പറുദീ​സ​യി​ലേക്കു തിരി​കെ​യുള്ള വഴി തുറക്കു​ന്നു

“[യേശു] അവനോട്‌: ‘ഇന്നു ഞാൻ നിന്നോ​ടു പറയുന്നു, നീ എന്നോ​ടു​കൂ​ടെ പറുദീ​സ​യിൽ ഉണ്ടായി​രി​ക്കും’ എന്നു പറഞ്ഞു.”—ലൂക്കോസ്‌ 23:43.

1, 2. (എ) “പറുദീസ” എന്നതിന്റെ അർത്ഥ​മെന്ത്‌, ഏദൻതോ​ട്ടം എന്തു​പോ​ലെ​യാ​യി​രു​ന്നി​രി​ക്കണം? (ബി) “തോട്ടം” എന്നതി​നുള്ള എബ്രാ​യ​പദം ക്രിസ്‌തീയ ഗ്രീക്ക്‌തി​രു​വെ​ഴു​ത്തു​ക​ളിൽ എങ്ങനെ വിവർത്ത​നം​ചെ​യ്യ​പ്പെ​ട്ടി​രി​ക്കു​ന്നു?

മനുഷ്യ​കു​ടും​ബം തുടക്ക​മി​ട്ടത്‌ പറുദീ​സ​യി​ലാണ്‌. മമനു​ഷ്യ​ന്റെ സൃഷ്ടിയെ സംബന്ധിച്ച്‌ നാം വിശുദ്ധ തിരു​വെ​ഴു​ത്തു​ക​ളു​ടെ ആദ്യപു​സ്‌ത​ക​ത്തിൽ ഇങ്ങനെ വായി​ക്കു​ന്നു: “യഹോ​വ​യായ ദൈവം നിലത്തെ പൊടി​കൊണ്ട്‌ മനുഷ്യ​നെ നിർമ്മി​ക്കാ​നും അവന്റെ നാസാ​ര​ന്ധ്ര​ങ്ങ​ളിൽ ജീവശ്വാ​സം ഊതാ​നും നടപടി​കൾ സ്വീക​രി​ച്ചു, മനുഷ്യൻ ഒരു ജീവനുള്ള ദേഹി​യാ​യി​ത്തീർന്നു. കൂടാതെ, യഹോ​വ​യായ ദൈവം കിഴക്ക്‌, ഏദനിൽ, ഒരു തോട്ടം നട്ടുണ്ടാ​ക്കു​ക​യും താൻ നിർമ്മി​ച്ചി​രുന്ന മനുഷ്യ​നെ അവിടെ ആക്കി​വെ​ക്കു​ക​യും ചെയ്‌തു.” (ഉല്‌പത്തി 2:7, 8) “ഏദൻ” എന്ന പേരിന്റെ അർത്ഥം “ഉല്ലാസം” എന്നാണ്‌. അങ്ങനെ, ഏദൻതോ​ട്ടം വിവി​ധ​ങ്ങ​ളായ അനേകം മനോഹര സവി​ശേ​ഷ​ത​ക​ളോ​ടു​കൂ​ടിയ ഉല്ലാസ​ത്തി​ന്റെ ഒരു വിസ്‌തൃ​ത​മായ ഉദ്യാ​ന​മാ​യി​രു​ന്നു.

² “പറുദീസ” എന്ന പദം ഗ്രീക്ക്‌ഭാ​ഷ​യിൽനിന്ന്‌ എടുത്തി​ട്ടു​ള്ള​താണ്‌. ആ ഭാഷയിൽ അതിന്റെ അർത്ഥം ഒരു ഉദ്യാ​ന​തു​ല്യ​മായ തോട്ടം എന്നാണ്‌. “തോട്ടം” എന്നർത്ഥ​മുള്ള ഗാൻ എന്ന എബ്രായ നാമത്തെ വിവർത്ത​നം​ചെ​യ്യാൻ ഉപയോ​ഗി​ക്കുന്ന ഗ്രീക്ക്‌പദം പാര​ഡൈ​സോസ ആണ്‌. മത്തായി മുതൽ വെളി​പ്പാ​ടു​വ​രെ​യുള്ള തിരു​വെ​ഴു​ത്തു​കൾ എഴുത​പ്പെ​ട്ടത്‌ ഗ്രീക്ക്‌ഭാ​ഷ​യി​ലാ​യി​രു​ന്നു. ക്രി.വ. 33-ാമാണ്ടി​ലെ നീസാൻ 14-ാംതീ​യതി കാൽവ​രി​യി​ലെ ദണ്ഡനസ്‌തം​ഭ​ത്തിൽ മരണശിക്ഷ അനുഭ​വി​ച്ചു​കൊ​ണ്ടി​രു​ന്ന​പ്പോ​ഴത്തെ കർത്താ​വായ യേശു​ക്രി​സ്‌തു​വി​ന്റെ മൊഴി​കൾ രേഖ​പ്പെ​ടു​ത്തി​യ​പ്പോൾ ഈ ഗ്രീക്ക്‌പദം ഉപയോ​ഗി​ക്ക​പ്പെട്ടു.

ഒരു ദുഷപ്ര​വൃ​ത്തി​ക്കാ​ര​നോട്‌ യേശു​വി​ന്റെ പറുദീ​സാ​വാ​ഗ്‌ദാ​നം

3. (എ) അനുഭാ​വി​യാ​യി​രുന്ന ഒരു ദുഷ്‌പ്ര​വൃ​ത്തി​ക്കാ​രൻ യേശു​വി​നോട്‌ എന്തു ചോദി​ച്ചു? (ബി) ദുഷ്‌പ്ര​വൃ​ത്തി​ക്കാ​രന്റെ അപേക്ഷ യേശു​വി​ലുള്ള അവന്റെ വിശ്വാ​സം സംബന്ധിച്ച്‌ എന്തു പ്രകട​മാ​ക്കി?

³ ആ സമയത്ത്‌ രണ്ട്‌ ദുഷ്‌പ്ര​വൃ​ത്തി​ക്കാർ യേശു​വി​നോ​ടു​കൂ​ടെ ദണ്ഡനസ്‌തം​ഭ​ത്തി​ലേ​റ​റ​പ്പെ​ട്ടി​രു​ന്നു. അവരി​ലൊ​രാൾ യേശു​വി​ന്റെ മറെറ വശത്തു സ്‌തം​ഭ​ത്തി​ലേ​റ​റ​പ്പെ​ട്ടി​രുന്ന കൊള്ള​ക്കാ​രന്റെ രീതി​യിൽ തുടർന്ന്‌ യേശു​വി​നെ ദുഷി​ച്ചു​സം​സാ​രി​ക്കു​ന്നതു നിർത്തി​യി​രു​ന്നു. അനുഭാ​വി​യാ​യി​രുന്ന ദുഷ്‌പ്ര​വൃ​ത്തി​ക്കാ​രൻ തിരിഞ്ഞ്‌: “യേശുവേ, നീ നിന്റെ രാജ്യ​ത്തിൽ പ്രവേ​ശി​ക്കു​മ്പോൾ എന്നെ ഓർക്കേ​ണമേ” എന്നു പറഞ്ഞു, അങ്ങനെ തന്റെ കൂടെ തൂക്ക​പ്പെ​ട്ടി​രി​ക്കു​ന്നു​വെ​ങ്കി​ലും യേശു ഒരു ഭാവി​രാ​ജ്യ​ത്തി​ന്റെ അവകാ​ശി​യാ​ണെ​ന്നുള്ള വിശ്വാ​സം പ്രകട​മാ​ക്കി. (ലൂക്കോസ്‌ 23:42; മർക്കോസ്‌ 15:32) അത്‌ കർത്താ​വായ യേശു​വി​ന്റെ ഹൃദയത്തെ എങ്ങനെ സ്‌പർശി​ച്ചി​രി​ക്കണം! സൗഹാർദ്ദ​മു​ണ്ടാ​യി​രുന്ന ആ കുററ​പ്പു​ള്ളി യേശു​ക്രി​സ്‌തു നിർദ്ദോ​ഷി​യാ​ണെ​ന്നും അവൻ പരസ്യ​മായ അപമാ​ന​ത്തിൽ തൂക്കി​ലേ​റ​റ​പ്പെ​ടു​ന്ന​തു​പോ​ലെ​യുള്ള ഒരു കഠിന​ശി​ക്ഷക്ക്‌ അർഹന​ല്ലെ​ന്നും വിശ്വ​സി​ച്ചു. (ലൂക്കോസ്‌ 23:41) യേശു മരിച്ച​വ​രിൽനിന്ന്‌ ഉയർപ്പി​ക്ക​പ്പെ​ടു​മെ​ന്നും ഒരു രാജ്യ​ത്തി​ലേക്കു വരു​മെ​ന്നും താൻ വിശ്വ​സി​ക്കു​ന്ന​താ​യി അയാൾ തന്റെ അപേക്ഷ​യാൽ പ്രകട​മാ​ക്കി. തനിക്കും ഒരു പുനരു​ത്ഥാ​നം ലഭിക്കാ​മെ​ന്നും മരിച്ച​വ​രിൽനിന്ന്‌ തന്നെ വിളി​ച്ചു​വ​രു​ത്തി ഭൂമി​യി​ലെ പുതു​ക്ക​പ്പെട്ട ജീവനാൽ അനു​ഗ്ര​ഹി​ക്കു​ന്നത്‌ യേശു ആയിരി​ക്കു​മെ​ന്നു​മുള്ള വിശ്വാ​സ​വും ദുഷ്‌പ്ര​വൃ​ത്തി​ക്കാ​രൻ പ്രകട​മാ​ക്കി.

4. യേശു ദുഷ്‌പ്ര​വൃ​ത്തി​ക്കാ​രന്റെ അപേക്ഷക്ക്‌ എങ്ങനെ ഉത്തരം കൊടു​ത്തു, എന്തു സൂചി​പ്പി​ച്ചു​കൊണ്ട്‌?

⁴ “സത്യമാ​യി ഇന്നു ഞാൻ നിന്നോ​ടു പറയുന്നു, നീ എന്നോ​ടു​കൂ​ടെ പറുദീ​സ​യി​ലു​ണ്ടാ​യി​രി​ക്കും” എന്ന്‌ യേശു അവനോ​ടു പറഞ്ഞ​പ്പോൾ അവൻ ആ അനുഭാ​വി​യായ ദുഷ്‌പ്ര​വൃ​ത്തി​ക്കാ​രന്റെ ഒരു പുനരു​ത്ഥാ​ന​ത്തി​ലേക്കു വിരൽചൂ​ണ്ടി. അത്‌ വിശ്വാ​സം പ്രകട​മാ​ക്കിയ കുററ​വാ​ളിക്ക്‌ ഒരു യഥാർത്ഥ ആശ്വാ​സ​മാ​യി​രു​ന്നി​രി​ക്കണം. ആ മമനു​ഷ്യ​ന്റെ പുനരു​ത്ഥാ​നം നടക്കണ​മെ​ങ്കിൽ യേശു ആദ്യം ഉയർപ്പി​ക്ക​പ്പെ​ട​ണ​മാ​യി​രു​ന്നു. പിന്നീട്‌ തന്റെ ദൈവ​ദ​ത്ത​മായ പുനരു​ത്ഥാ​ന​ശക്തി പ്രയോ​ഗി​ച്ചു​കൊണ്ട്‌ യേശു മനുഷ്യ​വർഗ്ഗ​ലോ​ക​ത്തി​ന്റെ പുനരു​ത്ഥാ​ന​ദി​വസം ഈ ദുഷ്‌പ്ര​വൃ​ത്തി​ക്കാ​രനെ മരിച്ച​വ​രു​ടെ ഇടയിൽനിന്ന്‌ തിരികെ വിളി​ച്ചു​വ​രു​ത്തും.—ലൂക്കോസ്‌ 23:43; യോഹ​ന്നാൻ 5:28, 29; 1 കൊരി​ന്ത്യർ 15:20, 23; എബ്രായർ 9:15.

5, 6. (എ) നാടു​വാ​ഴി​യായ പൊന്തി​യോസ്‌ പീലാ​ത്തോസ്‌ തൂക്കി​ലേ​റ​റ​പ്പെട്ട യേശു​വി​നു മീതെ എന്തു എഴുതി​വെ​പ്പി​ച്ചു? (ബി) യേശു ദുഷ്‌പ്ര​വൃ​ത്തി​ക്കാ​ര​നോട്‌ ഏതു ഭാഷയിൽ സംസാ​രി​ച്ചി​രി​ക്കാ​നി​ട​യുണ്ട്‌?

⁵ യേശു ആ വാഗ്‌ദാ​നം നൽകി​യത്‌ ഏതു ഭാഷയി​ലാണ്‌? ആ കാലത്ത്‌ പലതും ഉപയോ​ഗ​ത്തി​ലു​ണ്ടാ​യി​രു​ന്നു. സ്‌തം​ഭ​ത്തി​ലേ​റ​റ​പ്പെട്ട യേശു​ക്രി​സ്‌തു​വി​നെ തിരി​ച്ച​റി​യി​ച്ചു​കൊണ്ട്‌ കടന്നു​പോ​കു​ന്ന​വർക്കെ​ല്ലാം വായി​ക്കാൻ അവന്റെ തലക്കു​മീ​തെ നാടു​വാ​ഴി​യായ പൊന്തി​യോസ്‌ പീലാ​ത്തോസ്‌ എഴുതി​വെ​പ്പിച്ച വാക്കു​ക​ളാൽ ഇതു പ്രകട​മാ​ക്ക​പ്പെ​ടു​ന്നു. യോഹ​ന്നാൻ 19:19, 20ലെ വിവരണം ഇങ്ങനെ പറയുന്നു: “പീലാ​ത്തോസ്‌ ഒരു സ്ഥാന​പ്പേ​രും എഴുതി ദണ്ഡനസ്‌തം​ഭ​ത്തിൻമേൽ വെച്ചു. അത്‌ ഇങ്ങനെ എഴുത​പ്പെ​ട്ടി​രു​ന്നു: ‘യഹൂദൻമാ​രു​ടെ രാജാ​വായ നസറാ​യ​നായ യേശു.’ അതു​കൊണ്ട്‌ യഹൂദൻമാ​രിൽ അനേകർ ഈ സ്ഥാനപ്പേർ വായിച്ചു, എന്തു​കൊ​ണ്ടെ​ന്നാൽ യേശു സ്‌തം​ഭ​ത്തിൽ തറക്കപ്പെട്ട സ്ഥലം നഗരത്തി​ന​ടു​ത്താ​യി​രു​ന്നു; അത്‌ എബ്രാ​യ​യി​ലും ലത്തീനി​ലും ഗ്രീക്കി​ലും എഴുത​പ്പെട്ടു.”

⁶ യേശു തന്റെ കന്യാ​മാ​താ​വാ​യി​രുന്ന മറിയ​യിൽ ബേത്‌ല​ഹേ​മിൽ ജനിച്ച​തു​കൊണ്ട്‌ അവൻ ഒരു യഹൂദൻ അഥവാ എബ്രായൻ ആയിട്ടാണ്‌ ജനിച്ചത്‌. അതിൻപ്ര​കാ​രം, തന്റെ ജനനസ്ഥ​ലത്തെ തന്റെ മൂന്നര വർഷത്തെ പ്രസം​ഗ​ത്തിൽ അവൻ നിലവി​ലുള്ള എബ്രാ​യ​യിൽ അഥവാ യഹൂദ്യ​ഭാ​ഷ​യിൽ പ്രസം​ഗി​ച്ചു​വെന്ന്‌ സ്‌പഷ്ട​മാണ്‌. അതു​കൊണ്ട്‌ അനുതാ​പ​മു​ണ്ടാ​യി​രുന്ന ദുഷ്‌പ്ര​വൃ​ത്തി​ക്കാ​ര​നോട്‌ ആശ്വാ​സ​പ്ര​ദ​മായ പ്രസ്‌താ​വ​നകൾ ചെയ്‌ത​പ്പോൾ അവൻ എബ്രാ​യ​യിൽ സംസാ​രി​ച്ചി​രി​ക്കാ​നി​ട​യുണ്ട്‌. തന്നിമി​ത്തം പറുദീ​സയെ പരാമർശി​ച്ച​പ്പോൾ അവൻ ഗാൻ എന്ന എബ്രാ​യ​പദം ഉപയോ​ഗി​ച്ചി​രി​ക്കണം—ഉല്‌പത്തി 2:8ൽ ആ പദമാണ്‌ കാണു​ന്നത്‌. അവിടെ ഗാൻ എന്ന മൂലപദം വിവർത്ത​നം​ചെ​യ്യു​മ്പോൾ വിശുദ്ധ തിരു​വെ​ഴു​ത്തു​ക​ളു​ടെ ഗ്രീക്ക്‌ സെപ്‌റ​റു​വ​ജിൻറ്‌ ഭാഷാ​ന്തരം പാര​ഡൈ​സോസ എന്ന പദം ഉപയോ​ഗി​ക്കു​ന്നു.

7. യേശു ഉയർപ്പി​ക്ക​പ്പെ​ട്ട​പ്പോൾ അവൻ എങ്ങനെ മഹത്വീ​ക​രി​ക്ക​പ്പെട്ടു?

⁷ യേശു തന്റെ സ്‌തം​ഭ​ത്തി​ലെ മരണത്തെ തുടർന്ന്‌ മൂന്നാം ദിവസം എബ്രായ പഞ്ചാം​ഗ​ത്തി​ലെ നീസാൻ 16-ാം തീയതി മരിച്ച​വ​രിൽനിന്ന്‌ ഉയർപ്പി​ക്ക​പ്പെട്ടു. നാല്‌പതു ദിവസം കഴിഞ്ഞ്‌ അവൻ സ്വർഗ്ഗ​ത്തി​ലേക്കു തിരികെ പോയി. അതായി​രു​ന്നു അവന്റെ ആദ്യഭ​വനം. ഇപ്പോൾ അത്‌ കൂടുതൽ ഉന്നതമായ ഒരു അവസ്ഥയി​ലാ​ണെന്നു മാത്രം. (പ്രവൃ​ത്തി​കൾ 5:30, 31; ഫിലി​പ്പി​യർ 2:9) അവൻ ഇപ്പോൾ അമർത്യത ധരിച്ചി​രി​ക്കു​ന്നു, അവന്റെ സ്വർഗ്ഗീയ പിതാ​വി​നോ​ടു​കൂ​ടെ അവൻ ആ ഗുണം പങ്കിടു​ന്നു. നീസാൻ 16ലെ ആ ഞായറാഴ്‌ച യേശു മരിച്ച​വ​രിൽനിന്ന്‌ ഉയർപ്പി​ക്ക​പ്പെ​ടു​ന്ന​തു​വരെ അമർത്യത ഉണ്ടായി​രു​ന്നത്‌ യഹോ​വ​യാം ദൈവ​ത്തി​നു മാത്ര​മാണ്‌.—റോമർ 6:9; 1 തിമൊ​ഥെ​യോസ്‌ 6:15, 16.

മറുവില വഴി തുറന്നു​ത​രു​ന്നു

8. ഭൂമി​യെ​സം​ബ​ന്ധിച്ച യഹോ​വ​യു​ടെ ആദിമ ഉദ്ദേശ്യം എന്തായി​രു​ന്നു, അവൻ ആ ഉദ്ദേശ്യ​ത്തോ​ടു പററി​നിൽക്കു​ന്നു​വെന്ന്‌ എന്തു പ്രകട​മാ​ക്കു​ന്നു?

⁸ ഇവയെ​ല്ലാം മുഴു​ഭൂ​മി​യും ഒരു ആഗോള പറുദീ​സ​യാ​യി​ത്തീ​രാൻ അതിനെ പറുദീ​സാ​ഭം​ഗി അണിയി​ക്കു​ന്ന​തി​നുള്ള ദൈ​വോ​ദ്ദേ​ശ്യ​ത്തിൽപെട്ട നടപടി​ക​ളാ​യി​രു​ന്നു. (ഉല്‌പത്തി 1:28; യെശയ്യാവ്‌ 55:10, 11) 1 കൊരി​ന്ത്യർ 15:45-ൽ അപ്പോ​സ്‌ത​ല​നായ പൗലോസ്‌ യേശു​വി​നെ “ഒടുക്കത്തെ ആദാം” എന്നു പരാമർശി​ക്കു​ന്നു. ഇതു സൂചി​പ്പി​ക്കു​ന്നത്‌ ദൈവം ഭൂമിയെ സംബന്ധിച്ച തന്റെ ആദ്യ ഉദ്ദേശ്യ​ത്തോ​ടു പററി​നി​ന്നി​രി​ക്കു​ന്നു​വെ​ന്നും ഒന്നാം മനുഷ്യ​നായ ആദാം നിറ​വേ​റ​റു​ന്ന​തിൽ പരാജ​യ​പ്പെട്ട ഉദ്ദേശ്യം ആരെങ്കി​ലും നിവർത്തി​ക്കു​മെ​ന്നു​മാണ്‌.

9. പറുദീ​സ​യി​ലേക്ക്‌ തിരി​കെ​യുള്ള വഴി തുറക്കു​ന്ന​തിന്‌ യേശു എന്തു നൽകി?

⁹ പൗലോസ്‌ പറയു​ന്ന​ത​നു​സ​രിച്ച്‌ യേശു “ഒരു സാദൃ​ശ്യ​മുള്ള മറുവില” പ്രദാ​നം​ചെ​യ്‌തു. (1 തിമൊ​ഥെ​യോസ്‌ 2:6) യേശു​ക്രി​സ്‌തു​തന്നെ ഇങ്ങനെ പറഞ്ഞി​രു​ന്നു: “മനുഷ്യ​പു​ത്രൻ വന്നത്‌ ശുശ്രൂ​ഷി​ക്ക​പ്പെ​ടാ​നല്ല, പിന്നെ​യോ ശുശ്രൂ​ഷി​ക്കാ​നും തന്റെ ദേഹിയെ അനേകർക്കു പകരമാ​യി കൊടു​ക്കാ​നു​മാണ്‌.” ഇത്‌ യേശു​ക്രി​സ്‌തു​വിൽ വിശ്വാ​സം പ്രകട​മാ​ക്കു​ന്ന​വർക്ക്‌ നിത്യ​ജീ​വൻ നേടുക സാദ്ധ്യ​മാ​ക്കി.—മത്തായി 20:28; യോഹ​ന്നാൻ 3:16.

10. (എ) പ്രീതി ലഭിച്ച ഒരു പരിമിത എണ്ണം മനുഷ്യ​രേ​സം​ബ​ന്ധിച്ച്‌ ദൈവം എന്തു നിശ്ചയി​ച്ചു? (ബി) “ചെറിയ ആട്ടിൻകൂട്ട”ത്തിന്റെ തെര​ഞ്ഞെ​ടുപ്പ്‌ എപ്പോൾ തുടങ്ങി, ആരാൽ?

¹⁰ യേശു മരിച്ച​വ​രിൽനി​ന്നുള്ള തന്റെ പുനരു​ത്ഥാ​ന​ശേഷം സ്വർഗ്ഗാ​രോ​ഹ​ണം​ചെ​യ്‌ത​പ്പോൾ അവന്‌ മനുഷ്യ​കു​ടും​ബ​ത്തി​നു​വേണ്ടി ദൈവ​ത്തിന്‌ മറുവി​ല​യാ​ഗ​ത്തി​ന്റെ മൂല്യം കാഴ്‌ച​വെ​ക്കാൻ കഴിഞ്ഞു. എന്നിരു​ന്നാ​ലും, ഭൂമി​യി​ലെ ജനതക​ളിൽനിന്ന്‌ “തന്റെ നാമത്തി​നു​വേണ്ടി ഒരു ജനത്തെ” എടുക്കു​ക​യെ​ന്നത്‌ അവന്റെ സ്വർഗ്ഗീയ പിതാ​വായ യഹോ​വ​യാം ദൈവ​ത്തി​ന്റെ ഉദ്ദേശ്യ​മാ​യി​രു​ന്നു. (പ്രവൃ​ത്തി​കൾ 15:14) വെളി​പ്പാട്‌ 7:4ഉം 14:1-4ഉം അനുസ​രിച്ച്‌ അവരുടെ എണ്ണം കേവലം 1,44,000 ആയിരി​ക്കേ​ണ്ട​താണ്‌, ദൈവ​ത്തി​ന്റെ സ്വർഗ്ഗീ​യ​രാ​ജ്യ​ത്തി​ലേക്ക്‌ വിളി​ക്ക​പ്പെട്ട “ചെറിയ ആട്ടിൻകൂ​ട്ടം”തന്നെ. (ലൂക്കോസ്‌ 12:32) യഹോ​വ​യാം ദൈവ​ത്തി​ന്റെ പ്രത്യേക പ്രീതി​യുള്ള ഇവരുടെ തെര​ഞ്ഞെ​ടുപ്പ്‌ യേശു​ക്രി​സ്‌തു​വി​ന്റെ 12 അപ്പോ​സ്‌ത​ലൻമാ​രു​ടെ തെര​ഞ്ഞെ​ടു​പ്പോ​ടെ തുടങ്ങി. (മത്തായി 10:2-4; പ്രവൃ​ത്തി​കൾ 1:23-26) യേശു തന്റെ സഭയുടെ അടിസ്ഥാന അംഗങ്ങ​ളോട്‌ ഇങ്ങനെ പറഞ്ഞു: “നിങ്ങൾ എന്നെ തെര​ഞ്ഞെ​ടു​ത്തില്ല, എന്നാൽ ഞാൻ നിങ്ങളെ തെര​ഞ്ഞെ​ടു​ത്തു.” (യോഹ​ന്നാൻ 15:16) ഇവരാ​യി​രി​ക്കും ദൈവ​രാ​ജ്യ​ത്തിൻകീ​ഴിൽ വരാനി​രി​ക്കുന്ന ആഗോള പറുദീ​സയെ പ്രഘോ​ഷി​ക്കുന്ന വേലയു​ടെ മുന്നണി​യി​ലു​ള്ളത്‌.

രാജ്യ​ത്തി​ന്റെ വരവിന്റെ സമയം

11. മശി​ഹൈ​ക​രാ​ജ്യം എപ്പോൾ സ്ഥാപി​ക്ക​പ്പെ​ടേ​ണ്ട​താ​യി​രു​ന്നു?

¹¹ നാമി​പ്പോൾ യഹോ​വ​യു​ടെ രാജ്യം വരാൻ കർത്താ​വായ യേശു​ക്രി​സ്‌ത​വി​ന്റെ നാമത്തിൽ പ്രാർത്ഥി​ക്കു​ന്ന​തിൽ തുടരു​ന്നു. (മത്തായി 6:9, 10; യോഹ​ന്നാൻ 14:13, 14) മശി​ഹൈ​ക​രാ​ജ്യം “ജനതക​ളു​ടെ നിയമിത കാലങ്ങ​ളു​ടെ” അവസാ​ന​ത്തിൽ സ്ഥാപി​ക്ക​പ്പെ​ടേ​ണ്ട​താ​യി​രു​ന്നു. (ലൂക്കോസ്‌ 21:24) ആ ജാതി​ക​ളു​ടെ കാലങ്ങൾ 1914 ആയതോ​ടെ തികഞ്ഞു.a

12. തന്റെ അദൃശ്യ​സാ​ന്നി​ദ്ധ്യ​ത്തെ ലക്ഷ്യ​പ്പെ​ടു​ത്തുന്ന ശ്രദ്ധേ​യ​മായ കാര്യ​ങ്ങ​ളെ​ക്കു​റി​ച്ചുള്ള യേശു​വി​ന്റെ പ്രവച​ന​ത്തി​നു ചേർച്ച​യാ​യി 1914ൽ എന്തു നടന്നു?

¹² മനുഷ്യ​ച​രി​ത്ര​ത്തി​ലെ ഒന്നാമത്തെ ലോക​യു​ദ്ധം ആ വർഷത്തിൽ തുടങ്ങി. അത്‌ ഭൂമി​മേ​ലുള്ള യേശു​വി​ന്റെ രാജ്യാ​ധി​കാ​ര​ത്തി​ലുള്ള അദൃശ്യ​സാ​ന്നി​ദ്ധ്യ​ത്തെ ലക്ഷ്യ​പ്പെ​ടു​ത്തുന്ന ശ്രദ്ധേ​യ​മായ കാര്യ​ങ്ങ​ളെ​ക്കു​റി​ച്ചുള്ള അവന്റെ പ്രവച​ന​ത്തോ​ടു ചേർച്ച​യി​ലാ​യി​രു​ന്നു. അവന്റെ ശിഷ്യൻമാർ അവനോട്‌ ഈ ചോദ്യം ചോദി​ച്ചി​രു​ന്നു: “ഞങ്ങളോ​ടു പറയൂ, ഈ കാര്യങ്ങൾ എപ്പോ​ഴാ​യി​രി​ക്കും, നിന്റെ സാന്നി​ദ്ധ്യ​ത്തി​ന്റെ​യും വ്യവസ്ഥി​തി​യു​ടെ സമാപ​ന​ത്തി​ന്റെ​യും അടയാ​ള​മെ​ന്താ​യി​രി​ക്കും?” മറുപ​ടി​യാ​യി യേശു ഇങ്ങനെ പറഞ്ഞു: “ജനത ജനത​ക്കെ​തി​രാ​യും രാജ്യം രാജ്യ​ത്തി​നെ​തി​രാ​യും എഴു​ന്നേൽക്കും, ഒരു സ്ഥലത്തിനു പിന്നാലെ മറെറാ​ന്നിൽ ഭക്ഷ്യക്ഷാ​മ​ങ്ങ​ളും ഭൂകമ്പ​ങ്ങ​ളും ഉണ്ടായി​രി​ക്കും. ഇവയെ​ല്ലാം കൊടിയ വിപത്തി​ന്റെ കഠോര വേദന​ക​ളു​ടെ ആരംഭ​മാ​കു​ന്നു. രാജ്യ​ത്തി​ന്റെ ഈ സുവാർത്ത സകല ജനതകൾക്കും സാക്ഷ്യ​മാ​യി നിവസി​ത​ഭൂ​മി​യി​ലെ​ല്ലാം പ്രസം​ഗി​ക്ക​പ്പെ​ടും; അപ്പോൾ അവസാനം വരും.”—മത്തായി 24:3, 7, 8, 14; മർക്കോസ്‌ 13:10.

13. (എ) ദൈവ​രാ​ജ്യ​പ്ര​സം​ഗം ഏതു കാര്യ​ത്തി​ലാണ്‌ സുവാർത്ത​യാ​യി​രി​ക്കു​ന്നത്‌? (ബി) ദൈവ​രാ​ജ്യം വരാനുള്ള പ്രാർത്ഥന എത്ര നാൾ നടത്ത​പ്പെ​ട്ടി​ട്ടുണ്ട്‌, അവന്റെ ഭൂമി​യി​ലെ സാക്ഷികൾ ഈ പ്രാർത്ഥന നടത്തു​ന്ന​തിൽ ഒരിക്ക​ലും ക്ഷീണി​ച്ചു​പോ​യി​ട്ടി​ല്ലേ?

¹³ യഹോ​വ​യു​ടെ രാജ്യ​ത്തി​ന്റെ ഈ സുവാർത്ത ഇപ്പോൾ 200-ൽപരം രാജ്യ​ങ്ങ​ളിൽ പ്രസം​ഗി​ക്ക​പ്പെ​ടു​ന്നുണ്ട്‌, കൂടുതൽ പ്രദേ​ശ​ങ്ങ​ളി​ലേക്ക്‌ അതു വ്യാപി​പ്പി​ക്കാൻ ശ്രമം​ചെ​യ്യ​പ്പെ​ടു​ന്നു​മുണ്ട്‌. അത്‌ ഇനിയും വരാനുള്ള ഒരു ലോക​ഗ​വൺമെൻറി​നെ​ക്കു​റി​ച്ചുള്ള വാർത്തയല്ല, പിന്നെ​യോ ഇപ്പോൾത്തന്നെ അധികാ​ര​ത്തി​ലി​രി​ക്കുന്ന, ഭരിക്കുന്ന, ഒരു രാജ്യ​ത്തി​ന്റേ​താണ്‌. ആ രാജ്യം 1914-ൽ സ്ഥാപി​ക്ക​പ്പെട്ടു. അത്‌ 1,900-ൽപരം വർഷം​മുമ്പ്‌ യേശു വിവരിച്ച പ്രാർത്ഥ​ന​യു​ടെ ഉത്തരത്തിന്‌ രംഗ​വേ​ദി​യൊ​രു​ക്കി. ആ രാജ്യ​ത്തി​നു​വേണ്ടി പ്രാർത്ഥി​ക്കാൻ ആ രാജ്യ​ത്തി​ന്റെ രാജാ​വാ​യി​രി​ക്കേ​ണ്ടവൻ തന്റെ ശിഷ്യൻമാ​രെ പഠിപ്പി​ച്ച​തു​മു​തൽ അതിന്റെ സ്ഥാപക​നോട്‌ ആ പ്രാർത്ഥന നടത്ത​പ്പെ​ട്ടി​ട്ടുണ്ട്‌. അതു​കൊണ്ട്‌ ആ രാജ്യ​ത്തി​ന്റെ ഉടമ അതിനു​വേ​ണ്ടി​യുള്ള അപേക്ഷ ദീർഘ​നാ​ളു​ക​ളാ​യി കേട്ടു​കൊ​ണ്ടാ​ണി​രി​ക്കു​ന്നത്‌. ആ കാല​ത്തെ​ല്ലാം ഭൂമി​യി​ലെ അവന്റെ സാക്ഷികൾ അർപ്പിച്ച പ്രാർത്ഥന കേൾക്കു​ന്നത്‌ അവന്‌ പ്രസാ​ദ​മാ​യി​രു​ന്നു, എന്തു​കൊ​ണ്ടെ​ന്നാൽ അത്‌ ആ രാജ്യ​ത്തി​ന്റെ വരവി​ലുള്ള അവരുടെ വിശ്വാ​സ​ത്തോട്‌ അവർ പററി​നി​ന്നു​വെന്ന്‌ പ്രകട​മാ​ക്കി. അതു തങ്ങൾക്കു പഴകി​പ്പോ​യെ​ന്നുള്ള മട്ടിൽ “സ്വർഗ്ഗ​സ്ഥ​നായ പിതാവി”നോട്‌ ആ പ്രാർത്ഥന നടത്തു​ന്ന​തിൽ അവർ ക്ഷീണി​ത​രാ​യില്ല.—മത്തായി 6:9, 10.

14. യഹോ​വ​യു​ടെ സാക്ഷികൾ ദൈവ​രാ​ജ്യം പ്രസം​ഗി​ക്കു​ന്ന​തിൽ നിർബ​ന്ധം​പി​ടി​ക്കു​ന്ന​തെ​ന്തു​കൊണ്ട്‌?

¹⁴ യഹോ​വ​യു​ടെ സാക്ഷികൾ ആ രാജ്യം 1914-ൽ സ്വർഗ്ഗ​ത്തിൽ സ്ഥാപി​ക്ക​പ്പെ​ട്ടു​വെന്നു വിശ്വ​സി​ക്കു​ക​യും ഘോഷി​ക്കു​ക​യും ചെയ്യു​മ്പോൾത്തന്നെ അവർ രാജ്യ​ത്തി​ന്റെ ഈ സുവാർത്ത പ്രസം​ഗി​ക്കു​ന്ന​തിൽ നിർബ​ന്ധം​പി​ടി​ക്കു​ന്നു. ആ സ്ഥാപി​ത​രാ​ജ്യം ഭൂമി​യു​ടെ സമ്പൂർണ്ണ​നി​യ​ന്ത്രണം ഏറെറ​ടു​ക്കാ​തെ മനുഷ്യ​വർഗ്ഗ​ത്തി​ന്റെ സകല ഗോ​ത്ര​ങ്ങ​ളു​ടെ​മേ​ലും വർഗ്ഗങ്ങ​ളു​ടെ​മേ​ലും ശക്തിയും അധികാ​ര​വും പ്രയോ​ഗി​ക്കു​ന്ന​തിൽ തുടരാൻ ഈ ലോക​രാ​ജ്യ​ങ്ങളെ അനുവ​ദി​ച്ചി​രി​ക്കു​ന്ന​തു​കൊ​ണ്ടാണ്‌ അവർ അങ്ങനെ ചെയ്യു​ന്നത്‌. (റോമർ 13:1) അതു​കൊണ്ട്‌ ഒരു പൂർണ്ണ​മായ അർത്ഥത്തിൽ, അതായത്‌, അത്‌ സർവഭൂ​മി​മേ​ലും അധികാ​രം പ്രയോ​ഗി​ക്കുന്ന ഏകഗവൺമെൻറാ​യി​രി​ക്കുന്ന അളവോ​ളം അതു വരേണ്ടി​യി​രി​ക്കു​ന്നു.—ദാനി​യേൽ 2:44.

15. ക്രി.വ. 33ലെ പെന്തെ​ക്കോ​സ്‌തു​മു​തൽ ഇസ്ര​യേ​ലി​ലെ രാജാ​ക്കൻമാർ അഭി​ഷേ​കം​ചെ​യ്യ​പ്പെ​ട്ട​പ്പോ​ഴ​ത്തേ​തി​നെ​ക്കാൾ മഹത്തര​മായ തോതിൽ എന്തു നടന്നു​കൊ​ണ്ടാ​ണി​രി​ക്കു​ന്നത്‌?

¹⁵ യേശു ആ രാജ്യ​ത്തി​ന്റെ രാജാ​വാ​യി നിയു​ക്ത​നാ​യി​രി​ക്കു​ന്നെ​ങ്കി​ലും അവൻ ഒററക്കല്ല ഭരിക്കു​ന്നത്‌. യഹോ​വ​യാം ദൈവ​ത്തി​ന്റെ മശി​ഹൈ​ക​രാ​ജ്യ​ത്തിൽ തന്റെ രാജകീയ പുത്രന്റെ കൂട്ടവ​കാ​ശി​ക​ളാ​യി​രി​ക്കാൻ അവന്റെ 1,44,000 അനുഗാ​മി​കളെ അവൻ നിയമി​ച്ചി​ട്ടുണ്ട്‌. (ദാനി​യേൽ 7:27) പുരാതന ഇസ്രാ​യേ​ലി​ലെ രാജാ​ക്കൻമാർ മഹാപു​രോ​ഹി​ത​നാൽ വിശു​ദ്ധാ​ഭി​ഷേക തൈലം കൊണ്ട്‌ അഭി​ഷേ​കം​ചെ​യ്യ​പ്പെ​ട്ട​തു​പോ​ലെ ക്രി.വ. 33ലെ പെന്തെ​ക്കോ​സ്‌തു​ദി​വസം മുതൽ യഹോവ യേശു​ക്രി​സ്‌തു​വി​ന്റെ 1,44,000 കൂട്ടവ​കാ​ശി​കളെ പരിശു​ദ്ധാ​ത്‌മാ​വു​കൊണ്ട്‌ അഭി​ഷേ​കം​ചെ​യ്യു​ക​യും “രാജാ​ധി​രാ​ജാ​വും കർത്താ​ധി​കർത്താ​വു”മൊത്തുള്ള സ്വർഗ്ഗ​ത്തി​ലെ ആത്‌മ​ജീ​വി​ത​ത്തി​നാ​യി ജനിപ്പി​ക്കു​ക​യും ചെയ്‌തി​രി​ക്കു​ന്നു.—വെളി​പ്പാട്‌ 19:16; 1 രാജാ​ക്കൻമാർ 1:39 താരത​മ്യം​ചെ​യ്യുക.

“ഒടുക്കത്തെ ആദാ”മിനാൽ പറുദീസ പുനഃ​സ്ഥാ​പി​ക്ക​പ്പെ​ടാ​നി​രി​ക്കു​ന്നു

16. യേശു​വി​ന്റെ സ്‌തം​ഭ​ത്തി​ലെ മരണത്തി​ങ്കൽ രാജ്യ​ത്തി​ന്റെ പ്രതീക്ഷ എന്തായി​രു​ന്നു, എന്നാൽ അവൻ തെററായ വാർത്ത​യു​ടെ ഒരു ഘോഷ​ക​ന​ല്ലാ​ഞ്ഞ​തെ​ന്തു​കൊണ്ട്‌?

¹⁶ ക്രി.വ. 33-ലെ യേശു​വി​ന്റെ തൂക്കി​ക്കൊ​ല​യു​ടെ സമയത്ത്‌ അവന്‌ ഒരു രാജ്യ​മു​ണ്ടാ​യി​രി​ക്കുക സാദ്ധ്യ​മാ​ണെ​ന്നു​പോ​ലും അശേഷം തോന്നി​യില്ല. എന്നാൽ തന്റെ ദൈവ​രാ​ജ്യ​പ്ര​സം​ഗ​ത്തിൽ അവൻ തെററായ ഒരു വാർത്ത ഘോഷി​ക്കു​ന്ന​വ​നാ​യി​രു​ന്നില്ല. അവന്റെ സ്‌തം​ഭ​ത്തി​ലെ മരണ​ശേഷം മൂന്നാം ദിവസം യേശു​വി​ന്റെ ശിഷ്യൻമാർ അസാദ്ധ്യ​മായ ഒരു ഗവൺമെൻറി​നു​വേ​ണ്ടി​യല്ല പ്രാർത്ഥി​ക്കു​ന്ന​തെന്ന്‌ രാജ്യ​സ്ഥാ​പകൻ ഉറപ്പു​വ​രു​ത്തി. പ്രാർത്ഥി​ക്ക​പ്പെട്ട രാജ്യ​ത്തിൽ തന്നെ പ്രതി​നി​ധാ​നം​ചെ​യ്യാ​നു​ള്ള​വനെ യഹോവ പുനരു​ത്ഥാ​ന​പ്പെ​ടു​ത്തു​ക​യും അവനെ അമർത്യത ധരിപ്പി​ക്കു​ക​യും ചെയ്‌തു.

17, 18. (എ) യേശു “ഒടുക്കത്തെ ആദാം” എന്നു വിളി​ക്ക​പ്പെ​ടു​ന്ന​തി​ന്റെ അർത്ഥ​മെ​ന്താണ്‌? (ബി) 1914 മുതലുള്ള ലോക​സം​ഭ​വങ്ങൾ എന്തു സൂചി​പ്പി​ക്കു​ന്നു?

¹⁷ ഭൂമി​യി​ലെ ഒന്നാമത്തെ പറുദീ​സ​യു​ടെ സ്രഷ്ടാവ്‌ പറുദീ​സയെ പുതു​ക്കു​ന്ന​തി​നും ആഗോള ഉദ്യാ​നത്തെ അധിവ​സി​പ്പി​ക്കു​ന്ന​തിൽ ശ്രദ്ധി​ക്കു​ന്ന​തി​നു​മുള്ള കടപ്പാട്‌ തന്റെ മേൽ വെക്കു​മെന്ന്‌ യേശു​വി​ന​റി​യാ​മാ​യി​രു​ന്നു. 1 കൊരി​ന്ത്യർ 15:45, 47ൽ നാം ഇങ്ങനെ വായി​ക്കു​ന്നു: “‘ഒന്നാം മനുഷ്യ​നായ ആദാം ജീവനുള്ള ഒരു ദേഹി​യാ​യി​ത്തീർന്നു’വെന്നു​പോ​ലും എഴുത​പ്പെ​ട്ടി​രി​ക്കു​ന്നു. ഒടുക്കത്തെ ആദാം ജീവദാ​യ​ക​നായ ഒരു ആത്മാവാ​യി​ത്തീർന്നു. ഒന്നാം മനുഷ്യൻ ഭൂമി​യിൽനി​ന്നു​ള്ള​വ​നും പൊടി​കൊ​ണ്ടു നിർമ്മി​ക്ക​പ്പെ​ട്ട​വ​നു​മാ​കു​ന്നു; രണ്ടാമത്തെ മനുഷ്യൻ സ്വർഗ്ഗ​ത്തിൽനി​ന്നു​ള്ള​വ​നാണ്‌.” രണ്ടാമത്തെ ആദാം സ്വർഗ്ഗ​ത്തിൽനിന്ന്‌ ഇറങ്ങി​വന്നു. ഇവിടെ പറുദീസ വീണ്ടും സ്ഥാപി​ക്കാൻ യഹോവ ഉപയോ​ഗി​ക്കു​ന്നത്‌ അവനെ​യാണ്‌. ഈ അടിസ്ഥാ​ന​ത്തി​ലാണ്‌ കർത്താ​വായ യേശു അനുഭാ​വി​യാ​യി​രുന്ന ദുഷ്‌പ്ര​വൃ​ത്തി​ക്കാ​ര​നോട്‌ “നീ എന്നോ​ടു​കൂ​ടെ പറുദീ​സ​യിൽ ഉണ്ടായി​രി​ക്കു”മെന്നു പറഞ്ഞത്‌. (ലൂക്കോസ്‌ 23:43) മഹത്വീ​ക​രി​ക്ക​പ്പെട്ട യേശു​ക്രി​സ്‌തു​വായ “ഒടുക്കത്തെ ആദാ”മിന്റെ കൈക​ളി​ലെ സ്വർഗ്ഗ​രാ​ജ്യ​ത്തിൻകീ​ഴിൽ ഭൂമി​യിൽ പറുദീസ സ്ഥാപി​ക്ക​പ്പെ​ടു​മെന്ന്‌ വീണ്ടും ഈ സംഭാ​ഷ​ണ​ത്തിൽനിന്ന്‌ പ്രകട​മാണ്‌.

¹⁸ ആയിര​ത്തി​ത്തൊ​ള്ളാ​യി​ര​ത്തി​പ്പ​തി​നാ​ലു​മു​ത​ലുള്ള സംഭവങ്ങൾ യേശു​ക്രി​സ്‌തു ഉച്ചരിച്ച പ്രവച​ന​ങ്ങ​ളോട്‌ യോജി​ക്കു​ന്നു, അങ്ങനെ അന്നുമു​തൽ യേശു അധികാ​ര​ത്തി​ലി​രി​ക്കു​ന്നു​വെന്ന്‌ തെളി​യി​ക്കു​ന്നു. ഇപ്പോൾ ഏഴിൽപരം ദശാബ്ദ​ങ്ങ​ളാ​യി 1914 മുതൽ ജീവി​ക്കുന്ന ഈ 20-ാം നൂററാ​ണ്ടി​ലെ തലമു​റ​യിൽപെട്ട ആളുകൾ മത്തായി 24-ാം അദ്ധ്യാ​യ​ത്തിൽ പട്ടിക​പ്പെ​ടു​ത്തി​യി​രി​ക്കുന്ന യേശു​വി​ന്റെ പ്രവച​ന​ത്തി​ലെ സംഭവ​ങ്ങ​ളു​ടെ നിവൃത്തി അനുഭ​വി​ച്ചി​രി​ക്കു​ന്നു. അതു​കൊണ്ട്‌, ഈ കാലഘട്ടം അതിന്റെ അവസാ​ന​ത്തോ​ട​ടു​ക്കു​ക​യാണ്‌, ഭൂമി​യി​ലെ പറുദീ​സ​യു​ടെ പുനഃ​സ്ഥി​തീ​ക​രണം സമീപി​ച്ചു​മി​രി​ക്കു​ന്നു.—മത്തായി 24:32-35; സങ്കീർത്തനം 90:10 താരത​മ്യം​ചെ​യ്യുക.

ആവേശ​ക​ര​മായ ഒരു പുതി​യ​ലോ​ക​യു​ഗം മുമ്പിൽ

19, 20. (എ) അർമ്മ​ഗെ​ദ്ദോ​നു​ശേഷം, യഹോവ തന്നെ സ്‌നേ​ഹി​ക്കു​ന്ന​വരെ എന്തി​ലേക്കു പ്രവേ​ശി​പ്പി​ക്കും? (ബി) അർമ്മ​ഗെ​ദ്ദോൻ കഴിഞ്ഞാൽ താമസി​യാ​തെ എന്തു ചെയ്യേ​ണ്ട​തുണ്ട്‌?

¹⁹ സംശയ​ത്തി​ന്റെ യാതൊ​രു അനിശ്ചി​ത​ത്വ​വു​മി​ല്ലാ​തെ അർമ്മ​ഗെ​ദ്ദോൻയു​ദ്ധ​ക്ക​ള​ത്തിൽ തന്റെ സാർവ​ത്രിക പരമാ​ധി​കാ​രം സംസ്ഥാ​പി​ച്ച​ശേഷം യഹോവ തന്നെ സ്‌നേ​ഹി​ക്കു​ന്ന​വരെ കടത്തു​ന്നത്‌ വിരസ​മായ, മുഷി​പ്പ​നായ, ഒരു വ്യവസ്ഥി​തി​യി​ലേ​ക്കാ​യി​രി​ക്കു​ക​യില്ല. ദൈവ​പു​ത്ര​നും മശി​ഹൈ​ക​രാ​ജാ​വു​മായ യേശു​വി​ന്റെ ആരോ​ഗ്യാ​വ​ഹ​മായ വാഴ്‌ച​യിൻകീ​ഴിൽ മനുഷ്യ​വർഗ്ഗ​ത്തി​നു​വേണ്ടി വരാൻ പോകുന്ന യുഗം തീർച്ച​യാ​യും അത്യന്തം ആവേശ​ക​ര​മായ ഒന്നായി​രി​ക്കും. ഹാ, പ്രയോ​ജ​ന​ക​ര​മായ എത്രയ​ധി​കം കാര്യങ്ങൾ ചെയ്യേ​ണ്ട​തു​ണ്ടാ​യി​രി​ക്കും! യഹോ​വ​യു​ടെ സ്വർഗ്ഗീ​യ​സൈ​ന്യ​ങ്ങ​ളും ശ്രദ്ധാ​പൂർവം നയിക്ക​പ്പെ​ടുന്ന തിൻമ​യു​ടെ ശക്തിക​ളും തമ്മിലുള്ള ആഗോ​ള​പോ​രാ​ട്ട​ത്താൽ ഭൂമു​ഖത്തു വരുത്ത​പ്പെട്ട സകല വടുക്ക​ളും നീക്കം​ചെ​യ്യ​പ്പെ​ടും. യാതൊ​രു കണിക​യും ശേഷി​ക്ക​യില്ല.

²⁰ എന്നാൽ ജനതകൾ പിമ്പിൽ വിടുന്ന സകല യുദ്ധോ​പ​ക​ര​ണ​ങ്ങ​ളും സംബന്ധി​ച്ചെന്ത്‌? അവയുടെ തീപി​ടി​ക്കുന്ന ഭാഗങ്ങൾ നീക്കം​ചെ​യ്യാൻ എടുക്കുന്ന സമയ​ദൈർഘ്യ​ത്തി​ന്റെ പ്രതീ​കാ​ത്മ​ക​സൂ​ച​ന​യു​ടെ വീക്ഷണ​ത്തിൽ അവയുടെ അളവ്‌ ഭയങ്കര​മാ​യി​രി​ക്കും. (യെഹെ​സ്‌ക്കേൽ 39:8-10) അർമ്മ​ഗെ​ദ്ദോ​നെ അതിജീ​വി​ക്കു​ന്ന​വർക്ക്‌ ജനതക​ളു​ടെ യുദ്ധസ​ജ്ജീ​ക​ര​ണ​ങ്ങ​ളു​ടേ​താ​യി ശേഷി​ക്കുന്ന ഏതു വസ്‌തു​ക്ക​ളെ​യും പ്രയോ​ജ​ന​ക​ര​ങ്ങ​ളായ ഉദ്ദേശ്യ​ങ്ങൾക്കാ​യി മാററി​യെ​ടു​ക്കാൻ കഴി​ഞ്ഞേ​ക്കും.—യെശയ്യാവ്‌ 2:2-4.

21. ജലപ്ര​ള​യത്തെ അതിജീ​വി​ച്ച​വ​രു​ടെ അനുഭ​വ​ത്തി​നു സമാന​മാ​യി അർമ്മ​ഗെ​ദ്ദോ​നെ അതിജീ​വി​ക്കു​ന്ന​വരെ ഏതു സാഹച​ര്യം അഭിമു​ഖീ​ക​രി​ക്കും, എന്നാൽ എന്തു വലിയ വ്യത്യാ​സ​ത്തോ​ടെ​യാ​യി​രി​ക്കും?

²¹ ആഗോ​ള​ജ​ല​പ്ര​ള​യത്തെ അത്ഭുത​ക​ര​മാ​യി അതിജീ​വിച്ച നോഹ​യു​ടെ​യും അവന്റെ കുടും​ബ​ത്തി​ന്റെ​യും അനുഗൃ​ഹീ​ത​രായ ആധുനിക മറുഘ​ടകം നോഹ​യു​ടെ കുടും​ബം കണ്ടെത്തി​യ​ത്തി​നോ​ടു സമാന​മായ ഒരു ഭൗമി​ക​സാ​ഹ​ച​ര്യ​ത്തെ അഭിമു​ഖീ​ക​രി​ക്കും. എന്നിരു​ന്നാ​ലും, പിശാ​ചായ സാത്താ​നും അവന്റെ ഭൂത​സൈ​ന്യ​ങ്ങ​ളും ഭൂമിക്കു ചുററു​മുള്ള അദൃശ്യ ആകാശ​ങ്ങളെ മേലാൽ ബാധി​ക്കു​ക​യില്ല, എന്നാൽ അവർ പത്തു ശതാബ്ദ​ങ്ങ​ളി​ലേക്ക്‌ പൂർണ്ണ​മാ​യും പ്രവർത്ത​ന​ര​ഹി​ത​രാ​ക്ക​പ്പെ​ടും. (വെളി​പ്പാട്‌ 20:1-3) അർമ്മ​ഗെ​ദ്ദോ​നെ അതിജീ​വി​ക്കു​ന്ന​വർക്ക്‌ “സർവശ​ക്ത​നായ ദൈവ​ത്തി​ന്റെ മഹാദി​വസ”ത്തിലൂടെ കടന്ന ഭൂമിയെ കീഴട​ക്കാ​നുള്ള വെല്ലു​വി​ളി​പ​ര​മായ ജോലി​യു​ണ്ടാ​യി​രി​ക്കും, ആ ദിവസം ഈ ഗോള​ത്തിൽ അവശേ​ഷി​പ്പി​ക്കുന്ന ഏതു ഫലങ്ങ​ളെ​യും നേരി​ട്ടു​കൊ​ണ്ടു​തന്നെ.—വെളി​പ്പാട്‌ 16:14.

22. പറുദീസ ഭൂവ്യാ​പ​ക​മാ​യി വികസി​പ്പി​ക്കു​ന്ന​തി​ന്റെ വെല്ലു​വി​ളി​യോട്‌ അർമ്മ​ഗെ​ദ്ദോ​നെ അതിജീ​വി​ക്കു​ന്നവർ എങ്ങനെ പ്രതി​ക​രി​ക്കും?

²² താരത​മ്യേന ചുരുക്കം പേരാ​ക​യാൽ ഈ അർമ്മ​ഗെ​ദ്ദോൻയു​ദ്ധ​ത്തി​ന്റെ അതിജീ​വകർ സാധാ​ര​ണ​ഗ​തി​യിൽ പറുദീ​സയെ ഭൂവ്യാ​പ​ക​മാ​യി വികസി​പ്പി​ക്കുന്ന വമ്പിച്ച വേല ഭരമേൽപ്പി​ക്ക​പ്പെ​ടു​മ്പോൾ വളരെ ഭയചകി​ത​രാ​കു​മെന്ന്‌ പ്രതീ​ക്ഷി​ക്ക​പ്പെ​ട്ടേ​ക്കാം. എന്നാൽ മറിച്ച്‌ അങ്ങേയ​ററം പുളകി​ത​രാ​യി അവർ ധീരവും അനുസ​ര​ണ​പൂർവ​ക​വു​മായ ഒരു തുടക്ക​മി​ടും. ഈ ഭൂമി ദൈവ​ത്തി​ന്റെ പ്രതീ​കാ​ത്മക പാദപീ​ഠ​മാ​ണെന്ന്‌ അവർ പൂർണ്ണ​മാ​യും തിരി​ച്ച​റി​യു​ന്നു, അവന്റെ പാദങ്ങൾ വെക്കാൻ അർഹമായ ഒരു അഴകാർന്ന അവസ്ഥയി​ലേക്ക്‌ ഈ ഭൗമി​ക​മ​ണ്ഡ​ലത്തെ വരുത്താൻ അവർ ആത്മാർത​മാ​യി ആഗ്രഹി​ക്കു​ന്നു.

23. പറുദീസ പുനഃ​സ്ഥി​തീ​ക​രി​ക്കുന്ന തങ്ങളുടെ വേല വിജയി​ക്കു​മെ​ന്നു​ള്ള​തി​ന്റെ ഉറപ്പായി അർമ്മ​ഗെ​ദ്ദോ​നെ അതിജീ​വി​ക്കു​ന്ന​വർക്ക്‌ എന്തു പിന്തു​ണ​യുണ്ട്‌?

²³ ഭൂമി​യെ​സം​ബ​ന്ധിച്ച ദിവ്യ ഉത്തരവാ​ദി​ത്വ​ത്തി​ന്റെ നിവൃ​ത്തി​യാ​യി ഈ സന്തോ​ഷ​ക​ര​മായ സേവനം ഏറെറ​ടു​ത്ത​ശേഷം അവർ നിസ്സഹാ​യ​രാ​യി ഒററക്ക്‌ വിട​പ്പെ​ടു​ക​യി​ല്ലെ​ന്ന​റി​യു​ന്നത്‌ സന്തോ​ഷ​പ്ര​ദ​വും പ്രോൽസാ​ഹ​ക​വു​മാണ്‌. (യെശയ്യാവ്‌ 65:17, 21-24 താരത​മ്യം ചെയ്യുക.) അവർക്ക്‌ പുനഃ​സ്ഥി​തീ​ക​രി​ക്ക​പ്പെ​ടുന്ന പറുദീ​സ​യു​ടെ വാഗ്‌ദാ​നം നൽകി​യ​വ​നും തന്റെ സ്വർഗ്ഗാ​രോ​ഹ​ണ​ദി​വസം “സ്വർഗ്ഗ​ത്തി​ലും ഭൂമി​യി​ലു​മുള്ള സകല അധികാ​ര​വും എനിക്കു നൽക​പ്പെ​ട്ടി​രി​ക്കു​ന്നു” എന്നു പറഞ്ഞവ​നു​മാ​യ​വന്റെ പൂർണ്ണ​മായ, അപരി​മി​ത​മായ പിന്തുണ ഉണ്ടായി​രി​ക്കും. (മത്തായി 28:18) അവന്‌ ഇപ്പോ​ഴും ആ അധികാ​ര​മുണ്ട്‌. നാം അടുത്ത ലേഖന​ത്തിൽനിന്ന്‌ കാണാൻ പോകു​ന്ന​തു​പോ​ലെ, അനുഭാ​വി​യായ ദുഷ്‌പ്ര​വൃ​ത്തി​ക്കാ​ര​നോ​ടുള്ള അവന്റെ ശ്രദ്ധേ​യ​മായ വാഗ്‌ദാ​നം നിറ​വേ​റ​റാൻ അവൻ പ്രാപ്‌ത​നാണ്‌. (w89 8⁄15)

[അടിക്കു​റിപ്പ്‌]

പുനര​വ​ലോ​ക​ന​ചോ​ദ്യ​ങ്ങൾ

◻ കാൽവ​റി​യി​ലെ യേശു​വി​ന്റെ വാഗ്‌ദാ​നം മനുഷ്യ​വർഗ്ഗ​ത്തി​നും ഒരു കുററ​പ്പു​ള്ളി​ക്കും എന്തിന്‌ ഉറപ്പു​നൽകു​ന്നു?

◻ പറുദീ​സ​യി​ലേക്കു തിരി​കെ​യുള്ള വഴി തുറക്കു​ന്ന​തു​സം​ബ​ന്ധി​ച്ചു അടിസ്ഥാ​ന​പ​ര​മാ​യി​ട്ടു​ള്ള​തെ​ന്താണ്‌?

◻ ഒന്നാം ആദാം എന്തു​ചെ​യ്യു​ന്ന​തിൽ പരാജ​യ​പ്പെട്ടു, എന്നാൽ “ഒടുക്കത്തെ ആദാം” എന്തു സാധി​ക്കും?

◻ അർമ്മ​ഗെ​ദ്ദോ​നു​ശേഷം, യഹോവ ഏതുതരം വ്യവസ്ഥി​തി​യി​ലേക്കു തന്റെ സ്‌നേ​ഹി​തരെ പ്രവേ​ശി​പ്പി​ക്കും?

[13-ാം പേജിലെ ചിത്രം]

“1914ൽ സകല രാജ്യ​ങ്ങ​ളു​ടെ​യും അവസാനം” എന്ന ലേഖനം 1914 ഓഗസ്‌ററ്‌ 30ലെ “ദി വേൾഡ്‌ മാഗസി​നി”ൽ പ്രത്യ​ക്ഷ​പ്പെ​ട്ടു