കു​ന്ന​വ​നോട്‌ സമയോ​ചി​ത​മായ ഒരു വാക്കു സംസാ​രി​ക്കു​വാൻ” യഹോവ അവനെ പഠിപ്പി​ച്ചി​രു​ന്നു. (യെശ. 50:4, ന്യൂ ഇൻഡ്യ ബൈബിൾ ഭാഷാ​ന്തരം) നമ്മുടെ വാക്കുകൾ മറ്റുള്ള​വരെ എങ്ങനെ ബാധി​ക്കു​ന്നു എന്ന്‌ ചിന്തി​ക്കേ​ണ്ട​തും പ്രധാ​ന​മാണ്‌. (യാക്കോ. 1:19 ) നമ്മൾ സ്വയം ഇങ്ങനെ ചോദി​ക്കണം: ‘ഇങ്ങനെ പറഞ്ഞാൽ ഞാൻ ഉദ്ദേശി​ക്കു​ന്നത്‌ എന്താ​ണെന്ന്‌ അദ്ദേഹ​ത്തി​നു മനസ്സി​ലാ​കു​മോ? ഇതു കേട്ടാൽ അദ്ദേഹ​ത്തിന്‌ എന്തു തോന്നും?’

13. എളുപ്പം മനസ്സി​ലാ​കുന്ന വിധത്തിൽ നമ്മൾ സംസാ​രി​ക്കേ​ണ്ടത്‌ എന്തു​കൊണ്ട്‌?

¹³ ഇസ്രാ​യേ​ലിൽ അടയാ​ളങ്ങൾ നൽകു​ന്ന​തിന്‌ കാഹളം ഊതു​മാ​യി​രു​ന്നു. ആളുകളെ ഒന്നിച്ചു​കൂ​ട്ടു​ന്ന​തി​നും, ആക്രമി​ക്കാൻ പടയാ​ളി​കൾക്ക്‌ സൂചന നൽകു​ന്ന​തി​നും ഒക്കെ കാഹളം ഊതു​മാ​യി​രു​ന്നു. കാഹള​ധ്വ​നി വ്യക്തമ​ല്ലാ​യി​രു​ന്നെ​ങ്കിൽ സൈന്യ​ത്തിന്‌ എന്തു സംഭവി​ക്കു​മാ​യി​രു​ന്നു എന്ന്‌ ഒന്നു ചിന്തി​ച്ചു​നോ​ക്കൂ! വ്യക്തമാ​യി കേൾക്കാൻ കഴിയുന്ന കാഹള​ധ്വ​നി​യെ വ്യക്തമാ​യി മനസ്സി​ലാ​ക്കാൻ കഴിയുന്ന വാക്കു​ക​ളോട്‌ ബൈബിൾ താരത​മ്യ​പ്പെ​ടു​ത്തു​ന്നു. നമ്മൾ കാര്യങ്ങൾ വ്യക്തമാ​യി വിശദീ​ക​രി​ച്ചു​കൊ​ടു​ക്കു​ന്നി​ല്ലെ​ങ്കിൽ ആളുകൾക്ക്‌ ആശയക്കു​ഴ​പ്പ​മോ തെറ്റി​ദ്ധാ​ര​ണ​യോ ഉണ്ടാകാൻ സാധ്യ​ത​യുണ്ട്‌. നമ്മൾ ഉദ്ദേശി​ക്കുന്ന ആശയം മറ്റുള്ള​വർക്ക്‌ വ്യക്തമാ​യി മനസ്സി​ലാ​ക​ണ​മെ​ന്നാണ്‌ നമ്മുടെ ആഗ്രഹം. എന്നാൽ അതിനു​വേണ്ടി നമ്മൾ ഉപയോ​ഗി​ക്കുന്ന വാക്കുകൾ മര്യാ​ദ​യി​ല്ലാ​ത്ത​തോ പരുഷ​മോ ആകാതി​രി​ക്കാൻ ശ്രദ്ധി​ക്കണം.—1 കൊരി​ന്ത്യർ 14:8, 9 വായി​ക്കുക.

14. മനസ്സി​ലാ​ക്കാൻ കഴിയുന്ന വിധത്തി​ലാണ്‌ യേശു സംസാ​രി​ച്ച​തെന്ന്‌ ഏതു ദൃഷ്ടാന്തം കാണി​ക്കു​ന്നു?

¹⁴ എളുപ്പം മനസ്സി​ലാ​ക്കാൻ കഴിയുന്ന വാക്കുകൾ യേശു എങ്ങനെ തിര​ഞ്ഞെ​ടു​ത്തു എന്നതി​നുള്ള നല്ലൊരു ഉദാഹ​ര​ണ​മാണ്‌ മത്തായി 5 മുതൽ 7 വരെയുള്ള അധ്യാ​യങ്ങൾ. യേശു നടത്തിയ പ്രസം​ഗ​ത്തിൽ സങ്കീർണ​മായ പദങ്ങളോ അനാവ​ശ്യ​മായ വാക്കു​ക​ളോ ഉപയോ​ഗി​ച്ചു​കൊണ്ട്‌ ആളുക​ളു​ടെ ശ്രദ്ധ പിടി​ച്ചു​പ​റ്റാൻ അവൻ ശ്രമി​ച്ചില്ല. ആളുകളെ മുറി​പ്പെ​ടു​ത്തുന്ന കാര്യ​ങ്ങ​ളും അവൻ പറഞ്ഞില്ല. വലിയ അർഥമുള്ള പ്രധാ​ന​പ്പെട്ട കാര്യ​ങ്ങ​ളാണ്‌ യേശു പഠിപ്പി​ച്ചത്‌. എങ്കിലും യേശു പറഞ്ഞ കാര്യങ്ങൾ മനസ്സി​ലാ​ക്കാൻ ഒരു പ്രയാ​സ​വു​മു​ണ്ടാ​യി​രു​ന്നില്ല. ഓരോ ദിവസ​വും എന്തു കഴിക്കും എന്ന്‌ ഉത്‌ക​ണ്‌ഠ​പ്പെ​ടേണ്ട ആവശ്യ​മില്ല എന്ന്‌ ശിഷ്യ​ന്മാ​രെ പഠിപ്പി​ക്കു​ന്ന​തിന്‌ പക്ഷിക​ളെ​യും യഹോവ പോറ്റു​ന്നു എന്ന കാര്യം യേശു വിശദീ​ക​രി​ച്ചു. എന്നിട്ട്‌ അവൻ അവരോട്‌ ഇങ്ങനെ ചോദി​ച്ചു: “നിങ്ങൾ അവയെ​ക്കാൾ വില​പ്പെ​ട്ട​വ​ര​ല്ല​യോ?” (മത്താ. 6:26) ഈ ലളിത​മായ വാക്കു​ക​ളി​ലൂ​ടെ ഒരു പ്രധാ​ന​പ്പെട്ട പാഠം മനസ്സി​ലാ​ക്കാ​നും അങ്ങനെ അവരെ പ്രോ​ത്സാ​ഹി​പ്പി​ക്കാ​നും യേശു​വിന്‌ കഴിഞ്ഞു.

15. നമ്മൾ എന്തു​കൊ​ണ്ടാണ്‌ ദയയോ​ടെ സംസാ​രി​ക്കേ​ണ്ടത്‌?

¹⁵ മറ്റുള്ള​വ​രോട്‌ എന്ത്‌ പറയുന്നു എന്നതു​പോ​ലെ​തന്നെ പ്രധാ​ന​മാണ്‌ നമ്മൾ അവരോട്‌ എങ്ങനെ സംസാ​രി​ക്കു​ന്നു എന്നതും. യേശു​വിൽനിന്ന്‌ കേൾക്കു​ന്നത്‌ ആളുകൾ എപ്പോ​ഴും ആസ്വദി​ച്ചി​രു​ന്നു. കാരണം, യേശു എപ്പോ​ഴും സംസാ​രി​ച്ചി​രു​ന്നത്‌ ‘ഹൃദ്യ​മാ​യി,’ അതായത്‌ ദയയോ​ടെ​യും സൗമ്യ​ത​യോ​ടെ​യും ആയിരു​ന്നു. (ലൂക്കോ. 4:22) നമ്മൾ ദയയോ​ടെ സംസാ​രി​ക്കു​മ്പോൾ അത്‌ കേട്ടി​രി​ക്കാ​നും അംഗീ​ക​രി​ക്കാ​നും ആളുകൾ കൂടുതൽ ചായ്‌വ്‌ കാണി​ച്ചേ​ക്കാം. (സദൃ. 25:15) ആളുകളെ ആദരി​ക്കു​ക​യും അവരുടെ വികാ​രങ്ങൾ മാനി​ക്കു​ക​യും ചെയ്യു​മ്പോൾ നമുക്ക്‌ അവരോട്‌ ദയയോ​ടെ സംസാ​രി​ക്കാൻ കഴിയും. അതാണ്‌ യേശു ചെയ്‌തത്‌. ഉദാഹ​ര​ണ​ത്തിന്‌, ഒരു കൂട്ടം ആളുകൾ താൻ പറയു​ന്നത്‌ കേൾക്കാ​നാ​യി ചെയ്‌ത ശ്രമം കണ്ടപ്പോൾ യേശു മനസ്സലിഞ്ഞ്‌ അവരെ പഠിപ്പി​ക്കു​ക​യും അവരോ​ടൊ​പ്പം സമയം ചെലവ​ഴി​ക്കു​ക​യും ചെയ്‌തു. (മർക്കോ. 6:34) ആളുകൾ അവനെ അധി​ക്ഷേ​പി​ച്ച​പ്പോൾപോ​ലും അവൻ തിരിച്ച്‌ അധി​ക്ഷേ​പി​ച്ചില്ല.—1 പത്രോ. 2:23.

16, 17. (എ) കുടും​ബാം​ഗ​ങ്ങ​ളോ​ടും സുഹൃ​ത്തു​ക്ക​ളോ​ടും സംസാ​രി​ക്കു​മ്പോൾ നമുക്ക്‌ എങ്ങനെ യേശു​വി​നെ അനുക​രി​ക്കാം? (ലേഖനാ​രം​ഭ​ത്തി​ലെ ചിത്രം കാണുക.) (ബി) ഒരു അമ്മ ദയയോ​ടെ സംസാ​രി​ച്ച​തി​ലൂ​ടെ പല പ്രയോ​ജ​ന​ങ്ങ​ളു​ണ്ടാ​യത്‌ എങ്ങനെ?

¹⁶ കുടും​ബാം​ഗ​ങ്ങ​ളെ​യും സുഹൃ​ത്തു​ക്ക​ളെ​യും നമ്മൾ അതിയാ​യി സ്‌നേ​ഹി​ക്കു​ന്നുണ്ട്‌. എന്നാൽ അവരോട്‌ സംസാ​രി​ക്കു​മ്പോൾ അധികം ചിന്തി​ച്ചോ ശ്രദ്ധി​ച്ചോ ഒന്നും സംസാ​രി​ക്കേണ്ട കാര്യ​മി​ല്ലെന്ന്‌ നമ്മൾ കരുതി​യേ​ക്കാം. ചില​പ്പോൾ അവരോ​ടുള്ള അടുപ്പം നിമിത്തം നമ്മൾ ദയയി​ല്ലാ​തെ എന്തെങ്കി​ലും സംസാ​രി​ച്ചെ​ന്നും​വ​രാം. എന്നാൽ സുഹൃ​ത്തു​ക്ക​ളോ​ടു​പോ​ലും യേശു ഒരിക്ക​ലും ദയാര​ഹി​ത​മാ​യി സംസാ​രി​ച്ചി​രു​ന്നില്ല. തങ്ങളിൽ ആരാണ്‌ വലിയവൻ എന്നതി​നെ​ച്ചൊ​ല്ലി അവരിൽ ചിലർ തർക്കി​ച്ച​പ്പോൾ യേശു അവരെ ദയയോ​ടെ തിരു​ത്തു​ക​യും ഒരു കൊച്ചു​കു​ട്ടി​യു​ടെ ഉദാഹ​രണം ഉപയോ​ഗിച്ച്‌ അവരുടെ ചിന്താ​ഗ​തിക്ക്‌ മാറ്റം വരുത്താൻ സഹായി​ക്കു​ക​യും ചെയ്‌തു. (മർക്കോ. 9:33-37) സൗമ്യ​ത​യോ​ടെ ബുദ്ധി​യു​പ​ദേശം നൽകി​ക്കൊണ്ട്‌ മൂപ്പന്മാർക്ക്‌ യേശു​വി​നെ അനുക​രി​ക്കാൻ കഴിയും.—ഗലാ. 6:1.

¹⁷ ആരെങ്കി​ലും നമ്മളെ വിഷമി​പ്പി​ക്കുന്ന എന്തെങ്കി​ലും പറയു​മ്പോൾ പോലും ദയയോ​ടെ സംസാ​രി​ച്ചാൽ ധാരാളം പ്രയോ​ജ​ന​മു​ണ്ടാ​കും. (സദൃ. 15:1) ഉദാഹ​ര​ണ​ത്തിന്‌, ഒറ്റയ്‌ക്കുള്ള ഒരു മാതാ​വി​ന്റെ കൗമാ​ര​ക്കാ​ര​നായ മകൻ യഹോ​വയെ സേവി​ക്കു​ന്ന​താ​യി നടിച്ചു​കൊണ്ട്‌ മോശ​മായ കാര്യ​ങ്ങ​ളിൽ ഏർപ്പെ​ട്ടി​രു​ന്നു. ഇതിൽ സഹതാപം തോന്നിയ ഒരു സഹോ​ദരി ആ അമ്മയോട്‌ ഇങ്ങനെ പറഞ്ഞു: “മകനെ നന്നായി വളർത്തി​ക്കൊ​ണ്ടു​വ​രാൻ നിങ്ങൾക്ക്‌ കഴിയാ​ഞ്ഞത്‌ വളരെ മോശ​മാ​യി​പ്പോ​യി.” അപ്പോൾ ഒരു നിമിഷം ചിന്തി​ച്ചിട്ട്‌ ആ സഹോ​ദരി ഇങ്ങനെ പറഞ്ഞു: “ശരിയാ, ഇപ്പോൾ കാര്യ​ങ്ങ​ളൊ​ന്നും അത്ര നന്നായി​ട്ടല്ല പോകു​ന്നത്‌ എന്ന്‌ എനിക്ക്‌ അറിയാം. അവനെ ഞാൻ ഇപ്പോ​ഴും പരിശീ​ലി​പ്പി​ച്ചു​കൊ​ണ്ടി​രി​ക്കുക​യാണ്‌. അർമ്മ​ഗെ​ദ്ദോൻ കഴിഞ്ഞി​ട്ടേ നമുക്ക്‌ എന്തെങ്കി​ലും ഉറപ്പിച്ച്‌ പറയാൻ കഴിയൂ.” ആ മാതാവ്‌ ശാന്തത​യോ​ടെ​യും ദയയോ​ടെ​യും സംസാ​രി​ച്ച​തു​കൊണ്ട്‌ അവരുടെ സൗഹൃ​ദ​ത്തിന്‌ ഒരു കോട്ട​വും തട്ടിയില്ല. അമ്മ പറഞ്ഞ കാര്യം കേട്ട​പ്പോൾ അമ്മയ്‌ക്ക്‌ ഇപ്പോ​ഴും തന്നെക്കു​റിച്ച്‌ പ്രതീ​ക്ഷ​യു​ണ്ടെന്ന്‌ മകനു മനസ്സി​ലാ​യി. അതു​കൊണ്ട്‌ അവൻ ചീത്ത കൂട്ടു​കെട്ട്‌ നിറുത്തി, സ്‌നാ​ന​മേറ്റു, പിന്നീട്‌ അവൻ ബെഥേ​ലി​ലും സേവിച്ചു. നമ്മൾ സംസാ​രി​ക്കു​ന്നത്‌ സഹോ​ദ​ര​ങ്ങ​ളോ​ടാ​യാ​ലും കുടും​ബാം​ഗ​ങ്ങ​ളോ​ടാ​യാ​ലും നമുക്ക്‌ പരിച​യ​മി​ല്ലാ​ത്ത​വ​രോ​ടാ​യാ​ലും നമ്മുടെ വാക്കുകൾ എപ്പോ​ഴും “ഉപ്പിനാൽ രുചി​വ​രു​ത്തി​യ​തു​പോ​ലെ ഹൃദ്യ​മാ​യി​രിക്ക”ണം.—കൊലോ. 4:6.

18. സംസാ​ര​ത്തിൽ നമുക്ക്‌ എങ്ങനെ യേശു​വി​ന്റെ മാതൃക അനുക​രി​ക്കാം?

¹⁸ നമ്മുടെ ചിന്തക​ളും മനോ​വി​ചാ​ര​ങ്ങ​ളും മറ്റുള്ള​വരെ അറിയി​ക്കാ​നുള്ള കഴിവ്‌, യഹോവ തന്നിരി​ക്കുന്ന വലിയ ഒരു ദാനമാണ്‌. യേശു​വി​ന്റെ മാതൃക അനുക​രി​ക്കു​ന്നെ​ങ്കിൽ സംസാ​രി​ക്കു​ന്ന​തിന്‌ നമ്മൾ ഉചിത​മായ സമയം തിര​ഞ്ഞെ​ടു​ക്കും, പറയുന്ന കാര്യ​ങ്ങ​ളിൽ ശ്രദ്ധയു​ള്ള​വ​രാ​യി​രി​ക്കും, എപ്പോ​ഴും ദയയു​ള്ള​വ​രാ​യി​രി​ക്കാൻ ശ്രമി​ക്കു​ക​യും ചെയ്യും. അതു​കൊണ്ട്‌ മറ്റുള്ള​വരെ പ്രോ​ത്സാ​ഹി​പ്പി​ക്കാ​നും യഹോ​വയെ സന്തോ​ഷി​പ്പി​ക്കാ​നും നമുക്ക്‌ നമ്മുടെ വാക്കുകൾ ഉപയോ​ഗി​ക്കാം.